رواية احفاد المنشاوي - ندى الشرقاوي "اميرة الرعد الجزء الثالث" الفصل الثاني عشر 12 - بقلم ندى الشرقاوي "اميرة الرعد الجزء الثالث"

رعد بصدمة: انتوا! أكرم ويوسف: مفاجأة صح؟ رعد بصدمة: هي مفاجأة فعلًا، بتعملوا إيه هنا؟ أكرم بخبث: قلنا نقضي اليوم هنا. رعد جه يقفل الباب. ... : استنى يا خالو. فتح وكانت تاج وخديجة وتيام وأمير: كده يا خالو بتقفل الباب؟ رعد بتوهان: لا يا قلب خالو، ادخلوا. دخلوا وبعدين دخلت ياسمين ومرام. ياسمين: حلوة المفاجأة؟ رعد بدون وعي: مش عارف. دخلوا، رعد جاب كرسي من على السفرة وراح فتح الباب وقعد.

رعد بصوت عالي: ابعت يا اللي تحت، ابعت لسه فيه ناس ثاني ولا إيه؟ أكرم بضحك: لا ما عادش حد، حماتك وحماك جايين في الطريق، وأمك وأمي قالوا مش عاوزين يجوا، ناس أصيلة. رعد قام ودخل الكرسي وقفل الباب ودخل الأوضة. يوسف: البس حاجة لا تاخد برد، وأنت كبير وعجزت. ... : دا لنفسك، أنا لسه شباب. دخل رعد وقفل الباب جامد. أميرة بخضة: إيه، في إيه؟ رعد بجنون: في إن عيالك اتفقوا عليا والكل بره.

أميرة بخبث: طب حلو علشان نقعد كلنا سوا ونتسلى. رعد قرب منها ومسكها من خصرها: لا، أنا متفقين لوحدنا، وبعدين أنا لسه ما شب*عتش منك، ولا هأش*بع أصلًا، 23 سنة متجوزين ولسه بأحس إني متجوزك امبارح. أميرة مسكت وشه بايديها وقابلته قبلات متفرقة: أنا معاك ومش هأبعد عنك أبدًا، تعال نطلع بره بقى عيب يفضلوا لوحدهم. رعد: ماشي، بس غيري هدومك. أميرة: ما العباية أهي وهألبس طرحة. رعد: لا، البسي عباية غير دي، دي حلوة قوي عليكي.

أميرة بابتسامة: حاضر، وأنت غير ياللا. غير رعد ولبس شورت لحد الركبة لونه أسود وتيشرت أبيض، وطلعوا. رعد: ولادي حبايبي، إيه سر الزيارة الجميلة دي؟ أنس ببراءة: وحشتنا. رعد: وأختي؟ ياسمين: وحشتنا. رعد: وابن عم مراتي؟ يوسف: وحشتنا. رعد بعصبية: وحش أما يكلك منك ليه ليه ليه! أميرة بضحك: اهدي خلاص يا رعد. أميرة: هأدخل أحضر فطار. رعد: ياسمين ومرام! ياسمين ومرام: نعم؟ رعد: على المطبخ يا حلوة منك ليها ياللا.

ودخلوا يحضروا الفطار ويقضوا اليوم سوا. مارك: كنت أريك أيتها الجميلة، لكن لابس سوف تأتي إلي قريبًا. أحد الرجال: سيدي، العملية متى؟ مارك: بعد شهر سوف نسلم ونستلم. الرجل: تمام سيدي. وغادر المكان. في تركيا. أوس وأيده على شعر جنة: هتفضلي برضه طفلة في نظري يا جنتي. أوس: جنة جنة! أوس: جنة! جنة صحيت: نعم؟ أوس بابتسامة: صباح الفل، تعالي يا روحي. قام وشال جنة ودخل الحمام غسلها وشها وطلع جاب المنشفة.

أوس قعدها على السرير وراح جاب بوكس من الدولاب وقدمه ليها. أوس: اتفضلي، أنا آسف إني عليت صوتي عليكي. جنة: أنا اللي آسفة، وأوعدك مش هأعمل حاجة من وراك تاني. فتحت جنة البوكس وكان فيه شوكولاتات كتير وإكسسوارات وعلبة أخيرة صغيرة كان فيها سلسلة رقيقة وجميلة. أوس: تسمحي لي ألبسك السلسلة؟ جنة: آه. لبسها أوس السلسلة وقبلها في عنقها. أوس بهزار: ما تيجي ننسحب ونعمل شهر عسل هنا ولا إيه؟

جنة: جنة ما بتنسحبش من مهمة لو فيها مو*تها. أوس: وأنا هأفضل معاكي، ولو هنم*وت سوا أنا مستعد، تعالي ننزل نفطر بقى تحت وبكرة هتروحي تقابلي مارك بس بشروطي أنا. جنة برفع حاجب: شروطك؟ أوس: آه. أوس حط إيده على يدها: ما فيش لمس، ما فيش قعدة لوحدكوا. أنا بس اللي مسموح لي ألمسك، أنا بس اللي إيدي تلمس إيدك سامعة؟ ولو شوفتك لابسة فستان عريا*ن ثاني هأقطعه عليكي يا جنة. جنة: موافقة. أوس: تمام كده، ننزل نشتري لبس بقى.

جنة: ما الفساتين جوه. أوس: لا، دول هتلبسيهم ليا أنا وبس مش لحد ثاني. والسلسلة ما تخلعيهاش من رقبتك أبدًا. ياللا قومي البسي. جنة: وأنت خد شاور ثاني. أوس باستغراب: لسه واخد. جنة: ريحتك كلها سجاير على فكرة. أوس بابتسامة: حاضر، هأدخل. دخل أوس الحمام وبدأ يكح بطريقة غريبة جدًا، روحه بتنسحب منه. جنة بقلق قامت بسرعة وفتحت الباب بدون تردد: أوس أوس! أوس مش عارف يبطل ووشه احمر خالص ومش قادر يقف.

جنة سندته وطلعته بره الحمام وبدأت تهديه. جنة بقلق: أوس مالك؟ جنة بدأت تعيط: وحياتي اهدي. أوس لسه وشه أحمر. جنة بدأت تمسح على وشه بايديها براحة. أوس بدأ يهدي شوية ويرجع طبيعي. جنة حضنته لأنها كانت خايفة عليه. أوس بحنان: اهدي، أنا كويس. جنة: أنت... أنت تعبان قوي. أوس بتهرب: لا، أنا كويس والله، كحة عادية. جنة برفض: لا لا مش كويس. أوس: لا كويس يا حبيبتي، ياللا قومي البسي. جنة بعدم ارتياح: تمام.

وقامت غيرت ولبست بنطلون أسود وتيشرت واسع لونه أزرق ولمت شعرها ونزلت هي وأوس يشتروا لبس. في المول. جنة بزهق: يا أوس دا خامس فستان أقيسه ومش يعجبك. أوس في نفسه: حلوين قوي قوي قوي، مالهم البنطلون والتيشرت كنت زعلان منهم ليه! أوس: لا خدي واحد ثاني. جنة بنفاذ صبر: حاضر، وخدت فستان نبيتي طويل حرير مقفول وطلعت. أوس: أيوه حلو دا. جنة: فعلًا حلو بس مش ملاحظ إنه مقفول أوفر؟ أوس: لا لا دا جميل، تعالي اختاري شوز حلو كده.

عند رعد. مالك بتوتر: بصراحة كده أنا... رعد باستغراب: أنت إيه؟ مالك: أنا عاوز أخطب. في اللحظة دي خديجة قلبها اتكسر. أكرم بغمزة: أيوه يا عم. رعد بعقلانية: مش شايف إنك لسه صغير شوية يا مالك؟ يوسف: رأيي من رأي رعد. مالك: تمام. أميرة: طب نعرفها الأول. مالك بزعل: مش لازم لما يأذن ربنا. مرام: طب إحنا نعرفها؟ مالك بتوتر: خلاص مش لازم، سلام عليكم، وأخد مفاتيح العربية ومشي قبل ما يسمع أي حاجة.

أميرة بزعل: ما كانش ينفع كده يا رعد، دا هيتخرج السنة الجاية. رعد: ما أعرفش بقى بس لسه صغير، ابنك 21 سنة. أميرة: كان فيه طريقة أحسن من كده. رعد: ما أعرفش بقى. أميرة: بس ابني في إيده يفتح بدل البيت عشرة. رعد بعصبية: بفلوسه مش بفلوسي، تقدري تقولي ابنك لو خطب هيصرف منين ولا هيفضل يصرف وياخد مصروف مني؟ لازم يعتمد على نفسه وأنتِ مش هتخافي على ابني أكتر مني. أكرم بهدوء: اهدوا يا جماعة مش كده. يوسف: صلوا على النبي كده.

الجميع: عليه أفضل الصلاة والسلام على رسول الله. يوسف: أنت غلط يا رعد لما رفضت طلب ابنك من أول مرة، كان المفروض براحة وتقوله اتخرج الأول وبعدين نفكر في الخطوبة وممكن يتجوز على طول، أما رفضك مرة واحدة دا غلط. أكرم: رأيي من رأي يوسف. ياسمين: وأنا. رعد بعصبية: خلاص هتحكموني! وقام ودخل الغرفة بكل عصبية. أميرة بحرج: عن إذنكوا دقيقة. دخلت أميرة ورا رعد. أميرة حضنته من الخلف: كده تتعصب؟

رعد: إيه اللي جابك، روحي تطمني على المحروس ابنك، ما أنا اللي طلعت غلط. أميرة برقة: حبيبي ما تزعلش، أنا كنت زعلانة علشان مالك بس، بس أنت عارف غلاوتك عندي. أغمض رعد عينه من رقتها وحنانها. رعد لف ليها: مش قادر بضعف بكلمة منك. ضحكت أميرة ضحكة عالية. أكرم من الخارج: ما تصلحوش قوي كده يا أميرة. رعد بعصبية: بس يا (لفظ خارج) وطلعوا بره. على النيل كان قاعد مالك.

مالك في نفسه: غبي غبيييي، عاوز تتقدم وأنت 21 سنة، وأنت أصلًا لسه ما اتخرجتش، غبي هتصرف عليها من فلوس أبوك مثلًا ولا لا؟ ولا هي هأتوافق بيا أصلًا؟ مش ممكن يكون في حياتها حد ثاني؟ ورفض الفكرة تمامًا، لا لا هي مش بتحب، هي من وهي عندها 4 سنين إنها بتحبني وهتتجوزني أنا. مالك فاق لنفسه: 4 سنين إيه يا مالك، ما تفوق لنفسك دا عندها 20 سنة. مالك: أقوم بقى بدل ما أتجنن، جننتيني يا ديجة. أنس بص في ساعته وقال: ياللا يا صحبتي.

تاج بضحكة: ياللا يا صاحبي. أكرم باستغراب: ياللا على فين؟ أنس: أصل أنا قررت أكون صاحب تاج لأنها ما عندهاش صحاب وهي قبلتني. ياسمين بصدمة: أنتِ بجد قررتي يكون عندك صحاب؟ تاج برفض: صاحب واحد وبس. رعد: أممم، حلوة الفكرة دي يا أنس، ياللا خد تميم وتيام وأمير وخديجة معاكوا. أنس بصدمة وبوقه مفتوح: هاااا! أكرم بخبث: آه أهو كلكوا تخرجوا سوا ويكون يوم حلو. يوسف: ولا عندك مانع؟ أنس: لا ما فيش أي مانع، اتفضلوا.

وهو طالع وجه كلامه لأميرة. أنس: أمي وحياتك وأنتِ بتدعي ادعي عدل الله يخليكي. ومشي. خديجة: أنا مش عاوزة أروح، هأقعد هنا. يوسف: قومي روحي معاهم واتفسحي يا ديجة ياللا. خديجة ببراءة: أصل عاوزة ألحق قيام الليل. يوسف بابتسامة على تفكير صغيرته: الساعة لسه 9 ما تخافيش. أنس: ما تخافيش لو حبيتي تصلي هأوديكي المسجد. خديجة بفرحة مثل الأطفال: تمام خالص ياللا بينا. ومشيوا. وهما تحت شافوا مالك طالع. أنس: ياللا تعال معانا هنخرج.

مالك وعيونه متعلقة بخديجة: حاضر ياللا. أنس: هنروح بعربية واحدة مش هتكفي. مالك: أنا هأخد خديجة وفردوس. أنس: تمام، واتحركوا كل واحد على العربية. عند جنة وأوس دخلوا الجناح وكانوا فرحانين قوي واليوم كان حلو. أوس وهو بيحضنها: أنا مبسوط، شكرًا على اليوم الجميل دا بجد. جنة باستغراب إنه بيشكرها: بتشكرني ليه، أنا اللي المفروض أشكرك. أوس: جنة أنا بأحبك قوي قوي قوي، وقرب عليها يقبلها لكن رن فونها وكان ظاهر على الشاشة مارك.

اتعصب أوس وكان جنبه فازة مسكها رماها على الأرض كسرها. أوس بعصبية: عاوز إيه الساعة عشرة بالليل! جنة: اهدي يا أوس، هأشوفه عاوز إيه. ردت جنة. جنة: أهلًا سيد مارك. مارك بغزل: أهلًا يا جميلة. أوس لسه هيتكلم جنة مسكت إيده جامد وبصت له بمعنى اهدى. جنة: هل يوجد شيء؟ مارك: أريد أن أقابلك بكرة يا حلوتي. جنة بنرفزة: ماريا سيد مارك ماريا. مارك بحركة لأول مرة: أقابلك ماريا، أريد أن أحكي لكِ بعض الشغلات.

جنة: تمام بكرة في تمام الساعة 5 مساءً. مارك: تمام. وقفلوا. جنة: خلاص اهدي بقى. مسك أوس إيديها وباسها بشوق. أوس: ادخلي غيري. جنة بابتسامة: حاضر. ودخلت وأوس دخل البلكونة وكلم حد. ... : أنت اتجننت! علبتين سجاير في يوم واحد. أوس ببرود: ساعة واحدة. أنت بتموت نفسك بقى. قال أوس: معرفش، أهو اللي حصل بقى. قالت جنة من الخلف: بتعمل إيه يا أوس؟ أوس: ...