رواية اقدار واسرار الفصل العاشر 10 - بقلم ولاء

ياسر: نووووور انتي عاااايشه؟ القاضي: اقعد يا استاذ مكانك. انتي مين؟ حور: انا حور. القاضي: ايه دليلك ع الكلام ده يا آنسه حور؟ حور: دي صور وفيديوهات، الدليل ال يقول إن مش ياسر ال عمل كل ده، وإن الدكتور محمد عرفه مدير شركة الأدويه هو السبب ف كل ده. سليم: مين انتي؟ بتقولي مين؟ (نرجع شويه لما حور كانت ماسكه الظرف) حور ترمي الورق من اديها وتقع على الأرض من ال شافته. حور: يالهووووي ايه ده!

كانت صور لـ نور اختها وهي بتتعذب بالصاعقه الكهربائية وهي ف الإصلاحية، وصور ليها مع مدير الشركة ف أوضاع صعبة، وفلاشه فيها عملية حصلت وهي صورتها. حور تاخذ الورق وتمشي. (قبل مدة من الوقت) نور: يعني ايه عاوزني اتجوز سليم؟ المدير: بقولك سوقي عليه الدلع والحب، ولازم تجري رجله لحد ما تتجوزيه، انتي سامعه؟ نور: بس انا مش عاوزه اتجوز.

محمد: ياحبيبتي، احنا لازم نكسب سليم ف صفنا، وهو ماسك أوي ع المبدأ بتاعه، هو مش زاي ياسر. ياسر بيحب الفلوس ووافق ع طول، إنما ده مش هيوافق. نور: طيب ما بلاش خالص سليم ده وشوف غيرة. محمد: ازاي؟ وهو ال بيطلع كل مرة البعثه برا؟ لا وهو ال بيمسك الجرد ومركز التصنيع، يعني هينفعنا جامد. نور: وهو علشان كده تجوزني؟ محمد: بقولك ايه يا نور، انتي ناسيه انا جبتك منين وانقذت حياتك من ايه، ولا نسيتي؟

نور: مش ناسيه، بس حاضر ال انت عاوزني اعمله هعمله. (الوقت الحاضر ف مكان آخر) حور: السلام عليكم. العم: وعليكم السلام يابنتي. حور: قولي ياعم الحج هي دي اصلاحية البنات؟ العم: ايوه يابنتي. حور: طيب هي مقفولة ولا ايه؟ اصل مش شايفه حاجه. العم: دي مقفولة من فترة علشان كان فيها اعمال غير شرعية والعياذ بالله. حور: يعني مافيش حد هنا؟ العم: والله مافيش غير الناس بتوع الأرشيف موجودين ف البناء ال ورانا. حور: شكرا ياعم الحج.

حور تدخل البناء وتفضل تنظر شمال ويمين ع ما تشوف حد. شخص: في حاجه يا انسه؟ بتدوري ع حاجه؟ حور: ايوه لو سمحت فين الارشيف؟ شخص: حضرتك عاوزه حاجه؟ حور: كنت عاوز اسال عن شخص كان موجود هنا. شخص: وانتي تعرفي الشخص ده منين؟ حور: اختي. شخص: طيب تعالي معايا. تطلع الاوضه وتفضل تدور ع ملف نور لحد ما تشوفه. اول ما تفتح الملف تخاف ع ال نور كانت فيه. حور: هو ال بيحصل ف نور ده مش اعتداء؟ شخص: لا طبعا، اقراء الملف كويس وانتي هتفهمي.

حور: حضرتك اسمك ايه؟ شخص: انا حازم. حور: طيب يا استاذ حازم ممكن اقعد أقرأ الملف هنا؟ حازم: طبعا اتفضلي. بس انا عاوز اقولك ع حاجه. حور: اتفضل. حازم: من فترة بسيطة في واحده جت سألت ع الملف ده، بس للاسف الارشيف كان مقفول ف الوقت ده، هي كانت لابسه نقاب بس عيونها كانت نفس عيونك ونفس صوتك. حور: امتي الكلام ده؟ حازم: من شهرين تقريباً، علشان كنت لسه مستلم شغل الأرشيف.

حور بدأ القلق يظهر ع ملامحها وقالت شكرا انا هستأذن وهاجي تاني، شكرا جدا. حازم: العفو. (ف الوقت الحاضر) المحامي: انسه حور انتي جبتي الكلام ده منين؟ حور: دي اوراق اختي نور كانت سيباها، كانت عاوزه تعمل حاجه صح ف حياتها. ودا دليل أن الدكتور محمد كان معاهم ف البعثه ال اختفي فيها سليم. القاضي: تأجل الجلسه للاطلاع ع الادله. (منزل حور) سليم يمسك ايد حور. سليم: انتي كنتي فين كل ده؟ حور تشد ايديها.

حور: انا تعبانه وعاوزه ارتاح. الدادة: انتي كنتي فين يابنتي؟ كلنا قلقنا عليكي. حور: معلش يا دادة انا مش قادره اتكلم دلوقتي، انا عاوزه انام. تدخل حور غرفتها وتقفل الباب وتقول: مش قادره اقولك يا سليم ايه ال بيحصل، مش قادره احط عيني ف عيونك ولا اتكلم. انا مش خايفه غير من ال جاي. (ف المساء) سليم: برضو مش هتقولي كنتي فين طول الفترة دي؟ حور: لو سمحت يا سليم مش عاوزه اتكلم ف اي حاجه. سليم: يعني ايه؟ وجبتي الورق وكل ده منين؟

حور: خلاص يا سليم بقا كفايه. ولسه بتتكلم جرس الباب يرن. حور: افتحي يادادة لو سمحتي. سليم يروح يفتح الباب. حازم: السلام عليكم. سليم: عليكم السلام، مين حضرتك؟ حور: دا استاذ حازم خطيبي يا سليم. سليم: كان مصدوم من كلام حور ومش عارف يقول ايه. (قبل اسبوع) ف مستشفى كبير. حور: السلام عليكم يادكتور. الدكتور: اهلا اتفضلي. حور: انا اسفه يادكتور أن جيت لحضرتك ف وقت زاي ده. الدكتور: ولا يهمك، انا تحت أمرك اتفضلي.

حور: انا جايه علشان اعرف حالة نور الله يرحمها. الدكتور: هي نور ماتت؟ حور: هو حضرتك متعرفش أن نور ماتت؟ الدكتور: لا ابدا، انا كنت فاكر أن هي شافت دكتور تاني. حور: هي نور كانت بتتعالج من ايه؟ الدكتور: نور اختك كان عندها مشاكل ف الرحم وكانت بتتعالج منها علشان العقم ال عندها. حور قامت وقفت من مكانها ومش قادرة تتنفس. حور: عقيمه؟ نور كانت عقيمه؟