رواية العشق والفراق الفصل السابع 7 - بقلم نبض القلب

كريم: قصدى فى اى لما تفتحى الباب، انتى خايفه منى؟ ده هبقى جوزك كمان كم يوم. نور: بس انت لسه خطيبى. كريم: يعنى هفضل واقف كده على السلم؟ ناس يقولوا إيه؟ نور: امشى وابقى تعالى لما ماما تجى. كريم: لو كنت منصور كنت برضو هتسيبه واقف على الباب؟ نور: قصدك إيه بكلامك ده؟ كريم: مش قصدى حاجة. عن إذنك. ذهب كريم وهو مخنوق. نور كانت سرحانة. افتكرت بعض الذكريات. **فلاش باك** كانت قاعدة ومنصور بيذاكر لها. فجأة ضربها على قفاها.

نور: آه! منصور: يابنتى افهمى السؤال. نور: أنا حلت السؤال. منصور: غلط. نور: أنا استاهل ضرب الجزمة اللى يخليك تذاكر لي. منصور فضل يضحك. منصور: ياعمتى أنا جعان. نور: هقوم أحضر لك الأكل. منصور: هي عمتي فين؟ نور: خرجت. نهض من مكانه بسرعة. منصور: يعني أنا وانتي قاعدين لوحدنا في الشقة؟ نور: أيوه، في إيه؟ منصور بغضب: مقولتيش ليه إن مامتك مش هنا؟ نور: هو أنت متعصب كده ليه؟ استنى ياأبيه. خرج منصور قعد على رصيف البيت.

السماء بدأت تمطر بغزارة. فتحت نور الشباك. نور: ياأبيه ادخل، أنت واقف في شتا ليه؟ منصور: ادخلي جوه. نور: حاضر، بس أنت هتاخد برد. منصور بغضب: ادخلي جوه عشان مكسرش دماغك. **باك** نور فاقت على خبط على الباب. ذهبت فتحت الباب. كانت مامتها عادت من السوق ومعها أختها فادية. نور: أهلاً ياخالتو. فادية: إيه يابنتي، إحنا عاوزين نفرح. نور: طب أنا عملت إيه؟ فادية: كل شوية تأجلي ميعاد كتب الكتاب، كريم زعلان.

نور: أنا بس مش فاضية، دراسة وامتحانات، عاوزة أجيب تقدير، فأنا مركزة في كده. فادية: اتغيرتي أوي يانور، فين البنت الصغيرة اللي كانت بتقول أنا نفسي ألبس فستان الفرح؟ نور: خلاص، البنت صغيرة كبرت. فادية: إحنا كنا مستنيين إنك تكبري عشان تجوزي كريم. نور: معلش ياخالتو، خلي كتب الكتاب بعد الامتحانات. فادية: يعني إمتى كده؟ اعطي ليا معاد. نور: بعد خمس شهور ولا ست شهور. فادية: يالهوي!

أنا فاكرة بكتير شهور. ماتكلمي يا وفاء، تعالي شوفي بنتك. وفاء: مش إحنا اتفقنا يانور إن كتب الكتاب بعد أسبوع والفرح بعد شهر؟ نور فضلت ساكتة مش عارفة تقول إيه. فادية: ده دلع منك ده يانور، كتب الكتاب بعد أسبوع، يلا مع السلامة. خرجت فادية من الشقة. وفاء: إيه مالك يانور؟ نور: مفيش يا ماما، أنا راحة أذاكر. دخلت نور غرفتها. عند منصور كان رجع الفيلا في جنينة. رفيق بيحاول يتصل بورد هي مش بترد. رفيق بنرفزة: ماشي ياورد.

جاسر: أنت بتكلم نفسك؟ رفيق: يعم سيبني، أنا هتجنن. منصور: في إيه؟ جاسر: حبيبة القلب مش بترد عليه. منصور: يمكن في محاضرة. رفيق: خلصت محاضرات. جاسر: أنت عرفت منين؟ رفيق: أنا عارف جدول محاضراتها كلها. جاسر: يمكن راحت تشتري حاجة. رفيق: ترد عليه تطمني، أنا هتجنن عليها. منصور: خير يارفيق، بطل قلق. فجأة الموبيل رن. رفيق فتح بسرعة. رفيق بنرفزة: كنت فين؟ ردي عليه. ورد: معلش يا رفيق، أنا جيت من الكلية تعبانة.

رفيق: سلمتك ياعمري. منصور وجاسر ضحكوا. رفيق: إيه رخمة دي! مشى بعيد. جاسر: ماشي يعمي. نهض من مكانه. منصور: أنت رايح فين انت كمان؟ جاسر: أكلم مراتي. جاسر هو كمان أخد موبيل واقف في مكان في جنينة يكلم زوجته. عند رفيق. ورد: أنا رجعت تعبانة من الكلية ونمت، بس أنا كويسة، بلاش تقلق. رفيق: القلق ده هيفضل معايا طول ما انتي بعيدة عني. عند منصور. منصور: الو، أيوه يا أسيلة. أسيلة: أنا بعت لك كتالوج صور فساتين، بعتها لبنت عمتكم.

منصور: شكراً يا أسيلة. أسيلة: عادي يامنصور، دي حاجة بسيطة. على فكرة بابا عاوز يشوفك في المستشفى. منصور: هو فاق؟ أسيلة: أيوه. منصور: طيب بكرة هكون عنده. مع السلامة. منصور كلم وفاء عمته. وفاء: الو، أيوه يامنصور. نور مجرد لما سمعت اسمه ضربات قلبها زادت. خرجت بسرعة من غرفته. نور: عاوزة أكلمه يا ماما. وفاء: طيب، خد نور معاك، أهي يامنصور، عاوزة تتكلم. نور: الو! المنصور قفل الاتصال. وفاء: في إيه؟

نور بزعل: قفل الموبيل زي كل مرة، مش عاوز يسمع صوتي. وفاء: طيب، خدي كده شوفي الموبيل، أنا سمعته بيرن، يمكن هو. نور مسكت الموبيل. نور: ده رسالة منه. وفاء: بيقول إيه؟ نور: شوفى الصور دى واختارى فستان الفرح اللى هيعجبك يانور، وأنا هشترى لك. نور بعتت له رسالة. نور: عاوزة أكلمك ضروري. هو كتب لها: أسف مشغول أوي، خلي بالك من نفسك. مع سلامة. منصور أقفل موبيل. عند منصور كان قاعد في غرفته ماسك صورة نور وهي صغيرة.

منصور بوجع وحزن: آسف ياحبيبتي، غصب عني أعمل كده. أنتي بقيتي لحد غيري، بقا بينا فراق مستحيل إننا نتقابل تاني. في صباح يوم جديد. خرجت نور من المنزل وذهبت إلى الجامعة. بعد المحاضرات ذهبت هي وورد إلى المول. في مطعم داخل المول. نور: بطلي أكل هتزيدي في الوزن، ورفيق هيسيبك. ورد: مستحيل، حبيب قلبي وعمري مش هيسيبني. فجأة رن هاتفها، كان رفيق. ورد: حبيبي بيتصل، عن إذنك. نور: ههههه، اتفضلي يا أختي.

ورد أخدت الموبيل ووقفت أمام شباك زجاج يطل على البحر. ورد: الو. الواحدة ترد. رفيق: بسمع صوتك ياقمر، أنتي فين الوقتي؟ ورد: في مطعم. المنظر هنا جميل أوي، هبعت لك صورته. عند نور. جرسون: تشربي إيه يا أستاذة؟ نور: أشرب. فجأة سرحت بتفكيرها. **فلاش باك** نور: أبيه منصور. منصور: نعمة. نور: عاوزة أدخل كافيه. منصور: حاضر. دخلت كافيه هي ومنصور. نور: أنا عاوزة عصير مانجا، أصل بحبها أوي. جرسون: تشربو إيه؟ نور: عصير مانجا.

جرسون: وحضرتك؟ نور: برضو عصير مانجا. منصور: لا، برتقال. جرسون: ثواني يكون طلب جاهز. نور: هو أنت مش بتحب عصير مانجا؟ جرسون: أنا بحب عصير برتقال. بسببك. فاقت على صوت الجرسون. جرسون: يا أستاذة. نور: ها؟ جرسون: حضرتك تشربي إيه؟ نور: مانجا. لا، عاوزة عصير برتقال. جرسون: حاضر يافندم. بعد فترة من الوقت. نور وورد دخلوا محل فساتين. نور: ألوان الفستان ده؟ الموظفة: منه أزرق وبني، بس. ورد: اختاري أي يانور.

فجأة نور سرحت بتفكيرها. **فلاش باك** نور: جاكت كان حلو يا أبيه، رجعت ليه؟ منصور: أنا عاوز لون بني، أصل بحب لون ده أوي. **باك** نور: عاوزة الفستان اللي لونه بني. نور اشترت الفستان. عادت إلى المنزل دخلت غرفتها عشان تلبس الفستان. فجأة تسرح بتفكيرها. **فلاش باك** يوم فرح سعد هو أحد الأقارب. منصور: يلا يانور. خرجت من غرفته. مجرد لما شافها ابتسم. نور: إيه رأيك في فستان ده يا أبيه؟ منصور: حلو أوي.

نور: يعني شكله حلو أوي عليه؟ منصور: روعة. نور: أنا هروح بيه فرح سعد قريبنا. منصور: لأنه مش هتروحي بيه في أي مكان. نور: إيه؟ منصور: أنا قولت لا، يعني لا. نور: طب هروح في إيه الوقتي؟ منصور: البسي الفستان البني اللي عندنا. نور: واسع. منصور بحده: هو أنت عاوزة تلبسي ضيق؟ نور: لا، بس. منصور: روحي البسي الفستان وشيلي على وشك ده أحسن ليكي. نور: إيه هو على وشي؟ منصور: الميكب. نور: فين ده؟ منصور: طب تعالي. أخذها ناحية الحوض.

فتح الحنفية. غسلها وشها وهي مغمضة عنيها. نور: خلاص. منصور: عشان تقولي مفيش. **باك** نور راحت عند الدرج أخرجت ورقها. افتكرت كلمته هو بيقولها. منصور: تحبي مين يكون مكتوب اسمه جوه القلب ده؟ أنا ولا كريم؟ نور: أنت وكريم. منصور: اختاري واحد بس. نور: امممم، مش عارفة. منصور: طب خلي الورقة دي معاكي، لغاية لما تعرفي هتكتبي اسم مين جوه القلب. الوقتى نور عرفت هتكتب مين جو القلب. نور مسكت القلم كتبت اسم....