رواية العشق الابدي الفصل الثامن والعشرون 28 - بقلم لبنى دراز

جناح فارس فارس:: بعد ما مشي فاروق و خديجة طلع الجناح بتاعه وقعد ع السرير بتعب ورجع بضهره لورا وسند راسه ع إيده وباله مشغول بـ أصعب مواجهة فـ حياته. حلم:: قعدت جنبه وبابتسامة.. حبيبي باله مشغول بـ إيه ومش معايا خالص كدا وسايبني؟ فارس:: وهو ع نفس وضعه بس لف راسه ناحيتها بابتسامة.. أنا عمري ما أنشغل عن حلم عمري مهما كان اللى بفكر فيه. حلم:: باهتمام.. ممكن حبيبي يشركني معاه ويقول لحلم عمره بيفكر فـ إيه كدا؟

فارس:: بفكر فـ اللى جاي يا حور. حلم:: خايفة؟ فارس:: بتنهيدة.. قلقان. حلم:: تحب نرجع؟ فارس:: بص قدامه وغمض عينيه بوجع.. مش قبل ما آخد حق أبويا من اللى قتـ ـلوه ويتّموني أنا وأخواتي واحنا صغيرين وحرمونا من حضنه واحنا كنا فـ أشد الاحتياج ليه. حلم:: هتعمل معاهم إيه؟ فارس:: هكشف المستخبى وبالأدلة. حلم:: باندهاش.. معقول!! أنت معاك أدلة عليهم؟

فارس:: اتعدل فـ قعدته وبصلها.. آه يا حبيبتي معايا أدلة، اومال انتي كنتي فاكرة إني هواجهم من غير ما يكون معايا ع الأقل دليل واحد ضدهم؟ حلم:: أدهم كان عارف من زمان زيك ولا قولته من قريب؟ فارس:: أدهم كان عارف اللى سمعه من جدي بس لما كان بيتخانق مع خالد فـ أوضة المكتب، لكن مايعرفش بالأدلة اللى معايا. حلم:: وليه ما قولتهوش عنها؟

فارس:: حاولت أبعده ع قد ما أقدر يا حور وفهمته إننا سمعنا غلط وإن مش بابا اللي مقصود بالكلام ده. حلم:: امممم فكرة برضو بس أنت كنت صغير وقتها إزاي جه فـ بالك إنك تقوله كدا؟ فارس:: خوفت عليه يا حور، أدهم كان متهور وهو صغير ولو عرف ما كانش هيسكت وكان ممكن يقتـ ـلوه زي ما قتلوا بابا. حلم:: تفتكر صدقك يا فارس؟

فارس:: أكيد لأ، بس سكت لغاية ما كبرنا وكل واحد دخل الكلية اللي عايزها، لاقيته سألني فـ الموضوع ده تاني وحلفني برحمة بابا أقوله الحقيقة. حلم:: وقولتله؟ فارس:: أكيد طبعًا بس برضوا ما قولتش ع الدليل اللي معايا. حلم:: والبنات ما تعرفش؟ فارس:: ماحدش كان يعرف غيري أنا وأدهم بس، واكتشفت بعد كدا إن ماما كانت عارفة لما اتنقلنا من المنصورة، وأنتي لما حبيتك حكيتلك.

حلم:: أعتقد آن الأوان إن البنات كمان تعرف خصوصًا بعد اللي حصل تحت بينك أنت وأدهم. فارس:: خايف عليهم. حلم:: قعدت قصاده.. حبيبي ده حقهم إنهم يعرفوا، وبعدين خلاص كبروا واتجوزوا وما شاء الله سيف وقصي مش قليلين هيقدروا يحموهم من أي خطـ ـر، ده غير إنك موجود أنت وأدهم، ربنا يخليكم ليهم، يعني كل واحدة فيهم فـ ضهرها 3 رجالة يسدوا عين الشمس. فارس:: وأنتي خايفة عليكي يطولك أذى من أعمامي وقتها مش هستحمل خسارتك.

حلم:: بفخر.. يا حبيبي أنا ما يتخافش عليا. فارس:: وده ليه بقى إن شاء الله؟ حلم:: عشان أنا ورايا كل الرجالة يا باشا. فارس:: بغيرة.. نعععععم ياختي رجالة مين دي اللي وراكي إن شاء الله؟ حلم:: وهي مستمتعة بغيرته.. رجالة العالم كله يا حبيبي، هو أنا أي حد برضوا؟ فارس:: بغيظ منها.. بت انتي ما تجننينيش وقولي مين الرجالة اللي وراكي؟ حلم:: قامت وهي بتضحك.. ههههههههههههه شوف أنت بقى.

فارس:: شدها من إيدها وقعها عليه.. بت أظبطي كدا وانطقي أحسنلك. حلم:: وعينيها فـ عينيه.. أنت يا فارس بكل رجالة العالم، وطول ما أنت فـ ضهري أنا فـ أمان، ربنا ما يحرمنيش منك أبدا يا حبيبي. فارس:: جننتيني معاكي يا حلم عمري. حلم:: بدلع.. لأ يا حبيبي أنا واخداك كدا من الأول ههههههههههههه. فارس:: بقى انتي وخداني كدا، طب تعالي بقى أما أوريكي الجنان ع حق و… نسيبهم بقى مالناش دعوة بحد. فـ أوضة أدهم

بعد كلامه مع فارس طلع أوضته هو وأمل وقعد ع الكنبة بيفكر فـ اللي حصل بينه وبين أخوه وقعدت جنبه. أمل:: بقلق.. مالك يا أدهم أول مرة أشوفك مهموم كدا يا حبيبي. أدهم:: خايف يا أمل من رجعتنا دي. أمل:: فهّمني يا حبيبي خايف من إيه.. أنا مش فاهمة حاجة.

أدهم:: بتنهيدة وجع.. خايف ع فارس يا أمل، عايز يقف قصاد ناس ما عندهمش ضمير وأسهل حاجة عندهم القـ ـتل، قتلوا أبويا واحنا صغيرين ودلوقتي فارس جاي بعد العمر ده كله يواجههم بعملتهم دي. أمل:: بخضة.. إيه!! أنت عارف الناس دي يا أدهم؟ أدهم:: عارفهم كويس أوي وحافظهم كمان. أمل:: ممكن أعرف يبقوا مين يا حبيبي؟ أدهم:: للأسف يبقوا أعمامي خالد وجمال وعمتي سلمى. أمل:: حطت إيدها ع بؤقها ودموعها فجأة نزلت ومش عارفة تتكلم من الصدمة.

أدهم:: بيحكي لـ أمل بوجع.. أبويا مات وأنا عندي 10 سنين، قصدي اتقـ ـتل، وفارس رغم إن بيني وبينه سنتين بس كان بالنسبالي كل حاجة، عوضني عن أبويا وما حسسنيش أبدا إني يتيم، كنا بنعمل كل حاجة سوا، حتى لما سمعت جدي وهو بيكلم عمي.. فارس قالي احنا سمعنا غلط ومستحيل عمي يعمل كدا. أمل:: إزاي سمعتوا غلط وكلامك بيقول إنك متأكد؟

أدهم:: أنا فعلاً كنت متأكد إن عمي عملها بس سكت لأني حسيت بخوف فارس، لكن ما نسيتش أبدا الكلام اللي سمعته، ولما دخلت الكلية سألته تاني وأكد لي الحقيقة وطلب مني ما أتكلمش عشان خاطر ماما وأخواتي البنات وقال لي إن خلاص وقت الحساب قرب ولازم نكون سوا إيد واحدة عشان نقدر ناخد حقنا وحق أبونا. أمل:: فارس عنده حق يا أدهم فـ كل كلمة قالهالك.

أدهم:: تعرفي يا أمل أنا كنت مستني اللحظة دي من زمان يمكن أكتر من فارس نفسه.. بس مش عارف أول رجعنا وشوفت القصر وسمعت فارس خوفت.. خوفت أوي. أمل:: حبيبي أنت مش ضعيف ولا جبان عشان تخاف، وبعدين أنت معاك فارس كتفه فـ كتفك وأنا فـ ضهرك، شاور أنت بس وأنا هعملهملك سندوتشات بسطرمة بالبيض إنما إيه عجب. أدهم:: يا جامد.. متجوز سوبر هيرو أنا. أمل:: بغرور مصطنع.. ما بحبش أتكلم عن نفسي كتير ههههههههه.

أدهم:: بضحك.. حاسبي بس لا تفـ ـرقعي من كتر التواضع هههههههههههه. أمل:: أيوا كدا وريني الضحكة القمر اللي بتجنني دي. أدهم:: ضمها لحضنه.. غصب عني يا حبيبتي، لحظة المواجهة والحساب صعبة.. صعب أوي أقف قصاد أعمامي.. خايف عليكي وع ابننا اللي جاي وخايف ع فارس. أمل:: خرجت من حضنه ومسكت وشه بين إيديها.. حبيبي ما تخافش من المواجهة لأنك صاحب حق وصاحب الحق دايما قوي، وبعدين أعمامك دول قتلوا أخوهم، عارف يعني إيه أخ يقتل أخوه؟

أنا كان ممكن أقولك لأ يلا نرجع وأخاف ع نفسي وابني، بس ساعتها هبقى خليتك ضيعت حقك وحق بابا الله يرحمه.. لازم تواجههم وتاخد حقك وحق أخواتك بالقانون، ربنا قال فـ كتابه الكريم. أعوذ بالله من الشيطان الرجيم. ﴿وَكَتَبْنَا عَلَيْهِمْ فِيهَآ أَنَّ النفس بالنفس والعين بالعين والأنف بالأنف والأذن بالأذن والسن بالسن والجروح قِصَاصٌ﴾.

يعني لازم تقف مع فارس وتواجه.. أدهم حبيبي باباك هيسألك يوم القيامة عن حقه اللي ضاع السنين اللي فاتت، هيسألك عن حق أخواتك اللي اتربوا يتامى واللي يتمهم عايش مبسوط وفـ حضن عياله. أدهم:: بوجع.. ااااااااه يا أمل، إحساس صعب أوي.. صحيح أمي وجدي وفارس حاولوا إننا مانحسش باليتم، بس كنت كل ما أشوف حد بيقول بابا وأنا لأ، كنت ببقى عايز أقتـ ـلهم وأحرم عيالهم من الكلمة دي زي ما حرموني منها.

أمل:: أوعى تفتكر إن ده مش نفس إحساس فارس، حتى لو كان بيحاول يعوضك هو فـ النهاية كان صغير زيك. أدهم:: فارس كان طول عمره راجل من صغر سنه وكان بيجي ع نفسه كتير عشان خاطرنا، كنت بشوف دموعه وهو قاعد لوحده بعيد عشان ماحدش يشوفه، بس أنا كنت بستخبى وأبص عليه وأول ما يلمحني يمسح دموعه بسرعة وييجي يزعقلي، كنت أحضنه وأقوله سامحني يا بابا مش هعمل كدا تاني، يضحك ويقول تعال يلا أشوف بناتي الحلوين بيعملوا إيه.

أمل:: يبقى أقف معاه وخدوا حقكم يا أدهم، وما تخافش، هو وعدك ما فيش خسارة تاني، يبقى صدقه. أدهم:: بحب.. مسك إيد أمل اللي ع وشه وباسها.. بحبك أوي يا أمل، مش عارف من غيرك كنت عملت إيه. أمل:: بهزار.. إيه ده إيه ده بتبوس إيدي ليه، هو أنا والدتك؟ لأ لأ ماينفعنيش الكلام ده أنا. أدهم:: بمكر.. اومال إيه اللي ينفع معاكي يا قلبي؟ أمل:: بغمزة.. عايزة فراولة يا دكتور ولا خلاص خلصت بعد البطيخ ما طرح؟ ههههههههههههه.

أدهم:: ههههههههههههه بقيتي شقية يا أملي، بس كدا من عيني، وشالها وراح بيها ع السرير. فـ جناح فارس صحت حلم ع أذان الفجر زي عوايدها وهي بتقوم من مكانها. فارس:: حس بيها وبنوم.. رايحة فين وسايباني؟ حلم:: صباح الخير يا حبيبي. فارس:: صباح الجمال يا قلب حبيبك، برضوا ما قولتيش قايمة من جنبي ليه؟ حلم:: الفجر أذن يا كسلان وأنا قايمة آخد شاور عشان أصلي وأنت كمان يلا قوم وبطل كسل عشان تصلي.

فارس:: بمكر شدها عليه.. امممم هقوم بس بشرط. حلم:: نعم!! شرط إيه ده بقى إن شاء الله؟ فارس:: عينيه فـ عينيه وحاضنها.. ندخل ناخد شاور مع بعض ونطلع، قولتي إيه؟ حلم:: خرجت من حضنه وجريت ناحية الحمام وهي بتضحك.. ده بعينك يا قلبي، ودخلت وقفتلت ع نفسها. فارس:: قام بيضحك ومن ورا الباب.. خليكي فاكراها ماشي، ورجع قعد مكانه ع السرير وجواه.. جننتيني يا بنت الرشيدي، هتعملي فيا إيه تاني؟

فاق من شروده بعد وقت صغنن ع خروجها من الحمام. حلم:: حبيبي سرحان فـ إيه كدا؟ فارس:: بغمزة.. فيكي يا قمر. حلم:: بقيت شقي أوي يا فوفو ههههههههههههه.. يلا يا باشا ادخل خد شاور عشان تصلي. فارس:: قام فعلاً دخل الحمام وخد شاور واتوضا وخرج عشان يصلي الفجر. حلم:: بعد ما خلصت الصلاة.. لـ فارس ناوى ع إيه يا حبيبي؟ فارس:: بتنهيدة.. بعد الفطار إن شاء الله هتكلم مع قصي وسيف الأول قبل ما أقول للبنات عشان يقدروا يخففوا عليهم الصدمة.

حلم:: كدا صح.. أنا كنت هقولك تعمل كدا لأن لو عرفوا كلهم مرة واحدة هما نفسهم مش هيستوعبوا الصدمة. فارس:: طبعًا لازم سيف وقصي الأول يعرفوا ويستوعبوا الخبر قبل البنات. حلم:: بمداعبة بتمسكه من خدوده.. حبيبي يا ناس اللي مركز ده، وبتبوسه فـ خده. فارس:: امممم بلاش تنكشيني يا حوري وترجعي تقولي بقيت شقي. حلم:: ههههههههههههه يا قلبي هقولهالك كام مرة أنا واخداك كدا.. ويلا بقى نروح نصبح ع نوجة.

فارس:: بابتسامة.. هعديهالك يا حبيبتي بس اللي ما يزعلش بعدين، ويلا يا ستي نصبح ع ست الكل. فعلاً راحوا عند نجوى يصبحوا عليها وخبطوا ع باب الجناح بتاعها وأذنت له. نجوى:: وهي قاعدة فـ سريرها بتقرأ الورد بتاعها.. أدخل. فارس:: دخل وقعد جنبها وباس إيدها.. صباح الورد يا حبيبتي عاملة إيه؟ نجوى:: صباح الخير يا حبيبي.. كويسة طول ما أنت وأخواتك كويسين وبخير يا فارس.

حلم:: دخلت وقعدت جنبها الناحية التانية.. صباح الجمال يا قمر، يا خراشي إيه ده بس هو في قمر بيطلع بالنهار كدا؟ نجوى:: حبيبتي البكاشة صباح الخير يا حور. حلم:: امممم بقى أنا بكاشة يا نوجة؟ فارس:: وأكبر بكاشة يا قلبي. حلم:: بقى كدا يا فارس وبتذمر طفولي.. طب أنا زعلانة بقى. نجوى:: بتضحك بتضم حلم فـ حضنها و لـ فارس.. بس يا واد أنت ما تزعلش حور حبيبتي تاني، أنت فاهم؟

فارس:: بقى كدا يا ست نوجة يعني أطلع منها أنا.. ماشي ربنا يهني سعيدة بـ سعيدة يا ستي. حلم:: بحركات طفولية بتطلع له لسانها وبتغيظه وبتضحك. فارس:: بضحك لـ نجوى.. عاجبك كدا اللي بتعمله ده.. متجوز طفلة وربنا ههههههههههههه. نجوى:: ههههههههههههه مالكش دعوة حبيبتي تعمل اللي هي عايزاه. حلم:: باستها من خدها.. حبيبتي يا ماما ربنا يباركلي فـ عمرك يا قلب حور يارب.

فارس:: لـ نجوى مؤكد ع دعوة حلم.. يارب يبارك لنا فيكي يا حبيبتي ويديمك تاج ع راسنا. نجوى:: أخدت الاتنين فـ حضنها.. ويباركلي فيكم يا حبايبي. فارس:: باهتمام.. نمتي كويس يا أمي؟ نجوى:: الحمدلله يا حبيبي. حلم:: بقولكم إيه بقى أنا جعانة، هنزل أشوف أخبار الفطار تحت إيه.. وأنت يا باشا شوف العالم اللي نايمة دي صحيهم وتعالوا.. وقبل ما تتحرك من مكانها كان دخل أدهم وأمل.

أدهم:: مين ده اللي نايم يا ست حور.. وقرب من نجوى وباس راسها.. صباح الخير يا ست الكل، و لـ فارس صباح الورد يا ريزو. نجوى:: صباح الخير يا حبيبي. فارس:: صباح الخير يا أدهم عامل إيه دلوقتي؟ أدهم:: تمام يا حبيبي ماتقلقش عليا. أمل:: صباح الخير يا بشرية.. نوجتي القمر صباح الورد وريحته، صباح الشمس المشرقة فـ ليالي البرد الحا رقة. نجوى:: صباح الخير يا حبيبتي عاملة إيه وبتشاور ع بطنها والنونو عامل إيه؟

حلم:: انتي عندك حول يا أمل ليالي البرد حارقة إزاي يا ماما؟ أمل:: لـ حلم.. أيوه ايش دراكي انتي، و لـ نجوى مطلع عيني يا نوجة أه والله. أدهم:: لـ حلم وهو بيضحك وبيحط إيده ع كتف أمل.. حبيبتي عندها كل حاجة بالعكس، مالك انتي ههههههههههههه. فارس:: ع كدا بقى ليالي الصيف باردة ههههههههههههه. أمل:: بالظبط كدا يا باشا صح كدا. حلم:: ههههههههههههه طيب يلا ياختي قدامي ننزل نشوف أخبار الفطار إيه.

أمل:: الله عليكي يا سلفتشي، هو ده الكلام ننزل نشوف مانشوفش ليه. وفعلاً نزلت حلم وأمل وسابوا فارس وأدهم مع نجوى. فـ المطبخ دخلت وشافت قمر وملك صاحيين وقاعدين بيفطروا. حلم:: بابتسامة.. صباح الخير يا بنات. قمر:: بقلق سابت الأكل وقامت وقفت.. صباح الخير يا هانم، إحنا آسفين والله إننا قعدنا فطرنا هنا قبل حضرتكم. ملك:: صباح الخير يا هانم، معلش بالله عليكي ما تزعلي مننا.

حلم:: قعدت جنبهم بكل هدوء.. أولًا كدا اقعدوا كملوا فطاركم براحتكم، وأكيد يا ملك مش زعلانة منكم.. ثانيًا ماحدش يقول هانم دي، أنا اسمي حلم، تقدروا تقولوا أستاذة حلم أو مدام حلم تمام؟ ثالثًا بقى وده الأهم، مش عايزكم تقلقوا أبدا مني أو من أي حد هنا.. إحنا هنا كلنا واحد، ما فيش فرق بين صاحب القصر وبين اللي بيشتغل فيه، وكمان اعتبروني زي أختكم لو احتاجتوا أي حاجة ما تترددوش أبدا إنكم تطلبوها.

قمر:: حاضر يا ست هانـ … قصدى يا مدام حلم. ملك:: ما تأخذيناش يا أستاذة حلم بس إحنا اتمرمطنا كتير بعد بابا وماما الله يرحمهم، لغاية ما فاروق بيه وخديجة هانم الله يبارك لهم خدوا بالهم مننا ومنعونا نشتغل فـ حتة لغاية ما جينا نعيش هنا. حلم:: وإن شاء الله ما فيش مرمطة تاني. وفجأة قطـ ـع كلامها رنة موبايلها وكانت فاطمة. فاطمة:: الووو. حلم:: ردت عليها.. الووو إزيك يا بطوط.

فاطمة:: إزيك يا ست البنات عاملة إيه وسي فارس باشا عامل إيه؟ حلم:: بضحك وفتحت الاسبيكر قصدت تطمن ملك وقمر.. بخير يا فاطمة. فاطمة:: يارب دايمًا بخير.. عايزة أسألك ع حاجة كدا البت المخفية فاتن قالت لي عليه. حلم:: امممم مش بتبطلي رغي أنتِ وفاتن كتير.. قولي عايزة تسألي عن إيه. فاطمة:: إلا انتي ياست البنات هتعيشي فـ المنصورة ع طول ولا هترجعي تاني؟ حلم:: وأفرض يا فاطمة هعيش هنا ع طول، مش بلد جوزي؟

فاطمة:: بحزن.. طيب وأحنا هنروح فين لما تسيبنا وتعيشي عندك؟ حلم:: وأنتي زعلانة كدا ليه يا فاطمة؟ فاطمة:: ياست حلم انتي عارفة إحنا مالناش غير ربنا وحضرتك لما تعيشي عندك هنعمل إيه إحنا بس. حلم:: ما تقلقيش يا فاطمة هي زيارة بس.. طالت أو قصرت وهنرجع كلنا تاني، ويلا بطلي رغي وروحي شوفي بتعملي وإيه، ولما نقرب نرجع هقولك. وقفتلت مع فاطمة فعلاً وبصت لـ ملك وقمر.. يلا بقى خلصوا فطاركم واعملولنا أحلى فطار من إيديكم الحلوين دول.

ملك:: بامتنان.. حاضر يا مدام حلم تحت أمرك. خرجت حلم من المطبخ كان فارس وأدهم نزلوا مع نجوى وكمان ياسمين وقصي وسيف وعاليا، كلهم صحيوا ونزلوا، وبالفعل الكل قعدوا يفطروا وكان وقت كله مرح وضحك وهزار. فارس:: لـ سيف وقصي بعد الفطار.. عايز أتكلم معاكم شوية أنا وأدهم. سيف:: خير يا باشا؟ فارس:: خير إن شاء الله. قصي:: في حاجة ولا إيه؟ أدهم:: يا عم أنت وهو اصبروا شوية وهتعرفوا فارس عايزكم ليه، بقيتوا رغايين زي حريمكم.

عاليا:: بشهقة.. إحنا رغايين يا دومي، أخص عليكي. ياسمين:: طب استر علينا يا دومي مش قدامهم كدا هههههههه. فارس:: لـ أدهم.. بناتي حبايبى يرغوا براحتهم مالكش دعوة أنت يا ظريف أفندي، ويلا يا فالح منك ليه له هنطلع نتمشى برة فـ البلد شوية ونتكلم. وبالفعل خرج فارس مع أدهم وسيف وقصي برة القصر يتمشوا، وابتدا يحكيلهم الموضوع من أوله لغاية ما اشترى الأرض وبُني القصر ووصولهم كلهم البلد عشان ياخد حق أبوه وأخواته.

قصي:: بذهول.. معقول اللي بتحكيه ده يا فارس مش ممكن. سيف:: لـ فارس.. ده أنت جبل يا أخى، إزاي قدرت تستحمل السنين دي كلها؟ فارس:: كان لازم يا سيف أتحمل وأصبر عشان أبقى أقوى منهم وأقدر آخد حق أبويا وأخواتي. قصي:: عشان كدا امبارح أدهم كان قلقان وعمل اللي عمله. أدهم:: أيوا يا قصي ومازلت قلقان، بس لازم أجيب حق أبويا اللي راح غدر من أخواته. سيف:: البنات يعرفوا الكلام ده؟

فارس:: بتنهيدة وجع هز دماغه بمعنى لأ.. وده السبب اللي خلاني أقولكم الأول لأنهم هيتعبوا لما يعرفوا وأكتر حد هيبقوا محتاجينه هو انتوا. قصي:: ما تقلقش يا فارس. سيف:: ما قولتيش ليه من بدري يا فارس كنا اتصرفنا. أدهم:: كنت هتتصرف أزاى يا سيف؟ سيف:: كنا دورنا ع أي دليل يدينهم ويتقبض عليهم. فارس:: بص للفراغ قدامه.. لأ يا سيف دي قضيتي أنا، استحملت وصبرت كتير عشان أكسبها، وأن كان ع الدليل ما تقلقش عندي اللي يدينهم.

أدهم:: بصدمة.. أنت بتقول إيه!! عندك دليل ضدهم وساكت؟ فارس:: حط إيده ع كتف أدهم.. كان لازم أسكت عشان أحميكم من شرهم لأني كنت لسة ضعيف ما أقدرش أقف قصادهم، أنما دلوقتي أقدر أظهر أي دليل معايا وأنا عارف إني أقوى وإنهم مش هيقدروا يعملوا حاجة، ده غير إنك معايا ونقدر سوا نرجع حقنا. سيف:: وأنا معاك يا فارس كتفي فـ كتفك يا صاحبى، أبوك هو أبويا وحقه هيرجع إن شاء الله وهينام مرتاح فـ قبره قريب أوي.

قصي:: بتأكيد لـ كلام سيف.. أكيد يا فارس إحنا معاكم أنت وأدهم، انتوا مش لوحدكم. فارس:: لـ سيف وقصي.. كنت متأكد إنكم هتقولوا كدا.. أنا مش عايز منكم غير إن كل واحد فيكم يحتوي مراته لأن اللي جاي هيبقى صعب عليهم. سيف وقصي:: ما تقلقش يا فارس. أدهم:: بقول إيه يلا نرجع أنا تعبت من كتر المشي.. وبالفعل رجعوا كلهم القصر وشافوا نجوى والبنات الأربعة ومعاهم خديجة قاعدين فـ الجنينة. فارس:: بسعادة.. ديجة عاملة إيه يا قمر؟

خديجة:: بخير يا حبيبي الحمدلله، أنت عامل إيه؟ فارس:: أنا يا ستي ما فيش فـ سعادتي أمي تاج راسي وأخواتي حبايبي وعمتي القمراية وعينيه ع حلمي وحلم عمري معايا وكلكم حواليا يبقى هعوز إيه تاني. نجوى:: ربنا يديم سعادتك يا حبيبي. فارس:: باس راسها.. ويديمك لينا يا ست الكل. أدهم:: لـ خديجة.. عمتي حبيبتي جوزك فين مش شايفه يعني؟ فاروق:: من وراه.. أنا هنا ياخويا عايز إيه؟

أدهم:: بمعاكسة وهو بيرقص حواجبه.. أبدا يا جوز عمتي أصلك وحشتني قولت أسأل عليك. فاروق:: بغيظ.. أنت بقى ما وحشتنيش.. واتلم بقى شوية وبطل كلمتك المستفزة دي. أدهم:: بمكر.. الله جرا إيه يا روقة هو مش أنت برضوا جوز عمتي ولا تكونش طلقتها وأنا معرفش؟ خديجة:: لـ أدهم بهزار.. بس يا واد أنت اتلم إيه طلقني دي.. لأ يا حبيبي روقة ما يعملهاش أبدا. أدهم:: الله اومال بيتغاظ ليه كل ما أقوله يا جوز عمتي خلاااص هقوله يا عمي.

فاروق:: لـ أدهم.. عم مين ياض ده أنت اللي عمي قال عمي قال عما الدبب. فارس:: بيضحك وبعدين معاك يا أدهم أنت ناسي إن فاروق مش بيحب حد يكبره ويقوله يا عمي عايز يفضل ابن 25 ع طول ههههههههههههه. أدهم:: يا عم فارس ده شعره شاب المفروض اللي فـ سنه يقعد كدا يبقى بركة البيت مش يبقى عامل فيها نونو ههههههههههههه. فاروق:: أنت مالك يا بارد أنا عاجبني نفسي كدا، اطلع أنت منها وخليك فـ حالك ياخويا قال بركة البيت قال.

سيف:: لـ أدهم.. نفسي أعرف أنت بتغيظه ليه كدا؟ فارس:: أصلهم بيحبوا بعض أوي ههههههههههههه. أدهم:: يا أخى هو دايما كدا قارش ملحتي لييييه مش عارف. قصي:: تقوم تغيظه كل شوية كدا ما يصحش. فاروق:: قوله يا قصي يا بنى. قصي:: بمكر.. ما أنا لسه بقوله أهو ماينفعش كدا كل شوية يغيظ فيك وأنت فـ مقام والده برضوا. فاروق:: نعععععم والد مين ياخوياااا ده أنا أصغر منكم قال والده قال تصدقوا أنا ماشي مش قاعدلكم فيها.

فارس:: ههههههههههههه تعال بس يا فاروق سيبك منهم ماتزعلش دول عيال ما بتفهمش، وبجدية عايزين نتكلم بجد شوية. نجوى:: خير يا حبيبي في إيه؟ فارس:: باس إيدها.. خير يا حبيبتي بس تعالوا ندخل جوة الأول. و فعلاً دخلوا من الجنينة وقعدوا فـ الليڤنج، وسيف وقصي كل واحد قعد جنب مراته تحسباً للي هيحصل بعد ما يسمعوا كلام فارس وأدهم اللي قعدوا جنب بعض وابتدوا يحكوا كل حاجة من البداية لغاية اليوم اللي هما فيه دلوقتي.

ياسمين:: شهقت بصدمة من اللي سمعته وبأنهيار.. يعني إييييييه كل السنين دي وإحنا عااااايشين معاهم وهما قاااااتلييين أبويااااااا حـرمونـ ـيـ ـنـ ـيـ ـنـ ـيـ ـمـ ـنـ ـحـ ـضـ ـنـ ـهـ ـلـ ـيـ ـيـ ـيـ ـهـ ـوـ ـعـ ـشـ ـاـ ـنـ ـإييييييهـ ـوـ ـلـ ـخـ ـديـ ـجـ ـةـ ـوـ ـاـ ـنـ ـتـ ـتـ ـتـ ـيـ ـكـ ـنـ ـتـ ـتـ ـيـ ـعـ ـاـ ـرـ ـفـ ـةـ ـأـ ـنـ ـأـ ـخـ ـوـ ـاـ ـتـ ـكـ ـعـ ـمـ ـلـ ـواـ ـفـ ـأـ ـبـ ـوـ ـيـ ـاـ ـكـ ـدـ ـاـ ـ؟

ـ ـعـ ـمـ ـلـ ـواـ ـفـ ـأـ ـخـ ـوـ ـهـ ـمـ ـكـ ـدـ ـاـ ـ؟ قصي:: خدها فـ حضنها.. أهدى يا ياسمين عشان خاطري بلاش تعملي فـ نفسك كدا. ياسمين:: لأ يا قصي مش ههدى وقامت وقفت قصاد فارس.. أنت لازم تقتـ ـلهم فااااهم؟ لااااازم تحرم عيالهم منهم زي ما حرمونا من بابا فااااهم؟ لااااازم يمووووتوووا كلهم يا فارس. فارس:: شدها لحضنه.. وغلاوتك وحق حرماننا من أبونا السنين دي كلها هخليهم يركعوا تحت رجلينا يتمنوا السماح وما يطولوه.

أدهم:: بص لـ عاليا اللي ساكتة خالص من قوة الصدمة وقاعدة بتتهز مكانها حتى ما فيش دموع نازلة منها وبقلق.. مالك يا حبيبتي ساكتة ليه طيب؟ عيطي اصرخي طلعي اللي جواكي ما تسكتيش كدا. عاليا:: ع نفس وضعها بتتهز مكانها وساكتة. سيف:: عاليا حبيبتي طيب ردي عليا كلميني طيب عشان خاطر بنتنا اللي فـ بطنك، أعملي أي حاجة بس بلاش تكتمي جواكي.

فارس:: خرج ياسمين من حضنه وقرب قعد جنب عاليا وضمهالـ حضنه هي كمان.. أنا حاسس بيكي يا حبيبتي بس انتي بالذات بقى مش يتيمة، انتي نسيتي ولا إيه؟ مش انتي بنتي وكنتي دايما بتقوليلي بابا فارس فاكرة؟ عاليا:: أخيرا اتكلمت بوجع.. ليه عملوا فينا كدا يا فارس؟ بابا عمل إيه عشان يقتـ ـلوه؟ بابا كان طيب، كنت طول عمري أسمع من الناس.. الله يرحم أبوكي كان راجل ما فيش منه اتنين، وبانهيار.. لييييه حرموني منه؟

وأنا صغيرة لما كنت فـ المدرسة كنت بشوف زميلي كل واحدة معاها باباها بيوصلها، كنت باخد ركن وأفضل أعيط عشان مش عندي بابا يوصلني.. ليييه يا فارس؟ خدوا مني بابا إيه اللي استفادوه لما عملوا كدا؟

نجوى:: بدموع ع حال ولادها.. استفادوا كتير يا بنتي.. خالد حط إيده ع كل حاجة كان ماسكها أحمد الله يرحمه واتحكم فـ الكل بأمر من جدتك، بس كان بيجي لغاية جدك ويقف ما يقدرش يتكلم، ويمكن ده اللي خلاه ما يعرفش يعمل حاجة لـ أخواتك رغم إنه حاول كتير بس كان جدك محاوط علينا ومش سايبنا. ياسمين:: أوعى تقولي إن تيتة كمان كانت مشتركة معاهم فـ اللي عملوه؟

خديجة:: بدموع.. لأ يا حبيبتي ما كانتش مشتركة وما عرفتش غير بعد فترة، بس هي طبعها صعب شوية مش أكتر. عاليا:: خرجت من حضن فارس و لـ خديجة.. يعني انتي عايزة تفهمينا إنها رغم معرفتها بحقيقة مو ت بابا وإن عمـ … قصدي خالد هو اللي مو ته، ومع ذلك كانت عادي بتأمر وتتحكم وكمان تخليه يتحكم فـ كل حاجة كدا عادي؟

فاروق:: أيوا يا عاليا جدتك طبعها كدا، قلبها جامد.. كلنا توقعنا إنها ممكن تنكـ ـسر بعد وفاة أحمد بس لأ فضلت زي ما هي لغاية ما اتوفت. عاليا:: لـ فارس.. أنا عايزة آخد بتار أبويا، عايزة حق حرماننا منه السنين دي كلها. أدهم:: قرب منها.. ما تقلقيش يا حبيبتي إحنا هنروح لهم ونخلص منهم القديم والجديد وناخد حقنا وحق بابا من عينيهم.

فارس:: لأ يا أدهم.. هما اللي هييجوا فضولهم هيجيبهم لغاية هنا برجليهم، وساعتها مش هيخرجوا غير وكل اللي له حق ياخده، أصل حسابهم تقل أوي ولاااازم يصفوه. ياسمين:: بجمود.. وأنا مستنياهم. عاليا:: وقفت بتعب وقبل ما تتحرك ناحية نجوى داخت وكانت هتقع. سيف:: لحقها.. حاسبي يا عاليا، أهدي يا حبيبتي واقعدي ارتاحي. عاليا:: سيبني يا سيف أروح لـ ماما.

نجوى:: قامت قربت منها وخدتها فـ حضنها.. اسم الله عليكي يا حبيبتي، عارفة إن اللي سمعتيه أنتِ وأختك صعب أي حد يتحمله، بس زي ما قال فارس خلاص آن الأوان كل واحد ياخد حقه. حلم:: قامت وقفت عشان تقرب من عاليا وياسمين فجأة وقعت فاقدة وعيها. فارس:: بخضة وهو بيجري يلحقها.. حوووررر! وبيحاول يفوقها.. فوقي مالك حوووررر! أدهم:: بسرعة هاتها ع الكنبة هنا يا فارس. فارس:: بقلق.. شالها وطلع بيها الجناح بتاعهم وكلهم طلعوا وراه.

أدهم:: وأمل دخلوا مع فارس حاولوا يفوقوها، وبعد ما فاقت. أمل:: كشفت عليها وبعدها طلبت من أدهم يجيب لها شنطتها من أوضتهم. فارس:: قعد جنبها بخوف وقلق.. طمنيني يا أمل حور مالها؟ أمل:: اطمن يا فارس هي تلاقي ضغطها وطي من كتر الانفعال اللي إحنا فيه من امبارح. أدهم:: جاب شنطة أمل ورجع لها.. خدي الشنطة أهي، مالها حور يا أمل؟

أمل:: مالهاش يا حبيبي هي هتبقى كويسة، بس في حاجة كدا عايزة أتأكد منها الأول، ياريت بقى تخرجوا برة انتوا الاتنين لو سمحتوا. فارس:: نعم!! طيب هو يخرج ماشي، أخرج أنا ليه إن شاء الله؟ أدهم:: خلاص يا حبيبتي أنا هخرج وهو لو اتشقلبتي مش هيخرج من الأوضة من غير ما يطمن عليها. فارس:: هو كدا بالظبط، طول ما هي كدا مش هسيبها، واخلصي بقى يا أمل وطمنيني عليها.

أمل:: وهي بتفتح شنطتها تدور ع حاجة معينة.. ياربى أنا متأكدة إنه معايا واحد راح فين؟ أدهم:: بتدورى ع إيه يا أمل كدا؟ أمل:: أهو لاقيته بدور ع ده يا حبيبي. أدهم:: باندهاش.. انتي قصدك إن….. أمل:: اصبر بس يا حبيبي لما نتأكد. فارس:: بعدم فهم.. أنا مش فاهم حاجة، إيه ده يا أمل، وتتأكدي من إيه؟ أمل:: اصبر بس شوية يا فارس، و لـ حلم تقدري تقومي لغاية الحمام لوحدك ولا فارس يوصلك؟ حلم:: بتعب.. لأ هحاول أدخل لوحدي.

وفعلاً حاولت ودخلت لوحدها ودخلت وراها أمل فهمتها تعمل إيه وخرجت وسابتها. حلم:: بعد حوالي 10 دقايق خرجت من الحمام ومعاها الحاجة اللي إديتها لها أمل.. وبتعب.. اتفضلي يا ستي. أمل:: بصت لللي فـ إيديها وابتسمت وبصت لـ فارس وحلم.. مبروك البيبي. فارس:: باستغراب.. انتي بتقولي إيه يا أمل؟ أدهم:: خد فارس بالحضن.. أمل بتقولك مبروك يا حبيبي هتبقى أب.

فارس:: بفرحة.. الله يبارك فيك يا حبيبي، وعقبال ما يشرف حبيب عمو بالسلامة.. بس برضوا ما فهمتش إيه الشيء ده يا أمل؟ أمل:: ده تحليل حمل يا فارس، قولت لـ حور إزاي تعمله لما شكيت إنها ممكن تكون حامل، والحمدلله شكي كان فـ محله وطلعت حامل وتقريبًا كدا فـ شهرين كمان، بس لازم تتابع مع دكتورة متخصصة.. مبروك كمان مرة يا باشا.

أدهم:: لـ أمل.. يلا نخرج نطمن اللي قلقانين برة دول.. وبالفعل خرج هو وأمل عشان يسيب مساحة لـ فارس وراح يفرح نجوى ويطمنها. عند فارس قعد جنبها بسعادة ودموع الفرحة. فارس:: مبروك يا أجمل حلم فـ عمري. حلم:: بسعادة مسكت إيد فارس وحطيتها ع بطنها وعينيها فـ عينيه.. أنا حامل يا فارس، حامل فـ ابننا، فيه جوايا حتة منك، أنا مش مصدقة نفسي.

فارس:: لأ صدقي يا قلب فارس، اللي جواكي ده ثمرة حبنا، حتة منك ومني، مبروك يا أحلى مامى فـ الدنيا. حلم:: مبروك يا أجمل بابي فـ المجرة.. تعال بقى ننزل نطمن نجوى. فارس:: تؤتؤتؤتؤ ما فيش حركة من مكانك، أنا هروح أفرحها وأرجعلك ع طول. وقبل ما يقوم من مكانه سمع خبط ع الباب وأذن بالدخول. نجوى:: دخلت ومعاها خديجة وعاليا وياسمين وأمل.. وبفرحة قربت من حلم وحضنتها.. مبروك يا حبيبتي ربنا يتمملك بخير.

حلم:: الله يبارك فـ حضرتك يا ماما. خديجة:: أيوا بقى وأخيرا عشت وهشوف ولاد فارس.. مبروك يا حبايبي. فارس:: يبارك لنا فيكي يا ديجة. ياسمين:: بسعادة ظاهرة وحزن متداري.. مبروك يا حور، و لـ فارس مبروك يا حبيبي. فارس:: عقبالك يا قلب أخوكي. عاليا:: بحزن.. مبروك يا أبيه أنت وحور. حلم:: قامت بتعب من مكانها وقربت منها.. بلاش الحزن اللي باين ع ملامحك ده عشان خاطر بنوتك اللي فـ بطنك ع الأقل.

فارس:: بهزار عشان يضحك عاليا فـ محاولة للتخفيف عنها.. شكلك زعلانة عشان هبقى بابا لـ حد غيرك صح؟ عاليا:: فهمت كلامه.. آه بصراحة بقى أنت بابايا أنا وبس. فارس:: يا عبيطة هو أنتِ ما تعرفيش إني مهما خلفت هتفضلي انتي بنتي البكرية. ياسمين:: باندهاش.. مهما خلفت إزاي؟ هو أنت ناوي تخلف كام مرة عشان أبقى فاهمة بس؟ فارس:: ناوي أخلف 12 بس ما تقاطعيش أنتِ بس. حلم:: بشهقة.. ايييييه ليه ياخويا هتعمل فريق كورة ولا إيه؟

عاليا:: بضحك.. أهو بعد أخويا دي هيكتفي بواحد بس ويروح يكمل باقي الفريق من برة ههههههههههه. حلم:: بغيرة ورفعة حاجب.. طب خليها يعملها كدا وساعتها ما يلومش غير نفسه، وبتشاور ع رقبتها كأنها هتد بحه. فارس:: رفع إيده باستسلام.. بريء يا بيه هي اللي بتحرضني ههههههههههه. ياسمين:: ألبس هرمونات الحمل اشتغلت بدري بدري. فارس:: شكلها كدا يا سمسمة وأخوكي هيلبس فعلاً ههههههههههه.

نجوى:: بقلب أم.. حبيبي ربنا يسعدكم ويفرحكم بابنكم ويوصل بالسلامة إن شاء الله، ويتربى فـ عزك. فارس:: باس راسها.. أمين يارب ياست الكل، ويكبره هو وابن أدهم وبنت عاليا وولاد ياسمين إن شاء الله. خديجة:: إن شاء الله يا حبيبي، وساعتها هتبقوا كلكم برة وولادكم اللي جوة.. بس ما قولتليش بقى عايز ولد ولا بنت؟ نجوى:: أكيد يا حبيبي كله خير.. المهم هنسيبكم ترتاحوا شوية وننزل إحنا.

و فعلاً كلهم خرجوا من جناح فارس بعد ما باركولهم، وكل واحدة من البنات راحت أوضتها وخديجة راحت مع نجوى أوضتها يفكروا فـ اللي جاي. عاليا:: مش هسييييبك يا خااااالد هقتـ ـلك بإيدي.