رواية الحب الحلال الفصل السادس عشر 16 - بقلم ايات الرحمن

لؤي: عارفين القصر اللي هنسكنه في الجنة وهيبقى بيتنا شكله إيه؟ وهيبقى مبني من إيه؟

هيبقى مبني من طوبة فضة وطوبة دهب وطين الجنة مسك تفوح منه رائحة عطر. طب عارفين واحنا ماشيين في الجنة اللؤلؤ هيبقى تحت رجلينا وتربة الجنة زعفران. مبهج وجميل. في الجنة أربع أنهار، نهر من العسل المصفى، ونهر من الماء الجاري للشرب، ألذ كثيراً من ماء الدنيا ولهم طعم خاص، ونهر لبن لا يفسد أبداً صيفاً أو شتاءً، وطعمه عمره ما يتغير مهما طال الزمن، والنهر الرابع من الخمر، خمر ألذ بمراحل من خمر الدنيا، وكمان لا يذهب العقل ولا

يضر أجسامنا مثل خمر الدنيا. والقصر اللي هنعيش فيه وهيبقى بيتنا الانهار محاوطاه من كل جانب، وكل الغرف اللي فيه بتطل على الأنهار دي. ومفيش صوت مزعج، مش هنسمع غير صوت المياه المترقرق في أنهار الجنة الأربعة. الكراسي اللي هنقعد عليها والسرير اللي هنام عليه بطانته هتبقى مصنوعة من الحرير السميك المصنوع من خيوط الذهب وهو الاستبرق، ودي البطانة بس، ما بالك بالفرش الخارجي الظاهر. الجنة مساحتها كبيرة أوي وعرضها كعرض السماوات

والأرض. الكوباية اللي هنشرب فيها هتكون من الفضة الخالصة، صافية النقاء، لها بياض الفضة وصفاء الزجاج. الجنة فيها كل الفواكه من كل الأشكال والأنواع اللي نعرفها واللي ما نعرفهاش، وطعمها ألذ وأطعم من طعمها في الدنيا ألف مرة. الجنة فيها شجرة كبيرة أوي هنفضل ماشيين في ظلها 100 سنة. في الجنة هنبقى قاعدين والخدم حوالينا في كل مكان، وده من مظاهر التكريم من الله سبحانه وتعالى لأهل الجنة. الجنة فيها بنات حور العين اللي جمالهم

مفيش زيه في الدنيا، لم يلمسهن أحد لا إنس ولا جن. ولكن مهما وصلوا من الجمال والروعة مش هيوصلوا لدرجة الجمال اللي وهبه الله سبحانه وتعالى لنساء المؤمنات اللي دخلوا الجنة. لأنه المرأة اللي قامت الليل وصامت وبكت وسجدت واستغفرت وعملت على شيء ربنا أمرها بيه، لا يمكن ربنا يساويها بحورية لم تفعل من هذا شيء. خير الحور للرجل في الجنة هي زوجته في الدنيا. وده كله ما يجيش حاجة في جمال الجنة ونعيمها. الجنة فيخا ما لا عين رأت ولا

أذن سمعت ولا خطر على قلب بشر. كل حاجة كان نفسنا فيها هنلاقيها في الجنة بإذن الله، ومفيش فراق في الجنة، هنشوف كل الناس اللي الموت فرقهم عنا. ده غير إنه هنفضل شباب على طول ومش هنكبر. وعارفين أجمل حاجة إيه؟

إنه هنشوف ربنا. نسرين: بس أكيد الجنة بالجمال والوصف ده، أكيد الوصول ليها صعب. لؤي: بالعكس، ده أسهل مما تتخيلي. الواحد لو حب ربنا هتلاقيه بيعمل كل الطاعات بحب، مش لأنها مفروضة علينا. ربنا سهل لينا الوصول إلى الجنة. قال رسول الله صلى الله عليه وسلم: "من

دخل السوق فقال: لا إله إلا الله وحده لا شريك له، له الملك وله الحمد، يحيي ويميت، وهو حي لا يموت، بيده الخير، وهو على كل شيء قدير، كتب الله له ألف ألف حسنة، ومحا عنه ألف ألف سيئة، ورفع له ألف ألف درجة، وبنى الله له بيتاً في الجنة". عن ابن عمر، قال الألباني: حسن صحيح الجامع. بصوا ما فيش أسهل من كده، ده حتى الموازبة على السنن تبني لينا بيت في الجنة. عن عائشة رضي الله عنها قالت: قال رسول

الله صلى الله عليه وسلم: "من صابر على اثنتي عشرة ركعة من السنة، بنى الله له بيتاً في الجنة: أربع ركعات قبل الظهر، واثنتين بعد الظهر، وركعتين بعد المغرب، وركعتين بعد العشاء، وركعتين قبل الفجر". رواه ابن ماجه. البنات: الله! الجنة جميلة أوي. حمزة: فعلاً الجنة جميلة. زين: طب أنا بقى هتكلم إزاي تبعدي نفسك عن النار سبعين سنة. الجميع: اتفضل. زين: احم احم. روى الصحابي الجليل أبو سعيد الخدري رضي الله عنه قال: سمعت النبي

صلى الله عليه وسلم يقول: "من صام يوماً في سبيل الله، بعد الله وجهه عن النار سبعين خريفاً". متفق عليه. نورسين: يعني لو صمت يوم واحد بس ربنا هيبعد وشي عن النار سبعين سنة. زين: أيوه. عشق: ده أنا حتى سمعت شيخ بيقول الرسول صلى الله عليه وسلم قال: "صوموا تصحوا". حمزة: الحديث ضعيف، وهو عشان كل المشايخ بتقوله يبقى صحيح. أنتي لازم تبقي لما تسمعي حديث، قبل أي حاجة تشوفي درجة صحة الحديث إيه. عشق: حاضر.

زين: استنوا بقى أحكيلكم عن الأربعين النووية. حمزة: لأ، عشان هنتأخر. كل سوم نبقى نتجمع عندنا في الجنينة إحنا الخمسة ومعانا لؤي ونقول حديث بشرحه. زين: أوك. حمزة: يلا نمشي. الجميع: يلا.