رواية العشق بطريقة الشيطان الفصل السادس والخمسون 56 - بقلم زينب سمير

••الفصــــــل التــاســـع••

بعدما سمعت فريدة ذلك الخبر صرخت بفزع وهي تنظر لأسر وتشير باتجاه التلفاز قائلة:-
_الميناء اتحرقت يااسر الميناء اتحرقت
اقتربت منها هند واحتضنتها بقوة محاولة أن تهدئها بكلمات لطيفة بينما اسر اتجه للخارج وهو يطلب رقم أحدهم ليحدثه
كل شئ كان يسير بسرعة تامة قبل أن يدخل لها هاتفا بهدوء:-
_متقلقيش يافريدة بلال محصلهوش حاجة
رفعت عيونها بأمل جديد متسائلة:-
_بجد
اسر:-
_الميناء اتحرقت بعد المواجهة بلال قدر يخرج هو ونانسي والضباط
فريدة بتوتر:-
_يعني أية...طيب والبضاعة
اسر:-
_بلال هو اللي ولع في الميناء بالبضاعة
هند بضحك:-
_جوزك دا جبار
ابتسمت وهي تتنفس براحة اخيرا

عند بلال،،،،،
هتفت نانسي وهي تنظر له ببسمة:-
_فكرت للحظة اننا هنموت والله
رد عليها بهدوء:-
_القضية دي سهلة اصلا
طالعته بغيظ ليتابع:-
_انا هقدم استقالتي بقي
نانسي بزهول:-
_لية كدا بس
بلال:-
_انا عايز اقضي اخر ايامي مع مراتي وبنتي
نانسي:-
_اخر ايامك أية بس انت علشان كملت اربعين سنه اسمك عجزت
بلال بضحكة عالية:-
_مين دا اللي عجوز ياماما انا طول عمري شباب..بس الحقيقة بعد انفجار انهاردة مبقاش فاضل غير اخر ايامي
ضحكت علي حديثه ثم قالت بهدوء:-
_طيب اضغط بنزين..زمان مراتك منهارة

عدة ساعات مرت حتي وصلت السيارة لقصر بلال وكان بانتظاره أمام بوابة القصر اسر وفريدة وهند وحسان الذي علم بالأمر وفيروز وفارس و...بسيل
اقترب اسر اولا واحتضنه بشدة
ومن بعده حسان وفارس وهكذا تتابعوا
ليقترب هو من فريدة هاتفا أثناء سيره بضيق:-
_استنوا بقي ياجماعة اسلم علي مراتي
ثم اقترب منها واحتضانها بقوة لتتعالي ضحكات الجميع
هتف اسر قائلا:-
_احنا نسيبكوا انهاردة ونجي بقي في وقت تاني
وغمز له بعبث ليضحك الاخر
بينما تابع اسر أيضا حديثه:-
_ابقي اطلع لقاء تلفزيوني كدا لطيف وتحكي كل اللي حصل
اؤما بـ حسنا
وبالفعل تركهم الجميع
ليبقي هو وزوجته وابنته
ليضع يده علي خصرها ويتجه بها للداخل وبيده الاخري يمسك ابنته بسيل
هتف بجوار اذنها بحرارة وهم يصعدون درجات السلم:-
_وحشتيني
ابتسمت له بدلال ولم تتحدث
بينما قالت بسيل بفضول طفولي:-
_بتضحكي ليه يامامي
فريدة:-
_ممنوع يعني اضحك يابسيل
طالعتها بضيق لأنها لم تعطيها اجابه مرضيه بينما وقف بلال للحظة وهبط لمستوي ابنته واحتضنها بقوة هاتفا:-
_وحشتيني اوي يابسبلة
بادلته العناق بيدها الصغيرة قائلة بسعادة:-
_وانت وحستني اووي برضوا يابابي
بلال:-
_طيب يلا بقي علشان ننام
هتفت باعتراض:-
_انا عايزه اقعد معاك
همس بجوار اذنها بهمس:-
_نامي علشان نجهز نفسنا ونسافر المالديف ياروحي
ظهرت السعادة علي وجهها لتؤمي بـ حسنا
لينادي الخدامة لتأخذها للاعلي
لتقول الاخري بزهول:-
_اقنعهتا ازاي تنام دي
وقف واحاطها بذراعيه وقال بفخر مصطنع:-
_قدرات يابنتي
ثم اكمل صعوده للأعلي بها حتي وصلوا لجناحهم لينغلق عليهم الباب....
.........
صباح يوم جديد،،،،،

جلس علي مقربة من وجهها يحضن ملامحها بعينيه ابتسامته تزداد وسعا وهو يراقب عدد انفاسها ويتلمس خصلاتها الحريرية بيديه من يري حالته تلك يدرك أنه ترك الجنون والهوس لغيره وتقدم لمرحلة أخري معها
أصبح يدمن اصغر تفاصيلها يكاد يعد خصلات شعرها
الحب بالنسبة له فريدة..والعشق فريدة..والجنون فريدة
القلب الخالي من المشاعر أصبح مفعم بروح مرحة مبهجة بسبب تلك الفريدة وابنته الرائعة هو لا يتمني الان أي شئ سوي طفل أخري من تلك الرائعة يملئ عليهم حياتهم ويزيدها جمالا
حرك يده علي وجهها بنعومة جعلتها تتلملم في جلستها قبل أن تهتف بضيق:-
_اششش
وحركت يدها في الهواء
لتزداد حركة يده مما جعلها تزداد تلملما وتتمتم بكلمات غير مفهومة ابدا
ليقترب من اذنها هامسا بصوت حنون:-
_فــريــــدة
ردت الاخري بنعاس:-
_هااا
بلال:-
_اصحي يلا الساعة تسعة
ردت بضيق وقد بدأت تستيقظ قليلا:-
_انا معنديش شغل يابلال اصحاله...روح شوف انت حالك ربنا يسهلك
بلال:-
_تصدقي انا غلطان...انا هروح اقعد مع بسيل احسن

فتحت عيونها وقالت بغيرة من ابنتها فهي عادت تتذكر اول مرة قال تلك الجملة وبقي من بعدها شهرين كاملين لا يتحرك من غرفة ابنتها ويلازمها دوما:-
_لا مفيش خروج من هنا...عايز أية يابلال
رد بخبث:-
_عايز كتير والله
ثم سرعان ما اقترب منها وقبل شفتيها بحنان بالغ ورقة ظلت هي لثواني مشدوهة قبل أن تبادله القبلة ويذهبا لعالم خاص بهم

في منزل اسر،،،،،

علي طاولة الفطور،،،،،

جلست هند علي المقعد الخاص بها بينما اسر كان قد سبقها بالجلوس وبدا بتناول فطوره أيضا مما جعلها تهتف بضيق:-
_طيب استناني حتي يااسر
رد وهو يمضغ الطعام بفمه:-
_ياحييبتي جعان
عند:-
_طيب ما انا كمان جعانة ورغم كدا استنيت علشان اكويلك القميص
اسر:-
_خلاص المرة الجاية هستناكي
هند بضيق:-
_انت بتلاغيني بـ أي كلام وخلاص يااسر وكأنك بتعامل طفلة لية كدا
اسر:-
_انا اتكلمت دلوقتي...خلاص ياستي مش هستناكي علي الفطار...كدا حلو
رمقته بضيق وهي تتحدث:-
_انا هروح عند ماما شوية انهاردة
اسر:-
_اوك..بس متتأخريش...ولا اقولك روحي وانا هعدي عليكي ونروح نتعشي برة
ابتسمت لفكرته قائلة:-
_واو من أمتي الرومانسية دي
رد بغيظ منها:-
_انتي ولا عجبك العجب ولا الصيام في رجب ياهند

عودة لقصر بلال،،،،،

جلست فريدة في حديقة القصر ومعها بسيل بينما بلال ذهب للشركة منذ قليل كانت فريدة تقرئ في أحد المجلات وبجوارها بسيل تمسك مثلها مجلة وتقلدها في جلستها وتنظر لما تقوم به والدتها من لحظة لآخري وتفعل مثله
هتفت فريدة وهي تنظر لافعال ابنتها بضيق:-
_انتي بتقلديني ليه يابسيل
ردت الاخري ببراءة:-
_علسان عايزه ابقي زيك يامامي
فريدة:-
_لا ياحبيبتي متحوليش تبقي زي حد..لان هتشوفي حد تاني هتعجبك شخصيته برضوا وهتحاولي تقليديه وبكدا انتي هتبقي محتارة تبقي زيي ولا زي الشخص دا.. صح
اؤمات بنعم
لتتابع فريدة:-
_وكدا هتبقي دايما متوترة ومعندكيش شخصية ومش عارفة تحديد اتجاهاتك وحياتك..علشان كدا حوالي تصنعي شخصيتك بنفسك...فهماني
اؤمات بنعم
لتقول فريدة:-
_طيب هتعملي أية دلوقتي
تركت المجلة التي بيدها واعتدلت في جلستها وامسكت هاتف والدتها وظلت تعبث به قليلا قبل أن يخرج صوت اغاني فجأة لتقوم وترقص عليها بأنسجام طفلة
لتنظر لها فريدة بزهول وصدمة
قبل أن تمسك الهاتف وتغلقه سريعا وتنظر للاخري قائلة بتوتر:-
_يخربينك يابسيل...انتي عايزة بابا يطلقني ولا اية..دا ممكن يروح فيها لو شافك بترقصي كدا
ردت الاخري ببراءة:-
_مس انتي اللي قولتي اعملي اللي عايزاه
فريدة:-
_بس مقولتلكيش انحرفي ياختي

يتبع..
رأيكم..
النوفيلا عشر بارتات أو 11 يعني فاضل رحلة المالتيف وبس