رواية العنيدة الفصل الثالث عشر 13 - بقلم هدير بدر

حور فاقت ولاقت زين نايم وحاطط دماغه على سريرها وقاعد على الكرسي. حور فضلت تبصله شوية وبعدين رجعت رأسها لورا وافتكرت كل اللي حصلها واللي مرت بيه من وهي صغيرة لحد ما كبرت. حور: هافضل أعاني بسببك. زين كان سامع كل حاجة وعامل أكنه نايم. حور: هافضل أقلق بسببك وهافضل أكره حياتي بسببك، حسبي الله ونعم الوكيل. زين صحي. حور سرعان ما مسحت دموعها. حور: تعبتك معايا، روح بقى علشان تقدر تنام وأنا بخير. زين: أنتي هبلة؟

أروح وأنتي كدا! افرضي حد جه تاني؟ حور: ما تقلقش، روح بقى. زين: مش هامشي يعني مش هامشي، اتفضلي الأكل. حور: مش جعانة. زين: لا، تعبانة وما أكلتيش وبتاخدي علاج كتير، اتفضلي. حور كانت جعانة فعلاً قعدت تاكل وبعدين بصتله: كُل معايا. زين: لا كلي. حور: قلت كُل معايا ياما خد أكلك. زين قعد معاها أكلوا. وبعدين إبراهيم دخل. حور: أنت جيت يا حبيبي. إبراهيم: أيوه، عاملة إيه؟ حور: الحمد لله، ممكن بقى تخرجني؟ إبراهيم: يا بنتي.

حور: بابا أرجوك، ماما وحشتني. إبراهيم: حاضر. ومشي وراح يجيب ورق الخروج. حور بصت لزين: ممكن ما تقولش لبابا على اللي حصل؟ زين: لازم يعرف. حور: لا معلش رجاءً. زين: تمام. حور: شكرًا. حسام: بتقول إيه بقى؟ عجل زيك مش قادر على بنت؟ الشخص: ما هي قوية الحقيقة. حسام: عيب والله. الشخص وطى راسه في الأرض. حسام بعصبية: برااااا. وقعد: بقى بنت مش قادر عليها؟ حسابك تقل أوي معايا. هنية نزلتله: بنتك مش بترد وفونها مقفول.

حسام قام: إزاي دا؟ هنية: مش عارفة، برن عليها مش بترد وما جتش من إمبارح. حسام مسكها من دراعها جامد: بتقولي إيييييه؟ من إمبارح وأنتي لسه فاكرة تبلغيني؟ هنية: بحسبها هتيجي. حسام بسخرية: كتر خيرك إنك بلغتيني دلوقتي، اخفي من وشي. هنية مشيت بخوف من هيئته. حسام: اجهزوا حالاً. وخد العربيات وطلع يدور عليها. أحمد فضل يفوقها وهي مش بتفوق. أحمد تف عليها: ده جزاتك. ونادى على حارس.

أحمد: خد دي وارميها عند أي مستشفى وما تخليش حد يشوفك. الحارس: تحت أمرك يا فندم. وشالها وبالفعل رماها عند أقرب مستشفى. حور روحت مع إبراهيم بعد ما شكروا زين على وقفته جنب حور. روحوا البيت أول ما شافت نهال جريت عليها حضنتها. نهال: كدا ما ترنيش عليا حتى؟ حور: كنت بخلص ورق مهم لصاحبتي، أنتي عارفة معزتها عندي. نهال: ماشي يا حبيبتي، مال دراعك؟ حور: تعبني شوية من الحركة حطيتله دي تحميه. نهال: تعالي كلي بقى، خسيتي كدا ليه ها؟

حور: مش هانخلص كداااا، هاقعد أكل أهو يلا يا ست الكل. وقعدوا والبهجة رجعت البيت تاني. فجأة (دولت) أم إبراهيم دخلت. إبراهيم: أمي جيتي؟ دولت: أيوه جيت. وبصت لحور جامد. حور عملت أكنها مش شيفاها. دولت اتعصبت: أنتي مش شيفاني؟ قومي بوسي أيدي. حور: أبوسها ليه؟ دولت: شوفتي آخرة مجيبك لبنات الشوارع؟ حور عينها دمعت: عن إذنكم. وطلعت وسابتهم. إبراهيم: تاني يا أمي تاني؟ كل أما تيجي تعيطيها، افهمي بقى دي بقت بنتي حتة مني.

دولت ضربت بالعصاية الأرض: بتزعق لأمك علشان بنت الشوارع؟ إبراهيم: دي مش بنت شوارع. دولت: المحروسة مراتك ما خلفتش وأنت ما سمعتيش مني. نهال كانت باصة في الطبق وبتدمع. إبراهيم: أنتي علشان أمي مش راضي أتكلم، بس بعد إذنك أمور بيتي بعيد عن حضرتك وعن أي حد تمام؟ دولت اتغاظت كانت ناوية توقع بينهم. إبراهيم بص بحب لنهال. نهال ابتسمتله وطلعت لحور. حور كانت عمالة تعيط. الباب خبط. حور: اتفضل. نهال: بنتي حبيبتي زعلانة صح؟

حور: لا يا حبيبتي. نهال: بلاش نضحك على بعض. بصي أنا أمك ودايماً فاهماكي، إياكي تحطي كلامها في دماغك، هي ست كبيرة ولازم نحترمها وهي برضه بتغير على ابنها، معلش بابا مقصر معاكي في حاجة؟ حور: لا. نهال: ده المهم، ماشي يا حبيبتي مش عايزة أشوف دمعة منك أبداً. حور حضنتها: ربنا يخليكي ليا يا أحلى أم في الدنيا. حسام جاله اتصال: أيوه مين؟ الشخص: بنت حضرتك اسمها بسنت حسام. حسام بلع ريقه: أيوه. الشخص: تقدر تيجي المستشفى.

حسام: العنوان بسرعة. وجري عليها. زين روح البيت وقعد يفكر في حور. زين: عملتي فيا إيه؟ مش قادر أقعد كدا اتعودت عليكي. ونام. تاني يوم. حور لبست ونزلت. دولت: الهانم رايحة فين؟ حور لبست نظارتها وما اديتهاش اهتمام. دولت شدتها من دراعها اللي بيوجعها: أما أسألك تجاوبي. حور بقوة: ايدك. وسحبت إيدها. أروح مكان ما أروح، سلام. دولت: أنتي يا بت مش متربية. حور ببرود: شكرًا. وسابتها ومشيت.

دولت في نفسها: أنا لازم أخرج البت دي من هنا. حور راحت الشغل ودخلت لزين. زين فرح أما شافها. وبعدين اتكلم بعصبية: مش المفروض أنتي تعبانة؟ حور كانت مخنوقة جامد: معلش. زين: معلش إيه؟ أنتي تعبانة. حور ما قدرتش تمسك دموعها. وفضلت تعيط. زين اتصدم جري عليها. زين: مالك؟ آسف ما كانش قصدي أتعصب عليكي. حور بدون وعي منها حضنته، زين حس بشعور غريب. وبعدين فضل يهديها.

حور: تعبت مش قادرة، مش قادرة أستحمل، عايزة أموت ما عادش ليا حاجة أعيش علشانها. زين: اهدي اهدي فهميني. حور خدت بالها من وضعيتها بعدت عنه. زين: فهميني. حور: أنا آسفة. وجريت خرجت بره المكتب. زين جري وراها. حور خرجت قعدت قدام البحر. حور: مش ضعيفة، مش لازم أعيط. زين قعد جنبها. حور: جيت ليه؟ زين: قوليلي مالك. حور: ماليش. زين: لا قوليلي مالك. حور: معلش سيبني لوحدي، أنت جاي ورايا ليه ها؟ ابعد عني. زين: مش هابعد.

حور بانهيار: لا ابعد عني، أنت واحد خاطب جاي ورايا ليه؟ عايز مني إيه؟ عايز تجرحني أنت كمان؟ اتفضل. ما أنا بقيت متعودة. زين بعصبية: مش خاطب وجاي وراكي علشان بحبك. حور: إيه؟