رواية الفسحجية الفصل السابع 7 - بقلم يارا محمود شلبي

حسنًا كالمعتاد أنهوا جميع محاضرتهم وذهبوا لأستكمال ما بدوا من تعليم السواقة. في سيارة سفيان، وضع أمامها بعض الحلوى ثم قال لها: -علشان تتعلمي بضمير بس. أبتسمت له ثم قالت: -على فكرة أنا متحمسة أوي وحاسة إني هسوق كويس. أنا طول اليوم بليل بتفرج على فيديوهات على النت. -طب يلا بقى. -يلا. *** عائشة: -يا تاج يا حبيبتي، عملتي كل حاجة صح وكل تعلمات امبارح فكراها. بس عمرك ركبتي مع حد سايق على 20؟ إحنا كده مش هنمشي يا ماما. تاج:

-يوه بقى، خايفة أزود يحصلنا حاجة. عائشة: -متخفيش، يلا بقى لسا أميرة. تاج: -حاضر. بدأت تاج في قيادة السيارة بشكل منتظم لكن بتوتر وخوف، فهي تخشى أي تجربة جديدة أو حتى أشخاص. بعد مرور وقت، نزلت تاج وجلست مكانها أميرة. عائشة: -أنا عارفة إن موني شاطرة وهتسوق كويس صح؟ أميرة: -طبعًا. قالتها أميرة بفخر. بدأت في القيادة مع تعليمات عائشة لها، لكن قاطع كل هذا هاتف أميرة. عائشة:

-مش مهم دلوقتي، بصي بس قدامك. هاتي بقى على الـ R. ركزي على المرايات ماشي؟ بصي ورا كويس مفيش حد. يلا دوسي بنزين. لم تضغط على البنزين بل على الفرامل، فوقفت السيارة على غفلة. نظرت لها عائشة بعدم فهم، فجلبت أميرة هاتفها الذي دق كثيرًا ثم أجابت:

-الو يا مصطفى، لا أديني أمك بقى. أنا خلاص تعبت من الاستهتار دا. الو يا أم مصطفى، مصطفى مش عاجبني، بيلعب كرة ومش مركز في المذاكرة. أنا بقولك اهو لو سقط أنا مليش دعوة، العيب في مصطفى يا أم مصطفى. ظلت تتحدث مع أم مصطفى وعائشة تضرب كفًا بكف، وتاج التي أحست أنها تجلس مع أحد الأمهات الكبيرة في السن وتنصح صديقتها بأن ابنها سوف يفسد من لعب الكرة. -في حفظ الله يا أم مصطفى، يلا مع السلامة، سلام سلام. في إيه؟

مالكم بتبصولي كده ليه؟ يعني أسيب الواد يضيع؟ تاج: -إزاي تسيبي الواد يضيع بس؟ سيبي صحابك دمهم يتحرق عادي. عائشة: -أنا نفسي أفهم What should I do. أميرة: -ولا أي حاجة، عايزاكي بس ترجعي لورا وأتفرجي عليا. أصل البت مسك بتسوق حلو أوي وأنا عايزة أقلدها. قلتها أميرة بثقة. عائشة: -وريني يا ستي. وضعت أميرة قدمها على البنزين وقد تناست أن السيارة موضوعة على الرجوع وهي تنوي التقدم. أميرة: -يالهويييي، هي بترجع ليه! تاج:

-بترجع ليه إيه يخربيتك، ما أنتِ جايباها على الـ R. هتدخلي في صندوق الزبالة يا زبالة. كل ما جاء بعقل عائشة أن توقف هذه المهزلة، فرفعت فرامل اليد ووقفت السيارة قبل أن تصطدم بصندوق القمامة. عائشة: -واضح إنك فعلًا كنتي عايزة تقلدي مسك، ما هي ملهاش حل تاني. ظلوا كثير من الوقت يتعلمون حتى قالت عائشة إلى تاج: -هتتعلمي تركنلي العربية في المكان اللي هناك دا. أشارت بيدها على أحد الأماكن بجوار عمود إضاءة. نزلت عائشة تساعدها.

عائشة: -أيوه، تعالي يمين شوية. هاتي عجلتين لورا وبعدين حضني على العمود. يا بنتيييي، أقفي هتموتيني. وقفت عائشة أمام تاج. عائشة: -بقولك العمود، مش أنا. أفهمي بقى. تاج: -الله، طب استني ألبس نضارة القراءة بتاعت أميرة. عائشة: -Really, fuck you. تاج: -الله يسامحك، مش شايفة كويس. عائشة: -فعلشان كده تاخدي نضارة أميرة بتاعت القراءة؟ أشتم أقول إيه بس. ***

تجمعوا جميعًا بعد يوم متعب، لكنه ممتع بالنسبة للبعض. يجلسون يتناولون أحد الوجبات في مطعم، ثم هاتف سيف شقيقه سفيان. سيف: -طمني، في تحسن؟ منهم ولا لا؟ سفيان: -اه، في تحسن جامد يا سيف. بكرة إن شاء الله هاخدهم نعمل الرخص. سيف: -على خيرت الله. أنا معايا يوم بالظبط وأخلص البرنامج. بكرة بعد ما تخلصوا الرخص، محتاج أتكلم معاكم كلكم. سفيان: -خلاص تمام، البنات كلها قدامي أهو وموافقين.