رواية الانتقام من الأب الفصل السابع 7 - بقلم اسماء زيدان

بصت فالبصمات بذهول. اللواء: لسه مصممه على اللي ف دماغك؟ ايام: طبعاً، وأكتر من الأول. على الأقل البصمات مطابقة بنسبة 85%، يعني دا دليل. أيوا مش كافي بس كدا، لسه في أمل. وحضرتك بطلب منك تطلع تصريح بالقبض عليه وتعملوا تحقيق معاه كمان. اللواء: أيوا هيطلع تصريح بالقبض عليه. بتهمة إيه يا سيادة العميد؟ ايام بتحاول تسيطر على غضبها: يافندم، بقولك اغتصب ضحى. عبد الله أنور، وأنا مش هسيب حق أمي. اللواء: أمك!!!

ايام: أيوا يافندم، أمي. اللواء: إزاي يعني أمك؟ وإنتي من بورسعيد؟ إزاي هيكون اغتصبها وهي من بورسعيد؟ ايام: حضرتك، الأسئلة دي مش ليا. تبقى له هو. أرجوك طلع تصريح بالقبض. اللواء: آسف يا سيادة العميد. إنتي عارفة مين معتز الدمنهوري الأول؟ وحاجة زي كدا برضوا مش دليل إنه يتقبض. وخصوصاً الحاجات اللي إنتي طلبتي بصماتها جبتيها من بيته، والقلم من مكتبه. عايزة يكون في إيه يعني؟ ما أكيد دي حاجاته ولازم بصماته موجودة عليها.

ايام بتسيطر على نفسها وقامت وقفت: تمام، يعني حضرتك شايف إن دا مش دليل صح؟ اللواء أخد نتيجة البصمات ورماها ف سلة المهملات: أيوا مش دليل، وإنتي مش قد معتز. وركزي ف شغلك أحسن وحاولي تثبتي نفسك. ايام بصتله بتحدي ومشيت. خرجت من المكتب وطلعت توقف تاكسي. فالوقت دا كان أرسلان ف عربيته ومعاه أدهم ومحمد وعدي. من قدام المديرية وأول ما شاف ايام وقف العربيه ونزل راح عندها. أرسلان: بتعملي إيه هنا؟ ايام بغضب: وإنت مالك؟

اتفضل شوف إنت رايح فين. أرسلان: لا، مانا لازم أفهم إيه حكايتك. وكمان بتعملي إيه عندنا فالفيلا؟ وإلا قسمًا بربّي أروح أبلغ عنك اللواء ف المخابرات وأقوله كل حاجة شوفتها. ايام بغضب: إنت بتهددني؟ أرسلان: إنتي شايفة إنه تهديد؟ اعتبريه تهديد. ولازم أعرف كل حاجة. ايام بتحدي: وإنت مش من حقك تعرف حاجة. وأعلى ما في خيلك اركبه. وسبت ومشت. وقفت تاكسي وطلعت على مكان شغلها. وهو مذهول منها ورجع عربيته. أدهم: في إيه؟

وكانت العميد ايام بتعمل إيه هنا؟ أرسلان: مفيش. محمد: إنت يابني بنكلمك ف إيه؟ أرسلان بغضب: تعرف تخرس إنت وهو. أدهم: طب ماتقول ف إيه؟ عايزين نفهم مالك. أرسلان بعصبية: مش لما أفهم أنا الأول. مش عايزة أسمع صوت بقا. لاما تنزلوا. أدهم ومحمد سكتوا ومستغربين من عصبيته. وهو وصل الفيلا وبدأ يدور عليها. أرسلان: داده ياداده. نجيه: أيوا يابيه. أرسلان: فين السكرتيرة الجديدة تبع عمي اللي جات امبارح؟ نجيه: خرجت ولسه مجتش.

أرسلان مردش وسابها ومشي. قعد ينتظرها فالجنينة. وهي راحت المخابرات وبدأت تشوف شغلها بس مش عارفة تشتغل كويس. بتفكر هتعمل إيه فاللي جاي وإزاي هتثبت حادثة الاغتصاب. ونسيت شغلها وقعدت تفكر. لحد ما الظابط: سيادة العميد، الوقت خلص. حضرتك مش ماشية؟ ايام: لا، همشي. ياعم عبدو، اتفضل إنت. وبعدها قامت ومشيت. أما عند سليم وحبيبة فالأوضة. سليم: هااا ياحبيبة، مش هتقولي حاجة؟ حبيبة بصة فالأرض ومبتردش.

سليم: اتكلمي ياحبيبة، أنا سامعك. حبيبة: بص يابابي، والله أنا معملتش حاجة غلط. دي اللي فاتحة شات معاها واحدة صحبتي. وسليم بمقاطعة: أمّال أخوك لما شاف الشات قال واحد من بره مصر ليه؟ حبيبة: اسمعني طيب. سليم: سامعك، كملي. حبيبة: دي واحدة صحبتي سافرت السنة اللي فاتت مع أخوها ف انجلترا. والإيميل دا بأسم أخوها. بس هي بتفتحه عشان نتكلم سوى. لأننا صحاب أوي. وهي بتعتبرني أختها. لأنها وحيدة وكدا. صدقني يابابي مش بكذب عليك.

سليم ابتسم براحة: امممم، طيب ليه مقولتيش كدا لسيف وخلصتوا الموضوع بدون خناق وصوت عالي كدا؟ حبيبة: عشان يابابي، هو بيستفزني كتير. وكنت لسه هتكلم راح ماسك شعري. سليم: ماشي ياستي، بس دا تؤامك. يعني بتحسوا ببعض صح؟ حبيبة: صح يابابي. أنا آسفة. سليم وهو ماسك إيدها وخارج: لا، آسفة دي تقوليها لسيف. ويلا ناكل الكيك بتاع ماما. حبيبة ابتسمت بمرح: يلا يابابي ياعسل. مروه بغيظ: مين دا ياختي اللي عسل؟

حبيبة غمزت لسليم: بابي هو اللي عسل وسكر كمان. يا خرااااشي عليك ياسيمو. مروه بغضب: بت، احترمي نفسك وامشي يلا من هنا. حبيبة: لا، لما ناكل الكيك سوى أنا وحبيبي العسل. مروه بغيظ بصت لسليم لاقته كاتم الضحك: والله واقف تضحك ياخويا إنت كمان. سليم: أعمل إيه يعني؟ بنتك اللي بتعكسني. مروه: بقا كدا. ماشي ياسليم. وسبتهم ومشيت على المطبخ. وسليم ضحك بعلو صوته: يخربيتك ياحبيبة. أصلحها إزاي دلوقتي؟

حبيبة: أنا مالي يالمبي. شوف إنت اللي سايب الكل يعاكس فيك. وبصوت عالي قالت: الله أعلم بقا فالشركة بيحصل إيه. سليم بصلاها بصدمة وهي جريت على أوضته وبتضحك. ومروه طلعت من المطبخ بغضب وماسكة سكينة وبتقرب من سليم. وسليم بيرجع لورا لحد ما خلاص مفيش غير الحيطة. ومروه وهي بتقرب السكينة: قولي بقا بيحصل إيه فالشركة. سليم بيمثل الخوف: طب بس ابعدي شوية. السلاح يطول. مروه بتقرب أكتر: رد ياسليم. متغيرش الموضوع.

سليم وهو محاوطها: والله مفيش حاجة بتحصل. دانا جايب سكرتير راجل. الصقر يقف على شنبه. أعمل إيه تاني؟ مروه وهي رافعة السكينة: أمّال إيه اللي بنتك بتقوله دا؟ سليم بهمس: وإنا مالي. روحي اسأليه. مروه بتحاول تبعد: طب اوعى كدا أروح أسألها. سليم: بعد دا كله والرعب دا والسكينة دي وبتقولي اوعى؟ لا يا ماما لازم آخد حقي. مروه بصدمة وتوتر: حقك؟ حقك من إيه؟ ابعد كدا. وزقته وجريت عند حبيبة. وهو فضل يضحك. (😂😂)

وايام جات. وهي داخلة الفيلا وقفها صوت أرسلان. أرسلان: أنا لازم أتكلم معاكي. ايام: بصفتك إيه إن شاء الله؟ أرسلان: بصفتي عارف حقيقتك. وبصفتي قاعدة ف بيتي. ولازم أعرف إنتي هنا بتعملي إيه. ايام بصتله وسكتت. أرسلان: ردي بكلمك. ايام: طيب ممكن بعد العشا ونقعد ف مكان هادي عشان أحكيلك. أرسلان رفع حاجبه: ممكن. وسابها ومشي. وهي طالعة أوضته سمعت صوت حد بيأن من الألم. وقفت تشوف الصوت جاى منين. لحد ما عرفت إنه من أوضة أخوها رعد.

ايام فتحت الباب لاقته ماسك رأسه بألم ومش شايف قدام. قربت منه. ايام: إنت كويس؟ فيك حاجة؟ رعد بعصبية: ملكيش دعوة. اطلعي بره. ايام بغيظ ولسه هتمشي ورعد بألم: ممكن تنادي داده نجيه؟ ايام: ليه؟ رعد بألم وعصبية: أخليها تجبلي عصير أو حاجة عشان الصداع دا. ايام: خلاص، أنا هنزل أجيب لك عصير. رعد: بالبرتقان. ايام بابتسامة: ماشي. (خنقني ياعم بالبرتقان بتاعك دا. مع إن المانجا والجوافة أحلى بكتير 😂😂)

نزلت ايام وبدأت تعمل العصير، وأخدته وطلعت. ايام: اتفضل. رعد: بالسرعة دي؟ ايام: أمّال إيه دا؟ مجرد عصير. اشرب بقا عشان تهدى. رعد شرب العصير بس الصداع لسه مستمر. ايام: طب مفيش مسكن؟ هنروح. رعد بألم: مش عارف. هموت من الصداع. شوفيلي حل. ايام: طب اهدى. هنزل أسأل داده نجيه. أكيد هي عندها. نزلت فعلاً وقالت لنجيه. ونجيه: وإنتي عايزة مسكن لأي؟ ايام: أصل رعد عنده صداع جامد وشرب عصير ومفيش فايدة برضوا. حضرتك عندك ولا لأ؟ نجيه

بابتسامة خبث لاحظتها ايام: طب اطلعى إنتي ارتاحي. وأنا هجيبله عصير ومسكن. ايام رفعت حاجبها: ماهو شرب العصير. هاتى بس المسكن وارتاحي إنتي. نجيه بتوتر: طب اصبري. مش عارفة هو فيه ولا لا. هدّور. ايام: طب بسرعة. نجيه دخلت أوضة وبعدها خرجت. ونجيه: للأسف مفيش عندي. روحي هاتى من الصيدلية. هي قريبة من هنا. ايام: طيب. ماشي. ومشت. ونجيه دخلت المطبخ حضرت عصير ودخلت أوضتها. حطت المخدر وطلعت تاني عند رعد.

ونجيه: سلامتك ياحبيبي. خد اشرب العصير وانت هتهدى. رعد بألم: شربت ياداده ومفيش فايدة. هي ايام راحت فين دا كله بتجيب مسكن؟ نجيه قربت منه وادتله العصير. نجيه: بس اشرب العصير بتاعي وانت هترتاح على الآخر وهتشوف. رعد بقلة حيلة بدأ يشرب العصير وفعلاً الصداع بدأ يختفي. ايام جابت مسكن وطلعت لاقته شرب العصير ونجيه واقفة تبصله بانتصار. ايام: جبت لك مسكن يارعد. رعد: خلاص يا ايام شكراً ليكي. العصير بتاع داده عمل اللازم. هههه.

ايام بصت لنجيه: وعصير إيه بقا دا اللي خلاه الصداع يروح؟ نجيه: عصير برتقان. ايام: مانا برضو عملت عصير برتقان ومعملش حاجة للصداع. اشمعنى العصير بتاعك بقا؟ نجيه بتوتر: هااا، مش عارفة بقا. هسيبكم وانزل أنا. ونزلت نجيه. وايام: وأنا كمان همشي. وإنت ارتاح. رعد بابتسامة: ماشي.

وايام نزلت ورا نجيه على المطبخ. ولاقتها بتغسل الكوبايه كويس جدا. وبعدها طلعت من المطبخ على أوضتها. وايام دخلت المطبخ ومسكت الكوبايه وبدأت تشم فيها. بس مفهاش حاجة. سابتها وراحت أوضتها وغيرت هدومها. وبعد وقت نزلت لاقت الكل قاعد على السفره. ايام: مساء الخير. معتز: مساء الخير. اقعدي كلي. ايام ابتسمت وراحت قعدت جنب حبيبة. وبصت ل رعد. ايام: عامل إيه دلوقتي يارعد؟ رعد: كويس الحمدلله. مايا: ليه كان مالك؟

رعد: مفيش كان شوية صداع بس. مايا: ألف سلامة عليك ياحبيبي. رعد: الله يسلمك ياما. معتز: سلامتك. أرسلان: ألف سلامة عليك. حبيبة وسيف: سلامتك، ألف سلامة. مروه: ألف سلامة عليك ياحبيبي. سليم: سلامتك يابني. رعد: الله يسلمكم كلكم. (كل دا عشان شوية صداع 😂😂) شاهي: أرسلان عامل إيه؟ أرسلان: كويس. شاهي بغيظ: هو مفيش غير الكلمة دي ترد بيها؟ أرسلان: أمّال عايزة أرد إزاي؟ شاهي: في حاجة اسمها تمام بخير. أي حاجة. مش كل حاجة كويس كويس.

أرسلان رفع حاجبه ومردش عليها. شاهي: على فكرة بكلمك. أرسلان: وإنا خلصت كلامي. ممكن آكل بقا. حبيبة: ماتسكتي ياشاى إنتي. خليه ياكل. دا عنده شغل صعب. شاهي بعصبية: شاى شاى. احترمى نفسك. حبيبة بعصبية: أنا محترمة غصب عنك. وبعدين بهزر. إيه؟ مينفعش أهزر مع بنت عمي؟ شاهي: لا ياست. متهزريش معايا بعد كدا. حبيبة وهي بتاكل: ماشي ياشاى. سوري. شاهي قامت بعصبية وسابت الأكل. مروه: ميصحش كدا ياحبيبة. قومي اعتذري منها يالا.

حبيبة: ياماما، أنا بهزر. مروه: وهي مقبلتش الهزار. يبقا تعتذري. يلا قومي وهاتيها معاكي للأكل. اقعدي. يالا قامت حبيبة بغيظ وطلعت أوضتها. وهما خلصوا أكل. ورعد: داده، هتلي العصير بتاعي لو سمحت. نجيه: حاضر. ايام بصتلهم وقامت. وأرسلان قام وراها. أرسلان: منتظرك فوق عشان أفهم كل حاجة زي ما اتفقنا. ايام هزت رأسها ومشيت.

ومعتز وسليم دخلوا المكتب. ومايا ومروه قعدوا يشاهدوا التلفاز. وسيف وحبيبة بيذاكروا. ورعد فالجنينة. وشاهي ف أوضتها. نجيه حضرت العصير. ونجيه: العصير يارعد بيه. رعد: مابلاش بيه دي. وقوليلي رعد كدا عادي. نجيه: ماشي يارعد. اشرب العصير بقا عشان أروح أنام. رعد ابتسم وبدأ يشرب العصير. وبعد وقت أخدت نجيه الكوبايه. وهي داخلة ايام خبطت فيها. والكوبايه وقعت فالأرض. ونجيه بصدمة: ينفع كدا؟ ايام: سوري. مقصدش ياداده.

نجيه مشيت تجيب حاجة تلم فيها الإزاز. وايام أخدت عينة من الإزاز وحطتها ف كيس. ومشيت على أوضتها. وأخدت دفتر والدتها. وطلعت فوق سطح الفيلا عند أرسلان. أرسلان: كل دا تأخير. ايام ببرود: سوري. أرسلان: أسفك مش مقبول. احكيلي يلا. بتعملي إيه هنا؟ ايام مدت إيدها بالدفتر: تقدر تقرا الدفتر دا. وهتفهم كل حاجة. وبعد وقت نزل أرسلان الدفتر من إيده بصدمة. أرسلان: مستحيل. ماما. ايام: ...