رواية العشق الابدي الفصل الثالث والعشرون 23 - بقلم لبنى دراز

فـ بيت أدهم بعد ما خلص الفرح هو و أمل سلموا ع نجوى و فارس و أخوها معاذ و أمها و ركبوا عربيته و طار بيها. أول ما وصل تحت العمارة. أدهم:: بغمزة وصلنا يا قمر. حمد الله ع السلامة ياقلبي. أمل:: الله يسلمك يا حبيبي. أدهم:: نزل من العربية و لف الناحية التانية فتح الباب و مسك إيد أمل ينزلها. أمل:: بتوتر. هو انت هتنزلنا هنا ليه؟ هو احنا مش هنرجع عند ماما؟

أدهم:: نعععم ياختي ماما مين اللي نرجع عندها دي. النهاردة مافيش ماما. النهاردة و بغمزة في أكل فراولة و بس. بضحكة صافية نزلها من العربية و شالها طالع بيها شقتهم. أمل:: الله يا دومي. كنت بحلم بالحركة دي اوى. أدهم:: حبيبتي أحلمي يا قلبي و دومي ينفذ ع طول. و نزلها قصاد الباب لغاية ما فتحه و شالها تانى دخل بيها و بيغنى. أدهم:: الفراولة بتاع الفراولة.. الفراولة بتاع الفراولة.

أمل:: قفلت باب الشقة و هو شايلها. نزلني بقى يا دومي و قولي ايه حكاية الفراولة دي. أدهم:: أبدا يا روحي مش هنزلك غير فـ اوضة النوم و بعدها أحكيلك حكاية الفراولة يا قمر. أمل:: وااااو. و تقفل الباب برجليك و تحدفني ع السرير بقى و تقرب زي شمشون الجبار و انا اقولك أرحمني يا سلطان ماتعذبنيش و انت تقول لي لااااابد ان….. ههههههههههههه. أدهم:: بأستغراب و هو شايلها. في ايه يا ماما مين دول؟

انتي بتتفرجي ع افلام عربي كتير يا روحي و لا ايه. مافيش منه الكلام ده. و دخل نزلها فـ نص اوضة النوم فعلا و رجع يقفل الباب عادى خالص. أمل:: بتذمر. كنت عايزة اتك تقفله برجلك يا إندومي يا حبيبي. أدهم:: مرة تانية يا روحي تكوني خفيفة انما دلوقتي ياقلبي شايلك و عليكِ 10 كيلو وزن زيادة. ههههههههههه. احمدي ربنا اني طلعت بيكي و دخلت لغاية هنا و ماتحلميش بأكتر من كدا يا روحي. ههههههههههه.

أمل:: 10 كيلو ايه دول اللي زيادة. ده انا حتة خسيت خالص. أدهم:: عارف يا روحي انك خسيتي بس اللي خسيتيه يا حبيبتي حطيتيه فـ الفستان يا قلبي و لا مش واخدة بالك. أمل:: اممممم. ايوا صح فستان تقيل و رخم و بهمس زي اللي جايبه. أدهم:: برفعة حاجب. بقى انا رخم. أمل:: اوبااا. انت سمعتني؟

أدهم:: ما هو انتي يا روحي بتكلمي نفسك بس دايما بتسمّعي اللي حواليكي. نصيحة مني بلاش تكلمي نفسك تاني. ههههههههههه. و يلا بقى غيري هدومك. عايزين نقطف الفراولة بقى و لا ايه. أمل:: طيب أطلع برة خليني أغير هدومي. أدهم:: حاضر يا أملي طالع بس غيري بسرعة قبل الفراولة ما تحمض. هههههههههه. و فعلا أخد هدومه و طلع فـ الحمام الخارجى أخد شاور و اتوضا و مستنيها.

أمل:: فكت حجابها و دخلت الحمام تغير فستانها و شافت الطقم اللي متعلق و شهقت جامد. ايييه ده. لاااا يمكن ابدا البس ده. و خرجت اخدت بيچامة بينك عليها القطة كيتي و دخلت تاني غيرت فستانها و أخدت شاور و اتوضت و لبست البيچامة و فوقها الاسدال و طلعت. أدهم:: من برة خلاص يا أملي و لا لسة. أمل:: خلاص يا حبيبي. أدهم:: دخل و شافها قاعدة بالاسدال فرش سجادة الصلاة. يلا نصلي ركعتين لله مع بعض عشان ربنا يبارك حياتنا.

أمل:: يلا يا بينا. و فعلا صلى بيها أدهم و بعد ما خلص حط ايده ع راسها و قال الدعاء. أدهم:: بعد الصلاة قام وقف و مسك أمل من إيدها وقفها و فكّلها طرحة الاسدال. يا لههههوى ع الجمال يا ناس. أمل:: بخجل. بس بقى يا أدهم. أدهم:: أبدا يا روحي أبس إيه بس و انتي بتحمري كدا. أنا قولت الفراولة طرحت و لاااااابد ان اقطفها. و لسة بيقرب منها.

أمل:: جريت برة الأوضة. أعقل كدا يا أندومي يا حبيبي ماينفعش اللي بتعمله ده. احنا أكبر من ذلك يا دومي. أدهم:: بصدمة. نعععم ياختي. هو انا عايش قايم نايم بحلم باليوم ده عشان تيجي انتي تقوليلي احنا أكبر من ذلك. تعالي هنا يا أمل و اعقلي انتي يا حبيبتي و بلاش نقضيها فرهدة من اولها كدا. أمل:: و هي بتجري. أبدا لا يمكن يا دومي.

و كل ما يقرب منها أدهم تجري منه. و المرة دي دخلت تاني اوضة النوم و الاسدال كعبلها كانت هتقع راحت قلعته و هي واقفة فوق السرير. أدهم:: شافها بـ البيچامة و اتصدم. ياااااادي النيلة البمبي بقى بعد كل الجري و الفرهدة دي و طلعت فـ الاخر لابسالى بيچامة و كمان عليها قطة. يا حظك البينك يا أدهم. ما كانش يومك يا ابن المنصوري يا شماتة سيف و قصي فيك يا حبيبي. أمل:: ببراءة مصطنعة قعدت جنبه. مالك يا اندومي يا حبيبي بتندب حظك ليه بس.

أدهم:: بمكر. أعمل إيه بس يا أمل حياتي. يعني أنا النهاردة عريس و دي ليلة العمر اللي بيتمناها أي عريس. ها ركزي شوية ليلة إيه العمر يا قلبي. و عروستي بدل ما تلبسلي حاجة كدا من اللي بنسمع عنها بتاعة العرايس دي لابسالى بيچامة. عايزاني أعمل ايه بقى و انا متجوز بنت أختي يعني. أمل:: تؤتؤتؤتؤ. مالهاش حق يا دومي. أدهم:: عمل نفسه بيعيط. مش كدا و النبى أهئ أهئ أهئ.

أمل:: قربت منه بتطبطب عليه. خلاص ماتزعلش بقى يا دومي هتخليني أعيط انا كمان. أدهم:: بمكر. لأ زعلان. و انا لما بزعل ببقى عايز حد ياخدني فـ حضنه عشان اعرف انسى الزعل و انام. أمل:: يعني لو خدتك فـ حضني هتنام و تنعس ياحبيبي. أدهم:: أه يا حبيبتي ماتخافيش هنام و انعس. أمل:: خلاص يا حبيبي اعتبرني ماما و تعالي فـ حضني و نام. أدهم:: بغمزة. يا حبيبتي يا ماما و……. فـ بيت قصي و ياسمين بعد ما سلموا ع نجوى و فارس و أدهم.

فارس:: و دموعه بتلمع فـ عينيه. بص لـ سيف و قصي. انتوا النهاردة أخدتوا روحي مني. عاليا و ياسمين بناتي مش اخواتي بس عايزكم تحافظوا عليهم. أنا عارف اني سلمتهم لـ رجالة هتصونهم بس كمان عايز لما اقابل أبويا و يسألني أقوله قدرت أحافظ ع الامانة اللي سبتهالي لغاية ما وصلتها للي هيكمل بعدي و يحافظ عليها. قصي:: ماتقلقش يا فارس. انت بتوصيني ع إيه. دي وصية رسول الله عليه افضل الصلاة و السلام. أطمن اختك فـ قلبي.

و مشي قصي بعد ما سلموا ع أهله ركب عربيته و راح ع طول ع بيته و نزل من العربية هو و ياسمين و قرب عشان يشيلها. ياسمين:: بخجل. لأ يا قصي انا هطلع لوحدي بلييز. قصي:: حاضر يا قلبي براحتك خالص. و فعلا طلعوا و وصلوا عند باب الشقة و فتحه و قبل ما تدخل ياسمين. قصي:: و هو بيشيلها. ممكن ملكة قلبي تدخل مملكتها و انا شايلها. ياسمين:: غمضت عينيها و ساكتة من كتر التوتر و الخجل.

قصي:: دخل بيها شايلها و نزلها فـ نص الشقة. نورتي بيتك يا أجمل عروسة. و رجع قفل الباب. ياسمين:: بصوت مبحوح. البيت منور بيك يا حبيبي. قصي:: الله أحلى حبيبى دي و لا إيه اللي طالعة من شفايفك يا عمري كله. ياسمين:: و بعدين معاك بقى مش هتسكت. قصي:: أسكت إيه بس يا سمسمية قلبي. ده انا ما صدقت انك نورتي بيتي و حياتي. ياسمين:: باين عليها التوتر و القلق و مش قادرة تتكلم و حاسة ان قلبها هيقف من سرعة ضرباته.

قصي:: لاحظ توترها و حب يطمنها. حبيبتي أهدى ما تخافيش من حاجة. تعالي نغير هدومنا و نصلي و نطلع بقى نشوف اخبار الأكل فـ المطبخ إيه. ياسمين:: هزت دماغها بالموافقة و مشيت معاه. دخلت أوضة النوم و انبهرت جدا باللي عامله قصي فيها. ياسمين:: الله إيه ده يا قصي. جميييلة اوى. قصي:: بأبتسامة. عجبتك يا قلبي. ياسمين:: بأنبهار. تجنن يا حبيبي.

قصي:: عارف حبيبتي بتحب الشيكولاتات و الورد و البلالين. فـ كان لازم أعملها الحاجات اللي بتحبها. ياسمين:: بس ده كتير اوى يا حبيبي. قصي:: مافيش حاجة تكتر ع روح قلبي. ياسمين:: ربنا ما يحرمنيش منك يا حبيبي. قصي:: يلا يا قمر أدخلي غيري هدومك و أتوضي و أنا هطلع أغير فـ أوضة تانية و أتوضا و آجي نصلي سوا و نطلع بقى نتعشى. إيه رأيك. ياسمين:: حاضر يا قصي. و فعلا خرج قصي راح أوضة تانية و غير هدومه و اتوضا و طلع.

ياسمين:: فكت حجابها و غيرت فستانها و بعد ما اخدت شاور و اتوضت لبست الطقم اللي حضرته لها نجوى و لبست عليه الاسدال و قعدت استنت قصي و هي بتفتكر كلام مامتها عن الليلة دي و عن واجبها ناحية جوزها. قصي:: بعد شوية دخل و شافها قاعدة بتفرك فـ إيديها و متوترة. حب يهديها شوية. سمسمة يلا يا روحي نصلي. ياسمين:: فرشت سجادة الصلاة و استعدت.

و فعلا صلوا ركعتين لله و قصي قال الدعاء و دعا كتير اوى ربنا يديم عليهم السعادة و الفرحة و راحة البال. و بعدها قاموا و طلعوا سوا يحضروا الاكل مع بعض فـ المطبخ. قصي:: شالها و قعدها فوق الترابيزة. ياسمين:: نزلني يا قصي بقى. قصي:: تؤتؤ. انتي هتفضلي كدا ملكة و انا هعمل كل حاجة. ياسمين:: يا حبيبي نزلني أساعدك. قصي:: قلبي انتي هتفضلي كدا حتى الأكل انا اللي هأكلك بـ إيدي. ياسمين:: انا مش قد الدلع ده كله. بعدين آخد ع كدا.

قصي:: من حق الجميل يتدلع. و انا تحت أمر حبيبى. مهــمــتـــى الأولـــى أن أسـعــدكِ • و مـهــمــتــى الـثـانـيـة أن أدلّــلـــكِ • و مـهــمــتــى الـثـالـثـة أن أسـهـر لأشـتـاق إلـيـكِ • و مـهــمــتــى الـرابـعــة أن أبــدّد هـمــوم حـيـاتــكِ • و أروع مــهــامــى أن أحـبّـكِ ثـم أحـبّـكِ ثـم أحـبّـكِ… ياسمين:: و بعدين معاك بقى. قصي:: و بعدين معاكي انتي بطلي تحلوي كل شوية كدا.

و بالفعل بعد ما اتعشوا دخلوا اوضة النوم و هيبتدوا يعيشوا فـ جنتهم. و…….. فـ بيت سيف بعد ما سلم ع كل اللي موجودين راح لـ فارس و وقف قصاده. سيف:: حبيبي يا أبو نسب. مش عايزك تقلق ابدا ع عاليا. أنا عارف انها بنتك مش بس اختك عشان كدا بطمنك عليها. و زي ما قال قصي دي وصية رسول الله عليه افضل الصلاة و السلام يعني مش محتاج توصيني. و بهزار وصيها هي عليا ده انا غلبان و يتيم. ههههههههههه.

فارس:: أنا عارف يا سيف انك مش محتاج توصية. و يا سيدي حاضر هوصيها. و لـ عاليا بهزار اعملي فيه اللي كنتي بتعمليه فـ أدهم و هو نايم. ههههههههههه. عاليا:: بدموع. حاضر يا أبيه من عيوني. سيف:: بخضة مصطنعة. كانت بتعمل إيه فـ أدهم. فارس:: ابدا حاجة بسيطة خالص. كانت بتسرح حواجبه لفوق و تحط فيها توكة و تو لع ورقة فـ رجله و تجري. ههههههههههه.

سيف:: ربنا يبشرك بالخير يا حبيبي. و لـ عاليا يلا يا روحي نلحق الحرقة من اولها. ههههههههههه. و فعلا أخد عاليا و ركب عربيته و طااار ع بيته. و اول ما وصل و نزل من العربية و نزلت عاليا طلعت قدامه بسرعة. سيف:: استني يا بنتي أشيلك زي الافلام كدا. عاليا:: يا عم اطلع انت فيك حيل تشيل نفسك. سيف:: يا ليلة فحلقي من اولها. لأ يا حبيبتي ده انا فيا حيل يهد جبل يا قمر. و هو بيرقصلها حواجبه حتى شوفى و شالها و كح كح.

عاليا:: مش قد الشيل يا حبيبي بتشيل ليه. سيف:: طالع السلم و هو شايلها. لأ يا قلبي قده ما تقلقيش انتي بس. جوزك سَبع فـ نفسه كدا. عاليا:: طب يا سبع وصلنا نزلني بقى. سيف:: قلبي السبع والله يا لولية. يلا يا عمري افتحي باب جنتنا بإيدك و ادخلي برجلك اليمين. عاليا:: فعلا فتحت باب الشقة و بتدخل برجلها اليمين و هي بتسمي. بسم الله. سيف:: دخل وراها بعد ما عمل زيها و سمى بسم الله و قفل الباب. نورتي الدنيا يا لولية قلبي.

عاليا:: بدموع بتلمع فـ عينيها. حبيبي دنيتي منورة بيك. سيف:: ليه الدموع دي يا قلبي بس. عاليا:: صعبان عليا أبيه فارس و ماما اوى. البيت فضي عليهم مرة واحدة. سيف:: حبيبتي دي سنة الحياة. و بعدين فارس مع حلم هينسيه يا ستي اصلا انه عنده اخوات. و ماما ان شاء الله لما نرجع من شهر العسل هنخليها تيجي تعيش معانا. إيه رأيك. عاليا:: بفرحة. بجد يا سيف هتعمل كدا و تخلي ماما تيجي تعيش معانا.

سيف:: بجد ياقلب سيف و بغمزة. طب إيه يا قمر هنفضل فـ الصالة كدا. عاليا:: بتصنع الغباء. و إيه المانع يا قلبي. مالها الصالة هي وحشة يعني. سيف:: مالهاش يا لولي بس احنا اتفرجنا عليها خلاص يا حبيبتي. في أماكن تانية فـ الشقة نروح نتفرج عليها برة. عاليا:: بحركتها الطفولية و عينيها بتروح شمال و يمين. أماكن تانية زي إيه يا سيفو يا حبيبي. سيف:: بمكر. زي اوضة النوم يا غزال انت يا غزالة. عاليا:: بأندهاش. اوضة النوم!!

لأ ما اتفقناش ع كدا يا حبيبي. سيف:: و هو بيشيلها. هو إيه ده اللي ما اتفقناش ع كدا. ده هو ده كدا نفسه. حلال الله أكبر. ههههههههههههه. عاليا:: ببراءة. جعانة يا سيڤي. سيف:: و هو شايلها و رايح اوضة النوم. اااه يا أما تعالي شوفي ابنك و هو بيتدلع يا أم سيڤي. و لـ عاليا قلبي سيف و عمره كله. نغير هدومنا و نصلي و نأكل أحلى أكل. عاليا:: بخجل. ماشي اللي تشوفه يا حبيبي.

سيف:: نزلها فـ نص الاوضة. يا روح قلبي انا مش شايف غيرك و بس. و يلا بقى تعالي اساعدك تفكي حجابك و تغيري فستانك يا قمر. عاليا:: تؤتؤتؤ. اطلع انت غير هدومك فـ الحمام اللي برة. و انا هغير الفستان لوحدي. سيف:: بهزار. الغزال مكسوف مني و لا إيه. لالالا فكي كدا مش هنبتديها كسوف من أولها. و بغمزة ده احنا ليلتنا طويلة لسة يا جميل.

عاليا:: بتزق سيف بـ إيديها ناحية الباب. يلا برة يا حبيبي شوف انت رايح فين خليني أغير هدوووومي براحتك. سيف:: بضحك. حاسبي طيب يا مجنونة هتوقعيني. ههههههههههه. عاليا:: بعد ما طلعته برة الاوضة. بدلع. ما يقع الا الشاطر يا كابتن. ههههههههههه. سيف:: ما الشاطر وقع خلاص يا قلبي و اللي كان كان بقى. ههههههههههه. و سابها فعلا و راح الحمام الخارجى يغير هدومه و ياخد شاور و يتوضا.

عاليا:: قفلت الباب وراه و دخلت الحمام بعد ما فكت حجابها و غيرت فستانها و أخدت شاور و اتوضت و لبست الطقم المتعلق ع الشماعة و أكتشفت انها نسيت الاسدال برة. و يادوب فتحت الباب و خرجت شافت. سيف:: واقف قصادها. اوباااااا. صلاة النبي أحسن. اللهم صل وسلم و بارك عليه. إيه يابت الجمدان ده. عاليا:: بخضة و صرييخ. غمض عينك يا سيف بسرعة و بطل قلة أدب. سيف:: بضحك. أبطل إيه ياختي. ده النهاردة اليوم العالمي لـ قلة الأدب.

عاليا:: بسرعة جريت ع الحمام و قفلت الباب. و من ورا الباب اطلع برة الاوضة يا سيف بقى عايزة اخرج من الحمام. سيف:: قعد ع السرير و بعِند. لأ مش طالع. عايزة تخرجي أخرجي. عاليا:: بتدبدب برجليها فـ الارض. يوووه اطلع بقى يا سيف ما تبقاش رخم عايزة اخرج من الحمام. سيف:: عمل نفسه طلع من الاوضة بعد ما فتح الباب و قفله تاني و استخبى ورا الستارة.

عاليا:: طلعت راسها بشويش تتأكد انه خرج من الاوضة. ولما شافتها فاضية خرجت و لسة بتلبس الاسدال لاقت اللي مسكها من وسطها و بصريخ. يا ماماااااا الحقووووني. سيف:: ههههههههههههه. بس يا مجنونة ده انا هتلمى علينا الجيران يخربيت جنانك. عاليا:: بخضة. حرام عليك يا سيف كل شوية تخضني كدا يوم فرحي. سيف:: حبيبتي المجنونة اللي بتتخض من الهوا يا ناس. يلا بقى البسي اسدالك عشان نصلي قبل ما قوتي تنهار أكتر من كدا.

و فعلا صلى بيها ركعتين لله و بعد الصلاة حط ايده ع دماغها و قال الدعاء. و بعدها قام و شالها وحطها ع السرير و………. فـ بيت فارس بعد ما خلاص اطمن ع أخواته و ان كل واحد فيهم راح بيته رجع هو و نجوى و ضحى و شروق و معاهم عمته خديجة و جوزها و ولادها. و هو بينزل من عربيته شاف عربية حلم مركونة مكانها تحت البيت. و بعد ما كان قلقان لما كلمها و كان فونها مغلق اطمن انها فـ البيت.

فارس:: طلع بسرعة قبل ما نجوى تاخد بالها من عينيه الدبلانة و دخل اوضته غير هدومه و قعد ع السرير بتعب و صورتها قصاد عينيه. نجوى:: طلعت بعد شوية و خبطت ع فارس و دخلت. نمت يا حبيبي. فارس:: اتعدل فـ مكانه. لأ يا حبيبتي تعالي انا صاحي. نجوى:: عقبالك يا حبيبي انت و حور. فارس:: خلاص يا أمي مابقاش في عقبالي. اللي بيني و بينها انتهى. نجوى:: يبقى بتدي الفرصة للي قاصد يهـ د حياتكم انه يخر بها كمان و كمان.

فارس:: بحزن. هي خر بت خلاص يا أمي. نجوى:: لأ يا حبيبي. طالما احنا عارفين انها لعبة و اتعملت علينا يبقى نصلح اللي اتكـ سر و بعدها نشوف مين عمل كدا. فارس:: بوجع. تعرفي يا أمي انا كنت حاسس ان فيه حاجة غلط و اتأكدت لما شفت صوري اللي راحت لها. بس اللي واجعني كلامها اللي سمعته. قتـ لني من جوايا. ما كنتش اتخيل انها تقول كدا.

نجوى:: بحكمة أم. انت ما فكرتش ليه ان الكلام ده ممكن يكون له معنى تاني. و بعدين اللي بعتلك صوتها ده ما بعتش ليه المكالمة كلها. فارس:: للاسف يا أمي دي مش مكالمة. ده حد سجلها و هي بتتكلم لان ده صوتها هي بس. و اللي انا مش قادر اعرفه هي كانت بتكلم مين فـ الموبايل و بتقول الكلام ده. نجوى:: ليه بتقول انها كانت بتتكلم فـ الموبايل. مش يمكن اللي كان بيسجلها ده هو نفسه اللي كان بيكلمها و قص صوته و ساب صوتها بس.

فارس:: جايز يا حبيبتي برضه. نجوى:: اسمعني يا حبيبي. حتى لو فعلا حور تقصد الكلام ده فـ أكيد قالته بعد ما شافت صورك و انت فـ حضنك البنت دي. و انت عارف حور عندها كبريائها و كرامتها فوق كل اعتبار. بعدين انت ظابط مش سهل. يعني تقدر تعرف و تتأكد من كل حاجة. فارس:: قبل ما اكون ظابط يا أمي انا بني ادم و فـ لحظة واحدة حسيت ان حياتي بتتدمر و مش عارف أفكر.

نجوى:: يبقى حور معذورة هي كمان. لما انت الراجل بتقول الكلام ده يبقى هي هتبقى عاملة إزاي. أهدى يا ابني و بلاش تخسر حب عمرك و فكر مين اللي ممكن يكون عمل كدا فيكم. فارس:: غمض عينيه بوجع. ان شاء الله يا أمي أفوق بس من دوشة الفرح. نجوى:: بحزن عليه. ربنا يريح قلبك يا حبيبي. تصبح ع جنة يا ابني. فارس:: و انتي من اهلها يا ست الكل. خرجت نجوى و سابت فارس فـ حيرته و جواه عقله و قلبه.

قلبه:: وحشتني اوى. نفسى اطمن عليها و اسمع صوتها. عقله:: مش كفاية اللي سمعته منها. عايز تسمع إيه تاني. قلبه:: مش يمكن زي نجوى ما بتقول لما شافت صوري قالت كدا. عقله:: المفروض حبكم أقوى و المفروض تكون واثقة فيك أكتر من كدا. قلبه:: ما المفروض اكون انا كمان واثق فيها أكتر من كدا. عقله:: انت بتدافع عنها عشان بتحبها. قلبه:: انا موجوع منها بس بحاول احط نفسي مكانها. عقله:: بس انت ما عملتش حاجة و الصور دي مش حقيقية.

قلبه:: ايوا معاك بس برضوا ممكن زي ما في حد صورني يكون في حد سجل لها. عقله:: يبقى سيبك بقى من التفكير فيها بعد ما وجعتك بكلامها و ركز ع مين اللي صورك و عرف إزاي اصلا انك رايح تقابل البنت دي فـ الوقت ده تحديدا. و فعلا قرر يسمع كلام عقله بس برضوا قلبه مشغول عليها و جرب يرن عليها يمكن ترد و يسمع صوتها بس فونها برضوا مغلق.

و رغم قلقه الا انه مطمن انها فـ البيت من وقت ما مشيت من الفرح و استسلم للنوم بعد كتر تفكير فـ كل اللي حصل من الاول لغاية كلام مامته دلوقتي. فـ بيت حلم تانى يوم الصبح جه هشام و هو قلقان ع حلم و رن جرس الباب و استنى مافيش حد بيرد. رن تاني مافيش حد برضوا. راح و رن جرس شقة فارس و فتحت. فاتن:: سي هشام بيه أهلا بحضرتك. هشام:: ازيك يا فاتن عاملة إيه. فاتن:: انشالله تسلم يا بيه اتفضل.

هشام:: لا شكرا بس اندهيلي حور لو سمحتي يا فاتن. فاتن:: ست حور مش جوة يا بيه و ما رجعتش من امبارحه. هشام:: ازاى يا فاتن و عربيتها تحت. نجوى:: من جوة مين يا فاتن ع الباب. فاتن:: ده سي هشام بيه بيسأل عن ست حور يا ست نجوى. نجوى:: قامت طلعت ع باب الشقة. تعالي يا هشام. أدخل يا حبيبي. هشام:: شكرا لحضرتك بس قلقت ع حور من وقت الفرح اختفت و برن عليها تليفونها مقفول وجيت اطمن عليها. فاتن قالت انها ما رجعتش.

نجوى:: مش عارفة يابني. أنا كمان من ساعة كتب الكتاب ما شوفتهاش تاني. بس عربيتها مركونة تحت يبقى إزاي مش موجودة. و ندهت. نجوى:: فااااتن. فاتن:: نعم يا ست نجوى. نجوى:: هاتي مفتاح شقة حور و تعالي. فاتن:: حاضر. و فعلا جابت المفتاح و فتحت الشقة و دوروا فيها ع حلم مش موجودة. هشام:: هيتجنن. إزاي طيب عربيتها تحت. نجوى:: يمكن عطلت منها و لا حاجة و سابتها هنا و راحت المزرعة مع حازم و الاء و فاطمة. هشام:: جايز برضه.

نجوى:: اتصل طيب يابني و طمني عليها. هشام:: أنا هروحلها بنفسي يا خالتو و هبقى أطمنك لما اوصل ان شاء الله. فارس:: طلع ع صوت هشام. صباح الخير يا هشام تعال اتفضل. هشام:: صباح الخير يا فارس. لأ معلش انا مستعجل عايز ألحق اروح المزرعة أطمن ع حور. عن إذنك. فارس:: قلبه وجعه. بس قال بهدوء. ليه هى مش جوة و لا إيه. هشام:: لأ مش جوة. هي أكيد فـ المزرعة. و سابه و نزل السلم جرى ركب عربيته و راح ع المزرعة.

فارس:: شرد جواه. مش جوة طيب إزاي و عربيتها هنا و السلسلة هنا. و فاق ع صوت. نجوى:: بقلق. حور اختفت من بعد كتب الكتاب و مكملتش الفرح. أوعى يا فارس تكون قولتلها حاجة يابني زعلتها. فارس:: بأستغراب. أنا !! لأ طبعاً يا أمي. أنا من يوم اللي حصل بيني و بينها مافيش كلام بيننا أصلا. و بوجع كل واحد فينا بيتجنب التاني. نجوى:: ياترى انتي فين يا حور. شروق:: بلا مبالاة. هتكون فين يعني يا مرات خالي. تلاقيها فـ المزرعة.

ضحى:: و لا تلاقيها راحت تستجم فـ حتة ما هي ملهاش رابط يحكمها. فارس:: بغـ ـضب. ضحححححى أخرررسى أحسنلك و ماتغلطيش فيها انتي فاهمة. شروق:: بتسرع. انت لسة بتدافع عنها بعد اللي عملته فيك يا فارس. نجوى:: ضيقت عينيها و بتساؤل. و انتي عرفتي منين اللي عملته فيه. ضحى:: بتلحق شروق بالكلام. قصدها يا مرات عمي انها سابته فـ الفرح لوحده و مشيت. و لـ شروق مش ده قصدك يابنتي و لا إيه.

شروق:: بتوتر. اه اه بالظبط كدا هو ده قصدي صدقيني يا مرات خالي. فارس:: بيتنفس غيظ منهم. عارفين لو واحدة فيكم بس اتكلمت فـ حقها ربع كلمة انا مش هعمل حساب لـ قرابة و مش هرحمها انتوا فاهمين. و سابهم دخل اوضته و هيتجنن من حور. ليه قلعت السلسلة و ليه سابت عربيتها و راحت فين. الليڤنج خديجة:: لـ شروق و ضحى. أنا اقسمت ان لو ليكم دخل باللي بيحصل ده انا هفـ نكم مكانكم.

ضحى:: و احنا مالنا يا عمتو. واحدة و اختفت بمزاجها تحملينا ليه ذنبها. شروق:: يا خالتو دي واحدة سيدة أعمال يعني متعودة تروح و تيجي كتير و اكيد يعني رجعت المزرعة عادي. نجوى:: بغيظ. حور اه سيدة أعمال معروفة بس ما بتتحركش من نفسها ابدا. ع طول بتقول هي رايحة فين و جاية منين. قبل ما تتوفى أمينة كانت دايما تعرفها كل تحركاتها و بعد وفاتها اعتبرتني مكان أمها و أي خطوة بتخطيها بتقولي عليها.

خديجة:: ما تقلقيش ان شاء الله أخوها هيلاقيها فـ المزرعة. فاروق:: ان شاء الله خير يا جماعة. و سابهم و راح لـ فارس خبط ع الباب. فارس:: أدخل. فاروق:: ايه يا عم قاعد لوحدك ليه. فارس:: تعالي يا فاروق ادخل. فاروق:: لاقيتهم كلهم حريم برة قولت ادخل أدردش معاك شوية. فارس:: وماله دردش يا سيدي براحتك. ڤيلا المزرعة هشام وصل المزرعة و دخل ع الڤيلا جرى رن جرس الباب و فتحت. فاطمة:: هشام بيه اتفضل. هشام:: اندهيلي حور يا فاطمة بسرعة.

فاطمة:: بأستغراب. أندهلك حور!!! اندهالك منين يا بيه؟ استاذة حلم مش هنا. هشام:: مش هنا إزاي يا فاطمة. هي مارجعتش معاكم امبارح بعد الفرح. فاطمة:: لأ يا بيه ما رجعتش معانا. هشام:: انتي متأكدة يا فاطمة. فاطمة:: أيوا يا سي هشام متأكدة. أنا رجعت مع سي حازم و ست ألاء و ما كانش في حد معانا. هشام:: لـ نفسه. طيب هتكون فين بس. لما مش هنا و مش فـ البيت هناك. و لـ فاطمة. طيب ابعتيلي حد ينادي حازم و اعمليلي قهوة.

فاطمة:: حاضر يا سي هشام. و فعلا بعتت بدر ينادي حازم و هي عملتله القهوة و طلعتهاله و بعد شوية. حازم:: جه. السلام عليكم. هشام:: و عليكم السلام و رحمة الله. قولي يا حازم ما تعرفش حور فين. حازم:: قعد بأستغراب. حور. حور مين اللي فينه. هشام:: بعصبية. جرا إيه يا حااازم. حووور أختي. هتكون حور مين يعني. حازم:: بعدم فهم. مش فاهم. هتكون فين يعني. أكيد ما رجعتش من السويس. هشام:: حور مش هناك خالص و لا فـ البيت و لا حتى المستشفى.

حازم:: أزاى يعني. هشام:: أنا اللي بسألك يا حازم. انت و مراتك بير أسرارها. حازم:: صدقني انا معرفش عنها حاجة من قبل الفرح و اتفاجئت منك دلوقتي انها مش موجودة. هشام:: أخر مرة شوفتها إمتى. حازم:: امبارح فـ الفرح لما اديتني تذاكر رحلة شهر العسل للعرسان و قالتلي ابلغهم بيها بعد نص الفرح و ما شوفتهاش تاني.

هشام:: بقلق. طيب هتكون راحت فين لما مش موجودة فـ أي مكان. ممكن تكون فيه و عربيتها تحت بيتها. و كل اللي اسأله يقول أخر مرة شوفتها فـ الفرح و تليفونها مغلق. ااااه يارب طمني عليها. حازم:: بقلق و خوف. معناه إيه الكلام ده يا هشام. هشام:: حور اختفت من قلب الفرح و ما حدش شافها تاني و مش موجودة فـ أي مكان. حازم:: طيب سألت د/ كمال. أكيد هو اللي يعرف طريقها. لانها لما بتتعب بتجري عليه.

هشام:: لأ ما سألتوش. سألت بس سكرتيرة مكتبها قالت انها ما جتش. حازم:: طيب استني انا هتصل بـ د/كمال و أسأله. و فعلا طلع موبايله و اتصل بـ كمال. كمال:: السلام عليكم. حازم:: و عليكم السلام يا دكتور. كمال:: ازيك يا حازم عامل إيه. حازم:: بخير الحمد الله. و بلهفة. ماشوفتش حلم يا دكتور. كمال:: بأندهاش من سؤاله. أه شوفتها امبارح و كانت زي القمر.

حازم:: لأ مش قصدي امبارح انا أقصد بعد كدا. النهاردة يعني شوفتها او كلمتك فـ الموبايل. كمال:: لأ يا حازم و لا شوفتها و لا كلمتني. خير في إيه. انت بتسأل و كمان عرفت ان هشام جه هنا و سأل. حازم:: حلم مش لاقينها خالص يا دكتور. كمال:: بصدمة. نعععم ازاااى ده. حازم:: هشام بيقول فونها مغلق و عربيتها مركونة تحت بيتها بس مش موجودة نهائي فـ أي مكان. كمال:: طيب اقفل انا هكلم اللوا حسين و اشرح له اللي انت قولته ده و هو يتصرف.

حازم:: تمام يا دكتور. و قفل الخط و بص لـ هشام. ما يعرفش عنها حاجة برضوا بس هيكلم أخوه اللوا حسين و هو يتصرف. فـ المطبخ فاطمة بتفكر تخرج تقول لـ هشام اللي تعرفه يمكن يفيده و يلاقي حلم. فتحية:: بت يا فاطمة سرحانة فـ إيه يابت. فاطمة:: بحزن. الست حلم مش لاقينها و خايفة يكونوا الحرابيق اللي كانوا هنا عملوا فيها حاجة. فتحية:: بخضة. يالهوووى و هتعملي إيه.

فاطمة:: هطلع لـ هشام بيه و أقوله اللي عرفته و أخليه يسمع كمان التسجيلات. فتحية:: طب اطلعى مستنية إيه. فاطمة فعلا طلعت لـ هشام. الليڤنج فاطمة:: هشام بيه عايزة أقولك حاجة. ممكن. هشام:: معلش يا فاطمة دماغي مش رايقة. فاطمة:: معلش يا بيه بس اسمعني الله يخليك. حازم:: قولي يا فاطمة عايزة إيه. احنا سامعينك.

فاطمة:: ابتدت تحكي من وقت شروق و ضحى ما راحوا المزرعة و لغاية ما قعدوا مع أحلام و اتفقوا مع بعض ع انهم يوقعوا بين حلم و فارس. بس يا بيه. هشام:: بغـ ـضب. اااااااه ولاااااااااد الـ…… فاطمة:: أنا بصراحة من يومها و أنا ما كنتش مرتاحة ليهم و بصراحة أكتر خليت بدر يزود كاميرات و ميكروفونات فـ كل حتة بيقعدوا فيها من غير حتى ما ست حلم تعرف. حازم:: بذهول. انتي يا فاطمة يطلع منك كل ده. فاطمة:: أكمني شغالة يعني عندها يا سي حازم.

هشام:: انتي إيه اللي خلاكي تعملي كدا يا فاطمة. فاطمة:: ماتستغربوش يا بهوات. الست حلم خيرها عليا و ع أهلي و ده واجبي ناحيتها. رغم اني خدامة بس هي الحق لله عمرها ما عاملتني ع اني خدامة ابدا بالعكس ان كنت انا و لا أي واحدة و واحد بيشتغل هنا بتعاملنا ع اننا أهلها و اصحابها. عشان كدا لما حسيت ان الاتنين دول ممكن يأذوها فكرت فـ كدا و بدر ساعدني. بس اللي استغربته أختها أحلام هانم ليه تتفق عليها معاهم.

هشام:: بغـ ـضب أكبر. معاكي تسجيلات الكاميرات دي. فاطمة:: أيوا يا بيه. هشام:: طيب تعالي معايا هنروح لـ فارس تحكيله و تسمعيه كل اللي حصل ده. و أحلام بقى انا هعرف اتصرف معاها. حازم:: تحب أجي معاك. هشام:: لأ خليك انت هنا و مش عايز أي حد يعرف حاجة و لا حتى مراتك يا حازم فاهم. حازم:: ما تقلقش بس تبقى طمني. هشام:: ان شاء الله يا حازم. سلام.

بالفعل أخد فاطمة معاه فـ عربيته. و بهدوء مصطنع اتصل بـ أحلام و بلغها تروح بيت حلم و تستناه عند نجوى و قفل المكالمة. فـ شقة فارس ساب خديجة و نجوى مع شروق و ضحى و دخل لـ فارس أوضته. فاروق:: مش هتقول مالك بقى و تحكي اللي جواك. فارس:: مافيش حاجة تتحكي يا فاروق. فاروق:: بتحبها اوى كدا. فارس:: غمض عينيه بوجع و دموعه ع خده. أوى يا فاروق. بحبها أكتر من روحي.

فاروق:: هي كمان بتحبك ع فكرة. و ده كان واضح عليها لما طلعنا فوق السطوح و شفتك. فارس:: كلامها وجعني اوى. ع قد حبي ليها ع قد وجعي منها. فاروق:: بص يا فارس انا معرفش إيه الكلام اللي سمعته منها و مش عايز أعرف. بس هقولك بحكم خبرتي. مافيش بنت بتوجع بالكلام بالطريقة دي إلا إذا كانت بتحب بجد و اتوجعت من حبيبها. زي ما بيقولوا كدا مافيش حد بينجرح أوى إلا لما بيحب أوى. عشان كدا ممكن تكون قالت اللي قالته ده من وجعها.

فارس:: و انا. طيب كانت تسألني تواجهني تسمعني قبل ما تحكم عليا. فاروق:: و انت يا فارس سألتها؟ سمعتها و لا حكمت عليها من غير ما تسمعها. فارس:: شرد شوية و افتكر. “فلاش باك” حلم:: فارس ممكن تسمعني هفهّمك. فارس:: بوجع و نظرة كفيلة لـ تدمر ها. تفهّميني إيه. انك واحدة أنانية. واحدة غدارة. خلاص يا حلم هانم كل حاجة حلوة بينا انتهت. “نرجع للوقت الحالى” فاروق:: سرحت فـ إيه كدا.

فارس:: انا كمان ما سمعتهاش يا فاروق و حكمت عليها من غير ما اسمع. فاروق:: وقت الصدمة. العقل بيتشل عن التفكير. بس لما بنهدى بنعرف نفكر و نحسبها صح و لا إيه. فارس:: صح يا فاروق. برة فـ الليڤنج قاعدة نجوى مع خديجة و سمعوا جرس الباب و فتحت فاتن و شافت. أحلام:: السلام عليكم. ازيك يا خالتو. نجوى:: و عليكم السلام ورحمة الله. تعالي يا أحلام اتفضلي. أحلام:: معلش جيت من غير ميعاد. بس هشام اتصل بيا و قالى استناه هنـا.

نجوى:: وماله يا حبيبتي بيتك و مطرحك اتفضلي. شوفي يا فاتن أحلام تشرب إيه. فاتن:: حاضر يا ست نجوى. و فعلا دخلت فاتن جابت واجب الضيافة. و بعد شوية وصل هشام و معاه فاطمة. هشام:: السلام عليكم و رحمة الله. نجوى:: و عليكم السلام ورحمة الله. فاطمة:: أزيك يا ست نجوى. نجوى:: ازيك يا فاطمة. أدخلي مع فاتن جوة.

هشام:: و هو بيبص لـ أحلام و بيدوس اوى ع الكلمة. أزيك يا أختي عاملة إيه. و لـ نجوى. لأ يا خالتو سيبي فاطمة و ياريت تنادي لـ فارس. أحلام:: بخير يا هشام انت عامل إيه. نجوى:: خير يا هشام. في حاجة. هشام:: خير يا خالتو ان شاء الله. فاطمة عندها حاجة عايزة تقولها لـ فارس. نجوى:: حاضر ياحبيبي هندهلك عليه. المهم طمني ع حور لاقيتها فـ المزرعة. و قبل ما يرد عليها ندهت ع فارس. فارس:: طلع ع صوت أمه و هي بتنادي عليه. نعم يا أمي.

هشام:: لـ نجوى. لأ يا خالتو مش موجودة هناك برضوا. و لـ فارس. أنا اللي عايزك يا فارس. فارس:: خير يا هشام. هشام:: بدموع الخوف. اسمع فاطمة يا فارس و انت تعرف كل حاجة. فاطمة:: ابتدت تحكي كل اللي حصل و اللي حكيته لـ هشام كله من اول ما راحوا شروق و ضحى لغاية اتفاقهم مع أحلام. و دي تسجيلات الكاميرات و الميكروفونات يا سي فارس بيه.

و الكل بيسمع اللي بتحكيه فاطمة بذهول. نجوى و خديجة و فاروق و كمان شروق و ضحى و أحلام اللي اتفاجئوا ان خطتهم اتكشفت. نجوى:: بصريخ. حووووووررررر بنتيييييي ااااااه ياااااااارب. كل ده يحصلك يابنتي. و بصت لـ شروق و ضحى و أحلام. حسبى الله و نعم الوكيييل فيييكم.

فارس:: بغـ ـضب جحيمى و بكل الوجع اللي جواه. انتووووووا ايييييييه للدرجة دي حيااااات الناس مالهاش قيمة عندكم. و لـ أحلام. انتي ازاااااااااى كدا. ازاااااااااى تتفقي ع أختك. ايييييييه الفلووووس عامتك للدرجة دي. قد كدا الدم اللى بينكم رخييييييص اوى كدا يا شييييييخة. ملعـ ون أبو الفلوووووس اللي تخلي الاخت تبيع اختها. ملعوووووونة الفلووووووس اللي تخلي الأخ يقتـ ل أخوووووه. انتي عااااااارفة انتي عملتي فينا اييييييه. انتي

دمـ رر تينا أحنا الاتنين. أختك من امباااااااارح مش عارفين هى فيييييييين و يا عاااالم جرالها إيه بسببك. و لـ شروق و ضحى. اما انتووووا حسااااابكم تقللللل اوى انتوا و اهاليكم. بس دلوقتي الاقي حوووور و اطمن عليها و بعدها هصفى حسابى معاكم.

هشام:: بدموع. لـ أحلام. أنا ما صدقتش لما فاطمة قالتلي انك اتفقتى ع أختك. أنا لما مراتى اتفقت ع حور مع عابد طلقتها. تقدري تقوليلي انتي بقى أعمل إيه انا دلوقتي و أختي اتفقت ع تد مير أختي. قوووولى يا أحلااااام أعمل إيه يا بنت أمي و أبويا. انطقي و ريحيني.

فارس:: قعد بتعب و افتكر كلمة جده اللي بترن فـ ودنه طول 20 سنة. اللى اتقـ تل ابني و القا تل برضوا ابني. و حس ان جروحه كلها اتفتحت من جديد. و بص لـ هشام. مش انت اللي هتعمل يا هشام. خلاااااص لغاية كدا و كفاية. انا اللي هعمل و هوقف كل واحد عند حده و هعرفهم كلللللهم مقامهم. بس نلاقي حور و ترجع بخير. و ديني و ما أعبد لا أندمهم كلهم.

و بص لـ أحلام و شروق و ضحى. أدعوا ربنا انها ترجع بخير. و إلا لو حصلها خدش صغير بس قصاده عمركم انتوا التلاتة. فاهميييين. و سابهم و دخل اوضته بوجع و مش عارف يفكر. حاسس ان تفكيره اتشل. ضيق قلبي .. عندما أتلفت حولي و لا أجدكِ .. و أحتاجك و لا أبصركِ .. و أموت آلاف المرات عندما أرى طيفكِ و لا أراكِ بقلمي✍️ _لبنى دراز @:: أنا أعرف مكان استاذة حلم فارس::………..؟؟؟؟؟؟