رواية الفسحجية الفصل السادس 6 - بقلم يارا محمود شلبي

دلفت إلى المنزل وهي تدندن بأحد الأغاني المشهورة. "على بالي متغبش يوم من بالي أسمك دا بن..سب ... الي." قالت مسك أخر كلماتها بتقطع حين وجدت أميرة وتاج ينظرون لها بتحذير. تاج: "يلا أحكي بقى كل اللي حصل ومين دا اللي حفظتي أسمه؟ مسك: "مش انا والله دي روبي." أوقف ذلك أحدًا يطرق الباب بخفة. نظروا ثلاثتهم لبعض. أميرة: "يمكن عائشة نسيت حاجة؟ تاج: "مش عارفة." تقدمت مسك تفتح الباب لتجد كانكة يقف وبين يده يمسك طعام كثير.

كانكة: "أمي بعتالك الأكل دا وبتقولك عقبال الشهر الجاي." مسك: "الشهر الجاي! هي أمك من أمتى بقت طيبة؟ وبعدين باعته عسل وفطير الدنيا جرا فيها إيه من الصبح لليل؟ كانكة: "ما انتو دافعين أجار شهرين قدام." مسك: "إحنا؟ كانكة: "أيوه في واحد الصبح كان جاي بعربية فخمة أوي وشكله ابن ناس كده دفع الإجار ومشي." مسك: "الصبح ماشي يا كانكة يا أخويا روح لأمك وقولها تاخد الأكل دا احنا مش قابلين الحاجات ديه من حد."

كانكة: "والله ما يحصل دي تعلقني ترضي يجيلي المشاكل من وراكي؟ مش أنا وانتِ دايمًا بنعمل مشاكل وبنتخانق مع بعض ترضي حد يتخانق معايا غيرك؟ مسك: "تصدق أقنعتني يلا أمشي ياض من هنا." أغلقت الباب ثم استغلت أن أصدقائها جلسوا يأكلون من ذلك الطعام فذهبت هي إلى أحد الغرف تتهرب من أسئلتهم. *** "في إيه يا بني كده داخل مبسوط كنت فاكرك هتبقى زعلان على ياسمين."

سفيان: "أسكت يا سيف أنا مبسوط أوي أوي ومتجبش سيرة ياسمين تاني أنا النهاردة أتأكدت إني عمري ما حبتها وإنها أكتر أنسانة طماعة أنا شوفتها في حياتي." سيف: "وانتَ جاي تعرف كل دا دلوقتي طب إيه اللي حصل يعني لدا كله؟ سفيان: "قبلت أرق بنت أستغفر الله العظيم يارب." سيف: "مالك يا بني بتستغفر ليه؟ سفيان: "أصلي كدبت." ضحك سيف بشدة حتى أوقف ذلك الضحك سؤال سفيان. سفيان: "هو انتَ بتعمل إيه؟ سيف: "بشتغل على البرنامج."

سفيان: "مش المفروض تشتغل في الشركة مع الفريق؟ سيف: "لا دا موضوع شخصي وأنا قولت لازم أشتغل عليه بنفسي." سفيان: "طيب بس خد راحتك على الآخر أنا مش مستعجل خالص مدام هشوفها." سيف: "بتقول إيه ياض انتَ؟ البرنامج قرب يخلص أصلًا." سفيان: "بالسرعة ديه؟ سيف: "يا بني هو أنا أي حد ولا إيه." أرتفع صوت هاتف سفيان معلنًا عن إرسال رسالة على أحد التطبيقات. فتح سفيان هاتفه يجد رقم مسك تبعت له أحد الرسائل.

مسك: "على فكرة عيب اللي انتَ عملته دا على الأقل كنت قولت لحد مننا دا هيفضل دين في رقبتي وأول لما يبقى معايا فلوس هتفعلك كل الفلوس اللي دفعتها." سفيان: "مفيش الكلام دا مش أحنا صحاب." مسك: "إحنا صحاب بس مش للمصلحة أنا مش مصاحبه بنك وأنا مدايقة هتخليني أنزل أدور على شغل من بكرة غير المشروع دا." شعر بالخوف عليها للحظة. سفيان: "خلاص لما يبقى معاكي فلوس يبقى يحلها حلال." مسك: "تصبح على خير يا سفيان."

سفيان: "وانتِ من أهل الخير." أغلق الهاتف معها ثم قفز على الفراش الذي يجلس عليه شقيقه. سفيان: "ما براحة يا أهبل اللاب هيقع على الأرض." سيف: "يا عم أسكت وانتَ شبه جرين دايزر كده بكل الأجهزة ديه." *** في أحد المنازل. "مالك يا حبيبي في إيه؟ أقترب من والدته وهو يقول. ياسين: "مدايق أوي يا ماما." الأم: "ليه بس يا قلب ماما؟ ياسين: "واحد صاحبي بيحب بنت بس هي شاطرة أوي ومش هتقبل بيه." الأم: "ليه كده هو صحبك دا فاشل يعني؟

ياسين: "لا يا هبة هو مش فاشل بس هو ملموم على شوية عيال صيع هو بيحاول يبعد بس مش عارف." الأم: "لا يا حبيب هبة قوله يبعد عنهم هااا قوله أنا عارفاهم ولاد الحرام دول بس أنا ابني محترم وأنا عارفة ياسين كويس." ياسين: "طبعًا ياسين محترم أنا بقول على صاحبي." أحتضنته هبة وهي تقول. الأم: "متخليش حد يأثر عليك ويبعدك عن اللي انتَ عايزاه لو فعلًا بتحبها هتبعد عنهم علشانها وهتعمل المستحيل علشان تنول رضاها."

أبتسم ياسين وهو بين أحضان والدته.