رواية العطر الفريد الفصل الخامس عشر 15 - بقلم هنا سلامة

تاليا بدموع: أنا حامل منك! قالتها وأغمي عليها بين إيده. فريد اتصدم ونده على الدكتور بسرعة يكشف عليها. الدكتور: متخافش دي دوخة. ولو على الحمل هنعمل تحليل بس هيطلع كمان يومين بس هي تفوق ونعرف. فريد بتوتر: طيب يا دكتور شكراً. طلع الدكتور وفريد قعد على الكرسي وهو بيهز في رجله لحد ما فتحت تاليا عيونها وقالت بتعب: فريد. قرب فريد عليها وقعد جنبها وقال: انتي كويسة يا آنسة تاليا؟ تاليا اتعدلت

ومسكت إيده وقالت بدموع: حبيبي. انت مش فاكرني؟ فريد بلع ريقه من كلمة حبيبي وقال بتوتر: آنسة تاليا مينفعش كده وإحنا في... تاليا بتصميم وهي بتقرب عليه: لا ينفع. انت جوزي. وحبيبي. وإحنا بنحب بعض. ولازم تفتكر يا فريد! لازم يا فريد. فريد كان زي التايه. قربت منه وسندت على صدره وسمعت دقات قلبه اللي كانت في صراع حرفياً. وبعدين رفعت راسها

ليه وهي مبتسمة بحب وقالت: لو عقلك ناسي. فقلبك فاكر ومدون كل لحظة بينا. قلبك فاكر كل حرف بينا. فاكر أول مرة اتقابلنا. فاكر أول كل حاجة لينا. حطت إيدها على قلبه وقالت بثقة: فاكر يا قلبي. مش كده؟ قربت عليه ولسه هتبوسه. ضربها بالقلم وبعد. تاليا بصدمة: فريد! فريد بزعيق وتشـ*ـنج: اسمي فريد بيه. وانتِ مجرد سكرتيرة عندي! ولو على الحمل فدي لعبة قذ*رة منك أكيد. تاليا حطت إيدها على بطنها وقالت بدموع: فريد!

فريد بعصبية: قالت فريد بيه. ولو فاكر إني بتاع بنات وهـ*ـريل عليكي تبقي غلطانة. وصدقيني هقف على رجلي من تاني وأفوق من الحـ*ـدثة اللي عملت فيا كده وهطـ*ـردك من الشركة! تاليا كانت مصدومة وكانت لسه هتتكلم. لقت الدكتورة داخلة عشان تعملها التحليل. *** في الشركة. راحت تاليا مع فريد ومكنتش بتتكلم وكانت بتتجاهله تمامًا. لحد ما خلصوا يومهم في الشغل. وتاليا روحت على الحارة وهو روح فريد على الفيلا. *** في الفيلا.

خليل بخُـ*ـبث: قلب بابا. عملت النهارده إيه في الشغل؟ فريد سند ضهره على الكرسي وقال: بابا هو أنا وتاليا كان في بينا حاجة؟ خليل بمـ*ـكر: والله يا ابني تاليا دي بينها وبين كل راجل حاجات. بس انت غير أي راجل. فريد بإستغراب: يعني إيه؟ مش فاهم قصد حضرتك. خليل: اطلع نام بس دلوقتي وبكرة نتكلم. فريد بتنهيدة: فعلًا أنا تعبان ومرهق. تصبح على خير يا حبيبي. *** عند تاليا.

تاليا بعياط في الفون: بقولك ناسي يا هدير. وخليل ده بيلعب لعبة عليه. هو وعمه. هدير بتنهيدة: طيب فين ورقة الجواز والقسيمة يا بنتي؟ تاليا: كل حاجة كانت مع فريد. معرفش أماكنهم بس يمكن في شقة المهندسين. هدير بإصرار: يبقى تروحي حالا يا تاليا. لسه الساعة 7 بليل. تاليا وهي بتمسح دموعها: طيب هروح وهبقى أطمنك. *** عند خليل. دخل الأوضة على فريد وبدأ يصحيه براحة وهو بيقول بمـ*ـكر: فريد. فريد فتح عيونه وقال بنوم: نعم يا بابا؟

خليل بمكر: كاميليا بنت واحد صاحب شركات في مصر هنا. صاحبي يعني. المهم هي عايزة تتعرف عليك. فريد بإستغراب: هي البنات دلوقتي هي اللي بتطلب التعارف يا بابا؟ خليل بضحك: لا لا. بس هي شافت صورك ومعجبة بيك يعني. اتنهد فريد وقال: طيب هقابلها. *** في مطعم إستيك أوت. دخل فريد لقى المكان كله محجوز. ومفيش غير ترابيزة واحدة قاعدة عليها بنت شعرها أحمر وعيونها خضرا ولابسة فستان قصير ومفتوح بطريقة مبا*لغ فيها. فريد حمحم: كاميليا؟

كاميليا قامت وابتسمت وقالت بد*لع: أيوه. هاي. فريد قعد قدامها وابتسم: أهلًا. كاميليا بد*لع: باباك حجز المكان لينا. بجد عمو خليل ده حكايه. طول عمره بيحبك أوي أوي. أوي. فريد ببرود: طبيعي يحبني. مش أنا ابنه؟ كاميليا بتنهيدة خبيـ*ـثة: لا مش طبيعي. الأكل نزل. فـ قال فريد بإستغراب: هو إيه اللي مش طبيعي؟ كاميليا بدموع: أصل بابي عمره ما حبني كده. بابي طول عمره ر*اميني عند مامي في الـ"استيتس" (الولايات المتحدة)

. ومش بيسأل عليا. ولما سأل. سأل عشان الجواز! فريد بتعا*طُف معاها: طيب اهدى يا كاميليا. اتفتحت كاميليا في العياط. فـ قام فريد يطبطب عليها وهو بيقول بشـ*ـفقة: طيب أعمل إيه عشان تبقي كويسة وتبطلي عياط؟ رفعت راسها ليه وقالت ودموعها نازلة وهي بتعُـ*ـض طرف شيـ*ـفتها: نرقُص. فريد ببرود: تمام يا ستي. قومي. قامت كاميليا معاه وبدأوا يرقصوا. لحد ما قالت: حبيت قبل كده؟ فريد بضحك: مش فاكر.

كاميليا: أنا حبيت كتير أوي. عيشة أمريكا بـ*ـتبوح ليك أي شيء وفي أي وقت وأي مكان. فريد بتنهيدة: بس لو انت متربي وعارف ديـ*ـنك وعارف الصح من الغلط والحلا*ل من الحر*ام. لو حطوك في أي مكان وحش عمرك ما هتغلط. كاميليا بلو*ية بوز: تقصد إني مش محتر*مة؟ فريد ببرود: لا أكيد. المهم انتِ جاية بمزاجك ولا غـ*ـصب؟ كاميليا بد*لع وهي بتلمس وشه: بمزاجي أوي. وانت؟ فريد ببرود: معرفش. بعدت كاميليا عنه وجابت كأ*س خمـ*ـرة

وقالت: أما تشرب. هتعرف. *** بعد مرور وقت. في شقة المهندسين. كاميليا بضحك: انت سـ*ـكرت خاااالص. فريد بسُـ*ـكر وهو بيقفل الباب برجله: دي حقيقة. كاميليا وهي بتبو*س خده: ممكن آخد شاور؟ فريد بضحك: ما تستحمي في بيتكم. ولا هي النضافة حبكت في بيتي؟ كاميليا عرفت هنا إنه سـ*ـكر خالص. فـ دخلت على الأوضة وسابته مش عارف يسند طوله بره. لحد ما خرجت وهي لابسة قميص نوم وقالت بد*لع: فريد. حبيبي.

فريد رفع راسه ليها ببرود وهو مش حاسس بأي شيء رغم د*لعها ولبسها وحركتها. قربت وحاوتت رقبـ*ـته وقالت بميا*عة: إيه رأيك نتجوز عُر*في. لحد ما نتجوز رسمي؟ فريد كان لسه هيعـ*ـترض. لقاها بتبو*س خده وبتقاطعه: هششش. مش عاوزة ردك دلوقتي. إيدها اتجرأت وبدأت تشيل الچاكيته بتاعته بإيدها. ومن دو*خة فريد وسُـ*ـكره وقع عليها على الأرض. لسه جاي يتأسف. فجأه دخلت تاليا وشافت المنظر ده قُدامها! تاليا بصدمة: فـ..فريد!