رواية الضابط والدلوعه الفصل الثاني 2 - بقلم ياسمين سالم

وقفنا البارت اللي فات لما عشق كانت بتقول: "بزمتك أنا شكل واحدة مصرية؟ وكان مهند مصدوم لأنه بيتكلم زيهم، ونفس اللهجة، وإزاي مش مصرية. سيف: "إيه يا مهند، هو انت اللي جاي تقابلني ولا أنا؟ أنا من ساعتها منزلت وأنا بدور عليك." وفجأة سيف اتنح لما شاف عشق. سيف: "يخريبتك، ده كله جمال! إيه ده يا مهند، انت تعرفها؟ عشق: "إيه يا أستاذ، انت متكلمني أحسن." سيف: "والله نفسي! ههههههه 🤣🤣🤣" عشق:

"ما انت صاحب، استنى إيه منك. عالم تقرف." وتركتهم عشق ومشيت في غرور وجمال وأناقة، ولا عارضات الأزياء 😂😂😂. مهند: "إيه أول مرة تشوف واحدة حلوة عجبتك كده؟ جبتلنا التهزيق من عالم زبالة! مش عارف شايف نفسها على إيه." سيف: "عندك عندك، انت بجد مش شايف هي شايفة نفسها على إيه؟ ده كفاية جمالها يا عم." مهند: "طيب يلا بقى عشان مأخليكش انت كمان جميل! الـ... الـ... ههههههه. ده بت زبالة!

ده أنا لو شفتها تاني هحط وشها في الطين. دي متعرفش أنا مين! بقي أنا سيادة الرائد مهند! تقول عليّ عالم مقرفة؟ ماشي." وراح مهند وصاحبه سيف البيت. بالمناسبة، سيف ومهند ولاد خالات وأصدقاء من الطفولة. تاني يوم في الصباح. مهند: "صباح الخير." سيف: "صباح النور يا زمكس." أمه وأبيه: "صباح النور." مهند: "هو انت يا سيف فعلاً الملقب بالثعلب ورجل المهام الصعبة؟ اللي يشوف طريقتك ميقولش كده خالص." سيف:

"ههههههههههه يا برنس، أنا وقت الشغل شغل والجد جد، ووقت الهزار هزار. أنا اللي الوقت في الشغل، بعدين انت مالك؟ أنا بحب نفسي كده." مهند: "طيب يلا يا خويا عشان نروح الإدارة عشان في مهمة صعبة. يلا." وخرجوا سيف ومهند للإدارة. في الإدارة. اللواء سعيد: "إحنا لازم يا مهند انت وسيف تمسكوا اللي اسمه داوود الكاشف ده. ده راجل خطير وعامل حاجات وسخة كتير توديه المشنقة على طول."

"في لاب توب معاه عليه كل الشغل، بس زي ما انتوا عارفين محدش عارف يفتح اللاب توب ده عشان عليه حماية جامدة." مهند: "حضرتك، إحنا جبنا ييجي 100 مهندس إلكتروني مشهورين جداً مش عارفين يفتحوا عليه حماية جامدة." اللواء سعيد: "ما أنا عملت خطة زي ما انت عارف يا مهند. داوود الكاشف بيشتغل مع شركتكم."

"في مهندسة إلكترونيات جامدة جداً، هي مش من مصر بس هي حالياً في مصر وهتيجي تشوف اللاب توب في الوقت اللي هيكون فيه داوود الكاشف في الاجتماع بتاع شركتكم. لازم تاخدوا اللاب وهي هتفتحه." مهند: "هي الخطة حلوة، بس افتكر إن 100 مهندس معرفوش يفتحوا اللاب، واحدة هي اللي هتفتحه؟ اللواء سعيد: "دي مهندسة شاطرة، هتشوف بعينك يا مهند. مش كل مش كل البنات زي بعض. في بنات بـ 100 راجل، وهي هتكون أحسن من 100 مهندس."

وخرج مهند وسيف ومهند متعصب جداً. مهند: "متأكد إنها مش هتعرف تفتحه؟ مافيش بنات بتعرف تعمل حاجة، هو شغل البنات إن هي تقعد في المطبخ وفي البيت بس." سيف: "ههههه، مش عارف انت اتعلمت إزاي إزاي بتقول كده؟ كلام زي الناس الجاهلة اللي عمرها ما شافت مدارس ولا أي حاجة." مهند: "خلصت المسخرة." وخرجوا مهند وسيف عشان ينفذوا الخطة اللي اللواء سعيد قال عليها، وذهبوا إلى شركة الجارحي. وهو داخل فجأة خبط في واحدة واتصدموا هما الاتنين.

عشق: "انت؟ مهند: "انت؟ *** تكملة البارت الجاي... يا ترى إيه اللي جاب عشق شركة أبو مهند؟ ومين هي المهندسة؟ والخطه هتنجح ولا هتفشل؟