رواية احلام طفله الفصل الخامس 5 - بقلم علا

فهد: بص عليها وعلى يوسف اللي واقف وراها. انتي ايه اللي مصحيكي لحد دلوقتي؟ يارا: بتوتر وخوف من نظرات فهد. أنا.. أنا نزلت أجيب ميه لليان. فهد: آه. ماشي. وانت يا يوسف في أي حاجة حصلت؟ يوسف: لأ يا فهد مفيش حاجة، كله تمام. انت اللي عملت إيه؟ فهد: مفيش، ربنا يستر. طب يلا بينا ننام. تصبح على خير يا يوسف. يوسف: وانت من أهله. طلع فهد ومعاه يارا وهو واقف بيفكر في الخطوة اللي جاية هيعمل إيه. يارا دخلت أوضة ليان. ليان خدي الميه اهي. ليان: وحياة مين جه دلوقتي ده أنا افتكرتك روحت أوضتك ونمتي. إيه كل ده؟ يارا بتوهان: إيه لأ بس كنت تحت بجيب حاجة. خدي انتي الميه أهه عشان أنا عايزة أنام. يلا تصبحي على خير. ليان: بدهشة من تصرفاتها. وانتي من أهله. يارا دخلت أوضتها. ياترى اللي أنا عملته ده صح؟ وفعلاً يوسف بيحبني؟ وفجأة افتكرت لما كانوا في المطبخ ومررت إيديها على شفايفها وابتسمت وفضلت مع أفكارها في يوسف ودخلت في نوم عميق. وعدى تلات أيام عليهم في سلام ورجعة القاهرة. في شركة السيوفي. في مكتب كامل. كامل: إزاي ده يحصل؟ محدش اتصل ليه؟ هي الشركة خلاص بقت سواقة؟ حسن: لازم نعرف في إيه اللي بيحصل معانا وإزاي حاجة مهمة زي دي تتسرق.