رواية الجامعة الغامضة الفصل الثاني 2 - بقلم اسراء ابراهيم

في الجامعه كانت جميله وياسمين ماشين ومش مصدقين اللي شايفينه. وفجأة جميله خبطت في ولد. جميله: مش تحاسب يا بني ادم انت. عمر: ايه الطريقة دي انتي ازاي بتتكلمي معايا كده انتي مش عارفة انا مين. جميله: هتكون مين يعني. عمر: بصي انا مش هقف اتكلم مع اشكالك دي علشان مش بتعامل مع مستويات كده. ومشي وسابها. جميله: يابن اللذينه يلا بينا يا ياسمين. ياسمين

وشافت ولد حلو من بعيد: بصي بقي يا جميله احنا علطول مع بعض سواء في المنطقه او في المدرسه فانا وانتي لازم نفترق عن بع.. جميله قاطعتها: كل ده بتقوليه علشان تسيبيني خلاص روحي يا ياسمين شوفي عايزه تعملي ايه. وسابتها ومشيت وهي الدموع في عينيها. مكانتش متخيلة ان صاحبه عمرها تتفرق عنها بالسهولة دي. ياسمين خبطت في الولد بقصد: اه اسفه. الولد بنظرة خبث: لا ولا يهمك يا قمر. ياسمين: لمي حاجتك ايه ده انا عندي محاضره عن اذنك.

فريد: اذنك معاكي. فريد في نفسه: شكل الجامعه لمت اشكال حلوه وانا هعرف اتصرف ازاي معاهم. في المدرج جميله كانت مستنيه ياسمين عند الباب علشان يقعدوا جمب بعض. بس ياسمين تجاهلتها وراحت قعدت جمب شلة كبيرة من الولاد والبنات. جميله شافت بنت قاعده في الاخر خالص راحت قعدت جمبها. والبنت دي مخبية جزء كبير من وشها بشعرها. جميله: اهلا انا جميله انتي اسمك ايه. زينب: اسمي زينب. جميله: ممكن سؤال.

زينب: انا عارفه سؤالك انتي عايزة تسالي انا ليه مخبية وشي صح. جميله: اها. زينب: متاكدة انك عايزة تشوفيه. جميله: ايوه. زينب كشفت وشها وكانت مريضة بهاء. جميله: قمر ما شاء الله ممكن نبقى صحاب. زينب: انتي بتقولي ايه انا محدش بيحبني. جميله: لا ازاي انا بحبك. الدكتور دخل: نبقى نكمل كلام بعد المحاضره واه سيبي وشك ظاهر ده مش عار عليكي علشان تخبي وشك كده. بعد المحاضره جميله وزينب كانوا قاعدين في الكافتريا وبيتعرفوا علي بعض.

وفجأة جه عليهم عمر وشلته. عمر: يعني انتي كده جايه الجامعه بمنحة وبتتنكي علينا. يا حبيبتي انتي اخرك تمسحي الترابيزات دي شايفاهم. جميله مسكت ايد زينب وكانوا هيمشوا. بس وقفهم صوت بنت مع عمر. ميرا: وانتي مش مكسوفة تمشي كده بوشك ده انا لو مكانك مكنتش هنزل من البيت. لفت جميله وضربتها بالقلم: اسكتي بقي انا اللي لو مكانك مكنتش هنزل من البيت عارفة ليه علشان انتي سودة من جوه انتي بتحقدي عليها ليه معرفش والله دي اسبابك.

عمر: انتي ازاي تمدي ايدك عليها انتي مجنونة. جميله: اه مجنونة وخلي في علمك انا مش قطة مغمضة علشان اسكت ليكم علي كل ده. لا فوقوا يا ولاد المدارس الخاصة لا انا مش بسكت عن حقي. العميد من وراها: انتي ازاي تمدي ايدك علي بنتي لا وكمان بتزعقي في وسط الجامعه ومش همك ورايا على مكتبي. جميله راحت وراه. في مكتب العميد العميد: ليه ضربتي ميرا بالقلم. جميله: علشان تنمرت على صحبتي. العميد: طب لو كنتي تعرفي انها بنتي كنتي عملتي.

جميله: اه علشان انا مش بيهمني حتى لو بنت وزير. انا مؤمنة بان لو أي حد غلط لازم يبقى ليه عقاب وكان لازم اديها ليها. العميد: انا بحيكي على شجاعتك بس صوت عالي وضرب في الكافتيريا لا ابقي هاتيها ليا وانا هتصرف بمعرفتي. يلا اتفضلي روحي على محاضرتك. بعد انتهاء المحاضرات جميله: تعالي بقي يا زينب اعرفك على ابويا واخويا كمان. وتقعدي معايا شوية. زينب: ماشي وبكرة هتيجي معايا بيتي ماشي. جميله: ماشي. عند السوبر ماركت بتاع سيد

(ابو جميله) جميله دخلت هي وزينب السوق. سيد: اهلا استاذه جميله. جميله: استاذه يا بابا انت مفكرني هتكسف منك. وراحت وقفت جنبه وبوست دماغه. ده انت تشرفني وتشرف البلد كلها. بصي بقي يا ستي ده بابا وده السوبر ماركت اللي كنت باجي اقعد فيه ايام الثانوية العامة اذاكر وبابا يروح شغله التاني. زينب: ازيك يا عمو. سيد: الحمد لله بخير يا بنتي. يلا يا جميله اطلعي خدي صاحبتك واقعدوا مع بعض في البيت.

زينب: لا ازاي يا عمو خلاص انا والبت جميله هنقعد هنا في السوبر ماركت وحضرتك اطلع ارتاح او لو وراك شغل تاني. جميله: هو ده الكلام. سيد: طيب انا هروح شغلي التاني ولو اخوكي جه يا جميله ابقي اديه فلوس الكورس هتلاقيها في الدرج. جميله: حاضر يا بابا. بعد شوية يوسف: جميله بابا ساب معاكي فلوس الكورس ولا لا. جميله: اه سابهم اتفضل. وبعد ما خرج ياسمين جت. جميله: ياسمين ممكن تقعدي انتي في المحل علشان هروح اعمل حاجة.

ياسمين بخبث: ماشي. جميله: يلا يا زينب. ومشوا ورا يوسف بعربية زينب. بعد شوية وصلوا لشارع شبه مهجور. يوسف دخل فيه. يوسف: الحقني بالجرعة احسن انا هموت. وعطاهم الفلوس. كل ده وجميله بتصوره فيديو. عمر وهو في العربية شافها. (ملحوظة: عمر الطريق اللي بيروح منه بيته اتقفل فاضطر ياخد الطريق ده) عمر نزل من العربية: ايه ده امال ليه عامل لينا في الجامعه انك الكبرياء والكرامة وانتي جايه في شارع مهجور تبيعي شرفك.

جميله ضربته بالقلم: انت ازاي تقول عليا كده. عمر:........... عند ياسمين كانت بتدور على مفتاح درج الفلوس لحد ما لقته واخدت فلوس اللي كانت في الدرج.