رواية الكارثة الفصل الثاني 2 - بقلم ميرا ابو الخير

وقفت تبكي ومنهارة. الضابط: زوجك لسه عايش، بس عاوز يحبسك. منه بصدمة: يحبسني؟ دا أنا اللي المفروض أحبسه. دخلت عليه لاقيتُه مرمي في حضن بنت خالته المتزوجة يوم جوازنا. إزاي القانون يقف مع الراجل أوي كده؟ الضابط بهدوء: هو الراجل حر يخون، يتجوز عليكي، هو حر. اخلعيه واخلصي. منه بجمود: صح، عشان الراجل يحق له كل حاجة. وإحنا لو أنا مكانه كنت اتقتلت ولا حد كان هيسأل فيا. صح؟ عندك حق يا بيه. شوف هتعمل إيه.

الضابط بهدوء: طب بصي، أنا ممكن أساعدك. منه بجمود: إزاي؟ الضابط: ترجعي لجوزك كأنه مافيش حاجة حصلت نهائي بينكم، وهو يتنازل. واعتبري اللي حصل مجرد نزوة. منه بهدوء: هو اللي طلب كده منك؟ ودفع لك كام بقى؟ الضابط بغضب: اخرسي! الظاهر الذوق مش بينفع معاكي. منه بجمود سكتت شوية وقالت: تمام، أنا موافقة. بعد شوية. عند عاصم، كان قاعد على سرير المستشفى ببرود. لاقي منه والضابط داخلين. عاصم ببرود: منورة، يا اللي كنتي هتقتُليني.

منه لم ترد. عاصم بص للضابط: شكراً أوي يا أسامة، اتفضل أنت. هز رأسه ومشى. عاصم ببرود: تعالي، قربي. منه بهدوء: ليه؟ مش عاوز تطلقني ولا تحبسني؟ عاصم بهدوء: عشان انتي ملكي، وأنا بحبك. منه بسخرية: واضح. بيقطع كلامهم صوت دخول أمه وكريمة وعيد وأخوه. أمه بخضة: مالك يا بني؟ فيه إيه؟ عاصم بهدوء: مفيش يا ماما، ناس ولاد حرام طلعوا عليا وسرقوني. عيد بابتسامة: سلامتك يا بطل. بص عيد على منه،

اللي باين على وشها الزعل: منوش، عاملة إيه؟ أوعى جوزك ينسيكي إني بحبك. منه بحزن، ساكتة. عيد بابتسامة: الهدية وصلت ولا لسه؟ عيد بهدوء: هي تقولك بقى. كريمة وقفت جنب عاصم: سلامتك يا عاصم، ألف سلامة. عاصم بجمود: تمام. منه بغيرة وغضب: ما كفاية بقى! إيه! في إيه؟ انتي مبتشبعيش؟ عيد باستغراب: مالك يا منه؟ إيه الأسلوب ده؟ منه بغضب: مراتك المصونة كانت مع… عاصم مقاطعاً: خلاص، خلصنا.

الكل مستغرب. منه خرجت برا الأوضة بغضب وقعدت بهدوء. كريمة بخبث: كنتي هتقولي إيه بقى؟ منه بغضب: جاية ورايا ليه! مش كفاية إنك ست بتخون جوزها مع واحد متجوز، وكمان عاوزة تتجوزيه لما تتطلقي؟ كريمة ببرود: بيحبني، عادي. حلاله. مين دا اللي بتخون جوزها وحلاله إيه؟ بيبصوا للصوت، ومنه بتقول…