رواية احفاد المنشاوي - ندى الشرقاوي "اميرة الرعد الجزء الثالث" الفصل الخامس عشر 15 - بقلم ندى الشرقاوي "اميرة الرعد الجزء الثالث"

رعد: أنتي السبب يا أميرة، أنتي السبب، بنتي ضاعت بسببك. أميرة بصدمة: أنا يا رعد؟ أنا اتصلت علشان أطمن عليها. رعد: وبسبب اتصالك بنتي ما عادش ليها أي أثر، وجوزها الحاجة الوحيدة اللي بطمن منه اختفى هو كمان. أميرة ببكاء والجميع يسمع: أي حاجة بتحصل لجنى تكون أميرة السبب. أنت عمرك ما شفتني أم لجنى، شايف إني أم لمالك وأنس وفردوس وتميم بس، أما جني لا. حسستني إني ما استاهلش أكون أم لجنى. ليه كل مرة تجرحني بالكلام؟

وقولتلك كان نفسي جني تكون مني أنا، وربنا وحده اللي يعلم أنا بحبها أكتر من ولادي. أنا أول مرة أسمع كلمة ماما كانت من جني، أول حضن كان من جني، أول إيد جني اتسندت عليها كانت إيدي أنا. أنا اللي اهتميت بيها، أنا اللي عملت كل حاجة، مش أنت. أنا يا رعد، أنا اللي كنت جنبها، وفي الآخر جاي تقول بنتك اسمها بنتي أنا، بنتي أنا وبس. وطلعت على الجناح. ورعد واقف مش قادر يقف، حاسس إنه في أي وقت هيقع. والجميع ساكت مش عارف يعمل إيه.

نزلت أميرة ومعاها شنطة هدومها وأخذت مفاتيح العربية. أميرة: أنا ماشية يا رعد بيه، ورقة طلاقي توصلني لحد بيتي. رعد بصدمة: طلاق! أميرة: أيوه طلاقي، مش كل مرة تحملني المسؤولية يا رعد. أنا تعبت، أنا ماشية وأنت اعمل اللي أنت عاوزه. روح شوف بنتك فين ما هي مش بنتي صحيح، ولادك كلمهم عندك خليملك، وملكش دعوة بأميرة تاني. مالك: يا أمي بابا ما يقصدش. أميرة بأمر: يقصد ولا لا أنا ماليش دعوة، أنا سايباهاله وماشية.

أكرم: طب هتروحي عند والدك، أبعت حد يوصلك. أميرة: لا أنا هقعد لوحدي، سلام. ومشيت. فردوس بدموع: ليه يا بابا تعمل كده؟ ماما عمرها ما فرقت بينا، على طول تحملها الذنب. والجميع مشي وهما مش عارفين يساعدوا إزاي. هدى: ليه يا ابني تعمل كده؟ مراتك ما عملتش حاجة، ده قدر ومكتوب. كل مرة بتزيد عليها الجرح لما تعرفها إن جني بنتك أنت. أنت ما تعرفش بتكون مجروحة إزاي لما تقعد تفتكر إنك لمست ست قبلها. بلاش تضيعها من إيدك.

وطلعت هي وسامية. *** أوووووووووس، لااااااا! وللأسف اخترقت الطلقة جسد أوس، وقع على الأرض. اقتحمت القوات المكان، لكن كان مارك هرب. جنى قاعدة على الأرض ضامة أوس ليها. جنى ببكاء: أوس، لا والنبي بلاش تروح مني أنت كمان، أووووس. أوس بيفتح عينه ويقفلها قائلًا: جني... أنا... أنا بحبك أوي... وقولتلك هحبك لحد... لحد ما... ما أموت. وغمض عينه. جنى: لااااااااااااا، إسعاف، هقت*لك يا ماااااارك، هقت*لك.

جاءت الإسعاف ونقلت أوس إلى المستشفى وجنى معاه طبعًا، وظل في العمليات مما يقارب 6 ساعات وجنى قاعدة قدام غرفة العمليات بتبكي. وقف كذا ظابط ينتظروا لجنى، مستغربين: هي دي جني وحش المخابرات؟ هي دي اللي كلنا بتقت*ل كأنها بتلعب؟ الممرضة جاءت لجنى: سيدتي يجب عليكي تخيط جرحك. جنى: اغربي من وجهي، لا أريد تخيط الجرح، أريد زوجي. الممرضة: سيدتي يوجد القلق على خروج زوجك من العمليات، يمكنك تخيط الجرح حتى لا يقلق زوجك عليك.

قامت جنى بدون كلام تخيط الجرح اللي في وجهها. دخلت الغرفة وكانت الممرضة بتجهز حقنة مخدرة. جنى: لا أريد بنج. الممرضة باستغراب: سيدتي! جنى: لا أريد أن أسمع أي كلمة، اعملي شغلك سريعًا. بدأت الممرضة تخيط الجرح ومستغربة إزاي مش قادرة تحس بالوجع، ما تعرفش إن الوجع اللي جوه جني أكبر من كام غرزة. خلصت الممرضة. الممرضة: حسنًا سيدتي، تم تخيط الجرح. جنى: تمام. وطلعت جنى قعدت قدام غرفة العمليات. ***

رعد قاعد على السرير مش عارف يعمل إيه، دماغه وجعته من كتر التفكير. رن على المستشفى. رعد: دكتورة أميرة موجودة ولا لا؟ الاستقبال: لا يا فندم دكتورة أميرة مش موجودة. رعد: تمام. وقفل. *** عدى يوم أميرة محدش يعرف عنها حاجة، ورعد قاعد في الجناح بيأخذ في منبهات مش عاوز ينام، وجنى قاعدة قدام العناية المركزة لأن أوس دخل في غيبوبة ومش عارفة هيفوق امتى. في تركيا. الدكتور: سيدة جني. جنى: مرحبًا دكتور، هل أوس فاق؟

الدكتور بحزن عليها: لا يا سيدتي. جنى: قل لي ابنتي، أنت في عمر والدي. الدكتور: حسنًا يا ابنتي، زوجك لا نعرف متى سيفوق، إنه على الأجهزة لكن... جنى بقلق: لكن ماذا؟ الدكتور: زوجك يحتاج إلى عملية زرع قلب في أقرب وقت. وقعت كاسة الماء من إيد جني. جنى: زرع قلب؟ زوجي لا يشتكي من أي شيء يا دكتور.

الدكتور بحزن: للأسف التحاليل والفحوصات أثبتت إنه مريض قلب ويحتاج إلى زرع قلب، وزوجك آخر فترة يدخن باستمرار وهذا أثر على القلب ويريد عملية في أقرب وقت. جنى بقلق: وما العمل؟ الدكتور: عملية زرع قلب تتكلف 424.940 دولار. جنى انصدمت من المبلغ لكن مش في إيديها تعمل حاجة: موافقة، لو طلبت مليون دولار موافقة. لكن سؤال يدور في عقلي: من المتبرع الذي يتبرع بقلبه؟ الدكتور: ابنتي هذه شغلتنا.

جنى: أريد قلب خالي من أي أمراض أيها الدكتور، وبكرة سوف أحول جميع الأموال على حساب المستشفى، أريد زيارة أوس. الدكتور: تمام، اذهبي مع الممرضة بيتم تعقيمك. دخلت جنى مع الممرضة واتعقمت وبعدين دخلت الغرفة عند أوس. جنى ببكاء: ده السبب اللي خبيته عليا صح؟ هو ده إنك مريض قلب. طب ليه تبعد عني؟

كنا هنفضل سوا وتعالج المرض في أوله بدل ما حبيتك وصلتك لكده. أنا آسفة إني مش فهمتك، أنا غبية، غبية إني مش فهمتك. آسفة يا حبيبي، هتعمل العملية وترجع زي الأول والله، وتفضل معايا، وأوعدك أنا هتغير ليك والله. وفضلت قاعدة جنبه. بعد ربع ساعة طلعت بره وعملت مكالمة. رعد: ألو. جنى: بابي أنا جني. رعد بقلق: جني، أنتي فين يا حبيبتي؟ جنى: أنا كويسة. رعد: ارجعي يا جني.

جنى: ما اعرفش هرجع امتى، وما اعرفش هنتواصل مع بعض إزاي، بس أنا طالبة طلب واحد وتوافق عليه لأن الطلب ده فيه حياتي. رعد مسرعًا في الرد: تؤمري. جنى بدموع: عاوزة نص مليون دولار. رعد بصدمة: أنتي عاوزة 7 مليون جني؟ طب ليه؟ جنى: آسفة ما اقدرش أقول بس محتاجاهم أوي. بص، حسابي فيه 5 مليون جنيه، ممكن تحط 2 مليون جنيه و 500 ألف وتحولهم ليا بكرة. رعد: المشكلة مش في الفلوس يا جني، أنتي محتاجة المبلغ ده ليه؟

جنى: ما اقدرش أقول لما أرجع، ده لو رجعت. أنا عاوزة بكرة يكون المبلغ متحول على حساب هبعته لحضرتك في رسالة ومترنش على الرقم ده تاني، أنا اللي هرن لأني هكسر الخط. رعد بقلق وقلبه بيوجعه: جني ارجعي، كفاية كده. جنى: مش هرجع غير لما آخد حقي. وقفلت الفون، رنت على اللواء أمجد. جنى: سيادة اللواء أنا جني المنشاوي. أمجد: جني! جنى: أحب أقول لحضرتك إن القوات راجعة مصر بكرة. أمجد: وأنتي وأوس؟

جنى: أنا مش هرجع غير لما أخلص المهمة دي. أمجد: جني المهمة باظت، ارجعي كفاية كده. جنى: مش هرجع غير لما تجيب حق جوزي، طبعًا بلغوكم باللي حصل. عيلة المنشاوي ما يعرفوش حاجة عن اللي حصل، لو سمحت سلام. وقفلت وكسرت الخط بعد ما بعتت رسالة فيها الحساب اللي رعد هيحول عليه. الدكتور: نسبة نجاح العملية 70% لأن زوجك في غيبوبة وده هيأثر كتير. جنى: توكل على الله، زوجي بين إيد ربنا، هو وحده عالم بينا، الفلوس هتكون في الحساب بكرة.

مشي الدكتور. جنى شردت بفكرها قائلة: كده هيتفضل 58 ألف دولار، لازم أتصرف لأن أوس هيحتاج علاج ويا عالم هنرجع امتى يا رب. *** تاني يوم جنى بتنام في المستشفى طبعًا جنب أوس، وأخذت غرفة. جابت خط كلمت منه مالك وحكت له كل حاجة حصلت. ورنت على أميرة. جنى: ماما. أميرة بفرحة: جني! جنى: عاملة إيه؟ أميرة: أنا بخير يا عمري. جنى: ارجعي البيت يا مامي. أميرة: لا يا جني كفاية كده. جنى: هو إيه اللي كفاية؟

ارجعي، أنتي عارفة بابي كويس، ارجعي معلش علشاني. أميرة: أنتي هترجعي امتى؟ جنى: معلش يا عالم هرجع امتى، كل اللي محتاجاه منك تكوني جنب بابي لو سمحت لأني مش عارفة هرجع امتى. أميرة باستسلام: حاضر هرجع. جنى: ادعيلي وسلميلي على كل الناس، سلام. وقفلت. *** راحت البنك وسحبت الفلوس كلها اللي محتاجاها وراحت المستشفى، دفعت الفلوس وجهزوا أوس علشان العمليات. جنى: تم تحويل المبلغ. الدكتور: تمام، راح نبدأ كمان ساعتين. جنى: تمام.

وبالفعل دخل أوس العمليات. الممرضة: الاستقبال يردو حضرتك. نزلت جنى. جنى: مرحبًا. الاستقبال: أحد رجال الشرطة ترك حقيبة تخص زوج حضرتك. جنى باستغراب: حقيبة زوجي؟ الاستقبال: بالتأكيد. جنى أخذت الشنطة وطلعت ومش في دماغها تفتح الشنطة أصلًا. فضلت قاعدة قدام العمليات عدة ساعات وتمسك المصحف تقرأ بعض الآيات القرآنية. وتدعي الله أن ينجي زوجها. لحد ما طلع الدكتور من العمليات. جنى بقلق: دكتور، زوجي بخير؟ العملية نجحت يا دكتور؟

الدكتور: ......