رواية العنيدة الفصل الرابع عشر 14 - بقلم هدير بدر

حور: أنت بتقول إيه؟ زين: زي ما سمعتي، أنا حبيتك. إمتى وإزاي وفين؟ مش عارف. صدقيني بحبك. حور: طاب وخطيبتك؟ زين: هي مش خطيبتي، أنا كنت مغصوب عليها ونهيت كل حاجة كمان. ياريت تفكري في الموضوع ووعد هاحكيلك كل حاجة. حور عينها دمعت. زين: مش عايز رد دلوقتي، تمام؟ حور: بس أنت ماتعرفش عني حاجة. زين: مش عايز أعرف، كفاية إني حبيتك. حور اتكسفت: طا... طاب أنا لازم أمشي. زين: اركبي أوصلك علشان أنتي لسه تعبانة. حور: تمام.

وركبت معاه. حسام جرى على المستشفى ودخل وقلبه بيدق جامد. حسام بتوتر: أنا والد بسنت حسام، ممكن أعرف مكانها فين؟ الممرضة: في الدور التاني أوضة رقم ***. حسام طلع جرى. لقي الدكتور خارج: بنتي مالها يا دكتور؟ الدكتور: للأسف هي باين عليها مضروبة، ونتج عنه إجهاض. غير كدا بنتك مدمنة، وده سبب لأضرار تانية وإنها للأسف مش هتقدر تخلف تاني. حسام الكلام نزل عليه زي الصاعقة: إجهاض إيه وإدمان إيه!

دي أكيد مش بنتي، أنا عايز أشوفها ضروري. الدكتور: تقدر تتعقم ومش مسموح ليك بأكتر من دقيقتين. حسام: تمام. راح اتعقم وهو داخلها عمال يدعي إنها ماتكونش بنته. حسام أول ما دخل لقي بسنت. حسام وقع أغمي عليه. حور ركبت مع زين وفضلت ساكتة. زين: أحم، لو احتجتي تحكيلي أي حاجة أنا موجود. حور: تمام. ووصلوا البيت. حور وهي نازلة: شكرًا. ومشيت جرى. زين: آه منك، هتعملي فيا إيه تاني؟ ومشي. هناء: بتقول إيه مع حور؟ وقفلت مع الشخص.

هناء: حلو أوي كدا، كدا عرفت نقطة ضعفك. وأكملت بسخرية: يا زين بيه. ورنت على صاحبتها. هناء: ألو، أيوا يا سلمى بقولك إيه. عايزة خدمة كدا. واتفقوا مع بعض. هناء قفلت بخبث: كدا اللعبة تحلو. حور دخلت لاقيت دولت في وشها. دولت قامت ضربتها بالقلم: مين دا اللي كنتي جاية معاه؟ حور بصتلها بغضب: حاجة ترجعلي. دولت مسكتها من شعرها: انطقي يا قليلة الرباية، مين ده ها؟ حور: وسعي شعري ومين سمحلك تضربيني؟

دولت: مش قاعدة في بيت ابني يبقى لازم أعرف، وإلا توسخي سمعة ابني وقاعدة واكلة وشاربة في بيته ولا أكنها لوكاندة أبوكي. حور الكلام جرحها جامد: وسعي إيدك كدة، محدش اداكي الحق تمدي إيدك عليا بالطريقة دي. ولولا إنك كنتي ست كبيرة كنت اتعاملت بمعاملة تانية. دولت: معاملة تانية يا زبالة؟ لو عندك دم اطلعي من بيت ابني. حور: تمام. وسابتها ولسه هاتطلع. دولت شافت إبراهيم كان داخل، قامت واقعة قدامه. إبراهيم جرى عليها.

دولت: شوفت البت اللي جايبها من الشارع عملت فيا إيه! أنا هالم هدومي وأمشي. إبراهيم: إيه مين عمل فيكي كدا؟ دولت: البت دي آآآه. وفضلت تعيط بخبث. حور واقفة مصدومة. إبراهيم: أنتي عملتي كدا يا حور؟ نهال نزلت على الصوت. نهال: في إيه؟ إبراهيم: استني يا نهال لو سمحت. أنتي عملتي كدا؟ حور لسه هترد. الخدامة: آه يا بيه عملت كدا فيها. إبراهيم ضرب حور بالقلم: ده جزاتي يا حور؟ حور واقفة مصدومة ومش مستوعبة حاجة. حور بدموع: بـ بابا.

إبراهيم: لحد كدا وكفاية، ده جزاتي كبرتك وعلمتك. نهال: اهدي يا إبراهيم. إبراهيم: لو سمحت يا نهال. اتفضلي يا حور لمي هدومك وامشي. نهال: هترمي بنتك؟ إبراهيم: ماتنسيش هي مش بنتي وضربت أمي. فاتفضلي يا حور. حور: لا دي هدومك. عن إذنكم. وبصت بدموع لنهال ومشيت. نهال: استني يا حور. وجاية تطلع. إبراهيم: صدقيني هتخسريني. نهال طلعت فوق فضلت تعيط. ودولت ابتسمت بخبث. دولت: جيت عملتلكم يا ابني مشاكل. إبراهيم: لا يا أمي حقك عليا.

وطلع الجنينة وهو مخنوق. حور جريت في الشارع مش عارفة تروح فين. راحت البحر وفضلت تعيط أوي. حور: ليه يا رب كدا، آآآه قلبي وجعني أوي. أروح فين وأجي منين؟ تعبت، محدش بيحبني ولا هيحبني. يا رب خدني عندك أنا ماليش غيرك. لاقيت واحدة قعدت جنبها وطبطبت عليها. حور بصتلها بدموع. خديجة: صدقيني ربنا هيعوضك، إياكي تيأسي أبداً. كلنا مرينا بمشاكل كتير.

حور: بس أنا دلوقتي ماليش بيت، أهلي رموني، هما مش أهلي هما اتبنوني. تعبانة أوي مش قادرة. خديجة: قومي بس معايا وثقي فيا، يمكن ربنا باعتني ليكي. حور ارتاحت معاها. حور: طاب إيه اللي أنتي لابساه دا؟ خديجة بابتسامة: دا يا ستي نقاب. حور: اممممم، أول مرة أسمع عنه. خديجة: إزاي بقى؟ حور: بجد؟ طاب دا فايدته إيه؟ خديجة: قومي بس وهاقولك كل حاجة. ياسين وطى راسه لما لقي خديجة قاعدة مع واحدة. ياسين: سلام عليكم. إيه يا خديجة هنمشي؟

خديجة: لحظة، دا جوزي. وقامت كلمت ياسين. ياسين: يا خواتي على مراتي القمر. خديجة: أحم بس بقى. ياسين: ماشي يا حبيبتي، ربنا يجعلك دايماً لسبب مساعدة الناس. خديجة: أنا وأنت يا رب. خد مالك بقى على العربية وهاجيبها معايا. خديجة: يالا تعالي معايا بقى.