رواية الحب الحقيقي الفصل التاسع 9 - بقلم حنين هاني

ليل. انتي بتقولي إيه يافرح؟ أهلي إيه اللي كانوا عندك؟ فرح، لو بتهزري بلاش الهزار ده. فرح. والله مش بضحك عليكي، جت مامتك وباباكي ومعاهم اللي اسمه زين ده. ليل. زين كان معاهم؟ يبقى هو اللي عرفهم مكاني. طيب انتي عملتي إيه؟ حكت لها فرح اللي حصل. ليل. شكل مش ناوي يجيبها لبر معايا، ماشي يافرح، أنا هتصرف. هقفل دلوقتي، ولما أخلص شغل هكلمك. ليل كانت قاعدة مستنية غيث وبتفكر، يترا عاوزين إيه؟ ولسه فاكرين يدوروا عليا؟

ده ممعملوش كده لما مشيت من البيت. فلاش باك. زين. ليل! انتي شغالة هنا؟ وجريت عليها حضنتها وبدأت تعيط. ليل. وحشتيني أوي يازينة، عاملة إيه ياحبيبتي؟ زينة. مدمرة من غيرك ياليل، ليه سبتيني ومشيتي؟ وانتي عارفة إني مبعرفش أعيش من غيرك. ليل. النصيب يازينة، مكنش ينفع أعدي أكتر من كده، كفاية اللي حصل. بس هو إيه اللي حصل لما بابا عرف إني مشيت؟ سكتت زينة ومعرفتش تقولها إيه. ليل. قولي يازينة، هو كده كده الموضوع عدى.

زينة. لما شاف الرسالة سكت وقال الحمد لله إنها مشيت. وبص لماما قالها: لو سأل عليا قولي سافرت لأختك بره ومحدش يجيبلي سيرتها تاني خالص في البيت. ماما حاولت معاه، بس مكنش في أمل. ليل. وإزاي بس عاوزني أرجع وهو حتى ميكفرش يدور عليا؟ أنا خلاص حياتي أنا هعيشها لنفسي، وانتي يازينة متعرفيش أي حد مكاني، حتى لو كان مين، عشان خاطري أنا عشان أعرف أعيش. زينة. ماشي ياليل، مش هقول لحد خالص. بس ابقي كلميني.

ليل. حاضر، لما أكون فاضية هكلمك. ابقي عدي عليا كل فترة كده. زينة. حاضر. وحضنتها ومشت. ليل. ليه كده يازينة؟ قولتلك متعرفيش حد خالص. لو مكنتيش قولتي لزين مكنش كل ده حصل. كده زين خدها عنده ومش هيسكت. وفاقت على صوت غيث. غيث. صباح الخير ياليل. ليل. صباح النور. غيث. آسف على التأخير، تعالي ورايا. ومشيت وراه ودخل المكتب بتاعه. ليل. دخلت وقعدت. غيث. معلش ياليل، محتاج شوية بيانات كده عشان الملف.

ليل. بس أنا معيش البيانات دلوقتي. غيث. لا متقلقيش، هتقوليلي وأنا هجيبهم من الكمبيوتر وأطبعهملي. ليل. تمام. وقالتله على البيانات وخلص الورق وفهمت إنها السكرتيرة المسؤلة عن كل المواعيد والصفقات وكل حاجة. غيث. عارف إن ممكن يكون الشغل تقيل عليكي، بس أنا واثق فيكي. ليل. إن شاء الله مخيبش ثقتك دي. وراحت ليل وهي مبسوطة ومرتاحة أوي للشغل. وفجأة دخل حد عليها. عز. هالو ياقمري. ليل. باستغراب. مين حضرتك؟

عز. أنا عز، صديق غيث المقرب، وكنت بره ولما جيت شغلني هنا. امسك الإدارة وأنا اللي هدربك يا عسل أسبوعين لغاية ما تبقي تمام. ليل. آه، أهلاً وسهلاً. عز. أهلاً بيك ياقمر. انت اسمك إيه؟ ليل. اسمي ليل. عز. عاشت الأسماء ياليل. بصي بقا تعالي عشان أفهمك الصعب. وبدأ يفهم ليل كل حاجة بالتفصيل. وبعد أربع ساعات خلصوا.

عز. أتمنى تكوني فهمتي كل حاجة، وبرضه أنا معاكي، يعني متقلقيش لو حاجة وقفت معاكي عرفيني وأنا هفهمك. وأه، أهم حاجة تكوني برضه عشان المدير رخيم أوي بصراحة، وإنتي مش هتستحملي غير وإنتي برضه. ضحكت ليل، بس سكتت لما شافت غيث. وكل ده وعز لسه مكمل.

عز. زي ما بقولك كده، بصراحة لا يطاق، وهو في الشغل قافش كده وشايف نفسه. تحسي إنه شايف نفسه راجل بيزنس. انتي عارفة لولا إنه صاحبي واتحايل عليا مكنتش وافقت أشتغل هنا وأشيل الشركة دي كلها. غيث. امممم، وإيه كمان؟ عز. مبحبش أتكلم عن نفسي... وسكت لما سمع الصوت وبص جنبه لقى غيث واقف ومربع إيده. عز. وزي ما قولتلك يابنتي، أستاذ غيث صاحب الشركة ده راجل محترم أوي ومش بيتعصب نهائي. وقام طلع وجري، وضحكت ليل.

(عز عنده 25 سنة، ابن خالتهم وصاحب غيث المفضل، كان عايش بره وكان بيدرس ورجع وبيحبهم أوي وبيحب الهزار والضحك، وبيدور على واحد تخطفه من أول نظرة عشان يكمل معاها حياته) غيث في نفسه. يخربيت حلاوة ضحكتك. غيث. احم، ليل جهزي نفسك عشان ورانا ميتنج بره وهتجي معايا. ليل. حاضر. وخرج غيث وكان واقف عز وخد ودخل المكتب. غيث. بقا أنا اللي يتعامل معايا يبقى بارد عشان يستحملني. عز. ماهو بصراحة بقا، آه، إنت بتكون زي المتحول وإنت شغال.

غيث. ماشي، مخصوم منك خمس أيام. عز. يا عم هو أنا لسه اشتغلت عشان تخصم؟ وبعدين مش بمزاجك، أنا هنا ماسك إدارة الشركة دي كلها. غيث. وعلى فكرة بقا، أنا المدير اللي مسكتك الشركة دي كلها. عز. احم، عادي مش هتتخلف يعني. المهم جاهز عشان نمشي. غيث. نمشي فين؟ عز. ورانا ميتنج بره يا بني كمان ساعة. غيث. آه، منا عارف، بس إنت مش جاي معايا. عز. يعني إيه؟ هتروح لوحدك؟ غيث. لا، هاخد ليل. واتفضل من غير مطرود.

عز. آه، قولتلي ليل، امممم، بس هي قمر بصراحة. غيث. ريح نفسك ياعز عشان مزعلكش على نفسك. عز. يا صاحبي، عيبك إنك عارفني، بس برضه أنا عارف إنك برضه مغرم. غيث. مين قالك كده؟ عز. أصلي كنت بكلم ليث وبيقولي: معقول عملتو مقابلات كتير ومفيش بنت كويسة؟ فجت من الكلام بس، عمت على عومك. غيث. خلص ياعز، عايز إيه؟ عز بخبث. كذبت على ليث ليه وقلت إننا عملنا مقابلات وإحنا أصلاً ولا عملنا وهببنا؟ وإشمعنى ليل؟

صديقة ليث غير إن الموضوع فيه إنك وإنت معجب بيها يا غيوثه. غيث. مع إنك ساعات بتبقى غبي، بس المرة دي عندك حق في حاجة قوية شاداني لي ليل أوي، كأني أول مرة أشوف بنت في حياتي، مش عارف بقا إذا كنت معجب بيها بجد ولا ده كله مشدود ليها من جمالها. عز. لا، ده إنت ليك قعدة معايا نحكي فيها للصبح. غيث. ماشي، يلا بقا هروح آخد ليل عشان ألحق. ومشي غيث وخبط على مكتب ليل. غيث. يلا ياليل. ليل. حاضر.

ونزلوا مع بعض وركبوا العربية، بس كان واقف اللي صورهم ومحروق دمه. زين. ماشي ياليل، أنا هوريكي إزاي تتعاملي مع حد غيري وكمان بتركبي معاه العربية. أنا هحزنك على كل ده. وبص في الصور ومشي وهو ناوي على شر. تبع...