رواية اخوات زوجتي الفصل الخامس 5 - بقلم مني عبدالعزيز

روعه اتفقت مع عصابتها تنفيذ خطتها في الانتقام من نادر. دارين: تلفونه عادي والرسائل اللي فيه كلها لظباط زميله. رغد: معقولة ظابط وقمر كده وشخصية مالهوش حاجة كده ولا كده، هي البنات اتعموا؟ روعه: بابتسامة نصر، هههههههههههه فاكر نفسه ذكي. دارين: يا بنتي متعبيش نفسك، تلفونه نضيف ولا بنت ولا حتى صورة فيه. روعه: عشان انت هبلة، ده تليفون، خليه ده بدل البنت مية.

رغدة: يا روعتي، هي الضربة كانت قوية يا بنتي، فتشتنا في الفون مية مرة مافيش اسم ولا ليه. روعه: هههههههههههه مقلتلك لسه بدري عليكي تفهمي الشخصية يا بنتي، ده زير نساء، تليفونه ملغم، مفهوش ولا راجل غير اتنين تلاتة كمان. دارين: يا اختي عليا، أنا فريت الأسماء ميت مرة ولا شفت اسم من الاسته دي.

روعه: شوفي يا بنتي انتي وهي، كل واحدة عاملة لها اسم مستعار وكود كمان. يعني شوفي كده، واحدة كاتبة اسمها كابتن حسام الجميل كود ٣٦، كابتن سامح اللذيذ كود ٣٩، وكابتن ماجد الخبير كود ٤٠. والكابتن زين الطيف كود ٣٥. وعندك بقى ست الكل، ودي أكيد مامته. وعندك سيادة اللواء عاصم، وده مديره. وعند سامر، وده زميله أو حد يعرفه. وعند خالد، وده الظابط المفجوع جار البت سيمو. وعند دي أخته، كاتبة حبيبة أخوها. والباقي أسماء بنات فوق ٣٠ اسم. وعامل شريف، وهو خربها. وشوفي كمان عامل لستة جنبية لسه بيفكر يمليها، ما هي تانية كوبليت.

درين ورغدة: يا بنت الجنية، قدرتي تعرفي سره بسهولة ديه. روعه: ده لاعب في عداد عمره، وقطع عليا اختراعات الواد معتز اللي فرجه عليا وعلى الغلابة اللي حواليه. رغدة: بتأثر، فعلاً يا رويعي، قطع علينا الحنفية. هنكمل المشروع إزاي وباقي عليه تكة ويتبني. في الخارج، غرفة روعه، الكل مجتمع لمناقشة آخر التطورات. نبيل: الكل يفهم اللي هيحصل، أنا شاكك في روعه ومش فاهم إزاي تتعمى بسرعة ديه.

مازن: بابا، انت كده بتشكك في خبراتي ومهاراتي الطبية. معتز: أنا شاكك مليون المية، دي نصابة وحرامية، أكيد دي تمثيلية. لوزة، عمتها: لا مش ممكن تكون تمثيلية، أنا اتأكدت بنفسي وهي بتحسس تدور عليا، وأنا كنت بعده أديه. معاز: اهي نعمل لها كام اختبار ونكشف عمايلها. مروان: بحسي البوليس أقول من مكاني هذا، كل اللي بتعملوه على الفاضي، لا يمكن روعه تنكشف. مازن: مالهاش غير حل، كاميرا مراقبة ونعرف آخرتها. فجأة، جرس الباب رن.

ذهب عماد وفتح الباب، وجد شخص ضخم. الشخص: السلام عليكم ورحمة الله. عماد: عليكم السلام ورحمة الله وبركاته. الشخص: ده بيت الأستاذة روعه المحامية. عماد: أيوه حضرتك مين. خرج نبيل يرى مين، وجد شخص طويل وجسده ممتلئ. نبيل: اتفضل حضرتك، بتسأل على روعه ليه.

الشخص: آسف يا بيه، ما كنتش أعرف اللي حصل للأستاذة روعه، ويدوب عارف من شوية. روحت المستشفى سألت عليها لقيتها خرجت، مقدرتش أروح من غير ما أزورها وأطمن عليها. أصل الأستاذة خيرها مغرقنا. معتز: قول يا كابتن، وأشجيني، الأستاذة خيرها سابق في إيه. الشخص: كتير يا بيه، وقفت جنبي حريمي وأنا مقبوض عليا في تهمة متلفقة ليا. وعفرت وطلعتني براءة. غير اختراعها الله يسترها، خلت المحل بتاعي شخصياً أشهر محل حواوشي في مصر القديمة تمام.

مروان: دخل من الباب، وجد شخص ضخم وطويل وصوته أجش. مروان: مين المخلوق ده. الشخص: محسوبك المعلم زغلول حواوشي، صاحب أكبر مطاعم حواوشي في مصر القديمة تمام. معتز: ما كملتليش يا أخ حواوشي، شغلك مع الأستاذة ماشي إزاي.

زغلول: الأستاذة ما فيش أحق منها، ضميرها صاحي. رفضت تاخد تمن الاختراع، قالت ده تمنه مئات الآلاف من الجنيهات. وهي بطيبة قلبها وظروفه، مقبلتش تاخد مني أي فلوس. دخلت معايا شريكة بالمحل بربع، تاخد مكاسبها يوم بيومه. غير أجرتها من شغل المحاسبة، ما هي ست مدبرة، وفرت لي أجرة المحاسب وبتاخد نص أجرته. مش بقولك ست كمل. نبيل: خرجت من القضية المتلفقة ليك إزاي.

زغلول: أبداً يا بيه، الست الأستاذة روعه بعلاقاتها الكتير وحنكتها القانونية قدرت تعرف أن طلقته منها لله هي السبب في البلاغ وأثبت أنه بلاغ كيدي عشان طلقتها. عماد: شرفت يا معلم زغلول، تحب تشرب إيه. زغلول: شربات يا بيه. الكل: نعم شربات. زغلول: ما أنا كده كده كنت جاي أقابل حضرتك يا نبيل بيه، فهو بالمرة حضراتكم موجودين وبصلات النبي مجتمعين، عاوز أقولك يا بيه أنا طالب القرب من حضرتك في الأستاذة روعه. عند روعه.

مروان دخل عليهم: روعه، بسرعة، الحووشي بره. روعه: وهي بترمش كذا مرة، زغلولي بره؟ يا مرحب يا مرحب. رغدة: كده معتز هينتحر هينتحر. دارين: يخربيته، ده جاي ليه. روعه: هههههههههههه جاي يكمل شرع ربنا ويطلب إيديا. بيورطني البيه، فاكر كده بيحطني قدام الأمور الواقع. مراد: هههههههههههه ده بلبل هيجيله جلطة مستعجلة. روعه: ولا دودو هتقول بقى أنا دودو الطويل يبقى جوز بنتي خرتيت. مروان: ولا معتز ومعاز وخالو عماد اللي هيجننوا.

روعه: زغلول طماع، عاوز ربع المحل. وفاكر بحلته دي هيضحك عليا. ده لسه من كام يوم بيساومني يا ربع المحل، يا هيقول لمروان إني استغليت اسمه وخرجته برة قضية طلقته. أومال لو عرف إن شراكته في المحل طلقته وأنا يدوب مجرد اسم. ده ظالم وطماع. بس على مين، أنا هثبته. بس عليك يا مراد، بعد مدة تروق بقى. يهددني أنا. رغده: دي هتبقى مصيبة مصتعصية لو حكى عن الاختراع. خرج الكل مفزوعين على صوت نبيل.

نبيل: انت يا غوريلا، بتقول إيه بقى، انت عاوز تجوز بنتي أنا. زغلول: ليه يا باشا الغلط، دي عرض وطلب. ياه يالا، وكمان الراي راي الست الأستاذة، مش ممكن توافق عليا. عماد: بتقول إيه يا جحش، توافق عليك إزاي دي، فرق في السرعات. انت مش شايف الفرق اللي بينكم، انت قربت من الأربعين وهي يا دوب عشرين. ولا شايف حجمك وحجمها، ولا طولك وطولها. دي اللي يشوفها جنبك يقول جدها.

نبيل: هو ده كل اللي لفت نظرك، وكل اللي فات والكلام اللي اتقال، والحاجة فهمتها. عماد: لا، اللي فهمته إنه عاوز يكمل شرع ربنا. نبيل: انت قلت مجوز كام، ولا عندك قد إيه عيال. زغلول: حريمي لا مؤاخذة تلاتة. بس الست الأستاذة هتكون الكل في الكل، وهي الآمرة الناهية. وهما خدامين تحت أمرها. معتز: بفرحة، وافق يا بابا، خلينا نخلص منها وهو يبتلي بيها. خرجت روعه متعصبة من كلام أخوها المخترع.

بس على آخر لحظة قالت: لازم أكسب الكل، أنا لسه مشواري طويل والمسؤولين مني كتير. أنا لازم أعلم زغلول درس، وبعدها هتفرغ لواحد واحد وأفهمه. روعه: أهلاً يا معلم زغلول، شكراً على زيارتك. زغلول: أهلاً ست الأستاذة، ألف لا بأس عليكي، إن شاء الله عدوينك. نبيل: انتي إيه خرجك. روعه: آسفة يا بابا، بس في كلمتين لازم أقولهم للمعلم. زغلول: بفرحة، اتفضلي، أنا تحت أمرك.

روعه: سبق وكلمتني بالموضوع ده وأنا رفضت. مش أنا اللي آخد واحد من بيته ولا ولاده. نبيل: نعم. روعه: مستكملة، انت حلم أي بنت يا معلم زغلول، بس آسفة، طلبك مرفوض. أنا منفعتكش، لا انت ولا غيرك. أنا بقيت عمياء ما بشوفش. زغلول: بتأثر والدمعة هتفر من عينه، ليه يا ست الأستاذة، أنا هكون عينيكي اللي هتشوفي بيها.

روعه: بسرعة قلت، لا يا معلم، أنا ما أحبش أكون عالة على حد. يا ريت تقدر موقفي ومتزودش همي عليا. كل اللي طلاباه منك حسابات المحل أول بأول توصلني هنا. نبيل: أظن سمعت الرد. اتفضل حضرتك، ما عندناش بنات للجواز. خرج زغلول حزين. فهو كان بيملي نفسه بجوازها وربع المحل يكون بتاعه. نبيل: تصدقي، أنا اتأثرت. بقي متنفعيش ليه؟ أمال حضرتك لو بتشوفي كنت وافقتي عليه.

روعه: أي نعم، ممكن كنت وفقت عليه. ماله، راجل كل ست تحلم به. مركز وفلوس وصاحب أكبر محلات حزارة وحواوشي في مصر القديمة تمام. نبيل: ابعدوها عني قبل ما أجلط. أنا فعلاً معرفتش أربي النصابة دي. معتز: كنت وافقت، ويهتتربى من جديد وتتعلم الأدب. نبيل: أول عريس هييجي يتقدملها، هوافق من غير ما أفكر. روعه: .... أهو من أولها زهقت وعاوز تخلص مني.

دودو مامتها: الله يكون في عون اللي هيجوزك. انتي هتجيب لنا جلطة كلنا. جايبالي معلم ولابس جلابية عاوز يجوزك. بقي أنا أنا دودو الطويل جوز بنتي خرتيت. يا شماتت كل صحابي فيا. مش كفايه انتي عليا بلبس ونضارتك والسالتونيه اللي لابساها دي. دي حتى خالك عماد فيه أنوثة أكتر منك. الكل ضحك على كلام دودو.

روعه: بغيظ من ضحكهم، لن أنسى لكي هذا الموقف يا دودو. وبلبل اللي سامع كل حاجة وعامل من بنها. واللي معتز اللي عاوز يخلص مني. لن أنسى لكم هذا الموقف. رن جرس الباب. فتح مروان الباب، وجد تسنيم. تسنيم: سلمت على الجميع وقعدت شوية. روعه: يا سيمو، تعالي خدي ايدي. دخليني، عايزة أرتاح شوية. تسنيم: بتأثر شديد، تعالي يا نور عيني. أسرعت ودخلوا الأوضة. روعه: قفلت الباب، ها اتكلمي بسرعة، جبتي التسجيلات.

تسنيم: أيوه، بس بعد غلب كريم بتاع الأمن. قال إنه حذفهم بعد مناقشة. قال إن فيه لواء طلب شرائط الكاميرات كلها. ياترى إيه التسجيلات وهتعمل بيها إيه.