رواية اقدار الفصل الثامن والعشرون 28 - بقلم امي احمد

انتفخ وجه مها بغضب كيف جدتها تصرخ بوجهها كذا بسبب ساره
وبكل غضب وحقد وكره استقرت يدها على خد ساره بكل قوة ..وهي تنطق بقوة: اعتبريه سداد الدين
تقدمت أم فهد بإنكار : مها وش هالتصرف !
كيف تمدين يدك عليها !
مها والدخان يتصاعد من رأسها: مو تقولون خالتي ما أحد يتدخل بيننا !
تقدمت منها أم سالم وهي تهز رأسها بعدم رضى
وقفت مقابل مها بالضبط وسرعان ما استقرت يدها على خدها بكل قوه : هذي تربية أبوك تمدين يدك على زوجة عمك !
ما أسمح لك تهينين أحد في بيتي تفهمين وإلا لا !
مها للحين مو مستوعبه جدتها تضربها ؟!
طول عمرها الحفيده المدلله وكل الاحترام لها !
كذا بكل بساطه وتضربها !
علشان ساره !
ساره إلي ما تسوى فلس واحد !
وبصوت مغبون مقهور نطقت : تضربيني علشان هذي ؟!
ام سالم وصدرها يرتفع ويهبط من الغضب : واكسر رأسك !
على بالك العالم سايب !
والحين تعتذرين من خالتك قدام الكل !
وأشرت على ساره إلي واقفه مثل الصنم ويدها على خدها مو مستوعبه الموقف !
مها من الكيد والقهر إلي بقلبها بدأت تبكي وبغضب نطقت : والله ما أعتذر من هالزباله !
طب الجره على ثمها تطلع البنت لأمها!!
روحي فتشي عن ماضي زوجة ولدك وبعدها تعالي دافعي عنها !
خلها تكلمك عن هزاع الي بالقرية
قاطعتها أم سالم بصرخه غاضبه : ولا كلمه !
ضربت مها الأرض بقوة وأخذت أغراضها وطلعت بعد ما شدت بمشيتها!
تنهدت أم سالم بقهر... وطالعت ساره الي يتلبسها السكون وتراقب بصمت: أنا أعتذر بالنيابه عنها ...وحقك علينا !
لفت ساره نفسها بهدوء وهمست بصوت حاولت يكون هادئ: مسموحه
وتركتهم وتوجهت لجناحها !
قفلت الباب وأسندت رأسها على الباب
وتناظر السقف بهدوء وبداخلها نار بدأت تشتعل ...تلوم نفسها المفروض مسحت فيها الارض وطلعت كل حرتها فيها .....ليه ما كان لها أي رد فعل !
ليه انتظرت أحد يأخذ حقها !
ليه ما أخذت حقها بيدها ؟!
ليه ضعفت اليوم وسكتت عن حقها !
شيء بداخلها أرغمها على السكوت حتى تشوف رد فعل من حولها !
توقعت يوقفون مع مها ضدها !
تفاجأت من موقفهم بصفها !
حتى أم فهد انكرت على مها بموقفها !
غمضت عيونها للحظات وسمحت للدموع وهي تهمس : يا الله !!!
لو وقف عمها أبو راكان نفس موقف أم سالم وكان مع الحق
ما كان حالها كذا !
ما رح تكون مجروحه منه هالكثر !!
هز أذنها اسم هزاع !!
غمضت عيونها لثواني وهي تدعي من قلب على خالتها أم محمد ما خلت أحد إلا وفضحتها عنده زور وبهتان.. نطقت  بغصه: حسبي الله ونعم الوكيل فيك .....
جلست على الارض بشويش وأسندت رأسها على الباب وبداخلها تصرخ
متى تستقر ؟!
ليه بداخلها جرح ما هو راضي يطيب !
ليه يسكن بداخلها حزن عميق !
معقول يستقر وضعها مع مجنونها !!
للحين ما جلسوا جلسة مصارحه !
ما خبرها كيف كان مجنون !
ولا هي خبرته بحالها بعد ما تركها !
كل واحد محتفظ بماضيه بقلبه !!!
***
***
**
**
فاطمه بإعتراض : والله يا جدة ما يصير مها تعمل كذا !
ديما بتأييد : أحسها تكره ساره ليه ؟!
أحد يكره خالته ؟!
مع إنها ساره حبوبه وطيوبه وللحين ما شفنا عليها شيء !
ام سالم بحزم : خلاص قفلوا السالفه !
فاطمه للحين متضايقه : كسرت خاطري ساره ...لو مكانها أكسر مها تكسير !
ام فهد بضجر :فاطمه خلاص !
ما مليتي هالسالفه !
فاطمه عفست ملامحها : ما مليت لأني للحين مقهوره من مها !
ام سالم رفعت حاجب : وين سلوى ؟!
ديما جالت بعيونها المكان : بسم الله !
كانت هنا !
وبشهقه : اكيد راحت تنشر الخبر وأولهم عمي أبو فهد !
**
**
**
**
**
في اليوم الثاني
الصباح للحين بالدوام وما رجع للبيت جالس بمكتبه يسمع ثرثرتها أكثر من نصف ساعه وما نطق ولا بحرف !
زفرت بقهر: وهذي كل السالفه !
طالعها لثواني وبعدها رد بنبره أرعبتها : وصلتني البارحه أخباركم !
لكن حبيت بالأول اسمع منك وبعدها أحكم !
لكن قبل كل شيء
أعطاها نظره قويه وهو ينطق بقوة:«لو كان الغلط كله على زوجتي والكل شهد معك إنها الغلطانه ....
ما أسمح لك تمدين يدك عليها لأني رح أكسرها لك !
سواء انت أو هي !
ما أسمح بحركات الصيع في بيتنا !
زوجتي غلطت عليك وتعدت بالكلام
كلميني أنا !!
مو تمدين يدك عليها !!
مها بتبرير :يا عمي تراك ماتعرفها تشتغل من تحت لتحت !
تكلم بحده : مها للحين ماسك نفسي !
لا تتدخلين بساره !
واعملي حسابك اليوم تعتذرين من خالتك !
وكمل كلامه بصرامه لما شاف ملامحها المعترضه : ما هو بكيفك إلا غصب عنك !
والحين أنا طالع انتهى دوامي راجع للبيت !

**
**
**
ابتسم لأمه لما شافها جالسه تفطر : صباح الخير يمه !
ابتسمت ام سالم بثقل : صباح الخير ...تعال افطر !
طالع ساعته كانت 6:00ص : أبغى أريح وأنام كم ساعه ما نمت البارحه !
وين البنات والعيال ما عندهم دوام بالجامعه !
ام سالم : بعده الوقت مبكر دوامهم متأخر شوي !
استأذن وتوجه للجناح بهدوء !
توقع تكون نايمه عند التوأم أول ما دخل الجناح استغرب لما سمع حركتها بالمطبخ !
توجه للمطبخ بخطوات ثقيله وقف عند الباب و شافها واقفه تجهز القهوة وبابتسامه : صباح الورد للنشيطين !
كانت تغلي بالقهوة لما سمعت صوته إلتفتت ورفعت حاجب تتأكد إذا كان سكران الحين راجع للبيت !
اختفت ابتسامته وحل مكانها الكشره لما شاف خدها فيه احمرار  بسيط!
تمنى مها تكون قدامه ويصفقها !
ومع ذلك كتم ضيقه ورجع يبتسم: قلنا صباح الخير يا زوجتي العزيزه !
طالعته بدون نفس وبجفاء : تراك مو ملزوم تجامل !
رفع حاجب باستنكار : أجامل ؟!
مطت شفتها : ايه تجامل !
توسعت ابتسامته على تفكيرها وتقدم وجلس بعد ما سحب كرسي وجلس عليه : صدق الحريم ما يجون إلا بالعين الحمراء !
حطت القهوة قدامه بهدوء وملامح ميته : تفضل !
استنشق رائحه القهوه : الله !!
يا زين القهوة من تحت يدينك يا أم فهد !
جلست مقابل له بدون تعليق لانها متأكده إذا ردت ما رح يمر اليوم على خير !..تحس نفسها تقول للشر مرحبا
ارتشف من القهوة وبروقان أول مره تشوفه بهذي الحاله من لما جاءت هنا... نطق  بتساؤل: متى طالعه للجامعه يا رسامتنا !
ردت بدون ما تناظره والكشره مرسومه على ملامحها : ما رح أداوم اليوم!
خزها بجديه : من أول يوم كسل !
أقول تجهزي وعلى الجامعه ما أبغى غيابات من أول فصل !
باكر يقولون زوجة الدكتور
قاطعته بنرفزه من غروره  : ما يهمني أحد
سألها وكأنه جاهل السبب وهو يطالع مكان الكف : علام خدك كذا ؟!
تلمست خدها وحست الحقد تجدد من جديد وحلفت يمين بنفسها إلا تردها لمها أضعاف مضاعفه ...تنهدت وردت على سؤاله بهدوء : يمكن نمت عليه وصار لونه كذا !
هز رأسه وكأنه صدقها : اها !
وبجديه تكلم : وش بينك وبين مها ؟!
وش هالعداوه إلي بينكم ؟!
وقفت بهدوء وهي ترجع خصله من شعرها خلف إذنها : ما في بيني وبينها شيء !
وما أحد يتدخل بيني وبينها !
رد بطريقه استفزتها : الظاهر إنك مدمنه على كفوفها أو بين قوسين نقدر نقول إنك ملطشه الشاطر يفرد عليك عضلاته !
ردت بغضب من كلامه : لا تظن إني سكتت لها ضعف مني .. ترى سكتت لهذي الزفته احترام لخالتي وإلا كان ضربتها مثل ذيك المره بالمستشفى وما يهمني أحد
قاطعها وهو ينهض... أشر لها ولا كلمه وبحده: صوتك هذا ما يعلى وأنا موجود !
تفهمين !
تتكلمين بهدوء وأدب أفضل لك !
خفف نبرته وسأل باستفسار: من جدك ضربتي مها بالمستشفى ؟!
ساره بقوه وهي تتكتف ما تدري من وين جاءت ذي القوة... وطنشت تهديده : ايه ضربتها قدام الدكاتره والمراجعين وكل الناس
قاطعها بغضب تتكلم بكل قوه مبسوطه على هذا الانجاز: ومبسوطه على نفسك ؟!
وش حركات الصيع هذي ؟!
وقسم بالله لو أسمع بحركات عيال الشوارع هذي ما يصير خير !
قلت لك من البدايه تحترمين أهلي
وخلافاتك مع مها ما أبغى أشوفها هنا !
تحترمون المكان إلي أنتم فيه !
طالعته وبدون نفس : قول هذا الكلام للزفته مها الي
بلعت باقي كلامها بعد صرخته : ولا كلمه !
أنا دوبني اقولك احترمي أهلي
وبوعيد : ساره لا تخليني أقلب وجهي الثاني !
خلي هالحياة تعدي على خير !
واتقي شري أحسن لك !
تراك ما تعرفيني !
والحين جهزي نفسك واطلعي مع البنات للجامعه !
ساره بدأت تتنرفز : أنا أقولك ما أبغى أداوم !
حمل فنجان القهوه بعد ما وضع جوالها على الطاوله ..وبتهديد : إذا صحيت ولقيتك بالبيت ما تلومين إلا نفسك !
وهذا جوالك المره هذي سحبته المره الثانيه أكسره !
تركها وتوجه لغرفة النوم !
ضربت الأرض بقهر ما لها خلق للدوام !
وش يبغى فيها تداوم تعطل هذا الشيء راجع لها !
ما له يفرض رأيه عليها !

**
**
**
**
ابو راكان طالع ابو ماجد بعدم تصديق : تشوف إلي اشوفه !
ابو ماجد بتأمل : مستحيل !
طالع أبوه بعم تصديق: كيف يبه ؟!
هز رأسه أبو راكان : ما أدري .. أحس نفسي بحلم !!!
نطق وجسمه يرتجف : احجزلي لذي المنطقه بأسرع وقت احس عقلي ما هو قادر يستوعب !
ابو ماجد شد على يده : انت بخير يبه !
غمض عيونها لثواني وهو يحاول يهدي ضربات قلبه : بخير بخير !
فتح عيونه وبحرص : هالموضوع ما يطلع من هنا إلا لما نتأكد وقتها يصير خير !
**
**
**
ام محمد بغضب قفلت الخط :،أنا رح تجلطني هالأميره !
ما أدري واقفه ضد ابنتها مع سوير الناقه !
وليد بضحكه : بالله يا عمتي لا تقولين ناقه !
ما ادري وين وجه الشبه بينهم ؟!
ابو الوليد خزه : وليد !
ام محمد والنار بقلبها : ام سالم تبغى تعمل لها حفلة !
لكن اذا ما خربتها ما أكون أم محمد !
وإلا هذي الجوكر تطلع متزوجه هالقمر !
وليد خزها بضحكه : اذا عاجبك نزوجك إياه
بلع كلامه لما تذكر وجود أبوه إلي بادله بنظرات ناريه !
ام وليد بهدوء : خالتي أم سالم تمدح فيها وحتى أم وسيم نفس الشيء تمدحها
تقول مؤدبه وهاديه وتجلس معهم دوم وما تكف نفسها عنهم ابدا !
وكأنها فرد من هالعائله !
وليد : الله يوفقها
مطت شفتها بحقد وما عجبها كلامهم !!
**
**
**
ساره بضيق وقفت وتحس بحقد على ابو فهد غصبها تروح للدوام ... نطقت  بقهر: نعسانه !
عائشه بنشاط : وش هالكسل إلي عليك !
المفروض اليوم تكونين بكامل نشاطك وحيويتك بما إنه أول يوم !
ساره وهي تثاوب : متى اتخرج وارتاح قرفت الدراسه !
عائشه مسكت يدها : صادقه متى نكمل دراسه ؟!
الفصل الماضي قرفت الدراسه لأجل الدكتور شاهين والدكتور نواف !
والفصل هذا ما ادري مين يطلع لنا أغلب الشعب غير محدد !
ساره بضحكه : تخيلي يطلع لك هالفصل سعود وشاهين ونواف !
عائشه مدت بوزها : حرام عليك يكفي تقديري إلي نزل بسببهم !
تدرين الدكتور شاهين يتحدى الطلاب أحد يحصل علامه عنده !
وإلا سعود وقسم بالله يقهرون !
تابعت خطواتها ساره وأشرت على مقعد تحت الشجره : المشكله مو بالدكاتره !
المشكله بعقلك المصدي من بعد زواجك انخفض مستواك الدراسي !
الظاهر ماجدوووو أخذ عقلك !
خزتها عائشه وجلست : إلا قولي طير عقلي بحركاته !
وبتحقيق : صحيح ما قلت لي عن مجنونك !
تنهدت ساره : اويلييييييي
مجنوني رح يجنني !
عصبي حيل !
اذا ابتسم ألتفت حولي اتأكد يمكن رجع لجنونه !
عائشه عقدت حواجبها : يعني ما انت مرتاحه معه !
هزت كتوفها ساره : ما أدري بالضبط !
أنا ما أشوفه كثير !
طول وقته برا البيت !
بس إلي ترجمه عقلي من كلامه وحركاته
إذا أبغى أعيش بهدوء وسعاده أسلم السلطه له وما أناقش بشيء
يعني بين قوسين هو إلي كلمته تمشي بس !
وعنده قوانين صارمه
يرتفع صوتي بوجوده ممنوع
عائشه ابتسمت : بسيطه
بغيابه جيبي سماعه ولفي البيت كله وطلعي الكبت طول فتره وجوده !،
ابتسمت ساره : نفسي أجيب السماعه إلي يمسكونها باليد وأحطها على أذنه وأصرخ بأعلى صوتي : مالك دخل بأم أمي !
خففت نبرتها وطالعت عائشه وبضياع تكلمت : أنا ما ادري وش أبغى من الدنيا !!
بالأول كان هدفي أكمل دراسه واشتري بيت وأعيش مع بناتي بسلام .....لكن الحين بظهور مجنوني ...عقلي متوقف ما أدري وش أبغى ؟!!
مليت من التفكير .....مليت هالحياه .....
نفسي أعيش باستقرار أسري بعيد عن المشاكل والمتاعب !
خلاص قرفت حياتي !
من لما ماتت جدتي أم سعيد ماتت أشياء كثير بداخلي !
مع الأيام تنكشف ورق الماضي ....تدرين إني أكره أبوي .....لما كنت صغيره كنت أتمنى أعرف عنه شيء ووقتها كانت تصدني جدتي ام سعيد ....لما انتقلت عند إخواني وللصدفه شفت صورته
كانت صدمه بالنسبه لي !،
أبوي شايب !!
ليه ما عندي أب مثل أبوك يا عائشه !
حز بخاطري إنه أبوي شايب .....حتى وصلت لمرحلة استحي أحد يعرف أبوي الشايب !
ومع الأيام تناسيت وجوده...وتابعت حياتي وتأقلمت على الحياه بدون أم أو أب !
مع إني أحياناً تمنيت وجوده في بعض مواقف تعرضت لها
تمنيت وجوده يوقف معي ويأخذ حقي من كل شخص ظلمني !
ومع ذلك دفنت هالشعور وكملت باقي الحياه ...لكن بالفتره الاخيره كرهته من قلبي !
أحسه استغل وضع أمي !
امي إلي ماتت بحسرتها وقهرها !
ماتت مظلومه !
وما أحد أنصفها !
أكره الرجال كلهم !
انظلمنا بسببهم و
خنقتها الغصه ...صدت بوجهها تمسح دمعه خانتها !
تنهدت عائشه بضيق : صدقيني ما بعد الضيق إلا الفرج !
ولا تظلمين أبوك ما تدرين وش الظروف إلي حدته على ذي الزواجه !
ما لك إلا تقولين الله يرحمه !
والرجال ما تحكمين على الجميع لأنه أصابع يدك مو وحده !
ما أدري أحسك محظوظه بزوجك هذي فرصه جديده لك استغليها ....ولا تضيعينها من يدك ....الي يخاف عليك ويحرص عليك فهذا دليل إنه يحبك !
مطت ساره شفتها بألم : يحبني !
تراه يبغى وحده عنده بالمستشفى !
عائشه رفعت حاجب : مين قال هالكلام ؟!
ساره بقهر : الزفته مها قالت هالكلام قدامه وما انكر ...حتى أمه حاولت تغير الموضوع !
ويقول إني عاديه وأقل من عادي كثير بنات أحلى مني !
يعني إنسان ما هو مقتنع فيني وماني عاجبته اكيد رح عيونه تطلع لبرا يدور على إلي تملي عينه !
عائشه بتفكير : وانت وش رأيك بشخصيته ؟!
ساره مطت شفتها بغيره لانه بنظرها أحلى منها : عادي !
وشايف نفسه كثير !،
ومتسلط
وعصبي
ويرفع الضغط
قاطعتها عائشه : حبه حبه
علامك هبيتي كذا !
مين أحلى انت وإلا هو ؟!
ساره بإحباط نزلت يدها : أكيد هو !
ما ألومه لما يقول عني عاديه ... أحياناً اطالع نفسي بالمرايه أتخرع !
وأكثر شيء يقهرني أناقته واهتمامه بنفسه !
إلي يشوفه يقول عنده مقابله !
عائشه بضحكه خفيفه : اشم ريحه غيره !
ساره باستسلام : اعتبريها غيره !
وما ألومه إذا خطب وحده ثانيه أكيد يبغى وحده يباهي فيها !
وبقلب ميت : أنا خلاص ما أبغى لا زوج ولا شيء !
سرعان ما رفعت رأسها وهي تمسح على رأسها بوجع : ليه ضربتيني !
نزلت عائشه الدفتر : علشان تصحين يالغبيه!
أنا ما كنت أبغى ماجد وخاصه لما قابلته ما في بيننا نقاط تشابه أنا بجهة وهو بجهة !
ومع ذلك لما تم الزواج خلاص رضيت بقدري
وما تدرين كم كرهتك وتمنيت أكسرك لما قال إنه يحبك !
ما اسمح له يروح لغيري !
افقع عيونه إذا ناظر غيري !
هذا زوجك وتملكيه انت الحين بس !
تعالي شوفي ماجد أول ما يدخل البيت يسأل عني ...حتى لو كابر يظهر بعيونه الحب والاهتمام ....تحسنت علاقتنا في بعض كثير ....فتحنا صفحه جديده ...وكل واحد اعتذر عن الماضي .....
وانت تقدرين تبدين صفحه جديده !
اشرت ساره لها بإحباط : انت حلوه وغصب عنه ينعجب فيك !
خزتها عائشه بقهر : ما أحد يلومني لما أقول عنك غبيه !
والحين قومي نشوف محاضره ونحضرها
ترى من أول ماوصلنا وحنا نلف ولا حضرنا اي محاضره !
على الأقل نحضر وحده !
ساره بكسل : خلينا نسحب على الدوام طول الاسبوع !
لاحقين على القرف والتعب !
تكتفت عائشه باستسلام : وش علينا نسحب على أم المحاضرات كلها !!
والحين تعالي نشتري فطور
اخاف يتعب البيبي من الجوع !
وأشرت على بطنها بدلع !
ساره ابتسمت بحنين للماضي :كبرنا وتغيرت الأيام والحين نصير أمهات !
عائشه بحنين : أيام راحت عسى الأيام الجايه احلى !!!
وطالعت ساره بانتقاد : إما تكشفي أو تغطي وجهك مثل العالم والناس !
شوفي ترى نص خدودك طالعه !
ساره وهي تسبل عيونها بدلع : حلوه صح !
مالت شفتها بقرف : إلا تقرفين !
وينه مجنونك عنك ؟ !
ساره بجديه : لو يدري عني إلا يذبحني !
تدرين إنه بالسوق بالغصب غطيت كامل حتى عيوني ما تنشاف !
وقدام إخوانه ممنوع اكشف !
عائشه طالعتها : وليه لابسه كذا دام زوجك ما يقبل
قاطعتها ساره بلامبالاه : ما أدري شيء بداخلي يرفض الخضوع لأوامره !
للحين ما استقرت حياتي معه حتى أنفذ أوامره !
سحبتها عائشه من ذراعها: أقول امشي يا حظي !
أنت ونهى ما تيجون إلا بالعين الحمراء !
**
**
**
**
دخلت البيت وخلفها البنات مندمجات بالكلام عن أحداث اليوم بالجامعه !
سوار رمت نفسها بحضن أمها : ماما وين رحت ؟!
مسحت على رأسها وقبلت رأسها لما بكت سوار : بالجامعه يا ماما !
وش فيك تبكين؟!
أحد زعلك ؟!
سوار رفعت رأسها وهي تمسح دموعها بيدها الصغيره : صحيت وما لقيتك
ام سالم طالعتهم : الله يصلح هالتوأم بهذلوني !
يظنون إنك تركتيهم هنا !
ابتسمت ساره بعد ما نزلت النقاب : السموحه يا خالتي !
نسيت أخبرهم إني طالعه !
ام سالم بإعجاب وهي تناظر ساره..مثل القمر  : حصل خير !
جهزي نفسك للغداء !
ساره بهدوء وقفت ومسكت يد سوار : ما لي نفس بالغداء يا خالتي !
البنات اكل
قاطعتها ام سالم : بطلوع الروح حتى تغدوا !
إلا لما كلمهم أبوهم وعدهم يأخذهم للألعاب !
ساره بعتاب : سوار وش هالحركات !
سوار مدت بوزها بطفولها وتمسكت بعبايتها !!
ساره بهدوء : تبغين شيء خالتي!
ام سالم : سلامتك يا ابنتي !
روحي ارتاحي الحين !
***
**
**
***

حطت فنجان القهوة وهمست بحنان : ماما حور روحي إلعبي !
هزت رأسها بالنفي وهي متمسكه فيها !
ديما ابتسمت:،شكلها خايفه تروح تلعب وترجع ما تلاقيك !
شوفي الشيبه الثانيه تلعب وكل شوي عيونها عليك !
ابتسمت ساره وهي تناظر سوار تلعب مع بنات عمها وعيونها تتسارق عليها
ما تدري تحس بالسعاده إنه في أحد يفقدها بغيابها
ويشتاق لها !
رفعت نظرها وطالعته وهو داخل بكل هيبه وبخطوات هاديه !
ابتسم بثقل لما ركضت له سوار حضنته : بابا !
نزل لمستواها ومسح على رأسها : يا روح بابا !
سوار بحماس : بابا نروح للألعاب !
قرص خدها بخفه : اليوم لا ...يوم ثاني لما أرجع وقت مبكر نروح إن شاء الله !
سوار ما عجبها الرد : إن شاء الله !
بعدها وقف وتوجه لهم : السلام عليكم !
ام سالم بفرح لشوفته : هلا يمه !
يعطيك العافية !
تأكل كم لقمه يمه !
طالع الموجودين واستقر نظره عليها اشر لها بخفه تغطي وجهها وبعدها إلتفت على أمه : الله يعافيك يالغاليه !
مو مشتهي يمه أكلت بالدوام وجلس عند أمه بهدوء !
ام وسيم  بتساؤل: باكر الحفله ؟!
ام سالم بحماس : إن شاء الله !
مط شفته وكأنه ما هو عاجبه الموضوع....يحس الموضوع ما له داعي كل الناس عرفت بالموضوع ...وبناتهم ما شاء الله طولهم ...
التفت على ساره ...وسرعان ما فتح عيونه بغيض من تمردها وبصوت قوي : غطي وجهك يا أم فهد الحين وقت رجوع العيال !
فاطمه بضحكه تقلده كالعاده : غطي عيونك جعلها للفقع !
طالعتهم ساره واخذت نفس مستقويه... وبهدوء تكلمت : والله أخذتني من بيتي كاشفه وما أغطي !
وأنا ما ارتاح وأنا مغطيه ...
استفزته بكلامها..نطق بغضب : عمرك ما ارتحت
غطي وجهك قبل ما أقوم
سكت لما شاف وسيم داخل وهو يدندن !
أشر لها تغطي وعيونه طالعه منها الشرار !
وقفت بتحدي تبغى تشوف وش رح يطلع معه اذا عاندت ..وما رح تسمح له يتدخل فيها ...
بغت تلف وجهها وتطلع من المكان ....لحظات كانت خلفه مغطيها  وبصوت غاضب يخاطب وسيم : انت ما تعرف تستأذن !
طالع عمه وهز كتوفه وبإعتذار : اسف عمي !
وغادر المكان بهدوء !
لاول مره تحس بقصر قامتها بجانبه !
حست بالرعب دب بقلبها لما إلتفت لها....
عيونه ما تبشر بخير ..وبحركه سريعه غطى وجهها !!
ام وسيم بإعتراض : ما يصير كذا هبيت بولدي !
نظام البيت هنا معروف هذا المكان أي أحد يدخله بدون استئذان مفتوح للجميع
شوف البنات كل وحده لابسه العبايه ومغطيه شعرها وما تنزل عن رأسها
لأنه بأي وقت واحد من العيال يدخل !
إذا زوجتك رافضه تتغطى لا تطلع حرتك بولدي !
ام سالم بتدخل : وشهوله تتغطى قدام إخوانك تراهم مثل إخوانها ...لا تجبرها تغطي دامها مو مقتنعه !
طالع أمه وهو ماسك أعصابه وبهدوء عكس النار إلي بداخله : مقتنعه أو لا ما يهمني !
هذا إلي عندي زوجتي ما أبغى يبان منها شيء!
فك يد ساره بهدوء ورجع مكانه !
جلست جنب فاطمه وهي تتحسس يدها من قوة قبضته.. للحظات حست يدها رح تتحطم تحت قبضته!!
رفعت نظرها له يتكلم مع امه بس عيونه للحين غاضبه !،
تنهدت ما تدري إلي عملته صح وإلا غلط !
المفروض بما إنها تحت عصمته تسمع كلامه !
لكن شيء بداخلها يحثها على التمرد وما يفرض سيطرته عليها !
تنهدت بضعف ليه تتمرد وبالأخير كلمته هي إلي تمشي !
بدون نفس ناظرت فاطمه المتحمسه بعد سؤال جدتها عن الجامعه : أول يوم يجنن يا جده ...
سلوى بتأييد : انبسطنا بدون محاضرات !
ام وسيم بانتقاد :،ليه رايحه للجامعه دامك ما رح تحضرين المحاضرات !
ديما بضحكه : ملحقين على التعب !
بس العصله هذي ولا شفناها بالجامعه !
تركتنا ولا كأنها تعرفنا !
سلوى خزت ساره : الخاينه سحبت علينا ...اتصلت عليها تيجي نعرفها على الشله بس ما ردت !
ام سالم : انت عندك شله وهي عندها صديقات أكيد مشتاقه تجلس
قاطعتها فاطمه : إلا مغروره وشايفه نفسها علينا !
بالله يا عمي ترضاها تسحب علينا وما تعبرنا !
طالعها بدون نفس : فاطمه اختصري ترى مو فايق لذي السخافات !
مطت ساره شفتها من تحت الغطاء «مالت عليك وش هالنفسيه إلي عليك »
فاطمه تتوعد بساره : ولا وحده فيكم يا بنات تكلمها خلي شلتها يتكلمون معها بالبيت !
ابتسمت ساره بدون نفس إلي يسمعها يقول من كثر صديقاتها !
ما عندها إلا عائشه فقط !
حور ما زالت ملتصقه بساره : ماما أبغى الحمام !
فاطمه بانتقاد : ترى هالبنات مو صغيرات ترافقينهم للحمام !
اجلسي وخليها تعتمد على نفسها !
طنشتها ساره وما ناظرت أحد وطلعت بطفش من المكان !
قررت تجلس بالجناح أفضل لها ...كان المفروض اليوم تزور عمار إلي غثها بإتصالاته بس بعد الموقف هذا ما رح تطلب منه يرسلها !
اكيد رح يرفض بكل برود !
الشمس قربت على الغروب وما له داعي تطلع من البيت !
جلست على الكنبه وحور نامت بحضنها !
حطت يدها على جبهتها بداية ارتفاع حراره !
يمكن تعبانه علشان كذا ملتزقه فيها !
رفعت نظرها على دخول سوار وهي تلهث : ماما !
أشرت لها بهدوء : تعالي وش فيك ؟!
سوار تقدمت بهدوء : ليه ما رجعت ؟!
كذبت علي !
ساره بشبح ابتسامه : ما كذبت شوفي حور تعبانه !
مسكت يد سوار وحطتها على جبهة حور !
سوار بإهتمام طفولي: ماما اعطيها الدواء !
ساره وهي تمسح على شعر حور : ان شاء الله !
سوار جلست جنب ساره : ماما أجلس عندك !
غمضت ساره عيونها والنعاس سيطر عليها !
وخلال لحظات كانت بعالم الأحلام ...
دخل الجناح وناظرها جالسه على الكنبه ومحتضنه حور وسوار نايمه على كتفها !
منظرهم أجبره يطلع جواله ويلتقط صوره لهم !!
رجع جواله مكانه وتقدم بخطوات هاديه وحمل سوار بشويش
وتوجه للغرفه وحطها على سريرها بعد ما طبع قبله على جبهتها !
طلع من الغرفه وتوجه لساره وبشويش حاول يحمل حور ...صحيت ساره على حركته عقدت حواجبها وعيونها شبه مغمضه ...ما تدري كم غفت ؟!!
لامست يده رقبة حور وتفاجئ بحرارتها المرتفعه وبصوت أربك ساره : البنت تغلي غليان !
حرارتها مرتفعه !
وبسرعه حملها وتوجه للحمام !
وحطها تحت المويه !
توجهت خلفه ساره بفزع : مجنوووون الحين تبرد البنت !
اعطاها نظره اخرستها وخاصه مع كلمة " مجنون" !
تحس قلبها انفطر وهي تشوف حور تبكي وترتجف من البرد !
طالعها بقوه : هاتي لها ملابس !
تحس نفسها عاجزه عن الحركه كل شيء صار بسرعه ....
تحركت على صرخته : تحركي !
***
***
***
**
جالسه قدام السرير وتناظره كيف مهتم بحور من أول ما طلعوا من البيت بسرعته الجنونيه وبدخوله المستشفى بفزع !
ما توقعت تعلقه بالبنات لهذا الحد !
غمضت عيونها ودموعها تنزل لما مسكت الممرضه يد حور تغرز الإبره فيها !
يا الله كيف لطفله صغيره تتحمل وجع الابره !
زاد عبوسها وألمها وهي تشوف الممرضه غرزت الإبره اكثر من مكان حتى تحصل «عرق»
تقدمت منها وقلبها يتقطع وهي تشوف حور تبكي بضعف : ابعدي يدك عنها يا مجرمه !
طالعها مو فاضي لسخافتها : اتركيها تكمل شغلها !
ساره وهي تمسح دموعها : قلوبكم من حجر !
شوف يدها
ترك إلي بيده واقترب منها وسحبها بعيد بطريقه جافه : اجلسي هنا واتركينا نكمل شغل !
بعد مرور وقت طالعت حور وأمسكت بيدها النحيله وهي تشوفها تغط بالنوم والتعب واضح عليها !
ناظرت الدكتوره وهي تكلمه : الحمد لله ما تأخرت فيها ...حرارتها فوق الاربعين كانت....رح تبقى هنا تحت الملاحظه حتى يستقر وضعها وتنزل حرارتها !
رد بهدوء : مشكوره دكتوره تعبناك معنا !
طالعته ساره بقهر يتكلم مع الدكتوره بذوق وهدوء !
جلس مقابل لها بعد ما غادرت الدكتوره وتكلم بأمر : الحين أرجعك للبيت وأنا أجلس عندها !
قاطعته باعتراض وقلبها مليان عليه : ما رح اتحرك من هنا إلا وحور معي !
وباستدراك نطقت بنبره أرق لما تذكرت إنه العناد ما يمشي معه : أخاف تصحى وما تلقاني وتبكي تراها متعلقه فيني !
هز رأسه بهدوء : اجلسي بس أنا هنا معك ..ما رح أقدر اخليك بالمستشفى لوحدك !
وسلط نظره على حور يتأملها ....
طالعته وكل يوم عن يوم تستغرب تصرفاته
حريص عليها بشكل كبير !
لدرجه تحسه يبالغ ...رافقت مع خالتها ومع أم راكان بعمر أصغر من كذا !
والوضع عادي !
طلع جواله واتصل بأمه وخبرها بتعب حور وطلب يهتمون بسوار لوقت رجوعهم !!
تكتفت بملل كالعاده أجواء المستشفى ممله والوقت طويل !
و مجنونها ملتزم الصمت وما تكلم عيونه على المغذي وملامح الغرور والتكبر تكسو ملامحه !
قاطعت الصمت بتردد : أبغى أسألك !
طالعها وهو يتأكد إنه سمع صوتها : تكلميني !
ساره مطت شفتها وبنفسها «لا الجدار إلي خلفك » وبصوت هادي : ايه اكلمك !
رد وهو يسند ظهره على الكرسي ببرود : تفضلي !
ساره تحس كل الأسئلة الي بعقلها تبخروا !
وحتى تلقط وجهها حاولت تعصر مخها بسؤال : كم عمرك ؟!!
غمضت عيونها للحظات وهي تشتم نفسها على هذا السؤال !!
ما لقت إلا هذا السؤال ؟!!
وش يقول عنها الحين !!
مط شفته بدون نفس بطريقه اشعرتها بسخافة سؤالها : ليه تسألين ؟!!
طالعته لثواني وهي تحاول تلقى إجابه وأخيرا تذكرت السؤال الأصلي : أسأل لأني أتوقع إنك مو بعمر خلف أخوي !
كيف التقيت فيه ؟!
طالعها بنظره تقييميه : تشوفين الحين وقت هالكلام ؟!!
هزت راسها : ايه وقته !
لمتى هالحال أنا ما أعرف ماضيك ولا انت تعرف
قاطعها بهدوء : لاحقه على ذي السوالف !
وأنا ما يهمني كل الماضي !
خلاص بدينا صفحه جديده وما له داعي ونعيد ونزيد بشيء راح !
ردت بتردد : بس
يمكن إذا طلع خلف مره ثانيه تغير رأيك !
وأنا ما أبغى البنات يتشتتون مره ثانيه بعد ما عرفوا بوجودك !
تكلم بقهر : وانت مبسوطه على نفسك لما كذبت على البنات وقبرتيني ؟!!
انا من نفسي تغاضيت عن الماضي وإلا لو بغيت أحاسبك وأحاسب الزفت أخوك
قاطعته بقهر  : شفت قلت لك لوقابلت خلف رح تغير رأيك ؟!
اعطاها نظره قويه واثقه : أنا ما أرجع بكلمه نطقتها إلا اذا شفت الطرف الثاني تراجع بكلامه !
وخلف مالك شغل فيه ...ارتاحي ما رح أعاقبك على أفعاله مثل أبو راكان !
فتحت عيونها بإستنكار ما توقعت إنه يعرف عن هذا الموضوع !!
اخذت نفس وهي تفكر كيف عرف : وش عرفك بالسالفه ؟!
أكيد ام لسان الزفته مها !
رد ببرود :-ما يهمك كيف عرفت !
المهم إني اعرف بمشكلتك مع عمك !
قاطعته بمكابره :تراك غلطان ما في شيء بيني وبين عمي !
أمورنا طيبه وأزوره
قاطعها وهو يرفع حاجب : عيل ليه طلقك ولد عمك يوم الزواج !!!
انا ما ابغى افتح صفحات انطوت ...مثل ما قلت لك ما عليك من خلف رح أحاسبه وأطلع المر من حلقه
بس يبغى له وقت !
طالعته بحيره ما تدري كيف تم زواجها منه !
وليه حاقد كذا على خلف؟!
سألته باستغراب وهي تسرد القصه إلي ألفها خلف مع إنها مو مقتنعه فيها إلا إنها ذكرته فيها يمكن يتكلم :-انت ليه حاقد عليه كذا ؟!
هذي جزاته بعد ما لقاك بالشوارع تلف ما تدري وين أرضك ؟!
زوجك لأخته حتى يكسب فيك أجر !
كذا تقابل المعروف ؟!
عقد حواجبه وبنبره ساخره إلتمستها: اوووووه ما كنت أدري إنه أخوك حنون لذي الدرجه
يساعد الناس حتى لو كانوا مجانين وحضرتك الضحيه إلي يقدمها مساعده!
أتوقع رقمي أربعه بالمساعده ؟! وإلا أنا غلطان؟!
صدت عنه بعد ما جرحها كلامه الساخر!!!
تدعي بقلبها على خلف إلي ذلها لذي الأشكال !
عقدتها عدد الأزواج !
كيف تكمل حياتها معه وهي تحس بالنقص إلي بينهم !
وش مغزى كلامه ...يبغى يحسسها إنها أقل منه والمفروض يتزوج وحده من مستواه على الأقل ما سبق لها الزواج !
حست بالغصه بحلقها تخنقها ... تسمعه يكلمها بس طنشته : ساره أقولك ناظريني !!
تحرك من مكانه وتوجه لها بخطوات هاديه !
رفع رأسها بيده.. وبهدوء نطق: لا تزعلين وتعملين الحين فيلم الكرامه والإحساس عندي !
روحي لأخوك وازعلي منه يوم رخصك
قاطعته وهي تبعد يده عنها بقوة ...وبصوت مقهور : ما لك دخل بيني وبين أخوي !
ولا تظن رجعت لك حب بجنونك تراك غلطان !
أنا رجعت علشان التوأم وعلشان أكمل دراستي ! متى ما تخرجت رح ألم عفشي وتعطيني ورقة الطلاق وبعدها اهج من كل المنطقه واسافر عند محمد وانتهينا !
وانت الله يوفقك تلاقي بنت من مستواك وتكون أول بختها !
سكتت وصدرها يعلو ويهبط من الغضب !
زم شفته بسخريه : ما شاء الله مخططه لكل شيء !
تقدرين تسافرين الحين وتكملين رسم بالخارج !
وبنبره غاضبه : عيدي هالكلام مره ثانيه علشان اقص لسانك !
تراك مو صغيره حتى نعلمك أمور الزواج !
هذا اخر تنبيه يا ساره وقسم بالله إلا أحرمك البنات واخليك تتمني تلمحي خيال وحده فيهم !
قفلي هالموضوع وخليك زوجه عاقله مطيعه أفضل !
صدت عنه وما ردت تخاف ينفذ التهديد !
رح تسايره ولما تخلص الدراسه تختفي عن الكل وتعيش مع التوأم بدون تواجد أحد !-
**
**
**
**
عزام باهتمام : أي ساعه الاحتفال ؟!
أم عزام : نسيت اسأل ....ما قلت لي نوره رح تروح ؟!
عزام طالع نوره إلي وجهها مقلوب : اكيد رح تروح ...وجهزنا الهديه لساره !
نوره مطت شفتها : رح أعطي خالتي أم عزام الهديه لأني تعبانه
قاطعها عزام بقوه : وقسم بالله إلا تروحين وتباركين لها وتعطينها الهديه بنفسك !
وقسم بالله ما يصير خير إذا
قاطعته بنرفزه : خلاص رح انقلع !
ام عزام تنهدت : اذكروا الله ما له داعي هالمشاكل !
عزام بهدوء : ما في مشاكل
وباستغراب : جدي وعمي ابو ماجد ما اشوفهم ؟!
ام عزام : سألت ابوك يقول عندهم شغل ضروري !
عقد حواجبه : شغل ؟!!
نوره بنفس الاستغراب : حتى أبوي اليوم راح خلفهم !
وما أحد يدري وش سالفة الشغل إلي طلع فجأة !
عزام بعدم اقتناع : معقول أبوي ما يعرف شيء ؟!
ام عزام هزت راسها : والله ما ادري يا عزام !!!
**
**
**
**
تحس جسمها تكسر من الجلوس على الكرسي ...بس الأهم عندها حور تحسنت شوي .....
مسحت على شعرها بحنان وهي تتأمل ملامحها إلي باين التعب فيها ..
حست بدخوله للغرفه بس ما رفعت رأسها ما لها خلق تكلمه بعد سالفه البارحه !
حط الأغراض عندها وهو يشوفها مطنشه وجوده حتى السلام ما ردت عليه !...من بعد موقف البارحه ما أحد كلم الثاني ...قهرته بكلامها وهي تدافع عن خلف .. وكأنه مديون لخلف ...ما كان يبغى يجرحها بالكلام بس هي مستفزه ..تنهد وتكلم بهدوء : جبت لك فطور
قاطعته بدون ما تناظره : ما أبغى شيء !
طالعها وهو رافع حاجب  حتى ما كلفت نفسها تناظره ...يقال زعلانه : بكيفك !
وتناول من الكيس فطوره مع عصير ...وبدأ يفطر بهدوء !
صدت للجهة الثانيه ... صدق ما لها نفس بالأكل !
مع إنها على كم لقمة فطور من البارحه !
لكن الأكل آخر شيء تفكر فيه !
أكمل فطوره وتوجه لها وجلس على طرف السرير : وش رأيك أرجعك للبيت ترتاحين علشان الحفله وما تهتمي لحور أنا عندها !
ردت بدون نفس: مرتاحه هنا !
ضرب على جبهتها بخفه : عنادك هذا رح يدمرك!!
**
**
**
ابو ماجد وهو يمسك يد أبوه : قل لا اله الا الله يا يبه !
ابو راكان وهو يمسح دموعه وصوته يهتز : حسبي الله عليك يا خلف !
ابو الوليد وعيونه على الجسد الضعيف على السرير وعقله يرفض يتصور لأي درجه عقوق وصل لها عيال أخته ؟!!
ابو ماجد بهدوء : لازم ننقله لمنطقتنا يبه ...هنا بعيد وما نقدر نجلس أكثر !
ابو راكان مسك يده النحيله إلي جار عليها الزمان وبصوت باكي : كيف عشت من بعدي يا أخوي !
دفنوك وانت حي !
والله إلي رفع السماوات إلا أخذ حقك من الكلب ...

***
***
**

دخل بهدوء الغرفه وهو يناظرها : بعدك جالسه !!
وقفت بضجر : انتظرك !
تقدم وطالعها بتقييم ....عيونها ملفته للنظر ...وبخفه غطى وجهها بالكامل ما يبان منها شيء : كذا أفضل
ونزل لمستوى حور بابتسامة دافيه : احملك وإلا تمشين يا بطله ؟!
رفعت حور يدينها بدلع وعيونها ذابلة من المرض !
حملها بعد ما قبلها بخدها : أموت على الحلوين يا ناس !
ساره بتأفف جمعت الأغراض !
رفع حاجب : وش فيك تتأففين ؟!،
ساره مطت شفتها : انتظر مسلسل الاب الحنون يخلص !
تنهد وبهدوء : أعطيني الأغراض احملهم
وما أعطاها فرصه تتكلم تناول الأغراض منها بيده وأشر لها بعيونه تمشي !
طالعته وهو حامل حور وبيده الأغراض أنبها ضميرها كثير عليه وبرقه تكلمت : أعطيني الأغراض أحملهم عنك !
ابتسم بروقان : ما نبغى نتعبك يا عروس !
يلا ما نبغى نتأخر على العزيمه !
ما تدري ليه التمست بكلامه السخريه ...طالعته لما تقدمها بخطوات للخارج
تبعته بهدوء ومشاعرها متبعثره ...لكن إلي تأكدت منه انها يعجبه شكله من أيام جنونه
**
**
**
فاطمه طالعت ساعتها : وينها ما جت للحين !
ام سالم وهي تناظر حفيداتها متشيكات : يمكن على وصول !
ام سلوى مطت شفتها بغرور : ما يمديها تتجهز جايه من المستشفى
الحين تلاقين حالتها حاله !
ام وسيم تناظر ساعتها : إذا وصلت الحين في وقت تجهز نفسها !
أنا أقول ننزل نشرف على التجهيزات قبل وصول المعازيم !
أم سالم هزت رأسها : أنا هنا رح انتظر ساره !
بعد وقت ام سالم بتذمر : ذول وينهم ؟!
قبل نص ساعه طلعوا من المستشفى !
ما بقى وقت على حضور المعازيم !
طلعت جوالها واتصلت على ولدها وبعد عدة رنات وصلها صوته : هلا يمه
ردت بنبره غضب مكتومه : انت وينك ؟!!!
تأخرتم ؟!
رد بهدوء : بنشر العجل والحمد لله كل شيء تمام شوي ونكون عندكم !
ام سالم تأففت : طيب كان قلت لأحد يأخذ زوجتك ما بقى وقت !
رد ببرود : حصل خير ...دقائق وأكون عندك بإذن الله ..تبغين شيء يالغاليه ؟!
ام سالم : سلامتك !
قفلت الخط وطالعت حفيداتها: والله ما في وقت تتجهز ...الله يسامحها قلت لها ترجع الصبح وأرسل أحد عند البنت بس رفضت !
وش هالعناد إلي في عائلتهم ؟!
ديما بدفاع: تراها يا جده ام كيف تبغينها تترك ابنتها وتيجي تضبط نفسها !
ما ردت ام سالم وهي تناظر الساعه !
دقائق ودخل حامل حور والأغراض بيده : السلام عليكم !
ام سالم وقفت وناظرته وبعتب : وينكم ؟!!
تقدمت ساره من خلفه وبصوت جامد :،السلام عليكم !
ام سالم تقدمت لحور تتطمئن عليها بعد ما ردت السلام : كيفها الحين ؟!
رد بهدوء : الحين نايمه بس الحمد لله تحسن وضعها !
ام سالم : الحمد لله
وطالعت ساره : ما بقى وقت استعجلي !
ساره ببرود : متى العزيمه ؟!
ام سالم انقهرت من برودها : بعد المغرب مباشره ..ما بقى على الأذان شيء !
وبقهر : يا برودك بعدك واقفه تحركي !
ساره بكسل : وينك وين الأذان يا خاله ؟
دوبه أذن العصر !
فاطمه انفعلت من برودها : اتركوني اذبحها !
زمان صلينا العصر !
ام سالم أشرت لولدها بزعل : خلها تتحرك بعدها واقفه ما بقى وقت !
أشر لساره بحده لما شاف أمه زعلت من برودها وهي ولا على بالها : تحركي !
ديما : الكوافيره تضبط خالتي ام نورس شوي وتجي لك !
ساره ببرود : ما أبغى كوافيره !
ام سالم طالعتها : تعرفين تضبطين نفسك ؟!
ساره بنفس البرود : لا
ام سالم ارتفع ضغطها منها : ومين يضبطك ؟!
وبزعل تركتهم وغادرت !
فاطمه طالعتها بعتب : جدتي زعلت !
تقدم للجناح وتكلم بهدوء : ام فهد تعالي!
ساره بنفسها «الله يأخذ هالفهد قبل ما ييجي »
يرتفع ضغطها الف لما يناديها كذا !
طنشت البنات لما كلموها وتوجهت للجناح خلفه وهي تردد «الله يستر زعلنا الماما تبعته »
دخلت وقفت بالصاله وناظرته لما طلع من غرفة التوأم !
تقدم نحوها وبأمر : صلحي وضعك مع أمي بطريقتك !
أنا ما أبغى أتدخل بذي المواضيع !
على الأقل قدري جهدها وعملت الحفله لك انت حتى تفرحك ..اتمنى ما تفشلينها بتصرفاتك ولا تزعلينها !
عقدت حواجبها وطنشت كلامه وركزت على جمله «ما تفشلينها»
لانه ذي الكلمه حساسه عندها كثير تسمعها كانت زمان  إنها تفشل ..فكلامه ضرب على الوتر الحساس وبغضب ردت : وش شايفني حتى تقول لي هالكلام؟!
دامني افشل ما رح أحضر هالعزيمه
قاطعها وهو يحط يده على فمها : اشششش لا تضيعين الكلام وتفسري الكلام على كيفك !
قصدي تفشلينها قدام المعازيم وما تحضرين !
وانتبهي تراك زوجتي وكل حركاتك محسوبه.... رح يقولون هذي زوجة الدكتور ابو فهد ....
والحين اتركي الثرثره وجهزي نفسك !
وتركها وطلع من الجناح كشت عليه بعد ما غادر مغرور بنفسه كثير وكأنه ما احد دكتور غيره !
تثاوبت بكسل توجهت لغرفة النوم وجلست على السرير تفكر
لازم تبهر الجميع بطلتها والكل يؤشر عليها بنظرات الاعجاب !
لازم تقهر خالتها أم محمد ومها وتكون نجمة الحفله !
ما رح تترك الفرصه تطير منها !
تثاوبت للمره الألف استلقت على السرير تريح جسمها المكسر من الجلوس بالمستشفى !
غمضت عيونها تخطط وش رح تعمل بالحفله وبعدها تنفذ مخططها وترتب نفسها للعزيمه !
**
**
**
**
ام سالم طالعت ساعتها : وينها للحين ما طلعت ؟!
ترى أذن المغرب
فاطمه حاست بوزها : طقيت على الجناح بس ما أحد رد علي !
اميره عقدت حواجبها : اتصلوا بأبو فهد
ديما قاطعتها : عمي طلع مو هنا !
ويدي توجعني من كثر ما طقيت الباب !
ام سالم نغزها قلبها : يا رب استر اخاف اصابها شيء !
وبسرعه اتصلت على ولدها وقلبها يدق بقوة !
اميره تركتهم وتوجهت لجناح اختها تتطمئن عليها !
فاطمه وملامحها انخطفت : معقول اصابها شيء !
سلوى دفتها بقلق : وانت مثل الغراب!
وتوجهت خلف اميره !!
**
**
اميره طالعته وهو متوجه لهم : معك مفتاح للجناح !
هز راسه وهو يناظر هالتجمع باب جناحه
ما ينكر الخوف تسلل لقلبه ما ترد على الجوال ولا على الباب !
وش صار عليها حتى ما ترد ؟!
حتى حور بالجناح نايمه !!
ام سالم بخوف : بسرعه يمه افتح الباب !
حاول يحط المفتاح بس ما ضبط معه : المفتاح بالباب من الداخل كيف نفتحه الحين ؟!
اميره والقلق ذبحها : حاول مره ثانيه !
طالع أمه : ما في حل غير نفك
قاطعته بعجله : اعمل أي شيء بس لا تتأخر !
بعد وقت فتح الباب اسند ظهره واخذ نفس عميق يتلقى اي صدمه يمكن يشوفها !
تقدم بإتجاه غرفة النوم وفتح الباب وقلبه يدق بقوه ...ما يبغى يفقدها بعد ما صارت جزء من حياته ...
وقع نظره عليها على السرير وكأنها جثة هامده !
تقدم وطالعها بالعبايه والشال نفس اللبس ما غيرت شيء
إلتفت للخلف وطالع أمه إلي تسأل بخوف وملامحها مخطوفه : وش فيها ما تتحرك !
طالع وجهها اصفر خالي من أي معالم الحياه !
جلس على طرف السرير وحط يده على قلبها إلي يدق بانتظام ...هزها بالخفيف : ساره ساره
تقدمت أمه وقلبها طاح للأرض: وش فيها ما ترد ؟!
ناظر أمه: لا تخافين نايمه ..الظاهر نومها ثقيل !
رجع يهزها بأقوى وصوت أعلى : ساره ساره
فتحت عيونها بشويش وهي عافسه ملامحها وبصوت مبحوح من النوم : وش فيه ؟!
ناظر امه وابتسم : شوفي شغلك معها أنا طالع مشغول !
ام سالم بغضب : نايمه والمعازيم إلي على وصول !
فزت ساره على حيلها لما تذكرت العزيمه : شكلي غفيت شوي
ضحك على ردها : انت ما غفيت انت نمت يا الذكيه !
ام سالم والدخان يتصاعد من راسه : أنا هذي الي رح ترفع ضغطي !
ساره ابتسمت وللحين مو قادره تفتح عيونها من النعاس ليله امس كانت صعبه: دقائق وأنزل ما رح اتأخر !
أم سالم ناظرتها ما عجبها تصرفاتها واستخفافها !
لفت وجهها وطلعت وهي تردد كلام ساره بسخريه : دقائق وأنزل ما رح أتأخر ....المعازيم وصلوا ..يا برودها !
طالعت حفيداتها و أميره واقفات باب الجناح..نكقت بقهر : وحده عندها هوس بالموضه والثانيه ما يخصها الموضوع !!
أميره بقلق: وش فيها ساره ؟!
ام سالم مطت شفتها بعدم رضى :-العروس نايمه للحين ....
**
**
**
تنهد ولف وجه يطلع : تحركي بسرعه وانتبهي على حور أنا عندي شغل !
والحين أقول لفاطمه ترسل لك اكل ...
مطت شفتها بعد ما طلع مستغربه ليه منزعجين في وقت لتجهيز نفسها!
قررت أول شيء تشوف حور وبعدها تروح تجهز نفسها !
نقزت على صوته وهو طالع من غرفة حور: بعدك ما تحركت ؟!
ساره لا ترفعين ضغطي وبسرعه تجهزي ...

**
**
**
**
ناظرت نفسها كذا جاهزه ما له داعي المكياج !
اصلا ما تعرف تحط المكياج !
مشيت خطوتين للخارج رجعت ناظرت نفسها وهي تفكر تحط بس روج !
ناظرت الألوان إلي اشتراها لها من السوق واحتارت اي لون تختار !
غمضت عيونها بتفكير وهي تتذكر اشكال البنات بالجامعه بالمكياج !
ناظرت نفسها بشرتها بيضاء اكيد يناسبها اللون الزهري الغامق او الاحمر
طردت هذي الألوان تبغى شيء يكون غير وملفت للنظر حتى تتميز على مها !
حطت بين عيونها بنت بالجامعه يروق لها مكياجها قررت تحط نفسه وتشوف النتيجه !
**
**
**
مها رفعت حاجب وهمست لأمها : وينها أختك ؟!
العزيمه لها وللحين ما شرفت !
اميره خزتها : ما أدري ليه ما تحبين خالتك ؟!
عفست ملامحها بقرف : يمه بالله لا تقولين خالتي تراني أحس نفسي تقلب علي !
اميره زفرت بضيق : مها !!
مها مطت شفتها : يمه انت مو حاسه فيني ...شوفي انت قاطعتيني بسببها وجدتي للحين صاده عني وحتى عمي ابوفهد يكلمني من رؤوس خشومه وكله بسببها !
اميره تنهدت : وش تبغين الحين !
كل شوي وتجيبين سيرتها وكأنها ضرتك مو خالتك !
مها وهي تناظر حولها : بصراحه متشوقه اشوف جدتي بعد ما تتفشل قدام المعازيم بشكلها تراها ما تعرف شيء اسمه اناقه وفوق هذا رفضت الكوافيره تعدلها !
اميره طالعتها : ومين رح يضبطها ؟!
انا سألت جدتك بعد ما طلعت من عندها مين رح يضبطها قالت الكوافيره !
مها ابتسمت : تراها تتمسخر قالت لي ديما السالفه وترى جدتي مرتفع ضغطها منها وخاصه لما لقتها نايمه !
اميره مطت شفتها بقرف : الله يستر اذا حطت جدتك ساره برأسها !
ترى ما تنطاق بتحكمها!
مها باستغراب : والله جدتي عسل ما أدري ليه ما تحبون بعض ؟!
اميره بنغزه : نفسك انت وساره ليه ما تحبون بعض !
ام محمد اقتربت وهي عافسه ملامحها : الحمد لله في عزايم علشان أشوفك انت وابنتك !
اميره ابتسمت : هلا يمه !
ام محمد تناظر اميره كيف مهتمه بنفسها : بعدك على ذي الحركات إذا ناسيه ترى عندك احفاد وكبرت على ذي السوالف !
اميره بدون قصد : تبغين أهمل نفسي وابو ليث يدور غيري !
ام محمد انتفخ وجهها : وش قصدك ؟!
مها تغير الموضوع : توقعت ما تحضرين يا جده !
ام محمد بقهر : جيت اتشمت بجدتك وهي تعرض ساره للناس !
أبغى اشوف وجهها بعد الفشيله !
مها اشرت بعيونها على وحده معطيتهم ظهرها : مين ذيك إلي لابسه فستان اسود طويل !
إلتفتت اميره وابتسمت : ما تعرفين خالتك ؟!
فتحت عيونها والغيره ذبحتها ما توقعت تطلع كذا
طولها مع خصرها المنحوت وشعرها الطويل الاسود ....
عضت على شفتها والغيره ذبحتها لما لفت ساره لجهتها وجهها خالي من مساحيق التجميل باستثناء احمر الشفاه وكحل !
ام محمد بغيره وحقد : وصارت تعرف تلبس هالناقه !
اميره بابتسامة صافيه وهي تناظر أختها بإعجاب : الله يحفظها ويسعدها !!
**
**
**
فاطمة قرصتها بخفه : ليه ما لونت وجهك مثلنا !
ساره بثقه زائفه : أحب اكون على طبيعتي !
فاطمه : اقول انقلعي عني أخاف تغطين علي وما أحد يخطبني !
ساره ابتسمت بنعومه : رايحه اشوف سوار مختفيه هالبنت !
ام عمار سلمت عليها مع بناتها !
ما توقعت ساره حضور بنات خلف !
جودي بعد ما تركتهم ساره همست لأمها : لو يشوفها خالي عبدالله إلا يأكل أصابعه ندم !
ام عمار بهدوء : ليه الحين ما يأكل اصابعه ندم ؟!!
جودي : فرط فيها من يده وما أحد جبره ...والحين يتحمل نتائج تصرفاته !
ام عمار بهمس : لو كانت زوجته مو ابنة خالي ابو وليد كان من زمان رجع ساره لذمته !
بس إلي ذبحه ابنة خالي ابو الوليد ما يقدر !!
ما شفت ابوي كيف عجل بموضوع ساره وسعود حتى يبعدها عن عبدالله ...تراه ما يستبعد عنه يرمي بعرض الحائط علاقتنا بخالي ويتزوج ساره !
جودي ؛ كذا أفضل لها تبعد عن المشاكل ...حتى زوجها لقطه اعزب ومحترم وله سمعته !
ام عمار : ما شاء الله مقتدر ماديا فك شراكته مع خالي ابو الوليد بالمستشفى وصار المستشفى له ولاخوه !
الله يوفقها !!!
***
***
***
ابتسمت مجامله لأم سالم إلي تعرفها على المعازيم بفخر ...
تركت ام سالم وتقدمت بخطوات ..شدت على قبضة يدها وهي كل شوي تسمع الحريم يتهامسوا بينهم :
كيف متزوجه من سنين بالسر ؟!
ومتزوجه اربعه ؟!
ولد عمها طلقها يوم الزواج ؟!
لا يغرك جمالها الله يستر علينا...
خالتها تقول انها ما تترك احد من شرها ؟!
حتى لو كانت جميله كيف ام سالم وافقت عليها وولدها الف وحده تتمناه ؟!
على الاقل زوجته بنت تكون اول بخته ؟!!
يقولون وافقت عليها لانها ابنة عمته !
مها اخت ابو فهد امها ؟!!
يقولون ماتت وهي تولدها !!
الله يرحمها !!
اخذت نفس وهي ماسكه نفسها ما تحوس هالعزيمه !
احترام لأم سالم مسكت نفسها !
تكره الاجتماعات والمناسبات !
متأكده رأس الشر خالتها هي إلي طلعت هالكلام ونشرته
خاصه بين اهل زوجها ؟!
كل شوي تجلس مع حرمه !
ما تدري متى تتركها ؟!
طالعت خالتها ام محمد واقفه مع حرمه جديده لازم تطلع حرتها فيها !
الكلام والردح ما عاد يشفي غليلها !
تقدمت وهي تطقع اصابعها لو كانت النظرات تقتل كان قتلتها !
تناولت عصير بالتوت من احدى الطاولات وتوجهت بخبث لجهتها وبحركه مدروسه وكأنها تعثرت
ثواني وكان عصير التوت من رأس ام محمد للاسفل !
شهقت ام محمد وتسلطت الأنظار عليها !
عدلت وقفتها ساره بدلع بعد التعثر : اووووه اسفه خالتي !
ام محمد بغضب : صدق إنك ما تربيتي يا *****
تقدمت ام سالم : حصل خير يا ام محمد تعالي
قاطعتها ام محمد بانفعال : أنا ما اجلس بمكان أنهان فيه !
شوفي زوجة ولدك تعمدت ترشني بالعصير !
الله يستر ما يكون فيه سحر أو حجاب !
ترى معروف عنها هذي السوالف
ام سالم بانحراج قدام المعازيم : وش هالكلام يا ام محمد !
ام محمد تبث سمومها : وإلا كيف تفسرين زواج ولدك منها وهو أعزب وصغير يتزوج أرمله ومطلقه وسمعتها بالحضيض !
خذي ولدك على شيخ نصيحه مني إذا ما لقيتي معمول له سحور وقتها قولي ام محمد ما قالت !
ساره بهدوء عكس النيران إلي اشتعلت بداخلها وبابتسامه مزيفه وهي تصفق لها : كملت ثرثره !
والحين تقدرين تضفين وجهك !
أشرت على نفسها باستنكار : تطرديني ؟!!
ساره بدأت تفقد أعصابها ...وكل تصرفات خالتها قدام عيونها..نطقت بقوة : وأكسر رأسك بعد !
ما بقى إلا عجوز مخرفه نتحملها !
تراني ماسك نفسي لآخر لحظه !
والحين انقلعي قبل ما أسحبك من شعرك
قاطعتها ام سالم بحده : ساره !
ما في احترام للضيوف !
وطالعت ام محمد : لا تهتمين يا ام محمد !
تعالي غسلي
ساره بغضب : وقسم بالله ما تدخل وإلا تنقلع الحين !
اميره تدخلت مهما كان تبقى أمها وما ترضى عليها : ساره وش هالكلام !
ساره طالعتها بقوه : قولي هالكلام لأمك الزفته !
هذا إنذار لها وقسم بالله إذا ما ابتعدت عن طريقي إلا اذبحها
قاطعتها ام محمد وهي تبث سمومها ومستغله تجمع الحريم : ابعد عن طريقك علشان تلعبين بذيلك !
الكل يعرف عنك يا قليله الحياء شبكتي ولد أخوي سعود وخليتيه يخطبك وانت على ذمة رجال !
ام سالم بغضب والحريم تناظر : خلاص
ام محمد تكمل : ما خلصنا خلي الناس تعرف حقيقتها
ليه طلقها ولد عمها ابو راكان يوم الزواج؟!
كم جوال إخوانها كسروا لها من صياعتها !
وهذا عبدالله موجود كم جوال يشتري لها ويومين يكون مكسور من إخوانها !
روحي اسألي عن هزاع بالقريه وقصة الحب إلي عاشتها
والا خطيبها الأول شبكته بالمستشفى
وكا
قطعت كلامها وحطت يدها على فمها بآلم من الضربه إلي حصلتها
ساره بغضب : إذا أنا مثل ما قلت صايعه تراني تربية يدك مثل ما كنت تعملين قلدتك !
وأنا حصاد يدك !
اميره وهي تمسح الدم من فم أمها وبصراخ : خلاص يا ساره !
خلاص يمه وش هالكلام الملفق !
ما ترتاحين إلا لما تنشرين إشاعات من عقلك !
ام محمد دفتها عنها : روحي عني يالعاقه !
تدخلت ام راكان : ترى الظلم ظلمات يا ام محمد !
ربي يشهد ساره كانت خطيبة ولدي وعاشت قدام عيني ما عمري شفت عليها الزله !
وطلاق ولدي لها كان ظلم عاقبها بتصرف خلف اخوها وقال مثل ما طلق اختي نطلق اخته !
ام محمد : ام راكان لا تتدخلين
قاطعتها ام سالم وهي تناظر همس الحريم وكيف خربت العزيمه : بيتي يتعذرك يا ام محمد ...وإلي يطعن بزوجة ولدي كأنه يطعني
ام محمد رفعت جوالها : طالعه بدون ما تقولين ... ما اجلس بمكان انهان فيه !
ما رح أسكت على الإهانة هذي !
تظنون ما عندي أهل يوقفونك عند حدك يا سوير ؟!
تراني مو مثلك مقطوعه ما لي أم ولا أب ولا إخوان حولك ولا زوج مثل الناس !
وخلال ثواني جاءها الرد وبمبالغه : تعال يا أخوي خذني ....حسبي الله عليها سوير تهجمت علي وضربتني قدام المعازيم ...ايه عندهم ...انتظره !
وطالعت ساره بتوعد : وقسم بالله إلا تندمين !
وتركتهم وطلعت !
ام سالم وملامحها ما تتفسر
قررت تخلص العزيمه على خير وبعدها يصير خير !
اميره مسكت يد ساره بهدوء : تعالي معي !
فكت ساره يدها وصوتها بدأ يهتز : اتركيني ما لي خلق لأحد !
اميره بهمس : تعالي نتصرف ترى أمي أعرفها ما رح تمشي السالفه كذا !
تعالي نحلها قبل ما تكبر !
هزت رأسها بالرفض : ما رح أتحرك من هنا !!!
**
**
**

عمار وهو ماسك نفسه عن جدته إلي قدمت شكوى على ساره إنها تهجمت عليها وضربتها و شتمتها ...
طالع ساره الواقفه بثقه يا أرض اشتدي ما عليك أحد قدي،!
يبغى يخلص الموضوع بسرعه وكلام عمته اميره يتردد لو عرف زوجها إنها بمركز الشرطه ما رح يسكت !
ابو عزام بقهر من أم محمد : وش هالحركات هذي يا خالتي ؟!
فكينا من هالمشاكل !
وطالع وليد : تحرك عاجبك الوضع ..
قاطعته ام محمد بردح : والله ما أسقطها ورب الكعبه !
أنا هالبزر تمد يدها علي !
عمار همس لساره : سلمت يدك !
وبنظره لجدته :والله عيب هالحركات يا جده ..كبري عقلك واتركينا من المشاكل والفضايح تراك جدتي وهذي عمتي الخبله !
ابتسمت ساره بدون نفس وما تكلمت !
سرعان ما حست الدم تجمد بعروقها لما دخل ابو فهد وملامحه ما تبشر بخير !
عمار تأفف وبهمس لساره : هذا وش جابه ؟!
وش عرفه بالسالفه ؟!
اسمعي ما عليك منه .. وإن تفلسف أقولك للحين بيتي مفتوح لك لا تذلين لنفسك لأحد وترضي بالذل بحجة وين أروح !
فاهمه !
هزت رأسها وقلبها يدق بقوة من ملامحه الغاضبه !!!
ام محمد قلبها دق خوف من ملامحه وخاصه لما تقدم منها وتكلم معها : وش حركات البزران هذي ؟
الحين تتنازلين و فكونا من المشاكل وهذي الخلافات نحلها بين بعضنا !
ما له داعي للفضايح !
ام محمد بخبث تمثل الطيبه : أنا ما أبغى المشاكل بس زوجتك ما تركتني بحالي رشتني بالعصير وضربتني قدام الحضور !
انا بعمر جدتها تمد يدها علي !
ترضاها علي ؟!
اعطى ساره نظرات توعد دوبه منبه عليها حركات الصيع والضرب ما يبغاها !
رمت كلامه بعرض الحائط ولا كأنه كلمها بشيء !-
رجع طالع ام محمد وهو كاتم غيضه: ما أرضاها يا خاله !
والحين تتنازلين وفكونا من هالفضايح !
ام محمد تمثل الطيبه تنازلت عن القضيه بدون معارضه !
عمار همس لساره محاوله اقناعها : بعدك مصممه!
خلاص فكينا من المشاكل !
ساره بتصميم: لو على رقبتي ما رح افوت الفرصه جاءت لي على طبق من ذهب !
ابو فهد اقترب منها وبنبره فيها حده : يلا امشي !
اعتدلت بوقفتها وبقوه تكلمت بدون ما تناظره : ما كملنا شغل !
وسلطت نظرها لام محمد : الحين رح ارفع عليك قضيه شرف «قذف»
والشهود كثير !
ام محمد انخطف وجهها من الخوف وبصوت متقطع : بس أنا تنازلت عنك
ساره بلامبالاه : مشكلتك ما هي مشكلتي !
وحقي رح أخذه من عيونك !
ابو فهد بحده : اقول امشي ونحل هالسوالف برا !
وليد طول الوقت ساكت يحضر هالمهزله بعد ما سمع أبوه إنها أخته مشتكيه على ساره اتصل فيه يحل السالفه بدون محاكم بس عمته رفضت .... ارتفع ضغطه منهم ما صدق عمته تتنازل والحين تبدأ قضيه ثانيه : وشهوله ترفعين قضيه على عمتي وانت ضاربيتها ؟!
ساره رفعت اصبعها : الف مره قلت لك انت بالذات لا تتدخل وما تحشر خ
سكتت لما نزل يدها ابو فهد وبفحيح من مرادده الرجال : لهنا وكافي !
امشي دام النفس عليك طيبه !
ساره مستحيل تتنازل عن حقها : ما رح أتحرك إلا لما ارفع قضيه
ابو فهد طالع عمار الواقف وملامحه تدل على رضاه بتصرفاتها : عاجبك كلام عمتك ؟!
ام محمد بغضب : الكلب اكيد مشيشها علي !
اذا ما اتصلت بمحمد وخبرته بسواد وجهك انت وسوير ما اكون
ام محمد !
مسكت ساره بيد عمار : تعال
سحبها ابو فهد من يدها بقوه: اقول امشي قدامي وأنا أخذ حقك منها بدون محاكم !
فك عمار يد ابو فهد عنها وبقوه تكلم : لا تمسكها كذا !
إذا هالمكان مو من مستواك تقدر تتفضل وحنا نكمل شغلنا هنا !
ابو فهد والغضب يتصاعد الدخان من رأسه وبقوه تكلم : لما تكون زوجتك تكلم كذا تفهم !
وسحبها من يدها بقوه وتوجه خارج المركز ...فتح السياره ودفها داخلها وقفل السياره
ورجع لداخل المركز وملامحه ما تبشر بخير !
**
**
**
أوجعتها خاصرتها من الدفه ...عفست ملامحها بألم وهي ضاغطه عليها...
تبغى تنفجر من تحكمه فيها ....ما له دخل فيها !!
للحين النار بقلبها وما فرغت قهرها وحرتها مثل ما تبغى !
زمت شفتها تمنع نزول الدموع ...مقهورة وموجوعه ...
كلام أم محمد ضربها بالصميم !
كيف تناظر أهل زوجها بعد كلامها !
معقول يصدقون هالكلام !!
غمضت عيونها وهي تفكر بحياتها ...
متى تنتهي قصه اوجاعها ؟!
دامها ام محمد موجوده ما رح تخلص منها !
مسحت بخفه نزلت من عيونها لما حسته فتح باب السياره !
تآكدت إنه للحين غاضب ..لما قفل باب السياره بقوه !
حرك وصدره يرتفع ويهبط من الغضب ...
تكلم والدخان يتصاعد من رأسه : ما في زوج عندك تكلميه وتقولين له إنها الكلبه مشتكيه عليك !
ما تعرفين تتصلين وتعطيني خبر...... علشان أكسر رجلها قبل ما تفكر تروح تشتكي عليك للشرطه !
وإلا قالوا لك عني رجل طاوله بالبيت ...وانت رجال البيت تطلعين وتتحركين على كيفك !
وإلا عاجبك الوضع تدخلين المركز آخر الليل !
وما شاء الله عليك كاشفه هالعيون وحاطه كحل !
انا ما أدري انت ما تفهمين الكلام وإلا وش سالفتك ؟!
انا تغاضيت عن أمور كثيره لكن هالمره ما رح أتغاضى عن هالتصرف !
علشان مره ثانيه قبل اي تصرف تحسبين حساب إنه لك زوج و ما تتصرفين على كيفك !
ولما أقول شيء يتنفذ مو تردين كلامي وكآني بزر !
تنهد وللحين بداخله نار : يصير خير نضرب... ونرادد الرجال.... ما شاء الله ... يصير خير
ساره وقلبها يدق طبول من غضبه ومع ذلك ما سكتت لأنها تحس النار إلي بداخلها ما انطفت للحين : انا هذي حياتي ومو عاجبك الحين رجعني لبيت اخوي !
طالعها بحده : انكتمي ...
تابع كلامه : ليه ارجعك ؟!
رح ارجع أربيك من اول وجديد دامك تربيه ام أميره !
وش رح ألقى فيك ؟!!
ساره انقهرت من كلامه : مربيه غصب عن الكل !
اكون مثلك اذا جلست في بيتك دقيقه !
مط شفته بسخريه بالرغم من ملامحه الغاضبه : احلامك أكبر منك بكثير ...احلمي تطلعين من بيتي ..او يفترق اسمك عن اسمي يا ابنة عمتي !
وشد على اخر حرف بتحدي !
ساره والغضب إلي بداخله يزيد : مو على كيفك !
ما لك سلطه علي !
وحقي رح أخذه بيدي وما رح أسمح لأحد يوقف بوجهي !
لهنا كافي !
تاركني معلقه على ذمتك سنين ..والحين جاي تفرض نفسك !
الحين تذكرت انه لك زوجه تركتها خلفك تعيش الفقر والحرمان تلبي طلبات بناتك ...وانت عايش حياتك بالخمر والله يستر من المستور !
اصل
قاطعها وهو يمسك يدها بقوه : ولا كلمه !
«شين وقوي عين »
فوق سواد وجهك ولك عين تتكلمين ؟!
احمدي ربك إني للحين ماسك نفسي عليك !
وسوالف الماضي ما له داعي كل شوي وتعيدي نفس الشريط !
ما توقعتك هيمانه وتتحسفي على ذيك الأيام إلي تركتك فيها !
ألف مره قلتلك حطي اللوم على أخوك إلي يعرضك على الناس !
لا تظنين إني أبغى أذلك بهذا الكلام !
لا بس أنا أبغى أذكرك إنه لي فضل عليك أنقذتك من شر أخوك !
لو ما تزوجتك يمكن صار مزوجك 10 !
امور ما تعرفيها لا تتكلمين فيها ....ولا تخلطين مشكله اليوم بالماضي لأني ما رح اتغاضى عن حركتك أبدا !
وولد أخوك عمار هذا عديم الرجوله لو أشوفك عتبتي باب بيته أكسر رجلك !
طالعته بغبن وغضب : ما يطلعلك تحرمني من أهلي !
طالعها باستخفاف : أهلك ؟!
محمد مسافر وزوجة أبوك علاقتكم كثير حلوه وعمك ابو راكان علاقتك فيه مو ذاك الزود واميره جنبك ساكنه ...وين أهلك إلي تتكلمين عنهم ؟!
حنا أهلك وغير كذا ما أعرف !
ولد اخوك ييجي يزورك ما رح اطرده بس انت تروحين هناك ممنوع !،
وباب البيت ممنوع توصلينه الا بإذني !
اجلسي في بيتك وانتبهي لبناتك ودراستك وانتهينا !
طلعات ومشاكل أنا مو فاضي أركض من مركز لمركز اخر الليل !
لفت وجهها بقهر بعد ما حررت يدها بقوه : اشتري علبه وخللني فيها يكون افضل !
تنهد وبهمس ما وصل لمسامعها : يا ليت لو يطلع بيدي !
وبصوت اعلى : مو حاسه إنه لسانك طويل !
ترى أنا ما أحب الزوجه إلي لسانها طويل وصاحبه مشاكل !
قاطعته بقرف : عمرك لا حبيتني !
مو عاجبك طلق وانتهينا !
مط شفته : ليه اطلق وأنا أقدر اقصه ؟!
وقف السياره واشر لها تنزل بعد ما وصلوا : انزلي وكلام زايد قدام أهلي ما أبغى أسمع !
مطت شفتها بقرف ونزلت وتقدمته بخطوات ...
دخلت بهدوء وعيونها تراقب إذا فيه أحد او لا !
تفاجأت بوجود ابو نورس وام سالم وكأنهم ينتظرون رجوعهم !
ابو نورس باهتمام : وش صار معكم ؟!
عسى الحربايه تنازلت !
ام سالم بزعل طالعت ساره وما تكلمت !
ساره تنهدت وردت بهمس: تنازلت !
دخل خلفها ورد السلام بخفوت ،!
ام سالم مطت شفتها : وعليكم السلام !
ابو نورس : كيف اقنعتها تتنازل ؟!
رد وللحين نبرته غاضبه : أبغى افهم هالسوسه ليه تعزمينها يمه ؟!
وقسم بالله لو اشوفها معتبه باب بيتنا إلا اطردها بنفسي !
وما علي من أحد !
وش هالناس الحثاله ؟!
ام سالم : خلاص اقطعوا علاقتكم فيها !
مو ناقصنا كل يوم بالمركز !
ابو فهد بتأكيد: وهذا إلي رح يصير ...
ام سالم : المفروض الحين تكون نايم ومرتاح قبل السفر !
تنهد بضيق : اجلنا السفره ..يمكن أسافر بعد أسبوع او أسبوعين للحين ما حددنا !
ابو نورس : على خير ان شاء الله ...
هز رأسه و استأذن واشر لها تمشي معه !
مر من جنبها وهي واقفه بمكانها مصدومه «يسافر »
دوبها لقته والحين يتركها !
سحبها من يدها بخفه وبهمس : مطوله وانت واقفه !
أول ما دخلوا الجناح شنت هجومها : تبغى تسافر ؟!!
وأنا آخر من يعلم !
قالوا لك إني جدار بالبيت ؟!
تكتف وطالعها باستخفاف : صدق ؟!
نسيت أقولك توقعين موافقه على سفري ؟!
وبجديه سحبها لأقرب كنبه وجلس جنبها .. وبنبرة  تحذير وهو يحاول يضبط أعصابه: شوفي يا ابنة الناس ... أنا شغلي الحين مضطر أسافر من وقت لاخر ....فسالفه سفري شيء عادي .. أحياناً أغيب أسبوع أو شهر حسب الأشغال ...سفرتي هذي يمكن تطول شوي ما أدري بالضبط !
اليوم المفروض اجلس معك وأتكلم بس أشغلتنا خالتك !
عموما إلي أبغاه منك تهتمين بالتوأم بغيابي وتهتمين بدراستك وابعدي عن المشاكل والشر ... وأنا رح أرسل لكم المصروف واتواصل معكم !
حتى لو كنت مسافر أي طلعه خلاف الجامعه تعطيني خبر !
ومشكله اليوم ما رح اتغاضى عنها .....
**
**
**
عمار وهو يضحك بقوه : اخخخ لو شفتم شكل جدتي !
لما قال إنه رح يقدم شكوى عليها لأنها تقذف زوجته ؟!!
سلمان بلقافه : وش قالت ؟!
عمار بضحكه : لو شفتها كيف نزلت ترتجي فيه وتحلف أيمان ما تعيدها ولا تتدخل بساره !
ومع ذلك صمم إنه يشتكي وتدخل وليد وأبوك حتى يتراجع عن قراره
وبطلوع الروح وافق !
عبدالرحمن : هو صدق ناوي يشتكي عليها ؟!
عمار : اكيد لا لأنها ساره بالسياره اتوقع مجرد تهديد ونجح فيه !
ماجد بشماته : تستاهل تراها ما تركت احد من شرها !
**
**
**
ام راكان بانتقاد : الله يسامحها كيف فضحتنا بالعزيمه !
حتى كلامها استغفر الله وفوق هذا مشتكيه على ساره !
ام ماجد : انا لو مكان ساره مو اضربها بس الا اكسرها !
كلامها ثقيل كثير قدام المعازيم وأهل زوجها !
عائشه بانفعال : اخخ يا ليتني كنت موجوده علشان امسح فيها الارض !
ام ماجد : انت لا تتدخلين بلاه ماجد يعمل لك قصه !
عائشه ابتسمت بانفعال : صديقتي وما اسمح لأحد يضايقها !
ام راكان ناظرت ساعتها : المفروض اليوم يرجع ابو راكان ما ادري وش فيهم... قلبي يقول عندهم سالفه !
**
**
**