رواية البايرة والعقيم الفصل الخامس 5 - بقلم الاء عامر

بغضب: انت بتضحك عليا يا إيهاب؟ إيهاب: وطي صوتك، انتي في بيتي، فاهمة؟ مي: فين الفلوس بتاعتي اللي قلتلي في البنك والمحامي هييجي يصرفلك؟ إيهاب بصدمة مصطنعة: يا خبر، يعني مخدتيش فلوس؟ مي: انت بتضحك عليا صح؟ إيهاب بهدوء: متنسيش إننا مضينا على عقد سوا إن اللي يطلب الطلاق هيدي التاني مليون، بس أنا عشان طيب ومسامح قلت مش عايز حاجة، شفتي؟ مي: طب وأنا هعيش كده إزاي يا إيهاب؟ أنا مش معايا فلوس خالص.

إيهاب بلا مبالاة: انتي اللي طلبتي الطلاق، استني بقى الشهرين دول لحد عندك ما تخلص، بعدين اتجوزي. مي: يعني هنام فين يا إيهاب؟ أنا الفلوس بتاعتي خلصت على الفندق في الأسبوعين دول. إيهاب: مين اللي قالك؟ روحي فندق سبع نجوم، فيها إيه لو أجرتي شقة، بس أنا مش هعمل كده وأسيبك في الشارع مهما كان كنتي مراتي. *** اليوم التالي خلود: أيوه يا عم مبارك، اسقي الوردة دي كويس والشجر اللي هناك ده.

مبارك: يوووه يا خلود، ماتروحي وسيبيني أشوف أنا شغلي، الله، ولا انتي تحبي ترغي كده؟ خلود بمرح: جرا إيه يا عم مبارك؟ مش كل شوية تقولي بنتي، ده أنا هجوزك الواد ابنك القمر أبو عيون حلوة ده. مبارك: لا يابنتي، انتي تستاهلي سيد سيده، انتي ست البنات وأحلى واحدة في البلد دي والله. خلود: يجبر بخاطرك يارب، بس مراتك هي اللي سكر يا عم مبارك ودمها خفيف بشكل. إيهاب: صباح الخير يا عم مبارك.

مبارك: صباح النور يابني، اتفضل اعمل الشاي ونشربه سوا أنا وانت والبت خلود. نظر لتلك الواقفة تنظر للشجر، ثم أومأ له وذهب يجلس على الكرسي أمامها وهو يتطلع لها. خلود: هو في حاجة يا بن عمي؟ إيهاب: لا مفيش، بس كنت بفكر في حاجة. الأوليلي وافقتي على العريس ده ولا إيه؟ خلود: آه وافقت، وأبويا اتفق معاه، الخطوبة مع كتب الكتاب بعد أسبوع. إيهاب: أسبوع واحد؟ هتلحقي تعملي إيه فيه؟ خلود: انت اتجوزت بين يوم وليلة يابن عمي.

إيهاب: أنا حاجة وانتي حاجة تانية، انتي المفروض يكون ليكي فرح كبير. خلود: لا أنا مش عايزة فرح، بعدين إيه فايدته وأنا أصلاً مش هبين وشي ولا هخرج إلا على بيت جوزي، يعني كتب الكتاب والدخلة سوا. إيهاب بغضب غير مبرر: انتي هتفضلي تقللي من نفسك كده؟ خلود: وانت مالك محموق أوي كده لي، ها يابن عمي؟ في إيه؟ انت بتتكلم كأني حبيبتك.