رواية البلطجي الفصل الثامن عشر 18 - بقلم ولاء حامد

رقيه بدئت تخطط وتدبر ازاي توقع رأفت. واتصلت بحد من معارفها القدام أيام ما كانت شغالة في المحاماة. "بشله ست الكل، عاش من سمع صوتك." "رقيه." "بشله، عامل ايه؟ "عامل خط وماشي عليه، أؤمري، إيه اللي فكرك بالعبد الغلبان؟ "رقيه، عايزة منك خدمة." "بشله، أؤمري، عيني دي قبل عيني دي." "رقيه، طب فتح دماغك وطرطق ودانك معايا." "بشله، كلي معاكي يا ست الكل."

"رقيه، عايزة حاجة كده اللي ياخدها يغيب بس يبقى فايق ويعمل كل اللي أقوله عليه من غير ما يفرّقني." "بشله، يبقى عليكي وعلى آل... "رقيه، وداه بيعمل إيه؟ "بشله، كل خير، بيعمل المطلوب وزيادة حبتين وتلاتة." "رقيه، تمام، عايزاه." "بشله، بطمع، بس داه مهره غالي." "رقيه، ماشي، عايزاه انهارده." "بشله، عيني، ابعتلك الطيارة لحد باب بيتك." "رقيه، لاء، هاقابلك في وسط البلد كمان ساعة." "بشله، وجب، هتلاقيني مستنيك على نار."

رقيه قفلت معاه وعلى وشها ابتسامة خبيثة، لبست وخدت عربيتها ووصلت للمكان المطلوب في ميعادها بالظبط. رنت عليه. "انتا فين؟ "بشله، في الدنيا." "رقيه، اخلص بروح أمك." "بشله، الله الله، وليه الغلط ده يا ست الكل، صحيح ليكي عندي جميلة، بس الغلط مش مقبول." "رقيه، اخلص، مش هانحكي ونتحاكي، انتا فين؟ "بشله، عند محل.... اللي عند شارع.... "رقيه، تمام تمام، أنا قريبة منك، خليك معايا على الخط." لحد ما وصلت، فتحت الشباك.

"أنا قدامك وشايفاك." كمل على وصفها لحد ما وصل. "بشله، شوفتك يا ست الكل." "ميل ع الشباك، عاش من شافك." "رقيه، واديك شوفتني، جبت المطلوب." "بشله، وهو بيطلع لفة من جيبه." رقيه مدت إيدها تاخده. "بشله، ارفع إيده لفوق، لاء، إحنا قولنا إيه؟ هو في عروسة بتطلع من غير مهرها، وداه الغالي الغالي أوي أوي أوي." رقيه مدت إيدها في التابلوه وطلعت ظرف ومدته ليه. "بشله، فتحه وبص فيه وابتسم."

"رقيه، بمكر، المهر والشبكة كمان، بس لا شوفتني." "بشله، ولا أعرفك إنتي مين يا مزمزيل." "رقيه، بغمزة، عليك نور." وسابته وطلعت بسرعة وصبت الفيلا وهي بتبص للفة اللي في إيدها بإبتسامة. طلعت الموبايل واتصلت برأفت. مرة واتنين، ورد في تالت مرة. "رقيه، إيه يا رأفت، حرقت الموبايل عليك، في إيه؟ "رأفت، بخبث، معلش، مأخدتش بالي، مانتي عارفة إني مشغول لشوشة، عيني في الميزانية دي، الضرائب يعني، الغلطة بفورة." وكمل بتلقيح مبطن.

"وغلطة الشاطر بفورة، ولا إنتي عندك رأي تاني؟ "رقيه، ولا تاني ولا تالت." "رأفت، طيب خير، حرقت التليفون، رن زي ما بتقولي ليه؟ "رقيه، وهي بتلعب باللفة اللي في إيدها واتكلمت بثقة." "علشان أثبته، كنت عايزة أقعد أنا وإنت ورفعت نتصالح. أنا كلمت رفعت وقالي، إحنا مسميناش الشركة Triangle 3 R من فراغ، إحنا تلات أضلاع لمثلث واحد، يعني مينفعش واحد فينا من غير التاني، خلينا نتصالح." "رأفت، ببرود، أيوه يعني عايزة مني إيه؟

مش فاهم لحد دلوقتي." "رقيه، يا رأفت، منا بقولك هنتجمع أنا وإنت ورفعت عندي في الفيلا، هانقعد ونتكلم ونتفاهم، ومش هاتمشي إلا وكل الأطراف مرضية، وإنت كمان هاتكون متراضي." "رأفت، بسخرية وغموض، اممم، تمام وماله، شوفي الميعاد المناسب وأنا أجيلك." "رقيه، بسرعة، خلاص، خير البر عاجله، نخليها انهارده." "رأفت، لاء، انهارده صعب، دلال تعبانة وميار معتزلة في أوضتها، وأنا مش عارف في إيه، خليها بكرة أو بعده."

"رقيه، بتسرع على غير عادتها، خلاص نخليها بكرة، بس حاول متحتكش برفعت لحد ما نقعد ونتصالح، والف سلامة ميار ودلال، فيهم إيه لو كده هاجي أزورهم وأطمن عليهم بنفسي." "رأفت، بوجع، الله يسلمك، فيكي الخير، مش مستدعية، هي بس تعبانة من فراق ابنها، وإنتي أكتر من يحس بيها، مانتي سبق واتكويتي بنارهم." "رقيه، أه عارفة ومجربة، ربنا يردهم لينا من تاني ويبعد عنهم الشيطان وشره."

"رأفت، بسخرية بانت على وشه بس قدر يتحكم في صوته، اللهم آمين، يكفيهم شؤ شياطين الإنس والجن." "رقيه، بتغيير للحوار، خلاص كده على ميعادنا بكرة، متنساش." "رأفت، بتهكم متداري، لاء، إزاي، متقلقيش خالص، هتلاقيني عندك في الميعاد." قفل المكالمة ورمى التليفون قدامه على المكتب وبص قدامه بتفكير وشرود. هو أكتر الناس دراية بعقل رقيه وشرها.

خد مفاتيحه ورجع الفيلا ودماغه بتشتغل في كل اتجاه، بيحاول يربط الأحداث ويوصل لحلول، بس للأسف دماغه مع مشاكل بيته وضغط شغله مش مساعداه خالص. دخل وهو لسه على شروده. "دلال، مالك يا رأفت، داخل وإنت سرحان؟ "رأفت، بنظرة غريبة، لاء، مفيش، متشغليش بالك." "دلال، بو مشغلتش بالي بيك، هاشغل بالي بمين يعني." "رأفت، بعيالك اللي واحد هرب مننا والتانية قافلة على روحها فوق، ولا حضرتك مش ملاحظة." "دلال، قصدك إيه، بتلمح لإيه؟

"رأفت، بحدة وصوت حاد وصارم." "سبق زمان وقولتلك متشيلنيش ذنب أنا مش قده، وإنتي فضلتِ تزني على دماغي، لاء، ومتسيبلهومش الجمل بما حمل، أهو الجمل كله برك علينا، لما ضيع عيل والتانية شكلها عرفت، والأكيد إن أخوها قالها، إنتي مش ملاحظة إنها مبقتش تقعد أصلا معانا ولا بتتعامل معانا من يوم غياب أخوها." "دلال، بدفاع وهمي عن نفسها."

"إنتا عارف إحنا قعدنا قد إيه ندور على عيال أخوك وعملنا المستحيل علشان نوصلهم، وهما كأن الأرض انشقت وبلعتهم." "رأفت، بص لها بنص عين."

"متأكدة، دانتي كنتي أكتر واحدة جات عليا وقلبتي البيت جحيم على دماغي، 48 ساعة في اليوم، 24 ساعة، وكل ما أجيب سيرة أخويا ولا عياله تقوليلي، في إيه بينك وبين صابرة، ومهما أحلفلك وأشرحلك وإنتي أبدا كأنك مصدقتي، هما كدبوا الكدبة وإنتي صدقتيها وعيشتي وعيشتيني فيها، بلاش نفتح في اللي فات علشان وجع ليا وليكي." وسابها ودخل أوضة مكتبه وقفل على نفسه الباب بالمفتاح. وساب دلال واقفة تبص عليه بشرود ووجع وخوف من اللي جاية.

هارون قاعدين متجمعين وبيضحكوا، ضحكة نسيوها من سنين، ضحكة مسروقة وسط كومة أحزان، ضحكة حنين لأيام راحت من سنين وصعب ترجع تاني. والكل بيعافر علشان يقدر يرجعها تاني ويعيشها من أول وجديد بعد ما أخيرا قدر يرتاح من سوء التفاهم اللي بينهم بقاله سنين. وفي عز ضحكهم. "هنا، بقولك إيه يا هارون، والنبي إلهي يسترك."

"إحنا كمكمنا يا أخويا من قعدة البيت، ولا بنروح ولا بنيجي بره الحتة، آخرنا السوق، وإخواتك المدارس والدروس، وعلى حطة إيدك لما كمكمنا، ولا كمكمة الغسيل اللي نسيه صاحبه في الصيف، وأدينا على حطة إيدك أهو." "هارون، اممم، انجزي، عايزة إيه؟ مهي الدخلة دي وراها حاجة، هاتي من الآخر، يا هنا، إنتي عرفاني، لاء بحب اللت ولا العجن ولا كتر الكلام."

"هنا، إلهي يسترك، ناخد يوم نطلع نشم هوا ونروح عن نفسينا شوية ونشم نفسنا شوية، سُقِت عليك حبيبك النبي، ما تقول لاء، دانا خللت من قعدة البيت وحفظت الحيطان حيطة حيطة من قعدتي في وشهم 24 ساعة." "هارون، عليه الصلاة والسلام، بس يا هنا، مينفعش، هاروح بيكم فين، بربطة المعلم كده، بالصلاة على النبي." "جنا، والنبي والنبي والنبي يا هارون وافق، والنبي والنبي عشان خاطري."

"هارون، بااااااس، إيه يا بت نازلة زن زن زن، جاري سُرسور ودني لما اتخرم." "خلاص، منا عارفكم عملتوا رباطية عليا، شوفوا عايزين تروحوا فين وأنا هاتهبب وأوديكم." "هنا، بعفوية، نروح جنينة الحيوانات." "حسام، بتريقة، جنينة الحيوانات، هانروح نتفرج على إيه على الحيوانات اللي هناك، طب وعلى إيه المشوار، اطلعي البلكونة وإنتي تشوفي الحيوانات، ما إحنا عايشين وسطيهم." "هنا، لوت وشها وبعوجت بوقها يمين وشمال."

"طب يا أخويا، قول إنت يا أبو الأفكار، مادام إنت الواد الفتك اللي داير ولافف وعاملي فيها البورم." "مكان حلو نروح نتفسح فيه." "جنا، هتبص لحسام بخبث." "حسام، بص لها بإبتسامة نصر." "هارون، خد باله منهم." "اممم، أسترها يا رب، إنتوا حطيتوا روسكم في روس بعض." "جنا، بإبتسامة، لاء خالص والله، هي فكرة يعني كده." "هارون، أيوه اللي هي إيه؟ "جنا، إيه رأيك نروح الملاهي." "هارون، بص لها بإستغراب وكأنها تنين براسين قدامه."

"نعم يا روح أمك، ليه شيفاني عيل في المدرسة لابس شورت وتيشيرت المدرسة وطالع رحلة معاهم." "جنا، بتوضيح، لاء، هو إنت فاكر الملاهي إيه." "هارون، شوية مراجيح، مهو بدل البهدلة يا أختي، أخدكم المولد وأهو أسهل وأقرب وأوفر." "جنا، بلماظة، يا هارون بقى، بطل رخامة، ده هي خروجة يتيمة كل قرن." "هارون، أيوه، أعمل إيه، أنا معرفش الأماكن دي فين ولا بيتراح ليها إزاي، أعمل إيه يعني." "جنا، بسيطة، نروح دريم بارك."

"هارون، أيوه، ودي فين دي." "حسام، في أكتوبر." "هارون، نعم، أكتوبر، ليه، هي البلد هنا قصرت، لما عايزيننا نروح آخر بلاد المسلمين." "جنا، يا هارون بقى، فيه إيه، منتا داير ولافف البلد من شرق لغرب، جأت على أرْمَط الغلبان وتقف وتعرض كمان." "هارون، بإصطناع الصعبنة، حسبي الله ونعم الوكيل، ادي آخرة اللي يبقى أبو إخواته وأبو العيال، يا شوية عيال ورمم كمان."

"جنا، بزن، وافق بقى والنبي، والنبي والنبي عشان خاطري، ورحمة أبوك ورحمة أمك، عشان خاطري والبني." "هارون، بزعيق، يابت بااااااس، إيه دبانه عمالة تزن جاري ودني، كتك القرف، عاملة زي الدبانة الزنانة اللي عايزة ضرب الشبشب، خلاص هاتنيل أوديكم، الأمر لله وحسبي الله." الكل هيص بضحك وانتصار. "هارون، هو ليه حاسس إني اتبلفت؟ "صحيح." "هزت له رأسها بضحك." "هارون، بكيفي على فكرة، هاه."

"هنا، طبعًا، هو حد يستجري يقول غير كده، ومادام وافقت، يادوب ألحق وقتي عشان أعملنا لقمة لبكرة." "جنا، تجهزي إيه يا حاجة." "هنا، منا لسه بقولك هاجهزلكوا لقمة ناخدها معانا، أومال هانروح هناك نجوع يعني ولا نجوع، طب دنا هاقول أجهز التقلية وهاعملكم شوية محشي سكر كده سكر، تاكلوا صوابعكم وراه، وهو جديد عليكم، منتو ياما أكلتوه من إيدي."

"جنا، بصدمة، محشي، محشي يا هنا في دريم بارك، طب متعلميلنا شوية ملوخية ودكرين بط كمان علشان تبقى كملت." "هنا، بعفوية وتصديق، طب إنتي بتقولي فيها، طب والنبي يادوب ألحق ألبس وأخطف رجلي لحد السوق أجيب الطلبات وأعدي ع الفرّاج أجيب من عنده بط، مادام نفسك فيه." "جنا، خبطت على وشها، اقعدي واهدي يا حاجة، الله يسترك، مش طالبة فضايح، هانروح الملاهي بحلويات يا هنا." "هنا، أومال هناكل إيه، نروح قلبنا يسقط علينا من الجوع يا أختي."

"جنا، يا هنا، اطمني، المكان هناك مليان مطاعم." "هنا، بقرف وكشة وش، اخ اخ يا قرف، بقى آخرتها ناكل من أكل الدكاكين يا بت، دول محدش عارف عملينو كيف ولا إزاي، اخ دانا بسمع عنهم كلام يشيب يا أختي، لالالا شيلي الموضوع ده من راسك، ال نقعد ناكل في الدكاكين ونبقى فرجة للرايح والجاي." "جنا، بهزة رأسها بطريقة كوميدية، دكاكين، بقولك مطاعم ومش أي مطاعم، دي بيدخلها الناس الهاي الهاي أوووي أوووي أوووي." "هارون، بص لها بجمب عينه."

"وإنتي عرفتي منين الناس الهاي هاي أوووي دول، يابنت صابرة، الله يمسي أبوكي بالخير، عيشي عيشة أهلك يا بنت صابرة." "حسام، متظلمهاش يا هارون، من سنتين طلعت رحلة تبع المدرسة وزمايلنا جم فرجونا على الصور." "هارون، ماشي، ما علينا، المهم رسيتوا على إيه." "جنا، يا هارون، بدل الشيلة والحطة والبهدلة، رايح راجع، خلينا نروح خفيف خفيف ومش هانضيع نص اليوم في بهدلة الشيل من هنا لهنا."

"هارون، بمطة شفايف، اممممم، عايزة إيه يعني، انجزي، إنتوا بقالكم ساعة نازلين دش جار نافوخي." "جنا، يا هارون يا حبيبي، دي خروجة القرن، ها، مش هانضيعها، ولو على الأكل والشرب، ملحوقة يعيني في كل حاجة هناك، كريب، بيتزا، شاورما، حتى الكشري موجود، ولو عايز سوشي، تمام." "هنا، بلخفنة، شو شش شا، إيه يطلع إيه ده يا هارون." "جنا، اسمه سوشي، سوشي." "هارون، بخنفان، سوشي." "حسام، بضحك، مالك بتقولها بقرف وخنفان كده ليه."

"هنا، أيوه، هو إيه، اسمه إيه ده." "هارون، بتريقة وهو باصص لأخواته ورافع لهم حاجب ومنزل التاني." "سمك ني ملفوف برز." "هنا، بكشة وش، اخييييي عليكي وعلى زفارتك، كتك القرف يا شيخة، يلا يلا يا معفنة وبتتريقي على المحشي." "هنا، وهي بتضرب كف بكف، هو ده كل معرفتك بالسوشي." "هارون، ببرود، أيوه، هو ليه وصف تاني." "جنا، أيوه، سوشي."

"هارون، أيوه، اللي هو إيه، ها، سمك ملفوف برز وعليه شوية صوصات عشان تشيل زفارة السمك، يبقى في الأول والآخر سمك، ماليش دعوة بقى بالمسمى، أنا ليا دعوة بالمحتوى." "حسام، خلاص يا هارون، سمك سمك، خلينا في المهم." "هنا، إنت رأيك إيه يا هارون، إنت عارف إن بقرف من أكل بره، ونفسي بتتلع عليا." "جنا، والله ده الأكل جميل، جربي إنتِ بس ومش هاتخسري حاجة." "هنا، طب إنتي واحدة بطنك حامضة وطفسة، أنا ذنبي إيه ها."

"هارون، بتفكير، المشكلة إن إنتي وجهة نظرك صح وهما كمان وجهة نظرهم صح." "هنا، إزاي بقى يا أبو العريف." "هارون، إننا رايحين مكان مطروح، هانروح بشيلة وحطة وبهدلة ومين هايقعد جمب الشنط، فهمنا هنا صح، وإنتي صح في حتة نضيفة الأكل." "هنا، أيوه، وبعدين هما صح وأنا صح، وبعدين بردوا مرسيناش على حل."

"هارون، أظن مش هاتيجي من يوم، بدل البهدلة والمرمطة، ناكل الأكل اللي نعرفه، يعني مشاوى لحوم، حاجة نكون نعرفها، واظن الأماكن اللي زي دي بيكون تحت النظر." "هنا، بتفكير." "هارون، هااا، عايز رد عشان بناء عليه أتصرف." "هنا، بقله حيلة، خلاص، لله الأمر من قبل ومن بعد، ماشي." كلامها. ما استقروا أخيرا على اليوم بتفاصيله. ونام الكل بيحلم بفرحة جديدة ترجع إياك طفولتهم المسروقة في شقا الدنيا.

صحيت هنا وجنا من النجمة، قايمين يتنططوا زي العيال الصغيرة. "هنا، طلعت تجري على أوضة هارون." "وبوت عالي وبقت تهزه." "سا هارون اصحي يا هارون يلا هنتأخر." "هارون، وهو بيفتح عينه نص تفتيحة كده." "يا أولاد الكلب، أنا مصدقت عيني غمضت وإنتوا ورايا ورايا." "هنا، يلا بقى هنتأخر." وجنا على أوضة حسام. "جنا، وقفت جمب السرير وخدت نفس طويل." "حساااااااااااام، اصحاااا." "حسام، قام منطور." "أبو أمك غباوتك يا شيخة."

"جنا، طب يلا قوم يا حلو، لسه هانلبس ونجهز." طلعت بهدوء مخالف للإعصار اللي دخلت بيه. "حسام، قام بيخبط كف بكف." وخلال نص ساعة كانوا كلهم جهزوا. ونزلوا، خدهم هارون بتاكسي لحد جراج عربيات. "حسام، إحنا بنعمل إيه هنا، المفروض نروح الموقف نركب." "هارون، بص له، اصبر يا بابا وإنت تفهم، إخواتك معانا، مش هانبهدلهم في المواصلات." "حسام، هاتعمل إيه يعيني، رسيني منخدنيش من إيدي زي العسل الصغير." "هارون، اصبر بقى." ونادى بصوت عالي.

"كاورك، ولا يا كاورك." طلع شاب في حدود الـ 14 سنة. "المعلم، هاننون منون انمكان يا معلما." "حسام، بتبرقة عين، هو بيقول إيه." "هارون، بضحك، ياض يخربيت أم لسانك، لخفنتني، دانا كرهت اسمي بسببك." "كاورك، بضحكة عالية، عني إيه يا معلما." "هارون، مش هجادل معاك، المهم العربية جاهزة." "كاورك، عروسة غسلتها ولمعتها وبقت فلة شمعة منورة." "هارون، طب إيدك ع المفاتيح." خدهم منه وفتح عربية كيا سبورتاج. "حسام، وهو بيبص للعربية بصدمة."

"بتاع مين دي يا هارون." "هارون، بص له وعلى صوته عشان الكل يسمعه ومحدش يسأله تاني." "دي بتاع واحد حبيبي معرفة، وهو صاحب الجراج ده، كان اتسرق كذا مرة وطلب حمايتي وأنا بقالي سنين بحميه، طلبتها منه إمبارح والراجل كتر خيره وافق." "حسام، بعدم تصديق، بالسهولة دي يديلك عربيته اللي بشيء وشويات كده لله وللوطن."

"هارون، منا بقول يا متخلف إني بحمي المكان وإنه يديني العربية يوم قصاد كل العربيات اللي قدامك دي تبقى في الأمان، ولا حاجة." "حسام، إزاي بقى." "هارون، طب اركبوا وأنا في العربية هافهمكم." ركبوا وهارون بدأ يتحرك. "حسام، ها فهمني بقى."

"هارون، بص يا سيدي، الجراج ده مخصوص، يعني لازم عليه حماية، فيه من أول الموتوسيكل لحد التريلا، وكل حاجة ليها أرضية غير التانية، يعني الموتوسيكل أرضيته في الشهر 200 جنيه، والتوك توك يعمله بتاع 300 جنيه، أما العربيات من 500 لحد الألف جنيه، يعني المكان ده نهر فلوس داخلاله، بس المال السايب يعلم السرقة."

وطبعًا عايز حماية لأن اللي بيضيع هو اللي بيلبس، جاني من كام سنة وطلب حمايتي وأنا الحمد لله اسمي زي الطبل وسمعتي زي البفتة ورجالتي زي النمل، وأنا حميته مقابل إنه يشغل كام عيل أعرفهم جدعان بيدوروا على اللقمة الحلال، ومنين ما بقصده في خدمة الشهادة لله عمره ما قال لـ. "هنا، بفرحة بأخوها." "ربنا يحميك لشبابك ويبارك فيك وفي دراعك."

"حسام، بص لهارون بفرحة واكتشف إنه كان واخد فكرة غلط عنه وارتاح إن كل يوم بيطمن عن اليوم اللي قبله إن أخوه جدع بجد مش مجرد بلطجي جاي ع الغلابة." واخيرا وصلوا أكتوبر. بعد معاناة ووصلوا دريم بارك. نزل هارون وركن العربية في الجراج المخصوص هناك. "جنا، اتلفتت حواليها بإنبهار من شكل العربيات وميلت على هنا بهمس." "شايفه يا هنا العربيات حاجة تفتح النفس، أهي دي الناس اللي عايشة وضاربة الدنيا صرمة."

"هنا، بتعقل، قولي الحمد لله، إحنا أحسن من غيرنا، وشاورت على واحد بيلم من الزبالة." "شايفه ده يتمنى عيشتك ويحسدك عليها كمان، وإنتي بصيتي لدول ونسيتي دول." "جنا، لاء والله الحمد لله، طبعًا، أنا بس بحلم وأتمنى يمكن ربنا يستجاب، أما أنا عارفة والله إني أحسن من غيري كتير أوووية." "هارون، كان سامع حوارهم وابتسم إنه أخيرا إخواته قدروا يفهموا معنى الحياة ويقدروا النعمة اللي هما فيها من غير اعتراض." قطع التذاكر ودخلوا.

"هنا، وهي بتتلفت حواليها." "الله، إيه الحلاوة دي، اتاري عندكم حق يا مواكيس، أول مرة تقولوا حاجة عليها قيمة." بدأوا يلعبوا، حتى هارون اتخلى عن كبريائه ورجع طفل تاني فرحان وسطيهم، بس منسيش دوره في حمايتهم وعينه مغفلتش لحظة عنهم. "جنا وحسام، أصروا يركبوا قطر الموت." "هارون، تحت إصرارهم وافق وقطع لهم التذاكر وبدأ يتحرك." "هنا، بصوات، يالهووووي، الحقوني، هاقع، هاقع يا أولاد الكلب، نزلوني." الكل فصل يضحك عليها.

"هنا، طب والنبي عايزة أروح الحمام، يخربيتكم، كانت شورة مهببة منكم لله، أنا إيه اللي خلاني أسمع كلامكم يا هارووون، نزلني والنبي." غمضت عينيها وبدأت توشوش. "اششششش." لحد ما نزلوا ومحدش كان فاهم عي بتقول إيه. نزلت وهي بتسند ركبها بإيديها. "ياماما يا أنا يا أبا منكم لله ومن شورتكم المنيلة، حاسة إن الدنيا بتلف بيا زي المروحة، منكم لله." "كات شورة مطينة بطين." "جنا، وهي بتضحك، إجمِدي يا هنون، إيه دي لعبة."

"هنا، لعبت عليكي نفسك يا بعيدة، امشي من وشيييييي." "جنا، بضحك، وأنا مالي يا لمبي، الله." "هنا، مهي شورتك." "جنا، والله مش كان من شوية، أول مرة نقول حاجة عليها القيمة." وهي بتقلّد طريقة هنا. "هنا، طب غوري بدل ما أطسك في وشك باللي في رجلي." "جنا، وعلى إيه." "حسام، خلينا ناكل لقمة ونكمل، لسه اليوم طويل." "هارون، ماشي وطلعوا لمطعم بيعمل ساندوتشات مشاوي وطلبوا الأكل وقعدوا ياكلوا."

"جنا، الأ هو إنتي كنتي بتقولي إيه وبتعملي توشي زي الراديو اللي اتقطع إرساله." "هنا، كنت بتشاهد، من الخوف قلبي كان هايقف، يا أولاد الكلب." "جنا، بضحك، يا شيخة، يعني اششششش دي، أشهد أن لا إله إلا الله." "هنا، أيوه يا أختي، كنت حاسة إني نسيت الكلام." الكل ضحك على هنا وعفويتها. خلصوا وهارون دفع مبلغ محترم وطلعوا يكملوا لعب. وهارون محاوطهم بحمايته زي اللي الصقر اللي محاوط صغاره، بس منسيش روحه في الفرحة والضحكة معاهم.

وطول الوقت يتصوروا كتير أوي. يا ترى فرحتهم هاتكمل على خير ولا للقدر رأي تاني. يا ترى رقيه هاتنجح ويقدروا يوقعوا رأفت. يا ترى رأفت مصيره إيه. يا ترى آخرة الطمع إيه.