رواية اخذت بذنب اخي الفصل الخامس 5 - بقلم سارة عادل

مستحيل يبيعني، أنتِ مش عارفة هو إزاي بيحبني، مستحيل يتخلى عني، ده أنا أموت فيها. روح ببرود: أنتِ شايلة الرحم يا شروق، أكيد ده السبب اللي خلاه يهرب من هنا. أنتِ ضيعتي حياتك عشانه، وضيعتينا كلنا معاكِ. شوفي بقى، أهو سابك في أول موقف. تخيلي ده الشخص اللي بعتِ جوزك عشانه. شروق بانهيار: أنا شايلة إيه؟ أنتِ بتقولي إيه؟ بطلي كذب بقى. أنتِ بتقولي كده عشان تبرري لأخوكي. غوري من وشي، مش عايزة أشوف حد فيكم.

روح بصدمة: أنتِ متعرفيش؟ شروق بعياط لدرجة الانهيار: أنتِ كدابة، مستحيل. اسكتي، مش عايزة أسمع حاجة منك، مش عايزة أشوفك. روح قربت منها بحزن وقالت: شروق، اهدئي أنا... شروق بزعيق: متلمسنيش، ابعدي عني أنا بكرهكم. *** مراد بغضب: إزاي تخرج من غير ما تقولي لي؟ ليلتك سودا معايا. ... : أنا رحت وراها يا باشا، وهي دلوقتي في مستشفى... مراد قفل التليفون بغضب، بص قدامه وقال في سره: أنا تعصي كلامي؟ حسابك معايا تقل أوي يا روح.

في المستشفى شروق، اهدئي أنا ما أقصدش، أنا بحسبك عارفة. أنا آسفة. شروق بحرقة: أنتِ مش عارفة العذاب اللي جوايا دلوقتي، أنا بحترق يا روح. أنا مش هأبقى أم في حياتي، أنا بتعاقب على اللي عملته مع مراد. ربنا ياخدني وأرتاح من الوجع ده. روح بهدوء: ما تقوليش كده، ربنا يعوضك خير. قاطع كلامها دخول مراد بغضب. مراد بزعيق: أنتِ إزاي تخرجي من غير إذني؟ أنتِ ما بتفهميش يا بت أنتِ؟

روح بصت له بصدمة، وحولت نظرها لشروق اللي كانت في حالة لا يُرثى منها، وقالت بصوت واطي: ممكن توطي صوتك؟ تعالى وأنا هأفهمك. حاولت تشده وتخرج بس استوعب أن اللي موجودة شروق، زاد غضبه أكثر. مسكها من شعرها بغضب وقال: أنتِ إيه اللي جابك للحقيرة دي؟ روح بدموع: سيب شعري، أبوس إيدك، تعالى نطلع وهأفهمك كل حاجة. مراد بزعيق: اخرسي خالص، مش عايز أسمع صوتك. بص لشروق بقرف، وشد روح من ذراعها بقسوة، ولسه هيخرج استوقفه

كلام شروق اللي قالت: مراد، ربنا خد حقك مني، أنا مش هأخلف في حياتي. مراد بص لها ببرود ومزيج من مشاعر الحزن والاشتياق، بس نفض كل أفكاره وقال بقسوة: دي بس نتيجة للقرف اللي عملتيه، وربنا عاقبك. أنا مش بشمت فيكِ لا، أنتِ كنتِ في يوم مراتي مهما عملتِ، كان فيه بينا عشرة. بس أنا مش هأقدر أسامح يا شروق. شروق بدموع: سامحني لو كان لي شوية خاطر عندك. أنا عارفة أن أنا غلطت كتير، وغلط ما يتغفرش. بس أنا طمعانة فيك.

قامت بتعب من مكانها، قربت منه ونزلت على الأرض، مسكت رجله وقالت بضعف: سامحني أبوس رجلك. مراد بصدمة بص لروح اللي كانت واقفة بتعيط، ورجع بص لشروق. رجع لورا بسرعة ووطى لمستواها وقال: ما تعمليش كده تاني. قرب منها، سندها لعند سريرها وقال بهدوء لروح: هأستناكي برا. خرج من غير ما يسمع ردها، قعد على أقرب كرسي موجود وقعد يفكر. *** أنا يتنصب عليا يا ولاد الـ... اهدأ يا باشا، ما لناش صالح في اللي حصل، ربنا يعوض عليك.

عمار بزعيق: نعم يا روح أمك؟ فلوسي ترجع لي وإلا هأرتكب فيكم جناية.