رواية الدكتورة والمغرور الفصل الرابع عشر 14 - بقلم الكاتبة الصغيرة

نيره بدموع حاولت تخبيها: تمام شكراً. أتمنى ورقتي توصلني في أقرب وقت. زين ببرود: تمام. عن إذنك. وسبها ومشى. نيره دخلت على أوضتها. نيره بعياط: أنا كنت منتظرة منه إيه يعني؟ ده إنسان مغرور. كنتي مفكرة إنه حبك بجد؟ أسماء دخلت عليها وهي مبسوطة وبتقول: نونا تعالي بصي جبتلك إيه. وراحت أسماء ليها لقيتها بتعيط وعينها ورمة من العياط. أسماء بخضة: نيرررره مالك؟ في إيه؟ إيه اللي حصل؟

نيره بدموع: طلقني يا أسماء خلاص. زين سبني. تخيلي أول ما قلت له طلقني طلق. أسماء بصدمة: انتي بتقولي إيه؟ طلقك إزاي يعني؟ وإمتى؟ نيره حكت لها كل اللي حصل. أسماء: طب ثواني كده. انتي زعلانة ليه؟ مش كنتي عايزة كده أصلاً. نيره بعياط: أيوه أنا كنت عايزة كده بس بس مش عارفة. أنا خلاص تعبت بجد. أسماء بهدوء: انتي حبتيه يا نيره. نيره بتوتر: لا طبعاً. حبيته إيه؟ يستحيل أحب المغرور ده.

أسماء بضحك: تؤ يا نيره. انتي حبتيه بس بتكذبي على نفسك وخلاص. نيره بدموع: لا. قلت لك لا. مش بحبه. أسماء: طب خلاص. اهدي. قومي ياله علشان نأكل. أنا جعانة أوي. ياله بينا. نيره وهي بتمسح دموعها: جبتي أكل إيه؟ أسماء بضحك: يالهوي! مش كنتي بتعيطي دلوقتي؟ نيره بضحك: الأكل ملوش دعوة. ياله قومي. أسماء: ياله يا أختي. وقعدوا أكلوا وخلصوا وفضلوا يهزروا. عند زين كان متعصب جداً وموجوع من اللي عمله وإنه خلاص كده حياته اتلخبطت جداً.

ياسمين بهدوء: زين. اللي انت عملته ده غلط كبير جداً. غرورك وتكبرك هيضيع منك الإنسانه الوحيدة اللي حبيتها. حرام عليك. ليه كده؟ ده نيره بنت طيبة جداً وكويسة. وباين عليها بتحبك. زين ضحك بسخرية وقال: نيره مبتحبنيش ولا عمرها هتحبني. ياسمين: صدقني نيره بتحبك. مضيعهاش من إيدك لو سمحت يا زين. وسبته ومشيت. زين بغضب جحيمي وزعيق: أنا المفروض أعمل إيه دلوقتي؟ أنا تعبت منك يا نيره وتعبتي قلبي معاكي.

راح أخد الفون بتاعه واتصل بواحد. : أهلاً زين بيه. حضرتك فين من زمان؟ زين ببرود: عايز واحدة على الفيلا التانية بسرعة. : بس كده. أنت تؤمر يا زين بيه. زين قفل الفون بعصبية ونزل ركب عربيته وراح على الفيلا. وبعد شوية البنت وصلت. البنت بمياصة: فينك يا زين بيه؟ وحشتني والله. زين ببرود: قومي معايا. البنت بضحك: عيوني بس كدا. زين قام الصبح لقى البنت نايمة جنبه. بص عليها بقرف وقام دخل أخد شاور وطلع. البنت

بمياصة وهي بتميل عليه: كنت وحشني أوي يا بيبي. زين بقرف: متقربيش. وتفضلي. البسي وغوري. البنت: أمرك يا زين باشا. ودخلت لبست ومشيت. زين بص لنفسه في المراية بعصبية: أنا هعلمك الأدب يا نيره. هتندمي والله. لندمك. عند نيره. قامت من نومها. أخدت شاور بسرعة ولبست ونزلت المستشفى. منه بجري عليها: اتأخرتي كده ليه يا دكتورة؟ انتي نسيتي إن عندنا عملية ولا إيه؟ نيره وهي بتنهج: أعمل إيه؟

راحت عليا نومه. ياله بس انتوا جهزوا كل حاجة. ياله بسرعة. وبدأت نيره تجهز وخلصوا ودخلت أوضة العمليات. وبعد ساعتين طلعت. نيره بتعب: أه تعبت أوي النهارده. منه: فعلاً العملية دي كانت صعبة أوي. نيره: هاتيلي قهوة يا منه. منه: حاضر. وراحت نيره على مكتبها. وبعد شوية زين رزع الباب بعصبية. نيره بصدمة: إنت! إنت بتعمل إيه هنا؟ زين بعصبية: أنا هقولك أنا بعمل إيه هنا.

وشالها بالقوة ومشى ومحدش عرف يوقفه. وزقها في العربية وطلع على الفيلا. نيره بقلق ودموع: زين! في إيه؟ زين من غير ولا كلمة نزل وشالها وطلع على الجناح بتاعه وزقها على السرير. نيره بخوف وهي بترجع لورا: زين! انت هتعمل إيه؟ زين بسخرية وهو بيقلع القميص: هاخد حقي الشرعي يا هانم. نيره بصدمة: حقك إيه؟ انت مجنون؟ إحنا اتطلقنا. زين بسخرية: هو أنا مقلتلكيش؟ ما أنا رجعتك تاني لعصمتي يا هانم. نيره بصدمة وخوف: زين بالله عليك سبني.

زين ضحك بسخرية وبدأ يقرب منها. نيره بصراخ: زيييييييين.