رواية احفاد الطوبجي الجزء الثاني الفصل الخامس والعشرون 25 - بقلم اميرة اسامة

دخل زيد من البلكونة بعد ما شرب السيجار بتاعه وحاول يهدأ شويه. كان مضايق من نفسه عشان اتعصب على صبا وهي ملهاش أي ذنب. قرر يدخل يصالحها ويراضيها. أول ما دخل لقاها منكمشة على نفسها ورايحة في النوم. زيد: بهدوء... صبا. صبا. بصلها شوية وبعدين باسها من خدها وشعرها عن عينها. خد نفس طويل وطلع نام جنبها. سحبها لحضنه وغمض عينه. فتحت صبا عينها بهدوء وهي زعلانه وبعدين رجعت غمضت تاني ونامت.

في صباح يوم جديد صحي الجميع عشان يفطروا ويروحوا على شغلهم. وعلى غير العادة صحي زيد ملقاش صبا نايمة جنبه. قام خد هدومه وراح خد شاور. خرج جهز وبعدين نزل تحت. كان الكل تقريباً نزل. دور بعينه عليها كان حابب يصالحها قبل ما يروح الشغل لكن ملقهاش. قعد على الكرسي بتاعه واستنى لحد ما الكل قعد. زيد: وهو بيبص شمال ويمين... بص لروح هي فين صبا يا روح. روح: مع ليلى فوق مرضيتش تسيبها تفطر لوحدها هيفطروا سوا. زيد: احممم...

اه طيب تمام. بص لداوود عشان يغير الكلام. زيد: إيه يا داوود نازل الشغل؟ داوود: اه كفاية إمبارح مروحتش. زيد: لو حابب تفضل خليك مع ليلى. راجح: هيقعد يعمل إيه؟ زيد: بابتسامة... يعني لو حابب يفضل. مراد: بتحبوا تجيبوا الكلام لنفسكم يا ولاد. راجح: 😂😂😂 زيد: ليه هو مين غيري قاله يقعد. سالم: بضحك... أنا ولسه مسمعني نفس الكلمتين. راجح: أصلي مش فاهمكم هيقعد يعملها إيه؟ هيرضع البنت بدالها؟ ينزل يشوف شغله؟

شكلكم ناسيين إننا داخلين على صفقة العمر. زيد: لا خالص بس أنا عارف إن داوود مبسوط وقولت يعني كلنا نسد بداله لو حابب يفضل مجاتش من يومين. داوود: لا يا سيدي أنا نازل خلاص متجيبولناش الكلام بقى على الصبح. مراد: طيب بزمتك يا راجح مكنتش بتقعد مع روح وهي والده؟ روح: لا والله كان بيقعد. راجح: بابتسامة... إنتي بتقويهم عليا يا روح؟

طيب أنا زمان كان لازم أقعد كنتي لوحدك وبطولك وكان معاكي أربع ولاد غير اللي جبتيه كنت هسيبك إزاي قبل ما تقفي على رجلك؟ لكن ليلى معاها إنتي وداده زينب والبنات. داوود: في دي عنده حق. 😂 زيد: بقى كده يا عم داوود؟ طيب إحنا غلطانين عشان بندافعلك؟ اقف في صفه أوي. راجح: هي بقى فيها صفي وصفه؟ إنتوا جيل ما يعلم بيه إلا ربنا. جلال: عرفت بقى أنا مش عايز أتـ ـجوز ليه عشان أريحك من وجـ ـع الدماغ ده.

راجح: على أساس في حد هيبصلك يا واطي يا بتاع المقالب إنت؟ قدامك يجي عشرين تلاتين سنة لحد ما تكبر وتبقى عاقل. جلال: 😂😂😂 على فكرة إنت مستقصدني على طول وكده مينفعش. راجح: ابقى استناني بره يا واد. أمير: بضحك... أوباااا عمي بيألش. 😂 راجح: لا هو إنت فاكر إنتوا بس اللي بتعرفوا تألشوا؟ جلال: أحيه إنت كمان عارف يعني إيه يألش. 😂😂😂 مراد: والله إنت وهو ما هترتاحوا غير ما تتضربوا على الصبح.

ياسين: لا والغريب إنهم صاحيين فايقين على الصبح بس يعني مينفعش تصحوا فايقين على الباشا. جلال: أبو لهب يا حريقة مش وقتك. 😂😂😂 ياسين: 😂😂😂 أنا بقول رأي. زيد: صحيح عملت إيه في الڤلل لمنذر؟ ياسين: إمبارح شوفتله حوالي ستة وبعتله كل التفاصيل وقال إنه هيروح النهارده يشوف لو في حاجة عجبتهم تمام مفيش هبعتله غيرهم. زيد: أيوه بس النهارده إزاي؟ أنا عارف إن منذر عنده تسليم شحنة كبيرة النهارده.

شمس: الشحنة هتتسلم على الساعة عشرة بالليل مش بدري هو قالي وأنا هخلص شوية حاجات لما أوصل ولما يرجع يبقى يسلم. سالم: إنتي هتفضلي موجودة لحد بليل؟ شمس: لا الشحنة هتطلع من المصنع وأنا مليش شغل في المصنع أنا سألته إمبارح لو محتاجني قالي لا. سالم: طيب عموماً اعرفي هتعملي إيه وبلغيني بردوا. شمس: تمام. زيد: خلاص أنا كمان هبقى أكلمه وأشوف هيعمل إيه. بص لفيروز. زيد: هييجي ياخدك يا فيروز ولا هتروحي مع السواق؟ فيروز: بإحراج...

باين عليها جداً مش عارفة يا زيد بس هو أنا هروح أصلاً؟ راجح: ومش هتروحي ليه يا فيروز؟ مش هيبقى بيتك يا بنتي ولازم تشوفيه؟ جلال: أموت أنا في اللي بيتكسف شكلها مستنية الإذن منك يا كبير. بصتله فيروز بغيظ. 😡😡😡 جلال: الله الحق عليا يعني. 😂 راجح: روحي يا فيروز طبعاً منذر أصلاً واخد مني الإذن وأنا وافقت. اعرفي منه هتروحوا إمتى وهييجي ياخدك ولا هتروحي لوحدك. فيروز: بابتسامة... حاضر يا بابي.❣️ راجح: هتروحي مع بنتك يا روح؟

روح: مش عارفة يا راجح مش عايزة أسيب ليلى لوحدها. داوود: لا طبعاً روحي مع فيروز يا روح. ليلى معاها داده زينب وصبا وزهرة والبنات كلهم روحي وخلصي مشوارك مع فيروز وابقي ارجعيلها. خلود: روحي يا روح ومتحمليش هم الأكل أنا معنديش شغل النهارده وبكره عشان بعد بكره عندي أيڤنت مهم بنجهزله. دادة زينب: روحي وأنا معاهم متقلقيش. روح: خلاص هروح ومش هتأخر. ❣️ زيد: هبلغ السواق عشان لو منذر مجاش يوصلكم. روح: هروح ماشي يا حبيبي.

راجح: إيه يا قاسم ساكت ليه؟ قاسم: مفيش يا باشا. راجح: الجرح عامل إيه؟ قاسم: زي الفل متقلقش. مراد: مش أحسن لو قعدت إنت بدل ما تتعب؟ قاسم: بإبتسامة بسيطة... أنا زي الفل وبعدين تسكت إنت كمان بدل ما تتروق من الباشا. راجح: لا يا سيدي لو تعبان اقعد هو عنده حق ومتخافش مش هروقوا إنت ليك عذرك. قاسم: لا يا حبيبي أنا زي الفل. فضلت زهره بصاله وساكته وتقريباً مش بتاكل بتلعب في الطبق بس عشان محدش ياخد باله.

لكن جنه كانت مركزة معاهم جداً. جنه: مامي مش بتاكلي ليه. زهره: ................. جنه: مامي!!! زهره: ............. بصولها كلهم وركزوا معاها. بص قاسم بطرف عينه عليها لقاها بصاله. روح: زهره. زهره: هاا. روح: جنه بتكلمك. زهره: أيوه يا حبيبتي. جنه: حضرتك كويسة؟ زهره: اه يا حبيبتي بخير. جنه: أصلي بكلمك ومش سمعاني. زهره: بابتسامة بسيطة... معلش كنت سرحانة شوية كنتي بتقولي إيه؟ جنه: بقولك مش بتاكلي ليه.

زهره: أكلت وشبعت الحمد لله. قام راجح وقف. راجح: الحمد لله ها خلصتوا ولا لسه؟ زيد: وقف... تمام يا باشا هطلع بس أقول حاجة لصبا بسرعة تكونوا خلصتوا وجاي وراكم. جلال: طيب يلا يا ولاد. طلع زيد بسرعة على فوق خبط على أوضة ليلى. صبا: ادخل. فتح زيد الباب وابتسم ابتسامة جميلة. زيد: صباح الفل. ليلى: صباح النور. 😍 صبا: صباح الخير. زيد: عاملة إيه يا لولا؟ ليلى: الحمد لله يا زيد بخير. زيد: والقمر بتاعتنا عاملة إيه؟

ليلى: اهي الحمد لله إيه رأيك هتجيبولها عريس؟ زيد: بضحكة جميلة... ربنا يكرم أنا أطول أجوز ابني للبرنسيس حور. ❣️ ليلى: وصلك خبر إنها واخدة عيونك. 😂 زيد: وصلي بس لسه مشوفتش المهم مش عايز الكلام ده ينتشر أحسن داوود يعلقني. رايحة تجيبي لون عيني وسايبة جوزك ده كلام. 😂 ليلى: لا عارف ومبسوط متقلقش. 😂 زيد: تتربى في عزكم يا حبيبتي. ليلى: عقبال صبا يا زيد لما تقوم بالسلامة. زيد: يارب يا ليلى معلش هاخد منك صبا دقيقة.

ليلى: طبعاً. ❣️ زيد: تعالي شوية يا صبا. بصتله صبا بإبتسامة هادية. صبا: مش هتأخر عليكي. ليلى: روحي لجوزك. ❣️ خرجت صبا وراه وقفلت الباب. ربعت إيدها وبصتله من غير ولا كلمة. زيد: 🤨🤨 صبا: نعم. زيد: ده إيه الوش ده على الصبح؟ القمر بتاعي شكله زعلان. 😉 صبا: وأنا هزعل من إيه؟ أظن مفيش حاجة تزعل. زيد: أيوه بس أنا زعلتك وجاي أقولك حقك عليا كنت متعصب شوية. صبا: لا عادي مفيش حاجة. زيد: 🤨 لا والله؟ ولما هو مفيش حاجة قالبه وشك ليه؟

صبا: بعصبية طفولية... 😡 قولتلك مش قالبه وشي عايز مني إيه؟ زيد: 🤨🤨 إنتي بتتعصبي عليا؟ صبا: يووووه. لفت وشها عشان تدخل لليلى. مسك إيدها بسرعة. زيد: استني هنا أنا بكلمك على فكرة. صبا: وأنا مش عايزة أكلمك. زيد: مخصماني يعني؟ صبا: والله أنا حرة. زيد: إنتي شايفة كده؟ صبا: آه. زيد: تمام يا صبا زي ما تحبي. عموماً ابقي جهزي نفسك عشان هبعتلك السواق على الساعة ستة يوصلك الڤيلا. صبا: ليه؟ زيد: هو إيه اللي ليه؟

🤨 إنتي مش عارفة إننا بنمشي النهارده؟ صبا: لا عارفة بس أنا مش عايزة أروح وبعدين مش هينفع أسيب روح لوحدها بعد ما ليلى ولدت؟ زهره ملخومة بأبنها وفيروز كمان ملخومة ببنتها. 😡 زيد: وإنتي يعني اللي هتقعدي تظبطي الدنيا على أساس مفيش غيرك مع روح؟ صبا: آه. 🤨 زيد: بتنهيدة طويلة ونفاذ صبر... طيب يا صبا الساعة ستة بالدقيقة تكوني جاهزة مفهوم؟ صبا: لا مش مفهوم مش عايزة أروح. 😡

زيد: أنا قولت اللي عندي وهخرج من الشركة على هناك وحذاري يا صبا ابعت السواق ومتروحيش معاه. سلاااام. 😡 سابها زيد ومشي قدامها. صبا: بعند بردوا مش رايحة. 😡 بصلها زيد. 🤨 أول ما بصلها. 🙄 فتحت الباب وبسرعة دخلت. ابتسم زيد وهز راسه شمال ويمين. زيد: ماشي يا صبا أنا هوريكي شغل الأطفال ده. نزل تحت شاف روح قصاده. زيد: روح. روح: أيوه يا حبيبي.

زيد: معلش يا حبيبتي أنا عارف إنه مش وقته خالص نروح الڤيلا ونسيبك في الظروف دي بس أنا امبارح بسبب اللي حصل مع قاسم واليوم كان مشحون رجعت واتعصبت على صبا وهي ملهاش ذنب فا عايز أ صالحها وأفك شوية من التوتر ده. روح: لا يا حبيبي روحوا طبعاً ملكوش دعوة بيا أنا هروح مع أختك ومنذر وهرجع على طول وبعدين أنا مش لوحدي ولو احتاجت حاجة هقولكم بس بلاش تتعصب عليها صبا ملهاش ذنب يا حبيبتي دي حامل بلاش تزعلها.

زيد: عارف يا روح عشان كده عايز أغير جو شوية أنا وهي وأ صالحها. المهم هي معاندة معايا ومش عايزة تيجي السواق هيكون عندها الساعة ستة. روح: روح إنت على شغلك وملكش دعوة ستة هتكون بره مع السواق. زيد: تمام يا حبيبي. روح: البيت عندك ناقصه حاجة؟ زيد: لا متحمليش هم حاجات بسيطة والسواق هيجيبها قبل ما يجي ياخد صبا.

روح: تمام يا حبيبي وعشان خاطري حاول تكلم أخوك يا زيد أديك شايف هو وزهرة عاملين إزاي ورغم إنه باين عليه التعب مصمم ينزل الشركة وأكيد عشان ميحتكش بزهره. زيد: حاضر يا روح متشليش هم أنا قولتك قاسم محتاج شوية وقت وبيني وبينك نزوله الشركة أفضل ما يقعد ويحتكوا ببعض الموضوع لسه في أوله كده أفضل ليهم هما الاتنين. روح: ربنا يعمل اللي فيه الصالح ليهم. زيد: يارب يا حبيبتي يلا همشي بقى عشان أكيد أتحركوا.

روح: تمام يا حبيبي خلي بالك من نفسك. زيد: حاضر يلا سلام. روح: سلام. ........................ بعد حوالي ساعتين وصل منذر وكاريمان القصر. كانت فيروز وروح في انتظارهم وأول ما وصلوا ركبوا معاهم واتحركوا. ركبت فيروز قدام وروح وكاريمان ورا. لحد اللحظة دي كانت لسه فيروز مش قادرة تكون طبيعية قدامه.

في الموبايل قدرت هي وهو يرفعوا شوية الحاجز اللي بينهم لكن بمجرد ما بتشوفه بتتلخبط وهو كان شايف ده جداً ومكانش بيحاول يضايقها لكن من جواه كان مبسوط وطول الوقت ملامحه مبتسمة. كاريمان: فيروز كويسة يا فيروز؟ فيروز: الحمد لله يا طنط بخير. كاريمان: نايمة ولا صاحية؟ فيروز: لا أنا سيباها نايمة. بصلها منذر بهدوء. منذر: طيب مش كنتي جبتيها عشان متفضليش مشغولة عليها؟ فيروز: لو جبتها مش هعرف أركز منها خالص.

روح: هي مع الناني والبنات كمان وداده زينب وبعدين الجو بدأ يغير شوية عشان متتعبكيش. كاريمان: أيوه فعلاً الجو بقى فيه شوية برد كده أحسن عشان متتعبش من اللف كمان. كملوا طريقهم بهدوء وبدأوا يشوفوا الڤلل. شافوا أول واحدة وتاني واحدة وتالت واحدة فيهم اللي كان مقبول واللي نظامه مش كويس. شافوا الرابعة والخامس مكانوش حابينهم أوي وفيهم عيوب كتير. وصلوا أخيراً لسادس واحدة تقريباً كانوا كلهم في نفس النطاق.

دخلوا يتفرجوا عليها كانت تقريباً أفضل واحدة فيهم لكن الغرف فيها كانت صغيرة إلى حد ما. منذر: ها إيه رأيكم؟ كاريمان: الرأي بتاعكم إنتوا يا حبيبي. روح: ورأيك إنتي كمان يا كاريمان إنتي مش هتقعدي فيها معاهم. منذر: روح معاها حق يا أمي قولي رأيك. كاريمان: يا حبيبي أنا مش فارق معايا المكان والله كفاية إنكم هتبقوا معايا وهبقى قريبة من روح. رأي فيروز الأهم.

فيروز: كلام إيه بس يا طنط يعني بيتهيألي إحنا التلاتة لازم نكون متفقين في رأينا. كاريمان: أنا قولتك كفاية إنكم معايا وأنا بالنسبالي مش هركز في أي حاجة غير فيروز الصغيرة ومنذر طول الوقت هيبقى في شغله لكن إنتي اللي هتبقي طول الوقت قاعدة في البيت. منذر: بابتسامة... واضح كده إن فيروز مش عاجبها أي واحدة فيهم. فيروز: بابتسامة بسيطة... مش كده بس يعني. 🙄

منذر: مفيش بس لو مش عاجبينك مش هناخدهم طبعاً وبصراحة مش عاجبني أنا كمان وبما إننا هنسيب الڤيلا بتاعتنا يبقى لما نسيبها ناخد حاجة زيها أو أفضل منها وأنا شايف إن كل اللي شوفناهم مش أفضل منها ولا زيها. فيروز: بصراحة أنا كمان رأيي كده بس مش عايزة أضايقكم إنتوا تعبتوا أوي.

منذر: تعبنا إيه بس إحنا لسه بنشوف لأول مرة ويارب نفضل نلف كل يوم المهم في الآخر يعجبك حاجة. ياسين قالي إن في كتير لسه يعني لو دول مش عاجبينك لسه قدامنا غيرهم. فيروز: بابتسامة... خلاص تمام. ❣️ منذر: تمام يبقى نقول لياسين يجهز لنا غيرهم وبكره نشوفهم يلا بينا. ❣️ ........................ خلص أمير وجلال شغلهم وأخيراً راحوا يشوفوا رامي ويسلموا عليه. اتقابلوا في المكان بتاعهم وكان هشام مع رامي.

أول ما شافهم سلم عليهم وحضنهم بحب وبعد ما رحبوا ببعض. قعدوا وطلبوا مشاريبهم. رامي: وحشتوني يا جزم. ❣️ بقالنا كتير مقعدناش القاعدة دي. أمير: إنت كنت واحشني أكتر والله. جلال: أخيراً اتجمعنا تاني ناقصنا بس نور. رامي: بحزن... رهف قالتلي على اللي حصل وبجد من وقت ما عرفت وأنا مصدوم. كلمت فاطيما على فكرة وحاولت أخليها تديني نور أطمن عليه بس هي قالتلي إنه مش بيتكلم وبجد من وقت ما عرفت اللي حصله وأنا هتجنن عليه. 💔

هشام: وأنا كمان كان نفسي بجد نكون جنبهم. أمير: الحمد لله خلاص هيركبوا بكره طيارتهم الساعة تسعة بالليل هيوصلوا على الضهر بعد بكره. رامي: هنروح نجيبهم طبعاً. أمير: أكيد طبعاً لازم نروح هما محتاجيننا كلنا خصوصاً الفترة دي ونور محتاج إننا نبقى معاه لحد ما يعدي الفترة دي. جلال: محدش فينا هيسيبه بس يوصلوا بالسلامة وإن شاء الله هنقدر نخرجه من الحالة اللي هو فيها دي. رامي: صحيح أنا عرفت إن إنت وفاطيما سبتوا بعض.

أمير: اه بقالنا كتير وأكيد عرفت من رهف إني ارتبطت بفرح. رامي: عرفت طبعاً وأتبسطت بس المهم إن علاقتك إنت وفاطيما تكون انتهت بهدوء.

أمير: فوق ما تتصور إحنا سبنا بعض وإحنا محافظين على صداقتنا مكانش ينفع نخسر بعض إحنا بينا عشرة طويلة ولا كان ينفع علاقتنا تنتهي بشكل وحش عشان نور أكيد كان هيفضل بينا يعني كان قرار خدناه إحنا الاتنين والدليل إنها يوم ما وقعت في مشكلة كلمتني ودي أكتر حاجة ريحتني وعرفت إنها مدخلتش علاقتنا بالصداقة. رامي: حبيبي يا أمير ربنا يسعدك إنت وفرح ونفضل كلنا مع بعض خلاص أنا رجعت وهما كمان راجعين ويارب نفضل ديماً في ضهر بعض.

أمير: أكيد يا صاحبي. ❣️ هشام: المهم مترجعش تاني يا خويا أنا عارف إنك مكنتش عايز ترجع. رامي: بصراحة أنا كنت تقريباً متأقلم هناك بس أمي ورهف لا وطبعاً أبويا ميقدرش على زعل أمي فا قرر بعد السنين دي إننا نرجع. بص أنا مش فارق معايا خلاص الشغل وفهمته وأقدر أمشي الشركة لوحدي كمان يمكن اللي كان عاجبني هناك النظام والشغل نفسه. حتى الموظفين عارفين قوانين الشغل كويس وبيحترموا كل حرف بتقولوا بس بجد أكتر حاجة كنت مفتقدها إنتوا.

جلال: يا عم البلد دي أحسن من غيرها وهنعرف ننسيك إنجلترا خالص سهرتين من بتوعنا هتقول حقي برقبتي. 😂 رامي: ادام فيها سهر من بتوع زمان اعتبرني قولتها. 😂😂😂 المهم أشوفكم ده أنا ريقي نشف على بال ما شوفتكم أخيراً اتفقنا على يوم. أمير: إنت وش أهلك بومة. 😂😂😂 كل ما نتفق يحصل حاجة. رامي: أنا مالي إنتوا اللي ظروفكم ملخبطة. 😂😂😂 هشام: المهم إننا اتقابلنا. 😂 رامي: الحمد لله بقول إيه صحيح هي فاطيما ونور ڤلتهم زي ما هي ولا سابوها.

أمير: لا زي ما هي كانوا قافلينها. رامي: طيب كويس يعني هينزلوا عليها أنا فاكرهم هيقعدوا في مكان. أمير: لا هيقعدوا فيها طبعاً أنا بكره هبعتلهم ناس من شركة تنضيف تظبطها وعرفت فاطيما. جلال: صحيح نسيت أسألك إنت هتدخل الڤيلا إزاي إنت معاك مفتاح؟ أمير: لا طبعاً بس هي قالتلي اكسر الكالون ونركب غيره وقالتلي إنها هتكلم الأمن عشان هما معاهم مفتاح البوابة وهتفهمهم كل حاجة عشان لما نروح ميبقاش في قلق. جلال: طيب تمام أوي.

هشام: بكره هخلص شغلي وأقابلك هناك عشان لو في حاجة نظبطها قبل ما يوصلوا. رامي: خلاص نتقابل كلنا هناك إيه رأيكم؟ أمير: تمام. ....................... في المساء وصل زيد على الڤيلا عرف إن صبا راحت مع السواق. فتح بالمفتاح دخل لقاها قاعدة في الريسيبشن تحت بتتفرج على التلفزيون. زيد: مساء النور. 🤨 صبا: 😒 مساء الخير. زيد ابتسم وحاول يخبي ضحكة لكن هي شافته.

صبا: 😡 إنت بتضحك على إيه عشان جيت يعني على فكرة أنا مخوفتش منك ومش كنت هاجي أنا جيت بس عشان روح متحسش إن إني مش بكلمك. زيد: ليه هو إنتي كنتي تقدري متجيش؟ 🤨🤨🤨 صبا: آه عادي. 😡 زيد: اممممم واضح. 😉 صبا: إنت بتستفزني صح؟ زيد: أنا؟ 😉 هو أنا اتكلمت؟ المهم عامله أكل ولا إيه؟ صح نسيت إنك مش بتعرفي. 😉 صبا: 😡😡😡 لا عامله وبعرف. زيد: طيب وريني أصلي مش شامم ريحة أكل. صبا: روح اتعالج. 😡 وسع كده. رفع زيد إيده لفوق وهو بيضحك.

زيد: وسعت. 😉😂😂🙈 مشيت تدب في الأرض وهي على آخرها. ابتسم زيد ووقف يفك زراير القميص وهو عينه عليها من بعيد. قلع قميصه ووقف صدره ظاهر وعضلاته وراح عليها بهدوء. أول ما لمحته كده بلعت ريقها بصعوبة وحاولت متتأثرش بشكله. 🙈 بصلها زيد وغمزلها وهو بيهز راسه باستفهام. 😉 صبا: إيه؟ زيد: إيه؟ إنتي؟ مالك؟ صبا: احممم ااا مفيش. 😒🙄 إنت واقف كده ليه؟ إنت مش بردان؟ زيد: أنا لا خالص لو إنتي بردانه تعالي في حضني أدفيكي. 😉

حاولت تخبي ابتسامتها. 🙈 صبا: متقربش. 😡🔪 خليك بعيد. زيد: بضحك... أنا قربت أنا بعيد أهو. 😂 قعد قدامها على كرسي البار يتفرج عليها ويضحك وهي متعصبة ومش عارفة تطول مكان الأطباق كالعادة. وهو حاطط بين شفايفه السيجار. بصتله صبا بغضب. 😡😡 إنت مش شايفني مش عارفة أجيب أطباق. زيد: لا شايفك. 😉 صبا: بجد والله؟ طيب كويس إنك شايفني. 😡 زيد: إنتي مش قولتي متقربش؟ صبا: آه بس مقولتش تشوفني محتاجة مساعدة وتسيبني؟

وبعدين إنت مش ناوي تنزل المطبخ ده شوية؟ زيد: لا. 😉 قام بهدوء من مكانه السيجار في بوئه صدره عريان فضلت بصاله وهي بتاخد نفسها بسرعة لحد ما قرب منها ووقف قدامها. صبا: إيه إنت بتعمل إيه؟ ابتسم زيد رفع وشه ومد إيده جاب الأطباق وبصلها وهو بيضحك. زيد: هكون بعمل إيه؟ امسكي الأطباق. 😉 مسكت من إيده الأطباق وهي بتاخد نفسها بغيظ. بعد عنها وسند على التلاجة وفضل باصصلها وساكت. حضرت الأكل في صمت وهو بيتفرج عليها.

خلصوا أكل وبعد ما زيد خلص قام طلع على فوق عشان ياخد شاور ويغير هدومه. لبس بنطلون بيتي وحط التيشرت على كتفه ونزل على تحت. كانت خلصت المطبخ وراحت قعدت على الكنبة قدام التلفزيون. قعد جمبها بهدوء وركز مع الفيلم اللي كانت مشغلاه. شويه وبص عليها لقاها ساندة راسها على الكنبة ورايحة في النوم. ابتسم وقرب من خدها باسها بهدوء. وبمجرد ما قرب منها وشم ريحتها غمض عينه وخد نفس طويل وهو دافن وشه في رقبتها. ❣️❣️❣️

قفل التلفزيون و قام شالها من الكنبة في حضنه. فتحت عينها بفزع وبصتله. صبا: إنت بتعمل إيه؟ نزلني. زيد: شششش. صبا: بقولك نزلني. 🥺 زيد: هنزلك حاضر. ❣️ طلع بيها على أوضتهم حطها على السرير بهدوء غطاها كويس. وبعدين راح قفل النور وطلع جنبه. مك didn't شيفاه ومستنية تشوف هياخدها في حضنه ولا لأ. وفي لحظة لقت نفسها مسحوبة جوه صدره. ❣️ صبا: ابعد عني. زيد: ششششش. 🤨 مش عايز صوت. صبا: قولتلك سيبني مش عايزة أنام في حضنك. 🥺

زيد: غمضي عينك ونامي. 🤨 صبا: لا مش هنام. زيد: نامييييييي. 🤨 غمضت عينها وابتسمت وهي بتتنهد. سندت راسها على صدره ونامت من غير ولا كلمة. ❣️😍 زيد: رفع حاجبه وبصلها بحرف عينه أول ما حس إنها سكتت واستسلمت ابتسم وباسها من جبهتها بحب وغمض عينه هو كمان. ❣️ ............. في غرفة مراد وتقى. خرج مراد من الحمام لقى تقى مش في الأوضة لكن لمح البلكونة مفتوحة. بص من بره لقاها واقفة ومدياله ضهرها وساكتة.

دخل بهدوء قرب منها وحضنها من ضهرها ومسك أيدها الاتنين شبك صوابعه في صوابعها وحضنها. ❣️ ابتسمت تقى وبصتله بجنبها. سند دقنه على كتفها وباسها من رقبتها. مراد: بنوتي حبيبتي مالها؟ تقى: أنا مفيش يا حبيبي واقفه الجو حلو. مراد: هو صحيح الجو حلو بس أنا عارف إن بنوتي في حاجة مضايقاه. تقى: خالص يا حبيبي ليه بتقول كده؟ مراد: عشان بحس بيكي. انهارده طول اليوم في الشغل كنتي ساكتة وامبارح بردوا ساكتة ودي مش طبيعتك. ❣️

تقى: خالص صدقني أنا بخير. مراد: بردوا مش مصدقك. ❣️ يلا احكيلي إيه اللي مضايقك؟ تقى: رفعت أيدها حطتها على خده بحب... أضايق وإنت جنبي مستحيل. ❣️ رفع إيده ومسك كفها حطه على شفايفه بحب باسها بهدوء. مراد: طيب هصدقك بس إزاي أكدب قلبي لو بجد بتحبيني هاتقوليلي مالك؟ تقى: طيب تمام يمكن إنت معاك حق أنا مودي مش حلو بس صدقني مفيش سبب ولا في حد ضايقني. مراد: طيب اللي مضايقك يخص مامتك واختك؟

تقى: خالص والله أنا بقالي كتير مكلمتش ماما واختي معرفش عنها حاجة أصلاً. مراد: طيب مش يمكن ده اللي مضايقك؟ لو وحشوكوا يا تقى وعايزة تشوفيهم ناخد منهم معاد ونروحلهم. تقى: لا لا خالص صدقني أنا كده مرتاحة والله مش هما السبب أصلاً. مراد: طيب في حاجة ناقصاكي عايزة تروحي تغيري جو في أي مكان. تقى: إحنا لسه جايين من الرحلة من كام يوم متشغلش بالك يا روحي صدقني والله مفيش سبب لحالتي دي شوية وهتلاقيني مش فيا حاجة.

مراد: تبقى هرمونات. 😉 أنا عارفكم مجانين. 😂 ابتسمت تقى وبصتله... إحنا مجانين؟ مراد: آه عندكم ربع طاير. 😉😂😂 ضحكت تقى وسندت راسها على صدره وفضلت ماسكة إيده اللي على وسطها. مراد: بحب مش عايز أشوفك أبداً مضايقة أو زعلانه في يوم اتفقنا. تقى: حاضر يا روحي. ❣️ مراد: بحبك يا أحلى بنوتة في الدنيا. ❣️ تقى: وأنا بحبك أوي. ❣️ أوي يا مراد. ........... في صباح يوم جديد. قربت روح من راجح تربطله الكراڤت زي كل يوم.

روح: وادي الكراڤت اللي ربطها هفكها تاني عشان متنساش مرة تانية وتعمل حاجة مش بتاعتك. 🤨 ضحك راجح بشقاوة وحط إيده على وسطها. راجح: عمرك ما هتتغيري ياروح. ❣️ روح: واتغير ليه؟ ربطة الكراڤت بتاعتي أنا ومحدش يقدر يقف الواقفة دي غيري أنا ولا حتى إنت ينفع تربطها لنفسك. 😒 راجح: في دي عندك حق يا ستي عموماً خلاص مش هقرب منها تاني. ❣️ روح: رفعت نفسها باستـ ـه من خده. 😍 أيوه كده. راجح: روح بقول إيه؟ روح: قول يا قلب روح. ❣️

راجح: أنا في حاجة كده حاسس بيها مش عارف صح ولا غلط. روح: حاجة إيه؟ راجح: قاسم وزهره حاسس إن في حاجة بينهم مش طبيعية وزيد كمان مش على بعضه هو وإخواته في حاجة ياروح بتحصل من ورايا. روح: هيكون في إيه بس يا حبيبي؟ يمكن قاسم وزهره شادين شوية مع بعض وأكيد كمان الشغل الجديد شادد أعصاب الكل لكن مفيش أي حاجة يا حبيبي.

راجح: مش عارف أنا حسيت كده طاقة البيت من وقت ما رجعنا من السفر وهي مش حلوة وبقالنا كتير مقعدناش مع بعض يمكن بناكل سوا بس كل واحد في دنيته. روح: امممم قول كده بقى إنت عايز تقعد وتفضل تبهدل فيهم وتطردهم من القعدة بتاعتك صح؟ راجح: اهو الشوية اللي بنقعد فيهم دول ونضحك ونهزر حتى لما بتعصب على حد فيهم عندي بالدنيا عشان بحس فيها إننا قريبين من بعض لدرجة كبيرة. وببقى عارف مين فيهم بيضحك من قلبه ومين جواه حاجة مزعلاه.

لكن المرة دي حاسس إن مفيش حد أصلاً عنده قابلية إنه يقعد ولا ليه طاقة إنه يتكلم مع حد.

روح: يا حبيبي متقولش كده زي ماقولتلك إحنا لسه راجعين اتلخمنا بولادة ليلى وكمان ملخومين مع فيروز ومنذر وأمير وجلال والبنات هما اللي كانوا عاملين حس ديماً وأكيد إنت عارف إنهم مضايقين عشان فاطيما وأخوها يعني مفيش أي حاجة متقلقش و يا سيدي ولا تزعل نفسك أنا عارفه إنك بتحب اللمة بتاعتنا حتى لو كل يوم أنا هظبط يوم كده ونتلم فيه كلنا اتفقنا. ❣️ راجح: بحب اتفقنا يا حبيبي. ❣️ روح: طيب يلا بقى عشان الفطار. 😍

راجح: يلا يا روح قلبي. 😉 .................... في الأسفل. ياسين: يا حبيبتي زي ما يعجبك إنتي بس شوفي وملكيش دعوة يارب تشوفي الف واحدة أنا معاكي مش مضايق ولا متعطل. فيروز: ماشي يا حبيبي خلاص إنت قول لمنذر طيب وشوف معاه كده. ياسين: ومتقوليلوش إنتي ليه؟ فيروز: لا أنا مليش دعوة إنت قوله لو مقولتش أنا كمان مش هقول. 🙄 ياسين: بضحك... يالهوي على القمر اللي بيتكسف ده. 😉 فيروز: بطل رخامة. 🥺 ياسين: خلاص يا ستي أنا هقوله حاضر.

سالم: صباح الخير. تقول إيه ولمين؟ ياسين: صباح الفل يا باشا. أبداً أقول لمنذر على كام ڤيلا جاهزين يقدروا يروحوا يشوفهم النهارده. سالم: بقولك إيه أو إوعي توافقي على أي حاجة لو مش عاجبك متختاريش عشان تريحينا. ياسين: لسه قايلها الكلام ده.

سالم: أيوه تبقي بنت الطوبجي أصحاب أكبر شركات هندسية في الشرق الأوسط كله وتختاري أي حاجة والله لو منذر يسمع كلامي ويستنى ننفذلكم حاجة تليق بيكم ياريت بس الواطي لما قولتله كده قالي ابدأ اعمل كده بس الأول أشوف بيت وأتـ ـجوز وأظبط دي على مهلك. 😂😂😂😉 ياسين: أيوه يا عم مستعجل. 😉 فيروز: والله إنتوا الاتنين أرخم من بعض وسعوا كده رايحة أشوف مامي. 😡🙈 سالم: اتكسفت. 😂 فضل ياسين وسالم يضحكوا عليها. ياسين: استنى أكلمه. سالم: كلمه.

رن التليفون كان منذر نايم لسه عشان كان عنده تسليم شغل لحد الصبح. منذر: الوووو. ياسين: إنت نايم يا روح أمك وأنا دماغي ورمت بسببك. 🤨 منذر: يا ابني احترم نفسك وبلاش زفارة لسان على الصبح أنا بعرف أشتم على فكرة. 😴 ياسين: بضحك... اسمع صوته كده. 😂 سالم: قوم ياض بدل ما أجيلك أنا وأبو لهب وإنت عارف لو جيت هنعمل فيك إيه. 😉 منذر: بإبتسامة... سالم باشا صباح الفل. 😴

سالم: صباح الفل يا عم يلا يا أخويا قوم أبو لهب ملهوش خلق على فكرة. ياسين: قولوا والنبي. 🤨 منذر: الله يخربيتكم على الصبح عايزين مني إيه؟ كان عندي تسليم لحد الفجر وراجع هنا بعد الفجر اسأل شمس. حتى سيبوني أنام ياللي ربنا ينتقم منكم. سالم: ياض هجيلك وهبوظ مستقبلك يا عريس. 😉😂😂😂 منذر: والله إنت ما تربيت. 😂

ياسين: انجز يا عم شوفتلك 3 ڤلل واثق ومتأكد إن في حاجة فيهم هتعجبك دول كنت حاطت عيني عليهم من الأول بس السمسار اللي مسؤول عنهم مكانش في القاهرة عشان كده خليتكم بدأتوا بالتانيين بس دول حاجة كده من الآخر. عناوينهم عندك على الموبايل بعتلك لوكيشن كل واحدة فيهم ورقم السمسار. منذر: طيب كويس. على إمتى؟ ياسين: على الساعة واحدة تمام. منذر: تمام أوي لسه بدري أنام حتى ساعة وأصحى. سالم: تنام إيه؟

نامت عليك حيطة إنت مش عندك شغل يالا. 🤨 منذر: لا هعدي على المصنع والشركة آخر النهار. سالم: تمام ياعم صباحك فل يلا اتكل رايح أفطر. منذر: ماشي يا صاحبي. ياسين: منذر أوعى تروح عليك نومه والله العظيم أجي أجيبك من بيتكم. 🤨 منذر: يا جدع احترم نفسك أنا أكبر منك حتى قولتلك خلاص. ياسين: ابقى كلم فيروز اتفق معاها عشان مرضيتش تبلغ. 😂😂😂 منذر: 😂 ماشي هكلمها. ياسين: سلام. منذر: سلام. .......................

فطروا مع بعض وبدأوا يتحركوا. قاسم: يلا سلام يا حبيبة بابي لو احتاجتي حاجة كلميني. جنه: ماشي يا بابي. 😍 بص قاسم بطرف عينه لزهره وسلم عليها عشان خاطر جنه. قاسم: سلام. بوسيلي عُدي يا جنه. ❣️ جنه: حاضر يا حبيبي. ................ في عربية يوسف. خلود: لا يا حبيبي أنا هروح في عربية خاصة تبع الشغل. يوسف: أيوه يعني معاكي الاستاف؟ خلود: والله مش عارفة بس أكيد سبقوني عشان يجهزوا الكاميرات والمعدات بتاعت التصوير في المكان.

يوسف: تمام يا حبيبي يعني مش محتاجة السواق عموماً لو احتاجتي أي حاجة عرفيني وخدي بالك من نفسك وبلاش تقفي في مكان زحمة. خلود: حاضر من امبارح وإنت بتوصيني حفظت والله. يوسف: حبيبي إنت عارفة إني مستحيل أقولك على حاجة في شغلك لأ بس إنتي عارفة إن الأيڤنتات دي بتبقى زحمة جداً وأنا خايف عليكي وعلى الحمل. خلود: متقلقش ياروحي هخلي بالي كويس. 😍 يوسف: تمام يا حبيبي. ❣️ ................

وصلها يوسف على مكان شغلها كان سواق العربية الخاصة مستنيها ومعاها بنت مساعدة أحمد بتاع الإعداد. ركبوا ومشوا مع بعض. ............ الأيڤنت كان في هايبر كبير في العاصمة الجديدة. بعد حوالي ساعة إلا ربع العربية وقفت. نزل السواق يحاول فيها بس مكانتش بتدور. خلود: هو إيه اللي حصل؟ السواق: للأسف العربية مش بتدور وشكل كده الماتور قفش. خلود: طيب وبعدين إحنا كده هنتأخر. السواق: هكلم حد يحاولوا يوفروا عربية تانية.

خلود: ده على بال ما يوفروا عربية ويجوا هنا يكون الوقت عدى. 🥺 مسكت خلود موبايلها تتصل بيوسف. موبايله كان خارج التغطية. حطت خلود إيدها على راسها خلاص استسلمت وعارفة إن مفيش فايدة. 🥺 بسرعة افتكرت زيد اتصلت عليه بسرعة. أول ما شاف رقمها قلق. زيد: صباح الخير يا خلود. خلود: صباح النور يا زيد. 🥺 زيد: في إيه يا خلود مال صوتك إنتي كويسة؟ خلود: لا يا زيد حصل حاجة كده ومش عارفة أتصرف. 🥺 زيد: بقلق... في إيه؟

خلود: كان عندي أيڤنت في الهايبر اللي في العاصمة وفجأة عربية السواق عطلت والايڤنت فاضل عليه ساعة إلا ربع والتصوير يبدأ. بكلم يوسف عشان يحاول يبعتلي أي عربية مش بيرد وهنا مش في أي أوبر خالص. 🥺 زيد: عطلت إزاي مش فاهم. خلود: قال إن الماتور قفش مش عارفة يعني إيه. زيد: طيب اهدي متخافيش ابعتيلي مكانك بالظبط بس حالاً عشان داوود مشي وراح على العاصمة عنده شغل هناك هو وأمير. خلود: حالا هبعتلك. 😍 زيد: بسرعة.

قفلت معاه بعتتله اللوكيشن بعته هو لداوود واتصل عليه فهمه وبعدين قالوا أديني أمير. أمير: إيه يا حبيبي متقلقش هنعدي عليها شوفت اللوكيشن دول بعدنا إحنا داخلين عليهم كويس إنك لحقتنا قبل ما نعديهم. زيد: اسمعني يا أمير. أمير: قول. زيد: تجيبلي رقم عربية السواق مفهوم. أمير: حاضر بس ليه في حاجة. 🙄 زيد: اسمع اللي بقوله وبلاش رغي هبقى أفهمك بعدين. أمير: طيب تمام هجيبه. زيد: يلا سلام.

دقايق بسيطة عدت ووصل داوود عند خلود والبنت اللي معاها. أول ما شافتهم روحها رجعتلها. 🙈 أمير: يلا اركبي بسرعة. خلود: الحمد لله إنكم متأخرتوش. 🥺 داوود: اركبي ومتقلقيش هوصلك قبل المعاد واهدي خالص محصلش حاجة خلاص. كتب أمير الرقم وبعته لزيد. أمير: 😉 اشطا. زيد: 😉 اشطا. أمير: مش عايز مساعدة يا ريس؟ السواق: شكراً أنا مستني ونش. 🙄 أمير: ربنا معاك. 😉 مشي داوود بسرعة وأول ما اتحرك. طلع السواق موبايله. هنادي: طمنيني.

السواق: كله تمام يا هانم عملت اللي قولتي عليه وحاولت أخرها شوية بس هي اتصلت بحد ومش عارف إزاي ده حصل عشر دقايق بالظبط وفي حد جه خدها وطار بيها. هنادي: مين ده وإزاي سبتيها؟ السواق: إحنا اتفقنا إن آخرها يا هانم مش إني أكـ ـتفها وبعدين كنت هعمل إيه طيب؟ هنادي: طيب اقفل اقفل. 😡 .................. خلود: مش عارفة أقولكم إيه والله ربنا يخليكم ليا. 🥺 داوود: إنتي لسه هترغي يا مجنونة يلا اطلعي بسرعة. 😍 أمير: أجي أوصلك؟

خلود: لا أنا كده تمام. 😍 أمير: باي بس على مهلك. 🙈 خلود: وهي بتمشي بسرعة... حاضر. دقايق وطلعت فوق قبل ما التصوير يبدأ بخمس دقايق. اتصل عليها زيد. زيد: وصلتي؟ خلود: وقبل المعاد الحمد لله. 🥺 زيد: أوعي تتوتري يلا ربنا معاكي. خلود: ربنا يخليك ليا يا أجدع أخ في الدنيا. ❣️😍 زيد: ويخليكي لينا يا أحلى لولو. ❣️ ................ وصل منذر القصر عشان ياخد فيروز. روح: يلا بالتوفيق إن شاء الله هتلاقوا حاجة كويسة.

منذر: مش ناوية بردوا تيجي معانا؟ متفقة إنتي وكاريمان ولا إيه؟ روح: لا والله متفقتش بس انهارده البنات في الشغل كلهم حتى خلود نزلت وصبا إنت عارف هي وزيد مش هنا فا مش هقدر أسيب ليلى. منذر: ماشي يا حبيبتي سلميلي على ليلى كتير لحد ما أشوفها. روح: ماشي يا حبيبي. ❣️ فيروز: خلي بالك من فيروز يا مامي. روح: حاضر يا قلبي يلا روحي بقى. منذر: اركبي بدل ما تضربنا. 🤨 فيروز: 😍😍😍

بايوصلوا أول ڤيلا عجبتهم جداً بس منذر قالها نشوف كله عشان تقدر تقرر. فضلوا يتنقلوا من ڤيلا لڤيلا ووصلوا لاخر واحدة. كانت أكبر ڤيلا شافوها تقريباً الجنينة مساحتها كبيرة أوي مزروعة نجيله كأنها ملعب مرتب حمام سباحة بيضاوي الشكل. ملحقين صغيرين على جوانب المبنى الرئيسي للضيوف. وفي غرفة جنب البوابة للحارس. أما المبنى نفسه كان عبارة عن دورين كل تفاصيله متقسمة بشكل لائق وجميل ومرتب.

انبهرت فيروز بكل تفصيلة في الڤيلا كأن اللي كان في عقلها اتنفذ ببراعة. ❣️ منذر: بحب إيه؟ 😉❣️ فيروز: إيه؟ منذر: مسك كفها في إيده الاتنين ووقف قدامها... أنا حاسس إنك مبسوطة بالڤيلا دي ولا بيتهيألي؟ فيروز: لا مش بيتهيألك جميلة أوي. 😍 وعجبتني جداً جداً. منذر: هي تجنن بجد اللي صممها بيتهيألي لو بيقرأ أفكارنا مش هينفذها بالشكل ده. ❣️ فيروز: ده حقيقي ياريت روح وطنط كانوا معانا بجد. منذر: المهم إنتي عجبتك. ❣️ فيروز: جداً. 😍

باس كفها بحب وبصلها. منذر: يعني أقول لياسين أوك؟ فيروز: طيب هي عجبتكم؟ منذر: هي عجبتني بس المهم إنتي. فيروز: لا لازم تكون عجباك إنت كمان. ❣️ منذر: عجبتني يا قلبي أوي ومبروك عليكي يا أحلى فيروز في حياتي كلها. ❣️ فيروز: بحب وإحراج ودقات قلب ولغبطة ابتسمت بحب. ❣️ مبروك علينا يا منذر. ❣️ فاجئها منذر ببوسة على خدها سريعة. منذر: 😉 ابتسمت فيروز واتلخبطت وسابته ونزلت بسرعة وهو جري وراها على تحت. 🙈🙈 ................

في المساء في جنينة القصر. يوسف: أنا مش فاهم حاجة؟ خلود: يعني إيه العربية مكانتش بايظة؟ زيد: ده كان كمين عملتوا هنادي علام ليكي عشان تأخري عن الأيڤنت يعني تأذيكي في شغلك من غير ما يكون ليها يد. دفعت للسواق عشان يعمل عليكي اللعبة دي. خلود: طيب ليه وإزاي هي بقالها كتير من وقت ما إنت هددتها وهي مش بتحتك بيا ولا حتى بشوفها؟ يوسف: يبقى كانت بتثبتنا. 🤨

زيد: بالظبط بس الحمد لله خلود كلمتني في الوقت المناسب وحظها إن داوود يكون جنبها. خلود: بدموع... الحمد لله يارب. 🥺 يوسف: بعصبية... إنتي بتعيطي ليه؟ 😡 بكره هروح أطربق الدنيا على دماغها. زيد: اهدي يا خلود إنتي ربنا بيحبك لحقك أما بقى هنادي سيبهالي يا يوسف أنا كلمتها أول مرة باحترام بس المرة دي لازم أعرفها إن في مستور اتكشف من عليها وأنا على علم بيه. يوسف: دي لازم تتربى هي والسواق. 😡😡😡

زيد: سيبهم ليا قولتلك وبعدين يعني أنا غلطت عشان قولتلكم خلاص كبر دماغك اللي غلط هيتربى اطمنوا. وانتي يا خلود خليكي طبيعية متقلقيش كل حاجة مشيت زي ما كنتي عايزة ولحقتي الإيڤنت وكله تمام. خلود: بفضلك إنت وداوود وأمير. زيد: ده فضل ربنا يا خلود الحمد لله على كل حال. ................... الكل كان مبسوط إن منذر وفيروز أخيراً لقوا الڤيلا الجديدة واتفق زيد وياسين مع منذر إنهم هيروحوا مع بعض تاني يوم عشان يكتبوا العقد. ❣️

أما جلال وأمير والبنات راحوا مع بعض يشوفوا الڤيلا بتاعت فاطيما ونور جهزت ولا لأ وشركة التنضيف خلصت كل حاجة. كان سبقهم رامي ورهف وهشام على هناك سلموا البنات على رامي واتعرفوا على ميار. ظبطوا كل حاجة واتفقوا إنهم هيروحوا مع بعض المطار يستقبلوهم. في البداية ميار قالت إنها مش هتروح عشان مهما كان هي غريبة عنهم ومشافتش فاطيما غير مرة واحدة لكن البنات أقنعوها كلهم ووافقت. ................... في بداية اليوم الرابع.

بدأ اليوم بداية سعيدة كتب منذر العقد بتاع الڤيلا أخيراً كان معاه زيد وياسين ونادر. باركله زيد أول واحد وخدوا في حضنه بحب واتفقوا بليل هيتجمعوا في القصر ويحتفلوا بالمناسبة دي. .................. في نفس الوقت. وصل الشباب على المطار عشان يستقبلوا فاطيما ونور. كان معاهم الجارد طبعاً وده قرار زيد لأن البنات معاهم. فضلوا واقفين جنب بعض بيراقبوا خروج المسافرين.

فرح كانت متوترة جداً وكل شوية تراقب ردود أفعال أمير وكانت مقررة تراقب فعلاً نظراته أول ما فاطيما تخرج وده شعور غصب عنها رغم تعاطفها الكبير مع فاطيما لكن كانت غيرانة. جلال: بص على ميار لقاها حاطة إيدها على راسها. جلال: ميار مالك إنتي كويسة؟ ميار: بخير بس حاسة إني دايخة شوية. جلال: طيب من إيه؟ ميار: مش عارفة حاسة إني عايزة أرجع ودايخة. جلال: حامل؟ ضحكت ميار غصب عنها وضربته على إيده... إحترم نفسك. جلال: بإبتسامة...

طيب استنى هروح أجيبلك عصير. ميار: لا استنى معانا في العربية بس أنا مش قادرة. جلال: طيب تعالي ادخلي اقعدي في التكييف. رهف: مالها ميار؟ جلال: دايخة شوية. رهف: ما إنت واقفة في الشمس أكيد هتدوخي تعالي هنا وخذي البونبوني دي هتظبطك. ❣️ ميار: ميرسي يا رهف. ❣️ جلال: هو بس خلي عندك دم وهاتي واحدة. رهف: يا ساتر جاي في أي حاجة؟ إمسك. 😂 رامي: هو إنتوا على طول بتفركوا كده؟ بطلوا بقى. 😒

جلال: أعوذ بالله على دي خلقة إيه اللي جابه الرخم ده؟ هشام: رجعتوا تاني للخناق. 😂 جنه: ما تسكت شوية صحيح إنت في إيه ولا إيه؟ جلال: اصبري عليا. 😒🔪 أمير: كان باصص بعيد مستنيهم أول ما لمحهم وعينه جت على نور وهي فاطيما بتزوق الكرسي المتحرك خبط إيده على جبهته بحزن... يا اللللله. 💔 بصوا كلهم لمحوا فاطيما جاية من بعيد ونور معاها. جريوا كلهم عليهم. أول حد جري عليه أمير هو نور قعد قدامه وحضنه ونور معملش أي رد فعل.

مسك وشه بإيده. أمير: نور نور يا حبيبي شد حيلك وحمد الله على سلامتك وسطنا. 🥺💔 قربوا الشباب منه وفضلوا يبوسوا في إيده وكتفه ورأسه ويحضنوا كان حقيقي محتاج حضن عشان حتى يعيط. أما فاطيما فرح خدتها في حضنها وبمجرد ما شافت البنات جمبها حست إن روحها رجعتلها حتى لو مكانتش قريبة من بعضهم لكن حست بالأمان أخيراً. حضنتها رهف وهي بتعيط هي والبنات. فاطيما: اااااااه. 💔 كلهم راحوا يارهف سيبتهم هناك وجيت سيبتهم لوحدهم. 💔🥺

فرح: بس بس اهدي يا فاطيما. 💔 رهف: ادعيلهم يا قلبي ادعيلهم. 🥺 جنه: شدي حيلك يا فاطيما. فاطيما: مبقاش فيا حيل خلاص. فرح: طيب بس عشان نور والنبي حرام هو مش مستحمل. 🥺 قام الشباب قربوا من فاطيما خدها رامي في حضنه وفضلت تعيط بوجـ ـع. باسها هشام من راسها. 💔 وأقرب أمير منها خدها في حضنه وفضل يطبطب عليها. أمير: كفاية عشان نور أبوس إيدك أخوكي مش مستحمل. 💔 فاطيما: قلبي واجعني أوي والله. 🥺 نفسي أطلع اللي جوايا ومش عارفة.

فرح: عارفين والله بس لازم تجمدي لو بتحبي نور هنخليكي تطلعي كل اللي جواكي بس مش قدام نور. 🥺 ميار كانت واقفة دموعها نازلة في صمت مكتفية بس بالطبطبة على فاطيما لأن الموقف كان أكبر من أي كلام. هشام: يلا يا جماعة نخرج من هنا الناس بتتفرج علينا ونور لازم يرتاح. جلال: فين شنطكم يا فاطيما؟ فاطيما: مفيش شنط يا جلال مفيش غير شنطتي اللي سافرت بيها كل حاجة راحت. 💔 رامي: فداكم الدنيا بحالها كل حاجة هترجع تاني.

جلال: رامي معاه حق من بكره إنتي ونور هيبقى عندكم كل حاجة المهم إنكم بخير. أمير: يلا يا شباب. 💔 ركبت فرح وفاطيما وراء وركبوا نور قدام خدتها فرح في حضنها مكانتش قادرة أبداً تغير منها الموقف كان أكبر من الغيرة بكتير. 🥺💔 وطلعوا كلهم على الڤيلا وفضلوا معاهم كذا ساعة في خلال الساعات دي. راح هشام جابلهم كل حاجة هيحتاجوها في المطبخ وجنه كانت بتساعده.

جلال ورهف وميار راحوا يجيبوا هدوم مؤقتة ليهم رهف وميار جابوا لفاطيما وجلال جاب لنور. وفضل معاهم فرح وأمير ورامي. مكانش بينطق حرف باصص في الفراغ عيونه نادراً ما بترمش ملامحه باهتة وفيها وجـ ـع مش لايق على سنه. 🥺 ظبطوا الدنيا معاهم وقرروا يسيبوهم يرتاحوا لأنهم كانوا تعبانين واتفقوا إنهم يجولهم بكره. في المساء اتجمع الكل في القصر يحتفلوا مع بعض بكتابة عقد الڤيلا ويتكلموا على تحديد معاد الجواز.

وبعد ما قعدوا شوية خرج منذر وزيد يجيبوا العشاء...................... قابلوا شخصين تايهين في الطريق وقرر زيد يساعدهم ويوصلهم المكان اللي هما عايزينه. منذر: زيد زيد زيد. بصله زيد: في إيه؟ منذر: بص قدامك. 😳 بص زيد قدامه لقى عربيات كتير واقفه محاوطاه. شغلوا كشافات العربيات في عينهم. وفجأة لمحوا رجالة بتقرب عليهم. منذر: قولتلك متقفش يا زيد ده طلع كمين. 💔 زيد: بصدمة وعدم استيعاب للحظة حس إن عقله وقف. معاك سلاح؟

منذر: لا مش معايا فين سلاحك؟ زيد: في البيت. منذر: مين دووووول؟ زيد: معرررررفش. اتصل بسالم. 😡 الرجالة كانت بتقرب منهم أكتر. زيد: انزل يا منذر واجرررري. منذر: مش هسيبك. زيد: بقولك انزززل. 😡😡😡 منذر: دوس بنزيييييين بســـر.... وقبل ما يكمل كلمته كانوا قربوا منهم. جزء عند زيد وجزء عند منذر. كسروا الشباك اللي جنب منذر وخدوا منهم ضربة في وشه بكل قوته. منذر: اااااااه. زيد: منذرررررررر. 😡

شدوهم من العربية والمشهد كان عبارة عن ساحة قتال شرسة. 💔 حوالي عشرين راجل أجسامهم تدل على لياقتهم العالية وقصادهم منذر وزيد. حس زيد إن مفيش وقت للصدمة ولا التفكير هو في موقف لا يحسد عليه واكيد هيخرج خسران مهما كانت قوته العدد اللي قدامه صعب يقدر ينتصر عليه وصعب يقدر ينقذ صاحب عمره قصاد العدد اللي معاه فا قرر يبذل أقصى جهده ويعمل اللي عليه وزي ما تيجي تيجي. بدأ يضرب كل اللي يقرب منه ويسدد ضربات وياخد ضربات.

قرب منه اتنين مسكوا بكل قوتهم وواحد فيهم بدأ يضرب فيه. رفع زيد نفسه وضربه برجله الاتنين طيروه وبسرعة سحب نفسه من واحد فيهم ضربه وبسرعة ضرب التاني. وهو كل ثانية عينه تروح على منذر. أما منذر كان نفس المشهد متكرر معاه بيضرب على قد ما يقدر وبياخد ضربات كتير منهم. الخوف اللي جواه على نفسه وعلى منذر اتحول لقوة كبيرة. اللي كان بيقرب منه كان بيضربه من غير رحمة.

لمح واحد معاه حاجة شبه العصاية مدورة وشكلها تقيل بيقرب وهينزل بيها على راس زيد. منذر: حاااااااسب ياززززيد. طيّر زيد بسرعة راسه الضربة جات على واحد منهم في وسط دماغه وقع فاقد الوعي. الأدرينالين كان عالي صوت نفسهم أعلى من صوت الضرب. الاتنين مرعوبين على بعض ومش قادرين يقفوا في ضهر بعض. كل واحد فيهم في جنب بيواجه المـ ـوت لوحده. 💔 الدم كان خارج من كل مكان في جسم زيد ووشه بينقط دم وعرق من المجهود اللي بيحاول يبذله.

الضرب كان نازل عليه من غير رحمة ورغم كل ده كان بيحاول يتماسك على قد ما يقدر عشان هو واثق لو هو وقع منذر هيفقد كل قوته وهيروح منه. وللحظة زيد كان بيضرب وبيتضرب وهو مش سامع غير كلام راجح اللي بيتردد في ودنه لما أيمن اتوفى. راجح: لما تحس إن في ناس حواليك وقريبين منك بيستمدوا قوتهم منك يبقى مينفعش تقع حتى لو جواك وجـ ـع الدنيا لازم تقف على رجلك وتحاول تكون أقوى عشان لو إنت وقعت هما وقعوا.

هيكون سهل طول ما في حد ساند على كتفك مينفعش ضهرك يميل عشان لو ضهرك مال كتفك مش هيقدر يشيلهم. ❣️ زيد: قام زيد بكل قوته بقى يضرب في أي حد يجي قصاده عينه على منذر منظره لوحده كان بيخلي زيد يقوى. لأن منذر خلاص مبقاش يضرب بقى واقف يضرب وياخد الضربة الضربة توديه على واحد تاني يضربه وكانوا بيسلموا لبعض. زيد: اقف يااااااامنذر. منذرررررررر. بصله منذر وشه كله دم وبعدين وقع على ركبه واختفى عن عين زيد.

وفي اللحظة دي زيد تركيزه اتشتت فا كان سهل الكل ينال منه وينهالوا عليه بالضرب واستسلم زيد. 💔 ووقع هو كمان. كان باصص للسماء وعينه مشوشة من الدم مش شايف غير شكل النجوم على هيئة ضباب في ضوء بسيط. وفي اللحظة دي زيد تركيزه اتشتت فا كان سهل الكل ينال منه وينهالوا عليه بالضرب واستسلم زيد. 💔 ووقع هو كمان. كان باصص للسماء وعينه مشوشة من الدم مش شايف غير شكل النجوم على هيئة ضباب في ضوء بسيط.

سمع أصوات العربيات بتجري من جنبهم بسرعة وفي لحظة الشارع فضي عليهم. لف راسه ببطء شديد لمح منذر واقع في الأرض مكانش عارف هو مغمى عليه ولا جراله حاجة مكانش قادر يحرك جسمه ولا عارف يروحلوا صوته مكانش طالع. 💔🥺 سمع أصوات العربيات بتجري من جنبهم بسرعة وفي لحظة الشارع فضي عليهم. لف راسه ببطء شديد لمح منذر واقع في الأرض مكانش عارف هو مغمى عليه ولا جراله حاجة مكانش قادر يحرك جسمه ولا عارف يروحلوا صوته مكانش طالع. 💔🥺

وكل اللي هاجم عقله في اللحظة دي. صوت أيمن في الحلم وهو بيحذره. ركز يا زيد ركز يا زيد. وللحديث بقيه.....