رواية الضائعة الفصل السابع 7 - بقلم بسمة سلام

هاله: اسكت الست ولدتك الأول وبعدين انت اسكت ليه. نغم: بس مش واخدين بالكم إننا في مقابر ولا إيه؟ والدة شريف خرجت وهي بتبص بقرف. شريف: يلا يا نغم. هاله: على فين؟ إحنا مبقاش لينا مكان نعيش فيه. شريف: عندي أنا موجود. هاله: معاكِ إلا هو مع أمك، إنت عايزها تسممنا ولا إيه؟ شريف: هاله ياريت تسكتي ويلا بينا. هاله: إنتي إيه رأيك؟

كنت في صدمة، أنا فرّطت أعز اتنين كانوا في حياتي، أنا بخسر كل الناس، بخسر حبهم وحتى وجودهم، مكنش عندي طاقة حتى أرفض أو لأ. روحت معاه فعلاً أنا وهو وهاله. شريف: ادخلوا الأوضة دي وأنا هجيب لكم حاجة تاكلوها. مامت شريف: استني عندك إنتي وهيا، يدخلوا فين يا شريف؟ شريف: هاله ونغم هيفضلوا هنا يا ماما، ولو رفضتي هرجع لبابا. شريف والدته ووالدته منفصلين وبتخاف يسيبها ويعيش معاه.

والدة شريف: خليهم خليهم لحد الشقة، تنهدت عشان ترتاح، مهو خلاص النحس دخل بيتي. نغم: إحنا آسفين أوي بعد إذنكم. شريف: نغم ادخلي الأوضة، ادخلي يا هاله. دخلنا وكنا تعبانين عايزين نرتاح، أنا تعبت ومش قادرة استحمل ولو شوية صغيرين. شريف: ماما بعد إذنك كفايا كده، البنت مش ناقصة. والدة شريف: متنفعش يا شريف، أنا مش عايزها. شريف: أنا عايزها، أعمل إيه؟ أنا عايزها، مش هعرف أعيش من غيرها، حبيبها أعمل إيه؟

مطلبتش رأيك ولا طلبت إنك تحبيها، على فكرة، كل اللي يهمني إنك تسبيها في حالها وبس. هاله: إنتي كويسة؟ نغم: إنتي اللي كويسة. هاله: هيوحشني أوي. كان أخويا الكبير وعمري ما فكرت إنه هيسيبنا. نغم: أخوكي بس؟ هاله: تصدقي أوقات كنت بحسه أبويا كمان، كان دايما يهتم ويخاف عليّ. أوقات اللي بيحبونا بيبعدوا عننا، واللي بنحبهم بيكرهونا، واللي نفسنا نشوفهم بيكرهوا وشنا، واللي اتربينا معاهم بيبعدوا في الوقت الغلط. تاني يوم.

شريف: رايحة فين؟ نغم: نازلة الشغل. شريف: خدي إجازة يا نغم. نغم: أنا مفيش يوم واحد حلو في حياتي، لو كل مشكلة هاخدلها إجازة، كان زماني أخدت إجازة من الدنيا كلها. شريف: طب استني جاي معاكي. هاله: أنا كمان نازلة. شريف: رايحة فين؟ هاله: هروح أقرأ الفاتحة لعبد الله وخالتي، وبعدين أنا مش هقدر أقعد مع أمك، لمؤاخذة يعني، أنا وهي لوحدنا. شريف: متخافيش منها يا هاله. هاله: لأ، أنا خايفة على لساني، مشكلة كبيرة.

شريف: طيب تمم، المهم. نغم: امم. شريف: عرفتي إن فيه دكتور جديد جاي المستشفى وهتبقى المساعدة بتاعتنا إحنا الاتنين، لإن نفس التخصص قلب وجراحة. نغم: هو دا منين ده؟ شريف: لسه مش عندي معلومات، هروح دلوقتي أعرف. نغم: طب روح إنت وأنا هروح أزور عبدالله وأجي. شريف: خدي بالك من نفسك. قصد قبره. وقفت هاله تقرأ الفاتحة وأنا وقفت عند خالتي وقرأت لها الفاتحة.

بسم الله الرحمن الرحيم. الحمد لله رب العالمين. الرحمن الرحيم. مالك يوم الدين. إياك نعبد وإياك نستعين. اهدنا الصراط المستقيم. صراط الذين أنعمت عليهم غير المغضوب عليهم ولا الضالين. آمين. وحشتيني يا خالتي. عارفة إنك لسه ملحقتيش، بس صدقيني إنتِ عوضتيني عن حاجات كتير أوي، عن حاجات مكنتش متخيلة إنها موجودة، كنتِ أمي وخالتي وعيلتي. عمري ما هنسى كل المواقف الحلوة اللي كنت معاكي فيها. فلاش باك. خالتي روحيه: اهدي طيب، اهدي.

نغم: بدموع وبكاء شديد. ضربني يا خالتي، ضربني. خالتي: اهدي يا بنتي طيب وفهميني شهاب ضربك ليه؟ نغم: أنا خلاص هسيب البيت ده وهبعد عنه. خالتي: نغم عيب كده، شهاب أخوكي الكبير. نغم: أنا آسفة يا خالتي. خالتي: شهاب وعبدالله هما اللي رباكي، ومهما كان اللي خلى شهاب يضربك لازم ما تقوليش كلمة زي دي، فهمه؟ نغم: حاضر. باك. هاله مسحت دموعي. يلا روحي شغلك وأنا شوية وهروح. نغم: خدي بالك من نفسك. هاله: وإنتي كمان.

كنت ماشية وبفكر في كل حاجة حصلت لي، أول يوم كنت في الشارع لوحدي. أسر. مصطفى. كاترينا. حبيبة. خالتي. حاتم. حياة. شهاب. مدام أميرة. كل الناس دي دخلت حياتي من وقت 6 سنين، بجد تعبت من كتر التفكير وأنا بحاول أدور على حاجات حلوة ليا. نغم: آآآآآآآآآآآآآآآه. مجهول: إنتي كويسة؟ نغم: إنت غبي. مجهول: تصدقي إن لسانك طويل. نغم: يشيخ منك لله، رجلي مش قادرة أدوس عليها. مجهول: اهدي طيب، أشيلك. نغم: بس ياض، هقوم لوحدي. مجهول: اتفضلي.

نغم: آآآآآآآآآه.. مش شايفني مش عارفة أقف، خلي عندك دم ووقفني. حط إيده على خصري والإيد التانية مسك إيدي. شفت وشه كان شاب طويل أبيض حلو، شعره كان بيطير، كان وسيم جداً، أول مرة أركز في ولد بالطريقة دي، بس فعلاً كان جميل، وضحكته كانت جذابة. هو كمان كان مركز وكانوا أول مرة يشوف بنت، قلقت فجأة منه. نغم: إنت يا بني. مجهول: أوديكي فين؟ اخلصي. نغم: إيه زفت؟ مجهول: أيوه الزفت ده فين؟ نغم: خلاص وقفلي تاكسي وبس.

مجهول: أوصلك بس قوليلي فين. نغم: عايزة أروح المقابر اللي هنا. مجهول: مقابر ليه يعني؟ دا وجع في الرجل يا أختي. نغم: يعم وإنت مالك، خدني هناك وبس. مجهول: إتنيلي ادخلي العربية. نغم: (بهمس) شلني. مجهول: إيه؟ نغم: شلني بقولك. مجهول: يا رب صبرني. وصلني ونزلت لهاله. بقولك. نغم: امم. اسمك إيه؟ نغم: ملكش دعوة. في بيت شريف. شريف: إيه اللي حصل؟ نغم: خبطة عربية بسيطة، محصلش حاجة. شريف: قومي نروح المستشفى.

نغم: خلاص يا دكتور، أنا محتاجة أرتاح بس شوية وهبقى تمام. شريف: خدي بالك منها يا هاله. هاله: حاضر. ....... هاله: بقولك إيه؟ نغم: إيه؟ هاله: إنتي كويسة؟ نغم: أها الحمد لله، سبيني أنام بقى عشان بكرة عندي شغل مع الدكتور الجديد. هاله: طيب، وشهاب؟ نغم: مالو يا هاله؟ إنتي ليكي مزاج تتكلمي كتير، أنا عارفة. هاله: لو عرف إننا عند شريف في البيت مش هيسكت. نغم: نعيش في الشارع يعني ولا إيه؟ نامي يا هاله. تاني يوم في المستشفى.

كنت لابسة دريس أسود وكوتش أسود، على روح عبدالله، وشعري كان مفرود وكنت قاعدة في مكتب شريف. شريف: إيه يا حبيبتي إنتي كويسة دلوقتي؟ نغم: أها يا شريف. السكرتير: أستاذ شريف، الدكتور الجديد وصل. شريف: ادخلوه. صباح الخير................. هاله: كنت جعانة، مكنتش قادرة أستحمل، خرجت على صوابعي خايفة من والدة شريف. فتحت التلاجة أدور على حاجة آكلها. والدة شريف: طبعاً ما إنتي حرامية وتربية شوارع وعيال صايعة.

هاله بغضب: بعد إذنك بلاش تهزيق ده. والدة شريف: إنتي هتحكميني كمان في بيتي؟ هاله: كفايا أوي لحد كده. والدة شريف: أنا أتكلم براحتي يا حبيبتي، أنا في بيتي. لمت هاله ملابسها في شنطة، تركت بيت شريف. شريف: صباح النور. نغم: صباح. هو أنت. شريف: تعرفوا بعض؟ نغم: الأستاذ اللي خبط رجلي. مجهول: أنا آسف بس مكنتش أقصد. شريف: حصل خير. مجهول: تحبوا أعزمكم على حاجة نشربها لو الآنسة منعتش. نغم: لأ مش عايزة. مجهول: طب كويس، يلا بينا.

في طريق إلى الكافتيريا. سألتك المرة اللي فاتت اسمك إيه ومردتيش. نغم: لأ رديت وقلت لك ملكش دعوة. مجهول: إنتي بتكسفيني لتاني مرة. نغم: أها. مجهول: طب إستني أنا الدكتور... الو، إيه ماما كويسة؟ إيه؟ مجهول: بعد إذنكم. شريف: طب في إيه؟ مجهول: مامتي تعبانة شوية. شريف: أنا عندي عملية بس، إنتي روحي معاه. مجهول: لأ ملوش لازمة. نغم: يعم يلا، ونبي وبلاش ترفض، لإنها مش مصدقة أصلاً. مجهول: تمم يلا بينا.

دخلنا بيت كبير أوي فيه ناس وخدم كتير. المجهول: ادخلي. كنت واقفة مش عايزة أدخل، أنا حسيت بحاجة أول ما دخلت، افتكرت أسوأ أيام عمري. افتكرت كره ليا وناس كنت بكرههم. المجهول: طيب خليكي هنا وأنا هطلع أشوف أمي. نغم: استني، أنا عايزة أطلع. مجهول: تعالي. دخلت غرفة كانت قاعدة أميرة على كرسي بعجل، كانت مصابة بالشلل، كانت تنظر لابنها وهو يقبل يدها ورأسها. استمعت صوت امرأة خلفي. مجهول: جدتي.

نظرت خلفي، كانت مامت مدام أميرة. كنت خايفة، بدأت الدموع في عيني، رجعت خطوة ثم خطوة للخلف لحد ما خرجت خارج الغرفة. وقفت قدام صورة، أيوه دي نفس الصورة اللي كانت مدام أميرة وحاتم وعزيز فيها. لا، أكيد لأ. حاتم: إيه دا؟ هيا فين البت؟ جدتي: مين دي يا خلبوص؟ حاتم: المساعدة بتاعتي ومساعدة الدكتور شريف، ما إنتي عارفة اللي شغال في المستشفى بتاعت بابا. جدتي: طبعاً عارفه، ولد متربي، بس هيا اسمها إيه؟

حاتم: معرفش. خليكي مع ماما وأنا هروح أشوفها وأرجعلك. وقفت، كنت الدموع في عيني، 5 سنين ضرب وقسوة في نفس البيت ده، وانهارده رجعتوا تاني. حاتم: إيه عجبتك الصورة؟ نغم: ... شريف: الو. والدة شريف: هاله سابت البيت. شريف بفزع: إيه؟ والدة شريف: اعملها إيه؟ فجأة لمّت حاجتها ومشيت. شريف: ينهار أسود، إزاي؟ والدة شريف: حبيبتي، في داهية، عقبال التانية بقى. شريف: ليه كده؟ إنتي بتعملي لي إيه؟ ممسكتيهاش ليه يا أمي؟

والدة شريف: أمسكها؟ ده أنا كنت بصلي وبدعي إن النحس دول يبعدوا عنك. شريف: أقول إيه دلوقتي لنغم أو لشهاب؟ فضل محافظ عليهم 8 سنين، وأنا معرفتش أحفظ أسبوع. والدة شريف: يلا في داهية. (إغلاق الخط) حاتم: إنتي يا بنتي. إيه؟ نغم: إنت اللي في الصورة دي. حاتم: كنت قمر ومزالتي على فكرة. نغم: أنا. حاتم: إنتي إيه؟ نزلت دموعها وسط بكاء وهي تحاول التحدث. تفتكروا إيه موقف شريف من حاتم، وموقف شهاب من الاتنين، وأسر اللي هيظهر.