رواية العاشقة المجروحة الفصل الخامس عشر 15 - بقلم سلمى تامر

تيتو جابت حاجة من جيبها بسرعة ووقفت وراه سيف. "استنى بس هفهمك.. اللي حصل إنه أنا كنت ماشية شفت تعلب جريت على هنا ولقيت المكان ده ودخلت بسرعة و آه رجلي وجعتني على الأرض." الرجل بإستغراب: "مالك؟ تيتو ببكاء: "أصل وأنا صغيرة عملت حادثة ولما بقف دقيقتين على بعض رجلي بتوجعني. ماما سافرتني بلاد كتير أوي عشان أتعالج بس." الرجل بصراخ: "بااااس أي اخرصي شوية." وراح جاب حبل عشان يربطها وهو ماسك سلاحه.

الراجل قعد تيتو على كرسي وبدأ يربطها بس اتفاجأ بضربه على دماغه وأغمى عليه. سيف: "يلا بسرعة كويس إنك فكتيني." وراح فك هدير وجهزهم ومسك السلاح وطلع بره بحذر ورجع لهم بعد شوية. شال هدير اللي ما يعرفش مالها ومشوا هما التلاتة لمكان عربية تيتو. تيتو: "انت عملت فيهم إيه؟ سيف: "متشغليش بالك يلاا بسرعة." وصلوا لمكان عربية تيتو وسيف حط هدير فيها وصلح العربية. تيتو: "هنروح فين دلوقتي؟ سيف عطاها عنوان فارس عشان يطمن عليه.

سيف بإستغراب: "بس انتي كان معاكي مطوة ليه؟ تيتو بإبتسامة: "بحمي نفسي." سيف: "بمطوة؟! تيتو: "لولا المطوة دي كان زماني مربوطة معاكم ومكنتش هعرف أفكك." *** عند فارس ومنه. فارس شاف سيف وهدير مربوطين وفيه واحد ماسك سلاح وبيوجه ناحيتهم.. بس حس إن ده تصوير قديم وفيه حاجة غلط. فارس بغضب: "برضه مش هدخلك يامروة ومش هتجوزك.. اتفضلوا يا جماعة مفيش جواز هيتم." الناس مشيت ومروة بقت واقفة

باصة لفارس بغضب وصدمة: "انت مش خايف على أخواتك يافاااارس؟! فارس بقوة: "أخواتي وهعرف أجيبهم يامروة وساعتها مش هرحمكم." مروة بغضب وصراخ: "هقتلهم.. هقتلك يافارس هقتلكم كلكم." "مش هتقدري تعملي حاجة يامروة." مروة بصت وراها وشافت مروان واقف وبيصلها بإستحقار. جريت عليه. مروة بجنون: "انت جيت ترجعني صح؟ جيت ترجعني؟؟ هه قول.. قووول." مروان: "ادخلوا." ناس دخلوا ومسكوا مروة وشدها معاهم تحت غضبها وصراخها.

مروة بجنون: "أخواتك هيموتوا يافاااارس.. أنا قلت إن لو حد جه جنبي يتقتلوا." "بس إحنا متناش يامروة." مروة بصت وراها بغضب وجنون ولقيت سيف شايل هدير اللي باين إنها تعبانة وجنبه بنت. مروة: "لأ لأ مستحيل انتوا عايشين إزاي؟! إزااااي هربتوهم؟ مروان: "خدوها." الناس أخدوا مروة ومشيت بعربية الإسعاف. فارس: "انت وديتها المستشفى إزاي؟! انت مش طلقتها؟ مروان: "مروة في نظر القانون مراتي ياخالد.. أنا لسه مسجلتش طلاقنا ويعتبر جوزها."

*** بعد سبع سنين. سيف ورضوى اتجوزوا بعد قصة حب كبيرة ومجنونة. مؤمن نسى منه واعتبرها أخته وحب هدير أوي واتجوزها. منه وفارس عاشوا في سعادة. مروة انتحرت وماتت موتة بشعة. في بيت فارس. بنت بتجري ولابسة فستان زهري وملامحها كلها منه. وراها ولد بيجري وراها ومبتسم وملامحه ملامح سيف. "استني يا لانا.. استني قلت متجريش." لانا برفض وهي بتجري وبتضحك: "لا يا عدي مش هتمسكني برضه." عدي بزعل: "ماشي يا لانا براحتك.. أنا رايح بيتي."

لانا وقفت وبصتله وجريت عليه: "لا متمشيش خلاص أنا آسفة." عدي: "تسمعي كلامي من أول مرة على طول انتي فاهمة؟ لانا: "حاضر." "شوفت يا ضنايا يا فارس ابني مسيطر إزاي." فارس بغضب: "ابعد ابنك عن بنتي ياسيف أنا معنديش بنات للجواز." "لانا مش هتتجوز غيري يا خالو." فارس لف وشاف طفل بيبصله بغضب. "مالك يا عم إسلام انت كمان." إسلام بغضب: "لانا مش هتتجوز عدي.. لانا هتجوزني أنا." وابتديت بينهم هو وعدي المعركة على لانا.

(إسلام ابن هدير ومروان) فارس راح لمنه: "متيجي يابيبي ناخدلنا بريك من العيلة دي ونسافر." منه بتعب: "فاااارسسس سيبني وحياة أمك أنا تعبانة وحامل وخولد أهو دلوقتي روح اتغدى." فارس بصدمة: "أروح أتغدى؟! ووحياة أمك؟! أنا هروح أتجوز حد تاني يدلعني." منه قامتله: "نعم ياخو.. إه الحقني يافارس بولد بولااااد." فارس بصلا بتعب: "استغفر الله يااارب." وشالها وجرى بيها. وصلوا المستشفى بعد فترة ومنه ولدت وجابت آدم. بعد شهرين.

على الياخت في أحد الشواطئ. منه كانت واقفة وبتفتكر حياتها كلها.. حمدت ربها على كل حاجة في حياتها.. ربنا رزقها بفارس وحبه ليها.. رزقها بأولاد زي القمر.. رزقها بعيلة جميلة. فارس وقف ولقاها سرحانة. فارس: "اممم بتفكري في حد غيري صح؟ منه بإبتسامة: "عمري ما بفكر في حاجة غيرك يافارس.. أنا بحبك أوي." فارس بعشق: "وأنا بمووووت فيكي ياقلب فارس.. ربنا يخليكي ليا يارب." تمت.