رواية احفاد المنشاوي - ندى الشرقاوي "اميرة الرعد الجزء الثالث" الفصل الرابع 4 - بقلم ندى الشرقاوي "اميرة الرعد الجزء الثالث"

جنه: نننننعم يا عمري؟ رد أمجد قائلًا: إيه يا حضرة الظابط، في إيه؟ جنه: هو إيه اللي في إيه؟ وهو رجع الخدمة إمتى؟ أمجد: رجع من أسبوع. جنه ببرود: تمام يا فندم، عن إذنك. وأدت التحية وانصرفت، وطلعت على القصر. جنه: مااااامي! أميرة طلعت بسرعة: إيه يا جنه؟ على طول بتقولي يا ميرووو، وتقولي هو في ظابط يقول مامي؟ جنه بعبث مثل الأطفال: يعني مقولش؟ أميرة مسرعة: لا يا قلب مامي، قوليها على طول.

جنه قائلة بتردد: طب بصي يا ستي، في مهمة ولازم أطلعها، وفيها ترقية كبيرة ليا. أميرة بخوف مثل أي أم: لا يا جنه بلاش، كفاية كده. جنه: يا مامي وافقي، لازم أطلع. أميرة رأت في عينيها الحماس والنشاط وأنها عاوزة تطلع المهمة. أميرة: عاوزة تثبتي نفسك لمين يا بنت أميرة؟ جنه باستغراب: مش فاهمة. أميرة بذكاء: أنتي عاوزة تثبتي نفسك لحد مين؟ جنه بدون تردد قائلة: أوس. أميرة: أوس رجع الخدمة تاني؟

جنه، أوعي تكوني فاكرة إني هب*لة، أنا عارفة إنك بترجعي من المهمات مصابة، وعارفة إن رعد هو اللي بيعملك الجر*ح، وعارفة آخر مهمة برضه. جنه بصدمة: إزاي؟ أميرة: جنه، أنتي بنتي الكبيرة، أنا آه أكبر منك بـ 15 سنة بس... جنه: ياااه، هو أنا كبرت أوي كده؟ ... : مش ناويه تتجوزي بقى؟ جنه بسخرية: لا، ناويه أكسر دراعك. أنس بخوف مصطنع: أنا مهندس محترم. جنه: أيوه، اعدل كده. جنه لأميرة: هاا، بجد عاوزة أطلع المهمة.

أميرة بابتسامة: اطلعي، بس اشمعنا أول مرة تستأذني لمهمة؟ جنه بتردد: أصل... أميرة: أصل إيه؟ جنه طلعت تجري: في تركيا! أميرة طلعت تجري وراها: نننننعم؟ تركيا يا بنت رعد؟ والنعمة لأوريكي! جنه وهي بتجري: استهدي بالله، ولا علشان عندك صحة بقى؟ بعد محاولات من جنه علشان موافقة أميرة ورعد علشان تسافر، وافقوا أخيرًا. جنه: الحمد لله أخيرًا! رعد: ماشي يا بنت أميرة، أما أشوف آخرتها معاكي. جنه: سلاموز يا رعد. ومشيت راحت الكافيه.

جنه: قهوة سادة لو سمحت. الجارسون: تمام يا فندم. ... : خليهم اتنين لو سمحت. جنه: اتفضل حضرتك روح. جنه ببرود: نعم يا فندم؟ أوس قعد: جنه، أنا أوس، بس سيبيكي من فندم والكلام دا، أنا شغلي حلو في الشركات، أنا رجعت الخدمة علشانك أنتي. جنه: والله أنصحك إنك ما تعملش حاجة علشان حد. أوس بحنية: أنتي مش أي حد، أنتي جنتي على الأرض. جنه بغضب: بالعكس، أنا هكون النار على الأرض يا ابن المحمدي. أوس مسرع: جنه، أو نار، أنا عاوزك.

جنه بصوت عالي: أنا مش بتاعت حد، أنا حرة، سااامع؟ جنه المنشاوي مش لحد، ولو فاكر إنك هتطلع المهمة علشاني تكون غلطان، المهمة دي يا ترجع سليم يا ما ترجعش. أوس: يا جنه، طب اسمعيني بس. جنه بغضب: أنا مش عاوزة أسمع حاجة. وسابته ومشيت. رعد: السكرتيرة الجديدة فين؟ يوسف: في أكتر من واحدة، هنشوفهم دلوقتي. أنس: أنا هدخلهم. أكرم بابتسامة: حلوين يا أنس. أنس بتصفير: حاجة كده لوز اللوز. أكرم بضحك: دخل لما نشوف.

يوسف بتحذير: هتختار باحترام. رعد رفع إيده باستسلام: أنا راجل متجوز، ومراتي لو عرفت إني قاعد أختار هتنيمني بره الجناح. أكرم: يا بيضة. رعد بغضب: أنا بيضة يا ***. أنس: بابا، أول واحدة هتدخل دلوقتي. دخلت فتاة في قمة المياعة تلبس تنورة قصيرة جدًا وبلوزة ضيقة وحذاء ذا كعب عالي وتأكل علكة (لبانة) رعد بتشاؤم من هيئتها: اسمك وسنك؟ الفتاة: عبير محمد، 25 سنة.

يوسف بغضب: اقفي عدل يا مدام، أنتي جاية تقدمي على وظيفة مش داخلة كبار*يه. عبير: الهي ما براحة يا باشا. أكرم: إيه يا بت ما تتعدلي؟ ولا أقولك اطلعي بره، أنتي مطرودة، براااااا. عبير: أحسن برضه، أنتوا ناس نكدية، أنا عاوزة واحد فرفوش كده، أنت يا أخ. أنس بصدمة: أنا؟ عبير: أيوه أنت. أنس: للأسف ما أنفعش، أنا 21 سنة يا أبلة. أكرم بضحك: أبلة!

أنس: يالاه يا أبلة، روحي شوفي أي حتة تاكلي منها عيش، هنا شركة محترمة بالكيك اللي عاملاه على وشك. عبير: بيئة أوي. ... : بره يا بت! رعد: جنه! جنه: إيه يا عين ماما؟ ما سمعتيش؟ عبير حبت تضايق جنه: وأنت مين؟ جنه برفع حاجب: أنت إيه يا عين أمك؟ مش باين عليا إني بنت؟ عبير: لا يا اختي، من لبسك لا. جنه: طب تيجي تحكمي من إيدي ولا إيه رأيك؟ أنس بقلق: اطلعي بره يا آنسة، وهنبقى نبعتلك لو في نصيب. عبير: طالعة. وطلعت.

رعد بغضب: أنت ما تجيبش ناس عدلة أبدًا. أنس: معلش، هنشوف الباقي. جنه: إزيك يا جو، إزيك يا أكرومتي؟ أكرم بابتسامة: بخير سنيوريتا. يوسف: الحمد لله يا جنتي. وراحت حضنت رعد وقبلته على خده. رعد: حبيبتي عاملة إيه؟ جنه: بخير يا رعدي. رعد: نكمل. جنه: كملوا، أنا هقعد هناك. رعد: دخل الناس يا آخرت صبري يا رب، حد عدل. وكملوا لحد ما اختاروا واحدة تصلح أن تكون موظفة في شركة المنشاوي. 🌼🌼🌼🌼🌼🌼🌼🌼🌼🌼🌼🌼🌼🌼🌼

أنا عاوز أعرف يعني إيه ما ينفعش بنتي تدخل العمليات؟ الاستقبال: حضرتك ما دفعتش الفلوس، إزاي تدخل؟ الراجل: يا ابني حرام عليك، أنا بنتي محتاجة العملية، طب تكون كويسة وأنا هدفع والله. الاستقبال: آسف يا فندم. أميرة: في إيه؟ الاستقبال: ما فيش يا دكتورة. الراجل: لا يا دكتورة، أنا بنتي محتاجة عملية، وأنا هتأخر في الفلوس شوية، وبيقولوا إن ما ينفعش تدخل العمليات من غير ما تدفع. أميرة بغضب: تموت يعني علشان الفلوس؟

وقالت للراجل: حظ حضرتك حلو، أنا كنت هعمل يوم في الأسبوع الكشف مجاني، وأي عملية تدفع 25% بس من المصاريف، واتفضل علشان بنت حضرتك تجهز وتعمل العملية. والدة المريضة: ربنا يخليكي يا دكتورة ويبارك في عيالك يا رب. أميرة بابتسامة: تسلمي على دعوتك الجميلة دي. أميرة للممرضة: جهزي المريضة هتدخل العمليات كمان ساعة، وأنا اللي هعملها العملية. ومشيت أميرة ورنت على رعد. رعد: إيه يا حبيبتي، في حاجة؟

أميرة بابتسامة: لا يا بابي، بس أنا ممكن أتأخر شوية، في عملية وهتاخد وقت. رعد: هخلص الشركة وأجي على المستشفى ونروح سوا. أميرة: تمام يا حبيبي. رعد بابتسامة وحنية: في رعاية الله. في آخر اليوم. رعد: ياله. جنة: هتروح القصر ولا فين؟ رعد بابتسامة: لا يا حبيبتي، هو كله روح بس مامي في المستشفى والوقت اتأخر، فهاعدي نروح سوا، تعالي معايا إيه رأيك؟ جنة: تمام بس بشرط. رعد: بتشرطي يا بنت المنشاوي؟

جنة: هنروح بعربيتي لأني ما بحبش حد من الحرس يسوقها. رعد: أوامر جنتي. جنة بابتسامة: ياله يا أحلى بابي. نزلوا من الشركة وركبوا. جنة: استني كده. ورنت على سليم. جنة: سلومي حبيبي. سليم: جنتي وحشتيني أوي أوي أوي. جنة بحب: وأنت كمان والله، أنا هاجي البلد قريب، إيه رأيك؟ سليم بفرحة: بجد يا جنة هتيجي؟ جنة: هاجي يا عيون جنة، وأنا عندي كام جدو بس؟ سليم: تنوري البلد كلها يا بنت الغالي. رعد بابتسامة: الغالي بيقولك عامل إيه يا حج؟

سليم: بخير يا رعد نحمد الله، وحشتيني أوي، مش ناوي تيجي؟ رعد: وهو بعد قول جنة نعرف نقول كده؟ الخميس الجاي هنكون عندك يا حج سليم. سليم بفرحة وسعادة: تنوروا الدنيا كلها، مهران أخباره إيه؟ رعد: مهران عايش عيشة ملوكي مع جنة، عملتله إسطبل لوحده بعيد عن بقية الخيل وما حدش بيقرب منه غيرها. سليم: أصيلة يا جنة. جنة: تربيتك يا سولم. رعد: أمي فين؟ سليم: نايمة، أنت عارف بتنام بدري. رعد: آه عارف.

جنة: وأنت يا سولم مش ناوي تتجوز ولا إيه؟ سليم بضحك: بس يا بت لتصحي تسمعك. جنة: يا عم دي كبرت، شوفلك واحدة صغيرة كده تدلعك. رعد: عاوزة أبويا يتجوز على أمي يا بت؟ جنة: آه. سليم: أنتوا حكاية. جنة: شوف ابنك مشغلني سواق، ورايحة أجيب الدكتورة من المستشفى. رعد بصدمة: أنا مشغلك سواق؟ جنة: آه شوفت يا سليم؟ رعد: دي كدابة يا حج، دي هيا اللي قالت نروح بعربيتها. سليم: حفيدتي تعمل اللي هيا عاوزاه، دي البكرية. جنة: تسلم يا منشاوي.

وبعد كلام كتير قفلوا مع بعض. وقفت جنة قدام المستشفى. جنة: دكتورة أميرة خلصت؟ الممرضة: لسه يا فندم في العمليات. جنة: تمام أنا في مكتبها، لما تخلص يا ريت تبلغيها إني موجودة. الممرضة: تمام يا فندم. دخلت جنة مكتب أميرة وقعدت تستنى أميرة. بعد نص ساعة كان رعد قلق لأنهم اتأخروا. نزل قفل العربية ودخل. ودخل المستشفى ودخل مكتب أميرة. رعد باستغراب: أمال فين أميرة؟ جنة: تقريبًا عندها عملية واخدة وقت كتير. رعد: دي داخلة من زمان.

جنة: خلينا قاعدين نستنى، وبالمرة أحكيلك اللي حصل مع أوس النهار ده. رعد بحماس: احكي. جنة: هو أنا هحكي حدوتة؟ رعد: بلا نيلة، قولي. بدأت جنة تقص عليه كل اللي حصل معاها هيا وأوس. رعد: وبعدين يا جنة؟ جنة: ولا قبلين. رعد: ناوية برضه تطلعي المهمة؟ جنة: آه، علشان كده قولت نروح الصعيد قبل ما أسافر لأني مش عارفة هرجع أمتى. رعد: جنة أنتي كده هتوجعي قلبي عليكي. جنة: قل لن يصيبنا إلا ما كتب الله لنا. رعد: واثق إنك هترجعي.

جنة: يا رب. دخلت أميرة وهيا مرهقة لأنها كانت عملية صعبة. رعد: حبيبتي مالك؟ أميرة بإرهاق: ما فيش يا رعد، مرهقة شوية بس. جنة: طب ياله علشان نروح وتنامي، شكلك تعبانة. رعد: أشيلك؟ جنة: يا جامد هتعرف؟ رعد: فكراني عجزت ولا إيه يا بت؟ أميرة بضحك: ياله ياله هنام هنا والله. وروحوا القصر وعدى اليوم بسلام على الجميع. يوم جديد كله متجمع عند رعد وده بخبر من رعد. رعد: طبعًا أنا جمعتكم لحاجة معينة. أكرم: إيه، نفطر سوا؟ رعد: ظريف.

جنة: مصحيني يوم الإجازة بدري ليه يا رعد؟ رعد: تتعرفي يا جنتي. فردوس: الله يخليك، عاوزة أنام، في مصيبة صح؟ ياسمين: بس يا بت. مالك: إيه، ناوي تتجوز؟ أميرة: ماااالك. مالك: قلبو يا روحي. رعد بسخرية: هاجي أخد روحك لو ما سكتش. دخل أوس. جنة باستغراب: خير، إيه اللي جابك هنا يا حضرة الظابط؟ أوس: رعد باشا اللي بعتلي، مش جايلك أنتي. جنة باستغراب: إيه يا بابي، عاوزاه ليه إن شاء الله؟ رعد: اقعدي يا جنة، اقعد يا أوس. أوس: تمام.

رعد: أنا اللي هتكلم بقى، طبعًا جنة عاوزة تطلع المهمة اللي في تركيا وتطلع مع أوس، وأنا في الأول مش موافق بس وافقت علشانها، بس أنا ما اضمنش اللي هيحصل هناك، وبعيدًا عن المشاكل اللي معروفة، طبعًا جنة لآخر مرة أنتي متأكدة أنك عاوزة تطلعي المهمة دي؟ جنة بثقة: طبعًا. رعد: تمام، لو هتطلعي أنا راجل صعيدي ودمي حامي وما ينفعش تطلعي مع راجل غريب. جنة: بمعنى؟ رعد: يعني لو هتطلعي هكتب كتابك على أوس دلوقتي حالًا، تتجوزي.

الجميع بصدمة: إييييه! جنة وأوس: ...............