رواية اختفاء مجهول الفصل الثاني عشر 12 - بقلم يارا محمد

كانت مرمية ع الأرض مش حاسة بحاجة. الحقنة مخلياها مش بتحس باللي حواليها. أحيانًا سمعت أصوات داخلة ف بعض كتير ومش قادرة تحددها. قامت بصعوبة وخرجت برة الأوضة القديمة. ولحسن حظها مش لقيت حراس. فضلت تمشي بصعوبة وقربت من الأصوات. لقيته واقف بهيبته زي أول مرة شافته صدفة ف البيت مع أبوها وبنتها واقعة ع الأرض بينهم. هما الأربعة وسمعت أماليدا بتقول إنه ياخدها. فطلعت عندهم.

ماريان: بتعب. استني عندك. اياك تمس بنتي. حتى لو كنت مين. رافييل: انتي إيه اللي طلعك. تعالي معايا. ماريان زقت إيده وبعدته عنها وكان باين عليها عدم التوازن. ماريان: بعد عني. عايزني أشوفكم بتبيعوا بنتي لواحد مش عنده رحمة وأسكت. بعد عني يا رافييل وإلا موتك هيبقي ع إيدي. جايكوب ساب إيد ريما وقرب منها وقيمها. السنين مش غيرتها. لسه زي ما هي. كأنه بيشوفها لأول مرة.

جايكوب: كبرتي يا ماريان. بس لسه حلوة زي ما انتي. كأني أول مرة أشوفك. يدوب الخصل البيضا اللي ف جنب شعرك. بس إيه اللي جابك هنا. ماريان: بتعب. سيب بنتي يا جايكوب. هي ملهاش دعوة. مش تدخلوها ف لعبتكم. بنتي ملهاش ذنب. تعرف تاريخ عيلة والدتها المشرف. وأنهم قاتلين وبيعملوا كل شيء ممنوع ف الدنيا.

أما جايه هنا ليه. أماليدا مفكرة إنها قتلتني. بعد ما جاتلي مصر. بس كنت مأمنة نفسي تحسباً لو حد جه صفاني. وحاطة واقي. ضربتني بالرصاص. وراحت تخلص ع بنتي. وجيت هنا علشان حفيدتي. بس أخويا غدر بيا وحبسني ف مخزن السلاح. جايكوب مسكها من إيديها بغضب جحيمي. جايك: وعرفتي تهربي وتبقي حد كويس وعايشة بأمان. محدش يكون من المافيا ويعيش بأمان. بدليل ماتيو اللي اتجوز بنتك. ويا ترى بنتك تعرف إني كنت هكون زوجك الأول.

ماريان: أنا هربت من الجحيم ده علشان أعيش ف بيئة كويسة. كنت أفضل الموت ع إن أكون زوجة مجرم زيك. مش بيعرف غير لغة الدم والرشاوى. يا كامورا. علشان كده اتجوزت زين. أوهمته إن عيلتي صعبة ومينفعش اتجوز واحد من برة العيلة. علشان كده سبت هنا ونزلت مصر معاه. واتجوزنا وبدأ شغله من جديد. جايكوب: ههههه. ضحكتيني. هو انتي مكنتيش تعرفي إنك كنتي متجوزة ابن أكبر زعماء المافيا الإيطالية أوسكار أندريا بيرلو.

ريما: بصدمة. انت كداب. أبويا مش قذر زيكم. ولا عمره هيكون. هو راجل شريف. مش تدخلوه ف أموركم دي. جايكوب بص لها وضربها قلم. من قوته وقعت ع الأرض. مش عرفت تقوم من مكانها. وبص لماريان اللي معرفتش تنطق. ماريان: بس اللي أعرفه وسمعت أبويا ورافييل إنه مات ف حادث طيارته.

جايكوب: تؤ. غلطانة. كامورا الغرب كانوا مخططين يغتالوا ف طيارته. وهو عرف المخطط ده بسبب جاسوس بينهم. ولعب نفس لعبتهم. وحط واحد مكانه. وانفجرت الطيارة بالشخص المزيف. أما أوسكار عمل عملية تجميل وغير بعض ملامحه. وأطلق ع اسمه زين النهري. وكان بيلعبنا من تحت الطرابيزة. ماريان: بصدمة. وانت عرفتوا إزاي. انت عمرك ما قبلت جوزي. عرفتوا إزاي ها.

جايكوب: حظه الوحش. جمعني موقف صدفة معاه. واللي خلاني أعرف إنه هو. كان كف إيده. رسمة شبكة العنكبوت ع كف إيده. معقول مش لاحظتيها. ماريان: بتوهان. لاحظتها مرة. ولما سألته عليها. قال إنه شافها عجبته وعملها ع إيده. مجاش ف بالي إنه يكون هو أبداً. انهارت ع الأرض. وكانت بتبكي وماسكة قلبها من القهر اللي هي فيه.

جايكوب: لازم تكوني منهارة كده. انتي عرفتي أبشع حقيقة ف حياتك. اللي مكنتيش تتمني إنه يكون أسوأ كوابيسك. انتي بتدفعي غلطات عيلتك يا ماريان. وعلشان يبقي قهر من كله. بنتك هتكون مراتي. وهتعيش ف جحيمي. اللي كان هيبقي جنة ليكي. لف لريما اللي كانت مصدومة من اللي بتسمعه. والحقائق اللي بتنكشف واحد ورا التاني. ماريان زحفت لعنده واترجته.

ماريان: ببكاء. ارجوك يا جايكوب. هي ملهاش ذنب. خدني أنا. عاقبني بدالها. أنا أستحق القتل. وأن أعيش ف قهر طول عمري. أنا راضية بجحيمك. ارجوك. زقها ووقعت ع الأرض. وأخد ريما اللي مش حاسة بالدنيا أبداً. وسابها وراه. بتصرخ بألم وبتجر ريما زي الدبيحة وراه. اللي مش حاسة بحاجة. فقط خذلان ووجع من أمها وأبوها. اللي كان أقرب حد ليها. فجأة حست بنفسها. وفكت إيدها. بغرز ضوافرها ف إيده. وجريت لجوه. وراحت لأمها.

ريما: بهستيرية. طيب مين قتله. الشخص ده قال إن نفوذه عالية. طيب ما دام نفوذه عالية وبيتعمله ألف حساب. مين قتله. اتقتل بحادثة مدبرة ولا عادي. وليه كان عايش ف روسيا. ماتيو: أنا قتلته. فلاش باك. زين رجع البيت. وسمع كلام مروة مع ماتيو.

زين: بعدم فهم مصطنع. لأنه كان عارف مين ده من الأول. مافيا. طلعتي من المافيا وكدبتي عليا. قولتي إنه مينفعش تتجوزي من برة عيلتك. وإلا فيها دم والكلام الفارغ اللي قلتيه. انتي مينفعش تكوني مراتي تاني. أنا مش عايزك ف حياتي. مروة: زين. اهدي. وأنا هفهمك. ممكن تهدي. أرجوك. هحكيلك. زين: مش هسمع. تمام. أي حاجة هتقوليها تبقي كدب. أنا هبلغ البوليس. بس اللي معلش حسابه. إنه هيتغدر بيه من شخص مش يسوى يشغله عنده. حارسه الشخصي.

ماتيو ببـرود. طلع سلاحه. وضربه تلات رصاصات. مروة: صرخت بصدمة. مروة: ببكاء. ليه عملت كده. مينفعش. أنا كنت هتفاهم معاه. ماتيو: التفاهم مش بيجيب نتيجة. ده كان أسلم حل. هقولك نعمل إيه دلوقتي. ودبروا كل حاجة. وطلعوا موته كأنه حادثة مدبرة من أعدائه ف الشغل. باك.

ريما: ببكاء. بس انتي يعتبر شاركتيه. بتقولي إنك مش كنتي عايزة تغوصي ف عالمهم. انتي غوصتي. لما سمحتيله يقتل أبويا. واللي معرفش ليه مش دافع عن نفسه ف الوقت ده. أخذتوه ع خوانة. وشاركتيه ف القذارة اللي عملتوها. ماريان: أنا آسفة. مكنش قصدي يحصل ده. مش كنت مخططة توصل الأمور لكده أبداً. جايكوب: عرفتي الحقيقة واتصدمتي. تعالي معايا. أنا مش هسيبك. تعالي يالا.

مسكها. بس نفضت إيديها منه. وضربته بالقلم. وكان صوته عالي لدرجة إن أماليدا اتكملت بصوت عالي. أماليدا: تؤ تؤ. ليه كده. انتي ف عداد الموتى دلوقتي. جايكوب بصلها بغضب. وعروقه بارزة أوي. رد لها القلم بقوة. لدرجة إن أغمي عليها من شدته. أخدها معاه. وماريان كانت هتقوم. بس وقعت. رافييل قرب منها. أخدها. ورماها ف المخزن تاني. أماليدا: بضحك. حلو الشو اللي اتعمل ده. تعرف استمتعت أكتر من السينما.

ماتيو: بغضب. استمتعي دلوقتي. لأنه بعدها أنا هستمتع. وأنا بوريكي الجحيم ع الأرض. أماليدا: انت عايز تنضرب بالرصاص تاني. اخرس بقي. مش عايزة أسمع صوتك. ماتيو: مش تختبري صبري. فاكرة باللي انتي عملتيه. هسيبك. لا مش هيحصل. أماليدا: مش هتعرف تعملي حاجة. لو حكمت. هخفيك. هخلي دانيال يخفيك ف أي حتة. رافييل: بغضب. وانتي علاقتك بيه إيه.

دانيال: هكون جوزها يا عمي. بعد ما ماتيو يطلقها. وانتوا هخليكم ولا تسووا حاجة ف روسيا كلها. زيكم زي الحشرات. رافييل: طول عمرك مصدر تهديد ليا. من أول ما شوفتك. وشوفتك ملامحك لما اتجوزت أمك. وأنا مش بحبك. أما انتي. مسكها من شعرها ببغل واتكلم.

اللي عملتيه دلوقتي حسابه عسير. مين انتي علشان تضربي رصاصة ع ابني. انتوا حشرات. انتي وعيلتك. زي ما زرعت الشك بين أخواتك زمان ع العملية إياها. وزي ما خليت ابني يصفي أخوكي. أنا هصفيكي بأبشع طريقة. دانيال: سيبها. محدش يلمسها. سلبتوها كل حاجة. هتسلبوها حريتها. تعرف حاجة يا عمي. أختك أسلم حاجة عملتها إنها سابتكم. ريحت دماغها وسابتكم. خلتكم تعيشوا بسر. لو اتكشف هتروحوا ف داهية. وأهو اللي كنت انت خايف منه حصل.

وأنا. انت دمرتلي حياتي. طردتني من البيت ده. حتى بعد وفاة والدتي. ومخلتنيش أحضر جنازتها. وكنت متأكد إنك عملت حاجة فيها. رافييل: اه. عملت. تعرف عملت إيه. إنها كانت بتميزك عن الكل. حتى قالتها صريحة. لما يجي ماتيو. مش هعرف أديه الحب اللي هو عايزه. لأنه الحب كله هيفضل ل دانيال. مش هعرف أدّي طاقة حب لماتيو. تعرف عملت إيه. قتلتها. بعد ما ولدت. كتمت نفسها. كان لازم تموت. وحرمتك من والدتك. وهي عايشة. وهي ميتة. ها. هتعمل إيه.

أماليدا مش قدرت تتحمل الكلام اللي موجه لدانيال. صوبت المسدس ناحية رافييل ف مكان معين. وضربته. وقع ع الأرض. وهو مش قادر يتحرك.