رواية الحب اللطيف الفصل السادس عشر 16 - بقلم نور محمد

مالك وقف بجنون وهو خايف اوي على فهد وفجأة خرجت الدكتورة من عند ملك مالك بخوف وقلق: ها طمنيني عليها هي كويسة الدكتورة: أيوه كويسة هي بس تعرضت لضغط نفسي.. وده غلط على حالتها دلوقتي مالك بعدم فهم: حالتها إيه.. قصدك إيه؟! الدكتورة: مبروك حضرتك المدام حامل الف مبروك مالك بصدمة: حامل؟! وبعد وقت فتحت عنيا بتعب وأنا ببص حوليًا بتعجب وفجأة تذكرت فهد فخرجت جري من الغرفة

وانصدمت من المشهد قدامي لقيت العيلة كلها متجمعة عند غرفة فهد والكل بيعيط حتى مالك أخوه فجريت أشوف فيه إيه ملك بخوف: فيه إيه بتعيطوا ليه فهد فين هو كويس صح أنا متأكده ردت عليا مريم بدموع وشفقة: ملك اهدي ياحبيبتي ارجوكي مش كده ملك بجنون: لا مش ههدي قبل ما أعرف فيه إيه وفهد فين؟ قربت مريم وحضنتني بدموع وشفقة وأنا منهارة وفجأة جت نرمين قدامي بدموع وغضب نرمين بغضب:

فهد مات ياملك هانم وكله بسببك انتي يانحس دخلتي حياته ودمرتيها وأهو مات كله بسببك انتي السبب سمعتها بعدم تصديق وقولت: كذابة فهد ممتش انتي كذابة فهد حبيبي بخير أنا متأكده قرب مني مالك أخوه وقال: آدم خد ملك وأختها للقصر لو سمحت عشان ترتاح آدم بطاعة: حاضر يامالك يالا يامرات أخويا وأنتي كمان يامريم ملك بدموع واعتراض: لا أنا مش همشي من هنا قبل ما أشوف فهد الأول وأطمن عليه مالك بحده: آدم خديهم بسرعة من هنا يالا آدم بخوف:

حاضر لو سمحتي اطلعي معايا بعدين نتكلم في القصر مريم بدعم: يالا ياملك انتي تعبانة بعدين نتكلم معاه ارجوكي طلعت مع مريم وآدم ووصلنا للقصر وأنا لسه في عالمي الخاص مع فهد وقلبي رافض كلهم كلهم عنه لأن فهد وعدني عمره ماهيبعد عني أيوه هو كويس أنا متأكده قلبي بيقول كده فضلت في غرفتي وأنا ضامة نفسي بدموع وخوف على فهد وفجأة سمعت صوتهم من الخارج فجريت بسرعة عليهم وأنا بقول: فهد فين؟ مرجعش معاكم ليه؟!!

بصت عليا نرمين بغضب ومالك بشفقة وقربت مني بضيق وقالت: انتي لسه بتسألي عنه مانا قولتلك مات فهد مات بسببك يامنحوسة ملك بدموع واعتراض: لا انتي كذابة أكيد.. ثم وجهت نظري لمالك برجاء: مالك فهد فين ارجوك قول الحقيقة فهد كويس مش كده مالك بحزن ودموع: للأسف فهد مات ياملك ادعيله بالرحمة ملك بجنون: انتو كلكم بتكذبوا عليا فهد كويس أنا متأكده فهد حبيبي كويس وهيرجع ليا تاني أكيد نرمين بغيظ:

فهد مات بسببك علشان كده لازم نخرجك بره القصر ده ملكيش مكان هنا تاني مالك بحده: نرمين انتي بتقولي إيه دي مرات أخويا وده بيتها هي كمان نرمين بعند: لا مبقتش مرات أخوك يامالك لأن فهد مات وهي لازم تخرج وفورًا كمان يالا قدامي على بره قربت ومسكت إيد ملك بعنف وملك منهارة بدموع وجرتها للخارج وفجأة وقفت على صوت مالك: نرمين سبيها ملك حامل الكل حتى ملك قالوا بصدمة: حامل؟! مالك ببرود: أيوه حامل من فهد ومستحيل تسيب البيت ده

عماد بضيق: معاك حق يامالك بس فهد مات ومينفعش تفضل هنا انت تاخد ليها شقة كويسة بره وكل فترة نطمن عليها أحسن نرمين بشماتة ودعم: أيوه بابا عنده حق مالك بحده: لا طبعًا أنا ابن أخويا مش هيتربى خارج القصر ده وأنا مسئول عنها وعنه كمان مكان فهد أخويا عماد ببرود: يبقى لازم تتجوزها يامالك ده أنسب حل ملك بصدمة: إيه يجوزني ليه أنا جوزي عايش فهد كويس وهيرجع عشاني أنا وابنه مالك بتفهم: وأنا موافق ياعمي بكرة هجيب المأذون

وهكتب عليها ملك باعتراض: وأنا مش موافقة فهد عايش ومستحيل أجوز أعيش مع غيره مريم بشفقة: ملك ارجوكي اهدي ده غلط على ابنك وعليكي كمان قرب مالك مني وقال: ممكن تثقي فيا وأوعدك كل حاجة هتبقى تمام بصيت في عينيه وتذكرت فهد فهزيت رأسي بهدوء قدامه وبعدها مريم أخدتني لغرفتي فوق وقفت في مكان تاني مجهول ** : انتي متأكد من الأخبار دي أيوه ياباشا مات في المستشفى بس للأسف طلع فهد مش مالك أخوه ** :

مش مشكلة فهد نقطة ضعف وقوة مالك يعني دلوقتي بقى ضعيف بدونه والمهمة سهلة أكتر علينا طيب هتعمل إيه دلوقتي ياباشا ** : أجهز وقت الخطة التانية عميلنا السري لازم يدخل قصر المصري دلوقتي انت متأكد منه ياباشا يعني علشان ** : أيوه متأكد منه لأنه من أكبر أعداء عيلة المصري عدوهم وهو منهم ** : أيوه ده موضوع كبير أوي بعدين أحكيلك عنه تمام ياباشا عن إذنك خلص اليوم على كده بدون أحداث جديدة وفي اليوم التالي

صحيت وليسه الدموع في عيني وحطيت إيدي على بطني بدموع وقولت: بابا بيحبك أوي ياحبيبي أنا متأكده إنه عايش ومستحيل يسيبني أبدا أكيد هييجي النهاردة عشاني وعشانك متخافش كلمت طفلي وأنا بطمنه وبطمن قلبي كمان وبعدها قمت وأخدت شاور ونزلت تحت لقيت مالك في انتظاري بصيت على الأرض عشان كل ما أشوفه أفتكر فهد قدامي مالك بهدوء: جاهزة يامرات أخويا هزيت راسي بدون ما أبص عليه ومشيت خلفه لقيت المأذون وصل قعدت جنب المأذون بدموع ومريم جنبي

وأنا بدعي إن فهد ييجي دلوقتي ويوقف كل المهزلة دي قلبي متأكد إنه عايش سرحت في عالمي الخاص مع فهد ومفقتش منه غير على صوت المأذون بارك الله لكما وجمع بينكما في خير نزلت دموعي أكتر وأنا مش مصدقة اللي بيحصل ومريم جنبي بتواسيني مريم بدموع: ربنا يصبرك ياحبيبتي يارب قمت بدون أي رد فعل وطلعت على طول لغرفتي ونمت على السرير وأنا بعيط بعنف ملك بانهيار:

ليه عملت كده فيا يافهد ليه سبتني بعد ما وعدتني إنك هتفضل معايا للابد ليه أنا مش هقدر أكمل بدونك والله مش هقدر فضلت أعيط بدون توقف وفجأة حسيت بألم قوي في بطني فحطيت إيدي على بطني بوجع وأنا بصرخ بصوت مكتوم مرت خمس دقايق سمعت صوت الباب ولقيت مالك دخل الغرفة أول ماشافني كده جرى عليا برعب مالك برعب: ملك انتي كويسة؟ قرب مني وحضني بخوف وأنا كنت موجوعة أوي بس فقت لنفسي ودفعته بعنف وقولت: ابعد عني متقربش مني أبدا

بعد مالك بتعب وألم وصرخ وأنا بصيت عليه بصدمة لقيت قميصه بقى لونه أحمر وهو بيتألم ملك بخصه: أنا آسفة انت كويس آه يابت المجنونة الجرح لسه جديد ملك بصدمة: فهد ده انت بجد فهد بمرح: أيوه ياختي بس كنت هموت بسببك دلوقتي جريت عليه بعدم تصديق وفرحة وحضنته: أنا مش بحلم صح انت هنا معايا فهد بألم: آه يامجنونة بقولك الجرح لسه جديد هموت منك كده بعدت عنه بخوف: آسفة مقصدش والله انت كويس فهد بمرح:

أيوه كويس بس بنزف زي ما انتي شايفة هاتي علبة الإسعاف الأولية بسرعة أحسن يلتهب الجرح جريت بسرعة وجبتها ليه وقعدت جنبه وبدأت أطهر الجرح بهدوء: آسفة والله مكنش قصدي أعمل كده فهد بحب: ولا يهمك ياقلبي أنا كويس مدام انتي جنبي وبعد وقت خلصت وقعت جنبه تاني بعدم فهم وقولت: ممكن أفهم بقى ليه عملت كده؟ ده أنا كنت هموت من الخوف عليك فهد بشرود: كان لازم أعمل كده ياملك ملك: قصدك إيه والمأذون والجواز ده كان لعبة كمان مش كده فهد:

لا كان حقيقي ملك بصدمة: إيه؟ فهد بضحك: هههه قصدي حقيقي قدامهم وبعدين انتي فضلت قاعده تبصي على الأرض وملاحظتيش إني كنت العريس قدامهم ملك بفرحة: بجد فهد بحب: بجد ياقلبي أنا ومالك اتفقنا نعمل كده عشان اللعب بقى على المكشوف ملك بعد فهم: لعب إيه أنا مش فاهمة حاجة كان فهد هيرد عليها بس فجأة دخل مالك بهدوء وقال: سيبني أنا أحكيلها الحقيقة كلها يافهد أجهز وقت تعرفي الحقيقة كاملة فهد: تمام يامالك عندك حق هي لازم تعرف

ملك بتوهان: أعرف إيه أنا بقيت زي الأطرش في الزفة يا جماعة ضحك فهد عليا ومالك قرب وقعد جنب فهد وقال: الحكاية بدأت من خمس سنين بعد موت بابا وووو