رواية الان اقول احبك الفصل الثامن 8 - بقلم ندي سامي

ساره كانت بتلبس فارس جاكيت البدله و بتعدلو الياقه و هى بصاله بحبساره بغيره: "عارف لو واحده كلمتك و اتدلعت عليك و رديت عليها هعمل فيك ايه" فارس: "يا حبيبتى انتى إلى ف القلب اص" ساره بضحك: "اوعى التثبيت" دخل عليهم الياس و نيروز بلبس المدرسه. فارس: "حبايبى العسلات تعالو" وطى و فتح دراعاتو و حضنهم جامد و شاور ل ساره تيجى و هى راحتلهم و حضنو بعض كلهم و بعدين ساره بعدت. ساره:

"يلا عشان متتأخروش الباص قرب يجى و انت يا حبيبى يلا عشان متتأخرش ع الشغل" خرجو كلهم من الاوضه و ساره طلعت مع الياس و نيروز ركبتهم الباص و فارس سلم عليها و ركب العربيه و راح الشركه. *** ف الشركه. دخل فارس بهيبه المعتادة و كل الناس بصاله و فى منهم إلى باصلله بحقد و عايز ياخد مكانو و فى منهم إلى باصص باعجاب. *** ف المكتب.

دخل فارس و قلع الجاكيت و قعد ع الكرسى و فتح اللاب و بعدها دخلت عليه السكرتيره و معاها كوبايه قهوه و راحت ناحيتو بدلع. السكرتيره: "قهوه مظبوطه زى م انت بتحب" فارس بتعديل: "حضرتك زى م حضرتك بتحب" كمل بابتسامه مستفزه: "حطى الملفات و ارجعى مكتبك" حطت الملفات و بعدين قربت منو. السكرتيره: "الياقه مش مظبوطه استنى اظبطهالك" لسه هتمد أيدها بعد و قال: "انا بحبها كده تقدرى تتفضلى"

خرجت السكرتيره بضيق و فارس بص مكانها بعصبيه و بعدين كمل شغلو. *** عند الياس و نيروز ف المدرسه. نيروز كانت قاعده ف الفصل بتاعها بتلعب ب العرايس بتاعتها و فجاه جت واحده رمت كل العرايس بتاعتها من ع الدسك. نيروز بطفوليه: "ايه إلى عملتيه ده عرايسى"

راحت ناحيتهم تلمهم و هى بتدمع و كلهم واقفين يتريقو عليها و فى ولد قرب ناحيتها و مسك عروسه كسرها و ف الوقت ده كان الياس معدى و شاف كده ف دخل اتخانق مع الولد و ضربو بعض و دى كانت اول مره يعمل كده عشان هو مكنش بيحب التعامل مع الناس اصلا. المدرسين فكو بينهم و خدو الياس و الولد إلى اتضح انو قدو ف السن و نيروز و البنت التانيه و عملولهم استدعاء. *** ف فيلا ساره و فارس.

ساره كانت قاعده بتعمل الاكل مع المساعده و فونها رن ف سابت الحاجه و راحت ترد. ساره: "السلام عليكم" صوت من التليفون: "و عليكم السلام .. حضرتك مدام ساره والده الياس و نيروز" ساره بخوف: "ايوه هما كويسيين حصلهم حاجه" صوت من التليفون: "اه يا فندم كويسين بس كنا عايزين حضرتك تيجى المدرسه دلوقتى عشان فى مشكله" ساره: "خير فى ايه" صوت من التليفون: "مش هينفع ع التيلفون" ساره: "تمام انا جايه"

قفلت معاها و قالت للمساعده تكمل هى و راحت تلبس. *** ف الشركه. فارس كان قاعد بيشتغل و لقى تليفونو بيرن و كانت ساره. فارس: "حبيب قلبى لحقت اوحشك" ساره: "عيالك عملو مشكله ف المدرسه يا فراس" فارس: "ازاى يعنى" ساره: "معرفش الاخصائيه كلمتنى و عايزانى و انا رايحه دلوقتى" فارس: "طب انا جاى اقفلى" ساره بسرعه: "لا خليك انت كمل شغلك و انا هشوف فى ايه" فارس: "ماشى يا حبيبتى بس ابقى طمنينى" ساره: "حاضر"

قفل معاها و دخلت عليه السكرتيره. السكرتيره بدلع: "مستر فارس الاجتماع هيبدأ و مستنينك" فارس بصلها بقرف و خد الجاكيت بتاعو لبسو و راح اوضه الاجتماعات من غير م يديها اهتمام و ده عصبها. *** ف المدرسه. ساره وصلت و دخلت اوضه الاخصائيه لقت الياس و نيروز قاعدين جمب بعض و قدامهم الولد و البنت. الاخصائيه: "اتفضلى حضرتك اقعدى هنا" ساره راحت قعدت مكان م الاخصائيه بتشاور و كل ده و هى باصه على الياس و نيروز. الاخصائيه:

"حضرتك زى م انتى شايفه ولاد حضرتك اتخانقو مع البنت و الولد دول أو بمعنى أصح ابنك هو إلى اتخانق" ساره: "مستحيل الياس اصلا بيخاف يكلم الناس" الاخصائيه فتحت الكومبيوتر ع تسجيل الكاميرا و قالت: "اهو يا فندم لو مصدقانى" ساره بعد م شافت الفيديو: "بس هو مضربوش م الفراغ الولد كسر لعبه نيروز و البنت رمت اللعب ع الأرض" الاخصائيه: "بس كان ممكن ينده اى ميس تتعامل مش يضرب" ساره:

"انا شايفه أن تصرف ابنى صح و سريع عشان الولد و البنت ميعملوش كده تانى" الاخصائيه بغيظ: "حضرتك الولد اتضرب جامد" ساره ببرود: "المطلوب منى اعمل ايه يعنى" الاخصائيه: "ابنك لازم ياخد فصل اسبوع" ساره: "وانتى فاكره ان لما حد يعمل مشكله و يتفصل ده الحل ده بالعكس اصلا اغلب العيال دلوقتى مش بتحب تروح المدرسه انتو كده بتكافئوهم" بصتلها الأخصائية بغيظ و قالت: "حضرتك تقدرى تاخديهم و تمشو مش هيكملو اليوم الدراسى"

ساره قامت بثقه و خدت الياس و نيروز و مشيو و كانو طول الطريق ساكتين. *** ف البيت. وصلو البيت و ساعتها ساره انفعلت عليهم. ساره: "بتضرب الواد يعنى يوم م متبقاش خايف م الناس تضرب الواد يا جبروتك يا اخى ياض ده انت لسه ف كيچى امال لما تكبر هتعمل ايه … وانتى مقولتيش ليه للميس لما البنت وقعت لعبك" نيروز بدموع: "مكانتش موجوده"

ساره لما لقت أن نيروز هتعيط راحت نحيتها و حضنتها و قالت ل الياس يجى و حضنتو هو كمان و فضلو كده شويه و بعدين ساره بعدت. ساره: "خلاص كفايه نكد بس متعملوش كده تانى" قالت لتغير الجو: "عاملين حته حله محشى انهارده فله .. اطلعو غيرو و كلو السندوتشات لحد م الاكل يجهز" *** ف الشركه. خلصو الاجتماع و فارس خرج راح مكتبو لقى السكرتيره “نانسى” جايه وراه ف وقف فجاه و لفله. نانسى: "كنت جايه اقول لحضرتك لو فاضى ننزل نتغدا مع بعض"

فارس ببرود: "لا هروح اتغدى مع مراتى" قال كده و خد حاجته و مشى و هى بصت بعصبيه و حلفت لتبوظ جوازتهم و تخليه يتجوزها. نانسى بحقد: "ماشى يا زفته يا إلى اسمك ساره مبقاش نانسى لو مبقتش حرم فارس الخولى و ام عيالو" *** تحت قبل م فارس يمشى م الشركه شاف ابن صاحب ابوه إلى بيشتغل معاهم جديد ف راح نحيته. فارس: "عامل ايه يا بطل" الولد: "الحمدلله ازى حضرتك" فارس: "الحمدلله و بعدين متقوليش حضرتك دى تانى احنا اخوات" الولد بضحك:

"تمام" فارس: "يلا همشى انا كمل شغلك" سلم عليه و مشى ركب العربيه و رجع الفيلا. *** ف الفيلا. رجع فارس لقى نيروز قاعده بتلعب ب العرايس و الياس قاعد قدام التليفزيون بيذاكر. فارس: "حبايب بابا مش هيجو يسلمو عليه" الياس و نيروز اول م سمعو صوتو جريو عليه و حضنوه. فارس بابتسامه: "وحشتونى اوى" الياس و نيروز: "وانت كمان" فارس: "فين ماما" ساره و هى خارجه م المطبخ: "انا اهوو" وراحتلو و هى مبتسمه و هو حضنها بنفس الابتسامه. فارس:

"شامم ريحه اكل خطير و الواحد جى ميت م الجوع" ساره: "عامله محشى" فارس بتلذذ: "يالهوى ع الجمال يا جماعه انا رايح اغير ع بال م تحطو الاكل" ساره ضحك و هو باسها من خدها و طلع يغير و هى دخلت المطبخ و بدأت تجهز الاكل مع المساعده و لما فارس نزل كانت السفره جهزت. فارس بدهشه: "ده شكلو امال طعمو عامل ازاى" ساره بضحك: "دوق و احكم"

قعد ياكل بتلذذ من طعمه و ساره بصاله بحب و بتأكل نيروز و كل م تقول ل الياس يقولها انا بعرف اكل لوحدى. *** ف مكان مجهول. صوت: "ضياء معايا" ضياء: "ايوه مين" صوت: "كنت عايزه منك خدمه" ضياء: "سامعك" صوت: "ساره فؤاد .. اكيد عارفها كنت عايزاك تساعدنى ف ….."