رواية اقدار الفصل الثامن والعشرون 28 - بقلم علياء ناصر

غرفة صقر أحمد: صقر صقر: أستاذ أحمد، أتفضل. أحمد: كل أب بيبقى عايز أحسن حاجة لبنته، وعشان كده أنا أخدت قرار، مفيش جواز. صقر: حضرتك بتقول إيه؟ أنا مقدرش أبعد عن سيلا، أنا لما بشوفها بتبتسم بس بحس إني عايش وبتنفس. أحمد: ممكن تسمعني ومتُقاطعنيش تاني. صقر: أي كلام حضرتك هتقوله مش هيغير حاجة. ليبتسم أحمد: تمام، مفيش جواز غير لما تقف على رجليك وبنتي تقولي إنها موافقة على الجواز. صقر: وقوفي على رجليا أسهل من موافقة بنتك.

أحمد: يبقى لسه معرفتش سكتها، كل بنت ولها طريقة تدخلها منها. سيلا فقدت الأمان، محتاجة اللي يحسسها بالأمان، خليك أمانها وسندها، تستخبى فيك من الدنيا. فهمتني؟ صقر: فهمت حضرتك، بجد مش عارف أشكرك إزاي. أحمد: تاخد بالك من بنتي، لأنه لو زعلتها هاخدها منك. صقر: مش هيحصل. يذهب أحمد لميرفا، ويذهب صقر لعهد. في غرفة عهد عهد: أدي البجامة واللكلوك وكمان الفشار. افتح قناة ميكي. يطرق الباب. عهد: ها مين؟

صقر: أنا صقر، فاضية شوية يا دكتورة؟ عهد: على حسب. وتفتح الباب فتحة صغيرة. خير يا صقر، في حاجة؟ صقر: كنت محتاج أتكلم معاكي لو فاضية. عهد: طب أديني ساعتين ونتكلم. صقر: ساعتين؟ عهد: أصل بصراحة كنت هتفرج على فيلم كرتون. ليضحك عليها صقر: خلاص نتكلم بعد الفيلم. عهد: لا خلاص، أنا نازلة معاك نتكلم تحت، أتفضل. صقر: إيه اللي لبساه ده؟ عهد: ماله؟ مش عاجبك؟ صقر: مقصدتش.

عهد: بحسب، لأن لسه مخليه سيلا تلبس كده وكنت هخليها تتفرج معايا. صقر: لا، سيلا متلبسش كده. عهد: ليه؟ وحش؟ صقر: لا حلو، بس سيلا محجبة. عهد: بعت لها آيس كاب. صقر: برضه مش هينفع، في رجالة كتير في الفيلا، ويوسف كمان جاي. عهد: ده الدكتور المسؤول عن حالة سيلا. صقر: أيوة. عهد: على فكرة، استجابة سيلا مع مدام ميرفا كويسة جداً، ادعوا لها. صقر: ربنا يشفيها. عهد: ها، كنت عايزني في إيه؟ صقر: أنا عايز اعرف حالتي إيه بالظبط.

عهد: عشان سيلا؟ صقر: أيوة. تأخذ عهد نفس عميق: تمام، اسمعني كويس، الحالة مش سهلة ومحتاجة صبر وثقة وإيمان بالله. ممكن يبقى قدامنا ٦ شهور ونمشي بعكاز. صقر: ست شهور؟ طب والعكاز هفضل بيه على طول؟ عهد: مقدرش أحدد دلوقتي، ساعتها نحكم. صقر: يبقى الفرح بعد ٦ شهور. عهد: ألف مبروك مقدماً. عند أحمد وميرفا أحمد يجلس بجوارها على السرير ويمسك يدها. أحمد: حياتي، عاملة إيه؟ ميرفا: هبقى كويسة لما بناتي يبقوا كويسين.

أحمد: إن شاء الله هيبقوا كويسين. شكل صقر بيحب سيلا، وحاسس إن فارس معجب بروتيلا بس مش متأكد. نظرتُه أول ما شافك كنت عايز أقتله، بس حسيته شاف فيكي روتيلا. أسندت رأسها على كتفه: الحب حلو كتير، بس هو حب توتا زي ما أنت حبيتني. أحمد: تتفوق بس الأول، ونتأكد إنه بيحبها. ميرفا: عيد ميلاد توتا بكرة، أحمد، أول سنة مش هنحتفل. أحمد: هنحتفل. في غرفة سيلا معها عهد والممرضة عهد: مزهقتيش من السكوت ده؟

أنا مقدرش أقعد ساكتة نص ساعة. طب نتفرج على فيلم كرتون؟ أقولك تعالي ناكل آيس كريم، أنا بحب أكله في الشتا. عارفة بابا كلمني وقال جاي بكرة عشان يشوفني، وكمان دكتور يوسف قال هيجي بكرة الصبح. بكرة يوم مميز كتير. لتُمسك سيلا هاتفها وتفتح التقويم، وتقوم من مكانها وتذهب لحجرة روتيلا، وخلفها عهد والممرضة. وتجلس سيلا بجوار روتيلا، تمسك يدها وتبكي. عهد: أهدي بس، أنا قلت إيه؟ زعلك. تنظر سيلا لها وتشير لها كي تخرج.

عهد: أنتِ عايزة تقعدي معاها لوحدك؟ تحرك رأسها بإيماءة. فتبتسم لها عهد: أوكيو. تركها وتغادر لغرفتها وهي تقول: كان يوم طويل، أنا تعبت خالص، بس أنام عشان بكرة يجي بسرعة وأشوف بابا. عدي: أنتِ بتكلمي نفسك؟ لتشهق وتقفز في مكانها بفزع: خضتني ليه كده؟ عدي: أنتِ حلوة أوي. عهد: عجبك لكلوكي؟ عدي يقترب منها: لا، عاجبني صاحبة اللكلوك. عهد تحرك رمشها: عدي، أنت بتقرب كده ليه؟ بابا قالي كده، عيب.

عدي وهو ما زال يقترب: وقال لك إيه كمان؟ عهد: قالي اللي يقرب مني، أصوّت أو أضربه. يُرجع عدي للخلف: وعلى إيه؟ الطيب أحسن. لتضحك عهد. عدي: هو في كده؟ روحي نامي. عهد: حاضر. وتتركه لتذهب لغرفتها، ويمسح عدي على شعره: كده كتير، أنا لازم أتجوّز. ويذهب لفارس. داخل غرفة روتيلا سيلا: حبيبتي، أختي وسندي، كفاية كده نوم، قومي بقى. بكرة عيد ميلادك، هنعمل حفلة. مش كان نفسك في عيلة كبيرة؟ أهو بقى عندنا عيلة كبيرة. لتقبل رأسها وتغادر.

في غرفة فارس عدي: أنا سلّمت حازم خلاص، ومحطوط عليه حراسة مشددة. فارس: تمام. عايزك تفضل متابع الموضوع ده لحد ما تيجي تبشرني بموته. عدي: ماشي يا فارس. صقر عامل إيه في جلساته؟ فارس: عهد بتقول الاستجابة كويسة، بس هياخد وقت ويحتاج صبر وأمل. وأعتقد سيلا سبب قوي، وكمان عهد مبتسيبش سيلا. عدي: عهد دي حاجة كده، متعرفش طفلة ولا كبيرة؟ فارس: ممكن تكون تصرفاتها تصرفات طفلة، بس بتشوف شغلها كويس.

عدي: هو أنت تعرف الدكتور محمد، بابا عهد، من زمان؟ فارس: كان يعرف بابا، الله يرحمه. بتسأل ليه؟ عدي: ولا حاجة. فارس: على راحتك، وقت ما تحب تتكلم معايا هتلاقيني. عدي: عارف يا صاحبي، تصبح على خير. ليُطرق الباب. فارس: ادخل. لتدخل سيلا، ويقف فارس: سيلا، أنتِ كويسة؟ أول مرة تيجي أوضتي، في إيه؟ تنظر سيلا لعدي. عدي: طب تصبحوا على خير. يجلسها فارس على الكرسي. فارس: مالك يا حبيبتي؟ أجيب لك ورقة وقلم تكتبيل؟ لتحرك رأسها بالنفي.

فارس: تمام، حلو، في تحسن ملحوظ. سيلا: ف... فا... فارس. فارس: أنتِ بتتكلمي؟ طب على مهلك. سيلا: روتيلا. يقف فارس مرة واحدة: مالها؟ ويتجه للباب. لتقف سيلا تمسكه وهي تبتسم، تهز رأسها نافية. سيلا: عيد ميلادها بكرة. ليتنفس فارس براحة، لتكمل: حفلة كبيرة. فارس: عايزة تحتفلي بعيد ميلادها بكرة؟ تحرك رأسها بالإيجاب. ليكمل: تمام، هكلم الدكتور وأشوف وضعها يسمح ولا لأ، ونعمل الحفلة.

سيلا: أنا هجهز الحفلة زي ما هي كانت نفسها، أعملها، بس محتاجة مساعدتك. فارس: قولي كل اللي عايزاه، ويكون جاهز. سيلا: شكراً يا فارس، أنا عارفة إنك بتحبها، هي هتصحى، أنا متأكدة. يبتسم لها فارس: إن شاء الله. سيلا: تصبح على خير. فارس: وأنتِ من أهل الخير. لينتهي اليوم، وفي داخل الجميع أمل أن تستيقظ روتيلا، ويبدأوا في إعداد حفل عيد ميلادها. في صباح اليوم التالي نجد الجميع يعمل بتجهيز الحفل.

سيلا: فارس، عايزة الفستان ده لروتيلا. ميرفا: هتلبسيها وتسرحيها؟ هي بتحب كل عيد ميلاد إنك تعملي كده. وكل أحمد وعدي التورته. أحمد: أونكل، متنساش. أحمد: فاكر، كريمة ودارك تشوكلات. عهد: وأنا هزين الأوضة. سيلا: كده تمام. فارس، عايزة أخرج أجيب هدية. فارس: روحي مع صقر. لتنظر لصقر: أوكي. صقر: أنا هروح أجهز، قول لهم يجهزوا العربية. ويذهب. عهد: صقر شكله زعلان.

فارس: سيلا طلبت حاجة من كل واحد ومطلبتش حاجة منه، يا ريت تاخدي بالك من تصرفاتك. صقر بقى حساس بزيادة. سيلا: مش تقلق. عن إذنكم، هروح أجهز. بعد أن تنتهي من ارتداء ملابسها، تذهب لغرفة صقر. سيلا: صقر، جهزت؟ صقر: أيوة، يلا. ويتركها ويغادر. سيلا: أها، رجلي. صقر: مالك؟ في إيه؟ رجلك مالها؟ سيلا: أنت مشيت بسرعة، كنت عايزة ألحقك. صقر: خلاص، متزعليش. بتوجعك أوي؟ سيلا: لا، خلاص، بس امشي بالراحة. صقر: حاضر.

لينزلوا لأسفل وهم يبتسمان. عهد: شكلهم اتصالحوا. ويغادروا إلى المول. سيلا: صقر، ساكت ليه؟ صقر: هقول إيه؟ سيلا: إيه رأيك تعزمني على قهوة فرنساوية؟ من زمان مشربتهاش. صقر: ماشي، اتفضلي. ليدخلوا إلى الكافيه، ويطلب صقر قهوة سادة له وقهوة فرنسي لسيلا. سيلا: ممكن أعرف زعلان ليه؟ صقر: بصي يا سيلا، أنا صريح ومش بعرف أخبي حاجة مضايقاني. أنتِ طلبتي من الكل حاجة، ومطلبتيش مني حاجة. كل ده عشان قاعد على كرسي.

سيلا: فعلاً، أنا قاصدة أطلب من الكل وأنت لأ. صقر: شفتي. سيلا: ممكن تهدى؟ وتبتسم له، ليسرح في ابتسامتها، وتكمل: أنا كنت عايزة إياك تيجي معايا وأنا بجيب الهدية. روتيلا كانت مبسوطة بخطوبتنا، وأنا عايز ناخد فرصة ونقرب من بعض، ده لو لسه عايز نكمل مع بعض. صقر: أكيد طبعاً عايز نكمل مع بعض. لتنير الابتسامة وجهها: سيلا: طب أنا مفطرتش، ممكن نفطر سوا؟ صقر: من عيوني. ليحضر النادل الطعام ويفطروا سوياً، ويتحدثون في أمور عامة.

في الفيلا فارس: أنا جبت الفستان يا مدام ميرفا. ميرفا: شكراً يا فارس. عهد: أنا خلصت تزيين البيت، والأوضة فوق كمان. فارس: تمام. فين سيلا وصقر؟ عهد: لسه مرجعوش. فارس: اتأخروا. عهد: ممكن مش لاقيين هدية كويسة. فارس: أنا هكلم صقر. ليمسك هاتفه ويجري اتصال بصقر. فارس: الو يا صقر، اتأخرتوا. صقر: كنا بنفكر هنروح نجيب الهدية، مش هنتأخر. فارس: ماشي يا صقر، المهم خد بالك منها. صقر: دي في عيوني. فارس: سلام. سيلا: ماله فارس؟

صقر: بيطمن علينا. جاهزة نروح نجيب الهدية؟ سيلا: يلا. بيناليذهبوا، ويختار كل منهم هدية مميزة لروتيلا. في الفيلا فتحت هنية الباب، ليجري الأطفال إلى الداخل. إيمي: أونكل فارس، فين سيلا وروتيلا؟ فارس: حبيبتي، واحشتيني. سيلا بره، وروتيلا نايمة. حمد الله على سلامتكم. أهلاً يا مدام ملك. يوسف: معلش سيبتكم في وقت صعب، بس إيمي وآدم كانوا تعبانين. فارس: ألف سلامة عليهم. المهم إنهم بقول أحسن. ملك: هو في إيه؟

فارس: عيد ميلاد روتيلا النهارده. يوسف: هي فاقت؟ فارس: لا، بس حالتها مستقرة. وسيلا كانت عايزة تعمل حفلة عشانها. سألت الدكتور وجهزنا كل حاجة. على فكرة، مدام ميرفا وأستاذ أحمد هن... لتضحك ملك بصوت عالٍ: هههههههه. يوسف: خلاص بقى يا ملك. فارس: في إيه؟ يوسف: أصل أستاذ أحمد بيغير على مدام ميرفا جداً، وفكر مرة إني بعاكسها. ملك: فقام معاه بالواجب. لتدخل سيلا وهي تحمل هديتها وهدية صقر. ليجري لها إيمي وآدم.

آدم وإيمي: سيلا، واحشتيني. سيلا تجلس في الأرض أمامهما: حبايبي، واحشتوني أوي. وتفتح حقيبتها وتخرج لهما الشوكولاتة: يلا روحوا جهزوا عشان عيد ميلاد روتيلا. يذهب الأطفال، وتوجهت بالحديث لملك ويوسف: حمد الله على سلامتكم. لتحتضنها ملك: الله يسلمك، حمد الله على سلامتك أنتِ. يوسف: وشك منور كده، منتيش محتاجاني خلاص. سيلا: مقدرش أستغنى عنك، أنت صديق جده، وقفت جنبي كتير كتير. يوسف: شكل في حد غاير.

صقر: أهلاً يا يوسف، بس يا ريت تخليك بعيد عن خطيبتي. يوسف: أنتِ موافقة على كلامه؟ سيلا: مش أوي، أنا لسه بفكر. صقر: بقى كده. ليضحك الجميع عليه. يوسف: متقلقش، ملك عندي بالدنيا، وسيلا وروتيلا أخوات. ليدخل أحمد وعدي. عدي: التورته والحاجة تمام. حمد الله على السلامة يا يوسف. أومال فين عهد؟ يوسف: الله يسلمك. فارس: باباها جه من شوية، أخدته وطلعوا أوضتها. عدي: تمام. أحمد: حمد الله على السلامة يا يوسف. أخبارك إيه يا ملك؟

ملك: الحمد لله يا أونكل. أحمد: فين ميرفا؟ يغمز له يوسف: واحشتك. أحمد: خليك في حالك، بدل ما آخد منك ملك. يوسف: خلاص، سكت أهو. فارس: مدام ميرفا بتجهز روتيلا فوق. سيلا: تمام. جهزوا، كلنا ساعة والحفلة تبدأ. ويبدأ الجميع في غناء: Happy birthday to you Happy birthday to you سنة حلوة يا توتا سنة حلوة يا جميل ليسمع الجميع صافرة الجهاز. الطبيب: الممرضة: افتحي النور بسرعة، يا ريت الكل برا.