رواية الهويداء بقلم مريم نعيم | كاملة

"بس هو أكبر.." قاطعتها بسرعة: "لو سمحتي يا ماما متقوليش كده، أنا بحبه وهو بيحبني، وهو اللي هيشيلني من الأرض شيلة." "يا حبيبتي أنا خايفة عليكِ، مش ده أنتِ لسه صغيرة." كانت بتتكلم وهي بتمسك إيدي بخوف حقيقي. أخدت نفس واتكلمت بحب وبطمنها: "متخافيش والله، هو شخص كويس جداً، وهتحبيه كمان لما تشوفيه." "معرفش أبوكِ نظامه إيه." حطيت شعري ورا ودني وأنا بمسك دراعها بتوتر: "أبوس إيدك خلي بابا يقتنع، إنتِ عارفة إنه مش هيوافق عشان أنا اللي جايبة العريس، قولي أي حاجة وطلّعيني بره الموضوع." "يعني عارفة إنك غلطانة لما حبيتي واحد أكبر منك بخمسة عشر سنة." "لا مش غلطانة، وبعدين سواء أكبر مني بخمسة عشر… بعشرين… يا ستي حتى لو خمس سنين، لو بابا عرف إني أنا اللي جايباه هيرفض، وإنتِ عارفة دماغه." "ماشي، وأمري لله." قمت بوستها وحضنتها بفرحة كبيرة. "ابعدي عني، فطستيني." كنت مبسوطة… بل طايرة من الفرحة. طلعت من الأوضة وقفلت وراها الباب، وأنا مسكت...