رواية اقدار واسرار الفصل التاسع 9 - بقلم ولاء

الصدمة كانت على وجهها. غريبة، مش قادرة تقوم من مكانها. خدت الظرف وكل اللي فيه وركبت العربية ومشيت. سليم: هتكون راحت فين كل ده؟ دي من الصبح مافيش خبر عنها. الدادة: مش عارفة يابني، دي المفروض تيجي من بدري، دي قالت إنها مش هتتأخر. لسه بتتكلم، الباب يخبط. سليم يجري يفتح الباب. رامي: إيه ده؟ أنت تاني؟ مي: بس يارامي، حور فين يادادة؟ الدادة: مش عارفة يابنتي، من الصبح معرفش عنها حاجة. سليم: هو فيه إيه؟

رامي: والله معرفش، بس بسببك وبسبب المشاكل اللي من تحت راسك، حور مش بتيجي الشغل والمدير عاوزها حالا عشان هتترفض من الشغل. مي: يارامي، اسكت دلوقتي. سليم: يعني محدش فيكم يعرف حاجة عن حور؟ مي: إحنا اللي جايين نسأل عليها، الفون بتاعها مقفول. سليم يسيبهم واقفين ويخرج يدور عليها زي المجنون، بس لا حس ولا خبر. الفون يرن. سليم: الو. المحامي: أيوه يا سليم، حور بعتتلي إيميل بالأوراق والأدلة. سليم: طيب، وهي فين دلوقتي؟

المحامي: مش عارف، بعتت كل حاجة وبعدين الأكونت اتقفل، معرفش أي حاجة عنها. سليم: طيب، الورق ده كان معاها إزاي والصندوق مسروق؟ أكيد دي مش حور. المحامي: ولو حد تاني زي ما بتقول، إيه مصلحته يعمل كده؟ بس ياسليم. سليم: أنا مش قادر أفكر في أي حاجة دلوقتي، أنا كل اللي شاغل تفكيري حور، أنا قلقان. المحامي: من هنا لبكرة لو مظهرتش، أنا هعمل بلاغ، وإن شاء الله خير. (في مكان آخر)

ياسر: لا، ما أنا مش هموت لوحدي، أنا لو غرقت هغرقكم كلكم. : اهدأ بس، وكل حاجة وليها حل. ياسر: حل إيه؟ بقولك دول عارفين كل حاجة، دول عارفين إني كنت عاوز أقتله. يا بنت الكلب يانور، هي اللي عملت كل ده، أنا عارف لو كانت عايشة كنت موتها بإيدي. (منزل حور) الدادة: إيه يابني؟ بردو مافيش أي خبر عنها.

سليم: لا، مافيش وجود ليها خالص، أنا السبب في كل ده، لو كنت مت كان زمان كل حاجة ماشية عادي، أنا اللي ظهرت في حياتها وبهدلتها بالشكل ده. الدادة: بلاش يابني الكلام اللي يوجع القلب ده. البنات مش عارفين يأكلوا، عمالين يسألوا عليها. سليم: خلي بالك من البنات يادادة، أنا مش هتأخر عليكي. الدادة: هتروح فين أنت كمان يابني؟ سليم: هاجي على طول بإذن الله. (في الإسكندرية) الباب يخبط. ياسر: طيب استنى.

ياسر يفتح الباب وسليم يدخل ويمسك فيه جامد. ياسر: أنت بتعمل إيه يامجنونة؟ سليم: فين حور؟ عملت فيها إيه؟ ياسر: حور مين؟ وهعمل فيها إيه؟ يابني أنا معرفش حاجة. سليم: أنت لسه هتعمل غلبان وطيب عليا؟ خلاص اللعبة خلصت، خلاص وكل حاجة ظهرت. كنت عاوز تقتلني ليه؟ عملت فيك إيه عشان تعمل كده؟ ياسر: شيل إيدك من عليا، متلمسنيش، أنا معملتش حاجة، مراتك هي اللي عملت وخططت لكل ده.

سليم: أنا انخدعت فيك أكتر منها يا ياسر، أنت كنت صديق العمر، أنا مش عارف أنا كنت عايش إزاي، زي الحمار معاكم، مكنتش حاسس بكل اللي بيحصل معايا. بس لو عرفت إنك عملت حاجة في حور، مش هرحمك، أنت سامع؟ (بعد مرور أسبوع) المحامي: يلا يا أستاذ سليم، الجلسة هتبدأ. سليم: طيب، وحور يا أستاذ عبد العزيز؟ المحامي: إن شاء الله هتيجي، أنا عملت بلاغ، بس مافيش لا حس ولا خبر عنها. يلا يلا، اتأخرنا. (المحكمة) القاضي: ياسر عبد الوهاب موجود؟

ياسر: أيوه. القاضي: سليم الخمري موجود؟ سليم: أيوه يافندم. المحامي: أولاً وقبل كل شيء، دي الأوراق اللي تثبت صحة كلامي وكل حاجة واضحة فيها قدامك. القاضي: إيه كلامك يا أستاذ ياسر في التهم دي؟ ياسر: ده كدب وظلم، أنا معملتش حاجة من كل ده، ولا ليا دعوة بحاجة. المحامي: أنا معايا شاهد يافندم، يقدر يثبت إن ياسر هو اللي طلب الاعتداء الجسدي على موكلي والاعتداء على منزل الآنسة حور. ياسر: كدب، مافيش حاجة من دي حصلت.

القاضي: سكووت لو سمحت يا أستاذ. اتفضل، فين الشاهد؟ الباب يفتح وتدخل نسمة. ياسر: نسمة، يابت الكلب! القاضي: اتفضلي، اسمك إيه؟ نسمة: أنا نسمة صابر خضر. القاضي: احلفي اليمين يا أستاذة نسمة. نسمة: حاضر. المحامي: آنسة نسمة، حضرتك قولتي إن أستاذ ياسر كان بيستغلك وكان ماسك عليكي شيكات في الشغل، صح؟ نسمة: صح. المحامي: وقولتي كمان إنه كان بيخليكي تراقب الآنسة حور بعد موت أختها نور، صح؟ نسمة: صح.

المحامي: وكمان كنتي موجودة وصورتي اللي حصل يوم الاعتداء على الأستاذ سليم، حصل؟ نسمة: وهي مرعوبة: أيوه حصل. ياسر: يابت الكدابين، محصلش حاجة من دي، دي كدابة. القاضي: لو سمحت يا أستاذ ياسر، اقعد مكانك لو سمحت. المحامي: يافندم، دي كلها أعمال غير شرعية، ولازم القانون ياخد مجراه. ولسه بيتكلم، باب قاعة المحكمة يفتح. مش ياسر اللي عمل كل ده. ياسر: نووووور! أنتِ عايشة؟