رواية الحب الحقيقي الفصل السابع 7 - بقلم حنين هاني

ليل. احم، هو انت غيث؟ غيث. أيوه، أنا المغفل اللي عاوزكِ تشتغلِ معايا. ليل. أنا مقصدتش يعني كده، أنا بس المبلغ كبير عشان كده مصدقتش. غيث. عاملة إيه الأول؟ ليل. كويسة الحمد لله. غيث. طيب، أنا فتحت شركة وكنت محتاج سكرتيرة وشايف إن انتي هتكوني مناسبة، ولا إيه؟ ليل. آه، دي حقيقة. وأنا شايف إن الشغلانة دي هتناسبك بدل ما انتي بتشتغلي شيفت على الشيفت بتاعك. فرح، طالعة من جوه. فرح. ليل، أنا ماشية بقى. عاوزة حاجة؟

ليل. بصت. أي. فرح. ده دكتور ليث، ازيك؟ ليث. الحمد لله يا فرح، وانتي عاملة إيه؟ فرح. تمام. ازيك يا أستاذ غيث؟ غيث. الحمد لله، بس من غير أستاذ عادي يعني. فرح ابتسمت. فرح. حاضر يا غيث. في داخلها. يعني أخوه اللي مشوفتهوش غير مرة. قالي نادي باسمي عادي. أومال هو ليه مفرضش يقولي ليث من غير دكتور عادي، مع إن أعرفه من قبل ما ليل تيجي. وفضلت سرحانة. ليث. يا بنتي، روحتي فين؟ فرح. بتكلمني أنا؟ ليث. أيوه، انتي بقالك ساعة بكلمك.

فرح. معلش، مأخدتش بالي. كنت بتقول إيه؟ ليث. كنت بقول شوفي صحبتك جاييلها عرض شغل كويس وهي مش راضية. فرح باستغراب. فرح. شغل إيه؟ غيث. عاوزها تشتغل معايا سكرتيرة. فرح. دي شغلانة كويسة يا ليل، مش موافقة ليه؟ ليل. أنا مقلتش إني مش موافقة، أنا بس مش عارفة أحدد. غيث. هي مش محتاجة. انتي خريجة تجارة وهتبقي سكرتيرة، إيه اللي محتاج تفكير؟ ليث. غيث عنده حق، يا ليل. هتبقى فرصة حلوة أوي ليكي. ليل. بس أنا مينفعش، هسيب فرح لوحدها.

فرح. متقلقيش عليا، أنا كده كده متعودة على المكان. غيث. فرح، انتي خريجة إيه ولا لسه؟ فرح. لا، أنا في سادسة طب. ليث بصدمة. ليث. انتي في طب؟ فرح. أيوه، والسنة الجاية هتتخرج إن شاء الله. ليث. غريبة. أول مرة أعرف. وبعدين إزاي يعني في طب وبتلحقي تنزلي شغل وتذاكري؟ فرح. عشان أنا متعودة. أنا بقالي سبع سنين شغالة ودخلت الجامعة وكنت بشتغل برضه، وأهو خلاص هانت وهتخرج.

غيث. انتي بجد استرونج ومون بجد. بفرح لما بشوف بنات بتعرف كده. فرح. مرسي. غيث. إن شاء الله تبقي أشطر دكتورة. فرح. المشكلة إني مش بحب الطب. غيث. إزاي حد يكره يكون دكتور؟ فرح. أنا، لأني مش شايفه نفسي فيها. أنا بحب الرسم أوي وكان حلمي أخش فنون جميلة، بس فرحة أهلي بالمجموع خلتني اتنازل عشانهم وعشان فرحتهم. غيث. فرح، انتي بجد عظيمة. ليل. فرح بنت جميلة أوي وأنا مقدرش أسيبها لوحدها بصراحة. غيث. اممممم، يعني مش موافقة؟

فرح. إيه العبط ده؟ لا طبعًا لازم توافقي. غيث، هي موافقة. مينفعش توفقي حياتك عليا أصلاً. أنا هسيب الشغل قريب عشان نازلة تدريب من أول الصيف، يعني مينفعش ترفضي. ومتقلقيش عليا، أنا هكون تمام. ليث بيبص لفرح وأول مرة يعبر ياخد باله منها. كان بيشوفها على طول من قبل ليل تيجي، بس كان الأمر عادي. أول مرة يقفوا يتكلموا ويشوف قد إيه هي جدعة. غيث. أعتقد معنديش مشكلة تاني. ليل. موافقة.

غيث. أوكيه، هو ده الكلام. بكرة الساعة 8 في مدينة نصر، شركة LSR. يلا يا ليل. ومشيوا. فرح. آآآآآآآآآآآه، مبروك أخيرًا هترتاحي من التعب ده. ليل. الحمد لله بجد، بس زعلانة إني هسيبك لوحدك. فرح. متزعليش ياحبيبتي. أنا أصلاً تعبت وبفكر أسيب الشغل وأركز في الدراسة. ليل. خطوة حلوة، عاوزاكي تبقي أشطر دكتورة جراحة في البلد. فرح. ده كده كده. في مكان تاني عند ريم. ************************

ريم قاعدة عند السنتر بتذاكر ومستنية معاد الدرس عشان تبدأ مع مستر جديد. وهي قاعدة، قعد جنبها أصحابه. مازن. ريري، اللي قاعدة بقالها أسبوع مش بتكلم حد. أحمد. انتي زعلانة يا بيضا؟ منه. بس بطلو رخامة على ريم. أحمد. انتي زعلانة ليه بقا؟ ريم. انتوا بجد مش عارفين؟ يعني أمون واقفة مستنية حد يتكلم ويقول ريم مش كده، بس بجد طلعتوا صحاب اسم عادي. مازن. كده برضه يا ريم؟ بقا إحنا صحاب اسم؟

ريم. أيوه يا مازن، لما تكونوا شايفين إني بتتهزأ ومحدش يفكر يدافع عني، تبقوا كدة. أحمد. يابنتي محنا عارفين إنك مش هتسكتي، وانتي عارفة لو حد فينا اتكلم مش هيسكتوا ويفضلوا بقا يقولوا كاني وماني. منه. خلاص، إحنا آسفين. حقنا علينا. بعد كده لو حصل موقف زي ده هنقف جنبك. وعلى فكرة، إحنا طلعنا من عندك. مازن. خالص بقا يا قلب مزيكا. ريم. وجع في قلبك. أحمد. كده انتي مش زعلانة؟ ريم. أيوه، خلاص. وحشتوني يا كلاب.

منه. انتي كمان وحشتيني أوي. يلا بقا عشان تخشي معانا الدرس. ريم. درس إيه؟ أنا حجزت مع مدرس خلاص. منه. لا عادي، هتخشي معانا عند مستر مصطفى. الكل بيشهد بشطارته بجد. ريم. أوكيه. وقاموا ودخلوا. شيماء. مستر مصطفى، دول طلاب جداد. مصطفى. تمام. ودخلوا، وبصتله ريم واتصدمت. بصلها مصطفى وابتسم ليها.

مصطفى. اتفضلوا يا شباب، وإن شاء الله تفهموا. والحصة دي فري يعني مجانا. عجبكم الشرح تمام، ولا معجبكوش الشرح تمام. وبالتوفيق، اتفضلوا. وقعدوا، وبدأ مصطفى يشرح. وريم في نفسها. ريم. بقا انت طلعت مدرس؟ يعني يقول عليا إيه ده؟ كلمته بطريقة وحشة، بس أنا اتعذرت وكنت زعلانة عادي يعني. وفاقت على صوته. مصطفى. آنسة ريم. ريم. أنا. مصطفى. أيوه، شايفك سرحانة. ممكن في حاجة مش فاهمها؟ تحبي أشرحها؟ ريم. لا، أنا تمام.

مصطفى. طيب، تمام. اتفضلي معايا عشان تحلي المسألة دي. ريم. أوكيه. طلعت ريم، وكتب مصطفى مسألة. مصطفى. اتفضلي. ردت ريم تحل، وخدت السبورة كلها في الحل. وكل ده الطلاب مش عارفين هي بتحل إيه، ومصطفى واقف متفاجئ منها. وبعد تلت دقايق خلصت. ريم. خلصت. مصطفى. بجد براڤو عليكي. نسقف لها جامد يا شباب. ريم. شكراً. مصطفى. هو بس سؤال، مين علمك تحلي بالطريقة دي؟ ريم. أخويا.

مصطفى. تحية كبيرة لأخوكي على مجهوده العظيم ده بجد. اتفضلي طبعًا، انتوا مش فاهمين حاجة، بس هي دي الطريقة الصحيحة. بس أنا، إحنا عشان نحاول نشيل من عليكوا، بنحل بادي ونتعبرها صح عشان الدرجات. وأشكر زميلاتكوا على المجهود ده. بس اسمك إيه؟ ريم. اسمي ريم. مصطفى. براڤو عليكي يا ريم.