رواية الاسطى حور الفصل الحادي عشر 11 - بقلم نورا اسلام

حور: طب يا ست الرومانسية .. سلام دخل اياد العربية وهو بيقول لحور: هفسحك بس قوليلى الطريق .. أنا توهت عشان أجيبك الجامعة أصلاً حور: طب ما تروح بينا على البيت أسهل .. أنا تعبانة وعايزة أنام اياد: ده في أحلامك وساق العربية وسط استغراب تامر .. وغضبه .. إنها إزاي سمحت لحد إنه يعمل معاها كدا بص على العربية وهي بتتحرك ورجع عربيته وساق بأقصى سرعة وهو ماشي ورا العربية حور: اقف عند كورنيش النيل اياد: هنا؟ حور: آه ..

انزل هات حمص شام اياد: حاضر خرج من العربية وراح للراجل يشتري حمص شام .. وخرجت حور وقعدت على الكورنيش وهي بتتنفس براحة .. قرب منها وهو بيديها كوباية حمص الشام وقال: لسه زعلانة حور وهي باصة للنيل: مش مهم اياد: مش مهم ليه؟

حور: بص يا اياد .. أنت جيت بعد غيبة .. وعايز تمشي تاني .. لما روحت مع ماما زمان كان نفسي أروح معاك .. بس ماما قالت إنها شهر وهترجع وسابتني مع بابا على أمل إنها في يوم ترجع بس مرجعتش وأخدتك معاها فضلنا أنا وبابا مستنيينكم بس مجتوش .. ولما تيجي تقول إنك هتمشي تاني .. تفتكر إنك لما تقولي كدا هيبقى عادي بالنسبالي اياد بحزن: سامحيني يا حور .. بس غصبن عني

حور مسكت إيده: أنا مسامحاك أنت معملتش حاجة .. ويستحسن منتكلمش في الموضوع ده .. خلي الفترة اللي هتعدي وأنت قاعد معايا أفتكرك بيها بحاجة كويسة اياد ابتسمالها بحنية وهي قالت: كفاية شغل الدراما ده .. قوم نتمشى شوية تامر شافهم قاموا يتمشوا اتدايق وركب عربيته وروح وهي كانت ملاحظة إن عربية تامر موجودة عشان كده قامت تتمشى فضلوا قاعدين شوية على الكورنيش وبعد كده راحوا أكلوا آيس كريم .. وروحوا

اياد: عارف إن الفسحة مش قد كدا .. وده لأنك مش عايزة توريني الأماكن حور: بس أنا اتبسطت .. وبعدين ما أنا مشيتك على الكورنيش اياد: طب تحبي تاكلي إيه؟ حور: أي حاجة .. أنا أصلاً مش جعانة اياد: تمام .. هبقى أطلب أكل لما نطلع .. يلا حور طلعت وطلبوا أكل وكلوا وناموا الظهر حور اتصلت بكارما: إحنا معندناش محاضرات النهارده صح كارما: تؤتؤ .. والبسي عشان هننزل حور: هننزل فين؟

كارما: هجيب شوية حاجات للخطوبة .. وعايزاكي معايا فيه مشكلة؟ حور: لا .. ننزل ماشي .. بس انتي جاية معايا؟ كارما: تؤتؤ .. نص ساعة وتجهزي حور قفلت معاها وقامت جهزت بعد نص ساعة حور: اياد أنا هنزل مع كارما نشتري حاجات عايز حاجة من برا؟ اياد: لا .. شكراً .. خلي بالك من نفسك آه .. استنى قام وطلع فلوس من المحفظة وقال: خليهم معاكي عشان لو حبيتي تجيبي حاجة حور بصتله بابتسامة وقالت: احم .. شكراً .. أنا معايا فلوس كفاية

اياد حس إنها محرجة تاخد فلوس منه كانت بتلبس الكوتشي وحاطة شنطتها جمبها .. مسك الشنطة وحط فيها الفلوس وقال بضحك: أنا زي أخوكي برضه .. ده أنا كنت بجيبلك بمصروفي زمان مصاصات ولبان حور ضحكت لما افتكرت وقالت: كنت باكلهم معايا على فكرة اياد: لسه فاكرة قامت وهي بتمسك شنطتها وقالت: فيه ذكريات مينفعش تتنسي .. عشان أنت بتبني عليها ذكريات تانية يا اياد قبل ما تخرج من البيت بصتله وقالت: صحابك من أيام ابتدائي مثلاً .. سلام

كارما: نص ساعة و ١٠ دقايق و ٢٥ ثانية حور: ياه .. كل ده تأخير يا كارما .. مش معقول .. يلا يا ماما هنتاخر مش كدا كارما بصتلها بذهول وقالت: أنا اللي اتأخرت حور: هو انتي عشان عروسة تتأخري براحتك .. فوقي يا ماما ويلا كارما ماشية جمبها وبتكلم نفسها: يعني أنا اللي اتأخرت مش هي .. بت يا عطية تعالي هنا حور كانت عند الورشة بصت للعمال وقالت: عاملين إيه يا رجالة العمال: الحمد لله يا أسطى عطية

حور: محتاجين أي مساعدة .. الإيراد بتاع النهارده كله قسموه على بعض من غير ما تعينوا نصيبي .. تمام .. ولما أجي بليل هكمل شغل معاكم .. سلام كارما: يلا .. كل ده رغي حور بصتلها وقالت: يلا الأتوبيس هيفوتنا كارما: اشمعنى اتنازلتي عن نصيبك النهارده حور: قلت هما أولى وكمان وأنا خارجة اياد اداني فلوس وشكلهم كتير فقلت هيكفوا يعني كارما: امممم .. طيب يلا راحوا المول وبدأوا يشوفوا الفساتين حور: على ما أعتقد هيكون حلو عليكي كارما:

وعليكي هيكون قمر حور: بس أنا مش هلبس فستان في خطوبتك .. وبعدين هيكون أغلب اللي في المنطقة موجودين كارما: تمام .. هاخده .. تعالي نحاسب بعد ما حاسبوا حور: ها كده خلصتي أظن كارما: لسه هجيب فستان كمان حور: انتي جايبة ٣ فساتين .. بطلي تبذير يا مبذرة كارما: فستان أخير .. أخير .. أخير حور: زن زن زن .. جايبة بنت أختي معايا .. إيه ده .. اشتري يا كارما اشتري دخلت كارما محل واختارت فستان وجابته وخرجت حور: أخيراً خلصنا

وهما ماشيين حور لمحت بدلة متعلقة على المانيكان وسعرها ١٠٠٠ جنيه حور لكارما: إيه رأيك في البدلة دي؟ كارما: حلوة .. بس لمين حور مسكت شنطتها وطلعت الفلوس اللي اياد اداها لها .. وعدتهم طلعوا ٢٠٠٠ جنيه حور: ده مديني فلوس كتير أوي كارما: انتي ناوية تجيبيله البدلة دي حور: آه .. يلا دخلوا وجابوا البدلة حور: هتكون حلوة عليه صح؟ كارما: أكيد ده الأسطى عطية هي اللي جايباها حور بضحك: طب يلا

خرجوا من المول وجابت حور أكل وروحوا البيت حور خبطت وفتح اياد وهو بيقول: إيه التأخير ده كله .. مستنيكي بقالي كتير حور وهي ماسكة شنط كتير قعدت على أقرب كنبة وهي بتقول: كارما .. كارما لففتني كتير أوي .. وجابت حاجات كتير أوي اياد: اممم.. جبتي حاجة لنفسك طيب حور: آه .. طلعت كوتشي من الشنطة وقالت .. إيه رأيك في ده اياد: جميل .. بس ده بس؟ حور: لا .. بص هحضر خطوبة كارما بـ ده مسكت بنطلون واسع boyfriend وقميص عليه جاكت طويل

اياد: بس ده كاجوال حور: احم.. أنا لبسي في المناسبات على طول كدا اياد: مش هتلبسي فستان؟ حور: لا .. آه .. بص كدا طلعت البدلة هتكون تحفة عليك اياد: بدلة!! حور: آه .. ادخل قيسها عايزة أشوفها عليك .. هتيجي معايا بيها خطوبة كارما اياد: استنى قامت زقته وهي بتقول .. يلا ادخل عايزة أشوفها عليك بقول دخل اياد لبس البدلة وخرج حور صفرت: هنلاقي لك عروسة في الخطوبة متقلقش اياد بضحك: هدخل أغيرها .. أنا شامم ريحة أكل

حور: أيوا اطلع عشان تاكل عشان هننزل الورشة كمان شوية حور حطت الأكل على السفرة ونادت اياد خرج وقعد قدامها وهو بيقول: ما تسيبيكي من الورشة حور: وهعيش منين لما أسيبك منها اياد: احم.. أنا شغال في شركة خالي أسسها هناك وبقبض كويس .. هبعتلك كل شهر فلوس تكفيكي حور: لا .. أنا بحب شغل الورشة .. وبعدين أكيد هتنشغل هناك بـ خالي ولو اتجوزت كملت بضحك متنساش تبقى تعزمني على فرحك اياد: مش بهزر يا حور .. بدل تعبك في الجامعة والشغل

حور: أنا مرتاحة كدا .. معلش مضطر أنزل دخلت غيرت هدومها ونزلت الورشة عم كمال: عاملة إيه يا أسطى عطية حور بضحك: عم كمال .. عامل إيه؟ عم كمال: الحمد لله بخير يا بنتي حور: هبدأ شغل أنا حور وهي بتشتغل سند عم كمال على عربية وهو بيقول: انتي فعلاً موافقة إنك تتجوزي ابني حور وقفت وقالت: آه .. بس لما اياد يسافر عم كمال: تمام يا بنتي المعلم أحمد قرب وهو بيقول: يا أسطى عطية حور: ازيك يا معلم أحمد

المعلم أحمد: بخير يا بنتي .. أنا كنت .. يعني حور. بتفهم: بكرة الساعة ١٠ يا معلم أحمد هروح معاك اتنازل عن القضية معلم أحمد بفرح: ربنا يباركلك يا بنتي .. ربنا يباركلك حور نزلت في اليوم اللي بعده اتنازلت عن المحضر .. وبعد كده راحت تجهز مع كارما لخطوبتها بليل كارما طلعت الفستان وهي بتقول: هيكون تحفة عليكي حور: أنا هلبس الهدوم اللي اشتريتها .. متزنقنيش كارما: هتلبسي الفستان يا حور حور: وأنا قولت لا بعد ساعة حور

بتلف في الفستان وهي بتقول: منك لله يا كارما كارما: قمر عليكي .. والله محتاجة صورة يا حور حور: أنا مش عارفة همشي بيه في خطوبتك إزاي وسط المنطقة كارما: سيبها على الله .. على حجز قاعة أصلاً يالا انزلي دلوقتي شوفي هتعملي إيه استنى .. خدي الطرحة دي هتكون لايقة على الفستان نزلت حور بسرعة وخبطت على الباب جامد فتح اياد دخلت وهي بتنهج وقفتلت الباب بسرعة اياد: مالك يا حور حد بيجري وراكي حور كانت بتنهج بصتله وقالت:

عشان محدش يشوفني بس اياد: ليه يا بنتي؟ حور: الفستان اياد: ماله .. شكله حلو عليكي اياد: أول مرة الناس هتشوفني بفستان اياد ضحك وقال: أول مرة هيشوفوا قمر على الأرض قصدك الخطوبة امتى؟ حور بصت للساعة وقالت: كمان ساعة بالظبط أدخل ألبس. على أخد كارما وراحوا القاعة، وأياد مع حور في العربية. أهل المنطقة كلهم ماجرين عربيات علشان يمشوا ورا العروسة. على بضحك: أومال لو فرح كانوا عملوا إيه.

كارما: الناس بتبقى عايزة حاجة تفرحها، خليهم يفرحوا. وصلوا القاعة ودخل على مع كارما. أياد: انزلي يا حور. حور بتهز راسها بلا. أياد: بقولك انزلي، خلينا ندخل. حور هزت راسها وهي بتقول: لا، مش عايزة. أياد سحبها من إيدها وقال: شغل أطفال ده يا حور، يلا. مسكت إيده وهما داخلين القاعة.

الكل كان بيبص لحور وهي اتوترت ومسكت جامد في إيد أياد. قعدوا على ترابيزة وبدأت الأغاني تشتغل. أياد شاف صحابه من أيام ابتدائي، قام سلم عليهم. وحور قامت وقفت جنب كارما والطلاب كلهم بيشبهوا عليها. دكتور تامر جه يسلم على على العريس وهو بيقوله: مبروك يا علي. علي: الله يبارك فيك يا دكتور. تامر: مبروك يا كارما. كارما بابتسامة: الله يبارك فيك يا دكتور. تامر بص للي واقفة جنب كارما وهو بيقول في نفسه: هي دي حور!!

كارما بصتلها وقالت: عطية، أياد بيشاورلك تروحي له.