رواية اخذت بذنب اخي الفصل الرابع 4 - بقلم سارة عادل

عمار بصدمة: يعني إيه شالت الرحم؟ يعني كدا أنا مش هخلف! لا أنا مش هلبس الليلة دي، لازم أخلع بسرعة. شروق فتحت عينها بتعب واستوعبت اللي حصل، وبدأت تعيط وقالت بتعب شديد: شفت اللي حصلي؟ كانوا هيموتوني يا عمار. عمار ببرود: متقلقيش، أنتي كويسة أهو مجراش ليكي حاجة. شروق بصدمة: مالك؟ بتتكلم كدا ليه؟ بقولك كنت هموت، كانوا هيموتوني. عمار ببرود: شروق، أنتي كنتِ تعرفي إنك حامل؟ شروق بصدمة: حامل؟ مين اللي قال كدا؟ أنت بتقول إيه؟

عمار بزعيق: متعمليش نفسك عبيطة، كنتِ سايبة الطفل ليه؟ كنتِ عايزة تخلفي منه؟ شروق بتعب اتكلمت بغضب: قلتلك معرفش! وبعدين إيه الأسلوب المقرف دا؟ أنت شايف حالتي عاملة إزاي ودا كل اللي همك يعني؟ عمار بزهق: بتحاولي أنتي تغيري الكلام عشان تقلبيها خناق، حتى وأنتي تعبانة مقرفة. أنا ماشي ومريحك. طلع بسرعة ورزع الباب وراه. شروق بصت بصدمة من تحوله المفاجئ بالطريقة دي. *** أنتي يا زفتة! لما أنادي عليكي تردي.

روح ببرود: أظن ليا اسم، لما تناديني بيه هرد وقتها، غير كدا متستناش مني حاجة. مراد بغضب: كل كلمة ردي عليها! ما أنا اللي سكتلك ومديكي حريتك. روح: حرية إيه اللي بتقول عليها؟ طلقني وأنا وقتها هتبقى حريتي، دا سجن بالنسبالي إني أبقى مع واحد زيك. مراد: وأنا بقي إيه صفاتي بالنسبالك يا ست روح؟ هو أنا لسه عملت فيكي حاجة؟

دا أنا بتعامل معاكي بحنية، أنا لو عايز أأذيكي جامد صدقيني هكرهك في كل حاجة في حياتك. كفاية إنك السبب في اللي أخوكي عمله. روح بزعيق: قلتلك مليش دعوة بالحوار دا، أنت مبتفهمش! مراد بغضب: يعني مراتي كانت صاحبة مين؟ أنتي هتلفي وتدوري عليا؟ دا مكنتش بتطلع من البيت غير معاكي، وغير كدا التسجيل اللي بيوضح إنك عارفة بكل القرف دا ومشجعاهم كمان! روح: أنا معملتش حاجة، مهما تقول احتفظ بيه لنفسك، مش مضطرة أكدب.

مراد بصلها شوية وقام من مكانه باندفاع لدرجة روح قلبها وقف من الخوف، بس عكس صدمتها دخل وقفل على نفسه. *** محمد بغضب: يعني إيه مسافر؟ ورايح فين بالمصايب اللي عملها دي؟ عمار: أنا مش ناقص قرف يا با، كل شوية الوش دا. هو مفيش غير ست روح؟ أنا مالي؟ أنا خلاص سيبهالكوا وماشي. محمد بغضب ضربه على وشه وقال بحدة: لو عملتها ومشيت مش عايز أشوف وشك هنا تاني. عمار بغضب: أنا أجي وقت ما أجي، محدش هيتحكم فيا.

مراد بسخرية من وراهم: يا سلام على تربيتك، أولادك الأشكال دي عمرها ما هتتغير في حياتها. عمار بغضب: اطلع برا بيتي، أنت إيه اللي يجيبك هنا؟ مراد ببرود: أنا مش جاي عشان أشوف سواد عيونك، أنا لو عليا أقدر أخلص عليك دلوقتي وأريح الكل منك، بس أنا احترامًا لأبوك مليش دعوة بيك طول ما أنت في بيتك. بص لمحمد بحدة وكمل كلامه: بنتك عندك يومين وأجي أخدها.