رواية الضحية الفصل الخامس 5 - بقلم رويدا راشد

لما سمعت الاسم حسيت روحي نحلم. حسيت إنّي كنت عايشة وهم كبير، وهذا وين فقت بكف كبير. اصبري، مستحيل أكيد عمتي غلطت. أهلين بمرت ولدي الغالية. قمر، ما شاء الله. شن تقولي انت؟ هبلتي؟ أكيد محمد يحب رانيا، كيف طاوعك قلبك تكسري خاطرها؟ حرام عليك اللي تديري فيه. لو مش خايفة على نفسك، خافي على بنتك. تحشمي على وجهك، شن الكلام هذا اللي تقولي فيه؟ لكن الله غالب، ترباية عايدة، شن بيطلع منها؟

أنا نسمع وبديت نحس إنّ الصوت بعيد. وفجأة ظلمت الدنيا قدامي. معاش فقت إلا وقيس وخالتي جنبي. أهو فاقت، الحمد لله على سلامتك يابنتي. قريب رحتي فيها، خيرك شن فيك؟ حضنت خالتي وأنا نشم فيها في ريحة أمي. كنت خاطري نحكيلها على اللي يوجع فيا، لكن شن بنقولها؟ نحب ولد عمتي اللي خطب البنت اللي كنت حاسبتها أختي. الحمد لله على سلامتك. لو تبو حاجة أنا موجود برا.

قعمزت في جنب رانيا على السرير ومسحت دمعة كانت نازلة من عينها. حرام العيون الحلوة هذي تبكي. مش رح نسألك خيرك لأنه نعرف الدموع هذي، دموع حرقت قلب. لما قالت هكي انهرت بالبكاء. طلعت غلي كنت كامدة دموعي. الخالة، أم، احكي شن فيك. خلاني، كله الكلام والحب كان وهم. ويوم فكّر يبدلني اختار جنان. كيف مازال بنقدر نشوف لها؟ كنت حاسبتها أخت مش بنت خال. حرامي زي أمّه وخاله، شن كنتي متوقعة منه؟

امسحي دموعك واعفسي على قلبك. ألف من يتمنى عفستك. عمرها ما توقف على إنسان. لكن هو كان كل شيء عندي، مش أي إنسان. عمرك ما رح تحسي شعوري. طيح سعدك منا خالد. كيف خذيتيه؟ قصة حب طويلة عريضة. وياما خالي علي الله يرحمه طاح فيا طرايح على خاطر المسلول خالد. ضحكت وأنا في عز دموعي. توا طلع قندولة.

وتحسابي الحياة الزوجية نحبك ونموت فيك وحبيبتي. والله أيام تفوت عليا كان نلقى نصب عليه البنزينة ونولع فيه النار، لكن خايفة الفرخين يقعدو يتامى وتحصل فيهم خالتك. في حوش محسن. جنان جنان، تعالي نبي نهدرز أنا وياك. شافتلها بكل غل وحقد. بصفتك شن؟ بصفتي أمك. وهيا مصدومة. نعم نعم؟ مش كان خديتي مكانها؟ بتصدقي إنّك أمي؟ كنت مدايرة في حسابي اليوم اهو رح ييجي وتعرفي الحقيقة. هذا كتيب العائلة متعنا، شوفي اسمك وأمك شن اسمها.

كنت نشوف لي بابا ونستنى فيه يكذب كلامها، لكن نزل رأسه. أنا راجلك، عمتك وعايدة كانت عمتك، اخت بوك. نبي رانيا، ارفعوني لرانيا. فقدت أعصابها وناضت ضربت جنان. أنا أمك، أما رانيا اللي تبيها. الأم اللي تربي وتسهر، مش الأم اللي تجيب تحدف لغيرها قطعة من كبدها. هذا كان عندك كبد أصلاً. وبكل حقارة جاية واخدة راجل عمتي، معناها كنتي حاطة عينك على حياتها من قبل. تبي تزيد تضربها. خليها، شن متوقعة منها؟

تاخدك في الأحضان. البسي نمشوا لي رانيا في المستشفى. مسحت دموعي وطلعت معاه. لكن مش نفس شعور قبل إنه بوي. شعور تقزز وقرف. كيف تزوج مرت نسيبه قبل وهانت عليه ماما عايدة وهيا جاية تبي تعاود نفس الفيلم وتقهر رانيا على محمد. وأنا طبعًا كبش الفداء لصفقة الفاشلة هذي. في حوش غزالة. تستاهل أكثر. الله فاتني الجو، ياريتني شفتها وهيا منهارة باش نشمت فيها.

من الصدمة وجوها قعد كل مرة لون. لين لقتها جنان طايحة في دراها. جت خالتها وحبيب القلب قيس رفعوها للعيادة. زي القطوس بتسعة أرواح. امتى تموت بس ونرتاح منها. من اللي تحكوا عليها هذي؟ تقطعوا فيها من بكري. حبيبتك سابقًا طاحت عليهم اليوم ورفعوها للمصحة. رانيا خيرها. شن دخلك بيها انت؟ خليك في خطيبتك جنان وانساها اللي ماتتسمى. طلع برا واتصل بي خاله، أخد منه العنوان ولحقهم.

شفت جنان وهيا داخلة عليا وجهها فيه آثار ضرب. من ضاربك؟ مش مهم توا، المهم إنّك كويسة. أنا نعرف اللي صار اليوم مش شوية، راني مصدومة زيك وأكثر. لكن اللي نعرفه إنّك أختي الكبيرة اللي نحبها ومستحيل نقبل محمد، وخصوصًا إنّي كنت شاهدة على حبكم. من جابك. عمي محسن هو اللي جابني. أول مرة تقوليها عمي محسن، كنتي تقولي بابا. شن فيه؟

خدت يد رانيا وشدتها. عرفت إنه فهيمة أمي. ياريتني متت مع ماما عايدة قبل ما نعرف إنه إنسانة زي هاذي أمي. معليشي ياعمتي، هذا قدرك وما فيش حد يهرب من قدره. ممكن اللي نحس فيه من وجع أكبر من اللي في قلبك يارانيا. الحبيب يتغير، لكن الأم مستحيل تقدري تغيريها. واقف يشوف للأمانة اللي خلتهاله عايدة اللي ما عرفش يصونها. ومشاعره. أنا ظلمت نفسي بزواجي من فهيمة. كله بسبب هذيك الغلطة، لو يرجع الوقت بس مستحيل نكررها.

خالي كيف حال رانيا توا؟ انت شن جاي تدير؟ مش خطبت جنان؟ طير روح، شن تبي فيها رانيا. واقف بينهم مش فاهم شئ. علاش قيس هكي يقول لمحمد؟ أنا نكلم في خالي ورانيا بنت خالي، من حقي نطمن عليها. رانيا، أنا نبيها لولدي قيس بشرع ربي. من الصدمة مش مصدق اللي سمعه. خلي تطلع بخير وهيا ليه. مش رح تلقى أحن من خالتها وولدها. أحياناً يكون عوض أكبر مما تتخيل. شن الدوشة هذي؟ متاعهم يحسابوا أرواحهم في مربوعة. خلي نطلع نشوفهم.

مستحيل نقبله. ماتشغليش بالك بكل، انتي أختي حبيبتي، نموت ولا نكسرلك قلبك. روح والندم ياكل فيه. ضيع حب حياته عشان حقد وكره أمه.