رواية اخوات زوجتي الفصل الثامن 8 - بقلم مني عبدالعزيز

هناك من نقابلهم صدفه ... ولا ننساهم هناك من نعيش معهم ........... ولا نراهم هناك من نشتاق لهم ........ ولا يشعرون بنا هناك من يشتاقون لنا .......... ولا نشعر بهم هناك من نفقدهم ..................... وهم بيننا وهناك من نفقد أنفسنا .... ونحن معهم عند روعه قبل الفرح بيوم روعه في غرفتها هتجنن من اللي حصل وعتاب والدها لها واكتشافه بما قامت به من قرصنه حساب اللواء وابنته هي وصديقتها وارسال فيديو للانتقام من الضابط نادر.

تذكرت حديثه معها بعد رحيل اللواء عاصم وعائلته. نبيل: أنا عطيتك الثقه وعطيتك الحريه وربيتك زي اخواتك معملتكيش زي جدك معامل عماتك. ليه تخليني أفقد ثقتي فيكي

روعه: بس انا مستخدمتش الحريه اللي عطتهالي غلط وثقتك فيا وعمري ما خذلت حضرتك. وان كان على الفيديو اللي اتبعت لنيرة وانكل. اتحذف بعد ساعه واحدة من الفون عند كل البنات ولو انكل عاصم فتح فونه هيلاقيه انحذف. أنا بس كنت عايزة انتقم من نادر بس اللي حصل حضرتك اتفقت مع انكل عاصم وجوزتونا من غير ما تاخدوا رأينا وحضرتك عارف اني عمري ما اقدر أرفض ليك طلب ولا أصغر حضرتك. بالرغم انك عارف ان الجوازة دي مش متكافئة... وخصوصا

في الفترة دي والظروف نبيل: لان دي أنسب طريقة تقدري تصلحي بيها الغلطة اللي حضرتك عملتيها. روعه: نعم غلطة؟ أنا معملتش غلط. نبيل: لا غلطتكم انتوا الاتنين. هو غلط بالعملة معاكي وشكه في أخلاقك وتربيتك. انتي غلطتي باللي عملتيه ومحاولتك ابتزازه بالفيديو اللي عملتيه. ومش ناسي عملتك مع أخوكي معاذ والاختراعات بتاعته. لو فكرة اني سمحت في الموضوع ده تبقي غلطانة. أنا بس ساكت لإن عارف ومتأكد انك هتجي وتحكيلي اللي حصل.

روعه: حضرتك عارف ومتأكد اني معملتش كده غير لسبب مقنع بس اللي أقدر أقوله دلوقتي اني فخورة باللي عملته والزمن كفيل إن حضرتك تتأكد. نبيل: أكيد. أنا عارف ربيت بنتي ازاي وعارف قد إيه هي لا يمكن تخزلني. روعه: إن شاء الله هتكون فخور بيا. بعد انتهاء نبيل من كلامه مع روعه.

روعه هتجنن من الإحساس والفرحة اللي بتكون فيها بوجود نادر. وأصرارها على الانتقام منه وابتزازه. هذا ما أملت به نفسها أنه أقصى ما تنوي فعله لتعويض ما خسرته من اختراعات أخيها معاذ. لكن توصل للجواز هذا ما لم تتوقعه. روعه تجوب الغرفة ذهاباً وإياباً. هجنن! مش عارفة أتصرف. بابا وانكل عاصم كشفونا والجوازة تمت والفرح بكرة. اعمل إيه أنا؟ لسه ما شفتش غليلي منه. تسنيم: يابنتي ارحمينا وارحمي نفسك. مفيش مشكلة ملهاش حل.

روعه: ده جواز مش مشكلة! إزاي هلاءلها حل. دارين: بصي انتي مكبرة الموضوع. دي سهلة خالص. تعالي أقولك تعملي إيه. روعه: اتفضلي قولي اقتراحك المذهل. دارين: عادي يا روعي اتجوزيه. ده حتى ده موز السنين وشكله وعضلاته حاجة تجنن. روعه: لو اقتراحك مدام عجبك كده ما تجوزيه انتي. شوفيلي حل كويس. رغدة: حنين ام الأفكار بالطريق. ماهي قالت عندها فكرة جهنمية هتخليكي تفتحي.

روعه: آهي أفكاركم دي هي اللي بتلبسني في مصايب. أنا هفكر أنا لحد ما ألاقي حل للمشكلة. في خارج غرفة روعه انتهت أم روعه وعماتها من إحضار مستلزمات روعه للزواج من ملابس وفروشات. سهي: مش هتاخدي رأي روعه في الحاجات اللي اشتريتيها يا دودو. دودو: أوعي حد فيكم يقولها. دي لو شافت ولا عرفت الحاجات دي مش بعيد تبعهم وتشتري بتمنهم أكل بنتي. وعارفها وهي آخرها تلبس جينز. سهي: والله صعبان عليا جوزها. أنا حاسة أنها هتجننه.

دودو: هههههههههههه. متهيأ لي هو عمل ذنب كبير فربنا رزقه بروعه تخلص ذنوب ناس تانية منه. أو هي عملت حاجة حلوة في حياتها فربنا رزقها بنادر. لوزة: بس لازم تقسميهم على الأقل. دودو: لا أنا اخت المقاس. مظبوط. سهي: الإنجيري دول حاجة وهم. عماد من خلفها: عقبال ما تشتري زيهم للغلبان. بقي أصغر واحدة في العيلة تتجوز واحنا مكتوب كتبنا من خمس سنين ومش عارفين نجوز بسبب شرط المرحوم أبوكي. منجوزش قبل الست لوزة المضربة على الجواز.

لوزة: استغفر الله. هو أنا مانعاكم تجوزوا؟ سهي: بلبل مصمم ينفذ وصية بابا. لوزة: يعني أنا العقبة. تمام. أنا هوافق أقبل العريس يوم الجمعة مع إني رافضة فكرة الجواز من أصله. بس عشان محدش يعملني حجته. دق جرس الباب. ذهب معتز لفتح الباب. معتز: بهيام. أهلاً يا آنسة حنين. اتفضلي. روعه في أوضتها. حنين: برقة ونعومة. مشكورة يا بشمهندس معتز. دخلت حنين عند روعه لتنفيذ خطتهم.

معتز: لا أنا لازم. أصرف. روعه تتجوز وأنا أفضل من غير جواز. حتى ده ما يرضيش ربنا. أنا لازم أكلم بلبل يحل المشكلة. في غرفة نبيل وهو ينظر إلى ما قامت دودو زوجته بشراءه لروعه وهي تضعه في الحقيبة المخصصة لنقلها إلى شقة نادر. نبيل: دودو! إيه الحاجات الخطيرة دي اللي جايباها لروعه دي؟ ما جبتيش حاجة كده ولا كده ليكي. دودو: هو ده وقته يا بلبل. هو أنا فيا عقل أفكر في كده. نبيل ممسكاً بأحدي القطع.

دي هتنفع عليكي. روعه ولا بلاش روعه. سيرتها بمصيبة. البسيهالي يا دودو. شكلنا ربنا يوفقنا ونجيب أخت لروعه. دودو: بلبل مش وقته خالص كلامك ده. نبيل: لا ركزي معايا. بقولك دا أنا مظبط نفسي على بنت. أنا بقولك ركزي معايا عشان تجي بنت. دودو بدلع: هات ده أجربه. هيجي عليا ولا لا. نبيل: العب دي للتنا عنب. بعد قليل خرجت دودو مرتدية اللانجيري بلون العنابي قصير للركبة وظهرة مكشوف.

نبيل: إيه الجمال ده كله. بقي بزمتك روعه صالحتك تلبس العنابي ده؟ وقام بحملها ليتوجه إلى الفراش. ليفتح باب الغرفة مرة واحدة مثل ضباط المباحث أثناء هجومهم على وكر من أوكار المجرمين. معتز: أنتم بتعملوا إيه؟ يرمي نبيل دودو على الأرض. من الخضة والصوت العالي. لتسقط متألمة وتدحرج نفسها لتحت السرير لتخفي جسدها العاري. نبيل: إيه؟ في إيه؟ معتز: بابا! أنت هنا؟ وأنا بدور عليك. عايزك في موضوع مهم.

نبيل: وهو قدمه تخبط في بعضها من أثر الخضة. الله يخرب بيوتكم! أنا خلاص قطعت الخلف. مش عايز أجيب البنت دي اللي هتقضي عليا. كل ما أفكر أخلفها تحصل لي مشكلة. دودو: آخ! وأنا عضمي اللي تفشفش. ما عدتش قادرة لسبع سنين قدام. أوعك تفكر تخلف بنات. معتز: عايز تخلف في سنك ده؟ وأنا وإخواتي نبور؟ مش كفاية روعه؟ روعه هتتجوز قبلنا. مروان من خلفه: عندك حق. إيه يا بلبل مش بتفكر تبقى جد؟ مازن بجانبه: أكيد يا ميرو.

بلبل: كبر ولازم يفرح بولاده ويشوف أحفاده. معتز: بلبل مش نفسك في بنت؟ ليك عليا لما أخلف بنات. هديك واحدة ليك. نبيل: امشي يا حيوان منك ليه! مش عايز أشوف وش واحد فيكم الساعة دي. معتز: لا أنا لازم أرسي على بر. أنا خلاص قررت. أنا عايز أتجوز حنين. مروان: وأنا نيرة بنت اللواء عاصم. مازن: وأنا رغدة صاحبة روعه الانتيم. مراد: الله! وأنا كمان عايز زيهم. نبيل: هه! هو هبل وخلاص. عايز زيهم؟

مراد: لا أنا عايز أتزوج أنا كمان. مش معنا أنا. نبيل: مفيش جواز إلا لما عمتكم تتجوز. عماد: من خلفهم. أهو هو ده الكلام. جوزنا أنا وأختك. ولك عليا أخلفلك تؤام. أنا آخد الولد وأنت تديك البنت. نبيل: أهي كملت. أصلها ناقصة غباء. صباحاً في بيت اللواء عاصم. أم نادر: صباح الخير يا عريس. يلا يا كسلان. في عريس ينام للضهر؟ مش تفوق كده وتضبط نفسك وتطلع شقتك تشوف حاجة ناقصة أو تحب تغيرها. نادر: أيوه. في حاجة مهمة عايز أغيرها.

أم نادر: هي إيه؟ وأنا أغيرهالك على طول. نادر: العروسة. عايز أغيرها. أم نادر: هههههههههههه. يابني صدقتك. كنت فاكرة حاجة مهمة. نادر: نعم؟ هي العروسة مش مهمة؟ أم نادر: مالها العروسة؟ ده عسل ولذيذة ومهضومة. نادر: مهضومة قصدك تلبك معوي. لكن عسل إزاي ولذيذ؟ مش راكبين. دي العكارة اللي بتكون في العسل. أم نادر: مالها روعه؟ دي اسم على مسمى.

نادر: آه فعلاً. هي سم مش اسم. دي يتقالها بشعة. مش روعه إلا فيها حاجة روعه. لبسها اللي شبه لبس الولاد. ولا نضارتها ولا السلطلانية اللي على رأسها. أم نادر: عشان سطحي. مش مقدر الجوهرة اللي معاك. روعه جمالها داخلي مش شرط تظهره. نادر: جوهرة نادرة دي صفيحة معفنة يا ماما. ده أنا عندي أنوثة أكتر منها. وتعالي قوليلي بقى الربع ساعة اللي قعدتها معاها. عرفتي جمالها الداخلي؟

عاصم والده: لا يا عريس. سماهم على وجههم. البنت بريئة. وهادية. مش شرط تكون فاتنة الجمال. بس جمالها هادي ومقبول وتدخل القلب. أنا عن نفسي دخلت قلبي وربعت. نادر: والله لو فتحت قلبي هتلاقيها ماشية بالخطوة السريعة. بعد قليل دخل سامر أخوه بيغني. سامر: النهاردة فرحي يا جدعان. عايز كله يبقى تمام. خالد من خلفه بيغني: يا ولاد بلدنا يوم الخميس هكتب كتابي وأبقى عريس. والدعوة عامة وهتبقى لمة. لولولولولولي.

عاصم: مش مكسوفين من نفسكم؟ دي أغاني ضباط ملو هدومهم بيغنوها. نادر: عندك حق. مفروض يغنوا سلم على الشهداء. خالد: ليه؟ هتستشهد؟ نادر: آه هتستشهد. وهتجوز روعه. أم نادر: والله البنت خسارة فيك. دي ملاك بريء ملهاش حس ولذيذة. كل ما نختارلها حاجة تقول لي طالما عجباكي أكيد هتعجبني. وأكيد انتي عارفة ذوق نادورة أكتر مني. نادر: الو. مسافة السكة هكون عندكم. جهزوا القوة وأنا وحضرة الضابط خالد بالطريق. خالد: في إيه يا نادر؟

والقوة ليه؟ نادر: اتصال جه للمقر. نفس الشخص وضع قنبلة في السينما اللي في مول *****. عاصم: ربنا معاكم يا شباب. إن شاء الله تقدروا تقبضوا عليه المرة دي. ارتدى نادر ملابسه وأسرع هو وصديقه خالد. وتوجهوا إلى المول لتفتيش دور العرض السينمائي به. عند روعه. حنين: أنا عندي فكرة حلوة تخليهم يصدقوا أن روعه بقت تشوف مرة تانية. روعه: قولي فكرتك. مع إني متأكدة أنها مش قد كده.

حنين: هتلبسي فستان طويل وتقعي وإنتي ماشية بيه وشوية وتبكي وتقولي فتحتي. دارين ورغدة وتسنيم: برافو عليكي يا حنين. جبتي الفكرة دي منين؟ روعه: أصلكم مجانين. أولاً مش هيخيل عليهم الحيلة دي. أنا عندي فكرة بمليون جنيه بس مش هتتنفذ هنا. العصابة: هي إيه؟ روعه: بينا نخرج نختار فساتين الفرح وننفذها هناك. خرجت الفتيات يبحثون عن فستان يعجب روعه. قضوا معظم النهار في البحث ولم تجد روعه ما تريد.

تسنيم: يا روعه. إحنا تعبنا. مفيش حاجة مالت دماغك ولا عجبك حاجة. مع أن الفساتين جنان. روعه: مش لاقية إلا في دماغي. حنين: فاضل مول *****. سمعت أن في كذا محل فيهم تشكيلات جنان. البنات: يلا. بس يارب نلاقي اللي يعجب روعه. توجهت الفتيات إلى المول لاختيار الفستان. وصل نادر وخالد للمول وجدوا القوة بانتظارهم. توجهوا سريعا إلى مكان الأمن والبحث في كاميرات المراقبة. نادر: هنقسم نفسنا على تلات مجموعات.

المجموعة الأولى هتدخل السينمات وتدور على القنبلة ومعاها خبير المتفجرات. المجموعة الثانية هتأمن مخارج ومداخل المول. المجموعة الثالثة هتراقب الكاميرات وتبلغنا بكل خطوة للمجموعات وتبحث في التسجيلات على مكان القنبلة والأشخاص اللي وضعوها. تمام يا فندم. أردف بها الضباط والمجندين.

بعد قليل استطاع فريق مراقبة الكاميرات من إيجاد القنبلة والشخص الذي يضعها في إحدى دور العرض في الطابق العاشر من المول. وأن هذا الشخص مازال متواجد في دار العرض. توجه نادر سريعا هو وفريقه وقاموا بالبحث عن القنبلة التي وجدوها في حقيبة يد أسفل أحد الكراسي. ويتبقى على الانفجار أقل من ربع ساعة. تم تفتيش المتواجدون بالسينما للبحث عن المتهم. بعد قليل تم القبض عليه وهو يتسلل لخارج السينما.

بعد الانتهاء من تفكيك القنبلة بنجاح والقبض على المتهم. خالد: مبروك يا نادر. الفرحة فرحتين. جوازك والقبض على المتهم. نادر: مبروك على إيه؟ الاتنين مصيبتين. خالد: فكها يا نادر. ده حتى أنتم لائقين على بعض وأساميكم قريبة من بعض. أنت نادر. حاجة قليلة التواجد. وهي روعه. مافيش تواجد. نادر: أبوس دماغك اسكت يا خالد. أنا فيا اللي مكفيني.

بعد الهرج الذي حدث في الطابق العاشر بهجوم القوات وإخراج المتهم إلى أحدى مكاتب المول للتحقيق معه عن وجود متفجرات أخرى بالمبنى. أنهت القوات التفتيش والتحقيق بعد التأكد من عدم وجود أي عبوات أو متفجرات. تم اصطحاب المتهم إلى مقر التحقيق معه. خالد: نادر الحمد لله المهمة خلصت على خير. ما تيجي نختار البدل. أهو نوفر وقت عشان تريح شوية قبل السهرة بتاعة بالليل. نادر: مش عايز. أنا عندي بدلة شاريهها من سنتين. عجبتني هلبسها.

خالد: لا لازم تلبس بدلة جديدة. ده أنتي عريس. نادر: بس من غير كلامك. وإلا هيفقع مرارتي. تعالي نجيب بدلة إعدام وخلاص. أمري لله. عند روعه. ال وجدت ما كانت تريده واشترته ومعه فستان آخر لتريه لأهلها. نادر وهو يمر من أمام محلات فساتين الزفاف. نظر لداخل المحل وجد روعه ترتدي فستان زفاف رائع الجمال. زهل من شياكة ورقة الفستان. نادر: الفستان تحفة. بس اللي لبساه مضيعة حلاوته.

ذهب نادر واشترى البدلة هو وخالد. بعد فترة قصيرة. توجه نادر إلى خارج المحل ليذهل مما يريد. الفتيات: بصرخة. روعه انتبهي! هتوقعي! أسرع نادر لإنقاذها قبل ارتطام رأسها بخافة السلم الكهربائي بالمول. فشل نادر في عدم تلقيها جزء بسيط من قوة الخبطة. أسرع بحملها والتوجه لأقرب مستشفى. بعد قليل وصلوا إلى المستشفى. نادر: أسرع بحملها والتوجه للاستقبال للكشف عليها بعد فقدانها للوعي فور ارتطام رأسها بحافة السلم الكهربائي.

أنهى الطبيب المعاينة وطلب بعمل أشعة على رأسها. بعد فترة فاقت روعه من الإغماء وعيناها تجوب الغرفة. وقع بصرها على نادر. روعه: أنا إيه؟ جبتي هنا؟ دماغي هتنفجر. حنين: حمد الله على سلامتك يا روعي. خضتينا عليكي. تسنيم: حبيبتي الحمد لله. لولا حضرة الضابط لحقك. مش عارفين إيه اللي كان هيجري. نادر: آه لو كنت أعرف إنها هي اللي هتقع من على السلم كنت سبتها. وأهو أخلص منها ومن الجوازة دي. روعه: وهي تمسك دماغها من شدة الصداع.

مش عارفين مين اللي كان ارتاح. روعه: بزهول. إيه ده؟ أنا بشوف؟ البنات بفرحة: بجد يا روعه شيفانا دلوقتي؟ نادر: طب كويس كده. نفركش الجوازة بما إنك شفتي. ما هو معتش سبب للجوازة دي. دخل خالد مصاحباً للطبيب وهو يحمل معه الأشعة. نادر: إيه الأخبار يا دكتور؟ الانسة تقدر تخرج. الدكتور: أكيد يا حضرت. الانسة بخير. بس نسبة الارتجاج زاد ولازم تاخدي بالك يا انسة. متحركيش راسك كتير.

أنهى الإجراءات وتوجهت الفتيات لإسناد روعه للخروج من المشفى. روعه في نفسها: بقي عايز يخلص مني ويقول لو كنت أعرف إنها هي اللي هتقع كنت هخلص من الجوازة دي. روعه بالقرب من باب الخروج. روعه ممسكة دماغها. آه. أنا حاسة بدوخة ومش قادرة أمشي. خالد: الحق يا نادر. شيلها. الست هتقع. الفتيات: روعه الحقنا. أسرع نادر حاملاً إياها والتوجه إلى السيارة للعودة للمنزل. وصلوا جميعاً منزل والد روعه.

نادر: الحمد لله وصلنا. اتفضلوا انزلوا وساندوها. البنات: ثواني يا حضرة الضابط. ننادي على حد يشيل روعه. نادر: بغيرة. نعم؟ بقولكم ساندوها. تقولوا ننادي حد يشيلها؟ حنين: أكيد مش هنادي الأمن. هنادي مراد. هو اللي يشيلها. نادر: بغيرة واضحة. هو حال أي رجل لا يحب أن يرى زوجته مع رجل آخر حتى لو أبوها وأخوها. خالد: هو مراد ده يشيلها ليه؟ ده حتى عيب. حد يشيلها وهي متجوزة. نادر: مستغفراً. خالد مش ناقصه غباوتك دي!

نزل نادر من سيارته وتوجه إلى الباب الخلفي وفتحه. ومال وحمل روعه. لأول مرة يقترب هكذا منها. بالرغم من حمله لها قبل ذلك ثلاث مرات. فهذه المرة اقترب من وجهها دون نظارة. وهذا الكاب. العين. لتقع عينه على شامة رائعة على وجهها بجوار شفتيه. يبلع ريقه بصعوبة. ما بها هذه الروعة؟ ليس بها أنوثة أو جمال كحالها من الفتيات. حتى أصدقائها فائقات الجمال. لكن لما هذا الانجذاب لها؟ نادر محدثاً

نفسه: لا انجذاب ولا غيرة. أنا بس اللي بتخيل. هي ليس بها أي مواصفات لفتاة أحلامي. حملها وصعد بها درجات السلم. فجأة تميل روعه مستندة على صدره. ينحني ينظر لها. يزهل من سرعة دقات قلبه. نادر أثبت اللي أنت فيه ده عشان دي أول مرة تقرب من ست بالطريقة دي. تبسم. لو اعتبرنا روعه من السيدات أصلاً. وصلوا أمام الباب. بعد دق جرس الباب. فتح أخوها معاذ. معاذ بخضة: روعه! مالك يا قلبي أخوكي. فيكي إيه؟ حد ينطق. مالها روعه.

رغد: متقلقش يا معاذ. اتخبطت وإحنا بنشتري فستان الفرح. والحمد لله لولا حضرة الضابط لحقها قبل ما تقع. ما نعرفش إيه كان هيحصل لها. نادر: ممكن تشورلي على أوضتها؟ أدخلها. معاذ: اتفضل. الأوضة من هنا. دخل نادر بروعه وضعها على السرير برفق حتى لا يقوم بهز رأسها. بلع نادر ريقه بصعوبة. ممكن كوباية ميه وبرفيوم قوي نفوقها بيها.

خرج معاذ. نادر نظر باتجاه الغرفة وجدها غرفة هادئة. لكن جميع محتوياتها ليس بها ما يدل على أنها غرفة فتاة. تبسم. يعني روعتي هتكون أوضتها إزاي؟ نظر بجانب السرير ووجد صورة بنت صغيرة شعرها طويل وعيونها الزيتوني اللامعة تظهر بوضوح. دخل معاذ بالماء والبرفيوم. وضع نادر الصورة مكانها. معاذ: البرفيوم. ممكن تبعد من جنبها؟ عايز أفوقها. نادر: نظر لمكان جلوسه وجد نفسه جالس بجوارها. لا يفصلها عنه أنشأ واحداً. نادر: البنات فين؟

ما دخلوش ليه يفوقوها؟ معاذ: أنا قلتلهم يفضلوا برة عشان الزحمة في الأوضة. وأنا مش بستحمل وجودهم كلهم مع بعض. اقترب معاذ من روعه وهو يضع البرفيوم بالقرب من أنف روعه. قليلاً بدأت تفيق وهي تمسك بيد أخيها. معاذ بفرحة: الحمد لله. ريعوا حبيبتي فوقي. فجأة دخل أخواتها. روعه: مالك يا قلبي حصل إيه يا معاذ؟ كانت كويسة الصبح. مراد ممسك بيدها يبكي: روعه فوقي يا حبيبتي. وأنا مش هزعلك أبداً.

معتز: صحبي الانتيم قومي. ال والله هزعل منك ومش هقولك على اللي عملته في بلبل ودودو. مازن: ماسك بيدها الأخرى. لا ما أنت لازم تفوقي. أنا مقدرش يعدي عليا ساعتين من غير منكفتك فيا. مروان: قومي يا روعتي. وحشني كلامك وضحكتك الحلوة وإنتي بتحكيلي عن يومك ومقالبك. نادر: بفم مفتوح. إيه اللي بيسمعه ده؟ يبكون لمجرد أنهم علموا بإغمائها. قليلاً فاقت روعه. نادر: الحمد لله فاقت.

حضنها أخواتها جميعاً بحضنهم المخصص لهم الستة كما تعودوا منذ صغرها. روعه: يعني كان لازم أتعب عشان أسمع كلامكم الحلو ده. إخواتها: فوقتي يا روعي؟ لا إحنا خفنا تتعبي وبلبل يعلن حالة الطوارئ ومنعرفش نخرج ولا نام ولا ناكل كالعادة. روعه: آه يا اندال. خفتم على نفسكم. طيب أنا هقول لبلبل ياخد لي حقي كالعادة ويحرمكم من السهر أسبوع. التفوا جميعاً حولها يقبلون يدها ورأسها. لا دي إحنا كنا هنموت من الزعل عشانك. بس بلاش عقاب.

نادر: نعم. هو إيه؟ هو مين بيعاقب مين؟ الكل أشاروا على روعه. دي الحكومة كلها ورئيس الوزراء الآمرة النهائية. هنا بلبل القائم بالأعمال المالية ودودو بالأعمال المنزلية. نبيل: بلهفة. روعة حبيبتي مالك يا نور عيني أبوكي. روعه: بلبل حبيبي أنا كويسة. متقلقش عليا. كفاية عليك الخضة بتاعت معاذ ومعتز. مش هبقى أنا كمان. نبيل: آه يا أولاد ال**** يا فتنين. لحقتوا تحكولها. الكل أشار إلى معتز. مالناش دعوة دي معتز.

معتز: لا أنا مقلتش حاجة. أنا بس قلت أشوفها تفوق بسرعة. نبيل: وهو يقبل روعه. حمد الله على سلامتك يا قلبي. مش عارف هقدر أعيش من غيرك إزاي لما تتجوزي. نادر: هامساً. اللي يشوف كلامكم دلوقتي ما يشوفش يوم كتب الكتاب كأنكم ما صدقتم تحوزوها. نبيل: أهلاً يا نادر يا بني. معلش ما أخدتش بالي منك. انشغلت بروعتي. نبيل: عادي يا أستاذ نبيل. أكيد مقدر اللي حضرتك فيه.

بعد السلام والاطمئنان على روعه خرج الجميع. وتوجهت الفتيات إلى غرفة روعه للاطمئنان عليها. استأذن نادر وخالد للذهاب لإنهاء بعض الأمور. في الطريق رن هاتف نادر. نادر: أنا بقول التليفون فرحان ليه. هنا برقّة: هههههههههههه. أنت كاشش قوي يا حضرة الضابط. نادر: أبداً والله. أنا معاكي بكون أسعد إنسان بالدنيا. هنا: بجد؟ أنا اللي بكون أسعد بالكلام معاك قوي. نادر: دكتورة هنا. أنت في البيت ولا المستشفى؟

هنا: أنا قربت أخلص الشفت وهخرج أتمشى شوية. إيه دكتورة دي؟ اسمي هنا وبس. زي ما بقولك نادر. نادر: إيه رأيك نتقابل. هنا: طبعاً. معنديش مانع. تحب نتقابل فين؟ نادر: إيه رأيك أعدي عليكي قدام المستشفى ونخرج في أي مكان تختاره. هنا: خلاص. هستناك. متتأخرش عليا. أنهى نادر الاتصال مع هنا. خالد: نادر أنت مجنون يا بني. أنت بكرة فرحك.

نادر: يا عم ما تفكرنيش. هنا دي الإنسانة الوحيدة اللي قلبي حبها. لولا عملت الزفتة روعه وإصرار بابا إني أجوزها. كنت طلبت إيد هنا. خالد: متتسرعش يا نادر. أنت عمرك ما حبيت البنت اللي بتكلمك في التليفون. دايما كنت بتقول أنت مقدرش تأمنها على بيتك. نادر: هنا غير دي. قلبي اتفتح لها. خالد: أنت كده بتظلم الاتنين. وقبل منهم بتضيع نفسك. نادر: متقلقش عليا. أنا عارف بعمل إيه. يلا وصلنا. خد البدل معاك وبكرة إن شاء الله تجيبهم معاك.

خالد: ماشي يا عريس. لما نشوف آخرتها معاك. وصل نادر أمام المستشفى ينتظر قدوم هنا. بعد قليل أتت هنا تلبس تنورة قصيرة أسفل الركبة بقليل. وشعرها على هيئة ضفيرة على كتفها. نادر: لنفسه. آهي دي الستات ولا بلاش. مش روعه اللي لابسة بنطلون وجلابية فوقيه. هنا بابتسامة: اتأخرت عليك. نادر: لا أبداً. في معادك. ويا ستي أنا أستناكي لو سنة. عند روعه. دخلت الفتيات عندها. روعه: ممسكة رأسها من الألم. حنين: خطتك روعة يا روعه.

تسنيم: بجد أنا صدقت إنك كنتي هتقعي. روعه: أنا فعلاً محسيتش بنفسي وكنت هقع من على السلم. ومعرفتش إيه اللي حصل بعد كده. بس لما فوقت ولقيت نادر قلت ده أنسب وقت أقول إن بقيت أشوف. تحدثت الفتيات: ده لو مرتبين إن ده يحصل مش هيحصل كده. روعه: الحمد لله. وكويس إن بابا وإخواتي عرفوا. بس أنا دماغي هتنفجر من الصداع. دودو: مامتها وعمتها لوزة وسهي رجعوا من فرش شقتها هي ونادر. وحكى لهم أخوها معاذ ما حدث. دخلت دودو عندها.

دودو: بلهفة. روعه بنتي حبيبتي. عاملة إيه يا قلبي ماما. روعه: متقلقيش يا ست الكل. الحمد لله أنا بخير. ورجعت أشوف من تاني. دودو: مالك ماسكة راسك كده ليه؟ روعه: مفيش. بس الصداع هيفرتك دراعي. دودو: هحضرلكم الأكل وتاخدي العلاج وتنامي. تقومي فائقة وكويسة إن شاء الله. انتهى اليوم. وفي صباح يوم الزفاف. عند روعه والفتيات مجتمعين ويغنون بالحناء والأغاني. حضرت الميك اب ارتست. وبدأت بالاستعداد للحفلة.

انتهى الكل من التجهيزات. وأتى نادر لاصطحاب روعه القاعة. ياترى إيه اللي هيحصل في القاعة.