رواية العشق والفراق الفصل الثامن 8 - بقلم نبض القلب

منصور: تحبى مين يكون مكتوب اسمه جو القلب ده أنا ولا كريم؟ نور: أنت وكريم. منصور: اختارى واحد بس. نور: امممم مش عارفة. منصور: طب خلى الورقة دى معاكى لغاية لما تعرفى هتكتبى اسم مين جو القلب. الوقتى نور عرفت هتكتب مين جو القلب. نور مسكت القلم كتبت اسم ..... كتبت اسم منصور. دموع نزلت من عيونها ومسكت صورة منصور باستها. نور: أنا بحبك يامنصور بحبك أوى. مش ممكن أكون لحد غيرك. كانت حياتى وعمرى كله. ثم نهضت من مكانها.

مسحت دموعها. ارتدت ملابس الخروج جهزت نفسها. وفاء: انتى راحة فين؟ علبة إيه اللى فى ايدك دى؟ نور: دى هدايا كريم. وفاء: انتى مرجعاها؟ نور: مش هقدر أكمل معاه. وفاء: انتى جايه تقولى كلام ده الوقتى؟ نور: أنا لسه ماتجوزتش كريم. وفاء: ياابنتى اعقلى وفكرى تانى. نور: لما أرجع هقولك كل حاجة. وفاء: طب استنى أجي معاكى. نور: لازم ألحق كريم قبل ما يروح الشغل. خرجت من المنزل متوجه إلى منزل كريم. عند سامية. سامية: انت مين؟

صابر: أنا صابر ابن عم سعيد. دى أختى عايدة. سامية: أهلا وسهلا. اتفضل. وراحت أحضرت لهم شاى. صابر: البقاء لله. إحنا ما نعرفش إن سعيد توفى إلا من كم يوم. سامية: فيكم الخير. عايدة: سعيد كان ديما قاطع علاقته بينا. سامية: ليه؟ عايدة: خلافات قديمة. كانت ديما مرات عمى بتكره فينا وديما كان بيسمع كلامها من غير ما يفكر.

صابر: خلاص اللى حصل حصل. بقولك أى يامدام سامية عاوزه تجى معنا البلد أهل وسهلا نشيلك فوق راسنا. كل طلباتك هتكون عندك. عاوزة تفضلى هنا هنبعت لك الفلوس اللى انتى عاوزة. بس ورد هناخدها معانا البلد. عايدة: هي ورد فين؟ سامية: اسكتى على اللى عملته. دى جابت لأبوها العار. صابر نهض من مكانه بغضب: انتى بتقولى أى؟ سامية: عاملة علاقة مع شاب. ما أبوها عرف تعب الصدمة كانت كبيرة عليه. صابر: هي فين؟ هربت وراحت لرحمة خالتها.

صابر: انتى عارفة معنى كلامك ده أى؟ سامية: ها أنا مالي بقولك الحقيقة. صابر: مكان خالتها فين؟ سامية: معرفش. بس ابن أختى سواق شافها دخل عمارة. لما سأل البواب قالوا هي ساكنة هنا. صابر: ابن أختك ده فين؟ سامية: زمانه فى الشغل. صابر بغضب: اتصلى بيه يجي الوقتى. سامية: حاضر. اتصلت بهشام ابن أخته. بعد فترة هو حضر. قالهم على العنوان. خرج صابر واخته عايدة. سامية: بنسبة للفلوس. صابر بحدة: هنبعت لك فلوس. سامية: كمنظر لها بغضب.

سامية بخوف: أى حاجة. خرج صابر الشر فى عيونه. ساق العربية وذهب إلى العنوان. عند منصور. ذهب إلى أدهم صاحب الشركة فى المستشفى. منصور: حمد الله على سلامتك يافندم. أدهم: أخبار الشركة أى؟ منصور: تمام يافندم الشغل ماشى كويس ومفيش أى مشكلة. أدهم: أنا عارف إنك هتشغل الشركة أحسن منى. أسيل: تعرف يابابا من ساعة لما تعبت ومنصور ديما معانا واخد باله منا. أدهم ابتسم له. تلتفت وقال لبنته أسيل: ممكن تسبنا شوية. أسيل: في أسرار؟

أدهم: حاجة زي كده. أسيل: حاضر عن إذنكم. خرجت أسيل من الغرفة. منصور: خير يافندم. أدهم: أول ما جيت الشركة يامنصور وأنا بعتبرك ابنى. وكل يوم ثقتي فيك بتزيد. منصور: ده شى يفرحنى. أدهم: أنا عاوز منك خدمة. منصور: من عنيا. أدهم: عاوزك تجوز أسيل بنتي. أنا مش هلقى حد زيك ياخد باله منها. عاوزك تكون أخ لأولادي وتخاف عليهم وتخلي بالك من أملاكهم وفلوسهم. أنا عارف إنك قد الأمانة. منصور: أنا عاوز أقولك. أدهم بتعب: عشان خاطري وافق.

منصور شافه تعبان. منصور: حاضر. عند نور. وصلت إلى منزل كريم. خبطت على الباب. كريم: مين؟ نور: افتح يا كريم. خالته هناك. كريم بكذب: أههي. دخلت. هو قفل باب المنزل بالمفتاح. التفتت له. كريم: تعالى اقعدى. قعدت على ركنه بعيد عنه. كريم: انتى قاعدة بعيد ليه؟ نور: كده كويس. اسمعنى يا كريم بلاش تزعل مني. انت فى الآخر أخويا. كريم: أخويا؟ نور: أنا مش مناسبة ليك ولا انت مناسب لي. كريم: هههههه. عاوزة ننهي الخطوبة؟ نور: أيوه.

مسك الكوبية اللى قدامه بغضب كسرها فى الأرض. هي نهضت من مكانها راحت تفتح الباب. الباب كان مقفول. نور: افتح الباب يا كريم. قام من مكانه هو بيتحرك نحوها. كريم بغضب: أنا اللى كنت خطيبك. كان لازم تحبني أنا. بس انتى أول ما عرفتى الحب تروحي تحبيه. نور: قصدك على مين؟

كريم: قصدى على منصور حبيب قلبك. أوعى تكوني فاكرة إني مش فاهمك. كلامك عليه طول وقت. هو الأحسن فى نظرك. تشربي وتاكلي اللي بيحبه. عيونك بتفرح لما تكلمي عنه. كل ده كان واضح لي. نور: ارجوك سبني أمشي. ضربها بالقلم على وشها. بدأ يضربها جامد. هي تصرخ. كريم بغضب: مش هتخرجي من هنا. نور: ابعد عني يا كريم. شدها دخلها الأوضة وقفل عليه. نور: افتح الباب. كريم: مش هتخرجي من هنا. هجيب المأذون وهتجوزك غصب عنك.

فادية وصلت البيت اصدمت لما سمعت صوت نور فى الأوضة. فادية: هي نور فى الأوضة؟ كريم: أيوه. فادية: يخرب عقلك. قفل عليها الباب. كريم: مش هتخرج وهتفضل هنا. فادية راحت فتحت الباب. فادية: في أى؟ نور: ابنك المحترم يقولك. حاجتك عندك. كل حاجة جبتها لي. أحسن لك ما أشوفش وشك تاني. خرجت من المنزل. راحت شقتهم. دخلت غرفتها تبكي. مسكت الموبيل بترن على منصور. تليفونه كان مقفول. عند منصور. بعد فتره من الوقت منصور خرج من المستشفى.

ساق العربية وكانت معه أسيل. أسيل: بابا قالك أى؟ منصور: أسرار. أسيل: أسرار. عليا أنا. منصور: بكرة تعرفيها. أسيل: بقا كده. طب نزلني هنام. منصور: انتى مجنون بقا. أسيل: أيوه أنا مجنونة وعاوزة أنزل الوقتى من العربية. منصور: هههههه معلش استحملي شوية لغاية لما أوصلك الفيلا ابقى انزلي. أسيل: تليفونك بيرن. منصور لم يركز أن اللي بيرن نور. فتح الموبي. منصور: الو مين؟ نور: منصور. واقف عربية مرة واحدة.

زاد خفقان قلبه لما سمع صوته. هادي أول مرة يسمع صوتها بعد ثلاث سنين. عند ورد. ورد: الو أيوه يارفيق. رفيق بتمثيل: أنا تعبان أوى. ورد: مالك في أى؟ رفيق: دكتور قالى قلبك. ورد بخوف: قالك أى؟ رفيق: قالى لازم تشوف صورة البنت اللي بتحبها ضروري عشان قلبك يدق من تاني. ورد تلتقت أنفسها: أخص عليك. أنا قلبي كان هيقف من خوف عليك. رفيق: بعد شر عنك ياقلبي ياروحي. ورد سمعت خبطت على الباب.

ورد: خليك معايا هروح أفتح الباب. بين خالته نسيت المفتاح. رفيق: طيب. سابت الموبيل على ركنه اللي في الصالة. راحت فتحت الباب. صابر: أهلا. ورد: مش أنت عمو صابر صح؟ أنا فاكرة إني شوفتك قبل كده. صابر بعيون كلها شر وتخوف: أيوه. عمك صابر اللي هيشرب من دمك.