رواية العشق الابدي الفصل السادس 6 - بقلم لبنى دراز

تانى يوم الصبح راح فارس القطاع واجتمع برجالته قبل ما يدخلوا للوا. فارس:: بجدية، فين الملفات اللي طلبتها منكم؟ هانى:: اتفضل يا فارس باشا، الملف ده فيه كل حاجة طلبتها عن طه المعداوي من يوم ما ولدته أمه. فارس:: تمام كدا. و لـ ياسر؟ وانت يا ياسر عملت إيه؟ ياسر:: الملف ده فيه كل حاجة عن سمير، حتى اللي مايعرفهوش عن نفسه يا باشا، زي ما حضرتك أمرت.

فارس:: تمام.. سيبولي بقى الملفات دي أبص عليها، وساعة زمن وهنجتمع تاني، اتفضلوا على مكاتبكم. ولـ سيف، عملت إيه في اللي طلبته منك؟ سيف:: حصل وتحت أمرك أي وقت. فارس:: تمام، نخلص الاجتماع ونطلع على طول، مفيش وقت، القضية دي لازم تخلص، كفاية كدا. خرج سيف وساب فارس يراجع الملفات بدقة وسرعة، وجمع كل اللي محتاجه في ملف واحد، وبعدها طلب يقابل مدير القطاع. حسين:: اتفضل يا سيادة المقدم، ياترى وصلت لإيه؟

فارس:: الملف ده يا فندم فيه كل حاجة محتاجينها. حسين:: تمام.. ورفع سماعة تليفون مكتبه وطلب قيادات القطاع في اجتماع عاجل، وبص لفارس. حسين:: ابعت لرجالتك. فارس:: تمام يا فندم. وبالفعل بعت لرجاله، واجتمع فارس واللوا حسين وسيف وهاني وياسر ومعاهم قيادات كبيرة في القطاع. حسين:: اشرحلنا يا فارس تصورك وخطتك هتمشي إزاي؟ فارس:: فتح الملف وابتدا يشرح..

دلوقتي أنا عرفت مداخل ومخارج المدافن والأماكن اللي الجماعة دي بتستخبى فيها، ده غير طبعًا الموضوع ما طلعش مجرد شوية عيال خارجة عن القانون وخلاص، الموضوع أكبر من كدا بكتير. العملية واصلة للمافيا اللي بتصدر للجماعات دي السلاح اللي بيستخدموه في عملياتهم الإرهابية، ومش بس كدا، ده كمان بتدخل المخدرات وكمان تجارة الأعضاء، وطبعًا علشان الكلام ده يحصل يبقى أكيد فيه حد في البلد بيساعدهم وله يد في كل اللي بيحصل.

وأخيرًا توصلنا إن ليهم عين هنا في قلب القطاع، ومذكور اسمه في الملف اللي قصادكم. وكمان العنصر اللي ممكن يساعدنا، وده بالكشف والتحريات عنه طلع أبيض، مالوش أي سابقة في أي حاجة غير القضية دي اللي اتورط فيها، وبعد إذن القيادات طبعًا علشان نقنعه يساعدنا هنعتبره شاهد ملك في القضية. ده غير إن كمان عرفنا إن فيه شحنة سلاح اتفقوا عليها وهتدخل البلد خلال الأسابيع الجاية.

حسين:: عايزين نعرف مين في البلد اللي له علاقة بالمافيا وتجار السلاح. وبالنسبة للعنصر اللي هيساعدك هنحاول ناخد الموافقات إنه يكون شاهد ملك. فارس:: تمام يا فندم. وبخصوص الناس اللي في البلد اللي عرفته إنهم ناس كبيرة وتقيلة وليهم وزنهم.. ودي قايمة بأسمائهم.. بس للأسف لسة مش معانا أي دليل مادي يدينهم، حتى الشحنة اللي المفروض هتدخل البلد مافيش عليهم حاجة تثبت إنها بتاعتهم. حسين:: خطتك يا فارس؟

فارس:: هنعتمد على التسريبات.. هنسرب معلومات وصور عن... وشرح فارس خطته بالكامل في الاجتماع. حسين:: تمام يا سيادة المقدم، بالتوفيق. انتهى الاجتماع ورجع فارس مكتبه مع رجالتهم واتفقوا على كيفية تنفيذ الخطة بالفعل. *** في مستشفى الحلم. أدهم بعد ما خرج من أوضة العمليات، لأن كان عنده عملية استئصال ورم، ورايح على مكتبه يريح شوية قبل ما يرجع للحالة عشان يطمن عليها، وهو ماشي في الطرقة شاف.

أمل:: قاعدة مستربعة في الأرض وع رجليها بنت صغيرة بتلعب معاها علشان تقنعها في الآخر إنها تكشف عليها، وأبوها وأمها واقفين. أدهم:: بعصبية، إيه اللي بتعمليه ده يا دكتورة؟ أمل:: بخضة، وقفت والبنت كانت هتقع منها.. د/ أدهم. أدهم:: بسرعة، حاسبي يا مجنونة، البنت هتقع منك. أمل:: بتوتر، أء أنا آسفة يا دكتور.. بس البنت كانت رافضة الكشف. أدهم:: بغيظ منها، خلصي كشوفات وحصليني على المكتب يا دكتورة..

وسابها ومشى قبل ما ترد. راح مكتبه وشوية الباب خبط ودخلت الممرضة. مريم:: دكتور أدهم، في واحدة برة عايزة تقابل حضرتك ضروري. أدهم:: دي تبع الحالة اللي لسة خارجة من العمليات؟ مريم:: لأ يا دكتور، بتقول إنها خطيبتك. أدهم:: بأندهاش، خطيبتي؟ أنا مش خاطب أصلاً. هاجر:: بأندفاع، كدا يا دومي تنكر خطوبتنا؟ أخص عليك.. وبصت للممرضة. هاجر:: خلاص روحي انتي يا اسمك إيه.

أدهم:: بنرفزة، انتي أكيد مش طبيعية، إزاي تيجي لغاية هنا وتقولي إنك خطيبتي؟ هاجر:: أصل طلبت أقابلك قالولي إنك مش بتقابل حد خالص، اضطريت أقول إني خطيبتك يا دومي. أدهم:: بغيظ، تقومي تقولي إنك خطيبتي؟؟ وإيه دومي دي كمان.. اسمي د/ أدهم.. ثم انتي عايزة تقابليني ليييه؟ هاجر:: بهيام، أصلك مز آخر حاجة يا فراولة.. اسمعلاوي انت. أدهم:: نعععععم. هاجر:: قصدي.. قلبي واجعني وعايزة أكشف عليه. أدهم:: بس أنا مش دكتور قلب، أنا جراح.

هاجر:: بتسبيل، خلاص جراحي بتوجعني عالجهم لي يا قمر. أدهم:: قبل ما يرد كان الباب خبط ودخلت أمل. أمل:: شافت هاجر عند أدهم.. بغيرة واضحة. أمل:: الله الله، إيه اللي بيحصل هنا؟ هاجر:: وانتي مالك انتي يا بايرة، واحدة وخطيبها. أدهم:: خطيب مين؟ انتي مجنونة يا بت انتي. أمل:: بنرفزة وصوت عالي، وانت بتنكر ليه ها؟ هي هتكدب يعني ولا هتكدب؟ أدهم:: دكتوووورة أمل، ما تنسيش نفسك وتعلي صوتك، ثم أنا أصلاً معرفهاش.

هاجر:: بدلع، أخص عليك يا دومي، بقى ماتعرفنيش. أدهم:: بزعيق، بقولك إيه يا بت انتي، امشي من هنا، مش طالبة جنان، يلا قبل ما أطلبلك الأمن يطلعك برة. أمل:: أيوا يا أدهم، فعلاً دي مجنونة آخر حاجة، اطلب لها الأمن يرميها برة. أدهم:: بعصبية أكبر، نعم انتي كمان.. إيه أدهم ده كمان.. جرا إيه يا دكتورة، انتي هنا في مكتب المدير، مش واقفة مع واحد صاحبك، وبالمناسبة إيه المنظر اللي شوفته تحت ده.

أمل:: بتوتر، أ أ أصل يا دكتور البنت كانت خايفة إني أديها حقنة وكانت بتعيط ورافضة تكشف، فكنت مضطرة أعمل كدا، صدقني. أدهم:: لسة هيرد عليها شاف هاجر واقفة مكانها هيمانة فيه.. بص لها. أدهم:: انتي لسة هنا؟ بتعملي إيه؟ وبزعيق. أدهم:: براااااااا، وأنا بشاور بإيده على الباب. ورجع لأمل اللي حصل ده ما يحصلش تاني يا دكتورة، فيه طرق كتير تقنعي بيها الطفل عشان يخضع للكشف والعلاج، غير الهبل اللي كنتي عاملاه ده، فاهمة ولا لأ؟

أمل:: بهمهمس كالعادة.. ربنا يوقف نموك يا بعيد، دايماً مسبب لي رعب كدا. أدهم:: سمعها.. أنا بقى هسبب لك رعب أكتر لما تاخدي خصم 3 أيام من مرتبك عشان تعرفي تبرطمى كويس، وبزعيق برضوا. أدهم:: يلاااااا براااااااا، وابقي أشوفك قاعدة في الأرض تاني بالمنظر ده. *** شقة فارس.

بعد ما خلص فارس اجتماعه مع المدير وقيادات القطاع، خرج هو وسيف وقابلوا سمير وأقنعوه يساعدهم بعد ما وعدوه هيبقى شاهد ملك في القضية، رجع بيته متوتر وقلقان وشافته. نجوى:: بقلق وقبضة قلب.. مالك يا حبيبي؟ فارس:: بتوتر، مافيش يا أمي، أنا كويس. نجوى:: متأكد يا فارس؟ فارس:: بأبتسامة وجع.. متأكد يا قلب فارس. وبعدين انتي اللي مالك قلقانة ليه وفاتحة لي تحقيق ههههههه. نجوى:: فجئت فارس بسؤالها. نجوى:: هتسافر إمتى يا فارس؟

فارس:: بصدمة، عرفتي إزاي إني مسافر؟ نجوى:: مش أول مرة يا حبيبي تسافر في مهمة.. خلاص اتعودت عليك، لما تبقى ماسك قضية كبيرة دايماً بتكون متوتر وقلقان، وده حالك من وقت ما جينا هنا وكنت مستنية تقول لي هتسافر أمتى. فارس:: مسك إيدها وباسها. فارس:: طول عمرك بتحسي بيا وتفهمني يا أم فارس من غير ما أتكلم. نجوى:: بحنان، انت وإخواتك نور عيني وروحي، لو ماحسيتش بيكم هحس بمين يعني. فارس:: بحب، باس راسها.

فارس:: ربنا يباركلنا فيكي ويخليكي لينا يا ست الكل. نجوى:: قولي بقى هتسافر إمتى عشان أحضر لك شنطتك. فارس:: بالليل يا حبيبتي، وما تقلقيش، السفر المرة دي جوة مصر مش برة.. هجمع معلومات مش أكتر. صحيح مش هعرف أكلمكم كتير في الأول، بس وقت ما تيجي الفرصة أكيد هتصل أطمنكم عني. نجوى:: هتغيب كتير؟ فارس:: مش عارف يا أمي صدقيني.. بس كل اللي عايزه منك تدعي لي وتاخدوا بالكم من نفسكم علشان خاطري.

نجوى:: دعياك يا ابن قلبي وعمري.. استودعتك عند الله.. ربنا ينصرك ويردك لقلبي ولأخواتك سالم غانم يارب. فارس:: براحة.. الله عليكي يا نوجة، أحلى دعوة بحب إنك تدعي لي. وبص حواليه وشايف الدنيا هادية. فارس:: الله، هما البنات وأدهم فين؟ نجوى:: البنات عند حور قاعدين معاها من بدري علشان هتمشي هي كمان رايحة المزرعة وهتغيب فترة.. وأدهم لسة ما رجعش.

فارس:: طيب يا حبيبتي أنا هنام ساعة لغاية ما يرجع أدهم والبنات تيجي علشان نتغدى سوا قبل ما أمشي. ودخل أوضته بيفكر في القضية وصورة حلم اترسمت قصاده وبيتمنى يشوفها قبل ما يمشي. شوية ورجع أدهم من المستشفى وشاف الشقة هادية ومافيش حد ونده. أدهم:: مامااااا يا أم أدهم انتي فين؟ نجوى:: خارجة من أوضتها بتعيط وعينها وارمة من كتر العياط. أدهم:: بخضة، مالك يا حبيبتي بتعيطي ليه؟ فارس جراله حاجة؟ نجوى:: بأستغراب، بصت له.

نجوى:: أشمعنى فارس اللي قلت اسمه؟ أدهم:: بقلق، مش عارف يا أمي، قلبي واجعني عليه من الصبح وخايف. نجوى:: بدموع الخوف، مسافر بالليل مهمة جديدة وقلبي مقبوض أوي. أدهم:: بقلق وخوف، استودعيه يا أمي عند الله وأدعي له، وقومي اغسلي وشك وما تخليهوش يسافر وانتي كدا. (وأخدها في حضنه بيحاول يطمنها ويطمن نفسه) أدهم:: هيبقى كويس إن شاء الله وهيرجع بسرعة، انتي مش عارفة يعني ده المدمر ولا نسيتي يا ست الكل. المهم البنات فين؟

عاليا:: دخلت على سؤال أدهم. عاليا:: نحن هنا يا كابتشن. ياسمين:: إيه ده خيانة عظمى.. إيه يا ست نوجة أي حد يحضنك كدا تتحضني.. فينك يا أحمد تشوف المزة القمر دي بتتحضن من حد غيرك. أدهم:: بخفة، (ضربها على دماغها) أدهم:: أنا حد يا هبلة انتي.. (وبشان يخفف التوتر وما يخليش البنات ياخدوا بالهم بيهزر وقلبه موجوع) أدهم:: ليه ياربى ليييه رزقتني بأختين أهبل من بعض ههههههههههه. عاليا:: أنا احتج يا دومي.

أدهم:: ليه إن شاء الله يا قردة؟ عاليا:: أديك قلت أهو، قرررردة مش هبلة. ياسمين:: بضحك، لأ تصدقي صح، تفرق.. انتي عبيطة يابنتي، ما الاتنين شتيمة ههههههههههههه. عاليا:: كابتشن، هو كله شتيمة شتيمة، مافيش ضرب ههههههههههههه. فارس:: من وراهم. فارس:: (ضربها بخفة على دماغها) أي خدمة يا قمر ههههههههههه. عاليا:: بزعل مصطنع.. بقى تيجي منك انت يا أبيه، متشكرين يا عمي.

ياسمين:: ماما كنت عايزة أستأذنك وأستأذن فارس.. حور رايحة المزرعة وعرضت علينا نروح معاها أنا وعاليا ممكن؟ فارس:: بص لأمه وعرف حالتها من وشها وبص لياسمين. فارس:: وماله يا حبيبتي روحوا، وكمان خدوا ماما معاكم تغير جو. نجوى:: برفض، أنا مش رايحة في حتة. فارس:: بمقاطعة، باس على راسها. فارس:: حبيبتي كلنا محتاجين نغير جو، روحي معاهم وأنا هظبط شغلي وأجيلكم أنا كمان، ماشي. (بيشاور بعينه لأمه عشان أخواته ما يحسوش بحاجة)

. يلا بقى غدونا أنا جعاااان، وبعد الغدا حضروا شنطكم وشوفوا هتمشي إمتى. عاليا:: هتمشي دلوقتي، بس قالت لو هنمشي معاها هتستنى شوية. فارس:: خلاص بلغيها إن كلكم رايحين معاها حتى ماما، يلا قومي. وجريت فعلاً عاليا بلغت حلم إنهم رايحين معاها حتى مامتهم، وفعلاً بعد محايلات من نجوى إنها تفضل معاه لغاية ما يمشي ورفض منه، مشيت مع حلم وأمينة والبنات، وفضل أدهم معاه، رفض إنه يسيبه لغاية ما يسافر. أدهم:: بخوف، هتغيب كتير يا فارس؟

فارس:: وهو بيجهز شنطته.. صدقني مش عارف هغيب قد إيه، بس كل اللي عارفه إن وقت ما تجيلي الفرصة هكلمكم أو أجي أطمن عليكم. أدهم:: بأستفسار، انت طالع المهمة جوة مصر؟ فارس:: بيداري عينه من أخوه. فارس:: اه، جمع معلومات مش أكتر، بس مش عارف هتأخد وقت قد إيه. أدهم:: أنا مش هسألك فين لأني عارف ممنوع تقول.. بس انت بتكدب يا فارس. فارس:: بعصبية، أدهم من إمتى كنت بكذب عليك يعني؟

أدهم:: كل حاجة بتقول إنك بتكدب.. عصبيتك.. توترك.. عينك اللي بتداريها عني.. إصرارك إن ماما تمشي مع حور والبنات.. بقلق.. طمني يا فارس الله يخليك، قول إنك فعلاً هتجمع معلومات بس مش حاجة تانية. فارس:: بخوف، شد أدهم لحضنه وضمه أوي ودموعه بتهدد بالنزول. فارس:: أدهم أنا سايب راجل في ضهري سند لماما وإخواتي البنات لو ما رجع… أدهم:: قاطعه بسرعة وطلع من حضنه.

أدهم:: أوعى تنطقها.. ماتكملهاش أرجوك.. هترجع وتنور بيتك تاني.. أنا من غيرك ولا حاجة.. انت مش أخويا وبس، أنت أخويا وأبويا وصاحبي وكل ما ليا فاهم. فارس:: طيب ممكن تسمع كلامي وتنزل تروح المزرعة معاهم.. ماتسيبش ماما لوحدها لأفكارها ممكن.. وما تخليش البنات يعرفوا حاجة، خليهم مبسوطين وما ترجعوش لغاية ما أرجع أنا، ماشي.. يلا بينا ننزل سوا وهخليك توصلني لغاية سيف وهو هيكمل معايا وانت تروح المزرعة.

أدهم:: بدموع، حاضر يا قلب أخوك هسمع كلامك. فارس:: مسح دموع أخوه. فارس:: مافيش راجل بيعيط، ويلا بينا بقى عشان اتأخرت على سيف. وفعلاً نزلوا سوا وأدهم وصله لغاية سيف عشان يجهز عنده ويبتدي مهمته. *** في المزرعة. وصلت حلم ومعاها أمينة ونجوى والبنات ياسمين وعاليا، ودخلت فيلتها واللي كانت في وسط المزرعة وكانت مبنية على الطراز الكلاسيك، تصميمها راقي جداً، دخلوا البنات وانبهروا جداً بجمالها من برة ومن جوة.

عاليا:: وااااااو.. إيه ده إيه ده إيه الجمال ده.. دي قصر يابنتي مش فيلا.. ممكن أتفرج عليها يا حور؟ نجوى:: بتعنيف.. عاليا قولي ماشاء الله، ماينفعش كدا. عاليا:: بزعل.. إيه ماما، هو أنا هحسدها يعني؟ حلم:: بأبتسامة.. لا يا لولي مش هتحسديني طبعاً، وخليكي على راحتك خالص. ياسمين:: بسم الله ماشاء الله، جميلة جداً يا حور، زوقها حلو أوي.

حلم:: تسلمي يا سمسمة.. يلا بقى اطلعوا غيروا هدومكم وانزلوا اتفرجوا براحتكم على الفيلا لغاية ما العشاء يجهز. نجوى:: سامحيني يا حور يابنتي.. أنا هطلع أنام وأعفيني من العشاء. حلم:: تؤتؤتؤ، هنا مافيش الكلام ده.. انتي عايزة فاطمة تزعل مننا ولا إيه. ياسمين:: بتساؤل.. فاطمة مين؟ أمينة:: فاطمة دي البنت اللي بتشتغل مع حور هنا.

حلم:: وعليها شوية فطير مشلتت بالزبدة البلدي، أوعى وشك.. ده انتي من جماله ممكن تاكليها هي نفسها مش صوابعك بس. عاليا:: واو بجد، نفسي فيه من زمان ما أكلتهوش. حلم:: يبقى يلا بسرعة اطلعوا غيروا هدومكم وانزلوا، والأوض فوق كتير، خدوا راحتكم. ونادت على فاطمة. فاطمة:: واللي جات تجري. فاطمة:: بترحيب.. حمد الله على السلامة يا آنسة حلم.. إزيك يا ست الحاجة، منورة والله، يا دي النور بالغالين حبايب الغالية.

حلم:: بهزار.. بطلي رغي يا بت انتي وطمنيني أخبار الفطير إيه؟ فاطمة:: جاهز ويستاهل بقك يا ست البنات.. يا أهلاً بالضيوف، نورتونا. نجوى:: منور بأهله يابنتي. حلم:: يلا يا رغاية شوفي فتحية فين واطلعي مع الجماعة فوق، وحطي شنطة ماما في أوضتها الأول قبل ما تطلعي. فاطمة:: حاضر يا ست البنات، تؤمريني بحاجة تاني؟ حلم:: لأ، خلصي بس وانزلي ظبطي الفطير والذي منه، فاهماني طبعاً. فاطمة:: فوريرة يا آنسة حلم. حلم:: طيب يا أختي اخلصي.

وبصت لأمها. حلم:: ماما أنا طالعة برة شوية لغاية ما تغيروا وتنزلوا.. هتعوزي حاجة أجبهالك وأنا راجعة؟ أمينة:: تسلميلي يا حبيبتي، بس ما تتأخريش. حلم:: طمنت أمها وطلعت تشوف آخر أخبار الشغل مع ألاء وحازم. حازم:: حمد الله على السلامة.. إيه يابنتي انتي ما صدقتي ولا إيه؟ ألاء:: لومي وحشتيني، حمد الله على السلامة. حلم:: الله يسلمكم انتوا كمان وحشتوني.. طمنوني أخباركم وأخبار الشغل إيه؟

حازم:: أخبارنا زي الفل، وكمان هيجيلنا ضيف كمان كام شهر، وبيشاور على ألاء. حازم:: استعدي بقى عشان تستقبليه. حلم:: بفرحة.. لأ ما تقولش.. بجد والله. ألاء:: بجد.. أخيرا يا حلم. حلم:: حضنتها بفرحة. حلم:: مبروك يا لولو. بهزار. حلم:: ما تتوحمييش على الواد ده، البت كدا هتبور ههههههههههه. حازم:: بضحك.. يا سلام يا أختي، ده أنا قمررر.. وبعدين من قالك إنها بنت، مش يمكن يكون ولد.

حلم:: ولد ولا بنت، كلهم رزق من عند ربنا، المهم إنه يشرف بالسلامة.. بقولكم إيه، تعالوا نتعشى سوا، البت فاطمة عاملة شوية فطير إنما إيه👌، أنا جوعت على الريحة. حازم:: اممممم.. ما هي مش بتعمله غير ليكي وبس. حلم:: طيب يلا يا فالح، ماما عايزة تسلم عليكم. وفعلاً رجعوا الفيلا سوا كلهم. ألاء:: السلام عليكم ورحمة الله، طنط أمينة حبيبتي، حمد الله على السلامة. حازم:: أزيك يا ست الكل، عاملة إيه؟

أمينة:: وعليكم السلام ورحمة الله.. ازيكم يا حبايبى، عاملين إيه، طمنوني عنكم. حازم:: لسة هيتكلم شاف نجوى وبناتها نازلين. حازم:: أوباااا، إيه الجمال الأوروبي اللي نازل ده. ألاء:: بغيظ منه.. حاااازم.. وبعدين. حلم:: بضحك.. يا ابني خاف على نفسك ههههههههههه. نجوى:: السلام عليكم. كلهم:: وعليكم السلام ورحمة الله. حلم:: أعرفك بقى بالجمال البلدي يا حازم أفندي. ألاء:: بهمس.. وبعدييين بقى.. صبرني يارب عشان ما أقتلهمش.

حلم:: بتضحك، سمعتك على فكرة، هههههههه. المهم بقى. حلم:: وبتشاور على نجوى، دي طنط نجوى القمر بنت عم مامتي، ودول بقى وبتشاور على البنات ياسمين وعاليا، وبصت لنجوى وبتشاور عليهم، دول بقى أصدقائي.. حازم يبقى مدير الحسابات وكمان النائب بتاعي، وألاء مديرة أعمالي وكمان جوز بعض هههههههههههه. نجوى:: تشرفنا. حازم:: الشرف لينا يا طنط، نورتوا المزرعة. بعد شوية جات. فاطمة:: العشاء جاهز يا آنسة حلم.

حازم:: اممممم، ماااااشي يا فاطمة، بقى أقولك اعملي لي فطير تقول لي ما بعملش غير للست حلم بس.. طب اديني هاكل منه وقبلها كمان. فاطمة:: يوه يا سي حازم، ما انت طلبته وصمتت أعملهولك في وقت كان فيه شغل كتير وما كنتش فاضية. حلم:: خلاص يا فاطمة روحي انتي دلوقتي، وبعد كدا تبقي تعملي له مخصوص، ما تزعليهوش مننا. فاطمة:: حاضر يا ست البنات، من عيني. ومشت فاطمة والكل قعدوا على السفرة، وهم بيتعشوا كان أدهم وصل.

أدهم:: السلام عليكم ورحمة الله.. لا سلام على طعام. حلم:: طب اتفضل، حماتك بتحبك هههههههه. أدهم:: وأنا هحب بنتها بس أعرفها الأول ههههههه. وبالفعل اتعشوا مع بعض، وبعد العشاء سهروا سوا واتعرفوا أكتر بحازم والأء، وبعد كدا كل واحد راح على أوضته ينام. إلا حلم، النوم جفاها وفارس شاغل تفكيرها طول الليل، وبتكلم نفسها.

حلم:: ياترى ليه ما جاش معاهم.. كان نفسها تشوفه قبل ما تيجي المزرعة بس ما عرفتش.. طيب يا ترى هييجي زي ما قال أدهم؟ وفضلت تفكر وتكلم نفسها عنه لغاية ما سمعت أذان الفجر، قامت صلت فرضها ونامت ساعتين عشان تقوم تشوف شغلها كالعادة. *** في المدافن. قصاد المدافن الساعة 2 بعد نص الليل. الجن اتخانق مع الواد الناضورجي ونازل صراخ وضرب فيه. عبده الجن:: ياااض بقولك هدخل للمعلم ياااض.

الناضورجي:: يا عم هي وكالة من غير بواب.. مانتش دااااخل بقولك. عبده الجن:: بزعيق.. بقولك إيه، ماتحضرش الجن يااض عشان مش هتعرف تصرفه ومش هتستحمل أذااه. الناضورجي:: بصوت عالي.. وانت مين بقى يا شبح عشان تكلمني كدا؟ عبده:: ضربه بالدماغ. عبده الجن:: أنا عبده الجن يا حيلتها.. مين فيكي يا بلد ما يعرفنيش.. عبده الجن يااض، لا حكومة تهم ولا سجن يلم.

المعلم:: سامع صوت الخناقة وبعت واحد من رجالتة يشوف فيه إيه ومين بيتخانق ورجع الراجل بسرعة. محروس:: بخضة.. ألحق يا كبير، عبده الجن زعيم المطاريد برة. المعلم:: بتقوووول ميييين؟؟ محروس:: بقولك زعيم المطاريد يا معلم. المعلم:: انت متأكد يااض يا محروس؟ محروس:: هو بعينه يا كبير، ماسك في رقبة الواد سمير برة ونازل طحن فيه. نرجع للخناقة.

عبده الجن:: لـ سمير.. بقى انت يااااض عايز تقف قصاد عبده الجن هأو.. ده أنا الجن اللي دوّخ الحكومة وراه يا روح أمك. المعلم:: راح بنفسه يتأكد وشافه وقال. المعلم:: عايز إيه يا جن؟ بتزعق وتخانق رجالتى ليه؟ عبده:: وانت مين انت كمان يا حيلة أمكم؟ محروس:: ده المعلم حسونة، سِيد المعلمين كلهم. عبده:: يا أهلا بـ سِيد المعلمين.. بقى يرضيك يا معلم الهفأ ده.. وبيُشاور على سمير. عبده:: يمنعني أدخلك؟

حسونة:: مالوش حق يا جن، ده أنا من زمان وأنا نفسي أقابلك من كتر ما سمعت عنك.. اتفضل اتفضل بيتك ومطرحك يا ريس. عبده:: يزيد فضلك يا معلم.. وبضحكة شر. عبده:: هاهاهاهاهاهاهاهاها.. قول مدفنك ومطرحك يا معلم.. يارب يا ساتر، لأ دي ماينفعش معاها، يارب يا ساتر.. دي ينفع معاها وحدوووووه. حسونة:: لا إله إلا الله سيدنا محمد رسول الله.. إنما خير يا جن إيه حدفك علينا النواحى دي؟

عبده:: هربان من الحكومة يا معلم حسونة وعايز حتة أتاوى فيها، وسمعت عنك إنك مجدع وعترة وصاحب صاحبك. حسونة:: بأستفسار.. وسمعت عني من مين؟ عبده:: من الزيني (واحد من رجالة حسونة) يا معلم، كنا زملا أروانة واحدة 5 سنين وهربنا سوا واشتغلنا مع المطاريد لغاية ما سيطنا سمع، وبقيت زعيمهم. وبحزن مصطنع.

عبده:: ومن كام يوم كنا في عملية كبيرة وحصل هجوم علينا من الحكومة والزيني فداني بنفسه، حاولت أنقذه ما امكنش ومات.. وهربت أنا من مكان لمكان لغاية ما وصلت لك طالب حمايتك لغاية ما أشوف لي مكان. حسونة:: بحزن.. الزيني مات.. سبحان من له الدوام.. أهلا بيك يا جن مكاني مكانك وتحت أمرك.. حبيب الزيني حبيبي وتكرم لأجل خاطره. عبده:: تشكر يا معلم.. ده من زوقك يا كبير. حسونة:: سمعت عنك كتير يا جن، بس نفسي أسمع منك كمان.

عبده:: عايز تسمع إيه يا سِيد المعلمين؟ حسونة:: قول لي بتعمل إيه في الحكومة بتخليهم يتجنوا. عبده:: بقوة.. الجن ما بيقولش يا معلم.. الجن بيعمل ويطير.. عبده الجن أفعال مش أقوال، وأكيد سمعت يا معلم حسونة. حسونة:: بشرود.. الا سمعت عنك.. ده انت جيت لي في وقتك يا جن. وبهامس سمعه عبده. حسونة:: يااااه لو تحط أيدك في إيدي هنعمل شغل لحسابنا ونكبر ونقب على وش الدنيا بدل التربة اللي عايشين فيها دي.

عبده:: بخبث.. بتقول حاجة يا معلم حسونة؟ حسونة:: بخضة.. بقول اتفضل نام واستريح يا جن، النهار طلع وله عينين، وعلى ما يحل الليل نقعد ونتكلم. عبده:: وماله يا معلم ننام ونستريح، الا الواحد تعبان من كتر الجري والتنطيط من مكان لمكان. حسونة:: اتفضل يا جن، حوش نضيف ما بيتفتحش غير للغالين بس، وكمان هبعت لك لقمة على قد ما قسم تتصبر بيها، تلاقيك جعان. عبده:: تشكر يا معلم.. ما كدبش الزيني لما حكالي عن كرمك.

حسونة:: الله يرحمه.. أسيبك تستريح وهبعت لك مع محروس الأكل. وسابه وطلع راح لـ سمير. حسونة:: شغل لي الكاميرات اللي في الحوش ده يااض. سمير:: انت شاكك فيه ولا إيه يا معلمي؟ حسونة:: ياض ماتبقاش غبي، مش يمكن يكون حد زقه علينا؟ سمير:: حد زي مين يعني يا معلمي؟ حسونة:: الحكومة يا حم اااا ر. سمير:: إزاي بس يا معلم وهو هربان منهم أصلاً.

حسونة:: مش بقولك غبي.. ياض افهم ياض، ماهو ممكن بيقول كدا عشان أخبه عندي ويعرف أخبارنا ويبلغ عننا، وساعتها يطلع هو براءة والحكومة تسيبه في حاله. سمير:: بتريقة.. يا سلاااام، دماااغك ألماس يا معلم. حسونة:: شغل بقى يا خفة الكاميرات خلينا نشوف بيهبب إيه. وفعلاً شغل سمير الكاميرات وحسونة شاف. عبده:: قاعد على سرير في وش الكاميرا وبيسقف بإيده.

عبده:: الله الله، إيه الحلاوة دي.. وأخيرا يااض يا عبده لقيت لك مكان تستخبى فيه من الحكومة وتنام مستريح.. صدق الزيني لما قال إن المعلم حسونة أحسن واحد ممكن يخبك يا جن، ويا سلاااام يااض لو البلية تلعب وأعمل معاه شغل.. يا حلاو يا حلاوة. *** في شقة خاصة بـ عابد. قاعد بيشرب كاس مع سيجارة، وشوية ورن جرس الباب وقام فتح وكان. مروة:: بمياصة.. بودي وحشتني مووووت، بضحكة مايصة هيهيهيهيهيهيهيهيهيهيه.

عابد:: أمووووووت أنا في الضحكة دي يا قلب بودي، انتي كمان وحشتيني ياقمر. مروة:: اتأخرت عليك؟ عابد:: اتأخرتي كتيييير يا روحي، والأكل برَد على الآخررررر. مروة:: تؤ تؤ تؤ تؤ أخص عليا.. لأ إحنا كدا نروح المطبخ ونسخنه الأول ولا إيه؟ عابد:: بنظرة جريئة.. يالهههههوى ياني من شقاوتك يا مييرو.. وبغمزة. عابد:: ماتسيبيكي من الأكل اللي بِرد ده وتعالى جوة نطفى الحر يقة يا قمر.

مروة:: وهي رايحة معاه أوضة النوم.. هي فين الحر يـ قة دي يا بودي؟ عابد:: هنا أهو، وبيُشاور على نفسه. عابد:: كلي مولع يا ميرو، وبيقولك طفي نار الشوق قبل ما تزيد. وفعلاً ما اترددوش لحظة إنهم يقعوا في الحرام وغافلين عن رب العالمين. عابد:: ومروة في حضنه، مش حاسس بيها أصلاً، مش شايف غير حلم وبس. عابد:: بحبك يا حلم عمري اااااه. حلم:: وانا كمان بحبك يا عابد أوي. عابد:: ياااااه قد إيه حلمت باليوم ده يا حلمي.

حلم:: بدلع، واهو حلمك اتحقق يا حبيبي وبقيت في حضنك وبين إيديك لآخر العمر. عابد:: لآخر العمر يا عمري، وهاخدك ونبعد بعييييييد عن كل العيون. حلم:: ياما اتمنيت تبقى معايا، وحلمت إني أعيش يا حبيبي حياتي معاك، ونروح لبعييييد ننسى العالم بحاله، ننسى الدنيا وما فيها.. وأنا وياك. عابد:: اااااه يا حلم عمري صوت… وفاق على صوت مروة وهي بتغني. عابد:: اتعدل بزهق وضيق. عابد:: خلاص يا مروة كفاية. مروة:: بأستغراب.. كفاية ليه؟

هو انت مش مبسوط؟ عابد:: بتصنع الحب.. أكيد مبسوط يا حبيبتي، بس افتكرت حاجة عكننتني.. معلش هعوضها لك مرة تانية.. يلا قومي خدي شاور عشان أوصلك قبل ما حد من أهلك ياخد باله من غيابك برة البيت. وفعلاً قام عابد وهو مش طايق نفسه، وبيتمنى فعلاً لو كانت حلم هي اللي كانت في حضنه. عابد:: وقال قريييب أوي يا حلمي هتبقي بين إيديا. *** عدى كام يوم من غير أي أحداث، وفي يوم حسونة بيتكلم مع محروس.

حسونة:: بقولك إيه يااض يا محروس.. إيه رأيك يااض لما نشغل الجن معانا في العملية الجديدة؟ محروس:: بلاش يا سِيد المعلمين. حسونة:: بلاش ليه يا فقرى؟ محروس:: العملية كبيرة يا معلمي وهو لسة جديد علينا.. بلاش توثق فيه من أولها كدا.. لا يكون حد زقه علينا. حسونة:: ياض أنا مراقبه من يوم ما هلّ علينا، ما طلعش برة الحوش ولا اتكلمش مع حد في المحمول. محروس:: مش عارف بقى يا معلم حسونة، انت أدرى بالمصلحة.

حسونة:: ما تقلقش ياض يا محروس، إحنا هنجربه ونشوف الدنيا بعد كدا.. أجري بس انده له. محروس:: أمرك يا معلم. وفعلاً راح محروس ينادي على عبده الجن. محروس:: مساؤؤؤ يا ريس عبده. عبده:: يا أهلا يا أهلا يا مسا الورد.. خير يا محروس؟ محروس:: المعلم حسونة عايزك يا ريس عبده. عبده:: قام وقف وبيلبس شبشبه. عبده:: ماتعرفش المعلم عايزني ليه؟ محروس:: لا يا ريس معرفش، كل اللي قاله إني اندهلك بس.

عبده:: طب فوت قدامي لما نشوف معلمك عايزني في إيه. ومشي عبده مع محروس وراح للمعلم حسونة. محروس:: يا معلمي الريس عبده أهو يا كبير. حسونة:: طب غور انت ياض.. وخلي الواد سمير يقف برة الحوش ياخد باله كويس. محروس:: حاضر يا سِيد المعلمين. عبده:: مساء الورد يا معلم حسونة.. بلغني إنك عايزني، خيير؟ حسونة:: خير إن شاء الله.. أقعد بس يا جن الأول. عبده:: وهو بيلم جلبيته الصعيدي وبيُقعد. عبده:: وأدي قعدة.. خير يا معلم.

حسونة:: بتفكير.. اممممم. سكت شوية وبعدين قال. حسونة:: بقولك إيه يا جن، أنا مش عاجبني شكلك كدا بالجلابية والعِمة.. إيه رأيك تغيرهم وتلبس زينا كدا وتغير من شكلك شوية. عبده:: اممممم.. ما تجيب من الآخر يا معلم. حسونة:: بتساؤل.. آخر إيه اللي عايزني أجيبه؟ عبده:: بقوة.. ما هو مش معقول يعني هتخليني أغير هدومي وشكلي لله كدا يا معلم، أكيد فيه حاجة عايزها مني.. فـ هات من الآخر.

حسونة:: تعجبني يا عبده.. صدق اللي سماك الجن.. اسمعني بقى وركز في الكلام. عبده:: بأنتباه.. سامعك يا معلم حسونة، قول. عبده:: شغل إيه ده اللي عايزني فيه يا معلم؟ حسونة:: شحنة سلا..ح تقيلة بملايين الملايين، ها قولت إيه؟ عبده:: برفض.. لالالالا يا معلم حسونة، انت بتتكلم إزاي بقى؟ أنا جاي هربان من الحكومة، تقوم تحطني قدامهم؟

حسونة:: افهمني يا عبده.. الشحنة هتتسلم في نص الليل، وانت عارف الليل ستار والدنيا أمان، ما تقلقش، ومعاك رجالتى مش هيسيبوك لوحدك. عبده:: اممممم، قدر بقى الطوبة جات في المعطوبة والحكومة هجمت يا معلم؟ حسونة:: فـال الله ولا فالك يا أخى، اتفائل بالخير.. اسمع مني بس، أحنا نجيب لك لبس غير ده وتغير شكلك وهنجيب لك تليفون محمول تخليه معاك عشان نكون على اتصال مع بعض، ماتخافش. عبده:: قاعد حاطط راسه بين إيديه و بيفكر.

حسونة:: بتفكر في إيه بس يا جن.. أعقلها وتوكل. عبده:: استبينا يا معلم حسونة.. بس عدم المؤاخذة، أنا مش هغير لبسي ولا شكلي، أه اللى أوله شرط آخره نور، قولت إيه؟ حسونة:: قولت على قولك يا جن، أستبينا. *** حسونة:: افتح يا ابني الصناديق دي. عبده:: إييييييه…؟