رواية اخذت بذنب اخي الفصل الثالث 3 - بقلم سارة عادل

البت بتنزف، هنعمل إيه دلوقتي؟ لتموت فيها ونروح في داهية. ..: يلا قبل ما حد يجي ويقفشنا. كله يخبي وشه كويس عشان لو فيه كاميرات، مش عايزين نروح في مصيبة. ردي يا زفتة مبترديش ليه؟! عمار بزهق: هرن لأمتى عشان حضرت جنابك تردي؟ حاول كذا مرة، ملقاش أي نتيجة، قرر يروحلها البيت. وصل بأسرع ما يمكن ودخل بغضب وهو بيزعق، بص لقى البيت مكركب، استوعب بسرعة ودخل لقى شروق مرمية على الأرض وغرقانة في دمها. عمار بصدمة: شروق!

إيه اللي عمل فيكي كدا؟ ردي عليا مين الحيوان اللي آذاكي كدا؟ قام بسرعة من دون تفكير وجري على المستشفى. روح ببرود: مش فاتحة، واللي عندك اعمله. مراد بغضب: يعني مش خايفة قصدك كدا؟ تحبي أوريكي أنا ممكن أعمل فيكي إيه؟ هتندمي يا روح، هزعلك جامد. روح بسخرية وخوف من قلبها: كلام على الفاضي، مستنية أشوف اللي هتعمله. معداش دقيقة وكان مراد كاسر الباب. روح بصتله بصدمة وخوف، رجعت لورا من الخوف والخضة اللي فيها.

مراد بشر: تحبي بقى يا قطة أوريكي ممكن أعمل إيه؟ روح بخوف: متقدرش تعمل حاجة أصلاً، آخرك كلام وبس. مراد بسخرية قرب منها واحدة ومسك إيدها بعنف وقال: مبحبش الحركات دي مفهوم؟ متتكررش تاني. روح بخوف هزت راسها، وبعدها اتكلمت بصوت هادئ وقالت: ممكن تخرج برا؟ مراد ببرود: بيتي وأنا حر فيه، أقعد في المكان اللي أنا عايزه. روح: لا مش بيتك لوحدك، فيه حاجة اسمها خصوصية لو مش عارف عنها. مراد: أنا مش عارف سكتلك ليه أصلاً؟

ليكي حس تتكلمي؟ ما كفاية اللي جالي منكو. روح بصت بحزن وسكتت خالص. نعم؟ يعني إيه؟ إزاي كانت حامل؟ ..: للأسف كانت حامل والجنين نزل، وكمان للأسف الرحم اضطرينا نشيله، ربنا يعوض عليكو. عمار بصدمة: أنت بتقول إيه؟ شلتوا الرحم إزاي؟ وليه مخدتوش موافقتنا الأول؟ الدكتور: مكنش فيه وقت عشان ننقذ المريضة، اضطرينا نشيله. استأذن، مشي الدكتور من هنا وعمار قعد مكانه حط إيده على رأسه بتفكير. عمار لنفسه: يعني إيه شالت الرحم؟

يعني معدتش هتخلف؟ طب إزاي هعيش معاها وهيا مش هتخلف تاني؟ لازم أتصرف بدل ما ألبس الليلة.