رواية اهتديت بحبه الفصل الحادي والثلاثون 31 - بقلم ميادة خاطر

سمر دخلت وقالت بصراخ: يلاهوي سمر قامت مخضوضه: ايه ايه في ايه ام سمر: حور ايه اللي جرالها سمر بصت جنبها وانصدمت وقالت: ينهار ابيض ايه ده (كان وشها كله بني وهدومها ونايمه ومش باينلها ملامح) ام سمر: تعالي يا حج بسرعه يا حج ابو سمر جه: ايه ايه خير ام سمر بخوف: شوف البت ايه اللي جرالها ابو سمر راح ناحيه حور وبصلها وبعدين بصلهم وقال: لا والله ام سمر: ايه ابو سمر مسح وش حور وقال: دي شوكولاتة ام سمر وسمر بذهول: ايه ابو سمر:

ربنا يهديكوا طربتوني هو انا مش قلت اني رايح اجيب لها حاجه وجابت شوكلاتة كتير مع الحاجات التانية سمر وامها بصوا لبعض واعدوا يضحكوا ابو سمر: اضحكوا اضحكوا طربتوني بس وخلاص حور صحيت علي صوتهم وهي بتدعك عينيها وقالت: هو في ايه ابو سمر: مفيش يا بنتي قومي اغسلي وشك وتعالي عشان ناكل سيبك منهم حور: حاضر يا جدو ودخلت الحمام ابو سمر: يلا يا ام سمر حطي الاكل ام سمر: حاضر سمر: وانا هغير واحصلكوا ابوها: ماشي يلا سمر بضحك:

يلاهوي منظرنا كان نكته عدي اسبوع وجه اليوم اللي مالك ماشي فيه وعلا بقت كويسة جداً وسما وخديجة بعد تذليل اتحدد لهم امتحان في نفس اليوم اللي مالك ماشي فيه جه اليوم الصبح سما وخديجة مشيوا من بدري لأنهم هيمتحنوا كل المواد في يوم واحد ومالك صحي سلم على العائلة كلها وعلا أصرت توصله للمحطة وسليم كان في الشغل وأبوه اللي وصله روحوا قدام القطر علا بعياط: هتوحشني اوي يا مالك مالك: وانتي كمان يا روحي خلي بالك من نفسك

علا حضنتها جامد: ابقي رن عليا مالك: كل فرصة هتيجي هرن عليكي القطار صفر مالك: يلا سلام سلام يابابا ابو سليم: سلام يا حبيبي مالك ركب وشاور لعلا وهي شاورتله وهي بتعيط والقطر مشي وأبو سليم حضنها وقال: معلش يابنتي هيرجع تاني علا: هيوحشني اوي يا بابا أنا اتعودت عليه ابو سليم: معلش يلا نروح علا: يلا ومشوا في الامتحان خديجة: ينهار ابيض أنا فاكرة الحتة دي كانت في الصفحة التانية هي ايه ياربي سما كانت بتحل ومركزة خديجة بهمس:

بس بس سما بس المراقبة: خديجة خديجة: نعم المراقبة: ورقتك خديجة: حاضر اوف هي حيو*انة اصلا سما بصتلها وهزت دماغها بمعني عايزة ايه خديجة شاورت بإيديها ٢ ٢ يعني السؤال التاني رقم سما بصت في السؤال وقالت: اوووف السؤال إجابته كبيرة اوي هعمل ايه وبصت لخديجة لقتها بصالها سما بهمس: إجابته كبيرة اوي خديجة بهمس: قولي أي حاجة سما: طب اقرئي شفايفي خديجة هزت راسها بمعني تمام سما بدأت تقول الإجابة وخديجة مش فاهمة

خديجة عمالة تستوعب بس مش فاهمة خرجت عن شعورها وقالت بصوت عالي: بتقولي ايه سما برقت وخبطت على دماغها المراقبة بزعيق: خديجة انتي زودتيها اوي مينفعش كده هسحب الورقة خديجة بصعوبة:

والله يا ميس أنا كنت مذاكرة بس قبل الامتحان بيومين البت دي اتخط*فت ولما لقناها دخلت المستشفى وورتنا الويل وبعدين بعد ما حددنا يوم تاني وقعت مرات اخويا وسقط*تها وقعدنا في المستشفى برضو ودي آخر فرصة وأنا نسيت السؤال ده ومش فاكرة وهعيط بجد دي آخر مادة احنا من الساعة ٦ واحنا بنمتحن والفرق بين المادة والمادة ١٠ دقائق مش بنلحق ناخد نفسنا وده أكبر سؤال وعليه درجات كتير بالله عليكي الساعة بقت ٢ وعايزة أروح والله زهقت

(تمثيل طبعاً) سما كانت مبرقة ومتنحة وفاتحة بؤها ومش مصدقة اللي بيحصل المراقبة كانت غلبانة فخديجة صعبت عليها وقالت: يا عيني يا بنتي كل ده طب خدي اللي انتي عايزاه يابنتي ودي آخر مادة فيلا خديجة بنصب: شكراً ليكي اوي انتي امي بجد وبصت لسما بصة بمعني (اتعلمي) وقالت: قولي سما كانت لسه متنحة خديجة شاورت بإيديها وقالت: بنتي فوقي سما فاقت وقالت: انتي انتي ا خديجة: انتي لسه هتتني انجزي

سما قالت الإجابة ومكنتش مستوعبة اللي خديجة عملته سليم كان مطحون في الشغل ومركز اوي ومرة واحدة الباب انفتح ودخلت سيليا سليم اتعصب ووقف وقال: انتي ازاي تجرأي تعملي كده سيليا: مش مهم المهم قررت ايه سليم ببرود: في ايه سيليا: هتجوزني ولا سليم: انتي هبلة أنا متجوز أصلاً سيليا: البت اللي في تانية ثانوي دي سليم بعصبية: احترمي نفسك دي مراتي سيليا ضحكت ضحكة مستفزة: هههه مراتك مراتك ولا بنتك أراهن انك مقربتش منها

سليم عيونه بقت حمرا: دي حاجة متخصكيش واطلعي بره سيليا قعدت وحطت رجل على رجل وقالت:

طب بص بقا يا حلو مبدأياً كده الشحنة اللي جايه كمان يومين مش هتوصل وهتغرق بدون سبب وحضرتك هتضطر تدفع الشرط الجزائي اللي هو مليار جنيه لأن الشحنة غالية اوي ثانياً انت مش هيبقي معاك المبلغ ده حالياً فهتضطر تاخد قرض وترهن الڤيلا لأنه أكيد مش هترهن الشركة ثالثاً مش هتقدر تسدد لأن أي صفقة بعد كده هتخسر فهتخسر الڤيلا والشركة هتقع وهتشحتوا بعد كده كل ده ممكن ميحصلش لو وافقت تجوزني سليم كان مصدوم من كلامها وقال:

ايه الش*ر ده انتي مش طبيعية سيليا ببرود: مش مهم سليم: البلد مفهاش قانون سيليا: ههههه بابي القانون يا حلو سليم بتركيز: وابوكي مين بقا سيليا: جابر أبو شادي سليم بصدمة: ايه سيليا: مفاجأة صح سليم: انتي بنت جابر أبو شادي سيليا: yes سليم قعد ومبقاش قادر يصدق وحط دماغه على ايده وقال ياربي اعمل ايه دلوقتي (معلومة جابر أبو شادي أكبر رجل أعمال في الدنيا وأغنى واحد كمان وواصل جداً وأي حاجة بيطلبها بإشارة صباعه بتحصل)

سليم وهو بيجز على سنانه: انتي عايزاني ايه سيليا: هجاوبك و قامت وقفت وبدأت تحكي:

من ٥ سنين بالظبط كان أول يوم كلية أول ما شوفتك حبيتك جداً جداً جداً واتعلقت بيك لدرجة اني سبت صحابي وكل اللي ليه علاقة بيهم وخلتني ٢٤ ساعة أراقبك وامشي وراك في كل حتة والبيدج بتاعتك على الفيس كنت فريند عندك بس باسم ولد مش اسمي وكنت بعرف كل تفصيلة في حياتك وانت مكنتش واخد بالك مني نهائي كنت بتحب البنت اللي اسمها سمر المهم اني كبريائي ومركزي ومركز والدي مسمحليش أتوطى وأقولك اني بحبك خصوصاً إنك كنت أوردي مرتبط بسمر ولما

سافرت قلبي واجعني أوي ومقدرتش على فراقك فقررت أسافرلك وسافرت فعلاً وسجلت في نفس الكلية اللي سجلت فيها ورجعت أراقبك ٢٤ ساعة اللي مجنني إنك مكنتش بتشوفني حتى صدفه واللي جنني إن سمر كانت قريبة منك جداً بس لما عرفت إنك سبتها فرحت اوي واليوم اللي قررت أظهر قدامك فيه انت رجعت مصر ساعتها كنت عايزة أقت*لك بس مهتمتش ونزلت مصر وساعتها عرفت إنك اتجوزت بنت متسواش جنيه وبقت مراتك ساعتها تعبت أوي وجالي انهيار عص*بي ودخلت مص*حة

نفس*ية وطلعت من أسبوعين ساعتها قررت إني أنت*قم على الخمس سنين اللي ضاعوا من عمري هدر بس ملقتش أي حاجة تدخلك السجن فقلت هتجوزني هتجوزني ميهمنيش إن كنت متجوز مطلق أهم حاجة

إن أتجوزك وقالت بصراخ: لو متجوزتنيش يا سليم هدمرك فاهم سليم مكنش مصدق وكان مصدوم من كلامها اللي هو بجد هي بتكلم جد للدرجة دي هي بتحبني للدرجة دي ضيعت ٥ سنين ورايا للدرجة دي الإنسان ممكن يتذل بسبب الحب سيليا: قلت إيه سليم: هسألك سؤال واحد سيليا: قول سليم: انتي مستوعبة انتي قلتي إيه سيليا: اه جداً سليم: انتي معندكيش كرامة لدرجة إنك بتذلي لراجل إنه يجوزك سيليا بضيق: الحب مالهوش كرامة سليم:

هه مين قالك كده يا شيخة ين*عل الحب اللي يذل صاحبه ليه تهيني كرامتك عشان حب وهبل ليه تضيعي ٥ سنين من عمرك على وهم الحب عمره ما كان بالأجبار بصي هي جملة (إن الله يخلق في قلوبنا الحب فلا تسأل محب لماذا أحب)

الحب ده ربنا اللي بيزرعه في قلوبنا لناس بتحبنا مش مهم العمر مش مهم المكانة ولا العائلة ولا أي حاجة ربنا سبحانه وتعالى أما يريد شئ بيقوله كن فيكون وافترضنا إن طاوعتك واتجوزتك هل هتكوني سعيدة بالعكس هتعيشي أسوأ أيام حياتك لأن عمري ما هحبك وهتبقي مكرو*هة من البيت كله ومحدش طايقك ليه تعذ*بي نفسك ليه أكيد في ناس بيتمنوا التراب اللي بتمشي عليه ومن نفس مستواكي وانتي مش واخده بالك منهم ليه تعيشي على وهم ملوش أساس من الصحة ليه حرام عليكي نفسك

سيليا كانت الدموع متحجرة في عينيها وواقفة جامدة ومش بتتحرك وبصاله أوي وطلعت من صمتها وحطت ايديها على ودانها وقالت بصراخ: بس بس اسكت مش عايزة اسمه حرام عليك ليه كده ليه تعذبني أنا اتنازلت عن كل حاجة وجيت لحدك دانت حتى بتقول إن الله يخلق في قلوبنا الحب فلا تسأل محب لماذا أحب فمتسألنيش وتقولي بحبك ليه سليم:

ده مش حب يا سيليا ده هبل الحب عمره ما كان كده الحب احترام الحب الحفاظ على المشاعر الحب إنك تخافي على الشخص اللي بتحبيه الحب حاجة أكبر من اللي المجتمع فاهمه الحب مش إني أحب شخص وانهبل بيه وأبقى ٢٤ ساعة أراقبه وأعرف عنه كل حاجة لاء الحب عمره ما كان ولا هيكون كده الحب دي حاجة عظيمة جداً بس للأسف أغلبنا مش بيدركها سيليا قعدت على الأرض وانهارت واعدت تعيط جامد وقالت:

بس بقا بس أنا تعبت أنا خلاص مبقتش قادرة أستحمل نفسي حاجة تتحقق مش لاقية حب من أي حد ليه دايماً بتنازل ومحدش بيتنازل عني ليه دايماً أعاني لوحدي ليه مليش صحاب بيحبوني أنا ليه مليش حد بيحبني ويحسسني إني ملكه ليه أبويا وأمي كل همهم الشغل وأنا لا ليه معنديش إخوات أنا تعبت عااااااااااااااااااااااااااااااااااااااااااااااااااااااااااااااااا وعيطت جامد سليم صعبت عليه أوي وحزن عشانها وراح قعد قدامها وقال:

استهدي بالله يا سيليا اهدي سيليا حضنته لا إرادي وعيطت أوي وهو طبطب عليها وبعد شوية هديت سليم: قومي وقامت قعدها على كرسي وطلب لمون سليم قعد قدامها وقال:

بصي يا سيليا أنا هقولك حاجة ويا ريت تسمعي انتي بنت وربنا عز وجل كرم المرأة أوي وخلاها عظيمة جداً وانتي بنت بسم الله ما شاء الله جميلة شكلاً مركزك حلو أبوكي واصل بنات كتير بتتمنى تكون مكانك وأكيد شباب كتير انتي فتاه أحلامهم وبعدين أي بنت في العالم مش شرط انتي أي بنت في الكون ملهاش غير كرامتها لازم دايما راسها تبقى مرفوعة متتذلش لحد أبداً أبداً مهما كان متسمحيش لحد يهينها أو يقل منها ده الرسول عليه الصلاة والسلام قال

استوصوا بالنساء خيرا فإنهن المؤنسات الغاليات ليه تذلي نفسك عشاني أنا مستاهلش ولا أي حد يستاهل إنك تذلي نفسك عشانه الحب مش عيب ولا حرام حبي بس في قلبك جواكي مع نفسك ولو الشخص ده يستاهلك وربنا كاتبهولك هيجيلك لحد عندك لكن متكلميهوش متذللهوش متقلقيش من نفسك عشانه بقا ربنا سبحانه وتعالى ورسوله يكرموكي وانتي تهيني نفسك ليه ولو عالصحاب فمسيرك تلاقي صاحبة شبهك وتحبك كسيليا مش عشان فلوسك أو مركزك ولو عشان إخواتك فده أمر ربنا

متزعليش أبداً وأكيد ربنا يعوضك ولو على أهلك فدي حكمة ربنا إن محدش بياخد كل حاجة شوفي جمال ومال وسلطة وجاه بس ناقصك حاجات كتير ومش سعيدة برضو حاولي تقربي من ربنا لبسك ده غيريه البسي لبس يرضي ربنا صلي واستغفري واذكري الله في قلبك دايما اعطفي على الفقراء والمساكين وتصدقي قربي من ربنا واسعدي نفسك بنفسك متستنيش حد يسعدك متستنيش حاجة من حد أبداً لأن الزمن ده قليل لو لقيتي حد بيدور على سعادة حد

سيليا اتأثرت أوي بكلامه وقالت: شكراً يا سليم بجد كلامك في قلبي أوي بجد انت وعيتني على حاجات كتير أوي فهمتني حاجات كتير أوي حاجات أنا عمري ما اتعلمتها أوي سمعت عنها فهمتني الحياة بجد شكراً بجد بجد واسفة على الدوشة والإزعاج اللي عملتهولك سامحني وشكراً أوي سليم: ولا يهمك أهم حاجة تفهمي وترجعي لربنا وصدقيني هتعرفي إنك مش بتحبيني وهتلاقي اللي بيحبك ويموت عليكي سيليا ابتسمت وقالت: شكراً السكرتيرة: الليمون يا سليم بيه سليم:

اتفضلي سيليا: شكراً وشربت وقالت: أنا لازم أمشي مع السلامة سليم: سلام مستني سيليا الجديدة سيليا: إن شاء الله ومشيت سليم راح قعد واتنهد وقال: الحمد لله اللهم لك الحمد يارب عدت على خير ام سمر: يلا يا حور يلا يا سمر سمر: حاضر يماما يلا يا حور حور: جايه اهو و راحوا قعدوا ياكلوا حور: ممممم الأكل جميل اوي سمر: فعلاً الأكل تحفة تسلم ايدك يا ماما ابدعتي ام سمر: بالهنا والشفا يا حبايبي سمر زقت ابوها عشان يكلم ابو سمر:

ها اه تسلم ايدك يا ست الكل ام سمر بكسوف: بالهنا ابو سمر: متعرفيش يابنتي قضية زين وصلت لأيه سمر: لأ والله يابابا هروح بكرة إنشاء الله وأشوف الدنيا حور: هتروحي لبابا سمر: ايوا يا روحي حور: هاجي معاكي سمر: حور بزعل: ليه بقا مليش دعوة عايزة أجي سمر بضحك: بهزر معاكي أنا أقدر أروح من غيرك يا جميل حور: هااااااا هروح لبابا ابو سمر: هاجي معاكي يا بنتي سمر: ماشي يابابا يكون أفضل ابو سليم: خلاص بقا يا علا روّقي كده علا:

مفيش حاجة يبابا أنا بخير ابو سليم: مش باين بس المهم تحبي نروح بكرة ولا بليل علا باستغراب: فينا ابو سليم: نسيتي مش قلنا هنروح الساحل علا بضحك: آه افتكرت ابو سليم: نروح امته بقا علا: أي وقت يبابا ابو سليم: خلاص هنشوف البيت ونقرر علا: ماشي يبابا ابو سليم: المحل ده بيبيع آيس كريم حلو اوي اجيبلك علا: ممم اوكي ابو سليم: يلا وركبوا العربية ونزلوا ودخلوا الويتر: تحبوا ايه علا بصت وقالت: هاخد وبعدين انصدمت وقالت: انت،،،،