رواية احتواء قلب الفصل الثاني والأربعون 42 - بقلم عبير سليم

يقف ليرحب به: أهلاً وسهلا بيك يا أشرف. الشركة حتنور بشغلك معانا إن شاء الله. أشرف: الشركة فعلاً منورة بيك وبسمعتك اللي ما شاء الله عليها زي الطبل. أنا والله من يوم ما اتقابلت معاك ومع البشمهندس يونس في الفرح وأنا حابب أتعامل معاكم. يارب تكون بداية حلوة وفاتحة خير علينا إن شاء الله. هادي: يارب اللهم آمين. وبمناسبة بداية الشغل مع بعض، أتمنى تقبل دعوتي حضرتك والمدام على العشا بكرة إن شاء الله في بيتي. أشرف:

ماشي، بكرة إن شاء الله نكون عندكم بأمر الله. هادي: تمام. ونسيب الستات يقعدوا مع بعض وياخدوا على بعض وإحنا نتكلم في الشغل براحتنا. مدام حضرتك حتنبسط مع مراتي إن شاء الله. إحنا ملحقناش نتعرف على بعض في الفرح، فدي حتبقى فرصة كويسة نتعرف على بعض بشكل أفضل. أشرف:

أكيد طبعاً، وده شرف لينا والله يا هادي. وسبحان الله والله هما تحسهم شبه بعض، وأكيد إن شاء الله حيرتاحوا لبعض. دي حتى الصورة اللي أخدتوها معانا في الفرح والله كل اللي يشوفها يفتكرهم أخوات. هادي: عشان هما ما شاء الله عليهم محجبات زي بعض وروحهم واحدة. ربنا يبارك لنا فيهم يارب. أشرف: يارب، وربنا يقومهالك بالف سلامة إن شاء الله. هادي: يارب، وعقبالكم انتوا كمان إن شاء الله. أشرف: اللهم آمين.

يتكلمان مع بعض شوية في الشغل، وبعد كده يسلموا على بعض ويخرج معاه هادي يوصله لبرة ويرجع تاني مكتبه. وقتها كانت همسة بتاخد شغل من واحدة زميلتها وراجعة بيه مكتبها، وفجأة اتخبطت فيه وهي بتبص في الورق. بترفع عينها عشان تعتذر للي خبطت فيه: أنا أس... تتفاجئ إنه أشرف. همسة: أستاذ أشرف. أشرف: إزيك يا همسة، عاملة إيه؟ همسة: الحمد لله بخير. وألف مبروك على الجواز. أشرف:

الله يبارك فيكي يا همسة. أنا إن شاء الله حيبقى لي شغل معاكم هنا. همسة: ربنا يوفقك إن شاء الله. أشرف: صراحة هادي إنسان محترم جداً وبيتعامل برقي وبيجبر أي حد يعرفه إنه يحبه، وأنا حبيت إني أشتغل معاه. همسة: مفيش حد في الدنيا دي كلها زي أبية هادي. أشرف: أيوة فعلاً. همسة، أنا عارف إنك زعلانة مني. همسة: وأنا حزعل منك ليه يا أستاذ أشرف؟ هو حضرتك عملت لي حاجة تزعلني؟ أشرف:

عشان آخر مرة اتقابلت فيها مع ذكرى، وعشان الكلام اللي قلتهولها. همسة: كل واحد بيتكلم من وجهة نظره اللي شايفها صح ومقتنع بيها. وبعدين حضرتك مقلتش حاجة غلط، ووريتها حقيقتها وكشفتها قدام نفسها. يبقى حزعل ليه؟ أشرف: أنا عارف إني كنت قا...

سي معاها، وكلامي ليها كان كلام جارح. لكن وربنا أنا ما كان قصدي غير إني أفوقها قبل ما يفوت الأوان. وكنت أنا كمان بفوق نفسي معاها. كنت بواجه نفسي وبواجهها. أنا والله ما بتمنالها غير كل خير، وربنا يعفي عنها ويشفيها يارب. همسة: اللهم آمين. أستاذ أشرف، متشغلش بالك بحاجة. أنا معاها ومش حاسيبها، وإن شاء الله ذكرى حتفوق وحتبقى كويسة. ومحدش بيتعلم ببلاش. أشرف:

أنا أهم حاجة عندي إنك متزعليش مني، لأني بجد بعتبرك أختي الصغيرة ومحبش إن أختي تزعل مني أبداً. همسة:

أنا إذا كنت زعلت منك، فيمكن عشان الكلام ده مكنش وقته وهي حالتها بالشكل ده. ولو تفتكر إني طلبت منك تكون رحيم بيها عشان الحالة النفسية مهمة جداً لعلاجها. لكن خلاص اللي حصل حصل. وصدقني لو قلتلك إنها لو كانت عرضت عليك إنها تفضل معاك حتى لو من غير جواز، فده من غلبها ويأسها وإحساسها بالضعف وإنها خلاص معادش ليها حد. ذكرى اتكسرت خلاص، اتكسرت أوي يا أستاذ أشرف. وللأسف إن بعد ما حالتها كانت بدأت تتحسن شوية، رجعت تعبت أكتر من الأول. بس الحمد لله على كل حال.

أشرف: أنا آسف يا همسة، آسف بجد والله. ما كنت أقصد إني أتعبها أو أكون سبب في تأخير شفاءها. ربنا يعلم إني بتمنالها ربنا يشفيها ويكون لسه قدامها الفرصة إنها تتوب وتبقى كويسة. والله العظيم وأنا في الحج دعتلها بظهر الغيب إن ربنا يشفيها ويهديها ويتوب عليها ويغفر لها ويسامحها ويفتح لها باب توبته ورحمته. كلنا بشر يا همسة، وكلنا بنغلط، ورب العباد فاتح بابه لكل تائب. وأنا غلطت أنا كمان ورحتله ندمان وتائب. همسة:

ربنا يتوب علينا جميعاً يا رب. شكراً يا أستاذ أشرف. وحج مبرور وذنب مغفور إن شاء الله. ربنا يتقبل منك يارب. إن شاء الله ذكرى حتخف، وأنا حفضل معاها مش حاسيبها غير لما ترجع لنفسها وتتوب عن كل حاجة وحشة عملتها في حياتها. أشرف: إن شاء الله. همسة: معلش، حستأذن حضرتك عشان عندي شغل. أشرف: اتفضلي يا همسة. يمشي أشرف وهو يدعيلها:

اللهم اشفها واعفو عنها واغفر لها. اللهم افتح لها أبواب فضلك وأبواب رحمتك. اللهم اهدها. اللهم لا تأخذها إلا وأنت راضٍ عنها. ترجع همسة مكتبها وتكلم نفسها: يا خسارة يا ذكرى، يا خسارة. ليه عملتي في نفسك كده؟ ليه؟ ليه أخدتي إيه؟ عاوزة أعرف الكل بقوا مع بعض وانتِ اللي بقيتي لوحدك. أخدتي إيه من كل اللي سعيتي ليه وجريتي وراه غير الوحدة؟ مين دلوقتي معاكي؟ مين اللي بيسأل عليكي؟ مين بيرفع سماعة التليفون يسأل عنك؟

كان ماله أبية هادي؟ كان بيجيلك وبيحققلك كل اللي بتحلمي بيه وأكتر. سبتيه؟ طب وبعدين؟ شوفي انتي فين وهو فين دلوقتي. هو ربنا كرمه وعوضه بزوجة تستاهل قلبه الأبيض، وقريب أوي إن شاء الله ربنا حيرزقه بالذرية الصالحة اللي كان نفسه فيها. وانتي أهو بقيتي مجرد حطام أنثى. اتنسيتي ولا حد بقى فاكرك ولا حد عاوزك في حياته. ضيعتي نفسك بإيدك يا ذكرى. الله يسامحك يا أختي، الله يسامحك.

تنهي عملها وتروح تطمن عليها قبل ما ترجع بيتها وهي منهارة على حالها. تفتح الباب وتسلم على جدتها وتقول لها إن ذكرى نايمة. تقعد همسة وتحكي لها كل اللي حصل وهي منهارة. جدتها:

منه لله أبوكي يا همسة، منه لله. هو السبب في كل اللي أختك وصلت له ده. أختك أنا مبعفهاش من الغلط اللي عملته، لكن صدقيني لو قلتلك إنها ضحية أبوكي. من يوم ما وعيت على الدنيا وهو حاطط في دماغه إن الفلوس أهم من أي حاجة في الدنيا، وإن الواحد لازم يعمل أي حاجة عشان يوصلها. طول عمره يقول لها: "إنتي جميلة ومفيش حد في جمالك، ولازم تستغلي جمالك ده لصالحك". فضل يزرع جواها زرعة الش...

طاني لحد ما خلاص بقى كلامه ده هو اللي عايشة عليه. وأمك زي خيبتها، لا بتهش ولا بتنش. يا ما قلت لها: "اطلقي منه، ده مينفعش يبقى أب. خلي بالك من بنتك، لازم توعيها وتعرفيها الصح من الغلط. أبوها حييضيعها". لكن هيا ودان من طين وودان من عجين. من إمتى إحنا عندنا واحدة تطلق وتروح تعيش لوحدها ومنعرفش عنها حاجة؟ من إمتى واحدة تبقى لابسة وفي إيدها الدهب والألماس وراكبة العربيات ومنسألش ده منين؟

لو أختك كانت عارفة إن وراها أب، عمرها ما كانت عملت كده. ودلوقتي أهو، لا بيفتكر فيها ولا جوزها الراجل الطيب المحترم اللي ضيعته من إيدها. حسبي الله ونعم الوكيل فيك يا جوز بتي، ربنا لا يكسبك ولا يربحك. ربنا ينتقم منك بحق ما ضيعتها وكنت السبب في كل اللي هي فيه دلوقتي. همسة: أنا داخلالها يا تيته. جدتها: ادخلي لها يا همسة، ادخلي لها. تدخل همسة عندها وتتفاجئ بيها. تشهق همسة من صدمتها: مش ممكن! مش معقولة!

ذكرى على سجادة الصلاة وساجدة لربنا وبتدعيه وهي بتبكي. تنهي ذكرى صلاتها وتسلم وهي بتبكي بقهرة. تقعد همسة قدامها وتحضنها: يا حبيبتي يا ذكرى، ألف حمد الله على سلامتك يا حبيبتي. ذكرى: أنا تعبانة، تعبانة أوي يا همسة، وعاوزة أرتاح. أنا عارفة إني تعبتكم معايا وشيلتكم همي. نفسي بقى ربنا ياخدني عشان أرتاح وأريحكم. همسة:

متقوليش كده يا ذكرى. إحنا أخوات يا حبيبتي، وملناش غير بعض. وإن شاء الله حتخفي وتبقي زي الفل. كلنا بنغلط يا ذكرى، محدش فينا معصوم من الغلط. يا حبيبتي وربنا فاتح باب توبته مبيقفلوش أدام حد. وانتِ لما تكون توبتك صادقة، إن شاء الله ربنا حيغفر لك ويسامحك. ذكرى: بس البشر مبيسامحوش، ومبيفتحوش بابهم لحد. همسة: البشر؟ ومين في البشر مبيغلطش؟ وبعدين إحنا مالنا بالبشر؟

إحنا اللي يهمنا ربنا وبس. رضا البشر عننا مش هو اللي حينفعنا. اللي حينفعنا ربنا هو اللي بإيده كل شيء. هو اللي يقدر يتوب علينا ويغفر لنا، وإحنا عبيده. وربنا أحن علينا من أي حد. ربنا حنين أوي يا ذكرى. وسيدنا

عيسى عليه السلام قال: "من كان منكم بلا خطيئة فليرمها بحجر". محدش مبيغلطش يا ذكرى. والحمد لله يا حبيبتي، الحمد لله إن ربنا نور بصيرتك وهداكي ليه. اللهم لك الحمد، اللهم لك الحمد. حتخفي، حتخفي والله وحتبقي كويسة. وحترجعي ذكرى القمر اللي الكل كان بيحسدها على جمالها. بس مش حترجعي ذكرى القديمة، لأ، حترجعي ذكرى جديدة، واحدة تانية خالص. واحدة قلبها مفيهوش غير الحب والخير وربنا. ربنا وبس يا ذكرى. تترمي ذكرى

في حضنها وهي بتبكي بقهرة: آه آه، أنا تعبانة أوي يا همسة، تعبانة أوي ومش قادرة أتحمل وجعي أكتر من كده. همسة وهي حاضنة وشها بإيديها وبتكلمها وعيونهم في عيون بعض: حتتحملي، حتتحملي عشان نفسك وعشاني. ذكرى، أنا حامل. ذكرى بفرحة: حامل؟ بجد؟ انتي حامل يا همسة؟ همسة: أيوه والله. أنا حامل وإن شاء الله حجيب بنوتة قمر زي خالتها، وحتبقى بنتك يا حبيبتي اللي وجودها حيعوضك عن كل حاجة وحشة حصلتلك في حياتك. ذكرى وهي بتحضنها:

يا حبيبتي يا همسة، ألف مبروك يا حبيبتي، ألف مبروك. ربنا يكملك على خير يارب. طب ابعدي عني، ابعدي عني عشان متتعبيش ولا أأذيكي يا حبيبتي. همسة: عمر ما قربي منك حيكون فيه أذية ليا أبداً يا ذكرى. انتي بس لما إن شاء الله تخلصي جلساتك وتعملي الإشعاع، وقتها معلش مش حقدر أكون جنبك لأنه حيكون غلط على البيبي. لكن حبقى معاكي برضه حبيبتي، وعمري ما حاسيبك أبداً يا ذكرى. يحضنون بعض ويقعدوا يبكوا في حضن بعض كتير. ………………………………………..

بعد مرور عدة أيام في إحدى المستشفيات حيث يقفون جميعهم أمام غرفة العمليات منتظرين خروجهما لهما بالسلامة. فهد: ما تقعد بقى في حتة، تعبتلي أعصابي يا فهد. هادي: البت نجلاء مش سامعلها صوت، لا بتتص.. وت ولا بتص.. رخ. تكون ما**ت. فهد: استغفر الله العظيم ياربي، فال الله ولا فالك يا بني. اهدى شوية عشان خاطري، أنا متوتر لوحدي ومش ناقص. إلهام: معلش يا حبيبي، ده بس عشان أول بيبي. بعد كده حتنزل تشرب

شيشتك على القهوة وتقول: "لما تولد ابعتولي". فهد: تفتكري يا ماما؟ إلهام: طبعاً يا روح ماما. هو ده الراجل المصري يا حبيبي. بتبقى واخداه الجلالة بس في أول طلعة، بعد كده خلاص بتجيله مناعة. فهد: ماشي، بس برضه أنا عاوز أعرف هي مبتصو.. تش ليه؟ إلهام: وهي حتص.. وت ليه؟ وهي بتولد قيصري؟ انت حتجلطني يا فهد؟ دي واخده بنج يا حبيب أمك، يعني مش حاسة بحاجة. اسكت بقى الله يهديك. فهد: أووه، دي احلوت أوي.

حمايا حبيبي جه، ومزتي القمر وصل. صلاح: بنتي فين يا فهد؟ بنتي فين؟ قولي. فهد: هو إيه اللي بنتي فين؟ بنتي فين؟ هي تا.. يهه وجاي يدور عليها؟ يعني حتكون فين في البحر؟ ما هي جوة في العمليات بتولد. فادية: ربنا يخرجها لنا بألف سلامة ياربي. يسلموا على إلهام، ويعرف. نادية كانت مبتتكلمش، بتدعي ربنا لبنتها ولنجلاء. جميلة قاعدة بتقرا قرآن: يارب، قر عيني بذرية ابني يارب. يا رب أنا اتحرمت من حضن ابني، متحرمنيش من حضن بنته يارب.

بعد مرور بعض الوقت، يخرج لهم الدكتور: ألف حمد الله على سلامتهم. مدام جنة جابت بنوتة زي القمر، ومدام نجلاء جابت ولد زي العسل. هادي: وجنة ونجلاء كويسين يا دكتور؟ الدكتور: زي الفل. بيقفلولهم، ونص ساعة إن شاء الله وحيكونوا في الأوضة. جميلة وفادية: لوووولي لوووولي. تأخذ جميلة هادي في حضنها: ألف مبروك يا حبيبي، تتربى في عزك يا ضنايا. هادي وهو بيبكي من فرحته: الله يبارك فيكي يا ماما. يعرف، يحضن فهد:

ألف مبروك يا فهد، حمد الله على سلامتهم. فهد: الله يسلمك يا بابا. بعد شوية، كلهم في الجناح اللي كانوا حاجزينه عشان يستوعب الأفواج اللي حتيجي. هادي شايل بنته وبيأذن ويكبر لها، بيحضنها بحب وفرحة ملهاش وصف: يااه، حمد الله على سلامتك يا حبيبتي. تعرفي أنا مستنيكي بقالي قد إيه؟ سنين عمري كلها وأنا مستنيكي يا حبيبة أبوكي. يريها لجميلة بفرحة: ماما، بنتي يا ماما. تأخذها جميلة في حضنها وتبوسها من إيدها وهي بتبكي:

يا مانت كريم يا رب، يا مانت حنين. يارب ترجعهالي وتفرحني بذريته. اللهم لك الحمد. صلاح: شفتي يا فادية، الواد شبهي إزاي؟ فهد وهو قاعد جنب نجلاء وماسك إيدها: شبهك مين بس يا عمي؟ ده الواد زي القمر ده شبهي أنا طبعاً. صلاح: نعم؟ شبهك؟ ده إيه إن شاء الله؟ إيش جابك انت ليه؟ هي تماحيك وخلاص؟ الواد مفهوش حاجة منك. ده كله أنا ونجلاء، صح يا فادية؟ فادية وهي بتضحك: آه طبعاً صح يا أخويا. نجلاء:

فهد، وحياة قلبي عندك يا حبيبي، أنا تعبانة ومش حقدر أضحك. اهدوا عشان خاطري. فهد: يعني انتي مش سامعة الكلام؟ يعني بزمتك أنا اللي أتعب وأشقى عشان أجيبه وبعدين يطلع مش شبهي؟ ده أنا أروح فيكم فدا.. يه وربنا. نجلاء: شبهك طبعاً يا حبيبي. اسكت بقى. آآآه. فهد: حبيبتي، انتي تعبانة؟ نجلاء: تعبانة أوي. فهد: تعبانة من إيه طيب؟ نجلاء: والدة يا فهد، والدة وفتحة بطني. فهد: تصدقي نسيت. نجلاء: يا لهوي! حد يشيله من جمبي أنا تعبانة.

إلهام: سيب مراتك ترتاح يا فهد. هادي بيبوس إيد جنة: ألف حمد الله على سلامتك يا جنة. جنة: الله يسلمك يا حبيبي. شفتي بنتك جميلة إزاي؟ هادي: لازم طبعاً تطلع جميلة وقمر زي مامتها. جنة: بس أنا حساها شبهك. هادي: معقولة؟ أنا حلو كده؟ لا طبعاً، دي شبه مامتها القمر. نادية: طب إيه رأيكم بقى إنها لا شبهك ولا شبهها؟ دي شبه جدتها جميلة. جميلة بفرحة: شبهي أنا؟ نادية:

أيوه والله. بصي نفس الجبين ونفس الدقن ورسمة الشفايف. يا خلااص على العسل. والله كلها انتي يا جميلة. جميلة وهي بتبكي من فرحتها: ربنا يجبر بخاطرك يا بنتي يارب. فهد: تمام، الحمد لله. أول مهمة عدت على خير. وادي أول نونة معانا اسمها جميلة. ندخل على التاني وربنا يستر. صلاح: طبعاً يتسمى صلاح على اسمي. عارف: لا بقى معلش. المفروض يتسمى عارف على اسمي أنا. صلاح: آه بس أنا حاجز الاسم الأول قبل منك. عارف:

هو باللي يلحق. أنا متكلمتش لأني عارف إن ابني لازم حيسمي حفيده على اسم أبوه طبعاً. صلاح: صلاح. عارف: عارف. نجلاء: يا لهوي! الحقني يا فهد، دي شكلها حتقلب بمعركة. فهد: بس اسكتوا. حضرتك عاوزة يتسمى صلاح صح؟ وحضرتك عاوزة يتسمى عارف صح؟ والله ما مزعل حد فيكم. أنا حسميه إياد. صلاح: مين؟ وعارف مين؟ انتوا عاوزين تعقدوا الواد في عيشته؟

معلش يا عم صلاح الدين الأيوبي، حقك علية وربنا. ومعلش يا والدي، حقك علية والله. أنا عايش طول حياتي نفسي أعرف جدي جاب اسمك ده منين؟ عارف، هو جدي كان عاوز يعرف إيه بالظبط؟ وبعدين هو اسمك ده سؤال ولا جواب؟ حقك علية يا بابا والله. انت حبيبي بس بلاش عارف دي. الله يخليك. بت، نوجة، موافقة على اسم إياد ده يا بت، ولا عندك اعتراض عليه؟ نجلاء: أيوه موافقة. اسم إياد جميل أوي يا فهودتي. صلاح: شفت الولاد معبروناش إزاي يا عارف.

عارف: أيوه ما هو ده آخرته. إحنا نخلف ونكبر وبعد كده يعملوا اللي هما عاوزينه. صلاح: طب إيه رأيك بقى بالعند فيهم هما الاتنين؟ أنا حناديه بصلاح. عارف: وأنا كمان حعمل زيك وحناديه بعارف. فادية وإلهام: عوض علينا عوض الصابرين يارب. فهد: خد شيل حفيدك يا أبو صلاح. شفت الواد وجماله؟ صلاح: قمر، الله أكبر عليه. ياآآه، أنا مش مصدق نفسي إني عشت لحد ما شلت ابن نجلاء. اللهم لك الحمد. فهد: يتربى في عزك يا بابا. صلاح:

يتربى في عزك انت يا حبيبي. يديه لباباه: شيل يا أبو فهد، شيل. يا خوفي لتعملوها فيا وألاقيك جايب عم للولد. عارف: وإيه يعني، عالأقل يبقوا أصحاب ويدخلوا المدرسة سوا. إلهام: والله العظيم انت وابنك دماغكم طاقة زي بعض. ربنا يهديكم يارب. بعد مرور أسبوعين.

تمتلئ الفيلا بالمدعوين لحضور سبوع الطفلين. فلقد ألح هادي على فهد أن يقيم سبوع أولادهما عنده في الفيلا لاتساع المكان، ولأن معظم المدعوين يعرفونهما معا، فوافق فهد على طلب هادي. كانت جنة ونجلاء كالأميرات، وكل واحدة منهما تحمل طفلها وهي في قمة سعادتها. حفل كبير ضم الأهل والأصحاب والزملاء في العمل وبعض رجال الأعمال. كان الجميع لا تسعهم الفرحة. تحمل مرزوقة جميلة الصغيرة وعيناها تبكي من شدة فرحتها:

ياآآه، أنا مش مصدقة نفسي إني شايلة بنتك يا حبيبي. ربنا يخليها لك ويباركلك فيها ويرزقك برزقها يا حبيبي يارب. هادي: حبيبتي يا أمي، ربنا يخليكي لينا يارب ويبارك لنا في عمرك يا ست الكل. وتشوفيها أحلى عروسة في الدنيا كلها يارب. هي خديجة مجاتش ليه يا أمي؟ مرزوقة: تعبانة أوي والله يا هادي، والدكتورة نبهت عليها متتحركش. واحتمال تولدها على أول الأسبوع الجاي إن شاء الله. هادي:

ربنا يقومها بالسلامة يارب. إن شاء الله بكرة حروحلها أطمن عليها. مرزوقة: ربنا يخليك لينا ومننحرموش منك يا حبيبي يارب. هادي: ولا ننحرم منك يا ست الكل ياربي. يجلس جاسر بصحبة زوجته وأولاده بجوار أمه، فلقد أتى خصيصا لمشاركة أخته في فرحتها بابنتها. جاسر وهو يحمل الصغيرة: بسم الله ما شاء الله، قمر يا حبيبتي. ربنا يبارك فيها ويجعلها من الصالحات البارات بيكم يا رب. جنة: يا حبيبي يا جاسر، ربنا يخليك ليا يا حبيبي يارب.

تحمل جنة ابنة جاسر: جنة كبرت ما شاء الله. زوجة جاسر: أخوكي عقله طاير بيها. بيقول لي: "أنا مستحملك انتي والولدين دول عشان خاطر جنة". جنة: هههههههه. لا طبعاً ده بيهزر يا حبيبتي. جاسر أخويا بيحبك وبيحب أولاده أوي. ربنا يخليهولكم يا حبيبة قلبي يارب. جاسر: قولي لها. وحياة أمك يا جنة عشان هي طول عمرها بتظلمني. يضحكون كلهم، ويخرج جاسر علبة شيك أوي ويقدمها لجنه هدية: حمد الله على سلامتك يا جنة. جنة: الله، دي عشاني؟ جاسر:

طبعاً يا حبيبتي، دي لجنتنا الحلوة، أحلى أم في الدنيا كلها. سلسلة جميلة منقوش عليها اسم جميلة وجنة. تفرح بها جنة أوي وتحضن أخاها وتشكرها. ويقدم لجميلة الصغيرة علبة فيها خاتم وأسورة وسلسلة. زوجة جاسر: دي بقى الشبكة يا جنة. جنة: شبكة؟ جاسر: أيوه، إحنا خلاص خطبنا جميلة لآدم. يأتي فهد: هي مين دي اللي خطبتوها؟ لا، ولا مؤاخذة. البنت في ناس اتكلموا عليها خلاص، وقرينا الفاتحة. واللي سبق أكل النبأ. زوجة جاسر: مين ده يا حبيبي؟

فهد: هههههههه. ده فهد صاحب هادي. مراتُه: آه صحيح، أنا نسيت. ده اللي فرحه كان مع فرح جنة. أوه، سوري، مأخدتش بالي. فهد: لا، ولا يهمك. بس بعد إذنك تلموا عيالكم بتوع بلاد بره دول كده حواليكم، وسيبونا إحنا نشوف حالنا مع بعض. جاسر: انت عاوز إيه دلوقتي يا فهد؟ هو انت طول عمرك عامل مشاكل في كل حتة تروحها؟ خلي بالك، أنا صحيح مش عايش هنا، بس أخبارك كلها عندي وعارف عنك كل حاجة يا بتاع الشيشة. فهد: بتاع الشيشة؟ هي وصلت لكده؟

طب خلينا حبايب بقى. أحسن. جاسر: وهو أنا لما أقول عاوز أخطب بنت أختي لابني، يبقى إحنا كده مش حنبقى حبايب؟ فهد: بص، اديك قلت أهو. بنت أختك، يعني حضرتك خالها. أنا مقلتش حاجة. على راسي. بس أنا بقى أبقى عمها. يعني العصب يا برنس. يعني ابني هو الأولى. معلش. وده غير كمان إن جميلة والواد إياد ابني قالوا: "ووواء وووواء" في نفس ذات اللحظة. يبقى مين أحق، بذمتك؟ جنة وزوجة جاسر: ههههههههههه هههههههههه. جنة:

لا مش ممكن. جماعة، انتوا بتتكلموا في إيه؟ وانت يا جاسر، ده أنا بقول عليك عاقل. يا حبيبي، سلامة عقلك يا أخي. جاسر: وهو اللي يقعد مع فهد ده يبقى فيه عقل؟ الله يكون في عونك يا نجلاء والله. جنة: وحياة أمك، هي أجن منه. هههههههه. فهد: طب بعد إذنك يا باشا، هات البت دي كده وعيشوا انتوا بقى حياتكم سوا. يأخذ جميلة منهم ويمشي، وجاسر وزوجته وجنة يضحكون عليه. ماشي فهد وهو يكلم جميلة: جايلنا من بلاد بره وعاوز ياخدك على الجاهز؟

هو فاكرها سايبة ولا سايبة؟ خدي يا بت يا نجلا، شيلي البت دي وخبيهالي. نجلاء: في إيه يا فهد؟ فهد: اللي اسمه جاسر ده. نجلاء: جاسر أخو جنة؟ فهد: أيوه يا أختي. جاسر أخو جنة قال إيه؟ عاوز يخطب جميلة لابنه الملزق ده. أمّال الواد إياد ده أعمل فيه إيه؟ نجلاء: ههههههههههه. يا لهوي عليك يا فهد. انت بتتكلم في إيه؟ دي العيال لسه في اللفة. ده انت تحفة والله. ……………………… بيسان يا بيسان. بيسان: أيوه يا أدهم. أدهم:

أنا عاوز أخلف أنا كمان. بيسان: عاوز تخلف؟ أدهم: عاوز أجيب ولاد أنا كمان، إشمعنى هادي وفهد؟ بيسان: مش اللي بيجيبوا ولاد دول المتجوزين؟ إحنا لسه متجوزناش يا حبيبي. أدهم: نتجوز يا قلب حبيبك. بصي، أنا لازم أتـجوز. مليش دعوة. بيسان: هههههههه. وأنا مالي؟ قول لبابا. يروح أدهم ليونس وهو واقف مع ناس: عمي يونس. يونس: نعم يا أدهم. أدهم: أنا عاوز أتـجوز، يعني عاوز أتـجوز. أنا مليش دعوة. يونس:

هههههههه. اعرفكم يا جماعة، أدهم خطيب بنتي. يا ابني بلاش فضايح، عيب كده. أنا واقف مع رجال أعمال كبار وأنت جاي تقول لي: "عاوز أتـجوز". الناس تقول علينا إيه دلوقتي؟ يقولوا يونس حيـجوز بنته لواحد عقله طاير منه. أدهم: طب جوزني بنتك وأنا حريحك مني خالص. يونس: هي مش السنة عدت خلاص؟ خلي باباك يكلمني وأنا حجوزهالك وربنا. على الله تحل من على كتافي عشان أنا تعبت منك وربنا. يروح أدهم لفاروق: بابا. فاروق:

عاوز إيه يا همي الكبير، يا خلفتي المنيلة؟ أدهم: عاوزك تحدد معاد فرحي. أنا مليش دعوة. يا اتـجوزوني، يا أما حعمل لكم مص. يبة. فاروق: حسبي الله ونعم الوكيل. انت عاوز مني إيه؟ أنا نفسي أعرف أنا عملت إيه في دنيتي عشان ربنا يبتليني بواحد زيك؟ صبرني يارب. شايفه عمايل ابن أخوكي يا جميلة؟ جميلة: هههههههه. جوزه يا أخويا وريح نفسك منه. فاروق: وانتي فاكرة ابن أخوكي ده عمره حيخليني أشوف الراحة؟

بكرة تشوفي لما يتـجوز، ربنا يستر على سمعتنا في البلد. أنا راحتي من ابن أخوكي ده لما أرتاح منه للأبد وأسيبهاله مخضرة. غالية: بعد الشر عنك يا حبيب قلبي ونور عينيه. فاروق: والله ما حد مصبرني على ابن ال. 🐕 ده غيرك انتي يا غالية. جميلة: طب أسيبكم أنا بقى وأقوم عشان تاخدوا راحتكم. فاروق: هههههههه. حبيبة قلبي يا جميلة. يتقدمان منهما ويسلمان عليهما هو وجنة. أهلاً بيكم، نورتونا والله. أشرف:

ألف مبروك يا هادي، ربنا يباركلك فيها ويحميها يارب. ألف حمد الله على سلامتك يا مدام جنة. هادي: الله يبارك فيك. عقبالكم إن شاء الله. تسلم جنة على ريم: عقبالك يا حبيبتي. ريم: يارب. هي فين النونة؟ عاوزين نشوفها. هادي: الله! هي فين جميلة صحيح؟ جنة: فهد أخدها ومشى بيها، معرفش راح فين. هادي: وفهد ماله ببنتي؟ هو مش مكفيه ابنه ولا إيه؟ حيجلطني وربنا. جنة: معرفش، اسأله. هادي: ثواني يا جماعة حجيب جميلة وأجيلكم حالا.

يروح يدور عليها، يلاقيها مع نادية، ياخدها منها ويوريهالهم. وريم تقدم لهم هدية جميلة وتشكرها جنة. همسة وعمرو يوصلوا. وهادي يروح ناحيتهم ويسلم عليهم ويبارك لهم: الله يبارك فيكم يارب. عقبال ما ربنا يكمل حملك على خير وأفرح بولادك يارب يا حبيبتي. همسة: ربنا يخليك يا أبية هادي يارب. تحضن جنة: ألف حمد الله على سلامتك يا جنة. جنة: الله يسلمك يا حبيبتي. خدي يا ستي شيلي جميلة، عقبال ما ربنا يكرمك يارب. همسة:

الله، دي جميلة أوي. شوف يا عمرو، جميلة أمورة إزاي. عمرو: يا خلااص على العسل. إيه البنوتة القمر دي؟ الله أكبر عليها بسم الله. ربنا يبعد عنها العيون يارب. جنة: عقبال ما تجيبي يا حبيبتي يارب. تقدم لها همسة هدية. جنة: الله، دي حلوة أوي يا همسة. عقبال ما نجيب لك يا حبيبتي يارب. وفهد ييجي يسلم عليهم هو ونجلاء ومعاهم إياد ابنهم وبهدوء ويشكرونهم. يدخل وهو ساند على العكازين ومرام ماسكاه من إيده. يجري عليه عمرو وفهد ويسندوه:

عدي، ألف حمد الله على سلامة نجلاء وإياد يا فهد. مبروك ما جا لك يا حبيبي. فهد: الله يبارك فيك يا عدي. عقبال ما نفرح بيكم يارب. هادي: عدي، تعبت نفسك والله يا حبيبي. عدي: مش حاجي لأعز منكم يا هادي. ألف حمد لله على سلامة جنة وجميلة يا أصحابي. هادي: الله يسلمك يا عدي. عاوزين نفرح بيكم بقى. عدي وهو وريم يبتسمون لبعض: إن شاء الله قريب أوي.

فرحة جمعت الكل، كل حبايبهم جم يشاركوهم فرحتهم بولادهم. صور كثيرة جمعتهم بأصدقائهم وقرايبهم. وفيديوهات. وأحلى لحظة لما أخوات هادي دقوا الهون وخلوا جنة ونجلاء يخطوا من على أولادهم وفضلوا يزغرطوا: الأولى بسم الله، والتانية بسم الله، والتالتة بسم الله، والرابعة بسم الله، والخامسة بسم الله، والسادسة بسم الله، والسابعة رقوة محمد بن عبد الله. لووولي لووولي. فاطمة بتدق الهون ورقيه بتهزهم في الغربال:

اسمعوا كلام أمكم واسمعوا كلام أبوكم. اسمعي كلام عمتك رقيه وعمتك فاطمه وعمتك خديجه. صلاح: واد يا إياد، اسمع كلام جدك ومتسمعش كلام أبوك يا واد. عارف: وأنا أسمع كلامي يا إياد ومتسمعش كلام أمك. إيه؟ إشمعنى مش عاوزة يسمع كلام أبوها يبقى ميسمعش كلام أمها هي كمان؟ ويسمع كلامنا إحنا بس. إلهام: يبقى عليه العوض ومنه العوض في الواد.

أغاني السبوع تملأ المكان بالفرح والبهجة والسعادة. ليلة تمر على الكل وهم سعداء والفرحة مالئة قلوبهم. تخرج من الحمام وهي بتنشف شعرها، تلاقيه بيلاعبها والفرحة مالئة قلبه: ياآآآه، إمتى حتقولي لي يا بابا؟ نفسي أوي أسمعها منك يا حبيبتي. جنة وهي تقعد جمبها وتبوس إيدها: إن شاء الله يا حبيبي. هادي: أنا متشكر أوي يا جنة، متشكر أوي إنك أديتيني الفرصة إني أكون أب لأجمل بنوتة في الدنيا. جنة:

أنا اللي لازم أشكرك يا حبيبي إنك وهبتني الحياة وأديتني الفرصة إني أعيش من جديد وأحس بطعم الحياة. وفوق كل ده، حققتلي حلم عمري إني أكون أم. ياما حلمت واتمنيت اليوم ده. كنت دايما بشوف صور أطفال وأتخيل كل طفل إنه ابني. أتخيل نفسي وأنا شايلاه وماشية بيه. بشوف نفسي وأنا بلعب معاه. والحمد لله، وجودك في حياتي حققلي حلمي. ربنا يخليك لينا يا حبيبي يارب. هادي: ربنا يخليكي ليا يا جنتي، يا أحلى جنة عشتها. انتي يا بت يا نجلا.

نجلاء: إيه؟ عاوز إيه؟ فهد: بقولك ما تروحي تسربي الواد ده عند فادية. نجلاء: ليه إن شاء الله؟ فهد: وحشاني يا بت. نجلاء: انت بتهزر صح؟ انت ناسي إني لسه والدة مبقاليش غير أسبوعين؟ فهد: وحشاني يا اللي مبتفهميش. هو أنا موحشتكيش ولا إيه يا نوجه؟ نجلاء: وحشتني طبعاً يا قلب نوجه. بس لو رحت أديتهم إياد، حيفهموا إننا بنسربه. فهد: ما يفهموا، الله! هو أنا شاقطك؟ يلا يا بت قومي. نجلاء: ربنا يستر وليلتك تعدي على خير. فهد:

حتعدي يا مزتي. الليلة ليلتك يا معلم. يالا، ادينا بنعمل اللي علينا عشان نبقى ما قصرنا. ……………………… تفيق من نومها على صوت هاتفها، تجد رقماً غريباً يتصل عليها. ألو، مين معايا؟ _لحقتي نسيتي صوتي يا ذكرى؟ ذكرى: شهاب. شهاب: أيوه شهاب. حتيجي لي دلوقتى حالا في العنوان ده، ويا ويلك لو اتأخرتي. وإياكي حد يعرف إنك جايا لي. انتي فاهمة؟ بعد مرور بعض الوقت، توصل ذكرى العنوان. يفتح لها الأمن ويسمحوا لها بالدخول. ذكرى: شهاب، انت هنا؟

والدنيا مقلوبة عليك. شهاب: بقولك إيه؟ انتي ركزي معايا. أنا مش جايبك عشان نتسير. انتي حتسمعي اللي حقولك عليه وبس. انتي فاهمة؟ عارف أحمد الباشا؟ طيع. ذكرى: أحمد باشا مين؟ شهاب: ذكرى، متستعبطيش عليا. أوعى تكوني فاكرة إني أهبل ولا مضروب على قفايا؟ ولا تكوني فاكراني صدقتك لما قولتي لي إنك معرفتيش توصلي للباشا؟

هههههه، تبقي هبلة يا ذكرى. كل زياراتك ليه كنت على علم بيها، وكل مرة رحتي فيها اتصورتوا مع بعض يا مزة. بس الصراحة، انتي قمتي معاه بأحلى واجب. كتر خيرك الصراحة هههههه. تستاهلي الفلوس اللي كان بيديهالك والهدايا اللي كان مظبطك بيها. ذكرى: انت بتقول إيه؟ شهاب: بقول إن اللي تحت إيدي فيديوهات بكل مرة كنتوا فيها مع بعض. ذكرى: استحالة أصدق اللي بتقوله ده. شهاب:

لا صدقي. كله بحسابه يا حلوة. أي حد مهما كان مخلص، بيبيع للي يدفع. وأنا دفعت وأخدت اللي أنا عاوزه. ذكرى: انت عاوز إيه يا شهاب؟ شهاب:

عاوزك زي الشاطرة كده تبلغي الباشا إنه يسفرني برة وفلوسي معايا، من غير ما حد ييجي ناحيتي. وبعد ما أوصل، حخلي الناس اللي تبعي تسلمه الفيديوهات، وإلا حيكون هو اللي جنى على نفسه، والفيديوهات حتبقى عالملأ. ويوريني بقى حيعمل إيه وحيتصرف إزاي وقتها قدام أهله ومراته وجواز بناته ورجال الأعمال هههههه ههههههههه. فجأة يسمع أصوات سيارات الشرطة تملأ المكان. شهاب: إيه ده؟ انتي حد جه وراكي؟ ذكرى:

أيوه يا شهاب. بعد ما كلمتني، أنا رحت للبوليس وقلت لهم، وهما دلوقتي جم. وابقى اقعد بقى معاهم وفرجهم عالفيديوهات براحتك. شهاب: لا، مش شهاب اللي يتضحك عليه. ده انتي نهايتك حتكون على إيدي النهارده. ذكرى: مش فارقة معايا. أنا خلاص مبقتش باقية على حاجة. بس انت مش حتقدر تعمل أي حاجة، لأنك خلاص انتهيت يا شهاب، انتهيت. شهاب: لأ، أنا مش حسمح لحد يضيع كل اللي عملته. أنا شهاب وحفضل شهاب مهما حصل، وححقق كل اللي أنا عاوزه.

يدخل البوليس ويمسك ذكرى من رقبتها ويوجه ناحيتها سكي…. إياك حد يقرب مني. لو حد قرب مني حخ.. *لص عليها. يحاول يرجع بظهره وهي تحت إيده عشان يه.. رب تاني. والبوليس واقف مش عاوز يقرب منه عشان ميؤذيهاشي. يطلب الظابط من العساكر محدش يقرب منهم. ذكرى بين إيديه وممكن تروح في ثانية. يخرج من المكان: إياك تعملي أي حركة. حضيعك انتي فاهمة؟ اتحركي قدامي.

تتحرك معاه ويروح ناحية عربيتها ويدخلها العربية ويغر. ز ال… في جنبها. تتألم بشدة. آآآآه، سـوقيييي. ذكرى: حاضر، حاضر. تطلع بالعربية. شهاب وهو بيبص وراه: بسـرررعة.

البوليس وراهم، وهو بيجبرها تجري في طرق كتيرة وبسرعة عشان ميلحقوهوش. وفجأة تظهر قدامها مقطورة كبيرة. تحاول تتفاداها. تنحرف العربية من غير ما تقدر تتحكم فيها. وفجأة تنك… سر الحواجز وتنزل العربية لأسفل. تتقلب قلابات كتيرة ورا بعضها. وفجأة صوت عالٍ يدوي في المكان. ينزل رجال الشرطة من العربة ويقفون يشاهدون المنظر ويصعقون من هول ما رأوه.