رواية العاشقة المجروحة الفصل الرابع عشر 14 - بقلم سلمى تامر

بيني وبينك مراكب كانت سايرة بينا بيني وبينك أنا ظالم وعدلتي فينا كنتيلي مبين الكلام نظرة سكون كنتيلي بيت بس الأمان فيكي موت كنتيلي حرب وناس ساعات ميسندوش ليه شفت فيكي كل يوم ومعشتوش مهما تنادي مفيش سبيل تاني لرجوع *** فارس فتح السبيكر وقال بحده: نعم؟!! مر..وة بخبث: بصراحة أنا فكرت كتير وعرفت إيه هي الحاجة اللي هتعذب منه.. ولو منفذتهاش يبقى حضر جنازة أخواتك. فارس بسخرية: وإيه هي؟ مر..وة بدلع وخبث: تتجوزني.

منه وفارس بصوا لبعض بصدمة. منه هزتله دماغها برفض ودموع. فارس بغضب: ده مستحيل يا مر..وة وعلى جثتي. مر..وة بخبث: برااااحتك خالص. هيححح الله يرحمك يا سيف انت وهدير بقى. سلام. فارس وقفها بلهفة: استني.. استني.. هفكر وأرد عليكي. مر..وة بخبث وفرحة: أوكي يا بيبي.. سلام. وقفل معاها وبص لمنه بقلق. منه وقفت بصراخ ودموع: يعني إيه؟ هه رددد.. وبعدين سكتت وملامحها اتبدلت لصدمة: هي دي باقي الخطة صح؟

تمثل إنك مصدوم عشان تتجوز مر..وة. وأنا اسكت وأقول مهو مجبور يا عيني عشان أخواته.. وكملت بصراخ: صح ولا أنا كلامي غلط؟ فارس بص لها وقعد على الكرسي اللي في الأوضة وحط راسه ما بين رجليه ومسكها بإيده واتنهد بتعب واضح. فارس بصوت حزين ومكسور: أنا تعبت.. أقسم بالله تعبت ومبقتش قادر على أي حاجة.. وتعرفي مين السبب؟ منه بدموع: م مين؟ فارس بص لها وصرخ: إنتييي...

انتي السبب في كل اللي بيحصلي ده.. مر..وة خطفت أخواتي عشان بتكرهك.. بتكرهك عشان مروان بيحبك.. فوقي بقى من دور الضحية اللي انتي عايشة فيه ده وبطلي تلوميني لأني أنا الوحيد اللي مجرحتكيش.. أنا الوحيد اللي وقفت جنبك.. أنا اللي رديتلك كرامتك.. أنا اللي حميتك من مر..وة وشرها.. وأديني أهو بدفع التمن.. أنا اديتك كل حاجة يا منه.. انتي بقى ادتيني إيه؟ هه.. بتاتهميني؟! حكيتلك كل حاجة وبرضه مش مصدقاني؟!

قولتلك إن دي خطة من مر..وة وبرضه مش مصدقاني وبتلوميني؟! أنا تعبت. وسابها ومشى. ومنه قعدت على الأرض بدموع وضعف. *** في مكان آخر: متأكده من اللي هتعمليه ده يا تيتو؟ تيتو بحزن: لازم أباركله يا هنا.. لازم أباركلهم الاتنين. ده حبيبي بيخطب البيست فريند بتاعتي. هنا بحزن على صحبتها: بلاش ياتيتو هتتعب. تيتو شدت إيدها وقالت بصوت منكسر: تعالي معايا. وراحتلهم الكوشة وهما اتصدموا من وجودها. تيتو بصوت حزين:

مبروك يا حازم.. مبروك يا هبة. هبة بغيظ وغيرة: الله يبارك فيكي يا حبيبتي وعقبالك. حازم: احم الله يبارك فيكي يا رضوى. تيتو: محضرة لك مفاجأة يا زومي. حازم بإستغراب: إيه هي؟ تيتو ملامحها اتحولت للشقاوه والمرح وراحت للدي جي وطلبت منه المايك ووشوشته بحاجة. وهو عطاها لها بإبتسامة خبيثة ومرحة. واشتغلت الأغاني وتيتو غنت: ياليلي ياليلي ياااا ليل آه ياليل آه ياليل آه ياليلي آه ياليل آه ياليلي ليلي ليلي آه ياليلاي

يعني غرامك ودعني إيه يعني فراقني ولا ارجعلي ليه فاكر إن الدنيا بعدك مفيهاش ولا قبلك ولا بعدك ده أنا بيك من غيرك مش فارقة وقدامك أهو ولسه بغني كل صحبات العروسة والعريس اتلموا عليها ورقصوا معاها وهي ولعت الفرح وأخدت الأجواء من هبة صاحبتها. ابعد وهجر يا أناني.. أنا عارفة هترجع تاني.. لكن عمري ما هرجعلك لو حتى بكيت طول عمري. تيتو خلصت الأغنية وراحت لهم تاني ووطت على ودن هبة وقالت:

خانتك ليا دي علمتني درس كبير أوي.. إني مدخلش حشرات في حياتي وأقول عليهم صحاب.. خيانتك على قد ما هي وجعتني.. علمتني كتير أوي.. مبروك تاني مرة ليكي ولعروسة المولد خطيبك. وسابتهم ومشيت. هنا بصدمة: إيه ياشيخة.. إيه ياشيخة ده! هو فيه كده؟ تيتو بمرح: الاتنين أزبل من بعض. هجرح نفسي وأتعب فيها عشانهم ليه؟ فكك يلا ناكل أنا جعانة. *** فارس رجع البيت وهو حاسم قراره في موضوع مر..وة. فتح الباب ولقى منه في حضنه وبتبكي. أنا آسفة.

فارس ضمها جامد: أنا اللي آسف يا منه.. مكنش لازم أقولك الكلام ده.. انتي أكبر نعمة ربنا بعتها لي.. أنا بس مدايق ومخنوق.. أول مرة أحس إني عاجز.. عمري محسيت بالإحساس ده قبل كده. منه حست بحاجة على رقبتها.. بعدت عن حضن فارس وبصت له ولقت دموع في وشه. منه بصدمة: فارس انت بتبكي؟ فارس بحزن وصوت مبحوح: هدير مش مجرد أخت يا منه... هدير بنتي.. أنا اللي ربيتها وكبرتها...

وسيف مبقدرش أقسى عليه.. مهما بيغلط بسامحه لأن أبويا وصاني عليه قبل ما يموت.. أنا تعبت يا منه... تعبت من الحيرة والعجز.. مش قادر أعمل لهم حاجة غير إني... منه بخوف: إنك إيه؟ تتجوز مر..وة صح؟ فارس هز راسه بموافقة وضيق. منه بدموع وبكاء وانهيار: لأ.. لأ يا فارس ارجوك متعملش كده أنا مش هقدر.. مش هقدر على الحل ده ارجوووك شوف حل تاني. فارس ضمها بحنان: اهدي... اهدي يا حبيبتي أنا مستحيل أعمل كده. اهدي. منه بشهقة:

يعني مش هتتجوزها؟ فارس بحنان: تؤتؤ هشوف حل تاني.. اهدي بقى يا قلبي. *** تيتو كانت ماشية على طريق صحراوي ومسافرة لبلدها.. العربية عطلت فجأة. تيتو بضيق: أووووف لأ بقى مش وقتك خالص.. يعني ملحقتش أفرح دقيقتين باللي عملته في هبة وزوما تعطليلي انتي منك لله يا ولية. نزلت من العربية وبصت حواليها وملقتش حاجة. فضلت تمشي وتدور على أي حاجة تساعدها بس مش لاقية. لحد ما لقيت مكان واقف حواليه تلاتة بأجسام ضخمة ومعاهم سلاح.

تيتو بفضول: أووووبااااا مافيا دول ولا إيه؟ والله لعرف مخبيين إيه جوه. لفت من وره وحمدت ربها إن المكان فاضي من وره. لقت شباك مفتوح نصه والنص التاني مقفول.. بصت منه ولقت شاب وبنت مربوطين. أيتـا أيتـا أيتـا دول مخطوفين.. الله هنقذهم وهينزلوني في منى الشاذلي إني بطلة. فتحت الشباك براحة ونطت منه بخفة. لقت البنت نايمة والولد صاحي بيبص لها بصدمة. تيتو بصدمة: يخربيت حلاوتك انت هربان من مسلسل تركي ولا إيه؟ سيف: لا رد.

تيتو بضيق: انت مبتردش عليا لي؟ هه. سيف: اممم. تيتو بصت للزقة اللي على بقه وشالتها. سيف بألم: آه انتي غبية.. هرد عليكي إزاي وأنا مربوط.. فكيني يلا بسرعة.. يلا. تيتو بضيق: انت إنسان حيوان.. يعني أنا جايه أساعدك وبتقول عليا غبية؟! أهو انت اللي غبي بقى إيه رأيك؟ سيف بنفاذ صبر: يا ستي أنا غبي وابن ستين كلب.. فكيني بقى. تيتو راحت تفكه لكن الباب اتفتح بعنف. انتي مين يابت انتي وجيتي هنا إزاي؟! ده انتي نهارك أسود. تيتو بصدمة:

يا وجعة مربربة. *** بليل فارس كان قاعد مع منه بعد ما نضفوا البيت مع بعض وبيفكروا هيعملوا إيه. الباب خبط. فارس لمنه: ادخلي في الأوضة جوه. وراح فتح واتصدم من اللي شافهم. مر..وة بدلع: اتأخرت لي يا بيبي.. جبتلك المأذون لحد عندك أهو واتنين شهود كمان. فارس بص لها بغضب.. قربت عليه ووقفت جنبه وطلعت موبايلها وورته حاجة وهو اتصدم من اللي شافهم. مر..وة لفارس بمكر: ها يا قلبي ندخل؟ فارس: