رواية الهجينة الفصل الرابع والعشرون 24 - بقلم ماهي احمد

شريف : أنا طالع. عز : اوعى تقفل الكاميرا إلا لما أطمن عليك إنك طلعت. (شريف فتح الباب ولسه هيطلع هو وولاء، بيبص لقى كلب متحول قدامه وسنانه مدببة وحادة.) (التليفون وقع من شريف، اتكسر، ولسه الكلب هيهاجم عليه.) واحدة جت وضربت الكلب شقته نصين. وهو واخد ولاء وراه ومخبيها ورا ضهره. شريف : أنتي.. أنتي مين؟ هي : أنا الخالة حكيمة. *** (عز أول ما الاتصال اتقطع، كان هيتجنن، بقى ماسك الفون وبيصرخ بأعلى صوته، وبيبوصل شاشة الفون.)

عز : شريف.. شريف قفلت ليه؟ (بص لبربروس.) عز : أكيد حصل حاجة، أنا قولته ما يقفلش التليفون. بربروس : لا تقل هذا يا أخي، تفائل بالخير، حاول التواصل معه مرة أخرى من هذه الحديدة الناطقة وسيجيب عليك إن شاء الله. (بكل برود ولا مبالاة شديدة.) ياسين : خير إيه يا شيخ عجوة.. ده أكيد اتاكل عشان كده المكالمة فصلت. (بتساؤل.) عز : أنت بتقول إيه؟

بربروس : لا تعر هذا اللعين اهتماماً، فهو يهرتل بكلام ليس له أساس، استعن بالله وامسك بالحديدة الناطقة. ياسين : حديدة ناطقة إيه اللي يمسكها يا شيخنا، أنا قولتك الحقيقة. (بص لعز وما اهتمش بكلام ياسين.) بربروس : لا تدع هذا الشيطان يوسوس لك بأذنك كالذبابة، استعن بالله منه وامسك هذه الحديدة وحاول مجدداً. (شاورله براسه وأخد نفس واتصل مرة تانية بشريف وكان فاتح المايك.)

الرد الآلي : الهاتف المطلوب مغلق أو غير متاح، من فضلك حاول الاتصال في وقت لاحق. (بربروس أول ما سمع الرد الآلي افتكر إن شريف رد على عز وابتسم ابتسامة عريضة ونظر لياسين نظرة انتصار.) بربروس : ألم أخبرك بأنه بخير أيها اللعين. (ياسين ابتسم وهز راسه شمال ويمين وحط كف ايده على عينيه.) (عز ضغط على سنانه وبص لبربروس والشرار كان هيطلع من عينيه لبربروس.) (ضم حواجبه بعدم فهم وتساؤل.) بربروس : لماذا تنظر إليّ هكذا يا أخي؟

فقد رد عليك وأخبرك بأنه مشغول ولن يستطيع الرد عليك. ياسين : فعلاً هو مشغول، عنده معاد مهم مع عزرائيل بيحاسبوا على أعماله اللي فاتت. (عز قبض على ايديه وعروقه كانت هتطلع من رقبته.) بربروس : ولكن تمهل يا أخي.. لماذا صوته يبدو كالفتيات؟ أهو مخنث؟ (ياسين ابتسم ابتسامة سخرية ظهرت بجانب شفايفه وبص لعز.) ياسين : ما تاخدش على كلامه، أصل الشيخ عجوة ده شيخ طيب، الله يحرقـ**ـه مش فاهم هو بيقول إيه. (وهو مخنوق ومتعصب.)

عز : أنت بتقول إيه؟ بيتحاسب يعني إيه؟ انتوا قايلين لي إن العزبة مافيهاش حد. (رفع ايديه الاتنين في مستوى صدره وعوج بوقه.) ياسين : أنا ما قولتش.. (شاور على بربروس.) ياسين : يمكن شيخ عجوة هو اللي قالك ولا حاجة، أنت اللي قولت يا شيخ عجوة. (اتنهد بغيظ وبيوجه كلامه لياسين.) بربروس : لا والله، وبعقد الهاء، فأنا لم أنطق ببنت شفة أيها اللعين المتسلط. (ضم حواجبه باستغراب وعدم فهم.) ياسين : مستسلط!! بربروس : بل متسلط.

ياسين : متسلط أو مستسلط هتفرق معاك، المهم إن شامم ريحة نتـ**ـنة في كلامك. بربروس : بالطبع، فهناك فرق شديد ولن أسمح لك أن تقلل من لغتنا العربية الأم يوماً ما.. ونعم.. فأنا أسبك. (بجدية وهو بيهز راسه.) ياسين : طيب مستسلط يا بربروس.. (بيتكلم باشمئزاز.) بربروس : كفى.. كفى.. سأفصل رأسك عن جسدك الآن. (عز بقت دماغه رايحة جاية وهو شايف الاتنين واقفين قصاد بعض وبيـ**ـنقوا على حاجة تافهة زي دي وسايبين المشكلة الأساسية.)

(بنرفزة وصر**ـيخ.) عز : بسسسسسس!! (ياسين وبربروس وقفوا خنا**ـق وبصوا لعز.) (رفع صباعه وشاورلهم والخوف على شريف كان مالي قلبه.) عز : انتوا هتقولولي دلوقتي المزرعة اللي أنا وديت أخويا ليها دي جواها إيه؟ (عوج بوقه وهو حط ايده على شعره وبيبوصل الناحية التانية.) ياسين : ممممم.. كلاب متحولة.. (بلع ريقه وهو مضايق.) بربروس : بالضبط.. وبعضاً من أمثال ياسين مسعـ**ـورين ومتحو**ـلين. (الصدمة اعتلت ملامح وجهه.) عز : شريف.. ***

(ولاء كانت حاسة بالخوف وكانت بترتجف من كتر ما كانت مش فاهمة اللي بيحصل ومش مصدقة.) ولاء : إحنا عايزين نعرف أنتِ مين. (برأتلها بعنيها وبان على ملامحها الجدية وهي بتتكلم بهمس.) خالة حكيمة : وطّي صوتك، تعالوا ورايا. (مسكها من دراعها وقفها.) شريف : أنتِ مين.. ونعرفك منين عشان نمشي وراكي. (بصتله وهي ضامة حواجبها.)

الخالة حكيمة : ما قدامكش اختيار تاني يا ولدي، يا تيجي ورايا وتعيش اللي باقي من عمرك على وش الدنيا، يا تفضل مكانك وتنهي حياتك بإيديك.. بص وراك. (شريف وولاء لفوا وشهم لقوا كلبين متحولين وسنانهم بارزة، الرعب بان على وشوشهم أكتر وهو مش فاهم اللي بيحصل وباين على ملامحهم ألف سؤال.) الخالة حكيمة : ودلوقتي بقى بص قدامك.

(شريف بص قدامه هو وولاء لقوا اتنين من المستذئبين وأشكالهم مرعبة واقفين قدامهم، بقت الكلاب وراهم والمستذئبين قدامهم.) الخالة حكيمة : كل دقيقة بتعدي عليك وانت واقف مطرحك بتنقص من فرصة نجاتك يا ولدي. (ولاء مسكت ايد شريف وصوت دقات قلبها شوية وهتطلع من مكانها، شريف بص لها وشاف الخوف اللي مالي عينيها.) شريف : أنا معاكي. ***

(رعد رجع ووقف قدام القبو من جديد وبقى واقف قدام الباب بيتحرك شمال ويمين بيفكر يفتح الباب وفي نفس الوقت خايف لو فتح الباب ميرا تهرب.) (وهي رافعة ايديها ومربوطة بالسلاسل الحديد.) ميرا : هتفضل رايح جاي كده كتير. (بلع ريقه وأخد نفس واستغرب إنها عرفت إنه بره القبو.) ميرا : إيه اتوترت ليه؟ (ضم حواجبه بتساؤل وفتح المفتاح في الباب وفتح الباب.) ميرا : فتحت الباب بالرغم من تحذير داغر ليك.. إيه مش خايف؟

(قعد قدامها وهو حاطط ايده على جرحه بالراحة وشاور براسه شمال ويمين بالرفض.) رعد : لأ مش خايف.. عارفه ليه؟ ميرا : ليه؟ (بيتكلم وهو بيتنهد من قلبه بجد.) رعد : عشان افتكرتيني.. وطالما افتكرتيني يبقى أكيد عارفه قد إيه إحنا أصحاب وفي ذكريات حلوة كتير بتجمعنا سوا. (ميرا اتنهدت ورفعت راسها لفوق وبصت للسقف.)

رعد : يمكن.. يمكن الذكريات اللي كانت ما بينا بالنسبالك عادية ومش حلوة بس بالنسبالي أنا دي الذكريات اللي هفضل عايش بيها طول عمري. (ابتسمت ابتسامة خبيثة وبصتله في عينيه وقربت منه حاجة بسيطة.) ميرا : ميرا اللي تعرفها وعملت معاها شوية ذكريات هبلة.. ماتت.. مبقتش موجودة. (حولت عينيها للون الأزرق وطلعت أنيابها.) ميرا : اللي قدامك دي ميرا تانية خالص غير اللي تعرفها. (اتكلمت بجدية أكتر.)

بص على ملامح وشي يا رعد.. تفتكر دي ميرا الهبلة العبيطة اللي بيضحك بيها بكلمتين.. أحسن لك تبعد عني عشان مش هتشوف مني خير.. الحاجة الوحيدة اللي مخلياني ما أشربش من دمك دلوقتي هي السلسلة اللي رابطة إيدي.. لو اتفكت هخليك تفارق الحياة. (ابتسم وهو بيبصلها ابتسامة بسيطة ورفع ايديه ورفع لها شعرها لورا اللي جاي على عينها.. قام وقف وبقى يفك لها السلسلة اللي مربوطة بيها.) (ميرا استغربت من اللي هو بيعمله.) ميرا : أنت بتعمل إيه؟

(بيكمل فك السلسلة.) ميرا : رعد.. بص لي.. أنا بكلمك. (فك لها السلسلة ودراعتها نزلت ومسكت معصم ايديها وبأيديها اليمين تفرك معصم ايديها من كتر ما السلسلة الحديد كانت ضيقة على معصم ايدها.) (فك البلاستر اللي على الجرح بتاعه ونزل نقط دم من جرحه.) (ميرا رفعت وشها وبصتله وشمت ريحة دمه.) رعد : أنا قدامك.. مستنية إيه يا ميرا؟ (عينيها اتحولت للون الأزرق وبلعت ريقها وبقت تتنفس الصعداء ونفسها طالع نازل.)

ميرا : أنت مجنون.. أنت عايز تموت. (اتنهد وبيتكلم بكل هدوء.) رعد : لو الحياة هتفارقني على إيدك يبقى يامرحب بالموت. (ميرا ما بتقدرش تتحكم في عطشها للأسف وريحة دم رعد كانت زي المخدر بالنسبالها.. أدهته ضهرها وسندت بإيديها على الحيطة وحاولت تقاوم نفسها.) ميرا : سيبني وامشي يا رعد. رعد : مش هسيبك.. (بغضب وهي بتتنفس الصعداء.) ميرا : هتموت يا غبي. (وهو واثق من اللي بيقوله.)

رعد : مش هموت وانتي مش هتضريني.. ميرا اللي عرفتها وحبيتها جواكي لسه ما ماتتش. (مابقيتش قادرة تقاوم نفسها أكتر من كده.. أنيابها طلعت والعرق نزل على جبينها بلون عينيها الأزرق المريب.. هجمت عليه وقعته على الأرض وزأرت زئير عالي وبقت فوقيه.) رعد : ميرااا.. *** (سارة ويزن طلعوا بره بعد ما سابوا ميرا وبقوا يتمشوا سوا.) (بص وراه ومدلها ايديه وهو بيبتسم ابتسامة بسيطة.. بصتله وابتسمت ورفعت ايديها وشبكت صوابعها بصوابعه.)

(قربها منه واتمشوا سوا.) (الاتنين كانوا متوترين أول مرة يتمشوا مع بعض وهما مرتبطين وكمان مافيش أي خلاف ما بينهم.. قالوا كل اللي في قلوبهم.. الصمت كان ما بينهم لدقايق ومرة واحدة الاتنين اتكلموا سوا.) يزن : عارفة أنا كان.. سارة : أنا كان نفسي.. (الاتنين بصوا لبعض وضحكوا.) يزن : كنتي عايزة تقولي إيه؟ (اتنهدت وضغطت على شفايفها.) سارة : كنت عايزة أقولك إني.. (سكتت لثواني.) يزن : إنك إيه؟

سارة : إني مبسوطة برغم كل اللي بيحصل حوالينا بس حقيقي مبسوطة.. مش مصدقة إن كل الخلافات اللي ما بينا انتهت أخيرًا.. بعد كل اللي حصل بقينا سوا. (بتوتر.) سارة : يعني بعد.. بعد ما كنت.. أقصد.. أنت فاهميني.. (شاورت براسها من فوق لتحت.) أنت فاهميني.. قول إنك فاهميني. يزن : لأ مش فاهمك.. تقصدي إيه؟ سارة : يعني بعد ما فقدت الأمل إنك ممكن تسامحني في يوم وتبقى في يوم حبيبي. يزن : يعني أنا دلوقتي بقيت حبيبك؟

(شاورت براسها بالموافقة بخجل.) يزن : طيب عندي فكرة حلوة.. تيجي ما نتكلمش في اللي فات يا سارة.. خلينا ننسى.. عارفة إحنا محتاجين ننسى كل حاجة وحشة حصلت معانا.. محتاجين نبدأ من جديد. (شاورت براسها من فوق لتحت بالموافقة.) سارة : عندك حق.. (ضمت حواجبها وبتتبسم وكانت عايزة تقول حاجة بس مترددة ويزن فهم إنها عايزة تقوله حاجة.) يزن : عايزة تقولي إيه؟ (شاورت على نفسها بصباعها.) سارة : أنا.. لأ مافيش. يزن : سارة قولي.

سارة : بصراحة كده كنت عايزك توعدني يا يزن. يزن : أوعدك بإيه؟ سارة : إنك ما تسيبنيش.. من بعد أمي مابقاش ليا حد. (وقف وقرب منها وبصلها وهي كمان بصتله وما تكلمش ولا كلمة.. فضل باصصلها وبس.) سارة : ساكت ليه؟ لو.. مش حابب توعدني.. (ابتسم ابتسامة رقيقة ورفع ايديه وبقى وشها ما بين ايديه وخدودها ضمت على بعض وكان شكلها كيوت خالص وهو بيبصلها في عينيها البني الفاتح.)

يزن : أوعدك إني مش هخليكي تنامي ودموعك على خدك من جديد.. أوعدك إني مش هسمح للمشاكل تدخل ما بينا تاني.. أوعدك إني هبقى ليكي الحبيب والصاحب والقريب.. أوعدك إني هفضل أحبك وهعمل كل اللي أقدر عليه عشان أشوف ضحكتك منورة وشك من جديد. (سارة ابتسمت ورفعت ايديها ورجعت شعرها ورا ودنها بخجل.) (يزن نزل ايديه من على وش سارة ومسك ايديها.)

يزن : عارفة أنا قد إيه تمنيت اللحظة دي تيجي.. اللحظة اللي أحضن فيها ايديكي وأحس الإحساس اللي أنا حاسه دلوقتي معاكي.. مهما أحكيلك مش هعرف أوصفلك أنا حاسس بإيه. (اتنهدت وبقت تبصله في عينيه.. بتبص له وكأنه أعظم انتصاراتها والدموع في عينيها.) سارة : بحبك.. بحبك أوي يا يزن. (دموعها نزلت على خدها وهي بتقول الكلمة دي من قلبها.)

(قرب منها وقربها منه وباسها من خدها ودموعها نازلة منها واخدها في حضنه.. احساسهم الاتنين في اللحظة دي مكانش يتوصف.) يزن : مش عايز الدموع تقرب من عينيكي مرة تانية.. سارة إحنا خلاص بقينا سوا.. عارفة يعني إيه أخيرا بقينا سوا. (بعدها عن حضنه حاجة بسيطة وبقى باصصلها وبيبوصل ملامحها.) يزن : عامل لك مفاجأة.. أتمنى تعجبك. سارة : مفاجأة.. مفاجأة إيه؟ يزن : دلوقتي هتشوفي. (أخدها ومشيوا قدام شوية كمان.)

(وهي مبتسمة ويزن ماسكها من ايديها وبيشدها وراه.) سارة : طيب قولي على الأقل هانروح فين؟ (بص وراه لسارة وهو بيشدها وراه.) يزن : هتعرفي حالاً. (يزن نده على عمار.) يزن : عماااار.. عمار : _سارة : عمار؟ وإيه اللي هيجيب عمار هنا؟ يزن : أنا متفق معاه إني هشوفه هنا. (رجع مرة تانية ينده على عمار.) يزن : عماااار.. (مرة واحدة وقف قدامه.) سارة : هو في إيه؟ يزن : عمار.. يلا. عمار : طيب لو معرفتش؟

يزن : بعد اللي حصل آخر مرة.. هتعرف أنا متأكد. (عمار أخد نفس ورفع راسه لفوق وغمض عينيه وبقى يعوي للذئاب.. مش بيزأر.. لأ كان بيعوي زي ما يكون بيكلمهم وبيعرفهم إنه مش في خطر بس محتاج لهم.) (وقتها ظهرت ذئاب مش أقل من ستة وكان شيزار من وسطهم وقربوا من عمار وبقوا حواليه مستنيين أمره.) (سارة أول ما شافت الذئاب بلعت ريقها ورجعت ورا ضهر يزن وحضنت ايديه أكتر.) يزن : كمل يا عمار.

(عمار قعد على ركبته وبص لأكبر واحد فيهم وبقت عينه في عين الذئب وبقى في ما بينهم زي تخاطر فكري.. الذئب فهمه وراح ورا الشجرة والذئاب مشيوا وراه.) (عمار قام وقف ومبقاش مصدق وابتسم.) عمار : عملتها يا يزن.. عملتها. (ربت على كتفه مرتين وهو مبتسم.) يزن : مش قولتبلك هتقدر. (بص وراه لسارة.) يزن : تعالي معايا. (يزن كان حاطط ورا الشجرة عربية اللي بتجرها الذئاب وابتدي يربط الحبال بالعربية وبنفس الوقت بالذئاب.)

(وهي فرحانة ومبسوطة ومش مصدقة.) سارة : هو اللي بيحصل ده بجدي؟ يعني إحنا هنركب العربية دي والذئاب هتشدنا؟ (يزن مد لها ايده وهو مبتسم والبخار بيطلع من بوقه.) يزن : هاتي ايدك. (سارة مدت ايدها ليزن وركبت معاه العربية وهو كان جنبها وكانوا واقفين مش قاعدين.. عمار وقف جنبه وهو حاطط ايديه الاتنين في جيبه.) يزن قرب شفايفه من ودن عمار. يزن : أنت متأكد إنك ظبطت الذئاب؟ عمار : اطمن.. كله تمام.. كله تحت السيطرة.

(يزن شد الحبال والذئاب ابتدت تجري بالعربية وسارة كانت مستمتعة جدا باللي بيحصل.. الذئاب بتجري بسرعة رهيبة والشجر بيعدي من حواليهم.. من كتر سرعة الذئاب سارة كانت حاسة إنها طايرة.) سارة : يزن أنا مبسوطة أوي.. مبسوطة بجدي. يزن : ولسه.. أنتِ شفتي حاجة.

(يزن كان بيبص يمين ناحية سارة وشايف فرحتها اللي على وشها.. ابتسم ومرة واحدة لقى سارة باصة قدامها وضحكتها بتنمحي من على وشها.. ضم حواجبه واستغرب.. بص قدامه لقى في زي شجرة كبيرة والذئاب رايحة ناحيتها.. حاول يشد الحبل ويوقفهم في اللحظة المناسبة بس ماقدرش.. سرعة الذئاب كانت رهيبة.. الذئاب لفت شمال مرة واحدة من شدة اللفة سارة ويزن وقعوا الاتنين على الأرض وبقوا الاتنين يلفوا على بعض وبقوا فوق بعض لحد ما وقفوا وسارة بقت فوق يزن وهي بتبصله وبتضحك.. بتضحك بصوت عالي.. ضحكتها كانت منورة وشها ويزن كان بيضحك على ضحكها ومرة واحدة بقت تبصله وتتأمل في ملامحه وهي لسه فوقيه.)

يزن : بتبصيلي كده ليه؟ سارة : آخر مرة لما وقعنا على بعض بنفس الطريقة وكانت الطفلة معانا كنت بتمنى وقتها إنك تقولي كلمة حلوة أو تاخدني في حضنك واتمنيت من ربنا إن يحصل نفس الموقف بس وإحنا سوا. يزن : بحبك. (سارة ابتسمت وقامت من على يزن ووقفت وادته ضهرها.) (خبطها على كتفها بكتفه وهو مبتسم.) يزن : بس إيه رأيك في الواقعة؟ ضحكت بصوت. سارة : واقعة جامدة أوي بصراحة. (مسكت كوعها بألم.) سارة : آه.. ***

(زهره كانت قاعدة هي والغريب ومارال في أوضة علي وسمعت صوت عز العالي وهو بيكلم بربروس وياسين.) زهره : غريب خليك هنا مع علي.. أوعى تسيبه.. ياترى أخو عز عرف يجيب الحقن ولا لأ؟ الغريب : مك.. مكانش.. ينفع.. ينفع ير.. يروح لوحده.. المز.. المزرعة مكان خطـ**ـير. زهره : ليه؟ مش العربي مشي ومش في المزرعة؟ الغريب : العربي مش في المكان.. بس.. بس جيشه اللي.. بي.. بيحضر له من سنين في ال.. في المزرعة.

زهره : وما قولتش كده ليه من الأول؟ الغريب : لو كنت.. كنت اعترضت كنتوا هتفتكروا إني مش عايز علي يتعالج. (زهره بقت متوترة جدا وبصت للسما.) زهره : استر يا رب. مارال : استني يا زهره.. خديني معاكي. (زهره ومارال سابوا الغريب وراحوا لعز وبربروس وياسين.. وأول ما راحوا لاقوا داغر جه وراهم بالظبط.) داغر : في إيه.. مالك يا عز؟ (قرب من داغر وهو بيتكلم بعصبية.)

عز : شريف.. شريف وولاء راحوا.. راحوا المزرعة.. هما كانوا مفهوميني المزرعة مافيهاش حد. (بلع ريقه ومابقاش عارف يتكلم.. لون وشه وملامحه اتغيرت بقى بيتلعثم في كلامه.) زهره : اهدى يا عز.. هما أكيد بخير. عز : اسكتي انتي خالص.. أنتِ كنتي عارفة.. كل واحد فيكم فكر في اللي له.. محدش فكر فينا.. محدش فكر فيا أنا وغرام.. أنا صدقتكم. (بص لياسين وبربروس.)

عز : أنا وثقت فيكم.. مع إنها ما بتحصلش.. أنا عمري ما كنت بثق في حد بسهولة أبداً.. (اداهم ضهره وهو مش مصدق اللي حصل وبقى بيكلم نفسه.) عز : أنا إيه اللي جرالي.. أنت مكنتش كده. (عز من كتر ما كان خايف على شريف مابقاش عارف هو بيعمل إيه.) (طلع المسدس من ورا ضهره ورفعه على زهره وبقى ماسك زهره من رقبتها ورافع المسدس على راسها.) داغر : عز.. أنت بتعمل إيه؟ رفعت مسدسـ**ـك ليه؟

(داغر سمع صوت المسدس وعز بيطلعه من جيبه بس مش عارف رافعه على مين.) (وجه كلامه لبربروس وياسين.) عز : أنا عارف إني ماقدرش أأذيكم وإن الرصا**ـص ما بيأثرش فيكم بس أقدر أأذيها هي. (داغر فهم إنه رافع المسدس على زهره.) (ياسين بلا مبالاة وعدم اهتمام.)

ياسين : عين العقل.. أنا شايف إن إحنا من ساعة ما شوفنا الولية دي وحالنا اتدهور بصراحة.. وعلي كمان بقى في النازل.. كان شمعة منورة من أول ما عرفها.. أطفى.. نصيحة مني نفذ تهديدك.. أنا موافق. (بربروس اتضايق وبص لياسين وهو مخنوق.) بربروس : فليلعنني الله.. كيف لي أن أصادق إنساناً مثلك. (بكل برود.) ياسين : ومين قالك إني إنسان؟ بربروس : ربـــــــــــــــــــــــــاه.. (وجه كلامه لعز.)

بربروس : أنصت إليّ جيداً.. من الواضح إنه يعز عليك أمره.. وهذا من البديهيات.. فهو شقيقك.. ولكننا لا نعلم ماذا حدث له.. من المؤكد إنه بخير.. فلا تفعل شيئاً أحمق تندم عليه طوال حياتك. (بيتكلم وهو متأثر جدا بكل كلمة بيقولها.) عز : شريف لو جراله حاجة مش هيبقالى حياة.. شريف ده كل حياتي.. ده ابني اللي ما خلفتوش.. محدش فيكم هيحس باللي أنا حاسه.. محدش هيحس بالنار اللي جوايا.. أنا غلطت إني وثقت في ناس معرفهاش.

(عز كان بيكلم بربروس ومركز معاه.) (ياسين حرك راسه لداغر من فوق لتحت وداغر سمع صوت حركة راسه وفهمه.. داغر في أقل من لحظة مسك عز من ورا ضهره ووقع المسدس من ايديه وياسين وقف قدام عز.. عز كان منهار.. شريف كل حاجة بالنسباله.. ياسين شاف خوفه على أخوه ممكن يفقده عقله.. اتنهد وبصله في عينيه وركز في نني عينيه أوي.)

ياسين : أهدى.. محصلش حاجة لكل ده.. أخوك بخير.. قفل معاك الفون وهو طلع من المزرعة وراجع بيته دلوقتي سليم.. ما تتصلش بيه.. هو هيتصل بيك. (ياسين عنده القدرة إنه يمسح ذاكرة اللي قدامه في اللحظة اللي هو عايزها وذاكرة كمان معينة ويحط في دماغه ذكريات جديدة حتى لو ما حصلتش.) (عز فاق وبص وراه لقى داغر ماسكه من ايديه.) عز : ماسكني كده ليه يا داغر؟ أنت خايف لا أهرب؟ (زهره مسحت دموعها من على خدها.)

زهره : لا أبداً.. كنت هتقع وداغر لحقك. (داغر ضم حواجبه وقلق من ياسين لا يكون بيعمل كده معاهم وهما مش حاسين.. مسك ايد عز وطلعه بره الأوضة.) داغر : تعالى معايا يا عز. عز : حط ايديه على جيوبه.. طيب تليفوني فين.. ده كان معايا أنا لسه قافل مع شريف وقالي استنى منه مكالمة.. من أول ما يروح على البيت هيكلمني على طول. (زهره جابت الفون من على الأرض وادته لعز.) زهره : تليفونك أهو.. تلاقيه وقع منك.

(عز ضم حواجبه وهو مش فاكر إنه وقع بس ما اهتمش.) عز : متشكر أوي. (مشي هو وداغر خطوتين قدام ورجع بص وراه لزهره وبربروس وياسين.) عز : ما تقلقوش.. شريف عرف يجيب الحقن اللي انتوا عايزينها.. وإن شاء الله علي هيبقى في وسطكم مرة تانية. (عز مشي مع داغر وزهره وبربروس وياسين ومارال بقوا يبصوا لبعض.) (بربروس بص جنبه لياسين لقى مناخيره بتنزل دم.) بربروس : رباه.. ماذا يحدث لك؟

(ياسين ضم حواجبه باستغراب وحط صباعه على الدم اللي بينزل من مناخيره ولحس الدم اللي نازل منه بلسانه.) (مارال شمأزت من الحركة اللي عملها وملامح وشها بان عليها علامات القرف.) (ياسين شافها وهي قرفانة منه.) ياسين : إيه مالك؟ ده أنا حتى دمي سكر.. بذمتك مش سكر؟ (زهره بصت لياسين وابتسمت وبصتله بنظرة تانية غير النظرة اللي بتبصاله كل مرة.) ياسين : لااااا.. النظرة مع الابتسامة دي أنا عارفها.. ما بتجيش من وراها خير.

زهره : طيب معناها إيه؟ (دس على شفايفه وغمزلها بعنيه الشمال.) ياسين : مش عارف.. بس ممكن تقولي عليا إن أنا ابن امرأة متسخة الملابس عشان خليته ينسى اللي حصل. (ضحكت بصوت بسيط.) زهره : أنت عكس ما بتبين يا ياسين. ياسين : مافيش حاجة ببين عكسها.. وخلينا دلوقتي في علي.. هنعمل إيه؟ بربروس : لدي إحساس بالطمأنينة بأن شقيق عز بخير. ياسين : متأكد؟ بربروس : لا أعلم.. ولكن سننتظر بضعة ساعات.. إذا لم يتحدث سنضطر إلى السفر إلى مصر.

ياسين : موافق. (ياسين مرة تانية الدم نزل من مناخيره بس المرة دي أكتر من الأول.) بربروس : أعطني يدك. (ياسين بعد ايد بربروس عنه.) ياسين : أنا مش محتاج مساعدة حد. (ياسين في لحظة سابهم ومشي.) زهره : ما تسمعش كلامه يا بربروس.. أكيد عشان مسح ذاكرة عز.. بقى ضعيف.. خليك جنبه لحد ما يبقى كويس. بربروس : لا تقلقي.. سأذهب لأرى أين هو. (بربروس لسه هيتحرك مارال وقفته.) بربروس : لو تحب أجي معاك. ***

(الخالة حكيمة كانت واقفة قدام شريف وولاء.. ولاء كانت خا**ـيفة جدا ومرعوبة من اللي بيحصل وكانت بتزوم وبتطلع صوت وشريف نفس الكلام بس شريف ما كانش بيبين خوفه.) شريف : هنعمل إيه دلوقتي؟ خالة حكيمة : قولي للي وراك تنكتم وتحط ايديها على بوقها.. الكلاب بينجذبوا للصوت.. مهما حصل ما تتحركوش.. وأول ما أتحرك وأجذبهم ليا.. أطلعوا بسرعة وروحوا ما طرح ما جيتوا وأنا هحصلكم.

(خالة حكيمة بقت سريعة جدا ومبقتش العجوزة اللي بتتعكز بعكازها.. في لحظة كانت عند المستذئبين اللي قدامها من قبل حتى ما يتحركوا.. غرزت ضوافرها في رقبتهم شقتهم نصين وبقت تعمل دوشة وصوت عالي.. الكلاب اتحركت على صوت الخالة وسابت شريف وولاء.. وبقت تجري وراها على صوتها.. شريف مسك ايد ولاء وطلع بسرعة من ناحية ما جه وبقى يجري هو وولاء ما بين الزرع.. يجري.. يجري.. مكانش حتى بيبص وراه لحد ما وصل عربيته.. طلع المفتاح من جيبه وهو متوتر من كتر توتره المفاتيح وقعت من ايده.. بقى وطى وبقى يبص على المفاتيح ويدور عليها.)

ولاء : بسرعة يا شريف افتح بسرعة. شريف : المفاتيح مش لاقيها.. مش لاقي المفاتيح. (ولاء لفت وراحت ناحية شريف وبقت تدور معاه وهى متوترة ودموعها في عينيها.) (بيبصوا لقوا اللي عندهم في لحظة والمفاتيح في ايديها.) خالة حكيمة : المفاتيح قدامكم بس انتوا اللي مش شايفينها. شريف : عملتي إيه؟ خلصتي منهم؟ خالة حكيمة : اركب الأول وبعدين نتكلم. ***

(ميرا هجمت على رعد وكان نايم في الأرض وميرا قاعدة فوقيه وأنيابها طالعة وعينيها باللون الأزرق المرعب ولسه هتغرز أنيابها في رعد.) رعد : ميرا أنتِ مش كده.. أنا واثق فيكي.

(ميرا بقت تحاول تقاوم ريحة دمه.. غمضت عينيها وضغطت على أسنانها وزأرت في وشه وفي لحظة مكانتش قدامه.. رعد أول ما ميرا مشيت أخد نفس عميق ومابقاش مصدق إنها ما أذتوش.. قعد على الأرض وابتسم ابتسامة بسيطة وقام وقف طلع بره.. بص شمال ويمين مالقهاش ومش عارف ليه رجليه ودته للمكان اللي كانوا فيه سوا عند الجبل جنب الشجرة.. بيبص لقاها هناك فعلاً وقاعدة وضامة رجليها وبتبكي.. قعد جنبها وهو مبتسم إنها بتبكي.)

رعد : تعرفي إني أول مرة أبقى مبسوط إنك بتبكي. (رفعت راسها وبصتله جنبها.) ميرا : وده ليه؟ رعد : طالما بتبكي يبقى لسه بتشعري.. لسه ميرا القديمة جواكي.. مع إن كنت متأكد إنها موجودة وماراحتـ**ـش زي ما كنتي بتقولي. ميرا : أنا زعلانة أوي على هدير.. أنا أذيتها يا رعد ومش فاهمة ليه عملت كده. رعد : عشان مكنتيش فاكراه. ميرا : صوت دقات البيبي اللي جواها كان بيخليني أحس إني.. (اتنهدت وسكتت.) مش عارفة يا رعد بس حاسة إني وحشة أوي.

رعد : أنتِ عمرك ما كنتي وحشة يا ميرا.. من أيام داغر قبل ما يتجوز هدير ماترددتيش لحظة في إنك تساعديه وتقفي جنبه ضد حسام لما طلب منك المساعدة.. ومكنتيش وحشة مع يزن لما وقفتي جنبه في محنته. (ابتسمت ابتسامة مكسورة.) رعد : خسرك.. (شاورلها براسه من فوق لتحت.) رعد : صدقيني هو الخسران يا ميرا. ميرا : خسر إيه يا رعد؟ ما افتكرش إنه خسر.

رعد : خسر ضحكة زي القمر.. خسر طيبة قلب مش عند حد.. خسر حب لو لف العالم كله مش هيلاقيه.. اللي زيك يا ميرا لما بيحب.. بيحب من قلبه بجد. (ميرا بصتله وهي مبتسمة حاجة بسيطة وبصتله في عينيه.) ميرا : زيك كده.. حبك باين في عينيك. رعد : يااااه.. أخيرا فهمتي وعرفتي وشوفتي الحب اللي كان باين في عينيا من أول مرة شوفتك فيها. (هزت راسها شمال ويمين بالنفي.)

ميرا : تؤ.. تؤ.. حسيتـ**ـه.. الحب بيتحس ما بيتشفش.. وأنا في كل خطوة منك بحس إنك بتحبني.