رواية احلام طفله الفصل الرابع 4 - بقلم علا

ليان : حرامي .يا بابا حراميي ... يوسف الحقوا حراميي..ااااه.باا.اااه.. دخل فهد وامير جري لقوا نور الفيلا مقفول .. ونزل الجميع على صوت ليان العالي. فهد: في ايه يا ليان .... ليان . انتي فين .. كامل: ليان . بنتي انتي فين .. يوسف: في ايه يا جماعه . النور مقفول ليه .. معتز: هروح اشوف النور ثانية .. وفعلًا راح معتز وفتح النور.

كامل: يوسف شوف ليان .. كان في نفس الوقت شاف رجلين حد باينة من طرف الباب .. يوسف . ايه اللي هناك ده .. الجميع التفت مكان ما شاور كامل عليه وشافه نفس المنظر .. الكل راح وكان فهد أول واحد. فهد: ايه ده .. وأول ما دخل الغرفة .. صاح بعلو صوته .. لياااان وجري عليها والكل وراه .. ولقوا راسها مفتوحة جامد. خديجة: ليااان بنتي .. فوقي يا ليان.

فهد: مستناش حد يمسك ليان كان شالها وجري بيها على عربيته .. كان في ظهره يوسف وخد منه ليان في حضنه .. وفهد طلع بالعربية بسرعة .. لحد ما وصل بيها المستشفى .. كان وقتها الجميع طلع وراهم على المستشفى. كامل: يوسف اختك فين .. يوسف: دخلوها جوه .. بس الحمد لله الدكتور بيقول إن الجرح مش خطير. وهما خيطوا الجرح. وهي هتطلع كمان نص ساعة تكون فاقت. خديجة: يوسف أنا عاوزة أدخلها .. مش قادرة أستنى. دخلني لأختك.

فهد: بعصبية وقلق على ليان. أنا عاوز أعرف إيه اللي حصل .. دا أنا كنت قدام البيت. يارا: ببكاء. أنا كنت قاعدة أنا وهي في الأوضة وبنضحك. وفجأة سمعنا صوت برا الأوضة خرجت عشان تشوف لقينا نور الفيلا كله اتقفل وهي شافت حد وطلعت تجري وراه. وأنا ملحقتش أجري وراها. بس سمعتها بتقول حرامي. بس معرفش حاجة تانية. فهد: إزاي يدخل حد واحنا ما نحسش بيه ..

حسن: لازم نبلغ الشرطة. على اللي حصل وكمان لما نروح نشوف البيت ليكون اتسرق حاجة منه. إبراهيم: مش ممكن يكون لحق سرق حاجة من البيت. ولو الشرطة جت مش هتعرف مين الحرامي عشان محدش شافه. كرم: مش مهم دلوقتي الكلام ده عشان خلاص أنا كلمت الشرطة واحنا جايين. وزمنهم هنا. حوالي نص ساعة. كان الجميع حول ليان. كامل: ليان انتي عاملة ايه يا بنتي. ليان: بتعب. الحمد لله. بس أنا هنا ليه هو إيه اللي حصل.

خديجة: حبيبتي انتي في المستشفى. بس انتي يا قلبي فيكي حاجة. حاسة بحاجة بتوجعك. ليان: آه راسي بتوجعني جامد. يارا: معلش يا ليو. الدكتور حطلك مسكن. شوية ومفعوله هيشتغل. بس هو إيه اللي حصل. ليان: ابداً أنا لما حسيت بصوت برا افتكرته يوسف وخرجت عشان أشوف مين لقيت خيال واحد ملمح ماشي على طراطيف صوابعه ونازل على السلالم. بقول مين لقيته جري. فجريت وراه وفضلت أصرخ وأول ما مسكته لقيته ضربني على دماغي ومحستش بحاجة بعد كده.

فهد: كان المفروض بند هي تنتهي علينا مش تجري وراه وتعرضي حياتك للخطر. كامل: عنده حق. يا ليان ماكنش ينفع تعملي كده. كنتي صوتي وصحينا مش تجري وراه. ليان: يا بابا. عقبال ما كنتوا هتصحوا كان هيكون جري. أنا حاولت أمشكه بس مش عارفة إيه اللي حصل. يوسف: طب انتي دلوقتي بخير. ليان: أيوه الحمد لله. يوسف: بابا لازم نرجع الفيلا عشان الشرطة هناك مع عبد الرحمن ومعتز. كامل: ماشي يا يوسف. اسأل الدكتور ينفع ناخد اختك.

يوسف: أيوه يا بابا سألته قبل ما جي وقالي آه ينفع. كامل: طب يلا بينا. والجميع روح والشرطة ملقتش حاجة في البيت مسروقة ولا في أي كسر توحي أن دخل حرامي. وخدو أقوال ليان ومشيوا. كامل: يالا يا ولاد اطلعوا ناموا. الشباب كلهم طلعوا معدا فهد ويوسف. يوسف: مالك يا فهد مش هتطلع. فهد: لاء. أنا خارج. وانت خلي بالك هنا. يوسف: ليه انت رايح فين. فهد: أنا رايح عند أصحابي هنا في القسم وجي. يوسف: ماشي. بس هو في حاجة.

فهد: أنا شاكك في حاجة كده وعاوز أتأكد منها. أصل كل الكاميرات تقف في الوقت اللي الواد ده يدخل. يبقا في حاجة. يوسف: عندك حق فعلاً. أنا بدأ أشُك أن في حاجة. طب خلاص روح أنت وأنا هنا. في غرفة ما. المجهول: إيه يا بهايم اللي انتوا عملتوا ده. الحرامي: ما البت كانت هتكشفني. المجهول: تقوم ترزعها بالحديدة على رأسها. قدر كان حصلها حاجة.

الحرامي: عيب عليك يا باشا. وبعدين أنا ملحقتش أدخل الأوضة اللي انت وصفتها. بس أنا ممكن أخلص عليه وهو قاعد معاكم عادي مش لازم بليل والشغل ده. المجهول: آه عشان فهد يمسكك ويعملك شورمة. انت ناسي أنه ظابط. وكمان عاوزك تختفي اليومين دول. عشان أنا شاكك أن فهد مش هيسكت. الحرامي: حاضر. أي أوامر تانية. المجهول: لا. وقفل في وشه السكة. وهو متعصب. ماشي والله ما هسيبك اللي وانت وكل ما تملك يكون ملكي. في غرفة ليان.

ليان: يارا معلش ممكن تجيبيلي ميه من تحت. يارا: حاضر. ونزلت يارا وجت تدخل المطبخ. لقت يوسف جوه. أستاذ يوسف أنا كنت جاية أجيب ميه. يوسف: ماشي ادخلي. أنا بعمل شاي. يارا دخلت تجيب الميه وهي مكسوفة من كونها معاه في مكان واحد. وهي داخلة خبطت الغلاية. ووقعت على إيدها. يارا: ااااااه إيدي. يوسف: يارا تعالي. وخدها وحط إيديها تحت الحنفية وفتح الميه. يارا: ااااه إيدي بتوجعني أوي.

يوسف: معلش بس استحملي شوية هتروق. كنتي خلي بالك وانتي ماشية. يارا: محدش بالي. بس الميه حرقت إيدي جامد. يوسف: ثانية واحدة. وراح جاب مرهم حروق ورجع. ده هتحطي منه هيخف الوجع شوية. يارا: حاضر. وجت تحط منه إيديها وجعتها أكتر. اااه مش عارفة. يوسف: خلاص هاتي إيدك أنا هحطلك. يارا: لا أنا هحاول. يوسف: بقولك هاتي إيدك مش هتعرفي. ومسك إيديها وجه يحط المرهم مكان الحرق.

يارا: ااااه إيدي يا يوسف. ودي كانت أول مرة تقوله فيها اسمه من غير ألقاب. يوسف: بحنين وخوف عليها. معلش استحملي شوية. وكل حاجة هتروح. وبص في عينيها لقاها بتتألم ومغمضة عينيها. يارا افتحي متخافيش أنا عمري ما هأذيكي. يارا: فتحت عينيها وبصت عليه. لقت نظرة في عينيه عمرها ما شفته منه قبل كده. أومأت برأسها بشكل طفولي. حاضر. بس براحة.

يوسف: محسش بنفسه غير وهو ماسك وشها بين إيديه وبسها. هي اتفاجئت من فعله وزقته جامد. وهو فاق واتفاجئ من اللي هو عمله. يارا أنا أسف مش قصدي. أنااا. يارا: كانت مصدومة منه بس حاسة بإحساس غريب. عيطت وبين دموعها. أنا عاوزة أطلع فوق. يوسف: يارا والله ما كان قصدي حاجة بطلي عياط. أنا فعلاً مش عارف أنا عملت كده ازاي بس والله أنا. أنا بح بك بحبك يا يارا. يارا: إيه. بتحبني من إمتى.

يوسف: بحنين وحب لسنين عمره. يااااه يا يارا دا أنا بحبك من زمان بس كنت خايف لتكوني بتعتبريني زي أخوكي الكبير مش أكتر من كده. يارا هو لو أنا قولتلك أني عاوز أتزوجك. هتوافقي. يارا: اتكسفت من نظراته ليها وكلامه. أنااا. أنااا. ولسه هتتكلم لقت فهد دخل الفيلا. خرجت من المطبخ بسرعة. وبتوتر. فهد انت كنت فين.