رواية اقدار الفصل السابع عشر 17 - بقلم امي احمد

غمضت عيونها بقهر وهي تتخيل شكل عبدالله لما يسمع إنها تزوجت مجنون وش رد فعله !
هو تزوج مثقفه وحلوه وبنت حسب ونسب !
وهي تتزوج مجنون داير بالشوارع ما يدري عن هوى داره
وبكل غضب اجتمع بداخلها صرخت : مو على كيفك !!
أكيد عند هالمجنون كم ورثه تبغى تبلعهم !!!
خلف بهمس حاد : انكتمي !
وباستفزاز : ايه عنده أرض وأبغى استثمرها !
وضحك بصوت عالي وهو يرسم أحلام على ذي الارض ..وغيرها كثير!!!!!
وقفت ساره مو قادره تعبر عن القهر إلي بداخلها
تبغى تصرخ بأعلى صوتها وتنفس من قهرها !
كيف تطلع القهر والكبت من تسلط خلف والتحكم بحياتها على كيفه !
لمتى هالحال ؟!
حاولت تستجمع قوتها إلي تلاشت مجرد النظر بعيون خلف المرعبه !!
تحركت خطوات ظاهرها الثقه ومن داخلها قلبها يتراقص من الخوف !
رفع حاجب وهو يشوفها ناويه تطلع !
تركها حتى تجاوزته خطوتين
وسرعان ما إلتف وسحبها بقوه
من إثرها سقطت على الارض ..كتمت الآه بسبب الطيحه!
وسرعان ما تقدم ورفعها من كتفها لمستواه وبفحيح مثل الافعى ..وهو ينطق بتحذير: عيدي هالحركه وشوفي وش رح يصير !
نطقت بضعف.. والدموع على وشك النزول: هالزواج مستحيل يتم !
استقرت كفه على خدها وبغضب : مو على كيفك!!
أنا أحدد متى ينتهي هالزواج ؟!!
لا تخافين بعد ما تخلص مصلحتي منه .... أطلقك وأزوجك واحد عاقل !
وبسخريه : إذا بقى هالمجنون عايش من حظك النحس !
همست والغصه بحلقها وهي تشوف نفسها لعبه يحركها خلف على كيفه : اتركني !
خلف بتسليه دفها على الأرض : راجعلك بعدين
الحين عندي بعض المشاغل !
يا ويلك اذا عتبت رجلك باب البيت
خلك مطيعه أحسن ما أدفنك هنا بقلب بارد !
وما أحد رح يفقدك أو يدري عنك !!
شدت على أسنانها من القهر ما في كلمه توصف حقارة «خلف »
زمت شفتها تحاول توقف الدموع !!!
خانتها دموعها أول ما طلع خلف من الباب !
جثت على الارض وضربت قبضة يدها البلاط بقوه وبصوت كله قهر : ليه يصير معي كذا ؟!!!
ليه ؟!!
وش عملت بحياتها حتى تبتلي بخلف!!!
زفرت بضيق من هالحال !
رفعت رأسها لما حست حركه حولها....خافت يرجع خلف مو طايقه تشوف رقعة وجهه !
تفاجأت وزحفت للخلف وهي جالسه ما فيها حيل تتحرك ...
مسحت دموعها بظاهر كفها وعيونها  تناظره بصدمه...وكأنه الزمن توقف عندها !!
تقدم منها وبقلق  نطق: يعورك ؟!
طالعته للحظات وعقلها  عاجز يستوعب ....بعدها انفجرت من الضحك !!!
تحاول تكتم ضحكاتها مو قادره مجرد ما تناظره ترجع تدخل بنوبة من الضحك !
تحس بطنها رح يتفجر مو قادره تتحمل وجع بطنها من الضحك !
دفنت وجهها بالارض وهي مستمره بالضحك وجسمها يهتز!!!
وحالها مثل الطير الي يرقص وهو مذبوح...
بعد انتهاء موجة الضحك رفعت رأسها وهي تستعيذ من الشيطان !!
من زمان ما ضحكت كذا !!!
بغت تدعي على كل من سرق ضحكتها
تراجعت للحظه الأخيرة وسكتت !!
رجعت تناظر الكائن إلي يحدق بها بصمت
والحلاوه بفمه يمص فيها وكأنه بزر بالروضه !
مظهره خلاها تضحك غصب عنها !
رجال بلحيه وشارب وطول الباب وبيده حلاوه !
جلس امامها وكأنه بزر ومد لها بالحلاوه : خذي بس لا تبكي !
ليه كنت تبكين ؟؟؟!
تبغين حلاوه ؟!!!
طالعت ساره الحلاوه بيده وشكله المبهذل وتنهدت بهدوء !
اردف كلامه باستغراب من سكوتها : زعلانه مني ؟!
انا كنت ألعب بس سرقوا مني الكره !
أنا ما أحبهم !
انت تحبينهم ؟!!
طالعته ساره وقلبها بطيبته رق له ...مسكين رجال كبير وعقله مثل البزران !
عايشين بنعمه غافلين عنها !
نتحلطم على أمور فقدناها وما شكرنا ربنا على النعم الموجوده !
نعمة العقل !!
عمرها ما فكرت تحمد ربها وتشكره على هذي النعمه !!
طالعته وهي تشكر ربها على نعمة العقل !
نطق وهو يناظرها: أنا ركضت بعيد عنهم ....لا لا انا قلت لهم ما أبغى أروح ...لا قصدي أنا كنت نايم هنا !
انا أصلا ما أعرفهم... .ما ابغى ألعب معهم يضربوني !
انت تبغين تلعبين معهم ؟؟؟!
تنهدت وهي تسمعه يتكلم يجيب من الشرق ويحط بالغرب وبمجامله له : لا ما أبغى العب معهم !
وين أمك وأبوك ؟!!
تحمس وهو يحط الحلاوه بفمه : امي كانت هناك تلعب بالكره أنا قلت لها
تكون حارس !
وزعلت تقول تبغى تكون كابتن ماجد !
سكت للحظات وناظرها : وش يعني أمك !!
تربعت ساره وحطت يدها تحت خدها وبسخريه : يا حظي يوم زوجني خلف لك !
للحين بقلبها نار مو قادره تطفيها !
تتمنى
قاطع أفكارها وهو يمسك يدها وبإلحاح : ابغى كره كبيره
كبيره كبيره كبيره كبيره كبيره
تنرفزت منه .. وكأنها ينقصها جنانه...وبصرخه: وبعدين !!!
خلاص انكتم !!!
من وين أجيب فلوس !
زم شفته يبغى يبكي طالعت حولها مو
قادره تستوعب رجال وهذي حركاته !!!
ضربت على جبهتها : مجنون وش ترتجي منه ؟!!!!!
ما تقول إلا حسبي الله عليك يا خلف!!!
***
***
***
***
شروق من أول ما سمعت إنه صديق أبو راكان يبغى يرجع ساره وهي مولعه ومو ساكته !
صرخ عبدالله بغضب من قرقرتها : وبعدين ؟!
قلت لك الزفته تزوجت وليه تلحين فوق رأسي ؟!
شروق بعدم استيعاب : خذها على بلاطه وقسم بالله لو ترجعها لذمتك ما اجلس في بيتك دقيقه وخلي أخت خلف تنفعك !!!!
عبدالله قفلت معه : وقسم بالله إذا ما قفلت هالسالفه إلا الحين اروح أطلقها من زوجها وارجعها لذمتي !
شروق بردح : قول هذا إلي تبغاه إنك
قاطعها بصرخه قهر طالعه  من أعماقه: انكتمي !
كلمه زايده الحين واعتبري نفسك طالق !
شهقت وهي تحط يدها على فمها
ناظرته بقهر بدون أي كلمه وتوجهت لغرفتها وهي تغلي من فكرة رجوع ساره
بعد ما وصلت لها الاخبار سكوته لما جاء صديق ابو راكان يرجع ساره !!!
عبدالله زفر بضيق بعد ما طلعت للغرفه ..مسح على وجهه وكأنها صخره فوق صدره ..ما هو قادر يستوعب إنها تزوجت وصارت لغيره ...ما توقع بيوم ينفصل عنها ..شد على قبضة يده بقهر وندم على استعجاله ...ما ينكر قلبه للحين ينبض لها...وما قدر ينساها ..وبنفس الوقت لما يتذكر أفعالها يكرهها ويحقد عليها ...يعيش بتناقض كبير ما هو قادر يستقر على حال !!
***
***
***
ام عمار بشماته بعد ما وصلت لها الأخبار،: من هالحال وأردى !
مجنون وكثير عليها !!!
اسيل تضايقت على ساره للحين تحبها وما جاز لها إلي صار لها : ومن وين جاء خلف بهذا المجنون !
ام ماجد بابتسامه : أبوي يقول إنها عمتي ام محمد خبرته إنها ما تعرف إلا إنه مجنون وداير بالشوارع وتتوقع انه نفسه المجنون إلي بالقريه ولد ام مصلح كانت تشوفه هناك..هي ما شافته بس تتوقع يكون نفسه!!
ام راكان تضايقت بالرغم من الاحداث الأخيره تحاول تقنع نفسها إنه ساره سيئة مثل إخوانها
بس داخلها يرفض هالفكره
لما يمر طيف ساره تحسها طيوبه وبريئه وما عندها خباثه
تحس بالغصه وهي تتخيل شكلها مع هالمجنون
وغصب عنها طلعت شهقه منها ما قدرت تكتمها ودموعها أخذت مجراها...حتى لو غلطت عقابها كان كبير وثقيل على طفله بعمرها!!
ام ماجد باستغراب : تبكين يا عمتي!
ام راكان وهي تمسح دموعها : كاسره خاطري هاليتيمه !
دمروها إخوانها وضيعوا مستقبلها !
حسبي الله عليهم !!!
أسيل مطت شفتها : قولي هالكلام لعمي الي طلقها ورماها
ام عمار قاطعتها بكره : بعد سواد وجهها تبغين يخليها على ذمته ؟!
ام راكان بصوت باكي : والله ما أدري كاسره خاطري !
يمكن أحس كانت متعلقه بعمها كثيره
لو تشوفين فرحتها لما تجلس معه !
اكيد الحين متلهفه تشوف عمها!
حاولت أحنن قلب ابو راكان عليها وينسى الماضي
بس قام يصارخ علي ويتوعد لو يشوفها إلا يكسرها تكسير !
ما أتوقع انها نسيت عبدالله بهذي السهوله
تراها كانت متعلقه فيه حيل !
والحين بعد طلاقها تتزوج هالمجنون !!
والله صعبه عليها !
وانفجرت باكيه على حال ساره !
ام ماجد مطت شفتها : أشوف اليوم العالمي للحنان !
الحين تذكرت ساره وحالها ؟!!!
ابتسمت ام عمار بدون نفس : اشوف الحنان نازل على أمي !
ما تشوفي للحين أعاني من ضرب الهمجي !
بسببها وانت الحين كاسره خاطرك !!!
جعلها لهذا الحال واردى !!!
عمار متحلف لها ولأخوها خلف!!!
ام راكان هزت راسها بقله حيله : الله يصلح الوضع !
القطاعه مو زينه تراه أبوه وما يجوز هالكلام !
حتى علاقتي بأختي انقطعت و ما تكلمني وما تدخل علي !
ام ماجد مطت شفتها : من زينها عمتي أم محمد !
بدل ما توقف مع الحق
ام راكان قاطعتها : انت من عقلك تبغين اختي توقف بوجه خلف !
حسبي الله عليه كل البلاء من تحت رأسه!!!
وبعدين يمكن هالخلف جبرها أو هددها
قاطعها وهو يدخل بعد ما سمع كلامها وبحزم وهو يجلس : لا تبررين لها يمه !
خلاص انتهينا من بيت عمي !
والقطيعه احسن من هالوصل إلي ما يجيب إلا وجع الرأس !
وخالتي اخرها ترجع وتكلمك مثل قبل وأحسن !!
وفري دموعك على شيء له قيمه !
خزته وهي تحس انه يسخر منها وبحده : انت بالذات لا تتكلم !
يا خوفي تكون ظلمت ساره وحوبتها ما تترك..
تنهد عبدالله وصدره ضايق : الله يهديك يمه !
أي حوبه ؟!
وبعدين طلاقنا على البر كان أفضل !
بعد الطلاق اكتشفت انها ما تناسبني وإني ارتكبت اكبر خطأ لما ربطت اسمها مع اسمي !
والحين عسى هالمجنون يطلع كل جنونه فيها ويعلمها ان الله حق !!!
أسيل عفست ملامحها بضيق،: يا قساوة قلبك !
كنت مطيرها فوق وعلى غلطه صغيره والله أعلم إذا ارتكبتها او لا
مسحت فيها الارض ورميتها بقلب بارد!
صدق الرجال ما لهم أمان !!!!!
وأعطته نظره حاده ولفت وجهها !
رد بضحكه قصيره على ملامحها المنفعله: انتبهي لا يطق لك عرق !
ام راكان بضيق ناظرته: الله يرضى عليك يا عبدالله خلاص قفل على الموضوع !!
*•
***
**
***
***
***
***
***
***
تمــــــــر ايام ماتسأل بحســــن الظن أقول أقــــدار
واخـــــــبي الشوق في قلــــبي وطيفك داعب الانظار
تجيني من بعـــــــد غيـــبه وتســـألني عن الاخــــبار
اقول بخير رغـــــــم اني همــومي في حشــاي كثار
واضحك واحبس الدمعه واسولف لك عن الي صار
ابيك تحـــــس بوجـــودي
(تحن - تخاف - تحب - وتغار

****
بعد مرور سنوات على الأحداث الي مرت عليهم ....
دخل بيت أهله ومحكم قبضة يدها على الصغيره: اقول اركدي وبدون حركات زياده !
ام راكان والسبحه بيدها وتناظره : علامك عليها بشويش !
عبدالله بنرفزه : أعوذ بالله تبغى البقاله !
عفست ملامحها بطفوله: أبغى مثلجات !
سحبتها أم راكان من عبدالله بهدوء : لا يا حبيبتي الجو البارد بلاه تمرضين الحين !
برطمت بطفوله : بث انا
عبدالله وهو يجلس على الكنبه بتعب: قلت ولا كلمه !
طالعت أبوها وهي ماده البوز وسكتت !
أم راكان ناظرته بانتقاد : وبعدين معك ؟!!
خفف شوي على عيالك
قاطعها بابتسامة : يا يمه العيال لازم تكون حازم معهم
مو كل شيء يبغونه يحصلونه !
ام راكان حاست بوزها : ما ادري كيف تفكر ؟!!!
غريبه شروق ما نزلت للحين ؟!
عبدالله وهو يؤشر لندى تجلس مكانها : عندها شغل تعرفي الدورات والمحاضرات بالجامعه إلي تقدمها تحتاج لمجهود وحموده البارحه جننها وما نامت الليل منه !!
ام راكان هزت رأسها : الله يوفقها !
وانت متى طالع على دوامك ؟!
حك شعره بانزعاج من الدوام : اليوم شفتي مسائي زميلي عنده ظرف وبدلنا
نزل أبو راكان بهدوء وتوجه لهم للصاله
رد السلام وتوجه لندى وهو يعبث بشعرها القصير : كيفك يا دبه !
ندى تخصرت : حموده دب أنا حلوه !
ضحك أبو ركان على رد فعلها بعد ما جلس : أعوذ بالله هالبنت تطلع ملسونه !
ابتسم عبدالله : لا تخاف أنا أقصه لها !!
وأعطى ندى نظره حاده : اعتذري من جدك !!
طالعت ابوها بعد نظرته وبسرعه توجهت لجدها وهي تقبل يده ورأسه : اثفه «اسفه»
قبلها أبو راكان على خدها وهو مبسوط عليها : ربي يحفظك
ام راكان بتذكر : اووو نسيت عزام اليوم يبغى يتغدى عندنا !!
عبدالله ابتسم : قصدك عازم نفسه !
ام راكان تشعر بالسعاده وهي تشوف عيالها وأحفادها حولها !
ما بقى إلا أختها أم محمد للحين ما تكلمها ..تتمنى مع الأيام تنصلح الأوضاع.. نطقت بهدوء: عزام يقول في موضوع يبغى يكلمني فيه !
عبدالله بتذكر : يمكن موضوع خالتي ام محمد !
خالي ابو الوليد مصمم يصلح بينكم الوضع !
بس إلي فهمته خالتي رافضه تصلحك !
أم راكان حركت رأسها بفقدان أمل من أختها : سنين مرت وهي معنده وحاقده علي !
ابو راكان بحزم : ومين قال إني موافق على هذا الصلح ؟!
طالعته وبهتت ملامحها للحين معند !
اردف كلامه بحزم : خلاص ما نبغى هالعلاقه تراني تبريت منهم كلهم !!
ام راكان بضيق : تراها أختي !
وإذا انت تبريت من عيال أخوك هذا شيء راجع لك !!
أنا ما أقبل بقطيعه الأرحام وأختي وأبغى أصلح الوضع بيني وبينها !
وبعدين عيال أخوك ما أحد يعرف عنهم شيء
وكأنهم ملح وذاب !
ابو راكان بسخريه : تبغين تقنعيني أختك الخبيثه ما تعرف مكانهم !!
ام راكان هزت رأسها بتأكيد: تراها صار لها سنين عايشه عند أخوي أبو الوليد برا وما رجعت لهنا إلا قبل كم
قاطعها أبو راكان بملل : وصدقتي هالخرابيط !!!
أعوذ بالله من شرها !
من الحين أقولك ما أبغاها تدخل بيتي
قاطعته وهي تناظر عبدالله بقهر : تكلم ما تسمع أبوك وش يقول ؟!!!
تكلم بهدوء : وأبوي صادق !
تبغين تشوفينها بيت خالي ابو الوليد مفتوح
قاطعته بقهر : طلبناك عون مو فرعون !
ابو راكان مط شفته بسخريه : عاد من زين أختك مقطعه حالك عليها !
وقفت أم راكان بزعل : أقوم من هنا أحسن لي !!
**•
***
***
***
***
بالمستشفى
تكلم بصوت متردد : لو سمحتي دكتوره !
وقفت بكل غرورها وطالعته : نعم !
ساره واقفه قريب منهم وتطالعها بكره وبهمس نطقت : نعامه ترفسك ما أدري على وش شايفه نفسها !
مطت شفتها وهي تهمس بسخريه «دكتوره »
أنا متأكده إنها ما تفهم شيء بالطب وأخذت الشهاده بالواسطه !
لوت بوزها بقرف وهي تدق على صدرها بتمثيل وهي تشوفها تبتسم للرجال وبهمس : يا شين السرج على البقر !
اصلا
وسرعان ما صرخت لما حست باليد على كتفها !
كل بالممر ناظروا باستغراب من الصرخه !
التفتت خلفها وبغضب هامس:جعلك بالجني إلي يركبك يا حيوانه
قاطعها ابغض صوت بحياتها : لمتى تحترمون انكم بمستشفى ؟!
وش هالحركات الغبيه ؟!
تخصرت ساره بيد ورفعت يدها الثانيه تردح فيها .نفسها تمسح فيها الأرض ..وتكسر خشومها الي رافعيتهم على قلة سنع: إذا في أحد غبي هنا فهو حضرتك !
الدكتوره بغضب : لا تخليني أحطك برأسي وأفنشك من هنا !!
ردت ساره بسخريه : ارجوك لا تحطيني برأسك !
وبقرف تابعت ساره كلامها : استغفر الله نفسيات آخر زمن !
سحبتها سعديه من يدها : فكينا من المشاكل !
طالعتهم الدكتوره وغادرت المكان وهي تشتم فيها !
أبعدت سعديه عنها بغضب : اتركيني
تسحبين فيني وكأني خروف عندك !
سعديه وهي تتخصر : لا والله إلا قولي ناقه !
رفعت ساره يدها : جعل الناقه
قاطعتها سعديه : خلاص توبه بس لا تدعين !
المهم وش فيك على هالدكتوره؟!
عفست ساره ملامحها بقرف : كأنك ما تعرفينها !!
افففف ما أدري من لما أشوفها يصيبني غثيان
قاطعتها سعديه بسخريه وهي تتكتف: ليه الأخت حامل ومتوحمه فيها ؟!!
ساره بقرف : الوحام أخف من شوفتها إلي تجيب الغثيان وهي تتدلع !!!
سعديه ضربتها على كتفها بخفه : هذي الانوثه يا غبيه !
مو مثل أشكالنا الأناقة بجهة وحنا بجهة !
ضحكت ساره من قلبها عليها : اي أناقه وانت تتجولي المستشفى بهذي؟!!
واشرت على اداة التنظيف إلي معها !
تخيلي شكلك تمسحين الممرات ولابسه اخر صيحات الموضه ؟!
وضحكت بصوت عالي وهي تضرب كفها بكف سعديه إلي ضحكت بصوت مرتفع!
قاطع ضحكهم صوت قوي : ما في حياء ولا احترام للمستشفى ؟!!!
قطعت سعديه ضحكتها وهي تشوف المدير بنفسه قدامهم
ومن خلفه نائب المدير والدكتوره تلعب بحواجبها تغيضهم !!
تكلم المدير بغضب : جالسات للضحك وتاركات شغلكم ؟!
رجاء هالتصرف ما يتكرر حتى ما أتخذ اجراءات صارمه !!
اعتبروه انذار لكم !
أعطاهم نظره ناريه وغادر وخلفه الدكتوره تبتسم بنصر !!
كشت ساره عليهم : يقال إنها تمون على المدير !!
مالت عليك انت وهالمدير المتخلف
وصارت تقلده بسخريه «اعتبروه انذار لكم ! »
سعديه حطت يدها على فمها : اسكتي لا أحد يسمعك !
عز الله انفصلنا !!
ساره بلامبالاه : قطيعه تقطعه !
وعضت شفتها بقهر وهي تتذكر هالدكتوره : اخخخخ لو امسكها يا كرهي لها !!!
مو قادرة أبلعها!!
سعديه متعمده ترفع ضغطها : ترى هالدكتوره... تشبهك
أعطتها ساره نظرات ناريه : شبهيني بالقرد ولا تشبهيني فيها !!
سعديه بضحكه : اخاف اشبهك بالقرد ويزعل !!
ورجعت ضحكاتها يتردد صداها بالممر !
اما ساره فتحت عيونها باستنكار: تدرين انك
قاطعهم صوت من خلفهم غاضب : تدرين انت وهي ما تستحون على وجهكم !
نقزت ساره وبسرعه تناولت أداه التنظيف
وبنفس الوقت حاولت سعديه تسحبها منها بقوه
وكل وحده تقول هذي لي !
قاطعهم بعصبيه:،بس،!
ساره بابتسامة ناظرته : مثل ما تشوف عينك يا سعادة المدير !
ترانا نتشاجر مين تنظف ؟!
من حماسنا للتنظيف !
وطالعت سعديه وهي تسحب منها بقوه؛ هذي لي !
ارتخت يد سعديه بالوقت الي ساره سحبتها بقوه
بطريقه فلتت من يدها و اصطدمت بوجه المدير !!!
التفتت للخلف وكتمت ضحكتها وهي تشوف المدير بهذا المنظر !
تقدمت سعديه تصلح الوضع : اسفين يا سعاده المدير وقسم بالله بالغلط !!،
تكلم وجهه احمر من الغضب : انقلعوا على شغلكم
وغادر المكان بسرعه !!
ما قدرت ساره تكتم الضحكه وهي تتخيل شكله
طالعت سعديه وتكلمت وهي تضحك : ههه ششش ههه شف
وما قدرت تكمل جلست على الارض !
سعديه تضحك وعيونها على الممر تخاف يطلع لهم مره ثانيه !!!
***
***
***
**
دخلت المصلى تصلي العشاء كل ما تتذكر شكل المدير ما تمسك نفسها من الضحك !
بعد ما كملت صلاه ناظرتها سعديه : يا خوفي يطردونا والسبب انت ؟!
ابتسمت ساره : أنا وش دخلني ؟!!!
بعدين هو وش دخله نضحك نبكي ؟!
حنا واقفين بمكان ما فيه أحد
سعديه وهي تحرك يدها : أقول اسكتي !
انت بالذات لازم تقفلين حلقك وتسكتين حتى ما يطردونك
لأنك عارفه الوضع !
ساره تنهدت وسرحت لثواني وبعدها نطقت : ربك إلي يرزق!
سعديه بطفش : اففف يا قرف الشغل !!
وناظرت ساعتها : يا ليت يمر الوقت بسرعه
أبغى أرجع للبيت وأنام براحه !!!
**
**
***
دخل مكتبه بغضب وقفل الباب بغضب : ناس حثاله !
ترك الملف إلي بيده وناظره باستغراب: وش صاير ؟!!
جلس المدير على مكتبه بغضب : حشى أنا موظف بزران هنا !!
ابتسم نائب المدير : وش فيهم المخبولات ؟!!
المدير كلما يتذكر الموقف يثور ويحمد ربه انه ما في أحد كان بهذا الممر وإلا كانت علوم!!!
أخبره بالسالفه وبقهر: كنت ناوي افصلهم
بس الدكتوره مها توسطت لهم تقول وضعهم المادي متدني
ورأفة بأهلهم إلي اكيد ينتظرون هالراتب كان فصلتهم !
ناس ترفع الضغط !
**
**
**
**

واقفه تعدل نقابها والنظاره الطبيه بهدوء...وتواجدها بالمستشفى يضيق خلقها ...
وقفت د.مها عندها بغرور : احمدي ربك إني اليوم تواسطت لك ترى كان المدير ناوي يفصلك انت والمهرجه الثانيه
طالعتها ساره بحده : الله لا يكثر خيرك !!!
وبأسلوب تغيضها  تابعت كلامها وهي تتدلع: عادي لو فصلنا مديرك الف مستشفى يستقبلنا !
وندخل بجهدنا وتعبنا مو مثلك بالواسطه !
حمر وجه الدكتوره وبأمر : تعالي نظفي مكتبي
قاطعتها ساره بدلع: اووو سوري انتهى دوامي للأسف!
وبحده : تقدري تنظفي قذارتك بنفسك !
رمقتها بقرف وتركتها تغلي من القهر !
توجهت للصيدليه تصرف الدواء لأم سعديه
أعطته الوصفه وناظرت الممر تراقب سعديه !
ابتسمت لما شافت سعديه متوجه لها وهي تمشي بخطوات تحاول تكون فيها انيقه !
قاطع عليها الصيدلاني: تفضلي أختي !!
سحبت الدواء بدون ما تناظر وغادرت !!
طالع زميله إلي يتكلم  بملل : أحس دوام الصباحي أحلى من المسائي،!!
_ انت يا عبدالله ما يعجبك العجب ولا صيام رجب !
عبدالله وهو يتثاوب: نعسان!
وحط رأسه على المكتب وترك النوم يأخذه لعالم الأحلام !!
***
***
***
سعديه بغضب وهي تشوفها متقدمه عليها بخطوات سريعه عجلت خطواتها وسحبتها من الخلف : بلا بوجهك يا زفته !
امشي شوي شوي !
ساره وقلبها طاير ترجع للبيت : وبعدين معك يالقزمه !
ما أحد قال لك تلبسين هالكعب !
سعديه بغيره : ايه حضرتك مو بحاجة هالكعب !
ساره طنشتها : تشوفين حضرتك الوقت متأخر ما في مجال لأناقتك
وهالكعب وكأنه مسمار !
وتركتها ووقفت عند الشارع توقف سياره أجره !!!
**
**
**
**
جالسين بمجلس عربي
تكلمت ام محمد بحزم : قلت لك يا أخوي ما أبغاها ولا أبغى أشوف واحد من عيالها !
ابو الوليد بهدوء،: بس هذي أختك وربنا أمر بصلة الرحم !
ام محمد بغضب : لا يمكن أكلمها ليوم الدين !
بسببها تفرقت عن عيالي وسنوات ما شفتهم !
قلبي محروق على خلف إلي اختفى من سنوات وما أحد يدري عنه ميت وإلا عايش ؟!
ونادر ما أدري وش صار عليه ...
ابو الوليد بنفسه ان شاء الله يكون خلف ميت ويرتاح العالم من شره وبمجامله لأخته : إن شاء الله ربنا يطمئنك على عيالك !
وبعدين أم راكان وش دخلها باختفاء خلف ؟!!!
ام محمد بإصرار : مستحيل لساني يناطق لسانها !
انا تبعيني علشان عيالها وتطردني من بيتها !!!
للحين أتذكر لما طردتني من بيتها وكأني متسوله !!
خلاص انتهينا !
ام الوليد تدخلت بهدوء،: بس كذا طال زعلكم ؟!!
ام محمد تنهي الموضوع : اقولك مستحيل وقفلي على الموضوع !
وناظرت أخوها : باكر ابغى أروح لنادر في بيته !
أخاف يكون غير مكانه !!
وين ألقاه الحين هالخبل ؟!
ابو الوليد بعفويه : دوري عليه بالخرابات اكيد رح تلقينه!
ام محمد خزته بزعل : ما أدري ليه تفضل عيال ام راكان على عيالي !
ابو وليد ابتسم : فكينا من هالسالفه أحسن ما تنتهي بزعل !!!
**
**
**
دخلت البيت بهدوء وابتسمت لأم سعديه لما شافتها جالسه بالصاله..
وقفت أم سعديه بنعاس وأشرت لها الكل نايم !
أشرت لها ساره بالشكر وقفلت الباب بعد ما طلعت أم سعديه من شقتها!!
خلعت العبايه وكروتين يومي لازم تتفقد العيال !
دخلت الغرفه بشويش على رؤوس أصابعها..
تفقدتهم وهي تغطيهم بإحكام وبهمس : ربي يحفظكم !
طلعت من الغرفه بهدوء وتوجهت للمطبخ تعمل شيء تأكله الجوع ذبحها !
وشغل المستشفى أهلكها ..متى تزين الحياة لها!!
**
**
**
**
عائشه
ربطت شعرها كله ذيل حصان بضجر !
عندها باكر امتحان وللحين تحس نفسها مو متمكنه من المادة !!
جلست على السرير وبحضنها الكتاب ما لها نفس تدرس
هذي السنة الثالثه لها بالطب !
اكثر شيء مريحها غياب ماجد !
مر على سفره 5 سنوات
بعد ما سافر بسنه رجع زياره واستغربت لما زارها بس كانت زياره خفيفه 15 دقيقة
بعدها خبرتها أمها إنه أبوها طلب من اهله ما يزورها حتى ما تنشغل عن الدراسه !!
تستغرب بعض تصرفات ابوها !!
زميلاتها بالدراسة يستغربون لما يعرفون انها مخطوبه 5 سنوات وخاصه إنه ما في قرابه بينهم !!
خلال هالفتره كانت تزور اهله حسب أوامر أبوها !
ما تدري متى يرجع ؟!!
بس إلي تعرفه انه قريب رح يرجع !!
تسارعت دقات قلبها لما تتخيل رد فعل ابوها لما يطلقها ماجد بعد هالسنين،!!!
تحس هذا أفضل حل لها وله ..ينفصلون على بر.....
**
**
**
**
في اليوم الثاني دخلت ام عمار بيت اهلها
توجهت للصاله وهي تشوف أمها وأبوها جالسين كالعاده بنفس المكان !
سلمت عليهم وجلست مقابل لهم !
ابو راكان بهدوء سألها: زوجك سافر ؟!
هزت رأسها وهي ترتشف من القهوه إلي صبتها لنفسها : ايه مسافر كم يوم وراجع !!
ام راكان بهدوء : الله يحفظه !
اعتدلت ام عمار بجلستها وهي رافعه حاجب : سمعت انك ناويه تصالحين أختك ؟!
ام راكان مطت شفتها وهي عارفه رأي ام عمار بهذا الموضوع : ايه
ورجاء لا تتدخلين !
ام عمار بقهر : يمه انت من عقلك !
ام راكان بضيق من تدخلها : ايه من عقلي !
وبعدين لا تكلميني وكأني مجنونه وما أعرف مصلحتي !
ام عمار خففت حدة صوتها: يمه الله يسامحك بهذي السهوله نسيت
قاطعتها بغضب : اي سهوله ؟!
ترى السالفه مر عليها يمكن اكثر من 5سنوات !!!
وبعدين أبوك وافق إني أزورها في بيت اخوي واصلح الوضع بيننا !!
أم عمار بقهر : إذا تصالحتي مع أختك انسي إنه لك بنت !!
ام راكان بغضب : وبعدين معك !
تراني مو بزر تتحكمين بتصرفاتي!
وخذيها على بلاطه رح أصالح أختي
وإلي مو عاجبه يطق رأسه بالجدار!
ضحك وهو يدخل الصاله ويسمع كلامهم : إلي يسمعك يقول أختك تبغى تكلمك !!
تراها رافضه تشوفك حتى !
قاطعته ام راكان بغضب : ابو ماجد رجاء لا تتدخل !
أشر أبو راكان لعياله يقفلون الموضوع !
وناظر أم عمار : متى ناويه تزوجين ولدك ؟!
تراه مو صغير صار 27 والا 28!
ام عمار عفست ملامحها : عجزت فيه ما يبغى يتزوج الحين !
ابو ماجد بسخريه : يمكن ينتظر ابوه يحضر زواجه !
ام عمار مطت شفتها : والله عمار إذا له أب مو داري عنه !
كل عقله بشغله !!
ابو ماجد : الله يوفقه !
وليد يمدح فيه كثير !

**
**
**
**
تكلم زميلتها بكل اريحيه : سمعت إنها مطلقه !
_ مطلقه !!
_ ويقولون أرملة مرتين ومطلقه مرتين !!
_ طيب ليه مطلقه مرتين وش السبب ؟!
_ يقولون من بعد ما ترملت مرتين الثالث طلقها الظاهر خاف على نفسه،!
عاد تخيلي إلي طلقها ولد عمها ؟!
وطليقها الرابع مجنون ؟!
_ ما عندها عيال ؟!
_ سمعت
وقطعت حديثها وهي تشوف المشرفه على شغلهم وبسرعه كل وحده انشغلت بعملها !
واقفه قريب منهم بدون ما احد ينتبه لها !
وتسمع احاديثهم !!
ما يفرق معها هالكلام !
اصابها ادمان من سنين !
ما عاد يؤثر فيها !
صفحات طوتها بنفسها وبدأت صفحة جديده
هي مالكة نفسها وما أحد له سلطه عليها !!
بعيده عن الكل وما يهمها أحد بعد ما حذفت من قاموس حياتها
«الثقه»
ما تثق بأي إنسان على وجه الارض !
لو دققت في قلبها رح تلاقيه أسود!!! يكره أغلب من حوله إلا إلي تمسكت بالحياه لأجلهم
أطفال أيتام تحس نفس معاناتهم لأنها تذوقت نفس الكأس !
رح تبذل كل جهد حتى ما يذوقوا إلي ذاقته !
رح تكون لهم مثل الظل وما تسمح لأحد يجرح مشاعرهم بكلمه !
الصفعات إلي ذاقتها من سنين علمتها تكون اقوى !
وما تنحي لأحد إلا لربها إلي خلقها !
تنهدت لما شافت سعديه مقبله لجهتها وتحاول تكون مشيتها انيقه !!
ابتسمت بسخريه على افكار سعديه !
تغيرت سعديه الخجريه وصارت بأقصى جهدها تواكب الموضه !!
سعديه بعجله : تعالي ننظف مكتب نائب المدير !
هزت ساره رأسها بملل وتوجهت بهدوء !
دخلت سعديه وبضحكه ؛ وش رايك نفتش يمكن نلاقي فلوس،!
ساره بضحكه على أفكار سعديه : يمكن تحت المكتب تلاقين فلوس !
سعديه بجديه بسرعه توجهت للمكتب تشوف تحته !
ساره فتحت عيونها باستنكار : وش تعملين يا مجنونه !
لذي الدرجه محتاجه فلوس !!
اقول تعالي نظفي وبدون هبل !
سعديه وهي تمسح المكتب : يا حظ إلي رح تكون من نصيب هذا الدكتور!!
ساره وهي منشغله بالتنظيف : يعني هو أعزب !
سعديه بصراحتها المعتاده : لا ترسمين عليه !
مستحيل يقبل يكون زوجك الخامس !!
تراه متزوج !
ساره ناظرتها باستغراب : صدق !!
سعديه وهي تجلس على طاولة المكتب وتحرك رجلينها بعد ما خلعت الحذاء : متزوج 2 ويدور على الثالثه !
يقولون ناوي يتزوج
دكتوره طب / ومهندسه / ودكتوره بالجامعه / و
قاطعتها ساره بسخريه :والرابعه فراشه إلي هي حضرتك !
علشان تخدمين زوجاته الثلاث !
سعديه بتمني : مستعده أخدم كل أهله بس يخطبني !
واتخلص من الفقر كله وارتاح !
ناظرتها ساره باستصغار لعقلها : عمر الغنى ما كان هو الراحة !!
راحة البال بدون هموم هذا أهم شيء
حتى لو كنت أفقر إنسانه على وجه الارض !
سعديه تكتفت بسخريه :،يقال الحين حضرتك عايشه براحة بال بدون هموم !!!
ساره تركت إلي بيدها وطالعتها بثقه : ايه الحمد لله مرتاحه !
سعديه خزتها بتكذيب : مو علينا هالكلام !!
شوفي نفسك بالمرايه جلد على عظم من الفقر وتقولين مرتاحه !
يرحم لما كان كل خد مثل كيس المغذي !!
ساره بدلع تقهرها : دايت !!
سعديه خزتها: اي رجيم ؟!!
عز الله لو اني بقره إلا تأكليني،!
ساره بضحكه : يععع اقرف !
كشت عليها سعديه : مالت عليك !
المال هو اصل السعاده بالحياه !
مطت شفتها بسخريه : مشكلتك تفكيرك سطحي !
وتفكرين مثل المراهقات !
قاطتها سعديه بغبن : يا حلوه صحيح عمري 21 بس للحين ما دخلت عش الزوجيه اكيد رح اتصرف مثل المراهقات !
وبنغزه : مو مثلك دخلت 4 مرات عش الزوجيه !
وبضحكه : وفشلتي بالاربع مرات !
تابعت ساره شغلها وهي متعوده على صراحه سعديه إلي توصل لحد الوقاحه ومع ذلك ردت بهدوء،: مشكلتك ما تفهمين شيء وما تعرفين شيء فلا تجلسين تتفلسفين بأمور ما تعرفينها !
سعديه رفعت حاجب : على بالك ما أدري ليه طلقك ولد عمك ؟!!
ساره بسخريه تجاريها: ليه ؟
سعديه ابتسمت : يقولون يبغاها حلوه ومثقفه ونحيفه وانيقه
والاهم من كل هذا «عزباء»
صفرت ساره : واو
أشكرك من أعماق قلبي إنك خبرتيني السبب !
وأنا طول هالسنين أفكر بالسبب !
وبجديه ناظرتها : قلت لك أمور ما تفهمين فيها لا تحشرين أنفك فيها !
وبنبره حاده : قفلي هالسالفه ولا تفتحي صفحات انطوت من سنين !!!
سعديه مطت شفتها : لو استمريتي مع المجنون احسن لك
على الاقل يكسر لك خشومك إلي رافعيتهم للسماء !
ترى حدك فراشه ليه تعاملين الناس بترفع وكشره!
ساره بضجر من ثقل طينتها : يا رب صبرني !
سعديه وبعدين معك !!!
قاطع اندماجهم دخول نائب المدير وبكشره وهو معقد حواجبه : وش تعملين انت وإياها هنا ؟!
سعديه ابتسمت وهي تعتدل بوقفتها بعد ما لبست نعالها بسرعه : مثل ما تشوف ننظف المكتب !
تكلم بغضب وهو يناظرهم : ومين سمح لكم تدخلون بدون إذن !
وبعدين الصبح المكتب نظفته ام احمد !
سعديه بتلعثم : حن
قاطعها بعصبيه : انا الف مره قلت ما يدخل المكتب الا أم أحمد ترتبه
قاطعته سعديه بتوتر : حنا آسفين يا حضرة الدكتور
وقفت ساره وبخطى هاديه قاطعتها : لما تعتذرين اعتذري عن نفسك بس !
وبحده نطقت : انا مو اسفه !
وتركتهم وطلعت بهدوء!
سعديه بترقيع : تراها مجنونه تتكلم بدون وعي !
لا تهتم لكلامها !
رد بغضب : بس ما أشوفها مجنونه !
سعديه تتلفت حولها وبصوت منخفض: طليقها كان مريض نفسي وما طلقها إلا لما صارت مثله !
لا تلاحقها يا دكتور !
وأنا أعتذر مره ثانيه على دخولنا كذا !
أنا ما أدري كنت أنظف بالممرات وجاءت عندي تقول ننظف مكتبك !
انا على بالي المسؤوله طلبت منها كذا !
قاطعها بملل من كلامها : خلاص اتفضلي برا !
وما أبغى هالحركه تنعاد مره ثانيه !!
هزت رأسها وطلعت بسرعه !
**
**
**
ساره بغضب من حركات سعديه المراهقه .. نطقت بقهر : وقسم بالله ما تستحين على وجهك !
سعديه جلست بإحباط : فشلت خطتي وانا على بالي يشوفني واكون الثالثه !!
هزت رأسها ساره بفقدان أمل منها !
سعديه وهي تتكتف : لا تناظريني كذا !
تبغين تقنعيني إنك ما تفكرين
قاطعت ساره عليها كلامها : الحمد لله !
ما أفكر بذي الأمور !
وعلى قولتك اخذت نصيبي وزياده !!
أتمنى هالحركات ما تنعاد مره ثانيه !
لأني ما أضمن لك رد فعلي المره الجايه !
وغادرت بهدوء و بداخلها بركان يغلي من سعديه !
قرفت الدوام المسائي مضطره تتمسك بسعديه ما تبغى ترجع البيت لوحدها بسياره اجره !
رفعت نظرها للسقف وبداخلها تردد «قريب تفرج ان شاء الله»..متى تتخلص من سعديه وثقل دمها ..صدق المثل ما يجبرك على المر الا الأمر منه!!
**
**
**
**
دخلت البيت مثل الفزاعه وصراخها عم المكان ...وهي تنوح وحالتها حالة!!
ام الوليد نشف الدم بعروقها طلعت مرعوبه على صراخها : وش فيه ؟؟؟!
وش صاير ؟!!
ام محمد تضرب خدودها  بقوة وتضرب على صدرها ...
إلتم الأغلب حولها يبغون يفهمون السالفه !
ابو الوليد بخوف : قطعتي قلبي وش صاير ؟ !
ام محمد بنحيب : ن ا در !!
ام الوليد بهتت ملامحها: وش فيه نادر ؟!!
ام محمد بنحيب : راح نادر !
خلاص ما عاد اشوفه !!!
رحل من الدنيا وما شبع اللقمه !
اخخخخ يا ليتني أعطيته من فلوسي
يتهنى فيهم !
ابو الوليد عقد حواجبه : إنا لله وإنا إليه راجعون !
ام وليد نطقت : متأكده ؟!!
هزت راسها ودموعها تنزل : ايه متأكده
سألت الجيران وقالوا مات
ودخلت بنوبة بكاء !
ابو الوليد بهدوء: ادعي له بالرحمه !!!
الحين محتاج الدعاء !
سكت لما حس إنها ما تسمع وش يقول !!
قرر يأخذها لغرفتها ويتأكد من الموضوع بنفسه !!!
***
***
***
***
ام راكان تبكي بعد ما راحت لأم محمد وطردتها وما قبلت عزاءها !
أبو راكان للحين متفاجئ من موت نادر،!
ما معهم خبر !
تنهد ونطق بهدوء : الله يهديها أختك !
وإن شاء الله ربنا يرحم نادر !!
ام راكان تمسح الدموع المستمره : الله يرحمه !
عاش وما أحد شكى منه !
ابو ماجد ما اهتم بالموضوع : الله يرحمه !
ابو تالا بتساؤل : طيب ما عرفتوا سبب الوفاه ؟!
وزوجته وين ؟!!
واخته ؟!!
ام ماجد بهدوء : ما سألت عنهم عمتي!
الظاهر انفجعت لما سمعت الخبر ورجعت على طول للبيت!!!
ام عمار عقدت حواجبها: طيب زوجته كانت حامل
اكيد عنده عيال !
ابو راكان بهدوء : اكيد مع امهم !
عزام للحظات حس بالمسؤوليه بعد كلامهم وقف بهدوء لازم يتحرك بس
وقفه صوت ابو راكان الحازم : عزام !
اجلس !!
اتمنى ما تتدخل بأحد !
قطعنا هالصله وما نبغى ترجع مره ثانيه !
ما يهمنا أحد !
ابو عزام بتأييد : اجلس يا عزام !
ولا تتدخل !
زفر بضيق وجلس بهدوء بدون تعليق !!!
**
**
**
**
**
**

سعديه بمزح : وش رأيك نروح للمدير يتوسط لنا بإجازه !
وغمزت لها
ضحكت ساره بخفه وهي تتذكر آخر موقف مع المدير : أكيد بعد ما مسحنا وجهه ما رح يتردد بالرفض !
وتابعت كلامها وهي تخز سعديه بعيونها : وش تبغين بالإجازه )؟؟!
سعديه أشرت لها على مقاعد بالممر حتى تجلس ...
بعد ما جلست تكلمت سعديه وهي تحط رجل فوق رجل : الاجازه علشان نفلها !
نطلع للسوق ونشتري كل شيء بخاطرنا !!
ومن الحين أقولك بدون البزران !!!
أرخت ساره ظهرها على الكرسي بتعب من كل  شيء حولها : على بالي عندك سالفه !
سعديه بقهر من ردها : سوسو لا تكونين معقده !
شوفي البنات إلي بعمرنا كيف عايشات حياتهم !
انسي الفلوس وطبقي هالمثل «اصرف ما بالجيب يأتيك ما بالغيب »
ساره وهي تغمض عيونها بمراره ...الحياة استهلكت فوق طاقتها : خذيها على بلاطه بدون البزران ما اطلع !!!
سعديه بقهر : ادفني نفسك معهم !
تدرين البعض يسألني هنا عنك يقولون هذي أمك !!!
ضحكت ساره كالعاده بصوت عالي على كلام سعديه : أنا أمك ؟!
أبوك يالكذب !!!
وخزتها بعيونها !
سعديه بتصريف لكذبتها : لا تناظريني كذا !!
وبعدين شوفي مين هنا !
إلتفتت ساره وابتسمت وهي تشوف د.مها تناظرها بكره !
سعديه بهمس : احسها هالدكتوره تكرهك كره مو طبيعي !
ساره بلامبالاه : بقلعتها !
ولا تنسي شعور متبادل !
سعديه تحمست : شوفي خلفها نائب المدير !
وش رايك نشوفه يتواسط لنا ؟!
قرصتها ساره بخصرها : اختصري !
وطلعت جوالها تراسل ام سعديه تتطمئن على البزران !
وقفت د.مها عندهم بانتقاد : أشوفكم جالسات !!!
سعديه بتبرير : نبغى نرتاح
قاطعتها د.مها ونظرها على ساره إلي منشغله بالجوال : ترتاحين وصوت الضحك لآخر الممر !!!
ساره طنشتها وباندماج : سعديه شوفي هالصوره !
سعديه المنحرجه تخاف يطردونها من الشغل بسبب ساره !
انقلب وجه د.مها وصار لونه احمر وهي تشوف تطنيش ساره لها !!
وقف نائب المدير عندهم : وش فيه د. مها ؟!!
د. مها بغضب : ما أدري متى تحترم المكان إلي تشتغل فيه صوت ضحكها لآخر الممر !
وأشرت على ساره !
ناظر ساره إلي مندمجه بالجوال وما عبرتهم !
انقهر من حركتها ..يحسها شايفه نفسها بقوة ...كل الموظفين يتراقصون من الخوف لما يقترب منهم وهي ولا عبرت وجوده ....وما نسي حركتها بالمكتب !
إذا الدكاتره هنا يحسبون له حساب
وهي ولا على بالها !
ولا كأنه واقف !
وبصوت هادي عكس قهره نطق: لو سمحت
قاطعته لما رن جوالها وقفت وردت بروقان،: الو
وتحركت ببرود تاركه المكان لهم !
ومن خلفها د. مها بركان يغلي من القهر !
سعديه بانحراج : المعذره !
ومثل البرق غادرت المكان خلفها .. متأكدة رح تنفصل والسبب الزفته ساره!!!
لحقت بساره وسرعان ما ضربتها على كتفها بقهر : عز الله الا يطردونا من المستشفى والسبب انت !
وقفت ساره وعافسه ملامحها من الضربه بعد ما قفلت الجوال !
سعديه بغضب : ليه ما عبرتي الدكتور وهو يسألك
قاطعتها ساره بلامبالاه : الحقران يقطع المصران !
والحين فارقي عن وجهي ما لي مزاج أشوف أحد !
سعديه انقهرت من ردها : سجلي بمستشفى الأمراض النفسيه لأنك مريضه نفسي !
وتركتها وغادرت بغضب ونسيت تمشي بأناقه وهدوء !
ساره بصوت مرتفع شوي وهي تلوح بيدها : خربتي أم الأنااااااااقه !!!!
إلتفتت عليها سعديه وللحين معصبه
خلعت النعال وتوجهت لساره ناويه تطقها فيها ناسيه نفسها إنها بمكان عام !!
اول ما شافتها ساره متوجه لها تبغى تطقها وبدون تفكير
مسكت بطرف العبايه وصارت تركض بسرعه
ومن خلفها سعديه تتوعد فيها !
نزلت الدرج وهي تركض ما تدري وين تهرب من جنون سعديه !
توجهت لأحد الممرات فاضي
حست بالصدمه لما شافت نهايه الممر جدار وما في مفر
صرخت وهي تركض مع ضحكات قصيره : توووووبه
إلتفتت للخلف وصرخت لما سددت سعديه لجهتها النعال : لاااا
وقفت وحطت يدها على فمها من الصدمه ..لما ضرب النعال بالمدير ..واقتربت بتردد : انت بخير !!
سعديه تقدمت برعب وقلق : اسفه يا دكتور !
انحنى نائب المدير للمدير يتفقده : انت بخير !!
ضاغط المدير بكف يده مكان الضربه ويحاول يكتم غيضه وبكل غضب صرخ : اعتبري نفسك انت وإياه مفصولات من الحين !
ولو اشوف رقعه وجه وحده فيكم ما تل
قاطعته ساره بهدوء و بداخلها تغلي بعد ما فقدت وظيفتها : من زين هالوظيفه !!
وطالعت سعديه ببرود : ساندريلا لا تنسي نعالك !!
وطالعت المدير بسخريه وبنظرها السالفه خربانه خربانه : اذا تحب تحتفظ بنعالها ما عندنا مشكله !
وأنا بنفسي أدلك على الخرابه إلي ساكنه فيها هالساندريلا
واشرت على سعديه !
تنهدت وتحركت بخطوات هاديه تاركه المكان بهدوء
تناظر الممرات وعقلها سارح تفكر بمكان ثاني تلاقي فيه وظيفه جديده بدوام مسائي ؟!!!
تراودها نفسها ترجع وتمسح بالمدير المكان كيف يطردها !
زفرت بضيق ما تنكر تصرفها غلط
بس احيانا تصيبها حالات جنان من الضحك واللعب تفرغ الكبت إلي تحس فيه !
من كثر الضغط إلي تشوفه تنفس عن نفسها بهذي التصرفات الغلط !
ناظرت ساعتها لازم ترجع للبيت بعد ما تكمل الاجراءات
وباكر تشوف لها وظيفه ثانيه !
***
***
***
فتح المدير عيونه بصدمه من كلامها وعم المكان السكوت للحظات بعد ما غادرت !
سعديه منحرجه ومنقهره بعد ما انطردت من الوظيفه !
تقدمت بهدوء واخذت النعال ولبسته بهدوء !
تكلم المدير بعد ما وقف : انا انذرتكم من قبل عن هذي الحركات !
سعديه شافت ملامحه لانت : والله مو قصدنا !
بس حرام تفصلنا من شغلنا !
تقدر تحط عقاب بس ما يوصل للفصل !!
ترى زميلتي مطفره وعندها بزران وهي إلي تصرف عليهم !
وصاحب البيت مهددها يطلعها من البيت اذا ما دفعت الأجره !
وهي يتيمه ومطلقه وما عندها أحد يساندها !
الحين لما طردتهم أكيد رح يكون مكانهم بالشارع بعد ما يطردهم صاحب البيت !
وتابعت كلامها بتمثيل متقن بعد ما شافت ملامحه رقت : لو تبغى تطردني أنا ما عندي مشكله !
بس زميلتي حرام
قاطعها بهدوء : خلاص تقدري انت ترجعين لوظيفتك وزميلتك بعد !! بس هذي الحركات ما أبغى أشوفها !
مفهوم !
سعديه بفرح : إن شاء الله دكتور !
والحين أروح أبشرها بهذا الخبر !
وغادرت بسرعه المكان !!!
ابتسم نائب المدير : الحمدلله على السلامه
المدير وهو يتحسس مكان الضربه : حسبي الله!!!
ربك ستر لو جاء الكعب براسي كان كسره بسب طيشهن !
نائب المدير باحتقار : ما في رجال يضبطهم !
طايشات والمشكله البنت الثانيه عندها بزران !!!
المدير تنهد : لولا البزران ما وافقت على رجوعهم !
نائب المدير بهدوء : أروح اكمل شغلي أحسن لي !!
***
***
***
كملت الاجراءات واخذت نفس عميق قبل ما تطلع
توقفت لما سمعت صوتها الساخر من خلفها : كسرتي خاطري بعد ما طردك المدير !!
إلتفتت لها بعبوس وسرعان ما استقرت كفها على خدها وبحده : وأنا خاطري أودعك قبل ما أطلع !
فتحت د.مها عيونها بصدمه ويدها مكان الكف ما توقعت توصل فيها الجرأة تمد يدها عليها !
اغلب الموجودين ناظروا بعد صوت الكف بإستغراب !!
د.مها بغضب : انت قد هذي الحركه ؟!
ساره بحده : لو ما كنت قدها كان ما عملتها !!!
اعتبريها إنذار لك ما تقتربين من صوبي لأني ما اضمن لك نفسي،!
د.مها بغضب : الحين رح اشتكي عليك
قاطعها نائب المدير : د.مها هدي شوي خلينا نفهم الموضوع !
سعديه تفاجأت من الموقف وبصوت هادي : ساره المدير رجعنا للوظيفه !
تبغين يرجع يفصلنا مره ثانيه !!
ساره بسخريه : صدق رجعنا !
وسرعان ما تحولت ملامحها للحده : قولي له يقدر يشتغل مكاني بما اني تركت الشغل
يا حظه «وظيفه شاغره »
ترى لايقه عليه هالوظيفه وتناسبه كثير !
وهمت بالمغادرة بس وقفها صوت حاد: وقفي لحظه

***
***
***
انتهى البارت .....انتظروني يوم الجمعه بإذن الله ....دمتم بخير : )

Like
بنت و أم صالح معجب بـردك .
رد مع اقتباس إقتباس متعدد لهذه المشاركة الرد السريع على هذه المشاركة

  #294   أضافة تقييم إلى sandi1   تقرير بمشاركة سيئة 
قديم 06-11-17, 03:32 AM
الصورة الرمزية sandi1
sandi1 sandi1 غير متواجد حالياً
نجم روايتي

كل هالسنوات معقول ساره ما حسنت من نفسها
اتوقعت تكون رجعت درست وحسنت من مستواها
ليه دوام مسائي معقول تدرس بالنهار
هالبارت لخبطني زياده
ناطرين بارت الجمعه الف الف شكر

Like
رد مع اقتباس إقتباس متعدد لهذه المشاركة الرد السريع على هذه المشاركة

  #295   أضافة تقييم إلى soman   تقرير بمشاركة سيئة 
قديم 06-11-17, 07:41 AM
الصورة الرمزية soman
soman soman غير متواجد حالياً

بارت رووعة 👌
مرت سنوات وحال ساره برأي من ناحيه التعليم لم يتغير
سوى أنها أصبحت لا تسكت عن حقها وهذا شي رائع
بصراحه كان هذا البارت فيه القليل من الإبهام الأطفال هل هم أولادها أو متبنيتهم؟ وما سبب اختفى خلف؟؟ أرى أنه تركها بشأنها
لم يتم ظهور أي بطل إلى الآن. . فهل هناك بطل سيخرج سأره من
هذا الحال؟؟؟ عبدالله لا اعلم لماذا أعتقد إلى الآن أنه البطل
نادر لم يتم توضيح سبب وفاته؟ ولماذا سأره لا تعيش معه هل هناك سر مخفي وراء ذلك؟ ؟اسئله كثيره اتمنى ان اجد جوابها في البارت القآدم
ولكي مني اجمل تحيه
شكرآ لمارا على النقل 💜

Like
رد مع اقتباس إقتباس متعدد لهذه المشاركة الرد السريع على هذه المشاركة

  #296   أضافة تقييم إلى bobosty2005   تقرير بمشاركة سيئة 
قديم 06-11-17, 11:19 AM
الصورة الرمزية bobosty2005
bobosty2005 bobosty2005 غير متواجد حالياً
نجم روايتي

روعه الفصل زوج ساره المجنون وحواره معها كان مبهج هههههه خفف من حدة الأحداث بعدتينا عن الحزن اللى بالروايه لحظه بس كانت جميله الحمد لله على نعمة العقل ساره تغيرت ولكن لا استطيع ان احكم حتى الآن هل للأفضل أم للاسوء لان فصل واحد تغيرت فيه أو ظهرت بصوره أخرى يمكن القادم يبين ذلك أتوقع ان الأطفال اليتامى اولاد نادر وتعمل ساره معهم اللى كان المفروض تلاقيه عند عائلتها من اهتمام وحمايه أما عبدالله فلا يريد الاعتراف انه ظلم ساره وام عمار حقوده جدا متحمسه للقادم الأحداث اخذت منحنى آخر وسنرى كيف ستتعاملى معها بالتوفيق عزيزتى 💞😘👏

Like
رد مع اقتباس إقتباس متعدد لهذه المشاركة الرد السريع على هذه المشاركة

  #297   أضافة تقييم إلى أقوال بريه   تقرير بمشاركة سيئة 
قديم 06-11-17, 01:36 PM
أقوال بريه أقوال بريه غير متواجد حالياً

بارت رائع اولاساره واضح انها بتربي ولاد نادر اخوها ثانيا هو نائب المدير عزام تبقى زي معرفش ساره من اسمها دي عمته وكمان واضح ان عبدالله بيشتغل في نفس المستشفى بردو معرف هاش طب هي معرفتهمش

Like
رد مع اقتباس إقتباس متعدد لهذه المشاركة الرد السريع على هذه المشاركة

  #298   أضافة تقييم إلى رناسيف1   تقرير بمشاركة سيئة 
قديم 06-11-17, 06:15 PM
رناسيف1 رناسيف1 غير متواجد حالياً

عزيزتي الكاتبة. اتوقع ان سارة تكون ذات شأن في المجتمع فردودها تنم عن سرعة بديهة وتفكير سليم مصاحب لشعور قوي بالكرامة. لا تحب ان تهان ولا تحب المغرورين. انتقادها لمها وانها حصلت على منصبها بالواسطة له دلالاته. اعتقد يا عزيزتي انك تخبيئين لنا ما لا يمكن توقعه عن سارة .وهذا الاسلوب له وقع اقوى على القراء. وفقك الله وانار دربك وللاخت لمار اجمل التشكرات والمحبة على التنزيل .يلا انا بالانتظار بليز لا تطولي علينا.

Like
رد مع اقتباس إقتباس متعدد لهذه المشاركة الرد السريع على هذه المشاركة

  #299   أضافة تقييم إلى اسمااسيل   تقرير بمشاركة سيئة 
قديم 06-11-17, 10:48 PM
اسمااسيل اسمااسيل غير متواجد حالياً

يعجبنى اسلوبك الواقعي فى الكتابة -انا قرات رواياتك السابقة واسلوبها جميل-انا لا احب اقرا رواية لم تكتمل ولكن هذه الرواية جذبتنى من البداية لختلاف الاسلوب الكتابى فيها كنت اتوقع كثرة الظلم للبطلة سيولد الانفجار وهذا ما حدث خروج شخصية نقيدة لشخصيتها السابقة واتوفع الاولاد الايتام اولاد نادر اخوها-واتمنى لكى تكملة الرواية فى القريب العاجل وان تمدينا دائما بكتابتك الشيقة وشكرا لمجهودك

Like
رد مع اقتباس إقتباس متعدد لهذه المشاركة الرد السريع على هذه المشاركة

  #300   أضافة تقييم إلى عويشة   تقرير بمشاركة سيئة 
قديم 06-11-17, 10:59 PM
عويشة عويشة غير متواجد حالياً

ومرت ينين واها ابو راكان لستهم مثل ما هما اعتقد ان سارة بتدرس النهار وبتشتغل بالليل والاولاد الا عندها اولاد نادر اخوه بانتظار معرفة الباقي

Like
رد مع اقتباس إقتباس متعدد لهذه المشاركة الرد السريع على هذه المشاركة

إضافة رد
صفحة 30 من 185« الأولى<2028293031324080130>الأخيرة »

*=== (( ما يلفظ من قول إلا لديه رقيب عتيد )) ===*

الرسالة:

الصندوق الماسي الخامس - Massy Version 5
خيارات
إقتباس المشاركة في الرد؟

« الموضوع السابق | الموضوع التالي »

أدوات الموضوعإبحث في الموضوع
مشاهدة صفحة طباعة الموضوع مشاهدة صفحة طباعة الموضوع
أرسل هذا الموضوع إلى صديق أرسل هذا الموضوع إلى صديق
الاشتراك الإشترك في هذا الموضوع
إبحث في الموضوع:

البحث المتقدم
انواع عرض الموضوع
العرض العادي العرض العادي
العرض المتطور الانتقال إلى العرض المتطور
العرض الشجري الانتقال إلى العرض الشجري

الساعة الآن 10:41 AM

-- Rewity_Orginal_1
Copyright © 2015

لوحة التحكمخروجخروج
شبكة روايتي الثقافية
البحث . . .

إتصل بنا
مشاركات اليوم
المشاركات الجديدة
المواضيع الجديده
أهلا وسهلا بكـ ضاقت انفاسي.
آخر زيارة لك كانت: اليوم الساعة 02:22 AM
New Likes Received 2,116

شبكة روايتي الثقافية > قسم الروايات > منتدى الروايات والقصص المنقولة > منتدى الروايات الطويلة المنقولة الخليجية المكتملة > أقدار / للكاتبة ضاقت انفاسي ، مكتملة
Like Tree125Likes
إضافة رد
صفحة 32 من 185« الأولى<2230313233344282132>الأخيرة »
عرض أول مشاركة غير مقروءة عرض أول مشاركة غير مقروءة 
LinkBackأدوات الموضوع
  #311   أضافة تقييم إلى LodyKA   تقرير بمشاركة سيئة 
قديم 10-11-17, 10:05 PM
LodyKA LodyKA غير متواجد حالياً

وأبو صراحة تغير شامل كان نفسي اعرف وين أهل أم سارة و كمان لو كانت جدتها عايشة ما ماتت بترضى عليها هذه البهذله

Like

رد مع اقتباس إقتباس متعدد لهذه المشاركة الرد السريع على هذه المشاركة

  #312   أضافة تقييم إلى Wh3   تقرير بمشاركة سيئة 
قديم 10-11-17, 10:36 PM
Wh3 Wh3 غير متواجد حالياً

ساعة بيش ينزل البارت

Like
رد مع اقتباس إقتباس متعدد لهذه المشاركة الرد السريع على هذه المشاركة

  #313   أضافة تقييم إلى لامارا   تقرير بمشاركة سيئة 
قديم 10-11-17, 11:40 PM
الصورة الرمزية لامارا
لامارا لامارا غير متواجد حالياً
مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام

السلام عليكم ....اتمنى الجميع بخير ....اشكركم على الردود والتعليقات الجميله : )
بارت اليوم مو طويل كثير ^^
***
***
***
***
***
بارت 18
***
***
***
***

كملت الاجراءات واخذت نفس عميق قبل ما تطلع
توقفت لما سمعت صوتها الساخر من خلفها : كسرتي خاطري بعد ما طردك المدير !!
إلتفتت لها بعبوس وسرعان ما استقرت كفها على خدها وبحده : وانا خاطري اودعك قبل ما اطلع !
فتحت د.مها عيونها بصدمه ويدها مكان الكف ما توقعت توصل فيها الجرأة تمد يدها عليها !
اغلب الموجودين ناظروا بعد صوت الكف بإستغراب !!
د.مها بغضب : انت قد هذي الحركه ؟!
ساره بحده : لو ما كنت قدها كان ما عملتها !!!
اعتبريها إنذار لك ما تقتربين من صوبي لأني ما اضمن لك نفسي،!
د.مها بغضب : الحين رح اشتكي عليك
قاطعها نائب المدير : د.مها هدي شوي خلينا نفهم الموضوع !
سعديه تفاجأت من الموقف وبصوت هادي : ساره المدير رجعنا للوظيفه !
تبغين يرجع يفصلنا مره ثانيه !!
ساره بسخريه : صدق رجعنا !
وسرعان ما تحولت ملامحها للحده : قولي له يقدر يشتغل مكاني بما اني تركت الشغل
يا حظه «وظيفه شاغره »
ترى لايقه عليه هالوظيفه وتناسبه كثير !
وهمت بالمغادرة بس وقفها صوت حاد: وقفي لحظه !!
إلتفتت للخلف وهي رافعه حاجب من تطفله : نعم؟!
تكلم نائب المدير بأمر : تفضلي معي للمكتب انت و د. مها نحل الإشكال !!
ساره بنظره خاطفه حولها وهي تشوف عيون الفضوليين عليهم ردت بهدوء تنهي الموقف : ما في اشكال هذي قرصة اذن لها !
وتحركت خطوات دليل على المغادره
كرهت هالمكان من كل قلبها ولولا الحاجه ما اشتغلت فيه دقيقه !!!
وقفت حركتها لما مسكتها من ذراعها : على بالك تهربين الحين ؟!
اخذت ساره نفس عميق وهي تعد للعشره قبل ما يصدر منها اي فعل تندم عليه وبنبره غاضبه : فكي يدي احسن لك !
نائب المدير ماسك اعصابه ما يبغى تصير مشكله وشوشره بالمستشفى : رجاء دكتوره مها ما نبغى فضايح
ولا تحديني اتخذ اجراءات ما يعجبك !!
اضطرت الدكتوره تفكها والشرار يطلع من عيونها !
سعديه تقدمت وهمست لساره بكلمات
ارتخت ملامح ساره بعدها !
نائب المدير : تفضلي معي للمكتب !
اشرت لها سعديه برجاء ما تترك هالفرصه !
هزت راسها وتقدمت معهم للمكتب بخطوات هاديه
اضطرت تتراجع لاجل إلي ينتظرونها بالبيت !!
ولانها المخطئة بتصرفها واي شخص مكان المدير رح يتصرف كذا !
دخلت المكتب بهدوء وجلست مقابل للدكتوره مها إلي رافعه خشومها للسماء !
تكلم نائب المدير بعد ما جلس مكانه خلف المكتب : وش هالتصرفات ؟!
حنا بمستشفى محترم مو بالشارع !
انا نفسي افهم وش سبب هالعداوه بينكم ؟!!
انت تعرفينها يا دكتوره مها من قبل او بينكم قرابه ؟!!
مها عفست ملامحها بقرف : اكيد لا !!
تنهد نائب المدير وتكلم بهدوء وهو يناظر ساره : طيب وش سبب هالخلاف يا
ردت ساره بهدوء لأنه ما يعرفها: ام سوار !
اكمل كلامه : يا ام سوار !
تكلمت ساره بهدوء : ما في بيننا شيء بس حضرتها عندها لقافه زايده وتتدخل بأمور ما تخصها !
بغت د.مها تعترض بس اشر لها الدكتور تسكت وطالع ساره تكمل حديثها !!
تابعت كلامها وهي تشوف القهر بعيون د.مها : اتوقع امور النظافه مو من تخصصها !
في مشرفه علينا هي إلي تتابع شغلنا مو حضرتها !
ما لها حق تيجي تحاسبني ليه جالسه
قاطعها الدكتور بتفهم : يعني هذا سبب الخلاف بينكم ؟!
د. مها باعتراض : مو هذا السبب !
تراها تتصرف بطريقه ما تليق بمكان عام !
واتوقع شفت بعينك بعض تصرفاتها ولا كآنها وحده عندها بزران !
وانا هذي التصرفات ما اطيق اشوفها واسكت عنها !
انا
قاطعها نائب المدير بحزم : حتى ننهي هالمشكله كل وحده تتداوم بفتره !
خلاص ام سوار تقدرين يصير شفتك بالفتره الصباحيه
قاطعته ساره : صعب ما اقدر !
د.مها بعناد : وانا ما اقدر !
نائب المدير بطول بال : وليه ان شاء الله !
د.مها : انا دكتوره وعندي ارتباطات ...
وما يناسبني الشفت الصباحي !
ساره طالعتها بكره : انا لو يطلع بيدي ما اشتغل هنا حتى ما اشوف رقعه وجهك مو بس احول شفتي ..اترك المستشفى كلها لاجلك !
نائب المدير بهدوء : خلاص دكتوره
مها اتمنى انك ما تتدخلين فيها لا من قريب ولا من بعيد !
وانا رح اشوف المشرفه ويكون دوامك بقسم الجراحه بعيد عن الدكتوره مها !
واذا صدر اي غلط من ام سوار تقدرين تبلغين الاداره وانتهينا !
وطالع ساره : تقدرين تتفضلي لشغلك واتمنى ما أشوف حركات البزران !
ما ردت وطلعت بهدوء !
شافت سعديه واقفه عند الباب واللقافه ذابحيتها تعرف وش صار !
تكلمت ساره قبل ما تكلمها وتسأل: سعديه اختصري ولا تسألي !!
ترى ما لي خلقك !
وتركتها وغادرت المكان وهي تفكر بتصرفها صح او غلط ؟!
هل المفروض تركت شغلها ؟!
وبنفس الوقت المدير لا يلام من تصرفاتهم !
انقهرت سعديه من تصرف ساره وحلفت بداخلها الا تطلع هالحركه من عيونها !!!
•••
•••
***
•**
ابو الوليد بلوم : يا ام محمد ما يصير تطردين اختك كذا !!
ام راكان قلبها متوله عليك تبغى تجلس معك والله مشتاقه لك كثير !!
ام محمد بحقد : ما ابغى اشوف رقعة وجهها !
بسببها فقدت عيالي !
ام الوليد اشرت لزوجها ما يجادلها
الظاهر ما رح ينزل الحطب إلي برأسها !!
ام محمد بضيق : الله يرحمك يا نادر !!
ام الوليد : وين زوجته الحين ؟!!
ابو الوليد بهدوء : سألت عنها الجيران
يقولون رجعت لأهلها !!
ام محمد بكره : حسبي الله عليها ذبحت ولدي وهجت !!
والزفته الثانيه وين طست ؟!
اكيد مات بعد ما سودت وجهه هالساره وزوجته الخاينه ما استحمل ومات !
ام الوليد رفعت حاجب : مو قلتم تزوجت ؟!!
ابو الوليد تنهد وهو يناظر اخته : سألت الجيران عن بنت زوجك
يقولون بعد ما تطلقت ما احد يدري عنها وين راحت !
فتحت ام محمد عيونها بصدمه : طلقها !!!
حسبي الله عليها !!
وين طست الحين ؟!
عز الله ما رح يجينا منها الا الفضائح
وبعدها وقفت على حيلها بسرعه!
ابو الوليد باستغراب : وين رايحه !!!
طنشته وخرجت بعجله من أمرها !
***
***
***
***
***

شروق بتعب : والله يا عمتي الشغل هد حيلي !
ام راكان بإهتمام : لو تطاوعيني تتركين الشغل وتهتمين بعيالك احسن لك !
عبدالله بتأييد : وانا اقول لها كذا !
بس رافضه !
ابو راكان : اتركها على راحتها !
ام ماجد : انا اق
سكتت لما سمعت الصراخ القريب وعقدت حواجبها باستنكار : وش فيه ؟!!
دخلت عليهم مثل الفزاعه وتناظر ابو راكان المتفاجئ من دخولها : جالس ومبسوط على نفسك !!
ايه ما هو هامك عرضك وشرفك !!
ولا سائل عن البنت إلي من لحمك ودمك !!
جا
قاطعها بفزع من طريقتها : الله يكفينا شرك
تابعت كلامها بنبره اعلى : جايك الشر
وانت جالس في بيتك وابنة اخوك من سنين دايره على راسها ما احد يدري عنها !
ويكون بعلمك جيت هنا بس اعلمك إنها ساره من سنين مطلقه وما احد يدري عنها !
الله اعلم مع مين ؟! وينها الحين ؟!!
وسلامة فهمك !
يا حكيم زمانك !
ابو راكان ببرود جلس: وش دخلني فيها !!
تراني قلتها من قبل والحين ارجع اقولها «متبري من كل عيال اخوي ! »
ابتسمت ام محمد بخبث : باكر اذا جابت مصيبه قول للناس وقتها انك متبري من عيال اخوك !!!
اعطته نظره خبيثه وطلعت بهدوء عكس ما دخلت !!
جلس أبو راكان بعد ما طلعت وملامحه ما تتفسر !
ام راكان بتأثر : طلقها المجنون ؟!!
حسبي الله عليك يا خلف مثل ما دمرت هالبنت !!
وطالعت زوجها بقهر : اشوفك جالس روح شوف البنت وين موجوده !!
الله أعلم بحالها جوعانه والا
قاطعها ابو راكان بهدوء غامض : قفلي على الموضوع !!
ام راكان بانفعال وقهر من بروده : تراها من لحمك ودمك !
حتى لو غلطت ما تستحق كل هالجفاء !
انت مستوعب وش قالت اختي ؟!
مطلقه من سنين !
ونادر ميت الله يرحمه !!
اكيد الحين لوحدها !!
وطالعت عبدالله بقهر : وانت الثاني جالس !
تراها ابنة عمك يا متعلم !
من لحمك ودمك !
شروق جالسه وتراقب ملامح عبدالله وبس !
عبدالله بسخرية : يمكن اختفت مع خلف وزوجها واحد ثاني !
الله اعلم كم واحد تزوجت
7 او 8 يمكن تزوجت 10
ام راكان بغضب : لا تتمسخر !
انا اتكلم بجديه !.
ابو راكان بحده : قلت لك قفلي على الموضوع وانتهينا !!!
طالعته ام راكان بقهر ولفت وجهها
بزعل !!
***
***
**
***
اذن الفجر وهي جالسه بالغرفه وقدامها الكتاب !
تحس رأسها رح ينفجر مو قادره تركز على الامتحان !
قررت تصلي الفجر وتفطر يمكن عقلها يفتح شوي !
بعد الصلاه والفطور رجعت تتصفح الكتاب
ناظرت فراشها وغمضت عيونها وهي تتمنى تكون داخله وتنام بعمق !!
تمر عليها ايام كثير تكون متواصله لما ترجع من دوام المستشفى ما تنام
تمسك كتبها وتحاول تنهج من الدراسه المتراكمه عليها !!
تثاوبت بنعاس
وبعدها وقفت تجهز نفسها للجامعه
متأكده لو جلست دقيقه
رح تكون تحت اللحاف !
جهزت نفسها بسرعه وطلعت من الغرفه بعد ما حطت الكتاب بشنطتها
حتى ما تشوفهم سعديه
وقفلت باب غرفتها كالعاده حتى ما تدخل سعديه الغرفه !
توجهت للغرفة الثانيه إلي غالبا تنام فيها مع الصغار لما ما يكون عندها امتحانات !
اقتربت بهدوء وطالعتهم بمحبه
مدت يدها تعفس شعر سوار الناعم المنسدل على جبهتها
لاخر لحظه سحبت يدها
خافت تصحى واكيد رح تلتزق فيها الا تطلع معها !
ابتسمت وهي تناظر حور عافسه ملامحها الطفوليه !
طالعت السقف وابتسمت وهي تحمد ربها إلي رزقها هالثنائي الجميل!
احلى شيء بحياتها !!
طلعت من البيت بهدوء وتوجهت لام سعديه تعطيها خبر انها طالعه من البيت
!!!
بعد جهد وجهيد وصلت الجامعه دخلت بهدوء وتوجهت لكليتها بخطوات سريعة !
قبل ما تدخل الكليه ناظرت اللافته المكتوب عليها اسم الكليه !
ابتسمت وهي تدعي لمها زوجة نادر !
ربنا سخرها لها انها تكمل دراسه بدون علم خالتها ام محمد !
كانت تدرس بالبيت والمديره بالقريه كانت متفهمه وضعها وساعدتها كثير !
ما رح تنسى كل من ساندها
لحتى وصلت لهذي الدرجه !
تنهدت ودخلت بخطوات هاديه !
جلست بالقاعه تراجع ماده الامتحان !
علاقتها بمن حولها سطحيه !
لا تثق بالصداقه ولا بمن حولها !!
جلست ليلى جنبها بضجر : افففف من هذا الامتحان !!
درستي؟!
طالعتها ساره بهدوء : الماده صعبه !!
ليلى بحسد : يقولون بشعبه ثانيه في بنت حصلت على علامه كامله !
نفسي افتح دماغها واعرف كيف يفكر !!
مطت ساره شفتها وبداخلها الله «يجيرنا من عيونك يالحسوده »: الله يبارك لها ويحفظ لها عقلها من عيون الحساد !
ونغزتها بعيونها !
ليلى مطت شفتها : قصدك اني حسوده !
هزت ساره راسها بتأكيد لكلامها !
ليلى عفست ملامحها : انا ما حسدتها بس اقول لك عن العلامات !
طنشتها ساره وهي تراجع الماده مو فاضيه لثرثرتها المعروفه !
حست قلبها وقف لما شافت الدكتوره دخلت ومعها الاوراق !
حست بمغص ما ختمت الماده رفعت نظرها للسماء وهي تدعي من قلبها ربنا يوفقها بالامتحان !!
***
***
***
جالسه بالبيت وبضجر من الازعاج صرخت : بس !
بعدين معك انت وهي ؟!
ترى راسي مصدع !
سوار طالعتها بتكذيب : راسك يعورك !
اشربي دواء !
حور بتأكيد : ايه اشربي دواء!
نبغى نلعب !
لا تزعجينا !
فتحت سعديه عيونها باستنكار:انا ازعجكم ؟!
صدق قليلات ادب مثل هالساره !
وبقهر رجعت انسدحت : انا نفسي اعرف وين الصبح تنقلع ؟!
خبيثه هالبنت ما تبغاني اشتغل معها الصبح !
حتى رافضه تخبرني بشغلها الظاهر انها تخاف اسرق منها شغلها !
صدق متخلفه !
وطالعت البنات بتحقيق تطبيق للمثل «خذ اسرارهم من صغارهم»: ساره وين الحين ؟!
حور وهي تلعب : ما يخصك !
سوار تطالع اختها بعد ما مطت شفتها بسخريه : ملقوفه !
سعديه انقهرت : الحين ابغى اعرف مين حور ؟
فتحت عيونها باستنكار لما كل وحده رفعت يدها وتقول : انا !!
سعديه وهي تخزهن : طيب مين سوار ؟!
وبنفس الحركه كل وحده رفعت يد وتقول : انا !!
سعديه بغضب : فنى !
جعلك بالوجع انت واياها !
هذا الي ناقصني ابتلش ببنات المجنون !!
احتقن وجه سوار بغضب طفولي : لا تقولين عن بابا مجنون !
سعديه حركت حواجبها تقهرها : مجنون ومجنون ومتخلف !
حور بدفاع عن ابوها : ما يصير تشتمين الميت !!
لازم تقولين الله يرحمه !
فتحت سعديه آذانها على وسعهم من هالمعلومه : وش تقولين ؟!!
متى مات ابوك ؟!!!
سوار بذكاء طفولي لما تذكرت تحذير امها ما يتكلمون بهذا الموضوع قدام احد مسكت يد حور بطفوله: ياغبيه قلت لك ابو سوزان إلي مات ولازم تقولين الله يرحمه مو بابا !!
سعديه طالعتها وهي تقرص عيونها : يمه منك على قد صغرك بس عفريته !
ابو سوزان قلتي له ؟!
يصير خير !
وطلعت سعديه من الغرفه وهي مولعه من هالبنات !
قررت ترجع تنام حتى تكون متنشطه للدوام المسائي !!
***
*••
***
طلعت من الامتحان بضيق ما تتوقع تنجح !
نفسها تصفق هالدكتوره كفوف على وجهها !
ماتدري من وين تجيب لهم هالاسئله !
طالعت ساعتها بضيق باقي 5دقائق على المحاضره الثانيه !
تحس نفسها مو قادره تفتح عيونها من النعاس !
توجهت للقاعه وجلست بالمقاعد الاخيره
وضعت كتبها وحطت راسها فوقهم وغمضت عيونها تغفي لو 5 دقائق تريح نفسها شوي !
تسمع صوت الازعاج والبنات من حولها
بس مو قادره تفتح عيونها !
النوم كان مسيطر عليها !
تحس احد يهز بكتفها اكثر من مره
اضطرت ورفعت راسها وهي مو شايفه من النعاس !
البنت برقه : ما في اليوم محاضره !
في ندوه بقاعه «....» رح تلقيها المحاضره شروق.. والحضور اختياري
هزت راسها ساره بالرفض ورجعت تغط بالنوم !
تحس رقبتها اوجعتها من النوم بهذي الطريقه !
رفعت راسها وهي تتحسس رقبتها
ناظرت المكان واستغربت انه فاضي !
سرعان ما تذكرت كلام البنت !
فتحت عيونها بتذكر وبإحباط ما عندها اليوم محاضرات الا الامتحان!
عقلها اليوم طافي جالسه بالقاعه تنتظر محاضره باكر !
همست بنعاس : غبيه !
انا محاضراتي يا دوب احضرهم !
ضيعت ساعه على الفاضي !!!
وقفت وهي تلم حاجياتها وبعدها طالعت ساعتها
يا دوب تلحق على شغلها الثاني!
**
**

ام الوليد تلوم فيها خايفه ترجع ساره ويرجعها عبدالله وتكون ضره لابنتها: الحين وش استفدتي يوم علمتي ابو راكان ؟!
ام محمد بخبث : خليه يروح يشوف ابنة اخوه وين طست !!
ام ماجد بقهر من عمتها : على بالك عمي ابو راكان اهتم ؟!
الظاهر حتى ما فكر بالسالفه !
وللحين مصمم ما تدخل بيته هالساره
ومتبري منها !
يعني حركتك ما لها داعي !!
ام محمد بنغزه : قولي انك خايفه عبدالله يرجعها لذمته
ام الوليد : اصلا عبدالله ما يقبل يجيب الضره لشروق !
بلاك ما تشوفين كيف متعلق فيها !
لو يطلع بيده ما تغيب عن عينه من كثر ما يحبها!
ام محمد بخبث : بلاك ما تعرفين الرجال !!.
تراهم يحنون للأولى!
وخاصه انه خطب ساره بنفسه !
ولما طلقها كانت لحظة غضب !
يمكن للحين يعض اصابعه ندم انه فرط فيها !
ام ماجد انقهرت من كلامها : وليه يندم عبدالله؟!
تراه ما احد جبره على طلاقها !!
واختي ما شاء الله عليها ما يعيبها شيء !
ام محمد بنغزه : ينقصها الطول !
تراها مو طويله مثل ساره!
ترى عبدالله ما طير عقله الا طولها
والبنت الشهاده لله حلوه وما يعيبها شيء !
لو قارنتي شعرها بشعر شروق ما في مقارنه !
ساره سبحان إلي خلق شعرها
اسود وطويل وناعم !
اما اختك صحيح طويل بس مو بنعومة شعر ساره !
ام ماجد بقهر من كلامها : ما اذكر انك تمدحينها !
طول عمرك تذمين شكلها !
الحين صارت زينه !
ام محمد حطت رجل على رجل بأريحيه : صحيح طول عمري اذم شكلها وللحين اذمها لاني اكرهها !
لكن انا اقول لك هالكلام من نظرة الناس لها !
ام الوليد تنهي الموضوع : عبدالله متأكد منه مستحيل يناظر غير شروق !
لو كانت ملكة جمال العالم !
وبعدين اذكر شفتها مره هالساره
اقل من عادي !
بناتي احلى منها !
ام محمد بصراحه : خلينا واقعيين !
نوره زوجة عزام احلى شيء
اما باقي البنات عندك عاديات واقل من عادي !
ام ماجد رفعت حاجبها بحده : مو عاجبينك يا عمتي !
ام محمد : يا ام ماجد انا ما اذمك انت واخواتك
بس اقول انكم عاديات من ناحية الجمال بس اطلعي نوره !
ام الوليد ابتسمت بهدوء : صادقه !
هي نوره إلي تميزت بالجمال
اما باقي بناتي عاديات بس شهادتهن واخلاقهن وادبهن زادهن جمال
وتميزن على اغلب البنات !
ام محمد بتأكيد : بالضبط يا ام وليد !!
**
***
**
طالعت ساعتها بضجر بقى ربع ساعه
وتغادر المحل وتتوجه للمستشفى !
جلست صاحبة المحل عندها وابتسمت لها : الله يعينك يا ابنتي على هالضغط !
ساره بهدوء : ربك بفرجها !
بعدين انا اشتغل هنا يوم بعد يوم وساعات محدوده
وايام دوام الجامعه ما اشتغل الا بالمستشفى !
واليوم حاله اضطراريه عندي امتحان !
صاحبة المحل : الله يوفقك !
ليه ما تشتكين على طليقك وتطالبي بنفقه للبنات
على الاقل يخفف عليك من هالمصاريف !!
ساره تنهدت وبداخلها تردد «خلي الطابق مستور»:يا خالتي تراه مجنون والحين تلاقينه يدور بالشوارع
مو لاقي يصرف على نفسه!
من وين يصرف على البنات !!
هزت راسها بتأييد : صادقه !!
يبغى احد يصرف عليه !
وقفت ساره لما شافت حرمه دخلت المحل !!
اقتربت من الحرمه وبهدوء : اقدر اساعدك !!
الحرمه وهي تناظر داخل المحل : ابغى فستان لطفله بعمر سنتين !
هزت ساره راسها بتفهم وبدأت تساعدها تختار !
بعد ما اختارت توجهت ساره تحاسبها
دخل المحل بهدوء وتوجه لزوجته بهدوء : ان شاء الله لقيتي ؟!
بابتسامة بانت بعيونها من تحت النقاب : ايه تعال حاسب !
واشرت على صاحبة المحل !
عزام بهدوء : كم الحساب ؟!
اخبرته نوره زوجته وتوجه لصاحبة المحل يحاسب !
طلع الفلوس ومدهم بهدوء ؛ تفضلي اختي !!
جالسه ساره على جنب
رفعت نظرها وحست بالصدمه لما شافته !
حاولت تكون طبيعيه وما تظهر شيء! بعد ما طلع غمضت عيونها
وهي تستذكر شكله !
متغير شوي بس ملامحه نفسها ما تغيرت!
حمدت ربها انها تغطي وجهها حتى ما يعرفها احد!
وما ناظر لجهتها
مو لشيءبس ما تبغى تحتك فيهم او تشوفهم
خلاص كل شيء بينهم انتهى !!!
ناظرت ساعتها وقررت تطلع بعد ما خلص دوامها !
غادرت وهي تفكر بنفسها !
تذكر لما كانت تشوف عزام قلبها يرجف من الخوف !
وتخاف ترد له الكلمه !!
كانت ترد لها الروح بشوفته وتفرح كثير !
اما الحين !
ولا كأنها تعرفه !
ولا يهمها امره ولا فرحت بوجوده !
تبدلت المشاعر إلي بداخلها
وتحولت من محبه الى كره
من بعد ما خذلها لما استنجدت فيه ...انطفت محبته من قلبها !
من بعد ما طقها ..... حذفته من قاموس حياتها !
صار ما يعني لها شيء !!
طلعت من المول بهدوء تبحث عن سياره اجره تأخذها للمستشفى!!
*
*
*

Like
بنت و أم صالح معجب بـردك .
رد مع اقتباس إقتباس متعدد لهذه المشاركة الرد السريع على هذه المشاركة

  #314   أضافة تقييم إلى لامارا   تقرير بمشاركة سيئة 
قديم 10-11-17, 11:41 PM
الصورة الرمزية لامارا
لامارا لامارا غير متواجد حالياً
مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام

في المستشفى
سعديه جلست جنبها بضجر : يقولون المدير الاصلي رجع اليوم !
طالعتها ساره بلامبالاه : ليه ذاك المدير الغبي بديل ؟!!
ونائب المدير الملقوف وش وضعه ؟!
سعديه بحماس: المدير كان مسافر لسنوات وحط هذا المدير بديل عنه والحين رجع مع مدير قسم الجراحه
تدرين انه
قاطعتها ساره بعد ما مطت شفتها بقرف: ما ادري احس كل هالدكاتره هنا داخلين بالواسطه وما يفهمون شيء !
وبالأخص إلي اسمها «مها »
سعديه كشت عليها : تراك غبيه وتشوفين الناس اغبياء مثلك !
تراها هالدكتوره إلي مو عاجبيتك حصلت على
قاطعتها ساره بنرفزه : فكيني من سيرتها !
سعديه باندماج : اوكي !
بس احب أنبهك ترى يقولون عن مدير قسم الجراحه حازم وعصبي ويحب الكل يقوم بشغله مثل النحل !
ساره بطفش وتعب : يدفع فلوس علشان نصير مثل النحل !
سعديه كشت عليها: انت وجه نحله !
انت دبور وكثير عليك !
أصلا يقولون اكره ما عليه يشوف احد جالس وما يشتغل !
ساره بملل : دامك عارفه طبعه ليه جالسه ؟!
ليه ما تحومين بالمستشفى مثل الصخله
اووه قصدي مثل النحله وتنظفين !
خزتها سعديه بقوه : اولا والله إنك قاصده كلامك !
بس رح امشيها بمزاجي !
إذا انا صخله فحضرتك اكبر ناقة !
ثانيا صحيح سمعت عن طبعه الحاد
بس ربي بلاني بزميله عجوز تبغى طول وقتها جالسه !
وانا صرت مثلها !!
ما
قاطعتها ساره بجديه : وش رايك نروح للمدير الجديد ؟!
سعديه دق قلبها بخوف كيف تقابله بعد الوصف المخيف عنه : ليه ان شاء الله ؟!
ساره ابتسامه باهته: نتحمد له بالسلامه
سعديه إلتصقت بالكرسي : لا يا اختي انا ما اضمن لسانك الطويل
اخاف تغلطين من هنا ويطردك من هنا !
واكيد رح يطردني معك من باب المساواه !
طالعتها ساره باستصغار من خوفها
وتركتها وهي تمشي بملل من هذا المستشفى !!
***
***
***
تمشي باسياب المستشفى بهدوء
وعقلها شارد تفكر بالمستقبل
قدامها شوط كبير حتى تحقق اهدافها !
اول هدف رح تحققه
تكمل دراسه الطب وكذا تكون نفذت وصية نادر لها تكون دكتوره !
مع انها بداخلها مو حابه هالتخصص وما تبغاه بالذات بعد ما قابلت د.مها
كرهت الطب لاجلها !
توجهت لقسم الجراحه بهدوء
ولفت نظرها دكتور ومعه مجموعه من المتدربات !،

ناظرتهم بهدوء رح ييجي يوم وتكون مكان هالمتدربات !
لفت وجهها وقررت تشوف مكان تغفى فيه شوي
النعاس ذبحها !!
توجهت للغرفه المخصصه لهم واستلقت على الأرض بتعب !
غفت عيونها للحظات سرعان ما جلست مفزوعه من زميلتها إلي هزتها بطريقه مفزعه : قومي قومي
المدير قالب الدنيا برا صراخ علينا !
عفست ساره بضجر وبداخلها «الله يأخذك انت والمدير »
_ فزي بسرعه اقولك معصب !
مسكت ساره نفسها قبل ما تعطيها كم طراق على وجهها!
_ الحين اقول للمدير انك رافضه تيجين !
طنشتها ساره وهي عافسه ملامحها بنعاس !
متى تتخرج وترتاح من هالقرف !
نفسها تنام نومه طويله !
عدلت النقاب والنظارات وتوجهت بكسل تشوف اخرتها مع هالمستشفى المتخلف !!
**
**
**
كان صوته يرعد بصالة الانتظار وبحده : وقسم بالله لو اشوف اهمال بنظافة المستشفى الا يكون لي تصرف ما رح يعجب أي احد !!
وش هالقذاره إلي اشوفها بالمستشفى هنا ؟!!
حنا نعطيكم رواتب لطق الحنك والسوالف والضحك !
اشر لساره المتوجه لهم بكسل : وحضرتك تبغين عزيمه حتى تشرفين لهنا !!
ساره بنفسها «اقول طير يا شيخ عامل نفسك ابو النظافه »
وقفت مع زميلاتها بهدوء تشوف اخر هالمهزله !!
تابع كلامه بحزم : الحين ابغى اشوف الكل يفر بالمستشفى وينظف !
ذرة غبار ما ابغى اشوف !
حتى الجدار ابغى ينمسح كل يوم !
الحين اشوف المسؤوله عنكم تقسم الشغل بينكم !
مين اليوم نظف قسم الجراحه؟؟؟ !
كانت مستنده على الجدار وغفت شوي حتى يكمل محاضرته السخيفه بنظرها!
سأل مره ثانيه بحده لما ما سمع جواب : انا اسال مين نظف اليوم قسم الجراحه !!
_ ام سوار _ ايه _ام سوار !!
كانت الإجابات هذي وصلت لمسامعه
وبصوت حازم : وينها ام سوار ؟!!
كانت ساره غافيه ومو داريه عن العالم ؟!
انقهر من سكوتهم وبحده: وينها ؟!
اشروا على ساره بخوف من هالمدير !
عصب لما شافها نايمه لذي الدرجه مستهتره فيه ؟!
خزتها سعديه بخصرها !
فتحت عيونها بصعوبه وتناظر حولها
ثواني واستوعبت المكان
وبنفسها «هذا للحين بعده يغرد »
تقدم مدير القسم لجهتها : حضرتك نايمه !!
ليه القسم قذر كذا ؟!
ناظرت حولها تستوعب هالهجوم «اللهم سكنهم مساكنهم »
علامه هالمدير مندفع من اول يوم ويعاملهم كذا ؟!!
مطت شفتها لما تركها وتحرك خطوات مبتعد عنها : اعتبروا هذا انذار لكم !
والحين الكل يروح لشغله !
ابغى المستشفى يلمع من النظافه !
مطت ساره شفتها بقرف وبنفسها «يا ثقل دمك !! والله ما أعيد تنظيف شيء ...من زين هالراتب ....الحين راجعه انام ..وإلي مو عاجبه ينتف حواجبه »
سعديه اقتربت من ساره وبهمس : قلت لك هالمدير عصبي وما ينطاق !
نقزت سعديه على صوته : كل وحده تشوف شغلها بدون كلام !
ابتسمت ساره براحه لما شافت سعديه ابتعدت عنها !
وتوجهت لنفس المكان تكمل نومتها

**
**
**
**
جالسين كالعاده بالصاله !!
ام عمار بعدم تصديق : من عقلك تتكلم ؟!
عمار بجديه : وش فيك مستغربه يا يمه!!
مهما صار تراها اخت ابوي وانا اولى فيها !
ام عمار بقهر : اول شيء لاقيها بعدين قول هالكلام !
ام راكان باستبعاد : ما اتوقع ساره تقبل تعيش عندك !
عمار كتم غضبه : غصب عنها تعيش عندي !
يكفي السنين إلي طافت !
ام عمار بسخريه للموضوع : اذا لقيتها وين رح تعيش عمتك ؟!
لفظت اخر كلمه بابتسامه ساخره !!
عمار بتفكير : رح تعيش مع جدتي ام محمد وانا معهم!
ام عمار قلبت وجهها بغضب : عمار لا تجلطني بكلامك !
انت ما لك دخل فيها !
يكفي إلي وصلنا بسببها !
ام راكان بانتقاد: وبعدين معك ؟!
تراها عمته ومسؤول عنها ؟!
الشاطر رافع يده عنها وما يبغاها !
لو قدر ربنا وصار شيء مو زين تراها بإسمكم !
وعيال الحرام كثير ما رح يتركونها بحالها وهي بنت لوحدها !
وصغيره بالعمر ما تتحمل مسؤوليه لوحدها !
عمار بقهر ما قدر يكتمه : وانا هذا إلي قاهرني !!
بعدها بزر صغيره واخاف اي احد يضحك عليها بكلمتين !
اناعلى بالي انها متزوجه تفاجأت لما قالوا مطلقه !
ام راكان بتأييد : صادق يا عمار
تراها بعمر نسرين بنت خالك ابو عزام !
مطت شفتها ام عمار مو عاجبها هالكلام وبداخلها تدعي انه ما يلاقيها !!!
***
**•
***
***
جالسه ام ماجد في بيت اهلها ومندمجه بالسوالف !
ام محمد باستغراب : ولدك المهبول متى ناوي يرجع ويتزوج ؟!
ام ماجد بقهر : اخخخخ من هالولد رح يجلطني !
لا والمشكله ابوها تكلم مع ابو ماجد يقول عيال عمها معترضين على هالزواج !
يقولون وش هالخطبه 5 سنوات !
وهو غريب ما يصير يربطها طول هالسنين ؟!!
ام محمد هزت رأسها : وهم صادقين !
ام الوليد : وانا قلت لك اهلهاما رح يسكتون !
تراه مو ولد عمها يتركها طول هالمده !!
ام ماجد بقلة حيله : وش يطلع بيدي ؟!
المشكلة اتصلت فيه وخبرته عن عيال عمها !
قهرني برده يقول : اتوقع يدلون طريق المحكمه إلي مو عاجبه يروح يطلقها !!
ام الوليد : تراه مو صاحي !!
والله انا اقول خطيبته عسل !
ما شاء الله عليها ...لسانها حلو !
ام ماجد بإعجاب : والله ما يستاهلها ...ما شاء الله عليها فوق كذا متفوقه بالدراسه !
ابو ماجد يقول انها حصلت على تكريم اكثر من مره !
ما شاء الله ذكيه ويتوقع لها مستقبل باهر !
ام محمد : فوق هذا تطيح الطير من السماء !
ام ماجد : ايه ما شاء الله !
انا اكثر شيء يعجبني فيها الصراحه !
صريحه جدا وما هي من النوع المنافق إلي تلاقيك بلسان حلو ومن خلفك ما تخلي طابق مستور !
إلي ما يعجبها تقول مو عاجبني بكل ادب واحترام !
والله ابو ماجد طاير فيها !
يقول ما احد عنده كنه مثلها !!
وبالجامعه رافعه راسه ويفتخر انها خطيبة ولده !
ام الوليد : الله يحفظها ان شاء الله !
بعض البنات يرفعون الراس !
ام ماجد ابتسمت لامها : شفتي يمه هذي عائشه بنت ومع كذا رفعت راس اهلها !
يعني ما هو شرط بس العيال يرفعون الراس !
ام وليد مطت شفتها : من يومي ما احب البنات !!
ام محمد ابتسمت بتذكر: تتذكرين يا ام وليد لما خلفتي البنات كيف ينقلب وجهك اسود !
ام ماجد رفعت حاجب : لما خلفت شروق البنت وش عملت فينا ؟!
ام الوليد مطت شفتها بقرف : انا لو اسمع حرمه بالاخبار جابت بنت انقهر واتضايق !!
كذا طبعي !
ام محمد بوجع : بنت او ولد ما تفرق !!
شوفي حالي طلعت من هالدنيا
لا بنت ولا ولد !!
حالي حال العقيم إلي ما عندها عيال !!
قليلات الحياء بنات خلف ما يكلموني وعاملات حزب مع ام عمار
الله يرضى عليه عمار احسن واحد بالاحفاد يزورني ويتفقدني !!
ام وليد بلوم : الحق عليك ما ربيتي عيالك !
قضيتي حياتك لاهيه بصديقاتك وابو محمد طول وقته برا البيت !
وعيالك كان اخر همك !
ما اهتميت فيهم !
شوفي الحين النتيجه !!!
ام محمد هزت راسها بوجع : لا تلوميني الحين !!
وش يفيد الندم ؟!

**
**
**
**
جلست بالقاعة بملل ماتدري هالايام صايبها فتور مو طبيعي،!
من ضغط العمل والدراسه تحس بداخلها كبت ما تدري كيف تفرغه ؟!
نفسها تكون بصحراء ومكان فاضي وتصرخ بأعلى صوتها يمكن بذي الطريقه تفرغ هالكبت !
زفرت بضيق وهي تذكر نفسها بالاستغفار
لزوال الهموم وللرزق بس مشكلتها الدنيا ألهتها بالمشاغل !!
ضربت على جبهتها بالخفيف لما تذكرت عندها بحث ولازم تسلمه اليوم اخر موعد !!
كيف نسيته ؟!!!
زفرت بإحباط ما تتوقع الدكتوره تقبل تمدد الفتره !
طالعت الدكتوره وهي داخله وسرعان ما فز قلبها ودقاته صارت مثل الطبول لما تذكرت اوراق الامتحان !
اليوم اكيد رح تعطيهم الاوراق !!
اخذت نفس تحاول تنظم دقات قلبها !!
انقهرت لما قالت الدكتوره : توزيع الأوراق اخر المحاضره !!
وش يصبرها لاخر المحاضره !!!
مر وقت المحاضره ثقيل على قلب ساره !
ما عادت تتحكم بدقات قلبها لما بدأت بتوزيع الاوراق !!
وقفت بتثاقل لما نادت اسمها !!
تقدمت بخطوات بطيئه واخذتها بدون ما تناظر الورقه !
جلست مكانها وما عندها الجرأه تفتحها !!
اخذت نفس عميق تقوي نفسها !
وقلبت الورقه بتردد
وسرعان ما حست الدم نشف بعروقها !!
ما توقعت ترسب بالامتحان !!!
بدأت الدموع تتجمع بعيونها
ما عندها وقت للدراسه !!
بعد رجوعها من المستشفى تجلس تدرس !!
تعبت من هالضغط !!
رفعت نظرها للدكتوره إلي تكلمها : اعطيني ورقتك!
وقفت ساره بإحباط وتوجهت للدكتوره ناولتها الورقه !
_ خذي هذي ورقتك خربطت
سحبت ساره الورقه الثانيه بدون اهتمام لتبريرات الدكتوره
وسلطت نظرها على العلامه !
تنهدت براحه ناجحه !
وسرعان ما نقز قلبها ورجعت تشوف الاسم وتتأكد انها ورقتها !
ضمتها لصدرها براحه لما تأكدت انها ورقتها
وهمت بالرجوع بس وقفت على كلام الدكتوره : ساره ما سلمتي البحث ؟!!
طالعتها ساره بضيق : نسيته!
الدكتوره بتساهل : المحاضره الجايه اخر موعد لتسليم البحث اليوم مشغوله وما عندي وقت آخذ شيء !
تنهدت براحه ساره وتوجهت مكانها وهي تردد بهمس
«اللهم لك الحمد والشكر »
جمعت اغراضها بعد ما طلعت الدكتوره !
**
**
**
••
**
بعد دوام الجامعه توجهت للمستشفى
توجهت لقسم الجراحه بقرف من هالدوام !
بسبب الشغل نزلت علامتها ومقصره بحق سوار وحور !!
حمدت ربها للحين ما شافت سعديه !
جهزت نفسها وتجهزت للعمل
مرت من جنب مدير قسم الجراحه إلي يتكلم مع المتدربات بكل لطف واسلوب حلو !!
والبارحه صوته كان يلعلع وكأنه بالع مسجل !
والي يقهر البنات مطيحات الميانه ومبسوطات وكأنه ملك من السماء نازل عليهم !!
صدق قليلات عقل !!
كملت طريقها بخطوات هاديه
تجاهلت نائب المدير إلي نادى عليها : ام سوار !
طنشته ولا كآنه يكلمها وتوجهت لشغلها وعقلها بالبحث
كيف تكتبه وكيف رح يكون ؟!
اقرف ما عليها تكتب ابحاث !
وقتها ضيق وما عندها طول بال لذي السوالف !
مشكلتها ما عندها لاب توب تكتب عليه البحث او حتى
قاطعها صوت مدير قسم الجراحه : ام سوار !
رفعت حاجب وبنفسها «عشتو حافظ اسمي مالت عليك » وبهدوء تكلمت: نعم دكتور !
_ تقدرين تنظفين مكتبي الحين!
قطع كلامه وهو يتكلم بالجوال : ايه دقيقه واكون عندك ...لا انا طالع من المستشفى ما عندي شيء الحين ...... مستعد اجلس معك بدل الساعتين ثلاث ...ههه خلاص الحين طالع !!
ابتسمت ساره بخبث واخيرا جاءت لها فرصه !
بعد ما غادر بسرعه توجهت لمكتبه !
دخلت بهدوء وتوسعت ابتسامتها
لما شافت اللاب توب وبسرعه توجهت له وهي تدعي ما يكون عليه كلمة سر !
فتحته واختارت اليوزر بدون كلمة سر
تصفحت الجهاز وشعرت بالراحه لما شافت موسوعه علميه تقدر تختار اي كتاب تبغاه
وفوق هذا فيه طابعه بالمكتب !!!!
بدات بالبحث وهي تدعي ربها انه مدير القسم يتأخر ساعات !!!
***
***
**
***
اخذت شنطتها واتصلت على سعديه تجهز نفسها !
تحس نفسيتها فوق الريح اهم شيء جهزت البحث !
طلعت وناظرت حولها باستغراب د. مها ما شافتها اليوم !!
رددت بداخلها «عساها طردها المدير الجديد »
اشرت لسعديه وسبقتها خارج المستشفى !
***
***
في اليوم الثاني طلعت من المول قاطعها رنين الجوال
ردت بملل لما شافت اسم سعديه: نعم !!
سعديه برجاء : اشتري لي وجبه من مطعم «....»
ساره بضجر : باحلامك !!
سعديه شوي وتبكي : والله نفسي فيه الكل يتكلم عنه وابغى اذوقه !!
ساره بطول بال: انت تعرفين اسعاره
قاطعتها سعديه : ادري انت ما عليك،!
ساره باستسلام : طيب وش تبغين ؟!!!
**
***
***
***

اخذت الطلب بهدوء وتحركت خارج المطعم
رفعت نظرها وتجمدت عيونها للحظات وهي تشوف عزام !!
ما تدري وش يعمل هنا ؟!!
وجهت نظرها للشخص إلي واقف معه ويضحك !
ما تنكر انها عرفته و يا ليتها ما شافته !!
وكأن الماضي يتراقص قدامها الحين !!
تركوا لها ذكرى أليمه مستحيل تنساها !
صحيح نسيت الماضي وطوت الصفحة بس مستحيل تنسى وش عملوا فيها !!
من لما شافتهم تجدد الكره والحقد إلي بداخلها !!
تابعت خطواتها بهدوء وهي تخمد بالكره والحقد إلي يسري بعروقها بقوه !
ضغطت على قبضة يدها
وهي تسمعه يتكلم : هههه والله ندى نشبت فيني تبغى الالعاب تقول عيال عمي عزام رايحين للالعاب !
اخذت نفس بهدوء اكيد ندى ابنته !
طلعت خارج المطعم وقفت بهدوء وهي تناظر السماء وتكلم نفسها :« مايهموني ابدا !! يا ربي اكرهم وما رح اسامحهم ... رح اثبت للجميع اني قادره اكمل حياتي بدونهم ورح يكون لي مكان بالمجتمع وما احتاج احد منهم !!!»
وقفها صوته من خلفها : اشوفك تسرحين وتمرحين على كيفك !!!
إلتفتت بإستنكار وبهمس مسموع : عزاااام!
اقترب منها وبسخريه : و كبرنا وما عدنا نقول عمي عزام !
عفست ملامحها بكره لما لمحت إلي واقف خلفه والظاهر مو فاهم شيء!
تحركت ناويه تتركهم لانه بنظرها ما يستحقون تتنازل وتكلمهم !!
انقهر من حركتها ومسكها من زندها : انا اكلمك وقفي بإحترام وكلميني!!
حاولت تفك يده وبحده تكلمت : عزام فك يدي قبل ما ألم الناس عليك !
ضحك عزام بسخريه : اخص يالقويه !
وصرنا نهدد !!
وباستمتاع : وريني وش يطلع بيدك اشوف !!
تفاجئ بالصراخ : إلحقووووووني،
ساعدوني ..فكنيييييييييي ...ساعدوني
ثواني إلتم الناس حولها !
سحبت يدها منه بقوه وهي تشوف ملامحه إلي بهتت من هالموقف !!
طالعت الرجال : ساعدوني يبغى يخطفني !
استغلت فرصه انشغال الرجال مع عزام وبسرعه هربت للشارع
وقبل ما تطلع سياره الاجره في يد سحبتها بقوه ...

يتبع يوم الجمعه القادم بإذن الله ...دمتم بخير : )

**
**
**
**

Like
بنت و أم صالح و رسيل الوردمعجب بردك .
رد مع اقتباس إقتباس متعدد لهذه المشاركة الرد السريع على هذه المشاركة

  #315   أضافة تقييم إلى roooa   تقرير بمشاركة سيئة 
قديم 11-11-17, 12:13 AM
الصورة الرمزية roooa
roooa roooa غير متواجد حالياً

يمه ي جمال البارات ماتوقعت ان ساره كملتً دارستها ايوه خليك كدا ي شيخه
اتوقع الي مسكها عبدالله 👊🏻
ايش يصبرني للجمعه 😭

Like
رد مع اقتباس إقتباس متعدد لهذه المشاركة الرد السريع على هذه المشاركة

  #316   أضافة تقييم إلى sandi1   تقرير بمشاركة سيئة 
قديم 11-11-17, 02:27 AM
الصورة الرمزية sandi1
sandi1 sandi1 غير متواجد حالياً
نجم روايتي

بارت حلو
تسلم يدك
طلع توقعي صحيح انو ساره تدرس بالنهار
معقول حور وسوار بناتها او متبنيتن يا ريت تتوضح هالنقطه
احس لسه في غموض
القفله خطيره يستاهل عزام
اتوقع عبدلله الي مسكها

Like
رد مع اقتباس إقتباس متعدد لهذه المشاركة الرد السريع على هذه المشاركة

  #317   أضافة تقييم إلى روجا جيجي   تقرير بمشاركة سيئة 
قديم 11-11-17, 05:36 AM
روجا جيجي روجا جيجي غير متواجد حالياً

عجبتى جداً انك خليتى ساره تكمل تعليمها
كنت مقهوره عليها البارت اللى فات انها بتنظف
وبخمن ان البنتين دول اولاد نادر
من الواضح انها اطلقت وعاشت عند نادر من غير محد يعرف علشان خلف ميجوزهاش تانى

Like
رد مع اقتباس إقتباس متعدد لهذه المشاركة الرد السريع على هذه المشاركة

  #318   أضافة تقييم إلى soman   تقرير بمشاركة سيئة 
قديم 11-11-17, 09:21 AM
الصورة الرمزية soman
soman soman غير متواجد حالياً

حيوا حيوا ساره👏👏
البارت يجنن يجنن ...رووعة
فرحت كثير لما قلتي انه ساره تكمل دراستها وبعد فالجامعه
اتوقع البنات يكونن بنات نادر بس مها ليش مختفيه؟؟ والظاهر أنها تخفي هذا الشيء و الناس تضن أنهن بناتها
اتوقع اللي مسكها يكون عبدالله. ...
أخص بنشوف ساره القويه وش بتساويبه 💪👊
سلمت الأنامل التي خط بها القلم ولك مني أكبر تحيه على هذه الأحداث الساخنه👏👏
يالله وش بيصبرني إلى الجمعه متحمسة من اليوم
يالله يارب يكون البارت طويل 🎃
شكرا لمارا على النقل🎁

Like
رد مع اقتباس إقتباس متعدد لهذه المشاركة الرد السريع على هذه المشاركة

  #319   أضافة تقييم إلى ام عبوديي   تقرير بمشاركة سيئة 
قديم 11-11-17, 12:53 PM
ام عبوديي ام عبوديي غير متواجد حالياً

ارجو ياكاتبتناالغالية يكون البارت قبل الجمعة وطويل

Like
رد مع اقتباس إقتباس متعدد لهذه المشاركة الرد السريع على هذه المشاركة

  #320   أضافة تقييم إلى زهرة الغردينيا   تقرير بمشاركة سيئة 
قديم 11-11-17, 01:50 PM
زهرة الغردينيا زهرة الغردينيا غير متواجد حالياً
نجم روايتي

السلام عليكم ورحمة الله وبركاته
سارة بدأت بتنظيم حياتها بين المدرسة و العمل فى المحل و
المستشفى و تربية الاطفال.
الأطفال ليسوا اطفال سارة بل أيتام قررت رعايتهم.
الآن يريدون أن يعيدو سارة لحياتها السابقة و يظلموها من
جديد.
أعتقد عبدالله هو من أمسك سارة.
شكرا على البارت
بإنتظار البارت الجديد 😍

Like
رد مع اقتباس إقتباس متعدد لهذه المشاركة الرد السريع على هذه المشاركة

إضافة رد
صفحة 32 من 185« الأولى<2230313233344282132>الأخيرة »

*=== (( ما يلفظ من قول إلا لديه رقيب عتيد )) ===*

الرسالة:

الصندوق الماسي الخامس - Massy Version 5
خيارات
إقتباس المشاركة في الرد؟

« الموضوع السابق | الموضوع التالي »

أدوات الموضوعإبحث في الموضوع
مشاهدة صفحة طباعة الموضوع مشاهدة صفحة طباعة الموضوع
أرسل هذا الموضوع إلى صديق أرسل هذا الموضوع إلى صديق
الاشتراك الإشترك في هذا الموضوع
إبحث في الموضوع:

البحث المتقدم
انواع عرض الموضوع
العرض العادي العرض العادي
العرض المتطور الانتقال إلى العرض المتطور
العرض الشجري الانتقال إلى العرض الشجري

الساعة الآن 10:42 AM

-- Rewity_Orginal_1
Copyright © 2015