رواية العاشقة المجروحة الفصل الأول 1 - بقلم سلمى تامر

منه كانت واقفة مصدومة وشايفة أحلامها كلها بتنهار قدام عينيها. جدهم: ومن غير علمنا يا مروان. مروان بأسف: آسف جداً يا جدي، بس كل حاجة جت بسرعة واتجوزنا من شهر ومعملناش فرح أصلاً. اتجوزنا في السفارة. أم منه لمحتها وحست بيها، بس محبتش تبين إن بنتها مكسورة. أم منه بابتسامة مصطنعة: تعالي يا منوش، سلمي على ابن عمك يا حبيبتي. مروان لف وشاف ندى وابتسملها: إيه ده يا منه؟ ما شاء الله كبرتي وبقيتي عروسة. منه بصتله بقهر وحزن،

لكن حاولت تداري: شكراً، حمد الله على السلامة يا مروان. وبصت لمراته: مبروك يا حبيبتي على جوازكم. مروة بغرور: ميرسي ليكي. إيه بقى يا مروان هنفضل واقفين كده؟ بيتك فين؟ أنا تعبت. العيلة كلها اتضايقت من أسلوبها. مروان بحب: تعالي يا روحي نطلع شقتنا، أنا عارف إنك تعبتي. مروة بقرف وصدمة وهمست لمروان سمعتها منه: إيه ده؟ أنت عايزني أقعد في المكان ده؟ أنت أكيد بتهزر. مروان بهمس: يا حبيبتي بيتنا لسه مجهز، استحملي شوية.

منه بصتلهم بغضب واستحقار وقالت: طب حمد الله على سلامتك يا ابن عمي تاني مرة، بعد إذنكم. وسابتهم وطلعت. *** منه دخلت الأوضة بتاعتها وهنا انهارت. منه ببكاء: كداب... خاين... فضلت أحبك 15 سنة ومستنياك من غير ميأس... فضلت أبني أحلام معاك وفي الآخر إيه؟ رجعت متجوز. أنا بكرهك يا مروان، بكرهك. وقسماً بالله لهنساك يا واطي يا ندل. *** عند مروان ومروة. مروة بغيرة: هي بنت عمك دي عندها كام سنة يا مارو؟

مروان بابتسامة: أنا أكبر منها بخمس سنين. عندها 21 سنة. مروة بغيرة وضيق: اممم، طب مين أحلى؟ أنا ولا هي؟ مروان بابتسامة وحب: هي منه جميلة وكل حاجة. بس انتي مفيش في جمالك اتنين. أنا مبشوفش غيرك أصلاً يا مروة. انتي مليتي عينيا قبل قلبي. مروة بغرور: امم، أنا عارفة إني أحلى منها أصلاً، مين دي اللي أقارن نفسي بيها؟ إيه الهبل ده؟ وكملت بدلع: طب إيه؟ موحشتكش؟ مروان بصالها بابتسامة. *** الصبح ندى كانت نازلة جامعتها كالعادة.

لقت مروان طالع من شقته مستعجل. قررت إنها تتجاهله وكملت نزولها. مروان لمحها ونداها: استني يا منه، رايحة فين؟ منه لفت بضيق: رايحة الجامعة، وبعد إذنك عشان هتأخر. مروان: طب استني يا بنتي، هوصلك. مالك فيه إيه؟ ندى برفض وحدة: لأ، شكراً. أنا بعرف أروح لوحدي. مروان بضيق: فيه إيه يا منه، متهدي؟ قولت هوصلك. وبعد رفض شديد من ندى، وافقت وركبت معاه عربيته وقالتله عنوان كليتها. **: في سنة كام يا منه؟ **: رابعة حقوق.

مروان بصالها بابتسامة: برافو، عملتي اللي قولتلك عليه، وإن شاء الله هتبقي أحسن محامية في الدنيا. منه بألم: أصل لما أوعد حد مش بخلف بوعدي. مروان بصالها وسرح في كلامها شوية، لكن بعدها كمل طريقه عادي وندى سكتت. مروان وهو سايق شاف وقف فجأة ووقف العربية: ثواني وجايلك. بعد شوية مروان رجعلها وجاب لها شيكولاتة من النوع اللي بتحبه. مروان بابتسامة: شكلك مدايقة، فجبت لك حاجة تحسن نفسيتك. منه بصتله وسرحت. Flash back:

كل يوم مدرسة، أوووف أنا زهقت. مروان وهو ماسك إيدها وبيتمشوا: لازم نروح المدرسة يا حبيبتي عشان لما أكبر أبقى دكتور جراحة، وانتي تبقي محامية قد الدنيا. منه: بس أنا مش بحب الصحيان بدري. مروان بتفكير: اممم، طب إيه رأيك أجيب لك شيكولاتة من اللي انتي بتحبيها كل يوم الصبح؟ منه نطت بفرحة: هيييه، موافقة طبعاً. مروان بيضحك عليها: طب خليكي هنا يا قلبي وهجيب لك، وهاجي.

مروان راح يجيب لها شيكولاتة وهي وقفت تستناه. شافت كلب بيجري عليها بسرعة. خافت جداً. منه بصراخ: مرووووااااااان. مروان بص بسرعة ناحيتها وجرى شدها ووقع بيها بعيد عن الكلب، والكلب كمل جري. مروان بخوف وقلق عليها: انتي كويسة يا منه؟ فيكي حاجة؟ منه ببكاء: رجلي وجعاني أوي يا مروان. مروان بص لرجلها ولقى كدمة. عينه دمعت جامد وحضنها: أنا آسف يا قلبي، أنا السبب. أوعدك عمري ما هجرحك تاني وهخلي بالي بعد كده.

منه وهي بتمسح دموعها: متعيطش، أنا كويسة وهخف بسرعة. مروان خدها للصيدلية والدكتورة طمنتوه إنها كويسة، ومسك إيديها ومخلاهاش تروح المدرسة وراحوا بيتهم. مروان بضيق: أنا آسف... مش هجرحك تاني. Back منه بهمس ودموع محبوسة: بس انت جرحتني. **: هيييه يا بنتي، انتي معايا؟ منه بضيق: شكراً، بس خلاص مبقتش أحبه. مروان بصالها بغموض وركب العربية ووصلها جامعتها. *** بليل مروان رجع من شغله الجديد لقى مروة في وشه.

مروة بعصبية وصراخ: أنت مش بترد على موبايلك ليه؟ مروان بغضب: التليفون فصل، مالك بتزعقي كده ليه؟ مروة بغضب وغيرة: وبت عمك ركبت معاك الصبح ليه ها؟ مروان بضيق: وصلتها جامعته. مروة بغضب: وهو أنت سواق الهانم؟ متتغطى في داهية وتتنيل تركب أي حاجة. مروان بعصبية: مروة... اتكلمي بأسلوب أحسن من كده عن عيلتي، انتي فاهمة؟ وقسماً بالله لو أسلوبك ده اتكرر هتشوفي مني وش عمرك مشفتيه. وسابها وفتح الباب وطلع سطح البيت. ***

منه كانت واقفة بتفتكر كل ذكرياتهم مع بعض. معقول خلاص مبقاش ليها؟ حب الطفولة ضاع؟ الشخص اللي كانت بتتمنى تكون ليه بقى لغيرها وهتكون لغيره؟ منه بدموع وهمس: ياريتك مرجعت يا مروان وكنت فضلت عايشة على ذكرياتك. **: واقفة لوحدك ليه؟